Transcript
Toggle Index/Transcript View Switch.
Index

Search this Index
X
00:00:43 - الخلفية العائلية وطفولتها في السالمية

Play segment

Partial Transcript: أوكي، اسمي ليلى أحمد غلوم أكبر عبدالله، ومن مواليد أثنينة وعشرين نوفمبر شهر حدعش ألف وتسعمية وخمسة وخمسين، وُلدت فيي شرق، بس ما عشتها لأن بعدين كانت الكويت تتحدث وتصير ح- حديثة وتكبر وتتسع، ف اا انتقلنا لمناطق أخرى، يعني الحكومة عطتنا بيت أول شي بالسالمية ورحت روضة الجامعة الأمريكية اللي مكانكم الحين الجامعة الأمريكية كان اسمها روضة السالمية، وفيما بعد اا الكويتيين كلهم يعتقدون إن انت طالما اا ب- بعيد وايد عن السور فهاي وايد بعيدة فاعتبروا السالمية وايد بعيدة، ف، طلب أبوي استبدال البيت ف أعطوه بالشعب البحري- بالشعب، اا المنطقة الشعب- أحنا الحين الشعب البحري هني المنطقة التجارية شقق وعمارات، بس هناك السكنية اا الكويتية، ف اا فيما بعد كانت اا مدارسي كلها فيي مناطق حديثة يعني نسبيا نقدر نعتبرها، بس هو شوي في الفترة الأولى اللي يمكن كنت فيها عدة شهور في روضة اسمها الجابرية كانت في المقوع، و اا، فكنت أهلي يودوني عند بيت عمتي ساكنة بالم- مَقْوَد- مقوع مقوع [تضحك] فهناك كنا كنت أنام بالليل ويودوني الروضة، فترة قصيرة يعني حتى طلع لنا البيت السالمية، فكنت اا اا لحد الآن معالم الروضة ما ما أنساها انت في مثل ما تشوف الحين المدارس البريطانية مالت الحضانة ومالت الرياض، لحد الآن فييي اا اا، اا حمام أو حوض كبير اا عليه جسر فنعدي فيه للضفة الثانية، وفي كمية أشجار- وهاي تشوفها منعكس على حياتي، بيتي جنك انت بغابة، بس ناقصني شاذيين، ف-

[المحميد يضحك]-

ف [تضحك] ف فكمية أشجار الأخضر موجود وايد والزهور ال ذي- بس ما قعدنا وايد فبالتالي ما عندي ذاكرة قوية عن روضة الجابرية بس روضة السالمية إي عندي ذاكرة حلوة عنها.

اا طيب قلتي لي إن انتي وُلدتي في منطقة شرق.

نعم.

اا وُلدتي في بيتكم؟

إي.

إي إي-

ولادة منزلية وداية ول- ولدتني، ووو ك- فيما بعد بعدين بعد أخوي يمكنن اا صار في يروحون المستشفيات وهذيل بس أحنا كلنا ولادات منزلية عندي اختين أكبر مني، وولدين أصغر مني، ف اا آنا الوسطية، فولادة منزلية نعم.

اا تقريبا شكثر كانت المدة اللي قعدتوا فيها في منطقة شرق، قبل لا تنتقلون؟

أعتقد أهوا تدري الهجرات اللي بدت في بدايات القرن من ااا، ألف وثمنمي- اا ويعني ألف وثمنمية وثمانية وتسعين، لما يدي اا ترك إيران، اا إهيا ترك اا منطقة اسمها تراكمة هي إحدى ضواحي شيراز، ف قرية يعني، فكانت الأوضاع الاقتصادية شديدة السوء وما في هذي فشال أمه وو وجابها ل الكويت على مركب وعمته، عمته توفى لها عدد كبير من الأطفال و أمه كانت حامل بجدي الثاني اللي اهوا أبو أمي، ف ولدت بالمركب تقريبا وهمّا قراب على الكويت، فمن يوا استوطنوا شرق- ما كان في غير شرق يعني، وإيجار طبعا نظام الإيجار حتى الحكومة عطتنا بيت، ما كان في إمكانية لأن هو يدي أصلا أول ما يى اشتغل مع اا امم مجموعة الجاليات الإيرانية يحتضنون الجديد اللي موجود، ويمكن الحين هذي تشوفها عند المصريين تشوفها عند الهنود، فاللي ياي حتى يشتد وهو ي احدعشر سنة عمره حتى يشتد ويقوى عوده ويشتغل يبدا يسدد ما عليه من ديون وقد يطلع ببيت م اا مستقل إذا كانت عنده عائلة إذا ما عنده عائلة لأ، فيدي اا اشتغل في هذه السن شنو الشغل اللي ممكن يكون متوفر كان حمالي أو صبي في اا في بداياته، مع ال مراكب تدري اللي تيي من البصرة ومن هذيل ف يشيلون الحمولات وهذيل، هذا على ما أذكر مثل ما هو يعني اا قال لي ها قعدوا في شرق حتى الحكومة عطتهم طبعا تجنيس ووو وعطتهم بيوت في السالمية بيوت حكومة بالسالمية وفيما بعد انتقلوا إلى منطقة الشعب.

فإنتي شخصيا ما عندج ذاكرة بخصوص اا يعني اا-

شرق-

حياتج في منطقة شرق.

لأ يمكن بعض لما ك- بعض الأشياء اا يعني سنتين ثلاث سنين يمكن بعض الأشياء اللي أتذكرها أوو ويمكن ساعدتني أمي الله يرحمها في إني آنا أتذكرها إن احنا كنا في بيت كبير وكانت اا يدتي إهيا اا مطوعة، اتدرس البنات، فكنت اااا أحبي آنا في هالفترة هذي دبدوبة فالبنات يتسلون فيني كانوا، وو وطفلة جميلة ولا تشتكي ولا تنتخي ولا تقول أمي تقول نحطج يعني ثمن ساعات الياهل يقعد في الكاروكة، ها؟ طبعا أكو مسرب للمَيْ إذا صار فيه شي يعطونه حليب ونايم شلون عامود فقري يظل ثمن ساعات تتصور بيبي؟ ولسه قع ينمي يقعد ممكن ست ساعات لأن هم مشغولين في البيت، مشغولين في خدمة العائلة الممتدة الكبيرة، ف اا أذكر يمكن ال اا مرح البنات في اا الهذي، وصوت يدتي وهي تتخانق معاهم عشان يتركوني وتطلب أمي ياخذون- تاخذني على أساس إن همّا يرجعون للدرس يعني ي ااا يدرسون القرآن، هذي أذكرها ويمكن ملمح آخر مرة شايلني زوج خالتي يمكن هاي بحدود اا سنتين في تابوت طلع من بيت خالي، في بيوت شرق بعد، ف طلع التابوت ووو وما تفهم انت ليش الن- يعني أكيد مو سن إدراك وايد ناس لاحقينه من الرياييل والحريم ورا، هاذيل المشهدين اللي آنا أتذكرهم تقريبا في شرق، وكنت آكل تراب وايد، من جذي منتمية لتراب الكويت يعني [تضحك] م ب اا جزء من تكويني تراب بلدي- إي منت الحوش ترابي ما بقول لك رخام ولا [تضحك] ولا بلاط ولا كاشي حتى، لا كان تراب ف اا أكلت تراب وايد وو اا وهكذا يعني كما كانت تقتضي الحياة.

تقصدين فعلا يعني كنتي تاكلين تراب؟

إي بيبي يعني تحبي زين؟ تمشي شوية ممكننن شي يحكها عند ريلها مثلا وهي تحبي ممكن ي- خو ماكو بعد هاي الطويل انت قعد تلبس شي اا قصير، ف وتقعد تاخذ تاكل اللي حواليها، عرفت؟ ك- يكون يعني يمكن صبورة وايد أو ما أشتكي أو أ- أو ما عندي إدراك إن أمي مشغولة وايد بس إن يعني هاي الاتصال اللي انت تسويها فيه، ف إيه كنت آكل تراب- بعدين عرفت إن أكو شي اسمه طين خاوة ياكلونه بعض الن- الحريم ال الحمّل وأعتقد هذا ناتج إن أهما محتاجين لكالسيوم، طين الخاوة فيه وايد فكانوا يلحسون الحريم حرام لندرة وجود الكال- يلحسون الطوفة الطين مثلا هي كما سمعت يعني، و ااا أو ياكلونه يعني قطع جذي، ف توازن الأمور- يعني نص نص تركيبتنا أحنا تراب [تضحك].

اا هل هذا ش- كان شي متعارف عليه الحريم الحمّل ياكلون تراب-

إي، طين خاوة-

أو طين- إي إي، أيام أول وقتها يعني.

إي يعني أسمع ال بعدين يعني لما آنا بعد صرت مثلك انت اشتغلت بالصحافة بعدين أمي وأبوي ما خليتهمم يعنيي ينتقلون لبيتهم الأخير بدون ما أعمل قصص يعني وحتى جدي عندي فضول في معرفة اا تاريخ العائلة الشخصي يعني أصلا، حتى أسباب الهجرة من إيران مثلا في انت انت تيي من بلد حضاري عميق وكبير ويفترض أن تكون مستتبة فيه الأمور الاقتصادية كان آخر أيام القاجار وثورة اا رضا بهلوي على العسكري هذا على اا بي- ففي فوضى وفي في جوع وفي فقر فالأسباب اللي دعتهم لأن يص- في عصابات يعني، في ال اا يتقاتلون على رزق قليل مو موجود وهذا أعتقد حياة، ف اا ي اا فهذه ال الأسباب اللي ممكن تخليك انت تدور على تاريك الشخص- تاريخك الشخصي عشان تعرف شنو المبررات والأسباب.

فهل هذي كانت إهيا كل المبررات إن مبررات تتعلق بالمعيشة للهجرة يعني من إيران-؟

إي إي حالة اقتصادية صعبة جدا صار في أولا في اا وايد اا شبه حروب أهلية ما بين جماعة الشاه اليدد العسكريين الشباب وما بين القاجار اللي هو آخر حكم إيراني كان، و وأصلا الشيراز نفسها مو بلدنا يعني شيراز نفسها كانت إهي العاصمة مو طهران، فكل القلاقل اا فيها، ف كان في استبداد من الناخوند اللي اهما اللي من الشرطة العسكرية الموالين ل رجال الدين أيامها، ففي قصص وايد مثل هذي آنا أعرف أتذكر شي إن شنو أسباب هذي سألتها يدي قبل اا ما لا يتوفى من زمان بالثمانينات إن أبوك شنو كان يشتغل بحيث إن م ذي، قال لي أهوا يعني- أو شنو أسباب وفاته أو شنو اللي خلاك انت تدفع تندفع تطلع جذي؟ جان يقول أبوي في البداية كان عامل باليومية في مزارع العنب مثلا، اللي بعدين يسوون منه نبيذ شيراز انزين؟ مو مع هذيلي اللي موجودين لا تروح تشوف نبيذ شيراز في أمريكا قاعد قعود جدامك مثلا إي، أهو بالاسم الحين مو نبي- مو العنب مو شيرازي يعني، بس اهوا تاريخ عمر الخيام مثلا تاريخ اا ال ااا حافظ الشيرازي وسعدي الشيرازي و اا سيبو- وكل هذيل الكبار كان يعني ع عايشين على نبيذ إيران- فكان يشتغل باليومية إلى أن شح المطر أو موارد الماء أو أي شي جذي وأستغرب إن في بلد مو ماي مادين فيها قنوات مائية بالرغم من الخيارات الطبيعية اللي موجودة هناك من ثلوج على الجبال ت- تذوب وتنزل في، المهم إن أهوا بدا يبي يدور علىىى في قبل اا نوروز عيد نوروز اللي هو ي- يصادف واحد وعشرين مارس بالميلادي وهي رأس السنة الإيرانية، هذا السنة إلى رأس السنة الإيرانية الروزنامة حطها اا العالم عالم الجبر والرياضيات الشاعر الكبير عمر الخيام، أوكي؟ فيى أهوا باللل، واعتُمدت يعني لأن اعتمدت على السنة الشمسية وليست القمرية- السنة الشمسية معت- الهجري معتمد عالقمر، الفارسي معتمد على الشمس لأنه مرتبط بالأرض والطبيعة وال والزراعة والخصوبة وكل ال- وهو أعتقد ولا مو أعتقد يعني له جذور زردشتية، فجدي في يوم من الأيام بيروحون يصيدون- طبعا أكووو صيد مثل ما، فبيروح يصيد ااا غزال عساس إن اهما يشوونه يسوونه حق عيد نوروز، و اا رواية أهلي تقول بعد رواية جدي إنو في أثناء استراحته تحت هذي وحاط اللل ال أم صجمة ولا ما- مادري شنو إهيا يعني نوع السلاح إن حتى جدي ما كان يعرف، فحط حطه تحت الفوهة تحت اا هذي، ويبدو لأن إصبعه على الزناد استعدادا لأن إذا سمع صوت يصيد غزال يصيد مادري شنو فمن ثقل النومة أطلق على نفسه هال جذي- بس آنا أشك، أشك في إن لأن كان ااا لا بد إن أحد كان اام يعني اا معنيين بقتله لأن كنوا وايد في حرامية، ف يب- مم مضطرين إن اهما يسرقون بعضهم البعض- كما يفعل يعني قبايل البدو كانت ما يصير في غزوات؟ فهذي كانت أيضا اا تصير جذي وأعتقد إن اهوا قُتل، هذا الأمر اللي خد- خلى جدي احدعشر سنة كان بالإمكان إن اهوا مثلا يشتغل فيي مغازل محل في شي بس اهوا أعتقد إن في ثورات في ث ث ثأر متوارث فبالتالي ما يبي يدخل هو في جو الثأر في هال هذي- ب آنا آنا تحليلي طبعا هاي مو مو اهوا اللي قال لي هالكلام، ف ااا وقبل ما كان فيها أوراق ووثائق حتى تنتقل إلى أي مكان تبي، في ناس راحت اا البحرين في ناس راحت الإمارا- هاي كله قبل النفط انا أكلمك ها؟ في بدايات القرن اا ف اللي راح ال اا قطر ويعني استوطنوا دول الخليج، فهذيل راحوا أبعد نقطة ممكنة، وقيل أيضا في شجرة العائلة لما دورت فيها إن إحنا أصولنا عربية، طب شمودينا ليش ما قعدنا مثلا في عرب الساحل الأهواز وهذيل خوزستان اللي اسمها خوزستان، ما هاي أقرب إذا انت تبي تنتقل يقول لك أيام اا الثقفي ااا فكان يقول هناك رؤوس أينعت حان قطافها وكانوا سنة يُقال كما يُقال، وفيما بعد اا أهما أرادوا أننن يعني أو كانوا شيعة شي جذي يعني م م مش مش مفهومة فيها لبس المعلومة فانتقلوا إلى إيران وإيران في الجنوب هناك في قرية تبع الشيراز بعيدة وايد عشان ال اا مثلا البغال وهذيل تشيلهم، من جذي يعني في شك بيهم لأن أكو يد يد يد يدي يعني موجودين هناك اا شيابه من من إيران؟ و ي يُقال إن اهما استوطنوا في هذي بُعدا عن اا إن اهما ما يتركون مذهبهم، يعني الموضوع اا زاخر كما كل عند اا الل، أو وايد من ال إيرانيين العقيدة أقوى من الوطن كما نرى الحين يعني تلقى انت الدين أعلى من انتماءك لوطن لمذهبك مثلا أقوى عرفت؟ ف اا فراحوا هناك- لحد الآن هذي فيها لبس لأن ك- مصدري كان يدي وأمي وأبوي وهذيل تقريبا يعني كانوا مولودين بالكويت، يعني أمي وأبوي مولودين بالكويت فعاصروا اهما اا الحالة الاقتصادية الصعبة في الكويت وو كيف تكيفوا مع ثقافة عربية، مغايرة للي أهما موجودين فيها هما ما يعرفون يعني عربي- حتى وإن كانوا يقرؤوا في كتاتيبنا القرآن أو هذيل لكنه أهوا مسمعي يعني انت حافظ بس مش فاهم، يعني ما تدخل انت ف- إي لدرجة اللغة ماهي بس تسمعها ماهي موسيقى بس ماهي كلمات مفردات، هي في معنى ورا كل شي عرفت؟ فاهما ما يعرفون المعنى، ولأن أيضا الثقافة الفارسية واللغة الفارسية أحادية إن فيها ذ اا ما فيها ذكر وأنثى مثل العربي فالعربي صعب عليهم، شلون بيتعلمونه؟ القرآن أوكي يعني ماشي الحال تحفظه مثل ما أهوا، وتقط فيه بدليات بعد لأنك في كثير من الحروف الغير ناطقة ب اا بالفارسية، مثلا "ط" ماكو مثلا، اا الضاد ماكو مثلا، في كثر- كثير في سبع حروف تقريبا ثمانية لا تُنطق فتتحول الطاء إلى "ت" مثلا، عرفت؟ وهكذا يعني على عدة حروف أخرى، عين مثلا ماكو عين، آء تصير، هاي بعضٍ مما أعرف.

اا آنا س- سؤال بخصوص اا انتي قلتي لي إن أبو يدج الله يرحمه اا في قصة معينة قالوا لج إياها إن كان مريح ال اا اا أم صجمة أو شي جذي تحت رقبته وأطلق على نفسه، بس انتي تحليلج الشخصي إن اا يعني كان في ثأر، اا ليش باعتقادج يعني اا أهلج كانوا يقولون لكم مثلا هذي لقصة بدال ما يقولون لكم مثلا إذا كان في ثأر أو شي؟

لازم يجذبون، ولازم- قد لا تكون حديق- حقيقة مدركة- انت ت- شلون عرفتها؟ يعني أرجو إنك انت تقابلها أيضا بعد، جعفر رجب، حاول إنو اهوا يكتب سيرة حياته، من انتقالهم من إيران أيضا- س- رسام الكاريكاتير والقاص وكاتب رواية زنديق بغداد من أروع الروايات الموجودة، عن الراوندي، اا ف اا فراح يبحث عن قصة حياة العائلة، فلقى كلهم لصوص، وفي ظلمٍ مدقع وهاي السبب اللي خلى- أعتقد أهو كاتب قصة يدته، إهي اللي قررت تاخذ أولادها وتيي على اا أحدهم راح الإمارات إهيا يت الكويت عشان تفلت منه فيقول لي كثير كان في اا ل لصوص كان في الحياة غير آمنة وو وو ومصادر العيش ضئيلة جدا، فيصير في قتل لازم تغزو انت عشان تقدر تاكل مثلاا تاخذ غنائم تاخذ أشياء فبالتالي يبون يغزونك أو يقتلونك يعني حسب اا مكونات قبلية انت كما تعرف يعني، فهاي- فجعفر أكد لي هلموضوع هذا عرفت؟ فيما يعني إن اا ال العيال مثل ل- يعني عيالهم قد لا يكونون عرفوا الحقيقة من جذي أقول لك ها قراءة خاصة لي إن إن أعتقد لأن جدي ما قال هالكلام، يعني عمره احدعشر سنة قالوا له أبوك- كيف؟ راحوا شافوا الذيابة ماكلته أصلا بالصحرا عرفوه من خاتم عقيق لابسه، عرفت؟ ف اا فشالأسباب شالدوافع؟ ولد عمره حدعشر سنة يعني ما عنده اا اا ماكو سند يعني ماكو أحد موجود، فأكيد اا- أميل إلى الاعتقاد بس ما يعني، مش متحقق بس والله ككاركتر روائي يعني لطيف، إذا إذا عرفت الظروف الاقتصادية اللي مرتبطة بحياة الناس و، وهاي.

اا هل باعتقادج أهوا يعني كان نوع من بدء صفحة يديدة ولا نوع من التعامل مثلا مع صدمات أهما عايشوها في إيران قبل الهجرة إلى الكويت؟

صفحة يديدة بالنسبة لأب- يدي يعني-

إي إي إي.

اللي اهوا غلوم، آنا أعتقد إي يعني إن اهوا اام، في القرية اللي هما فيها في أها، أعوام أو أع- أعمام I mean في عايلات لكنهم متفرقين كلهم مشغولين بحياتهم، عرفت؟ محد يقدر يساعد أحد، لما تكون انت يعني، البيت أحوج من أي أحد ثاني تسوي فيه فموارد الدخل مش موجودة احدعشر سنة عمره، عندنا أقارب من قبل جايين الكويت، ف اا بال مم نقل الشفاهي عن طريق أحد رايح عن طريق المركب قال له خل إيي، أقارب يعني م من بعيد ش- يعرفونا، قال خل إيي يجيب أمه ويجي، انزين؟ فهو خذى أيضا عمتُه، اللي مات لها احدعشر ولد بسبب الأمراض وال أشيا هذي، ووو ويت معهم بال.

اا طيب قلتي لي إن في بيتكم في شرق كنتوا ساكنين العائلة الممتدة.

نعم.

اام ممكن تذكرين لي منو اللي كان عايش معاكم في البيت-؟

أوكي، كان في يدي ويدتي، وكان في خمس عمات، و عم، وأبوي، البنات طبعا مو متزوجين في ذيك الفترة وو وعمي هم أيضا ما كان متزوج- أبوي متزوج مرته وو بنتين لي ثلاث بنات وولد، عندنا بعدين ولد يى بعدين يى بالشعب، هذا تحديث [تضحك] الحين هذا سوينا ال سوفتوير ماله فطلع لنا مواليد سبعة وستين، فهاي العايلة الكبيرة اللي كانت ممتدة في م، وأمي بنت عم أبوي، ف اا، ما تزوجوا بوفاق- بفرض العائلة، فظلوا اا يمكن لي آخر حياتهم يعني أهما م اا انفصلوا طبعا بعدين هو تزوج كثير ب- آخر حياتهم اام يعني مو العلاقة مو طيبة- من أطرف ما يكون قبل وفاتهم وانا أستوجبهم- سوي شوية كوميديا ها؟ في الواقع، أمي قبل وفاتها طبعا وانااا الكبار بالسن كثر ما تقدر اا ذكرها بالماضي- ماضيها الشخصي، بالرغم إن آنا وهي كانت اا طفولتنا تقول لنا قصص، تقول لناا- وكله بالفارسي طبعا ها؟ هاي بعدين أقول لك على معوقات اللغة العربية، فكانت اااا، تتكلم وو وحنينة عليها وانا أكثر وحدة أشبهها من من خواتي، فلما أتكلم عليه تقول لي ماما بليز يعنيي صومي صلي التزمي تحجبي، أقول لها يما آنا زينة جذي تقول إي زينة انتي عندج أخلاق المسلم يعني كأن الحين انا كافرة بنظرها، هذا بعد التحفظ الديني اللي يى بعد موجة الخميني، هني خميني وهني جهيمان، فارتفع ال الهلالين، الشيعي والسني، فأقول لها يما انا زينة يعني مو انتي مو راضية عني؟ امبلا راضية عنج اا ذي، بس يعني شغلج بالصحافة مثلا شغلج ب الأماكن هذي قلت أولا يما عقب ثلاثين خمسة وثلاثين سة ليلحين مو راضية؟ تقول امبلا يعني زين جذي وو وو آنا أبيج تصيرين مؤمنة، على أساس إني نا الحين كافرة، قلت لها يا ماما انتي كويتية؟ سويلي فيزا من تروحين الجنة طول حياتج انتي تصلين ما تصلين [تضحك] مايشنو، وأكيد كويتية بيكون عندج امتيازات [تضحك] فروحي وسويلي دعوة وانا أييلج بال-

[المحميد يضحك]-

موضوع، فتضحك، تقول لي الله يقطع إبليسج، ال الويه ويهي، سمح وناعم وشحلوه، بس المخ خ- مخ أبوج الله يقطع إبليسج.

[المحميد يضحك].

تروح انت بعد يومين تزور الوالد، وفي ظل هال، عنده حالة فنية أبوي، يكتب شعر وو يحب الصيدلة يعني open mind وداعمي، فتقول له فتتكلم معاه في عوض دوخي، اتسمعه عبدالله فضالة وو يحب فن الصوت العربي، وتسمعه اليدد مثلا اللي ي اللي يعزفون حق اا ن- نفس الأغنية اللي تم تحديثها- لا يبا لا شنو وين ذاك، يبا بالبشتختة والمادري شنو المهم إن احنا نتكلم أيضا في الشعر، شعر ركيك لكن أطوف له حلو اللي انت تكتبه، وف اا فنقعد نتكلم في أمور حياته الشخصية يمكن آخر سنة سنتين نسى إن آنا بنته، فآنا يتعامل معاي as وحدة جذي يبوح لها، فقال لي أشياء خاصة شخصية محد حظى بها من حسن حظي يعني عرفت؟ أصلا أنا كنت موضع ثقته من من من صغري مم لا أميل لعالم النسونجية أصلا صبيك آنا طول الوقت اا حسن الصبي طول الوقت بالقواري بالشارع بال، وكانت الحياة جذي يعني كلنا بنات الجيران ما، نلعب مع صبيان عادي، فنقعد لما يرتاح ويتكلم ونضحك وكوميديان أهوا، يقول لي أفّيهات نتبادل، يقول الله يقطع إبليسج والله ت يا حلو مخج بس لو مو ويهج [تضحك].

[المحميد يضحك].

تشبهين أمج، انزين؟ [تضحك] هاي من الطرايف اللي اللي كانت لكن كانت في يعني عائلة زحمة في شرق، عرفت؟ و أمي بحكم إنها يتيمة أمها توفت وهي والدتها يعني بالأربعين، فبالتالي ربت عند اااا يدتها، اا أم أمها، فأم أمها عندهاا تعتقد إن إهيا أمها، لي سن- لسن سبع سنين، حتى وهي في يوم من الأيام بالمطوعة وحدة من البنات طبعا لازم اا التنمر لا تقول كلمة تنمر يديدة بس إهي [تضحك] أهوا الفعل قديم، فقال لها فقالت لها هذي اللي انتيي عايشة وياها مو أمج هاي يدتج أمج ماتت، فكانت صدمة بالنسبالها لي سبعة بالل هذي فطلبت أن تنتقل إلى عند أبوها اللي كان متزوج وعنده بنت، أوكي؟ فتعرف إن اهيا ما عندهااا أحد يصير اليتيمم في البداية ااا ممكن دعم يدتها يخليها قوية، وو بس بعدين لما تقعد وسط الحمولة تتزوج بعمر سطعش سبعطعشر سنة عدد كبير يصير التنمر تضعف لأنها وحدية مقابلهم، وهذا اللي خلى يعني اا شكل أمي وهي دامعة العينين دائما لا تشتكي بس تبكي و اا الضغوطات اللي تعاني منها ياما وانا صغيرة يعني اا شفهمني أقول لها صلي عالنبي ولا آنا ال- آنا اللي [تضحك] آنا اللي أصير أختنا المؤمنة يعني وفي الله موجود وأشياء مثل هاي، فكانت اا نن يعني تبجي و ونادرا يمكن بالمتوسطة بعدين بالشعب أذكر ااا، أقول كفرت يعني تقريبا- بس بعدين ارتدت [تضحك] ارتدت وبعدين ق- بعدين آمنت، اا فكانن فضعيفة وضغط العمل كله على الحمولة على الجنة يكون هاي قوي، فهي عليها إن اهيا تطبخ عليها إن اهيا تغسل عليها إن هي تسوي جذي- أوكي بنا- ال عماتي ي يشاركون اا في الب- في في البيت بالليي تاخذ بعدين مو عندها عيال وتودي لازم البحر تغسل الهدوم وتيي- يعني كانت ضغوطاتها هذي ضعف أمي هذا كله في مواجهة إن كان ظلم أو كانن قسوة حياة و وعدم تدبيرها وتجاهل أبي يعني أبوي لها فكنت ااا آنا أعتقد يعني بمخي الحديث إن اهيا كان لازم تنفصل عندها أب موجود تروح، بس اهيا كانت خايفة من يحرمونها من بناتها الكبار حتى ي- قبل ولادتي آنا، ف كانت تتحمل، ضعف هذه الأم قواني جدا، جدا يعني خلاني وايد أحب نفسي وايد اا أعرف اا بقدر الإمكان أكتشف يعني إن آا شنو أبي وشنو اللي يلائمني شنو اللي يحفظ كرامتي وفيما بعد أولادي فيخليني آنا قادرة على الاعتماد على نفسي أولا بالاستقلال الاقتصادي اللي صار في حياتي يعني من خلال الشغل، الحين حتى بعدين زوج انت ما تعتمد عليه، يعني أوكي ما مقصر وزين وبن حلال وهذيل بس لازم تكون مستقل عشان يكون لك انت قرارك المستقل، أيوه.

إي، اا طيب انتي ذكرتي لي إن صار في اا صعوبة في مثلا اا التكيف مع اللغة العربية، اا وخصوصا إن في بيتكم يعني كانوا يتكلمون اللغة الفارسية وحتى انتي كنتي، فممكن تقولين لنا مثلا تجربتج اا شلون كنتوا تتكل- تتكلمين الفارسية في البيت وشلون كنتي تتكلمين مع الناس برا البيت؟

00:30:17 - التعليم الابتدائي واللغات

Play segment

Partial Transcript: واللهِ ماكو شوف، أعطيك إياها الحين يدتي اا الملاية زينب الصراف- زينب عبدالحسين الصراف كان عندها حسينية، الحين انسى ال اا مواسم المطوعة وتدرس وهذيل عندها حسينية، فالحسينية إهيا أع- طبعا آنا قاعد أقول لك الحين قراءة حديثة لشي قديم، تجمع فيها كل اللي من أصول إيرانية مثلنا، شيعة طبعا أوكي؟ مو حساوية مو بحارنة لأ الإيرانيين لأن اللغة مح- وحدة، فنعرف بعضنا البعض نعرف نتكلم مع بعض عاداتنا وحدة وتقاليدنا وحدة، فبالتالي- وتقرا إيراني يدتي طبعا، ف بالتالي يصير في هناك توافقات وزواج وهاي تزوج بنت هذي حق هذي مايشنو- حالة اجتماعية أيضا يعني تجمع اجتماعي تقدر تعتبره- ديني طبعا تحت غطاء الدين، إحنا ما طلعنا يعني انعرف عربي كان في كثير في تحفظ انت ياي ااا ي يدتي ربت في بيت أيضا بيت الصراف عيم، فبالتالي انت في بيتك تتكلم إيراني، اا أبوي يى من إيران ما يعرف اا زوجته اللي اهيا بنت الصراف أيضا تتكلم إيراني فيصير اللي بالبيت لغة الخطاب وتداول الحياة وهاي كله إيراني، ما في احتكاك بالجيران، يعني آنا أقول لك من ساعة إن يعني ال الوضعية أو الثراء اللي خ- قد يكون خلق في شخصيتي أن تنتقل من ثقافة فارسية قُح، إلى ثقافة عربية بكل مؤثراتها بكل عمقها، في اختلافات لأن هناك قوميات وأدياان وتعددية و إشارات لزارادشت و لا زالت تُمارس عيد نوروز عيد زردشتي أوكي؟ فبالتالي انت اا إتيي إلى مجتمع آخر وو يشبه فقرك في إيران بس انت ما تقدر- ماكو لغة تقدر تتكلم فيها مع الناس، فيعني آنا أذكر من حياتي بال ب بالر- بالروضة يمكن آنا أتذكر أشوف عرب ما أفهم لهم شيقولون، [incomp] من حياتي ما أشوف آنا جارة عربية كانت اتزورنا أو نروح لها- فيما بعد بالشعب شوية مع بدليات أمي، يعني تعطي بدليات على كيف كيفك يعني لحد ما تتوفى يعني ألفين وعشرة وإهيا اا تناديني آنا تآل آنا ذكر وأخوي مثلا تناديه تآلي عرفت؟ ف لأن قلت لك الفارسية ما فيها مذكر ومؤنث، فظ- كانت الصعوبة في اللغة العربية جدا يعني صعبة ع- لأن لغة فعلا صعبة، إثنية ها؟ ثرية، منو حاط قواعدها؟ سيبويه الإيراني، رحت له قبره ذاك اليوم [تضحك] قلت الله يهديك جذي تسوي فينا؟ فبالتالي إحنا ما تتعلم انت العربية- آنا ما درست كتاتيب يعني خواتي الكبار درسوا في كتاتيب لا آنا كنت ماخذة المدرسة النظامية الكويت بدت تنفتح ب بدايات الخمسينيات ومنتصف الخمسينيات لما آنا انولدت كان شكل التنظيم المدرسي بدا يصير في شكل، بدا يصير في مدرسة بدا في أطفال يروحون، ففي رياض أطفال في بعدين ابتدائي في بعدين متوسط غير مرحلة ما قبلنا اللي كانوا اا صعب يعني البنات يدرسون لمرحلة معينة وبعدين اا الشاطر فيهم ينقلونه حق- يعني غير أحنا مدارس صارت متوفرة في مناطقنا بعد، الباص يودينا وإييبنا فسهلة يعني الحياة، اللغة العربية كانت إن مم، من أقول لك أول اا الحادثة- طبعا آنا في روضة السالمية ميح عربي ماكو، بس حبيت الموسيقى وهي لحد اليوم يمكن لأنها لغة عالمية يعني توصل لك الفرح توصل لك الشجن توصل لك أي شي فكنت أشترك في فرقة الموسيقى لازم يكون في يا ال جمباز أداء حركي رياضات رقص مثل وكان هذا كله موجود في مد- مدرستنا في روضة السالمية، و اا أو إن موسيقى، وعندي عرج أبوي يحب الفن والموسيقى ويدق عود ف ب- بالموسيقى بس ما عندي علاقة أحس بالاغتراب في المدرسة، وحصل بعدين لما يينا الشعب، كنت في مدرسة اا اا ليلحين مو مسوين مدرسة الشعب اام- آه مدرسة الشعب الابتدائية امبلا، ف اا يقول لك الم، في شهادتي أرجو التحدث معاه باللغة العربية- من راح يتحدث معاي بالل- حتى بالروضة على فكرة في شهادة بالروضة يقول لها جذي فأمي تاخذها حق اليمني راعي الدكان عشان اليمني يقول حق واحد إيراني كانوا في بنا مادري شنو هناك ذاك الصوب ق- كانوا يسوون [تضحك] اا هذي ليلى غاليري [تضحك] فيقول لها ف فترجم لها فتفهم إن فتقول لها شنو أكلمها عربي منين أعرف؟ من المواقف التي لا أنساها، انت طالما طفل انت عندك استيعاب للغات ل مفاهيم ل مدركات جديدة يعني الحياة مليانة، ففي اا في المدرسة الأنشطة مالتنا نرقص فالز نرقص اا تويست، صبيان وبنات- صغار أربع سنين عمرنا.

هذا في الروضة في السالمية-؟

في روضة السالمية والمبنى الرئيسي كان ماله الصفوف اام مثل الحين الجامعة الأمريكية يعني دور واحد بس وكان في هني سكن مدرسات، بس في مدربة عندنا تدربنا في موسيقى تنحط بشتختة مادري شتحط، ونسمع الموسيقى وكل واحد ويا زميلته يرقصون ويعلمونا الخطوات، وشلون نسوي نرقص ال فا- جذي تحسه شي مال صالونات، عرفت؟ فيي ذي، ف عندنا طبعا نشاطات الموسيقى حفلات مدرسية أشياء تخلق ال عنصر جاذبية غير طبيعي للمدرسة، إن أنت ب م اا مو داخل في مكان متجهم تبي بس اا مثلا تدرس فيه أو ما تدرس فيه، طبعا انسى إنهم ما يعطون عربي ولا يعطون أشياء هذي أكثر شي كانت تعتمد مثل لحضانات الحين على الألعاب وعلى هذيل، ف اا فكنت أرقص فواحد اسمه طلال أذكر، لحد الآن ملامحه بويهي ف فأهوا اللي قال لي عشان يدعيني للرقصة ف يمد إيده لازم ويقول لي، تعال- ماكو تفضلي قبل- تعال- تعالي قال، فالكلمة طول ما آنا أرقص ويهي قاعدة تطير فيني واهوا يلف فيني وفيها حركات يعني طبعا إيقاعية حسب الموسيقى، فرحت البيت وانا في قمة ه فرحي، طبعا بيتنا قريب بيو- ب- بيوت الحكومة قريب من يعني على الـ line الثاني من المدرسة فنروح مشي ونيي مشي، فعماتي يايين ياخذوني من، أذكر العبايات السود واهيا ياية تاخذني من المدرسة- كنا ننام بالمدرسة على فكرة، وحدة من أروع التجارب اللي كانت اتيي الأكل والنوم والفن والموسيقى في ال- في مدارس مرحلتي يعني، آنا عشت عصر ذهبي حقيقة ومدينة بالفضل ل إن اا ل الله للقدر ل، شطانة أمي وأبوي إن آنا في هذا العمر اللي انولدت فيه كان عب- كان الشيخ الراحل العظيم عبدالله السالم موجود، وبدايات اللل مجلس الأمة والحياة الديموقراطية والل والانفتاح المتوازن بعد عرفت؟ والأفلام والموسيقى والحفلات وهذيل ف رجعت البيت آنا وأنا كلي فرحا ونشاطا وحبورا، وبكلِّ كبرياءٍ وشمم ها؟ جان اا واقفة أذكر واقفة عالبساط إهيا ال في بساط في مدخل البيت الصالة مالتنا شنو كانت مطارح و بساط يعني، انزين؟ ف سو- سويت لها جذي بصبعي يعني آنا هم صايرة هتلر فقلت لها تآل تعال بدون حرف العين ماعرف أنطقها، فطبعا انا منتشية طايرة من الفرح، ف قالت لي بالآ- بالإيراني "بيا" وكلمة قوية يعني، طبعا آنا أكلت تبناً [تضحك] محطوط عليه كريمة، خفت منها عملاقة و صوت، أوامر- أمي بالآخر فرحت لها، لختني كف لحد اليوم آنا بعد أن بلغتُ من العمر خمسة وستين سنة لا أنساه، تعرف انت اا لما بالرسوم المتحركة بباي ولا المتين يطقون بعض تطلع نجوم فوق راسه؟ آنا جذي صار فيني، انزين؟ الحين انت ما عندك شنو إدراك- ش- ليش؟ ف، وعندي دمعة عزيزة ما أبجي وهذا يشجع بعدين اكتشفت إنه يشجعهم على إن همّا يطقونك لما تدمع عينك، انزين؟ جان تقول لي تفصخين اللغة العربية مع جوتيج هناك عند الباب، أوخ، شالعنصرية هذي؟ الحين آنا أفكر أقول شالعنصرية قبل ما كنت أقول، الحين أحلل، شلون اا يعني شلون أتكلم مع المدرسة يعني شلون، أي شي تتعلمينه خليه ما إيي البيت معاج، طبعا إهي ماهي نظرة عنصرية كما في فترات يمكن بعدين يوم كنت أعاتبها أقول لها ما عندها جواب اهيا بس تحليلي آنا إن لما تكون إهيا بنت ثقافة وحدة وانا بنت ثقافتين قاعدة أنفتح على ثقافة ثانية العربية، فلما تيي إهيا تقول [تسعل] تقول لا تتكلمين هذا إهيا تخاف قطع الوصل بيني وبينها وبالتالي آنا أول جيل نظامي قع يدرس في مدرسة نظامية، فالمدرسة قعد تاخذني المدرسة بتعطي قيمنا قيمها اا والل الشارع بعدين بال- ب فريجنا بيعطوني قيمهم فبيكون- هذيل كلهم غربا بالنسبالها عالم غريب عالم عربي ما تعرف عنه شي، ولا حتى يوم تجرأت في إن اهيا ت- تحتك عشان تعرف أوجه التشابه والاختلاف بيننا وبينهم، بيننا وبين العرب، ما عندهم د- محدودين تدري، فكانت اا ف هذي عطلت هذا الطراق هذا بو نجوم عطل حتى الابتدائي يعني في أولى ابتدائي في م مدرسة الشعب أذكر ما أم- ما تستوعب يعني ما تعرف شيقولون، بس شاطرة باللل اا عندنا زماان عندنا ااا يعني وزارة التربية ومدارسنا يسوون حفلات يسوون نشاطات في تلفزيون الكويت فكنت آنا إحدى نجمو- نجمات التلفزيون آنذاك، يعني قصة تصير على مم اا أمثلها الأميرة النايمة وانا يعني ب بيبي أو قطوة أو شي جذي أيي بق- أصحيها بكل ديكوراته وإكسسواراته وأشياءه وموسيقاته، عالم ثري ها؟ ف بس صامت الدور ما أتكلم فيه لأني قطوة، وبعدين مثلا صرت آنا اا علىىىى مم على اغنية شادي الخليج علىى مم را [تدندن] هي رجعوا من ال نسيتها أتذكر لازم آتذكر- أدرسه، فالمهمم كنت أنا اللؤلؤة اللي يصيدوني ثلاثة صيادين لابسين أسود بأسود شوف سخاء المدرسة ها؟ اليوم يطلبون من مدرسات شاركوا فيي [تضحك] في الع- في العملية التعليمية من رواتبهم ف الثلاث بحارة لابسين أسود بأسود بما فيهم هذا اللي على راسهم واللي على خشمهم واللي ميشنو، وفي مركب بعد موجود أوكي؟ اا طبعا أهو إكسسوار مش يعني في جدارية بس حقه وفي من ورا في سلم عشان يعني يبين إن اهما فوق في ثلاث بحارة لابسين دشاديش ووزر بس هذيل كلهم بنات طبعا، بما فيهم من مكياج ل الشوارب اللي يحطونها فأهما كأن البحارة هذيل ينزلون الغاصة ينزلون ويشوفون صدفة كبييرة على غير عادة يعني الأصداف الثانية فيشيلونها يودونها يشيلونها ي- فإهيا تفتح تبدأ كلها لؤلؤ إهيا آدمية بس كلها لؤلؤ في لابسة وايد إكسسوارات لؤلؤ وأد- أذكر حاطين شي لمّاع بعدين شفته بالسوق هني على ج- على جلدي على أساس إن أبي أبرق إن آنا من الكائنات هذي، ونرقص رقصة على أغنية اا اا شادي الخليج، عرفت شلون؟ لا أهلي اللي كان عندنا حسينية - ولحد الآن عندنا حسينية - اعترضوا، بالعكس كانوا لما أذكر نروح بيت خالتي بشرق أطلع بالتلفزيون زوج خالتي ي عنده يحب التصوير إييب الكاميرا يصورني كلهم متيمعين يدتي خالاتي عمات- فرحانين فيني، أو في رمضان عندنا فانوس رمضان مشاركة بالمدرسة، هذا كله تعويضا حلو مو مو جذي بس يسد شوية الاحتكاك بالعرب، عرفت؟ بدشة المدرّسة ذاك اليوم [تسعل] جان تقول كتبت الحين آنا أقول لك الكلمة الحين أعرفها بس قبل ما كنت أعرفها، كتبت بابا، انزين؟ هذا ن- اا الن- الن- النطق بالفارسي ما عندنا احنا، "بادار" أحنا نقول، بابا منو؟ بابا مين؟ [تضحك] ف ف-

هذا بالابتدائي؟

أولى.

إي.

أولى ابتدائي ليلحين آنا سنة عربي م- اا سنة أولى عربي ماكو نت يعني عقب كف أمي بالروضة [تضحك] روضة روضة ال- روضة السالمية الجامعة الأمريكية شكرا [صوت قداحة] شفت وين ما أحط ريلي يصير مكان عظيم؟

[المحميد يضحك].

حطيت ريلي بروضة السالمية [تضحك] صار الجامعة الأمريكية، بركة، فالمهم إن ااا ما أدري ل- آنا قاعدة جدام عشان أبي أستوعب بس م مخ مو قادر، ف- ست سنين انت ما تعرف عربي ياي الحين فجأة بال اا شاسمه ف جان تقول قومي اا ليلى- الحين آنا عساس نجمة الصف وعلى أساس إن آنا اللي أطلع بالتلفزيون، عساس آنا اللي الصبح أقدم فقرة جمباز مع موسيقى في طابور الصباح بعد تحية العلم في فقرة من هذي مو- آية قرآنية بعدين في فقرة استعراضية آنا أسويها، شي يعني ها؟ [تضحك] فالمهم [تسعل]، فقالت لي قومي جذي وأقوم آنا التشكيل كتشكيل- من جذي أحب الفن التشكيلي، كتشكيل الكلمة جميلة مكتوبة حلو متوازنة، ال حرفين ملوت بابا، لكن مو قاي- مو قاع يجي معانا، الحين المشكلة إن أهلنا حتى الـ alphabet بالفارسي ما يعلمونا ياه هي نفسه ال العربي ما يعلمونا ياها، خلاص انت عايش حية منطوقة، يعني تدير حياتك من خلال اللغة الفارسية وانتهى، بس عيم انتهى الأمر يعني نقطة عالسطر ف [تضحك] شوفها جذي ما لحد الآن آنا ما أنسى إن تقول بابا يا حمارة [تسعل] وآنا الحين إهي قالت كلمة يعني تقدر انت تستوعب إذا ربطت ربطتها إيقاعا بابا بابا ا يعني نفس اللي شفته الرسمة يعني بس حمارة هاي منين ي [تضحك] ما لها موضوع فهاي إضافة كثر خيرها االمعلمة إن اهيا قالت لنا تعبت يعني تعبت معانا.

ااا طيب انتي قلتيلي إن ك- اا ك- كنتي تواجهين صعوبات إن انتي تتواصلين مثلا مع زملائج وزميلاتج-

مم-

الطلبة والطالبات في الروضة اا بسبب يعني ال-

حاجز اللغة-

الحاجز اللغوي وإن في البتدائي بديتي إن شوي اا يعني تتعلمين اللغة العربية، بس ممكن يعني مثلا تعطيني أمثلة أكثر عن بالروضة يعني شنو كنتي تلعبين مع الأطفال؟

مم-

اا-

ديارف.

إي شلون كنتي-

مم-

تقدرين تتواصلين معاهم يعني-

مم-

شنو كانت طبيعة العلاقة الاجتماعية يعني بينج وبين باجي الطلبة؟

واللهِ كانت عنيفة، تنعكس عنفا في إني آنا اللي بروح أركب الزلاقية إذا شفت إحدى وحدة- أطفال يعني ض- ضعيفة ولا شي جذي، دزيتها ركبت آنا، أولا ممكن يكون هذا ناتج إن آنا ماكو لغة، ثانيا إنك انت تبي تروح تلعب عاد، خ- حاجة اا يعني ها؟ ف ااا في الزلاقية أو الديرفة أو الأشياء مثل هذي، إذا وحدة استلطفتها آنا أدزها ب بالديرفة بدون ما يكون في لغة، بس يعني نبتسم أوو أو نضحك أو أي شي يعني حق اا بعض أو أكل الهذي أو بيصير- بس كانت حالة عزلة إنك انت ما عندك عالم انت في بالون اا تشوف في ناس بس ماكو شي تحتك فيه، يعني مع الهذي- وبعدين من جذي قلت لك كان مثلا اا الرقص الإيقاعي التعبيري الموسيقى هذي كثير أسهل تعمل تعمل شي في تبادل الموسيقي مثلا آنا أد- أعزف على المثلثة تذكرها عل- الله والموسيقى عاد كانت بالمثلثة بس علمتني الإيقاع، إيقاع الحياة على كل حياتي بعدين، ف ااا فاللي يمك بعد أيضا تعزف مع بعض فيصير في بس ضحك إن احنا شلون نضبطها مع بعض أو شلون نعملها أو وين نطق مثلا ب بالحديدة اللي بيدنا وين نطق بالمثلثة مثلا عشان الصوت يكون أقوى على شان يكون الإيقاع وين يكون أخف، هذا مو بالكلام، هذا نسويه أمثلة جذي وطرمان آنا أسوي جذي، طبعا لا يخفى عليك إن أيضا كان في مثلي بنات جذي يعني من أصول مثلي إيرانية، كويتيين إي أولى بالتأسيس نعم بس اا من أصول إيرانية، بس كان في الل الظروف البيئة البيت، أيوه.

هل كنتي تحسين بالألفة معاهم أكثر كونكم تتكلمون نفس اللغة يعني في المدرسة؟

نسبيا إي [صوت قداحة] مم، بس إن مو صداقات يعني مم لأن أهما كانوا جيراننا بعد عشان تكمل بعد الظهر معاهم، لأن ننام الساعة خمسة آنا كنت أحب الصبيان، وو ي وو ودايما أحب الصبيان لأن شغلهم كله حركي، مو مثل ال البنات يعني أحنا بطفولتنا لما نلعب بروي مثلا عمري ما ألعب مع البنات بروي شنو قاعدة في البيت و وانا متزوجة أو يايبة لعبة أقول هاي بنتي ما ما أحب هالحياة هذي، أحب الركض أحب القواري أحب المقصي أحب العنبر، هذيل كلهم سويتهم حي االميد كله هذيل سويتهم بحياتي، قاري جارنا نبيل ولااا جمال، أركب القاري وياهم أطق الصبيان الشياطين، مشاري هذا طقيته طق مقامس طقيته طق ليه قلت بس لأنه كان يأذي يدي تونا مركبين الجرس في الشعب في الستينيات، أنطره لي الليل لما إيي وعليّه أهوا يلبد عاد ما إيي ي بيتهم لزيج بيتنا، إيي أهوا بس أنطره لي المغرب وأنطره وأطقه طق وأقعد فوق صدره وبوكسات ومادري شنو في- اللي شاف يتأدب، فمحد يتحرش ببيتنا مثلا، بس يرسموني آنا بالطبشير اللي يبوقونه من المدرسة كلنا كنا نبوق طبشير من المدرسة، أذكر وردي أزرق أبيض، يرسموني جذي ويرسمون ويهي و و كله أركض فشعري اا دايما قصير طاير جذي مثل الشمس ها؟ كاتبين ليلى أسد الفريج [تضحك].

[المحميد يضحك].

عني عشان يحروني، بعدين ليلى حمارة كلبة تيسة بقرة فكل الحيوانات اللي موجودة في الكون آنا أصير أبي أعرف منو؟ هل هو عمل جماعي [تضحك] أم إنه عمل مثلا مشاري أو أحد ثاني، ماعرف آنا أترك المهم إن آنا قادرة أسيطر على الف- الفتوّة بالفريج، و بس كنت مات- كنت متحسنة يعني بعدين باللغة العربية، أمانة أقول لك شي بعد؟ أكو محورين أساسيين في حياتي يعني مدينة لهمم بالفضل في تعلمي اللهجة الكويتية، انزين؟ واللهجة المصرية انزين؟ فيي قول اللهجة المصرية هاي بالسبعينات بس بالستينات آنا أحاجيك هاي المرحلة الحاسمة الكبيرة التأسيسية، إن كنت أموت على أم عليوي الله يرحمه عبدالعزيز النمش، بحيث إن النطق ماله هذا ما تسمعه في البيت في العائلة كلها شكبرها عايلتنا شكثر يخلفون، ماشالله عيال وعيال ويزوجون بناتهم بسرعة ب- أبجر وصبيانهم أبجر ف صرنا قبيلة من- عماتي خمسة يعني كافي، كل وحدة بيت النازل يايبة خمسة ستة سبعة يعني، ف اا ال اللهجة اللي تسمعها هني ما تسمعها في ال- في البيت ما ال العائلة الممتدة ظلت حتى حتى السبعينيات في بيتنا، بس بعد ما تزوجوا البنات يعني، بعدين عمي تزوج وطلع بس قعد فترة بعد هم في البيت، ف اا ظلوا فترة طويلة يعني احنا في، أمي أسيرة لهذه العائلة يعني ما ترك الأمر لأبي لأبوي- صايرة سورية أقول أبي، ف ترك الأمر لأبوي إن اهوا وايد يصيع وايد راعي حريم وايد راعي سهرات وو و ويدق عود وو وو ويشرب المنكر مثل، ويي يعني كان في فأمي في إطار محدد يعني في في البيت بيت العائلة الفضل ل أم عليوي عبدالعزيز النمش المسلسلات الكويتية عبدالحسين سعد سعاد حياة ااا اا غانم كل نجومنا ذيل اللي كانوا أهما أيقونة الستينيات وفيما بعد الست- بعينيات الثمانينات بس نا كتأسيس أكلمك، بس أكثر واحد أم عليوي، وقبلها عندك انت اا تسجيل تسجل لهم أو شي تنطر التمثيلية تطلع على شان تسمعه جذي مأخوذة فيها يعني في الكلام، plus إن كان عندنا أحنا وهذا شي وايد زين يعني سوته اا الكويت في إن إهيا اا اا زمان ما كان في التقسيمات إن الشيعة في مناطق مثل الرميثية، أو اللي بالمنصورية- لأ، يعني اللي اا ب بيتنا يعني جبالنا بيت الطيار بعدين بيت المجيمي هذيل كنت أموت أعشق فيهم بيت الفارس هني، وهني يمنا بيت اا عبدالرضا هناك بيتنا بيت الرفاعي فيعني في خلطة وايد جميلة.

عفوا هذا في الشعب كان؟

ش- الشعب إي بالستينات آنا قاعد أحاجيك الحين قعد نمشي بالستينات، فهذيل كل أبوهم عرب، فآنا بيت اا عمي سعد بيت المجيمي اام وايد بنات وآنا لأني أغترب في البيت إي لأن في فرق عمر بيني وبين الاختين اللي قبل فأهما أحنا مو متوافقين يعني وايد، ما- آنا شيطانة وما شيطانة واهما بنات يعني ب بناتيت يعني فعلا، وو وانا شيطانة فالعكس همّا رقبا علي يعني ممكن، فراحوا أروح بيت المجيمي مثلا، بنات وايد أتعشى عندهم اللعب وياهم تحسنت لغتي وايد وايد، اللهجة عرفت؟ ف اا بيت اا خالتي أم خالد الفارس مثلا أيضا لما تق- ست كبيرة يعني لما تكلمنا أم طه مثلا اا اللي تيي تزورهم آمنة بنتهم- فكانوا يعني شوية تشكلت بيت صبرية الرفاعي تشكلت ال اللهجات عندي معالمها، اللهجة الكويتية لذيذة، الأصلية شد بلادها عرفت؟ مم، زائد [صوت قداحة] في فترة السبعينيات، كان فيي يجيبون ستات مصر- قبل الفلبينيات وال اا و وكل العوالم هذي مالت السيلانيات فيما بعد العمالة الأجنبية اللي يت which is كانت وايد فكرة رائعة، يجيبون من مصر، اختي العودة لما تزوجت ب بداية السبعينيات جابت اا دادا مصرية أم سيد، هذي من قعر أم الد- السيدة زينب، فبالتالي، انفتاح هني لاحظ على ثقافة مصرية في فلم فيي أغاني وهي ست كبيرة بس منفتحين ما عندهم عيب وحرام وغلط لأ، تنومنا بالقاع ننام حاطين مخاد بلحاف واحد وتقعد تشرح لنا اا الفلم وتعلق وهمّا المصريين كلمنجية، حكائين بطبيعتهم يحبون الحجي، ف د- لأ يا بت، إوعى يااا سعاد يضحك عليكي أهو عندو وحدة تانية مسلا ب بيعمل معاها الغلط، أوعي فوئي يا بت بلاش تعيطي بلاش م- يعني تعرف؟ على كل الأفلام، فانت تلقط تسمع نجاة الصغيرة آه ياني على مثلا أو أم كلثوم أو، فتنطرب وتشغلني آنا شغالة عندها وأقبل لأني أموت فيها، والنبي اا روجي جيبي جيبي صينية كده حطي فيها جبنة بيضا وجيبي شوية مربى واعملي لنا شاي شاي [تضحك] انزين؟ وو وفي زتون؟ وفي حاجات وشوية عيش؟ جيبي يا حبيبتي هنا- واهيا قاعدة وانا أخدمها، أوكي؟ ف اا حنونة وو أم طبعا، أنا أمي مشغولة إهيا البديل حقيقي، ففتحتني أيضا على ال مو مو أق- ما أكلمك ثقافة كتب مايشنو لأ في ن- أس- أفلام أغاني مسلسلات هالأشياء هذي والحكي اليومي اللي يصير، الانفتاح اليومي الطبيعي اللي عندها.

بس تذكرين جم كان عمرج لما صار يعني صارت عملية الانفتاح على الثقافة المصرية؟

إي تقريبا يعني around قبل المراهقة كنت ثنعش ثلثتعشر سنة جذي- هاي بالسبعينيات يعني كانت.

وقلتيلي إن كنتوا اا يعني انتي فتّحتي على عبدالعزيز النمش وأُعجبتي بلهجته.

جدا.

اا وكذلك يعني باجي الفنانين الكويتيين-

مم مم.

اام هل اا لأن انتي ذكرتي لي إن الوالدة كانت ما تقبل إن انتي تتكلمين عربي في البيت-

إي إي مم-

ف هل كان في استنكار مثلا من الأسرة لما اتطالعون برامج باللهجة الكويتية ولا وقتها-

لأ فقدت اهيا السيطرة، فقدت- مع هذا، في نهاية اا- بالستينات- بالسبعينات تحديدا التلفزيون طهران كان يطلع عندنا كل خميس أكو حفلة حق غوغوش وراميش وآريف وهذيل مطربين ذيل، فنستمتع نقعد كلنا نست- مسلسلاتهم أيضا نستمتع فبالتالي انت قعد تكسب من الناحيتين، الرضا اللي اهيا تبيه موجود، بس إهي ما تقدر تعمل كونترول على على إن اهيا تمنع اللغة العربية عنك صار مدرسة صار دروس صار في كتب، عمتي تدرسني مثلا وو- عمتي رقية، وو و وبيت جيراننا احتكاكي فيهم، ماكو كونترول ما تقدر تسوي كونترول لأ توقفت عن هالتشدد هذا، ودخلت في حسينيتنا أيضا بمنطقة الشعب أيضا ملايات كانوا يجونا من العراق فصار في لغة عربية، عرفت؟ فبالتالي صار في مكس بين هذي، وهي بطبيعتها ضعيفة يعني ما تقدر اا تتشدد وايد، مو بيدها.

إي، طيب انتي هم بعد قلتيلي إن لما كنتوا في شرق كانت العلاقة بينكم وبين الجيران تقريبا معدومة.

ماكو.

لكن في الشعب اا قمتي تحتكين بالجيران-

قبل الشعب في في س- في السال- في السالمية كانت صديقة أمي هاجر أيضا من أصول إيرانية، فيعني صديقات وايد يعني ظلوا لآخر العمر اا جذي، بس ماكو وايد يعني مكو احتكاك ب بالعربي أكثر، عرفت؟ يعني عماتي بدوا يروحون التدريبات المهنية حتى اختي العودة رباب- رباب اختي كانت بالستينيات اتقدم برنامج عن اا ال باترون والخياطة وشلون تقص وش- كانت شاطرة في هالأمور، وإسمه زمان مع رباب البرنامج بالستينيات ها؟ آنا ما لحقت عليه يعني ما أذكره بس يعني ما أذكره لأن م ما ما صار في ضجة إن احنا نقعد مثل ما كانوا يسوون معاي، كنت آنا أصغر وحدة ف وأشبه أمي ففي شوية اا اا هذي وشيطانة و م ف فكانت اهيا تقدم أيضا- ويدتي صاحبة الحسينية واللي إهيا متشددة والحسينية انت تعرفها، إهيا الدور الديني وأيضا اقتصادي واجتماعي وكل الحيثيات هذي مالتها، بس كنا نتفرج كمجتمع منفتح بسيط ب اا ما عنده عقد تسوي هذا وتسوي هذا، عرفت؟ وطالما في اا ال نقول الرقابة الاجت- مو رقابة حتى، يعني إن تحت منظومة المجتمع قعد تصير، العائلة ال الأسرة الممتدة الكبيرة العمات المجت- اا فمافي ضرر في في هالموضوع عرفت؟ فبالتالي مشى الحال فييي، في هذيل بس ظلت أمي يعني في علاقاتها اا أكثرها اا إيرانية، أبوي غير مثلا، أبوي اشتغل ب اا بالنفط أبوي اشتغل فيي سايق سيارة أسعاف بعدين لما تحول لحكومة، مع ولادتي آنا بدا يصير مصطوصف الحكومة اا كانت محتاجة إلى ك- إلى اا عمالة كويتية تبي توظف، فصار بالمستوصف إلى أن صار أمين المستوصف، من جذي أهوا استبشر بي خيرا، ويعتقد إن آنا السبب في هالأمور هذي- هي حظوظ ودنيا ومنظومة وعالم، وبعدين يى وراي على طول ولد.

عفوا بس انتي تقصدين لما انتي انولدتي أهوا اش- بلش يشتغل في المستوصف-؟

إي كان قبلها كفاح وايد يعني عامل- عامل بنّا اشتغل، اشتغل عند يدي الثاني أبو أمي، اشتغل اا صبي ب بال مم كان عنده بقالة تقريبا، إي بقالة اشتغل في هني وكله يتمرد من كل مكان، واشتغل أيضا كان أمه تسوييي كان اهوا يقول لي هذي، اتسوي برّد ب- توهم الثلاجات يايين ها؟ و بالفريزر ماي وفيمتو أظن مايشنو وتحط فيهم عود وتحطهم بمطارة يروح يبيعهم عالبحر مثلا، أوكي؟ فكانت اا فعنده ح- كفاح اا أبي لأن لازم يعطيها الفلوس عشان تصرفه على هالعايلة الكبيرة، يدي يشتغل مثلا اشتغل يدي حارس مثلا أيضا المحتاجين للموارد عشان يوكلونها العايلة الكبيرة- أرانب يعني [تضحك] في في وايد اا في مصرف ف اا بعدين معاي آنا كان عاد بدا العصر اللي اهوا اا بدت الدولة تعطي وظايف ل ل الكويتيين معاه معاه أيضا اللل اا ال مدائن أو الم- ال المباني أو المراكز الصحية الجديدة، اا ال الم- المدارس مثلا ال اا أذكر يدي كان يشتغل حارس بمصنع الثلج، اا المستوصفات اللي بدت في المناطق، فيبيلها نا- عمالة فياخذون هالعمالة هذي، أبوي كمل دراسته ويعني كان أمي حتى خذى ثنوية، ما كان أمي كان ثالثة متوسط شي جذي بس كلهم من من اا محو أمية، إلى أن خذا ثانية ثنوي ووقف.

مم، طيب انتي ذكرتي لي تقريبا يعني على الأقل في مرحلة متأخرة شلون كانت طبيعة علاقتج مع الوالد والوالدة الله يرحمهم، ممكن تسولفينلي عن طبيعة علاقتج معاهم اا في مرحلة الصغر يمكن انتي شرق ما ما تتذكرين وايد، بس عالأقل في السالمية وفي اا في الشعب مثلا شنو كانت طبيعة علاقتج معاهم؟

01:02:41 - علاقتها بالوالدين والأجداد

Play segment

Partial Transcript: آنا أقول لك على أمي ما كان دائما في علاقة قوية لأنها وايد مشغولة إهيا، ووو وانا ممكن يعني كان ممكن يكون أقرب مع إختي الكبيرة مثلا رباب، بس اختي رباب وانا بعدني طفلة إهياا مراهقة يعني تبي تطلع وت- تروح ويلبسون زمان قصير ويلبسون اا بدون جمام ويروحون السينما ويروحون السوق بالمواصلات ها؟ مع ج- جارتنا آمنة مثلا فيعني تبي تعيش حياتها، فما كان في اعتناء عائلي من جذي كان فلتاني زايد وآنا بالشارع عرفت؟ أو أكون حاضنة بيت اا عمي سعد مثلا لي، ف اااا جذي الل مثل الضباب علاقتي ب بأمي، بس علاقتي بأبوي أقوى، أبوي كان وايد زقمبي ويعني وكان عاشق للفن وعاشق للشعر وعاشق للنساء، يموت على الحريم، ولأنه كان كل خميس ويمعة- قبل خميس ويمعة الإجازة مالته لازم رايح البصرة أوكي؟ وأيضا يكتب مذكراته بعد وخطه جميل جميل- عربي طبعا ها؟ يعني اهوا درس ن ن في مدرسة نظامية بعد بعد اا بعد الظهر حب الشعر العربي، ف ااا واشتغل مبكرا فيي اام يعني احتك بعرب واحتك بإنجليز واحت- يعني، ف حياة الرجال أكثر انفتاحا يعني قبل، فكان ااا أذكر عنده ااا المصريين يسمونه نيش، اللي اهوا الكبت يصير فوق زجاج اا أو كبت خشب بس ال اا الواجهة مالته زجاج ففيه مواع- أغلى مواعين أمي مثلا، أكو تحت دد- اا بابين غرفتين بابين هاي كتب أمي- أبوي، مكتبته، فيه دواوين شعر وفييه اا كان يموت عالشعر العراقي، ففي دواوين شعر كان في يكتب أهوا مذكراته كان في غزله، أبوي كان يوصلني المدرسة كل صبحية لازم نسمع احنا أغاني كانت الإذاعة تحط فيروز، فتت- انت تنفتح على مكان- بعد ثاني ها؟ الفيروز، أو حتى الباص اليمني ساعات و يعني اا لما حطوا اا يعني الباص ال اا المدرس- أبوي يوديني لما أكون آنا م متأخرة بس اا وأخوي متأخر، بس اا قبلها يعني عادةً في باصات كانت تودينا، ااا لما نرجع في الساعة حول حروة وحدة ونص ثنتين جذي الإذاعة تبث أصوات كويتية، أغاني كويتية وبعدين في وقت حق الأصوات بس، واحنا ننزل شربكة البنات ورا، وأبوي لما يكون مع أبوي يكون تعيس إذا فتح الرادو ما لقى فيه صوت صك الرادو لا بيسمع أخبار ولا بيسمع أي شي، ما عنده اهتمام إلا إن اهوا يسمع الموسيقى هذي.

بس لما تقولين أصوات كويتية شنو تقصدين-؟

فن الصوت الكويتي لعوض دوخي ع- في اا عبدالله فضالة سعود الراشد وايد مطربين [incomp] زويّد وايد غنوا في فن الصوت الكويتي، ف اا اللي فيه مراويس وايد بال وايد حلو، اا فكانن هاي الجانب الفني والجانب الأدبي عند أبوي الطريف عاد الطريف كان يعطيني المفتاح ويروح البصرة، فمادري ليش ما ياخذه وياه إلا يخليه وياي انت رايح بسيارتك يعني حطهم بالسيارة، ما أدري يعني هاي الثقة سبحانن الله منين يايتني، كان في حظوةٍ ما عندي يعني.

اا عفوا تقصدين مفتاح شنو؟

مفتاح الل اا-

الكبت-؟

الغرفتين الكبتين هاي اللي موجودين البابين اللي موجود هني، أفتح وأتسلى عاد آنا الحين اليوم، أتسلى، تعلم الكردية في أسبوع، كتاب موجود وحتى الآن تلقاه في أي مكان يعني تعلم الفرنسية بأسبوع ولا ميشنو، كتب السياحية، أقعد أتابع بعدين ولا الوالد حاط شعر بوحدة كردية يوصف جمالها، أثاري يبي يتعلم كردي عشان يعرف لغتها، يبي يتقن اللغة انزين؟ وبعدين تطور صار تعلم التركية في أسبوع، وهكذا أهوا يروح هناك في البصرة يقضيها وناسة طبعا، أكو مكان في البصرة كان يقول لي عنهم هاي اسمه حي الطرب، هذا مكان بلا سقف، بيوت، و للوناسة و الدقدقة وللبنات ولكل شي يخطر ببالك، مثل ما قالتلي مرة الدكتورة اا، أو أو قالتلي عن مخطوط كان كاتبته اا تم منعه اسمه اا ح- عن حي الرميلة بالكويت، وهو مكان كانت حتى البنات اللي يمارسون هذي أقدم مهنة بالتاريخ ياخذون رخصة من وزارة الصحة بالكويت، يعني في فحوصات، يعني محد يمارس هالأمور هذي عشان لا تنتشر الأمراض، والخمور كانت تأتي كلها من البصرة- وبيوت طرب عاد في هذيل، وكل واحد عاد ومزاجه هذي كانت يم في ال في المرقاب يم ال المسيد الدوار شفت؟ بعدين طبعا ب أعتقد ب يمكن بالخمسينيات وبالستينات تم هدم كل هالمنطقة هذي ومنع الخمور ومنع كل شي سووه، عرفت؟ ف اا-

بس عفوا يعني مثلا اا حي الرميلة كن منظم من قبل الدولة يعني ما كان-

مم-

شي منقطع-

مم-

بحاله.

منظم ومرتب و تقول الخمور كلها كانت أصلية تيي من البصرة يعنيي بالأسماء يعني اهيا الخمور إنجليزية و و وفرنسية والأشياء مثل هذي تقول هي أصلية تيي ما هناك مفتوحة البصرة، فكلها كانت تيي في في الرميلة و يصير الويكند ي يهبّن البنات، عرفت؟ بس عندهم رخصة محد يدخل في هالمكان في اا مراقب صحي بحيث هذي بيوتات اللي موجودة هني محد يدخله فيدخلون الكويتيين ملثمين ما ملثمين يتونسون وما يسوون شنو وبعدين يطلعون، عرفت؟ هذا النظام ف- فوزية مسوية كتاب عن هذا وتقول تم منعه، عن حقبة تاريخية وأيضا كاتبة حتى عن بيوت اللي فيهااا ب بعض منن جنسيات الخليج اللي كانوا نفس الجنس ويقعدونن وي- ويسكنون يعني في كزوج وزوجة همّاا أثنين رياييل، ظاهرا شكلا يعني بس أهما كان- كانت كاتبة كتاب مثل هذا، وهذا جزء من تاريخ الكويت لا يُنكر يعني، رفضته هذا موضوع شخصي بينك وبينه، قبلته ما قبلته مو ب- ك- يعني مو مهم، المهم إن هاي واقعة موجودة كانت تقولها، فأبوي كان يروح حي الطرب في البصرة، هو نفس هذا الرميلة انزين؟ بس مادري كان في فحوصات؟ ما سألته أيامها [تضحك]، اليمعة واهوا ياي بالليل إييب لنا قيمر إييب لنا جبن أبيض وإييب شنو ما يتوفر من هناك منن طيبات العراق ويجي فالأهل ر- يرضون عليه عشان هذي، بس يعني كاننن رجل حياته حافلة بالنساء من الأشياء الطريفة اللي قال لي فيها آخر أيام [incomp] يقول اا آنا أسميه أهمدوه مم؟ [تضحك]، قلت له جم مرة تزوجت؟ الحين انت لو انت أهو ما يبي يجرح شعوري كوني آنا أم- ااا يعني بس من أمي ياب عيال، جان يقوول آنا تزوجت انتي تعرفين فلانة أم عبدالقادر قلت له إي أعرفها كان ياخذني لها، زوجة يعني زوجة أوكي؟ وتعرفين أم فلان وجذي، قلت له تعال أم فلان هذي شوية يت و [incomp] جان يقول إي كنا ب- كنا بسهرة و وقعد أدق وقعد اا ألكه وشفت هذي اللي تخزني جان أخزها وجذي وجذي وحبيتها وصار الصبح رحناا ملجنا بعدين ودتني بيتها نمت قعدت لقيت نفسي مو بفراشي مو بمكاني مايشنو [تضحك] جان أروح ال محكمة وأطلقها.

[المحميد يضحك].

[ليلى تضحك] تقول شفتها يوم صحيت من النوم مو حلوة [تضحك]، صل عالنبي انطر ثلاث تيام أبدا [تضحك] ثاني يوم، يقول تزوجت ستعش مرة، مم، بنفس الطريقة هذي يعني إنك انت اتحب أو تعب- أو تعرف وحدة عالأقل ها؟ المبادئ الأساسية يعني تعرف وحدة؟ جان يقول لاء، ما أقول لك هذا الأب مجنون، آنا اشتغلت محلل بالمحكمة، مو شغل مو وظيفة بس يستدعونك لما أثنين بيتطلقون بينهم ثلاث طلقات طلاق بائن ما يصير إذا زوجها بعدين بيرجعها وبيرجعون حق بعض ما يصير لازم يكون في محلل، تتزوجه ويدخل عليها بعقد شرعي، وبعدين يطلقها بعدين ترجع حق زوجها يعني ت- يملجون مرة ثانية، هذا المحلل كان أبوي، ستعشر وحدة متزوجها، انزين؟ ف وبعدين يرجعون يكون اهوا سعيد بالنسباله إن اهما يسوي خير يعني بالنسباله، قلت له بس خيير احلف؟ جان يقول، اهو مو خير اهوا فيها فلوس، يعطونه فلوس، ماي جم يعني إهي كان المبلغ ها، طبي- يعني أهمدوه تنام معاها جان يقول لي، لا حرام قلت له ليش حرام؟ منت متزوجها على سنة الله ورسوله، عشان تكمل الخير مالك لأن ما يصير يعني ما تُحل حق زوجها، جان يقول لا يبا ما ي ما ماكو أكو حريم جياكر أكو حريم مادري شنو- الموضوع شخصي يعني عرفت ذوقه أهوا مو [تضحك] داخل في هالموضوع، فتزوج اا وايد من جذي ما كان حاضر في حياتنا كأب يعني وايد، يمكن مرة طقني طق إي عنصري أبوي، شلون؟ آنا ألف بالمنطقة كان جارنا حبيبنا العم عبداللطيف الكويتي ورانا، يسوي الجلسات هناك في بيته إتيي حورية سامي وفرقة موسيقية وي، في شي مثل ال اا بيوت الشعب القديمة في مثل الل، دجة مرتفعة ماقدر أقول عنها ليوان حسب المعمار الكويتي القديم لأ، دجة في مقدمة البيت دجة مرتفعة إهني يسوون- اا في الفضاء طبعا ها؟ لازقة ب- يعني بالبيت إهني كان يسوي عم عبداللطيف الل السهرات أو بروفات حفلاته، لأن التسجيل كان في تلفزيون الكويت ما كنت أشوف كاميرات، أوكي؟ هاي أذكر بالس- اا ب الستينيات مبجر يعني ها؟ يعني عمرك ستة جذي تروح تشوف هذا الجو المبهر الجميل اللي في ذي، بنت أخوه منيرة اللي لا زالت لما يحطون لهم اا أسود وأبيض تسجيلات القديمة إهي البنية الصغيرة اللي تقعد يتفاءل فيها اللي قاعدة ب مع الفرقة، قاعدة وراه منيرة هذي رفيجتي حيل، وهذي أيضا مؤثرة في اللغة معاي، كانت تحبني حب غير عادي، ف، فنروح للعم عبد- اا فتلني تلة من راسي من شعري من عتراي، إن يعني وراي مدرسة باجر- مو معترض عالفن، أهوا معترض على إن وراي مدرسة وبعدين الشي العنصري اللي قلت لك عليه أبوي أيضا لحد اليوم موجودة هاي شجرة الكنار بقصر عبدالله السالم الله يرحمه، فأحنا العيال عيال الفريج صبيان وبنات أبي أ- ماكو بنية معاي، آنا أصلا مو حاسة إن آنا بنت يعني ولا إني، فنتسلل من السور وذاك اليوم صورت السور لحد الآن موجود شلون أنساه من كانت صغيرة تدخل في فتحات السور ونروح على شجرة الكنار انزين؟ فأذكر انا أصعد فووق أتسلق فوق فوق ها؟ وبعدين أشيل ب ب بنفنوفي أشيل ال طبعا انت لما تشيل بنفنوفك انت كشفت السيقان النحيلة انزين؟ وهاي كلها شوك الشجرة، فآخذ كنار م على ما هذي، وأمسك على هذا حيل أنزل كلي مشلخة من الشوك، بس قاطة روحي يعني خلاص وصلت القاع كلي دمامين، الشي العنصري اللي في أبوي إن اللي كانوا يشتغلون اهناك اا ناس سمر وايد في خدمة القصر حبيتهم وايد، وايد يي وو حبوني وايد عرفت؟ يمكن في أشيا أول أشياء قبولي عشان آنا جميلة كنت وايد، ي بيضة وش- وشعر أسود ناعم وكاريه أيامها من يقص كاريه، فكنت اا جذي وكله مبتسمة كان، ف اا [تضحك] الن- النقد علمني بالتكشيخ يمكن، المهم فحبيتهم وحبوني فدخلت لعوالمهم شوية، أمي ولا أحد محد يعرف يسيطر علي محد أبدا على الإطلاق يقدر يسيطر علي، فيبدو إن أحد قال لها إن صار المغرب آنا ما ييت، وما يصير مع الغروب لازم نكون عالأقل في البيت، آنا أنسى عمري هناك وياهم ونيسيين من جذي أحب السمر، أهل طرب أهل وناسة و وأهل ضحكة وو قلوب بيضا عرفت؟ يمكن هذي من الأشياء اللي تخليك انت مع عنصرية أهلي تخليك انت اا تتعاطف معاهم تحبهم عرفت؟ ما يقولون لك شي عن العنصرية اللي يعانونها بس إن اهما ناس funny طبيعيين وحلوين فكنت لما أرجع البيت ففي يوم من الأيام ثاني يوم درى، أبوي طول الوقت غايب، إيي الظهر ينام من الدوام إيي الظهر يتغدى وينام ويطلع ما إيي إلا، المسيان ساعات يطر لي الأخبار أو يايب شي أو شي جذي وروح لي ثاني يوم ثلاث الصبح أربع ما تدري متى، فمو موجود في أخبار العائلة بس قالوا له إن اهيا رايحة مع أ- آسفة للكلمة اللي بقولها مع تلعب مع العبيد، أهما سمر البشرة يعني، مثلنا وأحلى أصلا روحهم، فأذكر أول ضربة من أبوي- أول شي انخشيت بالحمام إلى ما ما ما طلع المهم ضربة من أبوي ربط ريولي ب واير الأوتي، وطقني فلقة على اريولي، أهو يطقني هني وانا ينفتح قلبي عليهم أكثر أحبهم أكثر، و أبي أسوي بعد، وفي في عناد بس صامت ما أسوي، كان يشوفني ساعات أت- كله عالطوفة على فكرة، آنا ومنيرة هذي بنت أخو عبداللطيف الكويتي، يا عالشيرة يا عالطوفة- ينانوة انتو؟ مو يعني ماكو م- أ- وأخوي عبدالله يى عقبي بسنتين ويى عقب ثلاث بنات فوايد نعّوم، فمدارينه مادري- آنا لا آنا بنت الفريج [تضحك].

بس جم كان عمرج لما صارت هالحادثة هذي؟

هذي تقريبا يعني يمكن ثمان تسع جذي، وانا طير م مال الله يعني مو مالهم أهما ينحبس، يعني حتى حسينية يدتي ببيت اا هذي جذي ما أقعد- إذا قعدت أموت على العيايز وأقعد أنكت لهم وأضحك لهم ود- ااا وما أعرف إيش فتطردني يدتي علني تطردني برا من جذي، برا عندي شارع عندي ربعي يعني عرفت؟ ف-

هذا يعني خلال المجلس الحسيني انتي تنكتين و-

أنكت إي-

إي-

فأخرب الهيبة والعيايز يضحكون، فإهيا تشوفهم إن همّا يلبسو- يعني يتغطون بالعباة وت- وتشوفهم مهزوزين، فتقول لي برا، بر- ال جذي بنت إبليس تطلع برا، واهيا أصلا مو على ود مع أبوي ما تحبه، يعني، اا.

تبين نوقف ال-

لا لا لا وايد زينة-

آه إي-

بس اا ما م- يعني مابي أتشعب بس آنا قعد أدور على عناصر شكلت شخصيتي يعني عرفت شلون في- عناصر مؤثرة ظلت معاي، ف ااا كان الشيخ عبدالله السالم الله يرحمه لما يطلع من قصره واحنا على ما ننطر اا باص المدرسة إيي، ي- يمر كل يوم على هالويه الصبوحي والبسوم تحسه ال الجد الل اا الحنون، يى شايفنه راكضين عليه عشان نسوي له بس باي باي، بنات مدرسة ب- ابتدائي ها؟ نسوي له باي باي جذي، فتلاقيه يضحك يسوي لنا ج- يسوي لنا جذي عرفت؟ ويهه لا يمكن أنساه ويا حبة خالته الكبيرة هذي اللي حاط وغترته منزلها ولابس بشت اا هيج، ف اا قول هذي ما صار عليها إشكالية في إن لا تروحين أو ما ترو- ما يقدرون يسيطرون ما يدرون عني، ف فالموضوع، بس كانت ااا، قصة أبوي وايد أقوى و وأكبر وأكثر أثرا فيني من جذي يعني لما، يعنيي معلش احنا يمكن نتخطى مراحل، ماشي؟

ما في مشكلة-

نقفز قصدي، بس ممكن نرجع لها بعد شوي، إن لما بديت عملي بالصحافة وكان سنة اا ثمانية وسبعين، وثمانية وسبعين ليلحين آنا لاني متزوجة ولااا ولا أي شي، وحتى ما عنديي اام شهادة عندي ثانية ثنوي بس ما، توني يا دوبك يمكن بتعين ب الحكومة بواسطة اختي، أكو شي طريف خل أقول لك إياه عفية، سو شوية كويميدي، أمي يابت رباب وتدري انت يعني العايلات هذي يبون ولد، إي، فاللعنة الأولى يت بالنسبة للعائلة الكبيرة، فيما بعد جت اللعنة الأخرى وإسمها صغرى سموها صغرى تيمنا بفاطمة الصغرى يعني إحدى سيدات أهل البيت، ولأن احنا عيم ما نفهم بالدنيا ما نفهم صغرى شنو كبرى شنو يت بعدهم وحدة اسمها كبرى، يعني ذيج اسمها ص- العودة اسمها صغرى [تضحك] والثانية اللي أصغر منها اسمها كبرى، فيبدو إن كبرى انولدت سليمة زينة فيوم قالوا لها كبرىى يعني عل بيدلعونها اا صُدمت وماتت، ف بعدين بعد سنتين ييت آنا ليلى تيمنا بليلى مراد انولدت بالليل يعني كل ساعة يقولون لي قولا من هذا يعني ما أفلام ليلى مراد كانت ماشية بالسينما، ف اا هاي قصتهم اللي تضحك- يدي اللي انولد بالبحر أبو أمي، هذا الحين قالوا احنا رايحين حق اا بلاد العرب الحين يدي الثاني اسمه غلوم، أبو احدعشر سنة الحين أمه ولدت بالبحر، فشنو يسمون الهذا ال اا الصغير؟ خندور اسم عربي ندور اسم عربي ماكو ميح يعني، جان يسمونه حاجيت، آل يعني اقد- جابوا الفتك يعني عملوا ال، فالريال لي آخر عمره يقولون له انت ريال شلون اسمك حاجيت؟ [تضحك] يعني جذي، هذي من الطرائف ظل اا ملعون في قصة مؤثرة لجدي هذا نتيجة ل اسمه أيضا، إن اهوا مم بعد لما كان في بدايته فاتح بقالة في الخمسينيات والستينيات بعدين حولها إلى منجرة وياب عمال من إيران ومن قرايبنا يعني، اشتغلوا بالمنجرة- في يوم من الأيام راح، و قالوا له واحد- تدري في إقامات ما إقامات ومايشنو إن واحد ت-خلص إقامته ولازم يروح، فراحوا عساس بيجددون ماكو لازم الكفيل إيي، لبس البشت أول يلبسون البشت، وو وو راح الجوازات، هذا قلت لك انولد في البحر بالكويت، آنا بوريك انت بعض إشارات العنصرية انزين؟ لأن أيضا آنا بعد تعرضت لها وانا بالابتدائي أقول لك وانا بالتلفزيون [incomp]، فيت ااا يى يدي راح هناك، وهذي قصة كتبتها فازت الأولى في مجلة Index البريطانية خذيت عليهم ثلثمية باوند، فراح اهوا، أهوا الريال هذا كتكوين وهوية أصول فارسية بس التكوين وهوية نشأ في الكويت واشتغل مع تجار الكويت اللي إييبون حق البقالة أغراض، فبالتالي- وتزوج هني وعاش حياته كله هني يكسر نعم كلهم يكسرون، ف راح فقال له فبداية القصة وكأنو مشهد سماء- سينمائي أعمله وتدري الكبار بالسن كله قبل يبصقون على الأرض، بعدين ترتبوا هني، فهذا في بداية القصة تبدأ ب تفو، وتفو على واقع قع ي يتغير، فراح الم- على ما يى دوره ويطالع بجذي اا يحط اا اا إيده عشان الشمس يحمي عينه من الشمس وهذي، ولا في واحد، اسمه طلق حسب الرواية، حسب القصة، فالولد هذا مرح ودمه خفي- جان يقول هيهيهي حاجيت؟ [تضحك] شلون؟ انت ريال، ت شاربك ت عادي يعني ممكن تحصل في أي مكان مزح يعني عادي، لكن في أعماق ها؟ في داخل الحجي هذا اللي، في في خللٍ ما وقد يكون الولد أيضا حاجيت يا حجي انت إيراني قال له، فقال له لا آنا كفيتي، يع حتى كويتي ما يعرف ينطقها قصيت ويهنا انزين؟ جان يقول ااا، إي ال ال ال بالفارسي ال ال اا الواو غالبا تصير "ف" انزين؟ جان يقول له انت يا معود شوف روحك انهي إيراني انت معاملتك ماشية، فيقول له لا آنا يروه يروح عند ملا فلان يجيب اسمه، آنا يروح ويدرس معاه حمود مع سالم فرجانهم، سالم وم- ييجي من جبلة، آنا من شرق، هذا يجي من مرقاب، يوصف الحالة اللي كانت عشان إيون ويدرسون العيال في ذيك الفترة، فيقول له يا معود عيمي صلخ، انزين؟ بعدين آنا أغلق صوت الآخر انطلق بس هاي واقع اللي قاعد أقول لك إياه ها؟ لأن الحين تداعيات اللي داخله فأهوا قاع يقول آنا يصير سيب يروه بهر، شوف إيدي فإيده هني في أثر جرحٍ قديم مقصوص من شد الحبل من شي- أطفال ياخذونهم، فيقول شوف إيدي فهذا ما يسمعه، يقرر هذا الجد، يتهور ويعصب آنا منتمي لهذا البلد وتقول عني مو انت انت مو كويتي، انزين؟ ويروح يقول حق حفيده ولد خالتي ودني على شرق، وياخذ تراب في بطل سينالكو اللي اهوا صار الحين كراش وهاي ميراندا أوكي؟ ويروح يسوي تذكرة ويروح إيران، ما راح حق ب- البلدة الأم اللي يوا منها، لأن تقطعت الأجيال عبر هذه السنين، ف ق- وكبير هو خمسة وخمسين ف ما عاش ما راحوا بالكويت، ولأن كان ما في إيميل [تضحك] ما في تواصل ما في ااا مكالمات فيديو فماكو في علاقة مع مع إيران، بقدر العمالة هاي اللي تيي وما تيي فلان زين وعلان زين انتهى الأمر، مع إن تركوا هناك أراضي وأشياء يُقال وما طالبوا فيها و وظلت اا، ظلت إلى أن طارت حق الحكومة بعدين- أو من من سكنها من اللي أمنوهم على ال يعني باقوهم انزين؟ [صوت قداحة] راح قعد أول علامات الغربة راح قعد في أوتيل، أوتيل بسيط صغير، انزين؟ أخذ له غرفة وقعد هناك، اللغة الفارسية عنده مو قوية، مع إن احنا نتكلم فارسي، بس احنا نتكلم لهجة تراكمة، اشلون الحين خل أعطيك مثل قريب منه، الحين القاهرة غير الصعيد غير لغة الفلاحين، العراق نفس الشي يعني ها؟ فيصير الأقاليم وال والقرى وال الهذي البعيدة تختلف لهجتها ومكوناتها و و عن العاصمة، إيران نفس الشي، أكو لغة الإعلام لغة البلاط يسمونها بعد أيضا، لغة التعليم بالمدرسة لغة الإذاعة والتلفزيون والصحف وهذيل كلهم هاي اللغة اللي يسمونها الإيرانية الفصحى، اللي هي تسمعها انت في النشرات الأخبار وهذيل، لكن أكو مكونات أكو لهجات أكو أشكنان أكو لار أكو دشتي أكو هذيل كلها قرى هناك بلدان يعني موجودة، فبالتالي أهوا يتكلم لهجته، هم مع مدخلات تعاملاته مع الك- اا مع الكويتيين هني ومع هذيل فصار في عربي ف، فارسي مكسر أثنين مية مية تكسير، فيروحون هناك يقولون له تكلم إيراني ما يعرف يتكلم إيراني، إيجي هني قع يكسر عربي قلت لك، فطلب من دليل سياحي واحد من ذيل مقابل أجر قال له ودني حق كبار السن في اللي بعمري ودني لهم، قال له حاضر أهما يقعدون في سوق اسمه سوق الوكيل عمره أربعمية سنة السوق قديم أثري في شيراز، وخذاه وراح بدشداشته- في إيران أكو ظاهرة عنصرية وهاي عنصرية تاريخية وقديمة في نظرتهم لل العنصرية تجاه العرب إن اهما أقل منهم العرب من أيام ال ااا الغزو العربي لهم، قديم يعني، وتوصف أدبياتهم كيف إن العربي وصخ وغبي و وكل هالأشياء هذي- جاهل، شوفة حال يعني، معتمدين على إرثهم حضارتهم تنوعهم كل هذيل، بس انت كلما صار عندك حضارة يُفترض إنك تنفتح على الآخر يعني تتقبله، بس يبدو إن الغزو كان ال فتح الإسلامي لهم غزو مادري شاسمه إنه عمل لهم ارتجاج جذي كبير قوي، فبالتالي أهوا لابس دشداشة، ما يعرف يلبس يدي بنطرون، فكان يلحقونه العيال الصغار آراب آراب آرابو، يطقونه بقوطي، حليب ب كرتون بصخر وهو مع هذا- وهذا ال يحاول يدافع عنه بس هذيل عيال لا انت وين تقدر تصور فيهم جذي إلى أن يوصلون حق الشياب- على فكرة حتى احنا بإيران لما كنا نروح بالستينات بالسبعي- أبوي لما يمشي معانا بدشداشة يلحقونا آراب آراب آرابو، طبعا احنا لا آرابو ولا أجمو، وين يعني اا هذي ترا فقدان هوية فيها، ازدواجية الهوية الأثنين انت في حالة حذر وعدم تقبل لك ثقافة عربية وثقافة أيضا الفارسية، [تسعل] راح لهم كبار مثله، فقال لهم آنا فلان فلان الفلاني، آنا إيراني، ففي لؤم الشياب يطالعون بعضهم البعض وهذيل، ويهه مو مو أليف لهم، فقال لهم، آنا ي- آنا إيراني كنت في اا في اا في تراكمة، وقعدنا في جذي قالوا له كلامك مكسر، المترجم قع يترجم له شيقول، مترجم عربي فارسي، فقال لهم يعاند هذا يقول آنا إيراني، هذيل عاد مسكوه من العصب قالوا وين كانت طفولتك؟ وين لعبت؟ إحنا رحنا تخت جمشيد هاي مكان أثري اا لكوروش، حضارات قديمة، لعبنا هني، إحنا رحنا جبل البُرْز، انت وين كنت فيه وين طفولتك؟ قال على السيف، قالوا له وين هذي في إيران هني؟ في منطقتنا؟ جان يقول لا هذي في كفيت، يقول لهم، فرح فرح ما تتخيل مع بعض الأسئلة الدقيقة لعبت مع منو فينا منو تعرف هذا حجي بهزاد هذا خورشيد هذا ماي- مع منو فينا تعرفه؟ بلاش انت خورشيد تعرفه؟ فلان تعرفه؟ بهزاد تعرفه؟ لاري تعرفه؟ محد يعرفه، جديد عليهم، طلع فرحاان إن اهوا كويتي وكأنه مُنح الجنسية الكويتية، وهو طالع صبيان لحقوه آراب آراب آرابو وتحذف فيه، فيبي يهرب من الصوتين أعتقد صار حالة في شي النفسي صار عنده يعني عقلي ما أدري، بيهرب من الحالة، وكان ماسك البطل معاه على فكرة، يقول لهم هذا مال شرق، عن التراب- قالوا له إذا انت كويتي، انت عربي، ما يقولون كويتي يقولون آرابي، فرح- راح اهوا حاضن هذي وماشي عبر الشارع يى بيعبر ما عبر، بيعبر بنصه هروب من الأصوات الكثيرة الكثيرة الكثيرة يجي باص محمل للمه- بالمهاجرين إلى الخليج، وطقه، ف طاح وانجرح إصابات ودم والبطل انكسر، يقول اللي اللي كان مرافقه ظل يطالع دمه مع التراب الكويتي ومات، لكن القصة التي ستليها أيضا المهاجرين الشباب ذيل اللي بيروحون الخليج بيعيدون نفس قصته، هذي من الأشياء اللي اتبيّن لك في الب- ال أيي آنا قع- يعني كتحليل أقول لك هاي على كبر أقول لك إن كان في هذا النوع من العنصرية- وانا طفلة رابعة ابتدائي كل صبحية أسوي عرض، يا سلام باليه، أو يعني و وفنون راقية ت- ترا ما ماكو شي اسمه طلعنا بالتلفزيونات رقصنا مثلا- مع إن الرقص الشرقي آنا أشوفه أيضا مو بمفهومه الـ cheap اللي الحين هو فن له تاريخ مرتبط ب ب بمواسم الطبيعة مر- حركاته مرتبطة مع يعني حركات أنثوية مرتبطة ب الحركات الإيد اليمين الشمال مرتبطة بالشمس مرتبطة بالحصاد مرت- كلها لها حركات مرتبطة بالثقافة المصرية، هاي عن قراءة طبعا ها؟ و اا فإهي ماهيي اا جواري يقدمن ال ال ر- صارت جذي طبعا بعدين، أيام الدولة العثمانية- على كل المراحل التاريخ صارت، سلعة لأنو المرأة سلعة، ف فباليه نرقص مثلا، ديعلمونا باليه، باليه وينك انت وين بالستينات بالكويت؟

هذا في المدرسة؟

بمدرسة الشعب الابتدائية، قدم باليه، انزين؟ عرض مع موسيقى مع ااا ذ فقرة سيمفوني يعني يكون، بلبسه بكل شي الل، وخلصنا- ولأني آنا كنت نجمة تلفزيونية دائما ممثلة مدرستي- ما الحين طبعا تحولت للجمباز في المتوسطة، فكنت ااا فيى في يوم من الأيام كانت بدايات منتصف ال اا الستينيات حول قول لك ثمن سنين تسع سنين بدا- بدايات خ خروج ال اا اا تعيين المعلمات الكويتيات، كان كلية المعلمات صارت اللي اهيا أبو سنتين كانت دبلوم، قبل لا تصير بعدين أربع سنين م صارت اا اا ليصانص بكالوريوس بس كانت قبلها سنتين اختي سارة دشت في كلية المعلمات درست رسم صارت أبلة رسم، ف اا فيت في هالفترة، الستينيات يا الله شنو عصر مستنير، شقول وشحجي يعني ما واللهِ يعني لو تشوف انت جوانب اللي استفادوا واستفدنا أحنا كطاقات أطفال أو شباب من هذي اختي اختي رباب رسميا كانت داخلة في في معهد أو شي جذي حكومي تتعلم فيه الخياطة وتتعلم فيه ال اا الطبخ على أصوله والصحي وال- شالزين؟ تنوع شايف؟ يعني حسب خياراتك اللي انت تبيها، ف فيى هذا المسؤول آنا عرفت من منو؟ من معلمة الجمباز المصرية اللي تدربني آنا عالرقص، عرفت؟ واللي اهيا بعدين دخلتني في رقصة على أغنية انت عمري مع عدد كبير من لبسونا فراعنة وقعدنا نرقص عليها بال، ف اا اا كتير كنت أحب وايد المدرسات الل العرب، لأنهم ما يميزون بينك انت إيراني ولا عربي ولا كويتي ولا شيعي ولا سني، آنا قاعدة أحجيك عن مرحلة مبكرة عرفت؟ ف اا يتعاملون معاك على موهبتك على كفاءتك، على تعايشك مع استجابتك لشي أهما يقولونه، فلسطينيات بصرامتهم وسوريات بصرامتهم في الدروس المصريات في اا الحاجات الموسيقية والجمباز والرياضات ال- والر- الرياضات المختلفة، يعني في تحس جذي بروح اا برحة يعني، فطلب هذا المسؤول إن هو يشوف هالبنية الحلوة اللي طلعت بالتلفزيون، في جزء من فقرة برنامج ماما أنيسة، ف ااااا فجأة يوا قالوا لي، يبون لبس ال الباليه- لبس باليه كنا نلبس مثل ما تشوف في بحيرة البجع، انزين؟ التور الأبيض وال يبونه بال جذي وعادي آنا بالنسبالي شعرفني بال يُفترض عشان ألبس لبس مدرستي وأروح، حق اا الصف يعني، ف خذوا ال هذي ولبسوه وحدة ثانية، بنت اخت الوكيلة، أو وحدة لها منصب بالمدرسة، ازين؟ ف ودوها حق الريال على ساس إن [صوت قداحة] هذي اهيا.

والوكيلة كويتية؟

توها أول وكيلة كويتية- الناظرة فلسطينية، وكيلة مدرسة شي أحد له اا بنت عايلة كبيرة كات، لها كلمة يعني، ف فهذا يى قال شافها مو هذي اللي ب اا، ف فما عرفوا من الحرج زعل ومشى، منو كان موجود؟ المدرسة هذي اللي قلت لك قالت لي جابوا زميلتك ولبسوها لبسك، فتحس بالقهر ليش؟ انزين؟ العنصرية الأخرى ليلوه العيمية مثلا، انت انت مولود فهالبلد- أمي مولودة بالبلد أبوي مولود بهالبلد، و، فكنت أروح حق يدي، أبوي ما نشوفه رد يدي أهوا الراعي فكنت أقول له، غيّر اسمك يا جدي، وهذي رواية قعد أكتبها في سيرة ذاتية، هو اسمه غلوم، غلوم غير عربي، الحين عماتي غيروا أسماءهم عندي عمة اسمها بيقُم صارت بدرية، اختي صغرى صارت سارة، كبرى خو اتكلت على الله راحت أوكي؟ فكل الأسماء بدت تستعرب يعني تصير عربية، which is شي صحي ومرونة ومع اا مع المجتمع فيما بعد بالثمانينات بدت تاخذ الأسماء الدينية بعد الثورة الإسلامية في إيران- النكسة الإسلامية في إيران، اللي حصل إن المدرسة إهي زعلانة أكثر مني، إن ليه يقدموه وهاي جذي لأن وهو يسئلون- إهي سكتت إهيا مو قالوا لها هذي اهيا البنت؟ سكتت، اللي طلعت بالتلفزيون؟ فسكتت، وهذيلاك يقولون إي، أهوا يقول لأ مو إهيا، فسأل المدرسة المعنية اللي تدرب، فسكتت، بعدين قالت له لا يا اب- أستاز، عيانة يعني أي كلام طلعت يعني عشان ترقع لهم، أيضا الوافدين يعانون من [تضحك]، فأروح حق يدي أقول عنده بغرفة ولا أنسى ولا أنسى يا عزيز بحياتي كلها من بديت ووعيت يعني خمس سنين ست سنين- أحنا الحين بالشعب شلون يدي يوميا لما أرجع من المدرسة قاعد في سجادة إيرانية وفي مطارح ولابس نظارة قد قاعة البطل- بطل أول مال البيبسي [تضحك] انزين؟ ويقرأ جريدة الرأي العام مالت عبدالعزيز المساعيد، الحين لاحظ انت أكو نموذجين للقراءة أبوي ويدي، ويدتي أيضا تقرا بس يدتي تقرا ب ال أشعار الحسينية يعني تختار، ف اا ويدتي أيضا بدت تقرا عربي بس ما تقرا عربي لأن بعدين يوا العراقيات قلت لك قاموا يقرون، فيدي يقرا جريدة الرأي العام، فأسئله يدي انت ما تعرف عربي شلون تقرا أي جذي؟ يقول أشوف الصور، تصور يوميا يشتري الجريدة ما بعشرين فلس مادري عشر فلوس ماي خمستعش فلس مايشنو، عشان يشوف الصور، عرفت؟ ويفهم من الصور أهوا يشوف أكثر شي سياسة محليات وأشياء مثل هذي، يفهم في برلمان فيي ناس اا ما ي- ما يدري شيقولون بال م م فالمهم يقول لي قلت له غير اسمك يا جدي، جان يقول لي إي أوكي، آنا عشان أحتمي بالذكر بتاعنا آخذ عبيد وياي، عبيد صغير.

هذا أخوج؟

أخوي عبود اللي يى بعدي اللي آنا كنت البركة، اللي يبته آنا يبت صبيين بعدي يعني يبت اا اا عبدالله وبعدين بعد عشر سنين يبت جابر... مم [تضحك] فيى جان يقول زين خمي داري، لعنبوك سبع ثمن سنين أخم دارك؟ ولاكو مكينة لا هوفر ولا بوفر ولا ميكنة ولا شي جذي، أكو المأشّة المصرية، أخم داره، ما فيها شي داره، وجرايد الرأي العام هالكثر، يحتفظ فيهم، ممنوع مقدس أحد يجيسهم، أهوا يحتفظ فيهم- شيسوي فيهم مادري بعدين، انزين مطفي جوتيي صبغيه، نعال نظفيه وصبغيه، حاضر، قبل يستخدمون المصرات، مصرّ منديل مو ماكو كلنكس، غسليهم، حاضر، الحين آنا ماخذة عبيد معاي عساس إني أستند عليه إن هاي طلبنا احنا الأثنين هذا الأثول مشغول قع يلعب في قطار بلاستيكي يايبينه من إيران، كنا نروح الصيفيات إيران عشان نزور الأماكن الدينية، ما نروح إير- شيراز وأهلنا، انزور ونقعد في فنادق انروح شيراز بس نقعد في فنادق، بس إذا يدي يبي له علاج عيون أو يدتي أو هذيل فهناك مستشفيات هناك، بس بعدين نروح خراسان مشهد عساس زيارة الإمام الرضا وقُم معصومة، ف فتقول حق اااا ال فآنا هذا ال الولد اللي يبي يدعمني طفل، فيقول لي وعقب ما ننظف ونعدل ومادري شنو جان يقول انزين اللي اهوا يعني انتو قاعدين في في ثاني يوم أيي باجر الصبح آنا رايح ألبس بشتي أروح أهد الشغل وأروح أغير اسم اسمي، ما احنا المصيبة عندنا أحنا غلوم وراه قوع ثاني اسمه أكبر [تضحك] يعني هاي أح- عايلة مو يعني- بعدين عبدالله، طب عبدالله حلو ليش حاذفينه بعيد هناك مو موجود في اسمنا، بعدين صار، ف أقول له انزين فرحة ما تتخيل نومنا أي اا جوتي المدرسة آنا مالي ملمعته الصبح باجر بروح المدرسة وانا فرحانة بيي اسمي ما فيه غلوم عشان لا يقولون لي ليلوه العيمية، يينا من المدرسة شايلين الجنطة، الحين لا نتغدى ولا نبي شي على طول ندخل عليه، تليت عبيد وياي، ولا يسوي شي عبيد، جان يقول له ها يدي رحت؟ اليوم إحنا اسمنا غير شنو اسمك اليديد؟ قعد يخزني- الله بعد ما يقولون لي ليلوه العيمية، يخزني، بس نظرة تعرف الشايب بو لحية بيضا خفيفة، بس جذي نظرات إهيا مادري إهيا حقد إهي حب إهي مادري شنو هي، أهو إعجاب أهو طراق مادري شنو أهوا ماعرف أفسر، جان يقول لي، إي بس اا، ما رحت آنا، وانا احترييت خامة الدار و صابغة نعالك وو رتبت جرايدك، ويبت له صحن إي فيه اا عنب ومايشنو يموتون عالعنب [تضحك] جان يقول ما غيرته جذي، جان مو تبين تغيرين اسمي عقب ما صار عمري جذي كبير؟ اليوم آنا أدرك حقه بس آنا وآنا طفلة وين أعرف أح- أقول جذي وانا أبي أشيل العار آنا ليلوه العيمية آنا كويتية، انزين؟ وكل نشاطاتي الاجتماعية مو قعد تبرر لي إني آنا كويتية أنشط بنية بالمدرسة، فالمهم قلت حق يديي ليش؟ جان يقول آنا انولدت اسمي غلوم انولدت في تراكمة تبع محافظة شيراز، بتظل هذي أصولنا، انصير كويتيين نعم، حط إيده على راسه، بس تظل إحنا أصولنا هذي، فلازم يا بابا انتي ما تستنكرين جذي قلت له بس بالمدرسة كله يقولون لي ليلوه العيمية جان يقول عندج بنت اا مرتضى، عندج بنت فلان عند- يعني يعد لي البنات اللي بالمدرسة اللي أهما يعرفهم حولنا بالمنطقة مدرستنا، هذيل يوا قالوا حق أبهاتهم غورو- غيروا أسماءكم؟ قالوا حق أهاليهم جذي؟ قلت له يمكن ما يقولون لهم ليلوه العيمية- طبعا همّا قعد يقولون لي آنا ما يقولون [تضحك] حق هذيلاك مثلا مريوم زنوب ااا ل وحدة بعد اسمها أعجمي وايد ماي جذي يمكن ما يقولون لهم جان يقول لي أبيج تعرفين شي واحد هذا أصلج، اعتد- اعتزاز بيشكون يعني ع- تعتزين فيه وتفتخرين إنج انتي كويتية، عرفت؟ بس طبعا ظل في فترة طويلة يعني ظل هذا التحفظ يعني عندي من يوم طلعت بالصحافة سويت ليلى أحمد لأني مابي أصير لا من قبايل ولا من عائلات كبيرة ولا عيمية ما أبين شي، تبي تتعرف علي؟ أو اسمي ينقرأ أو ينعرف؟ ليلى أحمد كويتية وبس وما نكتب كويتية قبل طبعا، ف اا فمشت، لحد الآن أمس آنا عند مجموعة اا ستات في بيت جان أقول لهم اا يت جت سيرة قلت لهم اسمي ليلى أحمد غلوم أكبر قالوا انتي عيمية؟ قلت لهم إي حرصت إني آنا أخليني أكون محايدة في مجتمعي، عشان إذا آنا بخاطبك بفكر ت أخاطبك بوجدان بخاطبك في شي تاخذني كتكوين إنساني وبس يعني، كنت صح كنت غلط عندي أخطاء بلاوي طبعا، بس إن لا ينفي عني إن آنا أصلا عيمية، وهذا طبيعي، وأتابع أحوال إيران، وو وو وظ- وعندي رأي في في ما يدور في هناك وأحتك فيهم لما أسافر، وأعرف معاناتهم وأعرف قصصهم مع أنظمة الحكم طبعا مع هذيل، وأتعاطف معاهم وأقرأ روايات اا إيرانية لكني مو باللغة الإ- الفارسية مع ال كبر فقدتها، فقدت اللغة ماكو ممارسة، وو مع الأسف ولا عيالي حتى علمتهم عيمي، آنا زوجي كان من أصول حساوية ف كان بالنسبة لعالي- لأهلي بعد عار في البداية إني أتزوج عربي، في عنصرية من الطرفين من كل مكان ها؟ إن أتزوج عربي شفيه العربي؟ ريال جنتلمن مهندس طيران دارس بعد الثانوية العامة راح بريطانيا أربع سنين درس في كلية الطران- الطيران في أسكتلندا وبعدها راح أمريكا ومن أحلى ما يكون، أوبن مايند، داعم لي لكتاباتي، ليس قارئ ولا أي شي جذي بس إنه إهي آنا أدعمها ما دام إهيا ح- تحب هالشغل هذا، وهذا شيء عظيم وايد عظيم، وأثمنه وخلاني أكمل دراستي في معهد الفنون المسرحية وانا أم وحامل بنينار، وأشتغل بالصحافة، قصة الصحافة.

إي هذي أحنا اا يعني نبي نرجع لها لما نوصل حق هذي المرحلة يعني من حياتج، بس اا يما ت- تسمحين لنا مثلا نوقف تسجيل ناخذ استراحة.

طبعا.

بسيطة عادي؟

طبعا.

شكرا.

طبعا.

أوكي، أوكي كملنا تسجيل اا يما كنتي تسولفين لي عن اا يدج وعن سالفتج لما انتي رحتي وقلتي له إن شرايك نغير.

وأصير عربية إي-

إي نغير الاسم-

مم [صوت قداحة].

اا بس آنا حاب أرجع على اا مثلا أمور معينة انتي ذكرتيها خلال حديثنا اا آنا شدني وايد لما قلتي إن اا روضتج اللي بالسالمية إهيا مكانها إهيا مكان الجامعة الأمريكية حاليا.

نعم.

اا تقدرين توص-

سوولي تمثال [تضحك].

[المحميد يضحك] إنشالله، اا ت ت ممكن توصفين لي اا مبنى الروضة

01:51:50 - روضة السالمية ونظام التعليم

Play segment

Partial Transcript: مم، طبعا اا زمان الكويت ت- تهتم قلت آنا روضة الجابرية اللي قبلها قعدت فيها شهرين ثلاثة كلها زرع، وهذي أيضا كانت في منتهى الجمال أولا إن المساحات اا واسعة، في صفوف، اا طبعا ما بقول لك مثل الحين في في ألعاب أو تقنيات أو أشياء داخل الصف، ماكو في الأشياء مثل هذي تعتمد على تدريس الم- ال المعلمة، وبعدين هي أنشطة، كمباني وايد رؤومة حنونة يعني حاضنة تحس فيها ال اا صفوف واسعة الكراسي وحطوطة على حرف اليو ما مو واحد ورا الثاني جذي، ف اا في انسيابية بالحركة في كل الروضة في كل مكان حق الانطلاق حق تنطلق حق تركض اا تروح الل الصفوف بعدين اا اا صفوف يعني حرف ال يو أيضا الإدارة بالوسط بعدين جناحين ال ال الفصول هذي، وبعدين المساحة- في ساحة جدام، أوكي؟ وورا الصفوف هذي كلها اا زروعات وورد وأشياء وورا الإدارة أكو مساحة أيضا خضرا وبعدين المبنى اللي كانوا فيه سكن المدرسات في ذيك الفترة، وفي هالساحة هذي اللي موجودة بين الإدارة وسكن المدرسات في ساحة فيها ب اا ب اا ب اا بلاط مو كاشي لأ ال البلاط الكبير الرمادي إهني اللي كانت تصير فيه حفلات الرقص، اللي كانوا البعض المدرسات فوق يضحكوا علينا، مصريات يضحكوا علينا، يضحكوا علينا ب بلطف يعني فرحانين فينا إن اا نتقن الحركة أو إن لاحظ انت من فوق لما تشوف أطفال قع يرقصون اا سلو ولا يرقصون هاي جذي- الشكل جميل ها؟ كل أثنين يتحركون في دوائر وفي أشياء، فكان شي جميل هاي الكانت ال- السور ما كان شاهق وايد وايد، ما أنسى أبدا ال اا ال مطعم اللي اهوا في، كان في يحطون أسرّة أذك- جنها مالت بعدين شفتها في الجيش، اللي اهوا طربال ممدود مشدود إلىىى اا عقلتين من ال ال حديد، وننام عليهم ويعطونا blanket بعد فوقه إي، بس نفصخ جواتينا- ماكو اا بال- تلبس بجامة ما جامة لبسك يعني، عرفت؟ وتنام فيهم وكانت وايد ونطلع الساعة خمسة، بس الوجبة ما أنساها الوجبة لازم يكون فيها اا تحس كل الحين لما تقرا ملوت ال شنو الضروري من إنك تاخذ من ب- فيتامين من بروتين من نشا من، طول حياتنا المدرسية ظلت بهذا السخاء اللي موجود في المدرسة- التفاحة لازم ضروري موجود موزة لازم- يوميا فا- نوع معين من الفاكهة موجودة برتقالة يوم، فأيضا تنوع لاحظ عشان ما تمل انت في الل هذي، ااا التوست كنشويات مثلا في- في أشياء وايد كانت اا حلوة يمكن بالروضة آنا ما أذكر اا شوربة العدس والمعكرونيا اللي تينن اللي كانوا يسوونها في مراحل بعدين الابتدائي لأن أكثر قدرة عالكونترول في إن احنا نشيل الصحن، ففي الروضة يكون في جبن جبن مثلث أذكر عرفت؟ وو أشياء مثل هذي بسيطة يعني مم ما أتذكر وايد زين بس المهم كانت الوجبة مشبعة، والصحون مرتبة، طريقة يعني وايد نظام كان مرتب، صالة الألعاب ما أنساها يعني بال باركيه اللي عشقته، إيه بإنه اهوا ناعم تلعب فيه على ال يعني كانت- وكان وايد جميل المكان، أهم شي لحد الآن يمكن يمكن تلاحظ في بيتي يعني بس عندي شجرة كبيرة الباجي كلهم حتى الأثاث كله واطي، عشان عيني تاخذ مساحة ما أحط لوحات تلاحظ، عشان لما أسرح وأفكر ما أقعد تشغلني اللوحة عن فكرتي، عرفت؟ ف جذي براح مفتوح البحر اللي جدامك هذا يعطيك أفق غير عادي بعد، ااا التمتع بجماليات أو ت- التلمس الجماليات، وهي فلسفة لحالها يعني علم الجمال.

اا طيب إهي اا كن- انتي تسمينها روضة السالمية هل هذا كان اسمها ولا اا-؟

لا اسمها روضة السالمية.

إي.

إي، في واحد حتى قال لي أهوا كان في الروضة وأخذ يوم كانوا يسوون الجامعة الأمريكية أخذ ال اليافطة اللي مكتوب عليها روضة ال- عنده متحف موجود فيي الشعب الخالد، مناك يقول أخذتها بس أهو ما قال لي عاد وين ما وراني ياها، أهوا نفس عمري تقريبا، فقال لي هاي ااا قلت لهم الله يخليكم بدال ما تقطونها عطوني ياها، فأخذ روضة السالمية.

شنو اسمه ووين المتحف ماله؟

اا، اسمه، أوه هذا واحد كبير ووو ووايد مهتم بال شاسمه ب ااا ث، محمد البناي تراث، في واحد ثاني اسمه حسين بلوشي هم عنده متحف اا مقتنيات قديمة، احسين هذا أكثر هذا لأ مرواس قديم أول ر رادو أول تيلفون، أول مكتب وو أولل اا حتى عنده شي تعجبت منه اا شي مال مم، بار أو مادري صندوق يعني إنجليزي قديم كانوا يحطون فيه بطولة ااا الخمور، وايد وايد أهوا معفّس بس يعني إذا قعدت خذيت وقتك راح وايد تشوف، مراويس قديمة سويت شفتها في- وايد حبيت، عود أعواد، وو وذاكرته كلها مع الأسف شفاهية، يعني ماهو مدون حق هالأشياء هذي، لأن ريال عود فمو مهتم هالكثر بال بالتدوين، مع إن في أشياء وايد عنده منن هذا استخدماه الشيخ الفلاني هذا استخدماه الشيخ العلتاني وهذا اللي كان عند مادري منو كان عند إنجليز- يعرفه، لحد الآن ذاكرته زينة الحق عليه-

طيب-

لا يطوفك-

طيب اا ممكن ت- اا تسولفين لي عن مثلا اام اليوم الدراسي في روضة السالمية؟

اا- أنشطة يعني هي أحلى ما فيه إن انت تقعد في، آنا لأني ماعرف عربي ما أتذكر إن يعني أو مو ظا- باقي في مخي إن هل كان في عربي أو ما كان في عربي، وإن كان قد يكون أشياء خفيفة، منن، أكثر شي لعب يعني يا- بألعاب بلاستيك فتعرفت على الألوان هناك مثلا، عرفت؟ تع- ااا اا ما أذكر إن السبورة كانت فاعلة أو كنا نشتغل عليها أطفال يعني، اا كان في الللل، الأنشطة أو ال الت- المادة التربوية كلها تاخذها انت ب ب التعاونيات ألعاب نعملها داخل الروضة، فيها، بس إن ما ما يعني م هذا ك شي ضبابي خفيف أتذكره-

إي تذكرين انتي م من أي سنة لي أي سنة كنتي في روضة السالمية؟

روضة السالمية كنت فيها في، يمكن، ثمانية وخمسين؟ تسعة وخمسين؟ شي جذي، أيوه سنتين لأن بعدها بالستينات يينا الشعب بحيث دخلت المدرسة الحكومية، ف، إي بهالس- اا حروة هاي بين نهاية الخمسينيات.

إي، طيب وال اا أهما كانوا كلهم مدرسات في روضة السالمية؟

إي طبعا.

اا معلمات-

مم-

اا ك- تتذكرين أهما من وين كانوا؟

ااا من مصر كانوا منن الإدارة كانت فلسطينية، بس اا يعني ما أم- اا يعني أتذكر الإدارة الفلسطينية دائما كانت موجودة حاسمة وحازمة و كري مري ما عندهم، بس كانوا م- خليط من المصريات منن الليي من س- سوريات يمكن لأن آنا اللهجة المصرية وايد في إذني فأتذكر إن اهما أكثرهم كانوا م اا مصريات.

اا مدرسة الرقص من وين كانت؟

مصر، اللي اهيا اللي اهيا باليه اا إيقاعي يعني هو مو هذا يسمونه أداء حركي يعني في في العلم مو، الرقص الحين طلعت، وهي رقص يعني حقيقة بس تدري عشان تحفظت مجتمعاتنا صاروا ي- ينخشون حتى كان مجتمعنا محافظ أيامها، ف اا بنتج مشتركة بالرقص؟ يابووي، إلا تصير فضيحة بجلاجل فقالوا لأ اا ما نسميها جذي، مؤخرا- بس بعدين قبل ما كان اسم في مسميات أنشطة يعني انت تسويها، بس هاي روضة السالمية آنا يعني م، ييتها أول ما صارت الجامعة الأمريكية، حاولت أتذكر كنت بسجل ولدي علي فيها، فقعدت أتذكر الأماكن اللي أمشاها كأنو كان أمس، فال اا شاسمه.

شنو كان شعورج لما زرتيها مرة ثانية؟

آنا أزور كل مدارسي- عفوا بس هاي صورة المتحف شوف هاي من أقدم المراويس اللي عنده.

عجيب-

حق البناي، بس شفت الفوضى اللي ورا في-؟

إيي يعني ماشاالله-

في الرفوف-؟

يعني في ازدحام في عنده-

وايد وايد-

وايد أشياء إي إي، عجيب.

إي، اا، الحين لمن يصير في انتخابات انروح اا مدارس الشعب اللي كنت فيها مالتي، مو حقي آنا حق عيالي آخذهم معاي، إهني كانت قاعة اللل جمباز لأن أدمنت الجمباز، كان في عالم رياضيي م- أولا الأكل اللي يعطونا ياه بالمدرسة صحي، بعدين عزيز أكو شي وايد مهم إن انت في أنشطة بدنية فإنت تحرق أييي، ديك أم مو دين ديك أم الل الكالاري الزايد، فكان في مسابقات بين المدارس، وانا أشترك بإسم المدرسة في الجمباز وتاخذ كاس، يعني وعلمتني هذه الرياضة الجمباز علمتني الروح الرياضية في إن اليوم لما آنا أنهزم أو أحد- وهذا قد يكون تأسيس للنقد فيما بعد، أنهزم أو لا ي- جذي أروح أحيي من من فاز علينا جذي فتصير عندك الروح، ما ت- ترا الكويت والله كلها كانت جذي كنا نشوفها حتى في مباريات اال المباريات كرة القدم اللي احنا يعني غالبا الحريم لا تميل لكن كان حركة وطنية عمل وطني، ف ال- ولا نتكلم بهذي الشعارات وطني ما وطني، أكو مباراة اليوم في جاسم يعقوب في المرزوق في ما- ت، ال فتقعد انت تتابع المباريات هذي طالما بشغف عرفت شلون، وتناصرهم فتعرف إن لمن اخسروا شنوو كيف راحوا حيوا الفائز مثلا، وهاي بنية وايد أساسية حرصت إن الأولاد يكونون عليها، فالمدرسة لما تروح لها جذي تحس ب نسائم يعنيي جميلة كانت عرفت؟ لأن اهي ظلت بعد فترة لي قبل لا تاخذها الجامعة الأمريكية ظلت اهي مدرسة، بس أي بؤس صارت فيه مع التحولات السياسية، والاجتماعية اللي صارت فيي الكويت، ماا أي أطفال تم تربيتهم بكآبة، بمن عانوا- بحرمانهم من الموسيقى من الرياضات من، كل هالأنشطة هذي طبيعية يعني.

طيب ممكن تكلميني عن وقتج في مدرسة الشعب؟ اا انتي دخلتيها مرحلة ابتدائية فقط ولا اهي كانت مشتركة هم بعد فيها متوسطة؟

لأ مو مشتركة [صوت قداحة] اهم، أيوه، آنا درست في مدرسة الشعب- إهي أول فترة دخلوني بمدرسة زينب كانت ليلحين الشعب قع تنبني، فقالوا على ما تخلص السنة الدراسية ي ي- زينب آنا ما أذكر غير التلفزيون يعني إن آنا كنت في التلفزيون، أو ال شوية بالل مرشدات، بحيث النظام يعلمونك النظام يعلمونك أسس الحياة اعتمد- يعلمونك اعتماد على نفسك وانت بعد توك أبو خمس ست سنين يعني، بعدين يت الشعب قعدت ااا فيها بعدين ودونا المتوسطة على الد- منطقة القادسية، ما عندنا شعب ما عندنا م مدرسة أعلى، إيي الباص ياخذنا ياخذ بنات منطقتنا يودينا مدرسة القادسية، قعدت هناك سنتين وأيضا بالجمباز كنت شاطرة، وبعدين أخذونا ن- حولونا سووا مدرسة متوسطة في الدعية، شوف توه الكويت قعد تنهض وتطلع ها؟ ف الحاجة تتطلب أن يكون في مدارس وهذيل، لاحظ شكثر نظرة اقتصادية وايد حصيفة، الحاجة تتطلب، فيسوون شي بمنطقتك، ف اا بعدين رحت اا ثانوية بيبي السالم.

بالدعية هم بعد؟

دسمة.

آه الدسمة إي-

مم، كانت هي الثنوية الوحيدة موجودة- الحين حتى المناطقنا الحين الدعية مثلا والشعب، ما في ثانويات فكلهم يروحون في منطقة اا في الدسمة، فتعرف انت لاحظ مهم جدا إنك انت تعرف تكوينات مكونات المجتمع الكويتي، من أصول من أعراق من جذور منن فيصير في توليفة وايد جميلة، وايد وايد كنت شيطانة وايد، لحد الآن لما أروح الجمعية أشوف ساعات- آنا قعدت بمنطقة الشعب لأن هاي المنطقة اللي آنا الشعب البحري هذي ما كانت دفان، ك- كانت بحر، أذكر أبوي من [تتنحنح] أحنا بالجمباز يعني لما نشترك بالجمباز اا نلبس اا مايوهات مثل ما تشوف في المسابقات العالمية، أزرق أذكره navy اللون الحلو، فآنا أييبه بعدين أبوي ياخذني آنا وأخوي عبدالله ونيي البحر نسبح هني، هالمنطقة هذي كلها بحر يعني من بيوت الحكومة اللي موجودة في قطعة واحد لين هناك صار الحين ماشالله النائب اا أسامة الزيد هاي ك- إهني على طول شارع وبعدين تراب بعدين بحر ماكو بيوت، بعدين صارت شوية الدفان صار في بيوت، أوكي؟ بعدين عاد زاد الدفان صارت عاد تفجرت بالعمارات، بس هاي البحر اللي آنا أعرفه، كنا نسبح فيه فكنت ألبس مايوه المدرسة أبوي الذي لا يسمح أو العائلة يعني لا تسمح لخواتي الكبار بإن يكونون يعني مو على سوية وحدة، آنا ألبس مايوه أهما ما يلبسون مايوه آنا يقصون شعري أهما ما يقصون شعرهم، أهما كل وحدة فيهم عندها عجفة لا قعدت على القاع من طول شعرها جنه جنه حية يمها، ويغسلون كانوا ب ب ب بصابون طبيعي بصابون اا يدوي ماهو شامبو ما شامبو مثلا غيري آنا شامبو الأحمر مثلا، عرفت؟ فشعرهم إينن كان، جنهم بالضبط من أهل الكهف قاعدين في بيت في هالعصر، عرفت؟ فما يروحون البحر بال- كا يروحون مع أمي، يمكن ينزلون بملابسهم عادي، يعني مثل ما يحصل بعدين بس ما كانوا مع أبويي، آنا وأبوي كنا كان يعني آنا وعبود بالنسباله نخبة حتى كان يروح الدوانية يقول اا لما صرت بداية صحافة فخور فيني يقول سموني بو ليلى، أبو ليلى، شنو الأفكار هذي شالتنوير هذا اللي انت فيه؟ وعالفطرة، يعني لا تقول إن خذى دكتوراه من مادري وين ولا عنده باكالوريوس ولا عنده ميشنو، عالفطرة، ابن حياة يعني طول عمره، يا الله، وايد مؤثر في حياتي، شخصية إذا قاري لزوربا [incomp].

للأسف لأ.

شخصية زوربوية يعني، عاشق للحياة، بأغلاطه ب بتراكماته ب كوميديته ب ممكن يكون عدم تقبل الناس له لأنه بيعاري وفاصخ بالنسبالهم، كل الأشياء هذي تناقضات البشرية اللي فيه بس ما يوم- وتحس إن اهوا ت ماشي عرفت؟ مو إن اهوا ينكسر ينهزم يكتئب مثل شخصية أمي مثلا لأ، شخصية حياة ذاك، يبيله أكتب نص مسرحي عنه.

اا طيب اا آنا حاب أرجع على اام اا مدرسة الشعب الابتدائية، اا ممكن تكلميني عن تجربتج ووقتج في مدرسة الشعب؟

أولا مدرسة الشعب بدت الحكومة تسوي نظام اللي نشرت نفس الديزاين على كلل الكويت، اللي اهوا النظام الثلاث أدوار وبعدين ساحات بعدين ثلاث أدوار بعدين ساحات وبعدين هناك الإدارة، أوكي؟ ف اا إهناك عاد صالة ال اا ال ألعاب وو صالة الل اا شاسمه المسرح مثلا اهناك مو- موجود، ااا اهناك أيضا تنفرش الطاولات حق الأكل ويعني، ف مدرسة الشعب أذكر أيضا كان فيها زرع وايد وال- الـ jasmine كان وايد، و ااا المساحات المفتوحة الواسعة اللي تأدي إلى وايد ركض، وايد اا تركض وتتشيطن وو د وو وتلعب ونبوق الكراسي من مدرسة عشان اا نسوي هاي اللعبة اللي ندور عالكراسي من يحتل الكرسي عرفت؟ اام ما كان في عنف جسدي في الضرب وال بس كان في تنمر عالي مثلا، عرفت؟ عال- على بعضهم يعني أنا أكثرهم لأن كان عندي [تسعل] حظوة الجمال، فما كنت- وكل مالي أسمر آنا لمن أكبر بس كنت بيضا قبل عرفت؟ ف اا الشكل اللطيف اللي يحطونه بالأفلام، ف اا ال علاقة كانت اا الفرصة أركض أروح آنا على نن صالة الألعاب، ألعب الألعاب أبتكر أذكر يعني كان في اا الحصان انّط عليه نلعب فيه، كان فيي ال عارضة نلعب عليه- يعني نسوي تمارين حق المسابقات عرفت؟ وكنت أفرح جدا لما يعني أي وحدة شيطانة تيي تطلعني من صف الرياضيات اللي أكرهه عشان تقول أبلة الألعاب تبيها وانا إهي قايلة حق الأبلة مالتها بروح الحمام، أو آنا أقول حق الأبلة بروح الحمام بعدين أروح أطلع رفيجتي ونروح نقضيها عاد ألعاب، أو تمرينات حق اا اال الرقصة اللي بنقدمها بالتلفزيون حق رمضان بفوانيسها بلبسها بدراعاتها بأشياءها، في فوايد كانت fun حلوة، وهذي يمكن خلقت اام، روح ال يعني حب الفن وأيضا أعتقد له جانب كبير في إن انت ما دام مليان بالجمال والحب والفن والل والك- وكل الشطانة عشتها حياتك كلها عشتها، يعني حتى مع صبيان الفريج ها؟ فإنك تخليك انت مو مغلق على نفسك مو اا اام متحزب ومت- اا ولو إن آنا هاي حكاية التحزب لازم أقول لك إياها عزيز، ف ااا فتصير انت أوبن مايند عالعالم كله، القناة الثانية وايد أثرت علي تقدم مسلسلات وأعمال أجنبية وايد، بالفكر اللي اا تطرحه الغربي في التعاملات في في يقولون العائلة الغربية لأن ما فيها إسلام منحرفة ومفككة لا مو صحيح، من صغري أعرف هالشي هذا، لا ت- بعد مرحلة معينة يصير الولد قادر عن هو ها يشتغل ويدرس ويصرف على نفسه، عرفت؟ فالحياة تضيق بعدين يعني فيظل الأبوين عشان يتمتعون في حياتهم، بس يظل في كريسمس موجود في أعيادهم مناسباتهم موجودين، موضوع- فهذا التشويه اللي تخلقه القناة الثانية أثرت في إن اتخلي ما في تشويه عندك تجاه الآخر، ما-

تق-

ما تكرههم-

تقصدين قناة الكويت الثانية صح؟ إي.

القناة الأجنبية الإنجليزية كانت، وايد كانت اا مؤثرة، وساعدت أيضا في إنك انت ينفتح مخك على ثقافات متعددة، والقراءات.

انتي تقولين إن-

أقول لك شي؟

إي تفضلي.

يالله شي طريف، كان زمان عندنا أندية صيفية، وايد مؤثرة آنا عشان صوتي دايما مبحوح كنت أموت عالمسرح فقالوا لي ما تنفعيش، صوتي ما يطلع برا، لحد اليوم إذا يى حرامي ما يطلع ما يطلع مني صراخ عرفت؟ لازم أشوف شي يرن، بس من بيسمع اللي يرن؟ ما عليه، ف رحت الإذاعة، تصور شوف الأنشطة اللي موجودة بالصيف ها؟ طبعا في فن تشكيلي في رسم فيي فيي رياضات، ف قالوا ف قالوا لي لأ اا صوتك وحش، صوتك وحش من صغري خلاني لحد اليوم غير قادرة على الحفظ، حفظ النص يكون محفوظات شعر أشياء هذي- هذي أبدا ما ت- تدخل في بالي، ممكن الأمثال الشعبية شوية إي بحكم أم سيد، صارت أمثال كويتية بعدين أمثال ك- اا أمثال مصرية بعدين أمثال كويتية، بس ال ال الدرس في المدرسة أبدا ماقدر أحفظه، ما عندي هالقابلية هذي، ال ن الأحاديث ما أحفظها القرآن ما أحفظه، لأن صوتي وحش لما عايزة أسمّع حيقولوا لي- يمكن يقولون لي صوتك وحش فأفقد ثقتي في نفسي فما أحفظ، فأغش، غشاشة درجة أولى في ال هذا، إن شنو أكو الحين وسط كل هالأنشطة هذي؟ إن مابي موسيقى لأن انا طول السنة أشترك بالموسيقى، مابي جمباز ورياضات أشترك مع إني بالمدرسة نظامي أشترك في جذي، مسرح ما يبوني، مع إنه وناسة كانوا يلبسونهم ملابس ويحطون لهم ميك أب على ذاك العمر يعني اللي انت تبيه، ف أروح المكتبة أقرا والمكتبة الخضراء أثرت فيني جدا جدا، قصص الأطفال، ثنتين أبلوات قاعدين عند الباب، أهما يعني أمينات مكتبة عشان يعيرونا الكتاب، آنا لابسة فستان ولا أنسى هذا اليوم أبدا [تضحك] لابسة فستان و cut طبعا عادي عندنا احنا فيي مدلعين، فأدخل المكتبة أنقي الكتب اللي باخذها- ماهي ك- ترا كانت كبيرة المكتبة الخضراء هم؟ آخذهم ولا مؤاخذة أحطهم في [تضحك] في اللغة العربية الفصحى خنقول شنو نقول؟ شنقول؟ أحطهم فيي، اللباس، أي الصروال، كتب أدخل ضعيفة أطلع متينة، بورا وجدام وأجناب وهذي، وملوت أول [تضحك] لباس مال أول صراويل أول [تضحك] السير قوي فما راح يطيح، انزين؟ وأطلع بكل نعومة من جدام اللي قع يتكلمون عن اا مفتقدين ف- الملوخية بالأنارب، بنات صبايا ستات مشغولين عني في حديث اليوميات مالتهم، أروح البيت، ولا عندي بعد فترة صار عندي مكتبة، ف اا ما عندنا مكتبات قبل اهني ن رف تحط عليه كتب ميشنو- تحت فراشي، أسلفه أسلف كتاب حق زهور ج- جارتنا، طبعا آنا وياها وايد كان شياطين، تعلمت البوق معاها يعني بعدين، البوق من الجمعية توها طالعة الجمعية التعاونية جمعية الدسمة، بوق [incomp] قصار احنا، جيس مليان نطوف ولا أحد ينتبه لنا [تضحك]، ما خلينا شي ما سوينا [تضحك]، ف، فت- تروح على ال البيت فأعطيي ااا زهور المكتبة الخضراء عجبها الغلاف والرسم وشي جذي، عطيني عشر فلوس، فأستثمر، تعطيني الكتاب، إذا زدتي تأخرتي عن الم- المدة كنت أعطيها يمكن أسبوع شي جذي، آخذ بعد عشر فلوس يصيرون عشرين فلس، عرفت؟ ف صرت أقرا وهكذا أعمل مع جاراتي مع البنات في إن احنا نقرا في المكتبة الخضراء، ف اا وهاي من أجمل ذكرياتي في في النادي كان بالل، كان بالدسمة، وباص إييبنا وباص يودينا.

بس عفوا هذي كانت مكتبة المدرسة؟

إيي.

إي.

إي بوق لي هني، يعني لي السقف كنا نتبوق، ولا أحد يسأل وين الكتب وين راحت وين شي، ولا أحد يسأل البت اا الرفيّعة اا قصب هذي [تضحك] دخلت ضعيفة طلعت متينة شلون؟ محد يسأل.

طيب في هذي المرحلة غير اا كتب المكتبة الخضراء اا تذكرين إذا كان في قراءات ثانية كانت تشدج؟

لأ- اختي سارة أكبر مني كنت أشوفها تقرا لنجيب محفوظ بس كتاب وايد متين، وانا ماحب الأشياء المتينة، بعدين قمت أقرا عاد بو ستمية صفحة وهذيل، بس كنت اا أستثقل يعني دم، تبي شي خفيف صغير وأشياء مثل هذي ب اا وتعوض بعد اا مثل ما قلت لك شطانتي ب بالفريج، مع صبيان لعب مقصي عنبر حي الميد قواري وناسة حياة صبيان، فما تبي عل- على على الطوف عالأسوار على الأشجار، ما تبي تقعد اا وايد تقرا يعني تكن، بس.

مم.

هذي هي.

اا طيب انتي ذكرتي لي إن مثلا في بيتكم في شرق اا يمكن ما تذكرين وايد و تذكرين إن اا عالأقل إن العلاقات كانت شبه معدومة يعني مع الجيران في منطقة الشعب اا في السالمية والشعب ب بديتي تزورين اا صديقاتج من أبناء الجيران، اا وو هم بعد ذكرتي لي إن كنتي تحبين تطالعين تلفزيون و اام يعني م-

هذا كله بالشعب.

إي هذا كله بالشعب-

مم مم.

و إن تلعبين مع الأولاد في الفريج آنا كنت-

إي-

أبي أسئلج إن ش- اا شنو مثلا في طرق اا كنتي تقضين فيها وقتج من باب ال الت- اا الترويح يعني والتسلية-

مم-

إذا كان في أشياء غير هالأشياء هذي-

مم، أول شي ب ب بالسالمية وايد صغيرة فما في علاقات مع الجيران لأن العايلة كبيرة أصلا، يعني بنت عمي موجودة مادري منو موجود فما ما كان في علاقات مع الجيران، أو خل نقول مع ثقافات أخرى إلا عبر بوابة الروضة يعني إن هي تكون- في الشعب لا جيراننا هذيل كل أبوهم اا منطقة الشعب الحين لما أمشي فيها يعني شوف شكبرها، آنا أذكر إن ما في بيت آنا مو داشخ- داخلته، ولأ وانا ماشية مرة حتى للقادسية زايرة بنت الساير هناك آمال كانت اا بالمدرسة معاي ماشية من قطعة واحد لين ع- معدية جم قطعة عشان أروح لها في ب- بيتها، كان عندها عيد ميلاد أو شي جذي بالقادسية، أروح الدعية رايحة مثلا وايد اا هذي- بس الشعب بيوت وايد آنا داخلتها حدايق الشعب اللي موجودة لحد الآن موجودة هذي وايد لعبت فيها كان في حديقة بالشعب لحد الآن موجودة الله يقطع إبليسهم قاطعين عنها الماي عشان الفساد اا هيئة الزراعة وو عليهم فلوس كهربا وماي عبر سنين مو معطينهم فبالتاليي- والجمعية ما تقدر تعطي لأنهم يتبعون هذي ف الأهالي قع يعطون حق هالجمعية اللي عمرها فوق سبعين سنة حق يعطون حق الحديقة، يعطون تناكر ماي، فالأشجار لا زالت خضرا، عمرها ستين سبعين سنة، هذا مكان الترويح السياحي مال الكويت اللي كان يسويه الله يرحمه العم صالح الشهاب، آنا يوم صار عيد ميلادي، ال، الث- الستين أظن إي، فق- ماحب آنا نحتفل بعيد ميلاد وكيك وهدايا ما عندنا آنا وعيالي ال، ف فاقترحوا إن أهما نبي شي منج من حياتج لايف نشوفه، قلت لهم تعالوا نروح حديقة الشعب، اللي اهيا كانت فيها طفولتي وايد، ورحنا وبساط وأكلنا ومادري شنو، وأقول لهم لما تكون انت ميدانيا موجود يعني في المكان أحلى من الذاكرة الشفاهية يعني اللي تتذكرها، إهني يا يما كانت في فعلا في الدجة جذي من- مثل منصة حجرية معمولة إهني عودة المهنا كانت تيي تعزف، أو فرقة أم زايد كانت تعتزف لايف ها؟ إهناك أكو فرقة رجالية كانوا ي- إيون ويعزفون فرقة خالد بن حسين ولا هذيل- ذاك الصوب أكو ألعاب للأطفال والمكان هذا يمور بعوالم عائلات مختلفة، واللي يبيع عاد اا برد واللي يبيع ما أعرف إيش يعني حياة عرفت؟ وتدخله و وتقول لي حر ما صيف الترويح السياحي كان بالصيف تقول تحس بالحر؟ أو تحس بالرطوبة لاكو ترفي- ن نفتح لهم مراوح لا لا اا خن خنن يحسون بالطراوة- لأ، مع المغربيات لأن اهو مع لما تنكسر الشمس يبدأ الجو يصير حلو- جو في منتهى- إهني صار جذي يا ماما وهني صار جذي وأشرح حق عيالي كل مكان، وبعدين خذيتهم على مدارسي في المنطقة الحين بالشعب على بيتنا بيت العائلة الكبير، وبعدين جيراننا، ولا اهما قاعدين برا، ولاا أم محمد ويا بو محمد عمي سعد- هذيلي اللي أموت عليهم أقول لك، ولا نزلوني- انت ياي حق عائلتك وبعد سنين من إني الحياة شغلتنا يعني ما أروح لهم، إلا يعني بوفيات ما وفيات أمي يعني أبو- يج- ي يجون و انشوفهم ف نزلنا والعيال مستحين يعني أهما قع يب يشوفون الأسرة البديلة اللي كانت تربي أمهم يعني، عاشت وياهم، ف ااا فهذي أم محمد أمكم شكثر كانت وكيحةةة [تضحك] ما تنزل من الشيرة ما تنزل من مادري شنو، والعيال فرحانين يقولون والله طاقة [تضحك] واهما عبالهم إهيا تبي يعني يقولون لها أوه يما انتي جذي شيطانة؟ فيقولون لا واللهِ والله عندها طاقة خوش شي ي- انقول على منو طالعين، وتقول لهم عاد أحداث يمكن حتى آنا ما أتذكرها أو بعض الأشياء اللي أتذكرها بالعيد أروح وياهم عايلاتهم، لأن احنا كنا بيت عائلة كبير فالكل يجينا عماتي إيونا خالاتي إيونا، يدي ويدتي هني، بينما هذيل لا هذيلل ال الأسرة المستقلة اللي صارت في بعدين فيروحون للكبار فأروح وألتقي بأطياف مجتمعية غير، عرفت؟ فال جذي ويعطوني عيدية بعد بكل كرم، ف اا فبس عاد آخذهم- بيت هني بيت عمو عبداللطيف الكويتي كان هذا- هاي طوفته هذي يا يما؟ خريناها خر آنا ومنيرة كله فوق بال جذي، وبعض الذكريات يسئلوني فيها عن عم عبداللطيف لأن الله يرحمه كان مشلول ومنو اللي كان يخدمه اا عبيد، وو كرمه معانا لما يعطينا فلوس ولما يعطينا مال، يعني كان، مع إنه سوى شي عنصري منيرة قالت لي ياه مرة، قال لها لا تمشين مع العيمية، آنا لاحقتني العيمية [تضحك].

[المحميد يضحك].

إهني.

إي.

فنفس المرحلة اللي فيها قلت حق يدي غير اسمك، انزين؟ [صوت قداحة].

اا آنا في شغلة انتي قلتيها شدتني وايد قلتي لي إن انتي كنتي تحسين إنج مليئة بالحياة والفن.

مم.

اا في مرحلة الطفولة، اا هل المدرسة ساهمت في إحساسج هذا-؟

جدا، جدا ما أقول لك آنا دايما في أنشطة موسيقية وأنشطة جم- بالجمباز وو و ويعني كان وايد في حياة في إذاعة في مسرح في ك- انت يا إذا انت ما تشارك انت متذوق، انت تشوف، وأعمال مين؟ موليير وشيكسبير، مو أي كلام، و م و لما يصير في الأداء الحركي الرقصات ال استعراضية الكبيرة بالمجاميع الكبيرة انت تسمع أم كلثوم وعبدالوهاب يعني على موسيقاهم فاهم علي؟ ف اا لما أرقص بالتلفزيون على شادي الخليج، ت في منابع عندك أبوي يموت يعشق الأغاني قلت لك العراقية- ما قلت لك العراقية قلت لك فيروز الصبح، بس دائما احنا مثلا عندنا ناظم الغزالي وما أقدم من ناظم غزالي، يوسف عمر وهذيل، عرفت؟ مؤسسين أغنية يقول لك هاي أغنية الريف اللي فيها المقام، هذي أغنية التشوبي مالت الشمال، هذي أغنية بغداد الي اهيا أغنية المدينة، اللي اهيا تصير عاطفية، وأغنية البصرة تشبه الكويت، عرفت شلون؟ فتحس إن انت وايد وناسة يعني الحياة مليانة، مليانة ماكو شي اسمه بنية قعدي في البيت ما ت- أو ما تروحين وتلعبين بالل بالشارع مع صبيان ما ي- ماكو، عادي وعبالك صبي يتحرش أو يشوف ما هذي؟ لأ، كان عندي على- أصلا آنا ما كان عندي إحساس بالجمال وانا صغيرة هذا point وايد مهم، الكل يقول لي حلوة ما عدا أمي، عمرها هالمرا الست زُهرا ما طلع من عندها كلمة إن انتي حلوة- طفلتج طيب وأشبهج طب قولي كلمة حلوة، لله يا محسنين ما تقول، بس كان عندها شي وايد مؤثر، مرة صار عندنا حريجة آنا أروح بيت الجيران أتصل بالمطافي وأييبهم وأنطرهم على راس العاير، عمري احدعش سنة، قالت لي انتي شجاع، بدون حرف العين ها؟ فأهم آنا إن آنا شجاعة، عرفت؟ إذا، بقتي الكتب أو مش لأ مش بوق الكتب، إهيا والله ما تسألني حتى مصدر الكتب منين، مشغولة المرا، إذا جذبت على أبوي أجذب عليه، أوكي؟ فتقول لي انتي إنسانة صادقة، يعني ييتي قلتي لي اعترفتي إن هذا غلط تسوين جذي، قلت لها إي بعد انتي ما يعطيني اا ربع دينار أو ما يعطيني جذي وجذي، فهي تفهم بس إن صادقة شجاعة قوية تساعدين، أساعد عبود لأن عبود آنا اللي أحميه الولد النعومي، آنا اللي أحميه من الصبيان محد يقدر يقرب عليه، محد يقدر ي ي يتكلم معاه، أطق، ف يبون أي شي من البقالة آنا أروح أييب بيتنا كان فيه تدخين، يدتي تدخن أرجيلة لي قبل لا تموت، رجال ما يدخنون بس أحنا النساء عندنا العيم دايما النساء أقوى فإهيا تدخن ملاية ها؟ عمتي تدخن سجاير، آنا أروح أييب لها من ال بقالة وفي أول تجربة لتدخين السجاير اللي الحين قاعد أسويه- يا سلام [تضحك]، يمكن كان عمري ثلثتعش، حتى آنا تأخرت في البلوغ فبعدني ولد [تضحك]، عمتي أم خالد قالت لي روحي البقالة- وقبل البقالات بين البيوت، روحي ييبي لي روثمان، حاضرين للطيبين، هوا أركض، هوا، و ولا يكون عبالك احنا قبل عندنا جواتي رياضة؟ نعال تشم تشم، بعد يعني بس حق المدرسة نلبس جوتي، يعني النعال هذا البلاستيك [تضحك] أي شي يعني، اللي اهوا اا سلاح الأمهات غالبا [تضحك] تشوف لا-

[المحميد يضحك]-

لابسته برقبتي؟ ف اا، لابسة [incomp] عشان أقول لك عن الحادثة الياية الحين-

[المحميد يضحك].

ف رحت شريت الل اا ال سجا- البيت كله يدخن، عمتي بدرية تدخن عمتي تدخن أرجيلة ويدتي تدخن أرجيلة- أرجيلة شيشة whatever، أمي ساعات تدخن خالتي تدخن يعني مدخنة هذيل به- الباطنية [تضحك] مع إن على فكرة الباطنية كان حي عثماني وايد تاريخي وعريق في مصر ما له علاقة بالفيلم اللي سوته نادية الجندي سوته مال مخدرات ومادري شنو، المهم [تضحك] ف، يبت الروثمان في الطريج شنو بأتسلى عاد؟ يينا ركضنا نص طريج بعدين أقد- أفتح السيلوفان، بكل رقةٍ ونعومة، ييت ولا عمتي مادري بالدور التحت أو المطبخ أو مادري شنو وانا الحين فوق قاعدة بال مطرح بعد و كراسي أمي جدامي قاعدة مثل ما انت قاعد هني قعد تقرا بس بيني وبينها تقريبا ثلاث أربع أمتار، أربع خمس أمتار غرف أول وايد وسيعة الأسقف عالية، ف قعد تقرا في جذي، قومي الأستاذة ليلى إي، في، جبت شخّاط ج- جبريت ها؟ ف فتحت الزقاير جان أولع لي سجارة من مالوت عمتي- على ما تيي، هي خلينا نتسلى، البيت كله محشش [تضحك]، عادي على أساس انزين؟ ومحد يقول حق أحد لا تدخن ترا، مع إن ما طرت بعيني لأن العودة يدتي تدخن، ولا الرياييل يقولون حق الحريم لا تدخنون، أبوي ساعات يدخن زقاير، معاه مارلبورو أحمر، أو كنت ساعات أشوف الباكيت بس يعني مو م، فيوم وانا في تأثري أيضا بالمجلات اللي كانت تحط عن- اا اا إعلانات السجاير يخت جمييل وبحر أزرق، وبنية جذي فارعة الطول شعرها أصفر تدخن وشاب في منتهى الوسامة الشباب كلهم حلوين البنات كلهم حلوين، وقع يولعون سجارة وحاطين ال ال اا العلا- علامة الباكيت بعد أيضا جدام يعني إذا ما شفت اللي بيدهم بتشوف هذا اللي هني، بحر سما يخت اا لابسين شورتات وو، وحدة فيهم لابسة بنطرون أبيض أذكر وشباب حلوين، شنو أحلى من جذي؟ كلكم حلوين- كلجن حلوين [تضحك].

[المحميد يضحك].

انزين؟ فآنا بكون منهم، الحين بعدك يعني ثلثتعش أربعتعش هاي أحلام المراهقة اللي بتصير [تضحك] بس في أزمة عدم البلوغ ليلحين آنا ولد ولا بنت؟ هاي بعدين، ف يوم ولع ال عود الجبريت ياية توه بيوصل حق السجارة اللي بشفطها ولا إييلك النعال الطائر من أمي، شالت راسها سمعت صوت الجبريت جذي ولا يطيح الجبريت يطي- يطيح نعالها نعال يمها بين الل جبريت والسجارة، هذا كان أيامها أحدث اا أحدث دراسة تربوية [تضحك].

[المحميد يضحك].

في تربية الأولاد نعال [تضحك]، ما كان النعال اا شخصية يعني، أظن كتبت مقالة عن جذي في الجريدة اسمها أحترم نعال أمي، لكنه ما يسوي شي، أحترمك إي يعني بس ما ما تسوي شي، ما مؤثر، ب- حسيت بإهانة الحين انت قعد تكبر الحين بعد ها؟ فإنت الحين الهرمونات تبي تشتغل عشان تبلغ ما تعرف عن يعني الأمور هذي، خذيت الباكيت والجبريت ورحت الحمام، وشي ورا شي شي ورا شي شي ورا شي اللي نص اللي ربع اللي أكمله اللي مادري شنو وأبجي، بروحي بيني وبين نفسي ميخالف أبجي، وين أطفي الزقاير؟ نذلة، في كل البواليع، عشان تضطر تتصل في السباك باجر [تضحك] يسد الماي عليها، ودخنة! الحين انا مو حابته أهوا عناد، وفتحت دريشة الحمام الدخان بدا يطلع شوي، وأفتح الماي عشان أخفف ال جذي، وهي تطق الباب حيل، فتحي الباب، مرة تسب مرة تشتم مرة، تعالي مرة مو مو زينة- الزقارة مو زينة [تضحك] الزقارة مو مو زين مو زينة ما هذا يسوي انت مريز وهاي مايشن- من هالسوالف هذي، الحين مادري أضحك ولا انا متعودة عليها أكيد ما راح أضحك [تضحك]، صارت بعد اليوم ما تكلمني، في هالسقارة اللي لي اليوم أمسكها، ما عادت تقول لي، يعني إهيا ممكن بلطف تقول إن يعني آنا أحبج أبي صحتج تكون زينة يع- قلت لها وانتي لما كنتي تدخنين؟ آنا شايفتج، عماتي، يدات- يدتي، لعنبوكم مو بس جيل واحد يعني [تضحك] جيلين قبلي، قع يدخنون، ف شالنعال اللي عطيتيني ياه؟ ش شنو أسوي بعد هاي هاي أسلوبهم يعني هاي طريقتهم.

بس انتي هذي كانت البداية واستمريتي في التدخين يعني من بعدها؟

إي يعني مو بعدين ممم ما صار يعني شبه اا، لأن اهيا تحبني بجد يعني آنا اام، اا وانا حنونة عليها وأحس وايد وايد وايد اام ب يتمها وطفولتها وإن ما كان في أحد يوجهها ولا أحد يقول لها، فإهيا يوم يت توجه توجه بالنعل مثلا عرفت؟ إهيا ضبطت خواتي الثنتين الكبار بس ما قدرت علي، أكو شي رائع رائع رائع حصل في حياتي، اختي الكبيرة بتطلع برا، مع جارتنا آمنة، بيطلعون بالفريج يقعدون ن عادي قبل مراهقات ها؟ كبار، ف كانت اا- وانا شيطانة وايد وأمي ما تقدر تسوي علي كونترول لأن أيضا عندها شغل البيت، فكانت أمي اا، عاد ت- تكتشف انت، لا عيب هذيك أقولها لأ [تضحك]، ف يت اا شاسمها وايد جريئة يلعن يومج، ماكو ضوابط أبدا.

[المحميد يضحك].

ماكو على أكتافي نجوم ولا أكو شي، ف، ف كثر ما آنا شيطانة الظهر يترسون لنا الحوض، مربع كان أيامها قبل البانيو ها؟ ف أهوا مال بيت الحكومة نفسه، يترسونه لنا ماي آنا وعبيد أخوي نسبح فيه، عشان بس أخليهم ينامون صراخ وركض وضحك و ف كبار يبي ينامون اللي ياي من دوام واللي ياي من مايشنو، ف آنا أنحاش ألبس ساعات أروح الفريج أروح مادري وين، فأمي اكتشفت اا إن آنا أطلع الظهاري أروح ألعب مع صبيان الفريج، فعصبت على اختي العودة اللي حاطتها رقيبة علينا، واختي العودة مو فاضية تبي تروح تقعد بال مع أمونة سوالف، معاكسات بعض الشباب توها كانت تحب ولد عمتي، إيي بسيارة قديمة كومورو أذكر كشف شعره طويل، والله ولا أحد كان يعترض عليه، ويطوف عليهم ويتكلم وياهم أو ياخذهم مطعم صمون طما- بطماط باذنجان هذا كشخة يعني شيراتون مالهم، فكانت اا فأمي يت قالت لها بعد خناق قالت لها ليش تهدينها قالت لي انتي أكو شي ما تعرفينه عن هالبنية، ف فزعت المرا، قالت لها شنو؟ جان تقول هذي خاطفها إبليس، هذي بنت الشيطان، ف- وذيل سذج هذيل ها؟ جان تقول لها وي! شلون؟ جان تقول ما تشوفينها كله تمشي عالطوفة؟ عالسور البيت؟ ما تشوفينها كله عالشيرة؟ تروح حق أهلها، تروح حق ربعها، ف فما تقدر إهيا اتصير اللي انتي تبينه تحكمينها تضبطينها، أمي استسلمت، فصار الانطلاق مضاعف، ااه ماكو شي مانعني، رجعت آنا حق قصر الشيخ عبدالله السالم، ورجعت ألعب في الفريج اللي ورا اللي ورا، رجعت أسهر بحديقة يم بيتنا أسهر فيها لي أربع الصبح بس شوف شلون كانت الكويت أمينة، ها؟ كان أذكر زواج عمتي وزوجها جارنا ذاك الصوب إهي نفس القطعة بس بعيد بيته شوية، في بين في حديقة بيننا أقعد لي الصبح أتأمل القمر والنجوم وال- أنام عالأعشاب ولا هذي، واهما يلفون المنطقة كلها يدوروني ما يلقوني، وأرجع الساعة أربع لما ت- يبدي يشق الشمس شوي فأبدأ أحس بالحرارة، فأرجع أروح البيت، ولا أحد يحاجيني ولا أحد يقول لي ليش ووين كنتي- وين كنتي؟ كنت بالحديقة، وصاجة ترا ما جذبت، عرفت؟ وكنت مع فلانة جارتنا بنت يعني فل- بنت فلانة، وهي بعدين راحت خافت، فصار في انطلاق أكبر في هذي الموضوع.

و هذا الشي اللي انتي قلتي عنه هذا شي رائع جدا صار في حياتج-

طبعا، مم-

إي، اللي اهو الكلام اللي اختج قالته حق الوالدة-

إي إن آنا ب-

إي-

اا إن ح اا اا الشيطان بايقني، فآنا بنت الشيطان، عطى حرية بجد، يعني إنك انت، اتكون ف- تزور بيوت صبيان تلعب كرة قدم مثلا بالفريج، تلعب ع اا ما ما ما تقدر اا تعترض آنا م مو مو أ- مو إنسي، فوناسة، جد.

عجيب.

إيي، وايد حريات، أبي أروح النادي، أوكي، أبي أروح ألعب كاراتيه فيي كان ال اا ال هيلتون، كاراتيه توهم فاتحين الهيلتون اللي ببنيد القار، الحين صار سفير، إي ميخالف إي روحي، يعني فتساعد عالك- إي إوه آنا كان عندي نشاط رياضي عظيم، في السبعينيات الأندية الرياضية العربي والقادسية وهذيل واحنا بعدنا بنات مدارس ها؟ كانت فتحت مجال لل البنت الكويتية تشارك في جميع الأنشطة، بس تكون فرق نسائية بس تبع النادي العربي تبع النادي القادسية تبع نادي الفحاحيل، يعني تصور انت وين بنات كلهم كويتيات، فزوج عمتي بو خالد الله يرحمه كان عضو جمعية عمومية أعتقد في النادي العربي، فشاف هاي البنية اللي كله منطلقة وانا أقود مجموعة أخرى من البنات الخالة والعم، فيي نروح السينما مثلا، بس أهما مع مع ليلى، نروح السوق لحالنا مثلا واحنا بعدنا بنات مدرسة يعني عرفت؟ نركب باص نركب مايشنو نروح السوق، ف، لمن، مم، لمن يى على، وين كانت الفكرة؟

اا ع- بخصوص الأندية الرياضية أظن؟

آه!

إي.

فتصور الكويت شلون كانت، أذكر منهم دلال الرويشد، أذكر منهم يعني، والنادي إدارة النادي في منتهى الإحترام التقليدي اللي اهوا يعني كأنه يتعامل مع بنات العايلة، فهذا زوج اا خالتي- زوج عمتي خذانا على النادي، وسجلنا، آنا وبنات عمي وبنات خالتي وذيل كل البنات، وطبعا في غيرنا، وبعدين ما فيها اختبار قبول نقبلكم أو ما نب- يدم- يد- يدربونك، اختار اللعبة تبي كرة يد ولا تبي طائرة؟ هاي الأشياء اللي كانت اا متوفرة، المهم.

هذا أي نادي انتي انضميتي له-؟

آنا العربي رحت، بس نسوي بعدين مباريات نسوية بيننا وبين القادسية، وبيننا وبين هذيل وليلحين يعني احنا بعدنا تونا قع نبدأ، بس فكرة ناهضة ومستنيرة ورائعة، وامتصت طاقات ما تتخيل يعني، بدال ما انت تقعد بالفراغ والكآبة، ودائما تحسهم ذيل الرياضيات دائما اللي بالرياضة ما- دايما fresh دايما عندهم طاقات وو وو حلوين ومرحين وو، فوصل فيهم الأيام إن دخلت أنا كرة اليد، بعدين عشان آنا شوية كنت سمينة كله حطوني قولجي وتكفخ فيني بهالكور اليابسة- ياسبة! عنيفة، البنات يعني، بس الكرة يابسة، ب جان أقول مابي إهني، بروح الطائرة، الطائرة انت طاير، الكرة خفييفة، جنها كرة تنس بس على كبيرة، أعشق أحلى البنات، وينزل وزني نزول ما صار، من الاجتهاد ومدربنا كان كبتن خليل الحلواجي، اللي عندهم محل كان كان أهوا كبتن فريقه، وصارم و اا حازم، بحيث إن آنا يى المنتخب الصيني للكويت، منتخب النساء الصيني، منتخب واحنا فريق لحظة ما صار لنا سنة، تسع شهور، جان يقول لازم نبيض [تصفق يديها] ويه الكويت، الله إذا ع، نبيض ويه الكويت نبي نسوي منتخب نسائي، واحنا عاد استهترنا بقدرات الآخر يعني نعرف إن الصين دولة كبيرة ما نعرفها مثل الحين، ما ندري إن الصين professional في كل شي بس كنا نشوف الأولمبياد لما يصير كانت اا يطلعون بالتلفزيون كنا نشوف بنات صينيات، يعني في ال مختلف إن في الجمباز و في ال- في كل الألعاب، في السباحة في الر- ألعاب القوى، فقلنا ويه بييبون لنا الصينيات ذيل اللي قد العيش، اا نلعن خيرهم احنا، انزين؟ وإيون ولا الوحدة فيهم إحنا نوصل طول فخاذهم، أجسام صحية مبنية من صغرها، عرفت؟ ف اا لأ هذيل مو [تضحك] أوكي يعني يعني بلغة اليوم ها- هذي صج ولا غرافيك؟

[المحميد يضحك]-

بس طلعوا صج، عرفت؟ اهناك ياخذون وفق موهبتك، حتى روسيا الاتحاد السوفييتي كان جذي، شنو موهبتك؟ ما في داعي تدرس انت جبر ورياضيات ادرس موسيقى انت موسيقى، انت بمسرح مسرح انت في رقص تروح بعدين تصير في البولوشوي، عرفت؟ محترف بعدين تصير، بس في سنوات دراسة، عرفت شلون؟ مثل معهد الموسيقى هني عندنا مثلا، بس معهد الموسيقى يجيك بعد جم؟ بعد ما تجاوزت ابتدائي ومتوسط وثنوي بعدين ياخذونك، مع إن معهد الموسيقى ياخذون ثنوي، بس اا مثلا بكالوريوس فنون مسرحية اللي درسته، بس ياخذون ال ال البرعم واهوا صغير شيبيّن عليه؟ يودونه يوجهونه بهالاتجاه هذا، ف القصة الحين ياخذوني آنا آنا قصاصة، طولي مية وأثنينة وخمسين، أقصى وحدة كانت عندنا مية وستين وفرحانين فيها، يعني هذي اللي بتصد الكور، ف اليوم يوم المباراة، وكان في شهر محرم، which is هذا فيه كل شي محرم ممنوع والحسينية ببيتنا احنا، [تتنحنح] والمباراة أحضرها أحضرها آنا ضمني جذي، كفخوني يا عزيز بالكرة، لأن أهما ع- اا الكرة لها تكنيك يعني إن اهما يطقونها من ورا شبكهم على القاع لازم تصير عشان تنحسب هدف، وانا يم القاع، فياني على ويهي وعلى عيوني شكثر، انزين؟ وهاي انا بعد مجتهدة وخاسرة اا جم عشرة كيلو، إي خفيفة حركة بس أكو تقنيات أكو سالفة أكو قوة مبنية هناك جدامك، انزين؟ في يوم صار الاحتفال اللي هو يسمونه حفل استقبال حق الضيوف هذيل بالشيراتون، والليلة عاشوراء، وعاشوراء هذي يعني كل شي يكون- يطفون الكهربا والماي وكل شي ماكو شي، انزين؟ قمت انا خليت اختي ت- ما أسوق بعدني، اختي وصلتني، ف اا، حتى بالمتوسطة يعني بعدني مو مو ثنوية مثلا، فقلت حق اختي توصلني وصلتني ما قصرت بكل إباءٍ وشمم، ورحنا الشيراتون و ويا حلو هالصينيين والعالم الرياضي اللي ياي وذيل جذي، ما صار لي يمكن حروة ساعة ونص البوفيه فتحوا تفضلوا على البوفيه مايشنو، أول لقمة ولا اختي ياية مفزوعة، ياية ياية بعباة بعد إهي قاطتني سفور يت بعباة، جا- إهيا عباتها بالسيارة طبعا، فتنادي واحد من هذيل تقول ناد اام ليلى، فريق نادي العربي شي جذي [صوت قداحة]، هذا كلم أحد من النادي العربي قالوا له هذي اهيا، تعالي لحقيي في عرس ديموقراطي بالبيت شلون؟ يدتي درت إن انتي، مو موجودة، آنا وين؟ جان تقول درت إن انتي طالعة حفلة أو شي جذي، وتوتونا، لأن آنا مرة حطوا صورتي على غُلاف مجلة الرياضي لما كنت ااي، ف اا فتناقلت وتوتة بين الحريم إن هذي حفيدة الملاية، انزين؟ فينتقدوها، قول ما تكلمت أيامها وايد، بس ثارت لما دخلت الصحافة فيت امشي الله يخليج امشي ناكل من مم، الحين ها بل- بعد شوي بقى ونمشي جان تقول امشي أمج بتموت بعد هاي نقطة ضعفي، بتموت ليش بتموت؟ جان تقول بجي بجي بجي وقعد تنهار وكل ساعة تغشى أمي، بس آنا بعد أحبها هذي، ضعيفة وتضعفني، آنا النسرة قعد تشدني إلى منطقتها، بس بالآخر أمي، قمت رحت البيت على طول عالفراش، ما تطمنت إلا لما أرسلت مراسيلها وشافتني نايمة، جان تقول أحسن الأباليس ناموا، نام الشيطان، عشان لا أنزل الحسينية وأضحك الحريم، ناموا بال جذي بس عاد بعدين ما حاسبتني ما ما صار شي.

أهوا هذا لما كنتي مشتركة في فريق الطائرة-

مم-

أو النادي العربي هذا كان في مرحلة الثانوية؟

لا ما ثانوية بعدني.

بالمتوسطة-؟

لا لا إي، أول أول ثانوي.

إي إي-

يعني طالعة من المتوسطة رايحة أولى ثنوي.

إي أوكي أوكي-

بيبي السالم.

إي.

مم.

حلو حلو، اا طيب أستاذة شرايج اا نوقف تسجيل حق اليوم و-

طبعا-

نكمل يعني في الجلسة الياية على شان ما نكلف عليج وما نجهدج هم بعد.

إوكي.

إي.

يهمني بعدين أذكر أثر الدين وأثر-

أكيد أكيد-

اا ثورة ااا الخميني.

تسعة وسبعين-

وآنا شيع- إي وكل ال حال اللي صار بعدين.

إنشالله.

وما قبله.

إنشالله-

أوكي-


إنشالله عيل أوقف التسجيل-

تمام أذيتك مو-؟

لا!
أوكي بدأ يسجل آنا عبدالعزيز المحميد واليوم نسجل ال جلسة الثانية من المقابلة مع الأستاذة ليلى أحمد، اليوم الثلاثاء التاريخ أربعة أكتوبر ألفين وأثنينة وعشرين، والساعة حاليا أربع وتسعة وأربعين دقيقة مساءً واحنا متواجدين في بيت الأستاذة ليلى الكائن في منطقة الشعب البحري، أستاذة تعطينا إذن شفهي بتسجيل المقابلة؟

طبعا guaranteed directly.

[المحميد يضحك] شكرا يعطيج العافية-

إي والله.

اا أستاذة احنا المرة اللي فاتت تكلمنا عن المراحل المبكرة من حياتج.

مم.

اا مولدج في منطقة شرق وانتقالج إلى منطقة الشعب، اا تكلمنا عن-

السالمية بعدين الشعب.

إي السالمية-

لأن روضة- روضتي جامعتكم الأمريكية كانت روضتي [تضحك]-

02:52:13 - دور الدين في حياتها

Play segment

Partial Transcript: إي قبلا يمكن آنا قلت إن الحسينية كانت اا كيان ديني، وأيضا وأيضا اجتماعي يعني عشان احنا عند- ما عندنا ااا أهلي أسلافي اليدتي ويدي وذي- ما عندهم لغة عربية فبالتالي هذا مجتمع حريمي يتصرف في يتم فيها التزاوج والتعارف و إقامة ال طهور مثلا أو الدزة أو العرس فيصير في لأن انت أسر صغيرة يعني ياية مننن هناك من من إيران فبالتالي هذا ال الجيل الأول بعضهم مثلا يدتي كانت ويا أهلها بيت الصراف موجودين من قبل، بس يدي كان ياي صغير عمره حدعشر سنة، ف اا بس يدتي قدرت إن إهيا موهوبة بالقراءة بالفارسية فكانت تقرا اا القرآن وتقرا أيضا مطوعة وأيضا عندها ي اا حسينية فإهيا عندها مكانة اجتماعية ودينية في هالأمر، فانت بيتك كله متعود فيه على أن يكون في اهناك اا دين عرفت؟ دون غلو في في اا أي شي يعني في إن يعني أبوي مثلا اا واحد صايع فنان يحب يدخل البيت بعوده وهذي أذكرها ب بالشعب يعني مع ما اا يدتي تعترض عليه، واهي موجودة في البيت نفسه عرفت شلون؟ يقعد يدندن لنا واحنا صغار، عرفت؟ ويحط اا حشاك نعال يمه آنا وأخوي عبدالله بحيث إن يسمّعنا الموسيقى و وعلى ما يدوزن وممل حق أطفال تحت عشر سنين، عرفت؟ بس آنا قاعدة أصفن في أنواع الأوتار اللي يعزفها وهذيل، شوف تعبيراته واندماجه و و حضنه للعود، ف حبيت ال الفن وكان هذا توجهي بعدين، اا بينما عبدالله أخوي ما حب طفل أصغر مني، فكان ينام بنفس المكان بعدين صار أهوا مهتم بالدين وعنده حسينية الحين وهذا [تضحك]، عرفت؟ ف اا أثر البيت اا الديني قلت لك ما كان اا خانق تقريبا، تقدر تعتبر انت في يعني حتى اامم اا بس كان في شي يحصل في واحنا ب اا ابتدائي أو توه متوسطة لما نيي انت في في المدرسة في المناهج تدرس في حصة الدين تدرس اامم الدين دين اا الدين سني يعني أو ال طط اللي اهيا الرئيسي الد- المذهب الرئيسي يعني، هو مال محمد اللي حطه، فتيي البيت يبي يعلمونك اا الصلاة ما تحط إيدك على صدرك مثل ما تسوي بالدين وأضف وأن عليا بعد محمد وإن عليا ولي الله، هاي طبعا هني تبدأ النجرة هاي ما بدت بالمدرسة، فأمي ما عندها أجوبة، أمي عندها شي في إن اهيا تزجرك وتمنعك تقول قولي، بس آنا بالمدرسة ما قع يقول ما يصير أقول جذي بعدين ممكن الأبلة تخانقني، فاهم علي؟ فتحس إن انت في ازدواجية في اا في، في أيام اا لما بدا النزوع الديني المتشدد مع ثورة اا الخميني، أيامها احنا بالتسعة وسبعين كنا في إيران وك- وانا توني مخطوبة ل أبو جاسم، ف اا رايحة مع أهلي، فكانت المظاهرات عارمة مخيفة، وخصوصا بين بيوت الصفيح في طهران و والتجار أكو ت- أكو مكان مرتفع اسمه الشمران وبيت الشاه هناك وحواليه التجار، وكأن كل القمامة التي لدي هذيل تنزل على هذيل المساكين الفقراء، بمساعدة تجار البازار، فكانت تصير ال ال الثورة الثورة على على اا اللل اا البطالة الح- على اللل اا النظام السياسي على الل وخصوصا إن عندهم أهما إرث لما أبو الشاه حاول يل- ي يسحب الحجابات في بداياته يبي يرضي الإنجليز حجابات من رؤوس النساء في بداياته سنوات العشرين، ف اا انت تشوف ثورة عارمة ت وفيها نساء وبنات ورجال وشباب وكل الأطياف، انزين؟ بعدين انت تندهش كيف يختطف الدين ثورة شعبية اجتماعية لها مطالب عائد- عادلة، يفترض أن تكون نتائجها على المجتمع كله تسقط على كتفين الرجل والمرأة يعني على الأثنين، المشاركين في القرار السياسي يُفترض المشاركين في التنمية في العدالة الاجتماعية في صياغة مستقبل البلاد إلى أن انحازت صارت بس حق رجال الدين، فشوف انت كل المؤشرات هذي تعطيك إلى، عدم اا اا قناعة ب الدين أن يتحول إلى سياسة، الدين يقعد بالجامع مثل ما أوروبا غرقت أربع قرون في هال أمور، ف، لما يت يت اا ثورة الخميني صار في فجأة العالم يعني آنا بعدني توني قاعدة اا، اشتغلت فترة فييي أو يعني بالثن- ثانية ثنوي أبي أبي أشتغل أبي أت- أحس باستقلال اقتصادي بس بعدني ليلحين، اا، ت ت العالم كله كأنو عندنا وخصوصا من خلال رجال الدين اللي كانوا هني موجودين في الكويت وفي بنيد القار صار انطفاء للماي والكهربا كل بناتنا تحجبوا وكل نساءنا وصار في تشدد واللي مو متحجبة هذي مم مو مرغوبة اجتماعية وإن كانت بنتهم يعني، انزين؟ فهذا بعد إقصاء ما تفهمه يعني الحين آنا علاقتي كمع بنات خالتي أو بنات عمتي أو مع أهلي وخالاتي أكيد ما تنقطع يعني بالآخر في شي طويل وق- ومن زمان قديم بس لا بد من نصيحة متى تتحجبين يما؟ متى تصيرين من اا هذيل؟ حتى انت تبدأ تقول إذا بتكلموني في هالموضوع الشي اللي يخصني يعني مم ما بشوفكم، ف [incomp] آنا أسوي جو مرح و وضحك وو شطانة و وألعبهم كلهم وأضحكهم كلهم سكتوا عن هالموضوع هذا عرفت؟ فكانت اا ال لما يت الثورة وتحول شالوا فيشات الكهربا لا ماي ولا كهربا ولا عالم ولا هذي، بدايةً شوية بدايةً شوية قلت خليني أشوفه وأتعرف عليه، ال اا، هذا ال ال ال ال اللي قع يطرحونه أهما، من غلو في الدين- خلينا نروح نشوف نخش عش الدبابير مثل ما يقولون، وفي عش الدبابير تروح انت تكتشف إن ااا في نصوص وايد انت ما تتفق معاها لا تحقق لك عدالة إنسانية، فتروح انت تبي تسأل أحد مثلا الشيرازي كبير اللي كان موجود هني الأسئلة حول بعض النصوص اللي موجودة قد يكون في تفسير آخر قال أنه لا يلتقي بالنساء وأنا فتاةٌ صغيرة بعدني، كنت ناوية أيامها لو آنا مقتنعة أذكر أيامها كان في نموذج وايد اا بارز اا اسمها شي المحميد، كان تلبس إهي أول من لبست حجاب الأسود وحتى الكفوف السودا، أوكي؟ ف اا قلت آنا بسوي جذي، وأمي قعد تشجعني أمي اللي أحبها، أكو أكو شي عاطفي يربطني فيها بس مش بالضروري فكري يعني مو في ال اا موض- أبوي تارك الأمر، لا آه ولا لأ، من جذورنا الدينية إن في أبوي إن يمكن كان عمري ث- ثلاث سنين يمكن كان في، اا خمسينيات أذكر كنا أهلي ي- الحريم يقعدون فوق في في جامع في مسيد، فآنا أشوف أبوي من ال اا، ال الخروم والحرو- هاي اللي موجودة في اا اا س- ال الجدار اللي تطل عليه فيه بس ما تبين يعني انت بس انت تقدر تشوف شنو تحت، فأبوي كنجم وشهاب واقف ويقرأ بصوت جميل جدا أبوي يحب الأغاني العراقية فأهوا يعرف المقامات فكان يقرا في أدعية وأشياء مثل هذي فيي ذي فالناس تلم عليه- وأيضا لما كنا نسافر إيران يقرأ الأدعية بصوتٍ عربي وبلغة عربية جميلة جدا فالكل دائما اللي غير عربي لما تيي تقرأ له انت شي من الأدعية يجن فيك ويحس بالوجد والشجن وهذيل، عرفت؟ لأنك انت تكون هني انت قريب من ابن اللغة التي نزل فيها القرآن، عرفت؟ فأيضا كان صوته ساحر أبوي في هالأمر في اا هناك- هذي مشاهد صغيرة ترتب- يعني تبين فسيفساء الدين في ب- في بيتنا، لمن رفض يقابلني احتجيت آنا يعني، جان يقول أهوا ما يقابل بنات أو حريم ليش؟ هذا إقصاء، آنا ياي بأناقشك فكر بفكر لا آنا معجبة فيك ولا انت معجب فيني ولا راح أنظر لك كذكر ولا تنظر لي كأنثى، شالنظرة القاصرة اللي، اللي آنا أتحدد فيها لهالدرجة هذي، لهالمكان، فقال ختقابل اا زوجته قلت مابي أقابلها، وانتهت علاقتي، عاد ما احتجت أمي فقلت لك هي تك- تكوينها مركبها ضعيف جدا، بس إن اهوا تحول البيت بس ال ظل المتمرد المشع اللي دائما يبرق بعيني أبوي، إن أهوا ما ان- انحاز يعني ر- اا اا رج- العائلة مثلا الرجال متحفظين بدوا يروحون الحسينيات ويروحون الأماكن هذي بس آنا لأ يعني ما ظليت مثل أبوي مو آنا خاطفني إبليس؟ فآنا أكمل هالمشوار هذا مال اللي أهما يعتقدونه، ف اا كانت اامم يعني مؤثراتها وايد لكنها ليست قاصمة لأن بعدين صارت أقسى وأعنف إن طفلات عمرهم تسع سنين شاللي يغري في طفلة تسع سنين؟ عشان تيي تحجبها، وبعدين يت مناهج التعليم تؤثر انت شوف دور المرأة في مناهج التعليم شنو دورها، شنو عذاب القبر حق ااا أطفال، وشنهي آخر لحظة قبل لا يموت شيقولون له وش- شينقال، فيعني أهوا جارف لأن هناك أيضا الصحوة صارت اللي اهيا الغفوة مو الصحة مالت جهيمان، فقاموا الهلالين انتي مخنوق بين هلالين الشيعي والسني متطرف جدا، ف اا اا فكان مم الأطفال اللييي يسوون لهم احتفالات عساس إن اهمااا لبسوا حجاب وو وممكن تكون مغريات السوق كلها جدامك، من فلوس لمشتريات لأشياء مثل هذي بس إنك انت تلبس، صار الدين اا ظاهرة اجتماعية أكثر مما هو دين، لأن حتى الحين لما أقعد مع أحد من كبار السن فوق السبعين وهذيل أهلي تقعد فيهم أبسط شي أقول لك شي كنت في بر- اا م برشلونة رايحة مع اختي علىى علاج ما بعد السرطان على حساب الحكومة، ف ااا فآنا أبي مدين لها بالفضل إن حممتني في يوم من الأيام وانا صغيرة، فرحت اا ماكو أي link بيني وبينها إهي متدينة يعني ما وانا م liberal عادية، مؤمنة بالله ولكني مو لازم أمشي على نهجهم يعني أهما اللي أسويه، فرحت علىى على وياها الحين بندش العملية أع- ألبس حجاب ليش؟ مو فيها بنج وفيهاا فعشان تقنعها فتقو- فتقول لها إنت اللي م يعني اا أوكي قرينا الضرورات اا تبيح ال محضورات، لازم تتصل في جم أحد من شيوخ دين ما دين مايشنو- إذاً أهوا شي مو نابع من داخلها ومن فهمها، آنا في حالة عملية حتى اتصلت بشيخ دين قال لها الضرورات تبيح المحضورات، فلازم اا عادي تل، الحجاب تقطين داخلة ببنج يعني بساعتين، أسبان وطبيب شنو يعني شنو الخيال اللي يركز عليه الدين في الجنس؟ حق أحد مريض عمره فوق السبعين سنة مصاب بالسرطان، مرض مو؟ مرض مستفحل، ف هذه الأشياء اللي شوية تبعدك عن أي اا فكر سياسي ديني أعتبره انتهازي شيعة أو سنة في كل الأحوال، ااا زمان كان أحسن قبل الثمانينات يعني من الستينيات واحنا بالشعب إلى السبعينيات جيراننا كلهم سنة، ي- عندهم نذور يسوونها نذور وحدة تحمل تدري عاد براءة الناس في هذي يعني عشان جنتهم تحمل على شان عندهم نذر على سفر على اا ال المشقة على ترقية إنشالله على أي شي يصير يجون يدفعون النذور وفي يوم عاشوراء يحضرون لأن يصير في طقوس أعتبرها شبه مسرحية حق اا اللطميات اللي تصير والأشياء هذي، ف اا فيحضرون فبالتالي البيت اللي مقام فيه الحسينية يطبخون هريس وعيش ومايشنو تتوزع على كل الجيران، عرفت؟ ف ففي وداد يعني في يمكن انت هذا ما حسسني م يوما آنا شيعية مثلا عرفت؟ لأن ماكوو ماكو فرق في هالل بيننا وبين حبايبنا وبينا وبين جيراننا، فكان هذا ال المحبة ال العارمة لي لي اليوم موجودة في الل لمن تبقى منهم لحد الآن يعتبرونك انت الطفلة العفريتة الشيطانة هذي اللي تلعب اا ال اا مع الصبيان مثلا عرفت شلون؟ دون أن يزدريني أحد دون أن يقولوا لي عيب دون أن يقول لي- إلا بعدين يوم صار عمري ثلثتعش أربعتعشر سنة قالوا لي عيب انتي بنية أوخ آنا بنية شلون بنية؟ شالفرق؟ يعني شنو في؟ شنو صار في الموضوع اا هذي؟ هاي أسئلة أخرى تتعلق ب عاد بوجودك في في هالأمر، ف اا كان الجو رحوم عرفت؟ بينما الحين تحولت الحسينيات إلى بزنس كما تعرف، بين كل حسينية وحسينية بزنس غير مشروطة غير اا أحكامها أو أمورها المالية غير مربوطة تحولت إلى شكل، باجر الصبح آنا أقدر أفتح هني حسينية ببيتي، بس صالة أقدر أسوي، ويأ- ويأتي ومن وراءها- صار اقتصاد يعني موجود فيي الهذي اا فبالتالي كل ماله يتحول إلى شكل ماهو إلى قناعة وإن في ااا رسائل دينية حتى للحسين أعظم من إن اا في نهج البلاغة وما قاله علي بن أبي طالب مثلا عرفت؟ هاي كلها أشياء مو محسوبة يعني العدالة وال اا فكر احترام الإنسان احترام المختلف عنك بعد وتقبله والتعايش معاه ما موجودة، ف فيصير فييي اا تجارة وبزنس مثل كما تعلم.

آنا عندي كذا سؤال بخصوص هذا الموضوع موضوع الحسينيات اا ب تذكرين النساء اللي كانوا يحضرون المجلس الحسيني عندكم في البيت اا من من أي عوائل؟

يعني غالبا عائلتنا أو عيم.

لأ أقصد اللي كانوا إييبون [صوت قداحة] معاهم نذور من أهل السنة.

إي بيت المجيمي جيراننا بيت الفارس [صوت قداحة]، بيت الطيار بيت الرفاعي إي كلهم عندهم نذور إييبونها، بيت الفضالة هناك، بيت عم عبداللطيف فيعني يع- ال ال اللي اللي عنده شيء- يعني شوف النية الطيبة اللي أهما يسوونها عرفت؟ ووو وخالصة إلى الله through هذيل يعني ال الرموز الدينية التي استشهدت كالحسين مثلا عرفت شلون؟ ظلما، ففي براءة ما في ما في التفسير مجحف إن هذيل شيعة أو كفار أو مدعين، أو إحنا نقول هذا اان اا هذا ملوت جهيمان هذيل كفار أو متطرفين مهما بلغ من عنف كل ماله يبقى على عنف أكثر، هي بالآخر سياسة ترا في مواجهة بعض منو يسيطر عالعالم منو يحصل على اا مقادير الدولة منو اللي يقدر يقمع أكثر أو يحكم أكثر أو يسود هو، بينما هاي مو رسالة الدين أبدا، إي في عايلات كثيرة كانت اتيي، آناا ما بكلمك يعني عن بيوت معرفي أو قبازرد أو هذيل لأ هذيل يعني قول جزء من معتقدهم لأ بيوت أخرى ما لها علاقة فيي، بيت الملا بعد، ففي اللي اهوا الجيراننا اللي محيطين على دائرة أوسع من فريجنا.

اا طيب عندي سؤال اا في و وحدة من المواضيع اللي انتي كاتبتها وناشرتها على موقع منشور تتكلمين عن شلون ال اا الحسينيات بدت تاخذ طابع درامي ويمكن ميلودرامي أكثر في الوقت الحالي، قد تكون قراءتي خاطئة بس الانطباع اللي كان عندي إن كأن الطقوس كانت أبسط في في السابق يعني في زمن سابق-

مم-

عن الوضع الحالي، هل في اختلافات يعني في الطقوس اا اا ما بين الماضي مثلا في حسينية اللي كانت في بيتكم وبين اللي تشهدينه الحين في الوقت الحالي؟

جدا دموية الحين، يعني زمان هو شكل مسرحي بعد، يعني اا زمان وانا أقول لك على واحنا صغار الحدث التاريخي اللي حصل يقولونه، ويقسمونه على عشر تيام أهو كله يوم واحد صار عاشوراء، فيقسمونه على شان ال العدد مجاميع ال الشهداء كبير فيقسمونه على عشر تيام والحين صاروا يسوونه عشرين يوم يعيدون قتلهم في اليوم بعد اليوم العاشر يرتاحون يوم واحد يسوون بعد عشر تيام ثانية، أهوا شكل اجتماعي لتجمع الناس وأيضا ديني وأيضا اقتصادي، فزمان واحنا صغار كان يعني لحد مرحلة قبل لا يجي ال اا خميني وما بعد الخميني يعني قول خمسة وثمانين أكثر اللي بدت تتخذ أشكال عنيفة ومسرحية وشكلية وايد، في إن هي كانت يُقال الحدث اا كانت يدتي بالإيراني تقوله، وبنتها عمتي آسيا تقراه قصائد وشعر أقصى شي يسوونه واهما قاعدين [تضرب بكفها على رجلها] يلطمون يدقون على ريولهم أو إذا واقفين في شكل دائري يطقون على صدرهم، الحين لا في تلفّح شعور وفي تنطنط، وفي عنف وعمق في الميلودراما اا التراجيدي، التراجيدي، أكثر أوكي؟ في الوصف انزين؟ فكان- الحين يعني هذا ال العنف الحين بس قبل ما كان موجود هذا، كان في اا ال العادي فالناس تيجي وحتى آنا العيايز اللي آنا أحبهم بالحسينية إذا كل وحدة تتكلم تتكلم عن ولدها سافر مادري وين راح إيران وما رجع مثلا قرر يقعد هناك، تبجي حنينا له [تضحك] أصلا، يعني هاي مناسبة أيضا للإفراج عن ضغوطاتك النفسية واللي متخانقة مع زوجها واللي زوجها متزوج عليها وال- وقصص من الحياة، واللي قد تكون فعلا قعد تبجي ع تتخيل الشكل اللي صار ل مقتل أهل البيت، وكله م- كله وارد لأن مو معقول انت ألف وخمسمية سنة انت قعد تبجي على نفس الش- ال نفس القصة يعني عرفت؟ هل تطور ال الخطاب الحسيني؟ لم يتطور- النسوي لم يتطور، ماذا أخذنا الحين إحنا من استشهاد الحسين مثلا، وأهل بيته هو موضوع سياسي أصلا، ب من معاوية و [تضحك] ويا اا الحسين على منصب التوريث ما بين إن اهوا ياخذ ابن اا علي أو ياخذ ابن عم اا، ابن عم- عثمان معاوية، قبيلته يعني، ف كيف ممكن انت تستخلص جهود مو إني آنا أضرب نفسي لطما وقتلا في نفسي في انت حالة تأنيب ضمير على ما حصل، شنو شي أقوى فعالية مع الحياة أسويه؟ عرفت؟ ف اا هذا الخطاب غئب، قد يكون عند بعض الر- بعض الرجال موجود بس يعني اا أعتقد تتعتم أكثر يعني قع تتعتم أكثر.

اا طيب في نفس الموضوع ال اللي يبت طاريه آنا توه اا ك- كنتي ذاكرة إن كان في حسينيات موجودة بالكويت اا عدد قليل، اا في حسا- في حسينيات تابعة لمثلا الكويتيين اللي من أصول إيرانية وفي حق الكويتيين من أصول عراقية أو يمكن هذيلا يوا لاحقا، وحق حساوية وذكرتي آنا شدني وايد إن كان في حسينية وحدة حق باكستانيين و كانت طقوسهم أكثر جنائزية.

إي.

شنو هذي الحسينية وشنو كانت طقوسهم؟

هاي كان اا زوج عمتي م ب اا اا بو خالد اللي دخلنا النادي اا العربي الرياضي، هو في ليلة عاشوراء احنا بنات صبايا صغار يعني شنسوي نقعد بالحسينية، ويدتي قعد تطردني وهالبنات اللي حوالي كلهم يبون يكونون معاي، قع نعيش حياتنا يعني، فياخذنا جولة في هالحسينيات، فيودينا على الهنود على الباكستانيين إي يعني ذيلاك في تلطيخ بال- هذيلاك مسبقين بعد في التلطيخ باللون الأحمر بعد على الوجوه على الأيدي على الت- اا الغمس بالتراب وعلى ال قطع ال اا ث اا الثياب الخضرا اللي ملطخة بالأحمر مثلا عساس هذا دم الحسين و وهكذا يعني عرفت شلون؟ ويمه ذاك الصوب قع يطبخون أحلى برياني مثلا وأكل إي ب اا باكستاني، إي كان فيها أشياء مثل هذي وكله مغطى بالسواد الحين تدخل انت أي حسينية نسائية كل أم يايبة طفلها عمره ثلاث سنين أو بيبي شهور كلهم لابسين أسود، بزنس حق محلات أيضا تخيط في هالموضوع موجودين في بنيد القار، عرفت شلون؟ ف اا إي كانت وايد اا دموي- الحين في بنيد القار روح يوم عاشوراء، روح وحدة من الحسينات كانت الخيول وعليها ألعاب يعني تمثيلية كاملة تصير للواقعة، عرفت؟ وانا أشوفه شي جميل الحقيقة يعني ها؟ وشباب صغار ي ي اا حاطين بوثات يوزعون اا شربت ليش شربت حلو في وقت عاشوراء؟ يعني هو يُفترض يكون مال اا فرح مو مال حزن مثلا عرفت؟ من الطقوس ال ن ال الرائعة مثلا ليلة زفة القاسم عند النساء الصواني يحطون عليهم يطفون الليتات وهذي مرة حصلت كانت يدتي بيت الشعب قبل لا نسوي ال اا حسينية مالتنا، في الملحق فكانت تأجر في بنيد القار بيت، ففي ليلة صغيرة وأمي الصبح تاخذنا تركبنا اا المواصلات ونروح عشان نلحق عالمدرسة الباص في بالشعب، ف اا انروح ب يعني من بعد اا خلاص المدرسة ما هالكثر هالكثر أكو واجبات وهذيل، فنيي على الحسينية نقعد طبعاا لعب ما تتخيله بعض الشوارع ليلحين مو مرصوفة تراب وناسة وأماكن حاطين كومات تراب على أساس نسويهم زلاقيات وأكو حجية هذي لا يمكن أنساها تقعد عند البسطة هذي تشبه الحريم في كويت قبل النفط اللي كانوا يقعدون عالعاير يبيعون اا نخي هذي تبيع سمسمية تبيع اا سبال تبيع أشياء هذي اللي تغري الأطفال، ففي ليلة من الليالي بدون اا وقلت لك آنا أمي بعد مو مالتنا يعني مشغولة- مُحتَلة أمي [تضحك] يعني ها؟ مشغولة وخواتي الكبار بعد أيضا مشغولين فدخلت آنا على غرفة في الدور اللي فوق ما أدري ليش ف اا و وفي أطفال نايمين أمهاتهم تحت بالحسينية، و وفجأة يصير ااا إغلاق تام بالكهربا للكهربا رعب الساعة احدعش ثنعش اا بالليل ماكو نوم، وو وصراخ مرعب انت جنك في البيت المسكون، أثاري هو مقتل ال اا الحسين أوكي؟ وصراخ النسوان هذيل من قمة راسهم، فأذكر من الرعب و م ومابي أنام يم الأطفال عشان اللي قع يصير يمكن من قصص خيال الأطفال ممكن في وحش ياي بيذبحنا أو شي جان أنخش بالكبت، كبت هدوم مادري منو كلها ملابس سودا ف انخشيت في الكبت حتى بعدين فتحوا الكهربا وعرفت اا، فإنت انت في حالة د- دفع ذاتي ف اتدافع عن نفسك يعني في هال شاسمه، ف اا، الحين يعني شكليا الحين أكثر منن إقناع، في بالثمانينات كانت العراقيات إيون والعراقيات كانت جمال قراءتهم ما تتخيله، الحين- ما كان في كويتيات قبل، الحين حتى في كويتيات ملايات وايد ف اا، يعني مثل ما قلت لك اخلط البزنس عالسياسة علىى هذيل كل أبوهم تطلع لك الخلطة هذي.

اا طيب بعيدا عن موضوع الحسينيات [صوت قداحة] احنا المرة اللي فاتت تكلمنا عن المدارس اللي انتي درستي فيها اا ب بشي- يعني أكثر شي تكلمنا عن الابتدائي والمتوسطة وكذلك طبعا روضة السالمية.

مم.

اا في شي حابة تضيفينه عن مثلا تجربتج في هذي المدرستين قبل لا ندخل على المرحلة الثانوية اللي اهي في ثانوية بيبي السالم؟

نعم، يعني شوف لحد الآن انت من تتذكر هذي تتذكر البهجة يعني، تتذكر الحريات، تتذكر اللل الوناسة اللي كانت بالمدرسة والانطلاق والل اا الهذيل، يعني يمكنن وايد كنت اا ب مم بليدة- موهوبة مثلا بالجمباز أو بالأداء الحركي، أو في هذيل ااا مثل ما ق قلت لك يمكن تحت الهوا ن إن احنا نحتاج إلى أن تنمي مواهب الأطفال في هالمجال وبعدين يتجهون كما يحصل فييي دولة عظيمة مثل الصين مثلا وهذيل، ف يروحون الأولمبياد بنات بهذا العمر فأح- انت اا بدال ما تُجبر على إنك انت تدرس اا الرياضيات مثلا وجبر شف- شاستفدت فيه الحين مرا شكبري آنا شاستفدت في ال في الجبر المكعب والمربع والهذيل ما عم- عمليا ما تفيدنا، شنو استفدت من آلاف النصوص الليي اا اللي درسناها واللي بالأحرى غشيتها يعني، يعني كنت أتحايل عشان اا أنجح أو ترسب سنة انت عشان درجة، وأول مدرس فلسطيني خصوصي يابولي ياه أستاذ عزت الله يرحمه كانوا يابوا لي أستاذ عزت عشان يطلعني من درجة وحدة بس بالرياضيات لي اا الطفل يفقد سنة من عمره على أساس إن اهوا بالرياضيات مخه مصكر؟ ما يبي يستوعب، ما يبي يحفظ، أوجهه لشي ثاني، للأدب للأشياء الخيالية يعني اللي ممكن تنمي مو- مواهبه، هذي تقريبا الليي اا، كان أوكسجين بالرغم من بلادة المنهج يعني بس مو مثل الحين هم أرحم، أرحم قصص التعبير درا- يعني التعبير اللي كنا نسويه ال اا القصص اللي كنا نقراها غير اللي بقتهم اللي انت تقرا في حصة للدراسة في د- يعني م بالمنهج أكو حصة حصة مكتبة، أكو حصة درس موسيقى، أكو حصة ألعاب، وتلبس وتعمل ود ت وتمارس الرياضة- شايف الجمال؟ فهذي كلها بعدين انعدمت على يانا آنا زين إن أولادي يعني أنقذتهم إني اللي عشته ما حبيته يعيشونه أهما، يعني السلبيات طبعا، اا وديتهم مدارس أجنبية في الـ English School أول شي بحيث الضوابط القوية، وبعدين في ال American.

طيب ممكن تكلمينا عن تجربتج في الثانوية ثانوية بيبي السالم.

03:21:46 - المرحلة الثانوية

Play segment

Partial Transcript: مم، إي ثانوية بيبي السالم يعنيي اهني عاد انت تبدأ شنو شعورك انت وانت تروح الجامعة ها؟ إنك انت ماكوو قيود المتوسطة ولا أكوو اا يعني احنا مع إن مو مقررات ولا شي احنا مناهج عادية، بس تدري إن انت أكبر الحين وقد بدأت معالم البلوغ تصير عندي، وقد بدأت أقارن بين هذا الجسد وذاك الجسد وهاي مايشنو وشنو نبي شنو نحتاج شنو نسوي، عرفت؟ ااا زادت أماني أما- اا قراءاتي يعني بعدين، بيتنا قارئ لأن في هالفترة اشتغلت فيي اا معرض الكتاب مع أستاذ الله يرحمه يحيى الربيعان صاحب مكتبة دار نشر الربيعان، ف أول فلوس أقبضها مع إن أن تقبض فلوسك هذي شي عظيم يعني لحالك تكون، ما ماد إيدك من اا لأهلك فإنت تقدر تشتري الكتب اللي انت تبيها plus إن آنا في معرض الكتاب فيعطونا خصومات المعارض ال دور النشر الثانية، فكانت هاي و اا التجربة وايد وشغلت كل بنات عمتي وبنات خالتي وحسينا بقيمة إن انت لما تنتج وتشتغل غير إنك لما تاخذ من أهلك يعني، وهاي سويتها بعدين مع عيالي، إني أشغلهم بالصيف بحيث إن اهما إذا ياخذون أربعين دينار أغلى لو من إني آنا أعطيهم إمية دينار- آنا ما أعطي إمية دينار بس إن أغلى مما آنا أعطيهم تعبوا في هذا، وبعدين ممكن أكلمك عن هالتجربة، ف اا الثنوية كانت أيضا فيي في نفس الفترة قلت لك كان في كرة الطائرة هناك في المنتخب فيي اا في الهذي، ف ف إذا عندي اا شكوى على أي شي بالإدارة- آنا أذكر شطانة أكثر شي، وأكثر من يذكرني فيها الحين لما أروح ألتقي في ستات كبار أروح جمعية الشعب كانوا أهما هني ف يقولون لي عاد شنو كنت أسوي من بلاوي يعني وايد كنت ساعات جليلة حيا يعني بعدفي ال اا ذي-

مثل شنو يعني؟

يعني مثلا اا المدرسة ما دشت أكتب انت- كانت مسرحية انتهى الدرس يا غبي، فأكتب انتهى الدرس يا غبي-

[المحميد يضحك]-

فتدخل المدرسة، فتقرا، أذكرها كانت اا مصرية المصريين شوي أحن من الفلسطينيين الفلسطينيين لا طراقات، فدشت جان تقول مين الشاطرة اللي كتبت جذي؟ كلنا سكوت، والبنات ما يفتنون علي، خو- أطقهم، عرفت؟ ف ما يفتنون، ف اا قمت مين الش- الم- اا الشجاعة اللي حتقول التلميزة الشجاعة اللي حتقول رأيها ووعد إني ماعاقبهاش؟ وناسة، انت محتاج إلى أن تقول رأيك، شوف درس هذا ها؟ محتاج إنك تقول رأيك بدون ما تلاقي تعنيف لا لفظي ولا جسدي، جان أقول لها آنا بكل شجاعة آنا، أيباا وانا قلت آنا تفضلي حضرتك تعالي هنا عندي، جان تقول لي س- سقفولها، برافو عليها إنها كانت شجاعة، الله، لاحظ إن احنا تربيتي أمي ما انتي مو انتي مو انتي حلوة ما عندنا انتي حلوة، عندنا انتي شجاعة انتي انتي قوية انتي الداعم انتي تساعدين انتي تسوين، ف رسخت قيم معنوية عندي ظلت لي اليوم معاي عرفت؟ أهم من أي شي شكلي ثاني مع الكبر يروح، الجمال يروح ال اا أي شي عندك يروح بس ما ي القيم الأصلية الأخلاقية الأصلية إهي اللي تظل، عشان بعدين بنتي لو كانت ملكة جمال الكون ما أحسسها بطفولتها إن اهيا جميلة عشان لا تتميز لا انتي قوية انتي مشاركة انتي تشتركين انتي شاطرة انتي موهوبة بهالشي وهكذا وحتى بالنسبة للأولاد على فكرة عرفت؟ أهو كلهم تربية وحدة ما ما فرقت بينهم، فكانت وايد اا معززة كنت أحب اا ب بيبي بهبهاني أذكر كانت مدرسة لغة إنجليزية، وايد أثرت فيني، اا مدرسة كويتية يعني أيضا انت تاخذ اا وكانت عايشة في العراق فترة طويلة، عرفت؟ فيت اا ت- الـ accent عراقي، فتيي ب اا تتكلم علىى إي ف فحبينا طريقتها وتفهم يعني اا به- بهالعمر شنو يحتاج كيف تكبت شطانتك من خلال الأخيلة، من خلال إن دبري قصة قولي فكري instead of this شنو ممكن تتخيلين يصير، وغير تعطينا قصص هذي، اان، وغير الأنشطة الأخرى يعني في اا صحيفة حائط أكتب فيها، عندي شكوى أروح حق ال اا أكتب حق مجلة النهضة، إن هذا القمع الذي- أولا منين يبت هالكلام هذا؟ إي بديت أقرا كتب خارجية لأن، هذا القمع وهذا هاي اليصير وما يصير ومايشنو، ف اا أكتب اا ما أكتب اسمي، بس المدرسة كلها تدري إن آنا، لأن آنا اللي اللي متكلمة في اا هذيل، ف اا، كانت يعني المدرسة تقريبا في بيبي السالم أقدر أقول أقول لك إن اهيا تعتمد على إن مو انت اا شاطر تقدر الشطار وتقدر كل ذيل بس أيضا الـ personality مالتك، عرفت؟ يعني فكان- وك- كان كان الـ staff كله عاد صار كويتي، يا زينه يعني كانن اا وايد اامم يعني ما عنده لا عنصرية ولا عنده أي شي في ولا عوقبت في يوم آنا مثلا علىى شطانتي مثلا مع إن يعني بعض الشطانات يعني تكون فيهاا أشرّك الصف فيه كله، يعني مثلا إن احنا ثلاث لاينات قاعدين كل لاين فيه دورين يعني ط، طالبات قاعدين، آنا قاعدة على مثلا صوب الشباك إذا المدرسة ذاك الصوب أقول ممم واللي وياي كلهم يقولون ممم فهي تنجن تجي هني تبي تسمع أخلي اللي هناك يشتغلون في ال اا موضوع، بس عشان أخفف المنهج الدراسة، يعني هاي اا دوافعي عشان تهرب من من الدرس اللي تسويه، هاي ب الثنوية ااا تقريبا، إي ن ثانية ثنوي.

انتي من أي سنة لي أي سنة كنتي في مدرسة بيبي السالم؟

بيبي السالم، اا، أربعة وسبعي- خمسة وسبعين around خمسة وسبعين، ستة وسبعين طلعت.

اا طلع- يعني تخرجتي من الثانوية سنة ستة وسبعين-

ولا تخرجت ولا شي تنيلت أبي أشتغل، أبي فلوس، أبي أعتمد على نفسي، فاشتغلت في وزارة المواصلات، ف اا، فكنت كل يوم آخذ خمس صحف يوميا- ماكو شغل بالوزارات، خمس صحف وأقراهم- إدمان قراءة وكتب، و و أقرأ وو ف، اهني انت موصول أيضا بجدي اللي كان يشوف يشوف جريدة الراي ف ت اتيي- بعدين أبوي كان إييب إييب القبس إييب صحف أخرى، ف بديناا اهني تتفتح عاد مداركك على أحوال البلد، وأذكر مرة حتى ما عندي سيارة آنا ها؟ رحنا مسرحية اا، كانت اا باي باي لندن ولا كانت اا، فرحنا كان يُفترض آنا واختي سارة ووو وزوج اختيي اا بو مشعل علي يروح معانا، هذا مايشفيه عصب ما لقى سيارة زعل ومشى، واحنا قررنا إن ك- نستمر في العرض، نشوفه، فشفنا العرض، الحين بنطلع أيامها ما في تكاسي، تطلع تتصل في تكسي اا منتصف السبعينيات وهذيل، فواحنا طا- واحنا اا قاعدين ولااا حوله ولا عبدالحسين عبدالرضا طالع، ف، جان نقول له شرايك توصلنا البيت؟ جان يقول يالله [تضحك] واللهِ، ما يعني ما ثنوا- وتعبان يعني وم- وأهو مو تعبان مثل آخر أيامه بس المهم إنه جان يقول يالله وين بيتكم؟ بيتنا بالشعب، يالله وانا بالقادسية.

انتي هني ما تعرفينه شخصيا وقتها-؟

أعرفه من خلال أعماله امبلا، يعني ب- وأختي كانت تعرف اا ااب اا بنت اخته كانت صديقاتهم أو كانوا بالمدرسة أو بالشغل مع بعض، فآنا رايحة وشايفة أمه، بيبي شخصية حيوية جدا يعني ما تتخيل قوية جدا، مسيطرة على عايلة ضخمة من الأخوة والأخوات وزوجها كان غالبا بالبحر توفى مبجر بعد، ف اا كانت مدبرة وصارمة و وتدير اقتصاد البيت تدير حياة الأولاد والأحفاد وذيل، وايد كانت اا كنت ااا معجبة فيها، ف اا في وحدة من حفلات اا مادري طهور أو شي جذي شي كان في البيت ف رحنا ف كنت مثل النحلة ولا تقعد، في ال اا في ال ذي- وتآمر منو اللي و قوموا لحد يقعد ب اا عشان يخدمون الناس اللي ياية وايد كانت هذي وهاي هاي وحدة من المؤثرات، فسألته قلت له شلون خالة بيبي؟ جان يقول بعد؟

[المحميد يضحك].

وصلتي حق أمي؟ [تضحك] انزين؟ بعدين عاد بدت إن اا، أراسله في ان- كان مسرح ال، العربي على الناحية الثانية من بيتنا يعني الحين الشعب البحري كان هني المسرح العربي، ف، من الطرايف عاد، وانا بعدني بالمدرسة، راسلته، وعا- وصندوق بريد تدري انت، بريد الحين آنا لو أحذف الرس- [تضحك] الرسالة من شارعن- من بيتنا بالشعب لي الب- الشعب الثانية ب- تطير بالهوا وتوصلها، لا بريد أسبوعين يعني على ما يقعد ف، فراحت الرسالة اا حقه بعد ف ي طلبت صورته طبعا، طبعا صورته خيال الريال جداا جان، يعني آنا ما أنسى إن كل فيي فيي تأملات بعدين كل شباب الكويت كانوا يتمنون يكونون بخفة دم وجمال عبدالحسين، وكل البنات يبون الريال مثله، آسر يخرب بيته، وايد، كاريزما وشخصية وحضور و وسامة أناقة ترتيب وخفة دم، انت شتبي في بالطرف الآخر غير خفة الدم؟ [صوت قداحة] دز لي صورته والله، وأم اللول ح- عندها آية ولا عندها مادري شنو كله صورة بالكتاب وتمت التقاطيع هذي بالصف، انزين؟ فالأبلة ما تصيدني طبعا آنا عندي طرق خ- حرفية بال، أخش الأغراض هذي، رسالة ثانية دزيت له شكرا على الصورة فرد علي قال تعالي المسرح، رسالة ثانية آنا ما خذيتها [تضحك]، اشتغلت اختي سارة الرقابة العائلية، افتحت البريد- قبل كان في صناديق بريد عند البيوت، افتحت البريد ولاا اسمي وفتحت الهذي مسرح العربي فتحت الرسالة، ولا منه أهوا، عاد طبعا إي أوراق ال المسرح ما م أكو اللوغو أكو أرقام تيلفون وتتصل وتسفل فيه وهذي قاصر وهاي ما تستحي على ويهك وهاي مايش- حتى عبدالحسين قبل لا يتوفى من أخير جان يقول هاي ساروه لازم أشوفها قبل لا عاد يعيى كلش يعني، ساروه لازم أشوفها، لازم أنتقم آنا، شنو اللي شنو قلت آنا غير إن تعالي المسرح آنا قلت لج تعالي بيتي ولا تعالي شقتي ولا تعالي شنو، شقلت لج؟ في ال اا موضوع، وتوني أكتب رسالة يقول العادة أكتب شكرا وأودي صوري بعد آنا بالغتني شفي لأن البيعارية انتي دزيتيلي صورتج [تضحك].

[المحميد يضحك].

فقلت أوه يا زينها، ومتابعة مسرحياتي يعني أكتب له قصة حياتي يا تابعت شفت جذي وشفت جذي وشفت جذي، انزين؟ ف اا فرأس- سفلت فيه وما قالت لي، ما قالت لي أبدا ليلحين على كبر ق- بع- أهوا قال لي و بعدين إهيا قالت لي إي آنا سويت جذي إي ليه يا بنت اللذين؟ انتي شكو؟ ف اا خاف عاد يوم إهيا قالت له ق اا قاصر وصغيرة وبعدها ب اا أولى ثنوي ومادري شنو قطع بعدين آنا بعدين حاربته وقطعت، ليش بعد ما ما رد علي، هذي أول touch فني وو.

هذا هني انتي ما زلتي في الثانوية؟

إي إي إي.

إي اا طيب انتي قلتي لي إن انتي اا الظاهر قعدتي سن- اللي فهمته إن قعدتي سنتين في الثانوية قبل لا تطلعين؟

مم.

اا قرار الخروج من الثانوية هل واجهتي هل هذا القرار واجه يعني اا اعتراض من الأهل اا ولا شنو كان شعورهم تجاه إن انتي ما تكملين دراستج الثانوية وتبدئين العمل؟

لأ يعني آنا تقريبا بالنسبة لأسرتي آنا ليلحين ثانية ثنوي أعلى شهادة، للعائلة يعني ماكو وعي بالعلم عرفت؟ يعني اختي رباب قلت لك آنا كلية خياطة أو شي جذي من رابعة ابتدائي و وو وكلية الخياطة كانوا قبل يعني بالخمسينيات وهذيل يدخلونهم، إهي مواليد ثمانية وأربعين، اا سارة أوائل الخمسينيات بعدين كلية المعلمات واشتغلت معلمة بعد المتوسطة، فآنا لما أيي أوقف جذي ما انت قلت لك آنا آنا محمية بأن أميي تعتقد إن آنا مو مالتها يعني مالت بس شكلا مالتها بس آنا مو مالتها، ف متروكة لي وأبوي م careless يعني ما ما يهتم أهم شي إن اهوا ما يتعاقب إن آنا ما خذيت المتوسطة، لأن كان في قوانين صارمة إن لازم المتوسطة تكون موجودة، فما ما في مشاكل في اا في العائلة بالعكس أبي أشتغل ممكن يصير عندي وظيفة ممكن يصير عنديي راتب شي شي زين.

اا طيب قبل لا اا يعني ن-

أفكهم آنا كنت أبوقهم من اا جيب أبوي، إي أفوق- أبوق ربع دينار يوميا واهوا نايم الظهر، ما يحس.

اا قبل لا ننتقل إلى- انتي قلتي لي اشتغلتي في وزارة المواصلات؟

مم.

اا بس بما أن كنا قعد نتكلم عن المرحلة الثانوية اا يبدو اللي فهمته منج إن انتي في هذي المرحلة بدأت تتكثف قراءاتج خصوصا إن انتي اشتغلتي في معرض الكتاب.

مم.

اا تذكرين مثلا قراءات معينة أثرت فيج اا ساهمت في تشكيلج؟

03:36:43 - أهمية القراءة في حياتها

Play segment

Partial Transcript: إي في البداية حقيقة اامم مصطفى محمود مثلا وايد أثر فيني في ذيك العمر مناسب مع الجو الديني اللي احنا كنا فيه عرفت؟ كان فييي لطيفة الزيات مثلا كان في ال اا ال ااا عايشة راتب مثلا كان فيي المقالات الليي اا ن أو بالأ- بال اا، إذاعة أو بالتلفزيون كنا نشوف بالستينات كنا نشوف فاطمة حسين ب اا وايد ك ت وو وشي غير يعني مختلف، open mind بعد عرفت؟ ف ااا والقناة الثانية، هاي المؤثرات اللي كانت اان في ب- في هذه المرحلة اللي هي كل ساعة تفتح لي جذي دينغ تسوي لك ولا لمبة مولعة مثلا عرفت؟ فبعدين تقفز للأشياء ثانية أخرى، بعدين يعني عانيت آنا في البداية أمانة لأن في هذا العمر ماكو توجيه للقراءة شنو تقرا شنو يناسبك؟ شنو اللي انت تحبه؟ يعني انت تميل لمواد علمية مثلا إي لو آنا أكبر أفهم أعرف أقول لك وين تروح، which is اا تسويه بعدين مع الأولاد بهالعمر مثلا تبي انت ااا مثلا ااا لا اا الخيال العلمي تبي ال اا رواية تبي قصص قصيرة شنو اللي تبيه؟ عرفت؟ اا إحسان عبدالقدوس- آآه نسيت أقول لك هني شي محور مهم جدا، وانا في حتى أذكر هاي في رابعة متوسط كانت تصير أقول حق أبوي اع- يم بيتنا بالشعب كان في مكتبة الدوريات، وهي الآن نواة للمكتبة المركزية الحين عندنا مكتبة الكويت الوطنية، فآنا أول ما أدخل يعني يا كتاب اا رياضيات أحفظ اا الجبر المكسور والما مكسور والأشياء هذي مم ما ما ما ألمسه أحط الكتاب على كتر وأروح أقرأ في- وانا ليلحين لا ببالي لا صحافة ولا أي شي أي شي على الإطلاق يعني غير إن آنا أقرا هاي مجلة الشبكة والموعد وهذيل كل أبوهم وهذيل يُعتبرون مخدرات حق النوم ممتازين بجد، الأخبار تافهة و فنانين ما فنانين وتنام من وراهم، اا ما يشغلون مخك يعني انزين؟ فرحت حق اا مكتبة الدوريات هذي أقرا طحت على مجلة الب- ال البعكوكة مثلا وطحت على أدبيات في المجلات اللي كان يسويها بيرم التونسي في مصر [صوت الباب] وبعدين طحت على مجلات روز اليوسف، خشنة اقتصادية شوية ناشفة، وطحت على الأروع صباح الخير المصرية، اللي إهيا كانت ميزتها كوميدية وفي قصة في محتوى في النقد الاجتماعي حق اا مصر، plus ما فيها صور كلها رسومات، يعني ال- انت يرسمونك إذا مسوين حوار معاك، في رسام يطلع مع المحرر، فيرسم بورتريه لك فتنزل الصورة، plus الكاركتيرات اللي كانت تنص- اتصير بخفة الدم المصرية على واقعهم الاجتماعي يعني عرفت؟ قرأت هذيل كلهم من بداية نشأتها مع الثورة المصرية بأثنينة وخمسين، ويوم إهي مجلدات كل اثنعشر عدد تصير في هذي، إلى مرحلة الث- اا اللي هو نهاي- السبعينيات والثمانينات بلورت اا قلبت مخي فوق وحدر، لكن اصطدمت في شي ثاني بعدين أقول لك إياه عن اا أستاذ كبير المعلم سامي المنيس، ف-

اا بس عفوا انتي بالنسبة لج مجلة روز اليوسف كانت مح-

صباح الخير.

آه صباح الخير.

إي.

كانت-

شبابية إي.

كانت محورية في تشكيلج-

طبعا طبعا-

أوكي.

وكان واحد اس- اا و اا وحدة اسمها نادية عابد، وأيضا كان لها دور محوري في تحرر عقل المرأة في الإحساس ب اال بكرامتها وباستقلالها وبالاستقلال الاقتصادي وبالهذيل، هذا أثاري ف- مفيد فوزي، أوكي؟ لكن ما يكتبه بروح امرأة مثل ما إحسان عبدالقدوس كان يكتب رواياته بروح امرأة، وصارت أفلام طبعا كما تعلم، انزين؟ ف- بعدين طبعا نجيب محفوظ وهذيل اللي هو الأساسيات هذيل ما كان عندي علاقة بالأدب العربي، بالأدب الكويتي خنقول، اشوية عبدالله خضيّر بالعراق يعني تقريبا، وشوية بعد من اا لبنان بس الأكثر وفرة كانت الأشياء ال اا المصرية، يعني أدين بالفضل لأختي سارة إن اهيا اا حتى قبل لا آنا أشتغل وهي معلمة لما نروح معرض الكتاب أشيل وايد وايد كتب، وخرابيط، خرابيط يعني ما في منهج معين، اليوم انت تروح محدد عارف انت تبي أج- تبي أدب أجنبي تبي كلاسيك تبيي شما تبي تلقى، بس مو مثل بداياتك اللي ماكو في توجيه يعني عرفت؟ ف اا تأثرت جدا بس لحد الآن ما عندي نزوع في إن ويني وين أشتغل في الصحافة منو بباله [incomp] أشتغل بالصحافة، وو بعدين ماكو نماذج بالصحافة جدامك مثلا فيه ال جرايد اللي تجي الترجمات اللي كانت تنشرها القبس لكتّاب أجانب هو في السياسة يعني غالبا أيضا تفتح لك فكر ثاني مختلف، نوع ثاني مختلف، عرفت؟ ف اشتغلت تقريبا فييي في هذا الموضوع وكنت الأدرينالين ما تتخيل شلون مع مجلة البعكوكة هذي ك- كوميديا ساخرة انزين؟ وبري- بيرم التونسي هذا شي ساحر، ما صار، وبعدين تقرين بعد المسرح في مصر في بداياته تأسيس الأهرام على إيد جورجي زيدان وهكذا يعني تنفتح المدارك إدّامك جدامك، ذيلاك وين واحنا وين؟ بس هم ما كنت أسأل هالأسئلة الوجودية بعدها لأني مشغولة في إني آخذ ال اللي موجود لدرجة أدت إلى شوية عزلتي عن أهلي، في إني أقعد في الدار بروحي أقرا مثلا بال، ذي، وقد تكون يعني يتراءى لي بدايات الفلسفة في إنك انت تفكر إن آنا صج ولا لأ هالضوء صج ولا خيال وو، هاي تحتاج إلى أحد يوجهك لتقرا فلسفة عرفت؟ مم بس ما ما كان في بس الرواية أسست اا والقراءات الصحفية أسست.

اا آنا آسف إني أقطع سردج بس عندي سؤال اا هل كان في ناس مثلا اا صديقات انتي تعرفينهم أو يعني ب [صوت قداحة] معارف بشكل عام كانوا يشاركونج هذي الاهتمامات تلتقين فيهم.

مم.

تتناقشين معاهم ؟

خوش سؤال، ترجعني شوية ما قبل تعرفي على مجلة صباح الخير، كان أبوي يوديني أو اختي سارة توديني ب الضاحية بيت زميلة دراستي اسمها فاطمة الناهض، لأ مو الناهض، فاطمة الناهض هاي بعدين يعني مرحلة ثانية، ففاطمة فكنا ندرس، نساعد بعض أثنينة بلدا بالرياضيات، فشنو في إمكانية عشان ن نفتك منن الهارون، فاطمة الهارون مم، ف اا فكنا فإختها العودة كلش كانت اا فشفت عدد صباح الخير، م الغلاف م يعج بالحياة من الألوان والرسوم والأشياء اللي موجودة، واللوغو ماله مال صباح الخير لحد الآن موجود يعني، و- للشباب وللعقول المتحررة ال الترويسة مالتهم في هذيل، انهد الكتب وندرس- نقرا، إهي تقرا عدد وانا أقرا عدد، تيي اختها بعدين تزفنا تقول انتو يايين عشان تدرسون مو عشان ال الهذي عن- عندي صور فوتوغرافية حق هالموضوع، إهي اللي فتحت لي بعدين- صباح الخير آنا شايفتها ببيت الناهض، بيت اا.

الهارون.

هارون، جايفتها ببيت فاطمة، فخليني أقراه فعلا كانت اختها وايد أوبن مايند وايد اا اا فيها دماغ زي ما يقولون المصريين عرفت شلون؟ ما كانت وايد تقرا معانا عشان احنا أصغر سنا، بس كانت اا وايد تقرأ ويعني تدخل غرفتها انت تخاف من الطوفة لأن ماكو طوفة كلها كتب كانت، فكانت التسلية البنات يعني قبل فيي في هذي يقرون، ف اا هذي أدت إلى الدوريات والدوريات أدتني من ان- صباح الخير إلى البعكوكة إلى الحس الكوميدي العالي، بالكتابة المصرية على إن في جدية في القضية اللي انت تطرحها مو هبل يعني، مووو مسخرة لأ في موضوع يقولونه، وهاي تقريبا- آنا جاوبت على سؤالك؟

إي إي اا قلت- يعني قلتي لي تقريبا بس هل كانت اهيا الشخص الوحيد اللي انتي اا تتشاركين هالمواضيع هذي اللي تهمج ولا يعني مثلا كان في ناس ثانيين اام-

لا يعني عندي اا-

يشاركون هالاهتمام-؟

فضيلة الغيص مثلا هاي جارتنا وايد كنت أحبها وتحبني، عرفت؟ يعني وش ضحوك دائما ومحب للحياة بس تدري مال ذاك العمر هاي حتى أصغر يعني من اا من الثنوي قبل شوية بدايات تشكل الوعي، بس يعني في إحساس بالذات شوية عرفت؟ ب ال اا الحقوق بنطلع يعني بنروح بنروح اا بروحنا ما نبي مع أمنا مثلا نروح السوق مباركية أو شي، نبيي انروح مثلا اا بتروح معاي النادي مثلا بتشوف تقنع أهلها تقول إن اهما بيون بتيي تلعب أو هذيل، ف اا يعني في هالأشياء بس اهي تزوجت وايد مبجر راحت، تقريبا هذيل اهما بس بين بيت ااا عمي سعد بناته يعني اا بيت المجيمي ذيل سعاد نوال رسمية ذيل والله محافظين فجذي وتزوجوا صغار بعد أيضا يعني سعاد بس كملت الجامعة الباجي كلهم تزوجوا صغار، في الهذي، تقريبا هاي ال ال ال المحاور اللي كانت موجودة كان بيت يم بيتنا بيت الفضالة ورا بيتنا، أذكرها هذي منيرة الفضالة، الله يذكرهم بالخير واختها إقبال رفيجتنا منيرة هذي عودة، كان عندهم صالة فيهاا إحنا بيت حكومة أهما ب- أهما فلل ورانا ف اا صالة فيها الباب اللي ينقسم أبوو اا تفتح الباب فيصير أهما هناك السفرة، فكانت منيرة عندها حس إبداعي فتسوي لنا تقعد الأطفال البنات ال الفريج اا بالصالة وإحنا ممثلين من ورا إهناك بال ن، تفتح لنا الباب البابين أو أحد الطفلات تفتح البابين ونمثل نسوي تمثيلية، فيي هذيل هذيل بعد ما أنساهم، وطالما انت في البنات قاعدين بالبيت ويسوون نشاطاتهم بالبيت ماكو مشكلة، بس آنا كان عند ورا بيتنا بانزين مثلا شالوه، ما خ- ظلت شيرة ما ظلت أنابيب النفط اللي يترسونها بانزين ما لعبنا فيهم آنا ويا منيرة م- بنت أخو عبداللطيف الكويتي، ويا اا شوية صبيان وهذيل، ف، كانت جميلة.

اا طيب أستاذة تسمحين انوقف تسجيل ناخذ استراحة بسيطة-؟

طبعا، طبعا-

شكرا، ردينا نسجل يما.

إي؟

كنتي حابة تذكرين لي شي اا يتعلق-

إي-

بفترة الخمسينيات.

قول خمسينيات وايد ما أذكرها لأني اا الستينيات أهوا، بس اهوا أكيد يعني خواتي الكبار يقولون كان هذا من الخمسينيات كان أمي تسويه، إن أهما يشتغلون شغيلة النساء يشتغلون عماتي مثلا كانوا خالتي، إن نساء الجيران يشتغلون ي في دعم اقتصاد البيت في إن أهما في وحدة متعهدة مثل ما يقولون، تعطيهم أقمشة عشان يخيطون الثوب الكويتي هذا اللي مو مو الت- مو التور العادي مال ال اا شاسمه، اليوميات الحريم الكبار يلبسونه لأ، اللي اهوا ال القما- قماش هذا اللي اا يصير شيفون، فيخيطون أهما الزري كله هذا اللي تشوفه على الثوب التقليدي عرفت؟ و وينحط اا ينشد على طوق خشب و ينشد ب ااا سير حامي بحيث ينشد وايد، مثل الكنفا يعني ها؟ ويخيطونه بإبرة الزري ويشكونه بال بالقماش، اا يصير الديزاين وايد حلو بعدين يفكونه وبعدين يبدؤون يدقونه ب ااا، إيد هاون بس خشب، يدقونه فيبرق أكثر بعدين يركبون الترتر، فيخلص الثوب كله فبعدين يعطونه حق ال اا اللي إهيا تبيعهم بعدين ب البيوت ال اا التجار اا الشيوخ ما أدري، ف ااا كان يشكل هذا مصدر دخل، كانت يعني اللي آنا م معجبة في في تاريخ المرأة اا في بلدي إن اهيا إلى حد اليوم دائما اا ن اا ناهضة ودائما حية في إن اهيا تشارك الريال اللي كان يروح الغوص مثلا ست أشهر ولااا طول الس- نص السنة غايب تارك لها فلوس، بس اللي تروح تبيع باجيلا أو نخي على راس العاير مثلا اللي تقدر تدير نفسها بهذا الاقتصاد البسيط اللي تقدر تشتغل بالخياطة يعني ااا ذ ال ثياب البيت مثلا اللي تقدر اا تشتغل بعضهم اللي أقل مستوى ممكن تشتغل في بيوت التجار مثلا كخدمة وو و فيعني دائما شريكة إهيا في ال اا في الحياة في إن اهيا موجودة دائما، فهذا اا ي يخليك انت كما أعتز جدا آنا ب إن يعني بلدي بلد مدني وديموقراطي إي، وإن احنا تأسسنا علىىى برلمان حر ودستور وقوانين ونظام بين الحاكم والمحكوم وحقوق وواجبات الجميع، مسرح منفتح، اا ال اا ال الصحافة منفتحة في نقاشاتها السقف عالي وأيضا ال اا الإعلام كله منفتح ف في جذي ف اتحس إن انت ال ال إن انت عشت في جو م مزدهر فعلا لذا أي شي انتكاصة ونكوص كما ح- يحصل أو حصل من بعد التحرير لحد اليوم أعتبرو إن أهوا إي أوكي كبوة لكنها لن تستمر لأن العظم الأساسي قوي عندك مسرح عندك صحافة عندك قضاء عندك اا إعلام عندك اا برلمان، فهاي كلها روافد ب اا بنيت فيبين لك الحق البيّن يعني عرفت شلون؟ وتحدد انت اختياراتك ومو قليلين اللي مثلي يعني وايد ناس أكيد ن اللي أسسوا البرلمان في تاريخ برلماننا واللي أسسوا الصحافة واللي أسسوا التعليم، واللي أدخلوا فتحوا م وهم شيوخ دين لأن تدخل البنت تدرس بالمدرسة، فهذي كلها روافد وايد مهمة لا نغفلها، لأن فيما أجى بعدين من نهضة، وما نسميها العصر الذهبي كان بالرياضة كان بالفنون كان في كل شي الحياة السياسية كلها ناتج عن ماضي كان زين متزن.

طيب أهو كان في نساء يعني من أسرتكم أهما اللي كانوا يسوون الأثواب هذي-؟

نعم نعم أمي عماتي خالتي اا جيراننا لما يون يتبادلون نشوفهم إيون ييبون هذيل.

عندج فكرة أهما من وين اكتسبوا هذي المهارة، مهارة الس-

اتعلمهم إهيا إهيا الست هذي اللي تييب لهم إهي تعلمهم، وتكون إهي أصلا حاطة خطوط على الخام الشفاف هذا اللي بيرسمون عليه فعارفين اللاين اللي بيمشون عليه، عرفت؟ بس اهي الدقة والجمال في التشكيك والتفصيل ال ال بين التخريم و وش- والحياكة على هال في في الزري وايد اا وايد في عيونهم راحت يلبسون نظارات من ورا هذي بس كملوا.

انزين، يبدو إن هذي الأثواب كانت كشخة يعني ف-

إي.

اا هل مثلا ك- كانوا النساء في فريجكم يلبسون هذي الأثواب ولا-

لا-

ناس معينة ي-

إهيا بس للمناسبات.

إي.

بعد حتى حق ن يعني حق التجار ياخذونهم للمناسبات، ما تنل- ما تلبس انت الثوب الزري في في بيتك عادي، لأ ينلبس الثوب التور التول أو هذا اللي يسمونه بسيط هذا، بس ما حتى كبار السن يعني مو الأصغر، بس الصغار لأ يعني ب هاذيل حق الأعراس، حق اا احتفالات الطهور مثلا، حق المالد مثلا تدري أكو في طقوس اا فنية بعد هم كانت تصير في مناسباتنا الدينية، في ال في المالد فيي نص شعبان في فيي اا نص رمضان في أشياء وايد فتنلبس هالأشياء هذي حق المناسبات.

ش- شنو تقصدين باحتفالات الطهور؟

يطهرون الصبيان.

آه أوكي.

[ليلى تضحك].

كانوا يسوون احتفال حق هالشي؟

طبعا طبعا، يعني احنا مثلا العيم لازم الهبان يكون موجود.

[المحميد يضحك].

عرفت؟

إي.

بالنسبة للعرب كان لازم يكون الفرق الشعبية موجودة سواء نسائية أو رجالية يعني يحتفل ال ال الاحتفال فيي ذي آنا أذكر ولد خالتي بيتهم بشرق طهروه قالوا له شوف طير هناك ولا فجأة مسكين انعدم صعدت الصرخات الهاي جذي فالطيران تبدأ تدق مثل ما كان قبل قبل النفط بعد كانوا ال ال ال ال ي يوقفون ورا الباب على أساس اا الدُّخلة ليلة الدخلة بس إهي تصرخ أو مادري شيصير في يصير في طيران حيل عشان إن يعني آل مستحين يعني مو مستحين يتلصصون بالسمع على [تضحك] عال عالعروس ويتركون لهم خصوصيتهم لأ، ف إيه كان يصير في جذي بالل فل- بعدين يشتغل الهبان على ولد خالتي محمد ها؟ هبان وناس تقوم ترقص ومسكين والولد يبجي وهذيل [تضحك] من الألم وهذيل طايحين له رقص خلاص يعني عداهم العيب.

اا إذا كانوا يقولون له مثلا شوف الطير معناته اهوا في عمر واعي يعني مو-

إي يعني ثمن سنين تسع سنين.

وهذا كان ال اا متوسط الأعمار لما كانوا يطهرونهم.

يعني آنا على حسب رؤيتي ل اا ل اا صبيان العايلة إي، سبعة ثمانية تسعة مو مو أكثر من جذي-

يعني التطهير ما كان اا وقت الولادة نفس ما يصير الحين يعني-؟

لا لا لا لا هاي هاي على عيالنا مو على ال على ه- لا قبل كان بعدين لما يكب- مادري ليش الحكمة وعليا يتعذب الولد وهو شكبره، لا يعني خلصوها من أولها، وكان يسويه هذا حلاق، حلاق بشفرة عادية يعني، عرفت؟ جود بعدين ثاني يوم رايح يمكن حالق لحية أبوي فيها [تضحك].

[المحميد يضحك].

تصور، إي هاي الأدوات اللي موجودة، بس شيكان يعقم؟ أو شلون كان يعقمه؟ بعدين يربطه بشاش وبلزاق عرفت؟ وبس هني احتفال جنائزي ون- دائما احنا عندنا موت وميلاد عرفت؟ احتفال جنائزي واحتفال الفرح، جنائزي يعني يكون نتيجة لألم ومصاب كبير كما في الدراما ال يعني دراما الكون، المسرح طول عمره جذي، الل اا موت أوو ألم كبير هزيمة حرب وو وهني شي ثاني قع ينولد أفراح، بأنه بيصير ريال، عرفت شلون؟ جذي.

عجيب اا طيب اا آنا أرجع على المرحلة اللي أحنا كنا قاعدين نتكلم عنها اللي إهي مرحلة الثانوية، قلتي لي انتي بعدها توجهتي للعمل في وزارة المواصلات، بس كذلك ذكرتي لي إن يعني وحدة من الشخصيات اللي كان لها تأثير في حياتج أهوا سامي المنيس، هل أهوا يتعلق في هذي المرحلة ولا انتي حابة تتكلمين عنه يعني في موقع آخر-؟

03:56:37 - دخولها لمجال الصحافة

Play segment

Partial Transcript: [ليلى تتنهد] يما قلبي، هذا الرجل لا أنسى له- شوف، الصحافة الكويتية ما فيها لحد الثمانية وتسعي- لأ ثمانية وو سبعة و لأ ثمانية وسبعين، ما في عاملات صحفيات محررات كويتيات يشتغلون ماكو كلهم عرب، من كل الجنسيات، فلسطينيين أكثر شي، شوية مصريين بشوية سوريين وهكذا، الـ owner يكون صاحب الجريدة يكون كويتي، أوكي؟ ومساعدينه مدير تحرير هذيل كلهم بعدين عرب، انزين؟ لبنانيين فكان في هالفترة هذي اام من باب الشغب اا صيف ما عندنا شغل فنروح ااا، انر- اا، هذي ق- هذي تكة قبل حتى لا أتوظف بال اا الهذي، بعد شوي يصير عندي لخبطة بالسنين بس هي ما هي فروقات كبيرة اا، بنعاكس، الله يرحمه أحمد بهبهاني رئيس تحرير مجلة اليقظة- مو آنا بعاكس، في وحدة معانا معجبة فيه، بنعاكسه شنسوي؟ واحنا ما عندنا بالصيف يعني بنات مراهقات مادري شنو إهي اللي تسوق السيارة آنا ما نسوق، ف فالمهم رحناله مكتبه عطونا موعد سكرتيرة عطتنا بالموعد، آنا قاعدة بالوسط آنا توني أكتب خواطر بائسة سلوا النجوم سلوا القمر سلوا الكواكب والنهر شي يعني يموت من الضحك أشوف لوحة أذكر ببيت اختي في نهر وفي مايشنو احنا لا بلد نهر ولا بلد نجوم [تضحك] ولا بلد قمر ولا بلد هالزراعات الغابة اللي آنا قاعد أشوفها، بس يالله منها يعني أس- تستوحي انت اا تكتب شي، انزين؟ plus إن آنا كنت أكتب مذكراتي اليومية أيام النادي، عرفت؟ فهذي تساعد إيدي على إن أكتب غير إن آنا شاطرة في التعبير أصلا بالمدرسة، انزين؟ ف يوم اا ي يينا رحنا قابلناه ريال جدي تكانة، ف اا قال شنو ج جان يقول والله أحنا يعني عندنا موهبة عندنا مواهب في الكتابة، ودنا يعنيي نقضي الصيف ونشتغل اا صحافة، جان يقول أهلا وسهلا واللهِ شي وايد رائع إن في كويتيات يفكرون يعني غير الوظيفة الحكومية يروحون جذي هذا شي وايد جميل، وبكل براءة قام وقال منو اللي فيكم اللي تكتب و يعني أكيد من ثلاثتنا، جان يقومون ثنتينهم في لحظة ويأشرون علي قالوا إهيا، لأن اهما يدرون آنا أكتب خواطر، انزين؟ جان يقول لي انتي؟ وانا كملتها نعم، جان يقول لي مشتغلة بالصحافة لأ؟ جان قلت له لأ بس أعرف أكتب، جان يقول وايد زين، يعني أساسيات عندج انتي في ال اام إي، جان يتصل في أذكر مدير تحرير مجلة اليقظة قال له بتيي لك فلانة، وو شغلوها عندكم، قال له أوكي، فاشتغلنا، بس محد يدربني، محد يعلمني الأسس الصحافة فيما بعد قمت آنا أعطي دورات عاد حق عيالنا الكويتيين في جريدة اا الوطن وبعدين في الراي، في الخبر غيير التحقيق غيير الاستطلاع غيير اللقاء زي- غير الحوار غير ريبورتاج غير الدنيا غير [تضحك] يعني، فهني محد يعلمك أي شي، توهم المشروعات السياحية فاتحين، فقال لي هذا مدير التحرير روحي، شوفي شنو قصة المشروعات، الحين انا عندي background مال اا صباح الخير ها؟ الرؤية مختلفة، بس ما أدري شنو المفتاح الـ cue وين، آنا طول عمري أكره المسؤولين ماحب أقابل واحد قاعد على مكتبه، لأن هذا ما راح يعطيني شي، وهاي أيضا من قراءاتي المتراكمة من إن انت تقرا لقاء مع مسؤول وايد مجاملات مثلا فيي اا وايد جذب طاير جذي على ويهك ماكو شي يقولونه صج، ف اام، مدح وايد في نفسهم، فالمهم رحت هناك، خذيت عيال الفريج كلهم، وعيال خالتي كلهم، وعيال الأطفال الأطفال كلهم خذيتهم على انطلقوا، وعيال ماخ- اا اا انطلقوا سووا اللي تبونه، أوعى أحد فيكم يقل أدبه، وعندكم فلوس تشترون أكلكم ولا مايشنو، رحت قعدت هناك [صوت قداحة] أحد يروح يسوي تحقيق [تضحك] من تسع الصبح لي ثمان بالليل؟ بس شنو كان ميزته- يعني كتبت يمكن أثنينة وستين صفحة، أميز ما فيه أميز ما فيه إن آنا ألتقي بالويترية وبالناس، وبالحارس الـ gate اللي عالباب، عرفت؟ وبالرواد، بعدين المدير درى إن آنا موجودة هني فطلب إن اهوا يشورني وعطاني كلام المصفف ماله، أربعة وستين صفحة ليه المجلة كلها مالت أبوي يعني؟ عرفت؟ طبعا اختصروها إلى أن صارت إهي أربع صفحات أعتقد شي جذي مع الصور، انزين؟ ف اا هذي التجربة بعد دخلتها في النقد كمشكلة بعدين اا فالمهم إن بعدين قالوا لي أحسن تكتبين مقالة ما أعرف آنا أكتب مقالة، والمقالة ومرحلة جدا متطورة لعمل أي مهني في هذا المجال، ما يصير انت شعندك انت من فكر ولا من خبرات بالحياة ولا شعندك ماكو شي، انزين؟ كتبت مقالة، كانت النهضة أكثر انتشارا من اليقظة، فاتصلت فيني توها منال المساعيد الله يمسيها بالخير إذا موجودة فقالت إن اهيا تبي، تبي كويتيات جذي فتعالي، وهناك.

إهيا من اليقظة؟

إهي لأ النهضة.

آه انتي ب-

منال المساعيد- آنا باليقظة، إهيا مرت عبدالعزيز المساعيد، فكانت ماسكة الإدارة شوية، في بدايات اا زواجهم هني، كان في واحد اسمه عبدالله الشيتي، واحد اسمه محمد يونس، وآنا عساس أشتغل بمجلة النهضة إهي نفس المكان تصدر جريدة الرأي العام، جدي فرح فرح ما تتخيل، لأن هاي نفس الجريدة اللي كان إييبها البيت، إن من زمان من الستينات وهو إييبها البيت، عرفت؟ ففرح جدي لم يعترض جدي، المهم، يت اا جان تقول آنا أبيج تكتبين مقالة عندي- إهي بعد ما عندها خلفية صحفية بس يعني نوايا طيبة عساس تدعم كادر كويتي، وأقعد أكتب مقالات، هذيل بعدين ما يعلمون شي بس كتبي مقالات، فقال لي الله يرحمه عبدالله الشيتي تعالي أكتب لج مقالة وتدفعين لي آنا جم كانوا يدفعون لي خمسين دينار أيامها، شهري، ف بالنسبالي مبلغ شي، فقال لي أكتب لج المقالة ونص بالنص، الله يرحمه، قلت لا لأني آنا أصلا قارئة يعني وانا أصلا عندي نموذج صباح الخير بس لحد الآن أدوات إنك انت تكتب في وسيلة عامة ما تدري، لأن كان، بعدين راح مني هذا آنا طول عمري ما عندي خوف أقح- أقتحم بس اهني انت وسط أولا شي مذهل بالصحافة إنك كله وسط عقول عربية أول مرة نحتك من بيئة محافظة كلها كويتيين إلى أن تطلع لعالم عربي، تعال شوف دور وكالات الأنباء علي، على تطور وعيي، الأسيتد بريش [Associated Press] ولا الفرنسية ولا رويتر قول اقتصادية، فهالوكالات هذي كانت تعمل- مو العربية يعني- اللبنانية امبلا، فت تو- تقفّز وعيك فوق مستوى عمرك اللي انت فيه انت واقف على جبل تاخذ من ثقافات العالم، في مجتمع محافظ عنده جم جريدة و، محدود يعني بالآخر، ف اا فجو وايد انفتاحي وتشجيع ما تتخيله، أمس وانا قاعدة أسوي أرشيفي اهني أرتب ال بيت، ولا ال المقالات اللي كنت أكتبها في البداية آنا قلت لك كنت أقرا ل مصطفى محمد ل ااا عايشة راتب، ل اا شوية إحسان عبدالقدوس، لأ مو ح- شوية يعني أقرا لإحسان عبدالقدوس- أقرا يعني مجموعة كتّاب، أقوم آنا أبوق من هذيل كلهم، شنو عجبني؟ أعرف التوليفة شاطرة في الربط لأن مالت إنشاء آنا، وأنشر، مقالة، الحين مقالة صار عليها إقبال، مو عشان قيمة ومحتوى ما أقدم، أصلا صفحة وحدة ومتروسة كلام حتى ما فيها فراغات بين ال اا بصرية للعين بحيث تحط عنوان صغير فرعي بين كل paragraph و paragraph، فشي ممل، وعندي ياهم، إنهُ عاري الذي أفتخر به، عقب ثلث حلقات كتابة فالناس الحين معجبة بالصورة بالخليج هاي كويتية بالسعودية بليبيا، تروح لهم المجلة بليبيا، والل والخليج والكويت أوه كويتية، وصورة كيوت، بنية صغيرة [تضحك] أسود وأبيض وتطالع من فوق، ف اا [تضحك] هذي اهيا.

عجيب.

إي هذي أول صورة نُشرت لي بال اا شاسمه، ف المقالة أصلا لا تناسب، هذا العمر، عمق، في الله في الذات في العرش وبعدين تدخل انت بإحسان عبدالقدوس أها [تضحك] اشلون جذي يعني إحسان إحسان وايد حسي، وهذاك وايد اللاوي، المكس بينهم يبيلك انت عبقرية حتى تعمل بينهم ما بين الإنسان وحاجاته الروحية، في يوم من الأيام لا يمكن إن آنا أنسى، وحدة اسمها أسماء من ليبيا بعثت لي رسالة بالبريد، وتفصص لي يا ابني المقالة كاملة، هذا الـ paragraph من كتاب مصطفى محمود.

[المحميد يضحك].

هذا من إحسان عبدال- هذي من عايشة راتب، هاي من القلماو- قلماوي حسين قلماوي، وهاي من نادية عابد، شوفي بقول لج شي من الآخر يمكن أحد ما يدري بالرسالة إهي تقول لي، يمكن أحد الحين ما يدري بالرسالة هذي، تحذفينها وانتهى الأمر وتكملين انتي، لكن دايما تذكري إنج انتي مزيفة، دخلتي هذا المجال كل شي سهل انتي كويتية وأمّورة وكيوت وكل شي بيساعدج بتكونين زينة بس إذا تبي تكونين صجية ابذلي جهد على نفسج الله يا هي سوت لي صدمة، لأني انا حبيت الجو، حبيت جو الانفتاح اللي احنا فيه، حبيت العقليات اللي تيي تتكلم معاك وتناقشك و أو أثنين يتناقشون مع بعض، أو ذاك الشاعر اللي جنه سي دي حافظ ومش فاهم مثلا، فاهم علي؟ وووو وي- في جو وصاخب جميل، أحبه، ف بعد ثلاث مقالات اعتزلت العمل، انزين؟ ف أعيّط، قعدت أسبوعين، أبي أتعلم كنت أقرا شوية الطليعة بعد آنا، الطليعة ناشفة سياسة واقتصاد وهذيل وم، بالصج يقولون وايد أشياء يعني ممؤمنة فيها، جان أروح [صوت قداحة] رحت حق، ولا أشوف النيباري بعد أشوف اا النفيسي، ف ما عطوني ويه هذيل، جان أقول ولا إييك ذاك الوجه الصبوحي، ها بابا نويلي هذا، فسامي، جان يقول له واحد أذكر اسمه جعفر قال له في بنية كويتية بتشوفك، منو ما منو قال له بعده صغيرة يعني ما م مو مو اسم، جان إيي جان يقعد اا جان يقول نعم بابا؟ أهو قال نعم بابا، فخريت صريعا، انت تبي هالحنان، قلت له آنا وايد حبيت الصحافة بس اام، ما أدري صار معاي جذي أسما كتبت لي جذي وجذي، وانا م- آنا أبي أصير إنسانة صجية موو جذب لأني حبيت الجو وايد أحسن من اا أرجع حق الوزارة قلت له عاد يعني آنا اشتغلت بالوزارة وهذيل، جان يقول تطولين بالج، قلت له شوراي ما أطول بالي أطول بالي ما عندي شي ب، أول درس عطاني ياه، باجر تيين، آنا أيي عشر انتي ياية تسع حاضر عمي [تضحك] ييت هناك، مكتب-

هذ- هذا وين في جريدة الطليعة؟

ف- في الطليعة كانت مجلة أسبوعية، ف تيين في- المخ أبيض ما فيه شي، لأن انت بالآخر حتى يعني اللي كنت تقراهم لاحظ هذا شي وايد مهم، إن انت تقرا شي انت مو على تماس يومي معاه، انت تقراه فإنت منفصل عنه وجدانيا، أي قضية كنت تقراها في جريدة في جرايد في أشياء هذي ما تحس بالتعاطف يعني وايد، أوكي تفهم بس ما مو مالتي فهذي أنانية بعد، عرفت؟ مع المكون الاجتماعي، وعلى قضاياه الخفيفة بالكويت يعني مو ه، جان يقول لي، أيي الساعة عشر انتي قارية خمس جرايد تقولين لي شنو الملاحظات اللي تستحق إنك انتي تسوين عليهم تحقيق، أوخ، شوفي بابا، التحقيق أكو مصيبة مشكلة، تاخذين أطراف الموضوع المتناقضين الغير عن بعض، بعدين نروح ناخذ حق جهة أمنية مثلا أو جهة دينية أو اجتماعية أو شنو عشان يحلل ويعطي رؤية، ريال ابن مهنة، حاضر، يى الساعة عشر عشرة ونص ف اا طلب لي قهوة وقال لي تعالي، جان يقول لي- وانا متميلحة الحين ها؟ عساس إن أهو مو- مبدأً مدام قبلني معناها إن يى قام حظي، جان يشوفني جان يقول لي شنو اللي لفت نظرج بالصحافة؟ بالصحف الأربعة أو الخمسة اللي عندج ياهم؟ جان أقول له مم ولا شي في أخبار محلية اقتصاد ماحبه في رياضة شفت شوية في فن شفت شوية في مقالات، جان يقول وانا قلت لج قولي لي التبويب؟ الجريدة حق شنو هني مقسمة مو هذا آنا أعرفه، أهوا عاد كان قايل لي حتى الإعلانات المبوبة الصغيرة اقريها، جان يقول لي يعني ما لفت نظرج شي قضية جذي تهم المجتمع وهذا؟ جان أقول له، لأ الإعلانات ما ب- جا حاطين إعلان واحد يعطي درس عود واحد يبيي ااا نجار واحد مايشنو جان يقول إي، ماكو موضوع في الصحف الخمسة كلها موضوع واحد لفت نظرج في كل هذيل، فتحي الصفحة الثالثة في جريدة كذا، فتحت الصفحة الثالثة هذي في الجريدة كذا عاد أشوه إن نصها إعلانات عشان ما أقراها كلها، أقرا جان يقول شنو اللي نفض ن- هذي عن، ويه هذي ما تضر ما تخصنا، جان يقول زين، وهذي مادري شنو- جان يقول شوفي خل أختصر لج أكو تحت paragraph هالكبره فيه إحصائيات عن حوادث المرور، شي بسيط مو؟ تعتقدين شنو أسباب كثرة حوادث المرور في، على طول نط السؤال الجاهز اللي ما نفكر فيه، اللي هو يعني الحماسة والحماقة والهذي كله كلها خالطهم بالخلاط وأطلعهم آنا، جان أقول له استهتار شباب قال لي بس على طول حكم؟ انتي بتنزلين، بتروحين، شوف الجمال، شوف الفكر اللي ممتد مرتبط بصباح الخير، تروحين السجن وناسة! بنروح السجن لأن كلنا نحلم نروح السجن، تروحين السجن، تقابلين واحد- طبعا أهما ياخذون لي أذونات من الداخلية وهذيل، تقابلين واحد عمل حادث، ونتاجو انسجن، بعدين تروحين حق أهله شنو الأثر اللي من سجن هذا وانقطاع رزقه أثر عليهم؟ إن اهوا انقطع رزقه منو بيصرف عليهم؟ شلون شفت اللمبات اللي قع يفتحها؟ تروحين حق واحد مصاب، أو مات، الأثر على العائلة، انت مو قعد تسوي حادث استهتار شباب على قولتج على جذي على ب- بأي بأي لحظة، مو مو كلام عابر، في أسباب، في دوافع تؤدي، وتشوفين لي واحد أو- أهو ملوت السجن أيضا هذا بتسئلينه انت لحظتها انت كنت وين تفكر بشنو؟ الله يا آنا يا عزيز طلعت قصص، اللي كان عنده ق- قرض أشياء مالية مالت حياة اللي ال مؤجر قايل له يطلع عشان ما سدد ومايشنو والرواتب بسيطة أيامها، واللي متفنش، أوف، والعقوبة سجن، وو الراتب القليل اللي انت كنت تاخذه وتصرف فيه عالعايلة انت هذيل راح ينحرمون منه بعد، أيامه ما كان في شؤون تدفع للعائلة المنكوبة وال وال- أو الأم ل ي مثل الحين الحين تعطي حق المطلقات مثلا الشؤون، أيامها ما كان في جذي، شلون بيعيشون هالعايلة هذي؟ طلع موضوع في منتهى الجمال- طبعا غير إحصائيات وزارة ال داخلية، حول هذيل غير إنك انت تقابل ال اا ال واحد اجتماعي يحلل اللي قالوه الريالين ه ذ الرياييل هذيل اللي في حوادث المرور وهذا التحليل اا نفسي مرتبط ب المجتمع، عرفت؟ على ثلاث حلقات نزل، إي والله، يوم خلصت، ونُشرت وأمس شفتهم موجودين عندي، جان يقول لي، الحين انتي ما تصلحين حق الطليعة، جان ياخذني يواعدني باجر عند رجل عظيم آخر مؤثر جدا وأحبه جدا لأن فيه حس كوميدي بعد محمد مساعد الصالح... محمد مساعد الصالح كان أيضا رجل صاحب قضية ها؟ وأحب الله بالخير مالته اللي يكتبها بروح كوميدية بس في موضوع قع يقوله، ف فرحنا أذكر كان في في الدور الثاني في المبنى هذا مال الشويخ كانوا طلعوا من مبناهم القديم ذاك ما لحقت عليه، ف قال اا، يبت لك ناقصتك تحقيقات هذي اللي كلمتك عنها ليلى وسوت الموضوع اللي عجبك وو تشتغل في التحقيقات وكادر كويتي محلي.

أهوا وين كان يعمل محمد مساعد الصالح-؟

كان رئيس مجلس إدارة جريدة- أو رئيس تحرير جريدة الوطن أيامها قبل لا بعدين وزارة الإعلام قالوا له ينشال فيابوا جاسم المطوع اللي اهوا يعني قريبه صار أهو رئيس التحرير فأهو صار رئيس مجلس إدارة أيامها كان أهوا رئيس التحرير.

و عفوا هذا هذا الكلام كله تقريبا سنة ستة وسبعين؟

لا لا.

آه-

ب تسعة وثمانين ثمانين.

سنة-

تسعة وسبعين ثمانين.

أوكي.

مم؟ ف يعني إهي سنة آنا خذيت هذي ال البين اا ال اليقظة وال نهضة والطليعة بس بعدين قفزني على هذي، أطرف شي شيقول لي؟ [صوت قداحة] اهم، يبا بعد ماكو كتابة مقالات، صايرتلي نجيب محفوظ هيكل صايرتلي محمد حسنين هيكل، جان أقول له لا لا لا لا، لا بعدين أقول لك سالفة أسما، جان يقول لأ قال لي ياهم [تضحك].

[المحميد يضحك].

قالوا لي ياهم وصلتني وصلتني.

ها- هذا-

واستانست.

هذا الصالح يقول لج جذي؟

نعم.

إي.

مو أهما ربع.

إي.

فضاحكين علي الظاهر.

[المحميد يضحك].

فيقول إن هاي القرصة اللي ياتج وايد مهمة يعني هاي لازم حياتج كلها تمتنين لها، يا تسويج آدمية يا تسويج حمارة، يا تسويج موظفة يا تسويج مبدعة، موظفة تنفذين شنو رئيسج يبي روحي سوي، أوكي؟ مثل ما بقتي من الكتب، إذا صرتي وحدة عندج مخ وعندج قراءات ودائما تستعينين بمن هم أكبر منج عشان ينظفون لج الفكرة اللي انتي عندج إياها انتي صرتي اسم ثاني.

و-

وكسبناج.

وهل فعلا تشعرين بالامتنان تجاه أسماء؟

اا-

اليوم.

آنا قبل لا أقول اسمها قلت لك أشعر بالامتنان ناحيتها، وأشكرها وحاولت وايد أدور عليها، وايد لأن اهي بعدين مم ما تواصلت معاي مادري شنو صار فيهم بعدين، ااا ووو اا و وكل مكان إذا طلعت بالإذاعة قلت إذا طلعت بالتلفزيون قلت إن هذه المرأة كانت يعني تعرف الـ push يا يطلعك صج يا يطلعك جذب هذي كانت الحد الفاصل الشفرة الفاصلة في إن إهيا جذي فممتنة وأشكرها وين ما كانت في ال، مثقفين ترا أهل ليبيا، لا ننظر لهم ب بكل التداعيات السياسية اللي انت تشوفها، لا هذي- وبالذات نساء العرب غالبا من المغرب من تونس من هذيل وايد اا في عندهم- لا يعني إن ما في رجال بس يعني آنا أخص المرأة يعني وأيضا حرصها عليك يعني عرفت؟ انت توك طالع وتوك مايشنو اا خل أبط الكلمة بويهها، خل لا تستغشمني مثلا إهي ما قالت تستغشميني على فكرة، ما كان مهين كلامها لي، إن انتي يعنيي تستهبلين علينا أو شي جذي لأ، يابت لي هالفقرات هاي حطتهم جذي يا تكوني حقيقية أو مزيفة، في مجتمع يساعدك على أن تكوني مزيفة، صح، كلما أكبر كلما تبرق أكثر في ذا- في ذهني يعني كلمة أسماء، ف اا، الحاصل، ف اا، ف ااا قال لي خلاص يعني كلم، آنا ليلحين ما دخلت معهد فنون ها؟ ف كلم وتوه أول زواجي، وصرت مصنع أشتغل على ثلث مستويات من الإنتاج، متزوجة، حامل بجاسم، بعدين أدرس بمعهد الفنون المسرحية وأشتغل في الصحافة، اللي ساعدني إن بو جاسم كان تقريبا أول سنوات من حياتنا العشر سنين يكمل دورات في في أمريكا أو بريطانيا أو وين ما يروح، فهذي كان عطتني وايد استقلالية في إن انت بس عندك طفل واحد وعندك دراستك وعندك اا جذي- انروح له احنا بكريسميس اا بالصيف أهوا إيي بكريسميس فيعني نلتقي مرتين ثلاث مرات بالسنة في، داعم جدا جدا هذا الرجل يعني لم يق- يوقف يوم معاي يعني أيضا ممتنة وأشكره، انزين؟ وإدارة بيتي وأولادي طبعا علي ماكو، فآنا عاد ماحب عندنا خادمة بس ماحب نظام أخلي اليهال معاي في الهذيل، وين ما رحت خذيتهم معاي بحيث عاشوا كل حياتي الصحفية العيال، بالذات جاسم يعني الأطول عمرا معاي، فلما الحين يبي تبي تشتغل انت في قسم التحقيقات، قسم التحقيقات لا يميلون إلى عمل المرأة في التحقيقات، يبون الأولاد لأن فيها أكثر من مكان تروح وأكثر من مكان تسوي جذي فإنت تصلح قطوها قسم المجتمع ومن في قسم المجتمع؟ في إنسانة مؤثرة جدا عندي، اسمها غالية قباني، واهي كانت في قسم المجتمع، واهيا كانت شيوعية، وخالها مادري منو عاد م، نضال، وكانت غالية كثير عندها أفكار لأن تعمل شي أكبر من الحجم اللي إهيا فيه، بس أهما يحددون المرأة في الصحافة يحددونها ب أقسام معينة، قسم المجتمع شاسمه؟ غادر فلان وصل علان اولدت فلانة أو يعني يابت رزقهم الله بمادري شنو، وإذا بيسوون موضوع ما موضوع عن التربية وعن جذي وكانت في وحدة اسمها نادية كمال إهيا زوجة الحين اا الفنان المصري القدير اا نبيل الحلفاوي، اا راحت له مصر هذي وغالية تشتغل في الشرق الأوسط ليلحين في لندن، ولا زالت علاقتي معاها، ف غالية ملاحظة إن هاي شخصية وايد جامحة وايد، ووو واهي ثبات انفعالي عندها آنا ما عندي، إهي، ب- إحنا يعني انت بعمر ال اا الثلاثة وعشرين ولا أربعة وعشرين انت قعد تعيش عمر ستعش سبعتعش سنة لأن نضجنا العاطفي لا يوازي نضجك العقلي اللي كنت تاخذه من الوكالات، عرفت؟ فإنت محتاج إلى أن يعني لا يتساوون الأشياء ما- لأن ماكو خبرات عملية في الحياة، وهاي مهمة جدا يعني، برأيي، فالمهم إن اااا فالم- اام بر- اا لأ وفي وحدة اسمها نادية لطفي بعد هم دمها عسل، بس كلهم عرب لاحظ، ووحدة اسمها أشواق المالك كانت أيضا تدرس في الجامعة وتشتغل في قسمٍ محدود، طب انا.

بس عفوا قلتي لي كلهم عرب تقدرين تحددين كل وحدة من وين كانت؟

قلت لك آنا غالية سورية، و نادية كمال مصرية ونادية لطفي مصرية أشواق المالك كويتية، أوكي؟ بينما الأقسام الثانية كلها رياييل وانا بيدخلوني الحين في قسم التحقيقات م يُفترض إن اهوا منشئ جديد، ومن حسن حظي الجميل، إن بعد اا يى واحد اسمه أستاذ كبير اسمه محمود المراغي حطوه مدير تحرير، طبعا أيامها كان بالجريدة شي عظيم، أحمد الربعي مستشار محليات، الدكتور أحمد الربعي هو أستاذ بالجامعة، وو دكتور غانم النجار كان ل الخارجيات ول، واحد دكتور اسمه باقر كلهم كويتيين مستشارين بالجريدة فيرفدون الجريدة بقوة ما تتخيلها وباقر كان للاقتصاد فجريدة الوطن كانت قوية، قوية جدا ببعدها العربي اللي غانم كان يسوي والقضية الفلسطينية والأمور هذي كلها، والنضال العربي ومع كل شي وأيضا ب بالاقتصاد وبالهذيل وواحد شاطر جدا بالرياضة هاي مق- مقومات أي صحيفة كانت في ال، فقسم التحقيقات اا اا عشوائي ضمن قسم المحليات إذا في شي يعني ضروري يسوونه، محمود المراغي اللي اهوا صار مدير تحرير كان مدير تحرير مجلة روز اليوسف في يوم من الأيام اسمه قاريته، صج كان دمه ثقيل بالنسبالي- كتابته سوري، بالاقتصاد وبالسياسة لأن هاي طبيعة روز اليوسف جذي، بس يعني دماغ، سيبك من محمود مين مراته بقى؟ الأستاذة الكبيرة نجاح عمر، الله يرحمهم الأثنين، نجاح قارية اسمها بصباح الخير إنك إهيا تشتغل في صباح الخير، تعرف الملهلب هذا البراكين؟ هذي نجاح عمر، تعرف صباح الخير؟ صارت جدامي الحين، شو هالأقدار؟ شهالصدف اللي تصير؟ يعني اللي الله يكتبه لك وبعدين تيي لحد عندك، انزين؟ موجهة فظيعة، ياية من خبرة مشتغلة ثلاثين سنة بالصحافة كانوا كبار، وكانوا على ات- على سن تقاعد من هناك ويوا هني يابوهم على فالجريدة تلهلب، أكو شي اسمه ملحق أسبوعي يطلع بال بالجريدة، إهي مشرفة عنه، جان تقول جيبوا لي القُطّة [تضحك] عني، إي، وو فإهيا تحس بصخب بس صه- جذي بس ماكو فكر، فاهم علي؟ يعني انت الحين تأسست على شي م شوية على سامي بس انت البياض هذا نسبته أكبر في مخك في الاهتمام بقضايا المجتمع وأصحابي هذيل اللي موجودين في قسم الهذي هذي ولدت ولا ذيج تطلقت ولا هذيج سافرت ولا ما يعنيني يعني مو مو موضوعي يعني، أهما مستائين أهما طاقاتهم أكبر البنات، بس محددينهم المكان عرفت؟

بس عفوا قبل لا تكملين سردج اا أهوا اللي فهمته منج إن سامي المنيس وداج عند الصالح؟

نعم.

اا على أساس إن اهوا كان معجب بالتحقيق اللي انتي مسويته وإن يحطونج في قسم التحقيقات.

اا.

فليش حطوج في قسم المجتمع؟

لا ما حطوني، الحين آنا ياية أتعرف على الجو، فرحت عالمحليات شفت وايد شباب وشفت هذيل، ورحت الاقتصاد ورحت الرياضة ورحت بعدين شفت هذيل البنات تعالي اشربي قه- قهوة تعالي نشرب قهوة، تشتغلي فين ياا يا حلوة حشتغل في التحقيقات، مافيش عندنا تحقيقات دول ط- تبع محليات وميشنو، قلت لهم مادري يعني م بع- فأهما يكلموني عن أحسن لك من الهم اللي احنا فيه، يعني وحدة فيهم خريجة علوم سياسية ووحدة فيهم خريجة اا م اا علم نفس ووحدة فيهم خريجة اقتصاد اا شيابهم في- وهذا الجنسانية في العمل الصحفي شي مهم جدا لازم أقول لك إياه، الراتب كم كان؟ Early بالثمانينات، الراتب لا يُحدد على أساس انت شنو الشهادة اللي عندك، أو شنو الخبرات اللي انت عندك، تُحدد على أساس رأي رئيس التحرير فيك، اا محمد مساعد الصالح يوم شافني [تضحك] جن- جني آنا قطعة قماش جان يقول والله تسوى أربعمية- أربعمية وايد أيامها، انزين؟ تسوى أربعمية، على أن تظل في نفس النشاط والل، يعني والقوة والدافعية اللي إهيا تسويها جذي وهذا كله تشجيعا لل لي ككويتية بعد، وأيضا إن آنا في عندي إمكانية للتطوير الذات، فعطوني هالأربعمية هذي، فإنت ما عندك ترقي على فكرة، ما عندك سستم يعني تترقى فيه ما عندك سستم انت إذا انت محرر ما لم تداحر وتقول ومايشنو ميشنو عمرك ما تصير انت، لا بالراتب ولا بالل اا هذيل، غير مثلا ممكن فيما بعد تنظم القطاع الخاص في كل مكان بس إلا الصحافة عشوائية، ترتبط ب الرؤساء ملوتك شلون يح- شكثر يحطون، شكثر يشوفونك يعني، عرفت؟

وهذا ظل لي متى؟

ليماا طلعت آنا من الجريدة، ألفين وأربعطعش طلعت نتيجة لإغلاق جريدة الوطن وسحب رخصتها، لحد الآن كان جذي، ف ل، المعايير اا تختلف الحين يمكن يعني آنا لي حظوظ أكثر بحكم إني آنا أولا كويتية ممارسة يومية دوامي هذا و plus إن انت برزت في الأشياء اللي انت سويتها فتتسمع كلهم يقرون حق بعضهم ويشوفون من الأسماء هذي لأن يصير في عروض بعدين عليك يطلبونك عرفت؟ ف، فقالت لي تعالي آنا عندي ااا التحقيقات شنو نسوي تحقيقات؟ جان تقول لي بحكيلي انتي بتشوفي إيه؟ شوف، يطيح الحجي عادي رحنا الجمعية، حمل ولادة ودينا جسوم ويبنا مايشنو مني [incomp] نطلع بيتها تطبخ، دخلتني على عوالم أساتذة الجامعة هني تسمع قضايا تسمع قصص سواء وهاي فادتني بعدين لما قابلت الرئيس حسني مبارك في سنة ثلاثة وتسعين وايد، ف، تقول... فأذكر مرة من المرات... بنفس الفترة آنا بالنقابات، شفت شلون جم هالمصنع شكثر اشتغل؟ إي؟

اا لما تقولين في نفس هالفترة في بداية الثمانينات تقصدين-؟

بداية الثمانينات إي-

إي.

آنا معاي، يعني ك- واحد وثمانين كان يعني جاسم توه مولود أثنينة وثمانين، آنا عناد عندي صور حق جاسم هناك [صوت قداحة]، يُفترض إني آنا إلى حد الآن م- مواصلات ها؟ فيفترض إن آنا تبع نقابة المواصلات، أبين لك الرومانسية في ال في الفكر اليساري، اشتراكي، شيوعي بطيخي، فإحنا اللي نصحني أدخل النقابة منو؟ السيدة التي أدين لها بالفضل شافت وايد حماس ووايد مادري شنو وايد فوضى فكرية غالية قباني، قالت لي دخلي لأنها إهي بنت هذا اليسار، دخلي النقابة هذي، أووه ملل مادري شكثر في جان تقول روحي متى ما عجبج أحلى شي تترك لي حرية متى ما عجبج طلعي، واهيا بعدين كانت دخلي معهد الفنون متى ما- قلت لها أربع سنين؟ جان تقول متى ما عجبج طلعي، فإنت لما تملك خيار خط الرجعة، بعدين تكتشف إنك انت حبيت المكان بتكمل فيه، تظل، مم، ظليت سنتين بالنقابة، دورات أدين بالفضل بعد للأستاذ حسين اليوحة، حسين اليوحة هذا كان أحد المعلمين اللي كان يعطينا دورات تنشيطية في ال، شوي شوي بدا النظم المخ يتنظم، شوي شوي بديت تعرف انت شنو معنى العدالة الاجتماعية، شوي شوي انت ت- بديت تعرف شنو معنى أن تكون حرية التعبير واهيا عالية آنا قاعد أقول لك في ذيك الفترة بالكويت، شوي شوي [incomp] على حقوقك كإنسان وواجباتك في المشاركة السياسية في الهذيل، خذينا منحى عرفت؟ فتشكلت بقرار من هذيل لجنة المرأة العاملة، لاستقطاب لأن ما كانت النقابات فيها نساء وايد، عرفت؟ في قضايا بالآخر محتاجين فيهم في إذا اا رواتب غير متساوية إذا في أي إشكالية وهذا حق لحد الآن موجود يعني ها؟ فدخلنا احنا في فاختاروني آنا نائبة الرئيس لأن أي لجنة متفرعة لازم يكون رئيس ريال أحد من مجلس الإدارة، سستم يعني، فصرت نائبة الرئيس سوينا مجلس إدارة وغيرو كانت معاي نوال المالج، وكانت معاي زهرة السبعان، اا الله يرحمها وو نوال موجودة وو، و اا عدد من ااا عربيات وهذيل بال عربيات ن متزوجات كويتيي- أو يعني ما كان عندهم أهو مع إنه كله للكويتيين، إحنا مرتبطة نشاطاتنا بالاتحادات النسوية الفرحانة وايد فينا إن في بلد رأسمالي عفن مثل الكويت كما يروننا إن احنا دولة برجوازية يطلع فيها لجنة المرأة العاملة، فإحنا مرتبطين بالدول الاشتراكية اللي موجودة اللي تتبع الاتحاد السوفييتي، شوف الرومانسية يعني شوف الفكر، إن محنة من مطالباتنا نطالب بوجود حضانات في مقار العمل، للمرأة العاملة، طيب يا أم اللول انتو في بيتكم في كل البيوت فيها خدم، خادمة ترعى ولا بعدين قامت تييب nanny ولا قاعدة مل- لي- م يعني في شي ممرتب ما في رفاهية نسبية يعني ما تقدر انت تيي تاخذ النظرية وتيي تطبقها عليك، ما تلوق لك.

بس انتو كنتوا مقتنعين في هالكلام وقتها-؟

أيامها طبعا صغار بعدنا نطالب بحضانات، انزين؟ وو ففشلت فشلا ذريعا، وكانت قرصةٌ لا تُنسى، بين النظرية والتطبيق في بلد مثل بلدنا، خذ لك الثانية، اشتغلت الوالدة فليلى [تضحك]، أثنينة وثمانين ثلاثة وثمانين اجتياح بيروت شي جذي، في اجتياح بيروت- في إسرائيل مسوية مسي- مصيبة، تقول قاطعوا البضائع الأمريكية، نقوم نطبع تي شيرتات بالطليعة طب انتو ارشدونا علمونا قولوا لنا، داء- لأن ن في منهج ماشين عليه اهما.

إي اا هذي كنتوا تسوونها ضمن عملج في النقابة-

إي-

ولا-

النقابة.

إي.

ليلحين، قاطعوا البضائع الأمريكية، ونطبع هني بعد قاطعوا البضائع الأمريكية وإكس وتي شيرت وشي، وليلى اتروح الجرايد وتوزع بيان مالنا وصورتي وانا قاطعوا البضائع الأمريكية، وجاسم إذا رحت له البيت راح تلقى مبروز هالصورة ويموت عليها من الضحك، آنا بأي سيارة رايحة؟ رايحة بسيارة أمريكية.

[المحميد يضحك].

[ليلى تضحك] شتقاطع، حبيبي اليوحة أستاذي ومعلمي يعني، يقول في جنوح يقول، في أشياء دوروا على أشياء أكثر قربا، [incomp] الأمريكان- منو انتو عشان تحاربون الأمريكان وتقاطعون الأمريكان بلدكم كلها قائمة عليهم [تضحك] من الإبرة للساروخ، لا أستاذ، دخلوا التجربة، وفشلت فشلا ذريعا أيضا، شعارات مو مالتك، مو مو ياية من بيئتك من، اللغة الأدبية الجميلة اللي كنت أملكها نتيجة للقراءات وكتابة وأشياء ومشاريع قصص قصيرة انمحت، فمحمد مساعد الصالح شقال لي؟ جان يقول لي، ليلى نبيج تكتبين مقالة بالصفحة الأخيرة- أهوا يبي يجذب عنصر الشباب [تسعل] أولا أكتب بالصفحة الأخيرة يمك؟ جان يقول إي، وايد كبير، جان يقول كتبي [تسعل] وشايفني ناشطة هناك.

قصدج يجذب الشباب ككتاب ولا كقراء-؟

بنات بنات يعني قراء شباب، ب أحد بعمرهم يعني، أهو مسكين عنده تهيؤات، يعني عباله إن أبي أكتب ما يقلقني بهذا العمر أو هواجسي أو أي شي جذي، ولا يا ابني آنا أكتب مقالات خطابية كلها دم للركب على قولته ب [تضحك] بس دم للركب ورافعة علم أحمر [تضحك]، ثلث مقالات قلت له مو قادرة أستمر، كملي بعدين يقول راح تيي الليونة وتيي المرونة وم تيي مادري شنو قلت اا الحين أحنا تركنا النقابة، يقول راح تيي شوي شوي، اهتمي بالمش- قلت له لا لا لا لا، جان يقول يبا روحي التحقيقات الشغل على الأرض أهو اللي راح يوعيج أهو اللي راح يخليج أهوا اللي راح يبين لج وين الكلام اللي قع تقولينه هذا شعارات مو مالتنا وشلون مجتمعج قعد اا يشتغل، شنو أكثر موضوع جذاب في ذيك الفترة؟ أبو جاسم سافر أمريكا عندي بس جاسم، خذيت أخوي عبدالله وياي، كان في بيت على الدائري الرابع يسمونه بيت الأشباح البيت الأزرق.

ليش كانوا يسمونه جذي؟

مهجور، الحين فندق اا ميلينيوم، هذا مشهور بثلاثين أربعين سنة مشهور، الحين آنا أبي أسوي فرقاعة وو نجاح وافقت لي وخصوصا إن بيكون في تعايش، آنا أصلا من بيئة خرافية تؤمن بالزار، وسويت أعتقد تحقيق علمي وميداني وايد مهم عن الزار في الكويت من جذوره الأفريقية إلى أن صار إهني في شي اللي اللي اللي عندهم فرق شعبية مثل عودة المهنا هذيل غير الزار وايد funny مالهم، يعني فيه دقدقة وفي اا عشان يعني يستنزل ال اا تستنزل المرا، اا الدموي اا الشيعي، وايد دم، وهذا كله نزلته بالجريدة يعني، اااا وحضرته، ووو قصص من أحوال البنات الصغار اللي ممكن يقول لك اللي ما تحب الدراسة وت- تدعي إن عندها زيران عشان وفيها ف- كلفة، انزين؟ في مصر يسمونه أهما الكُدية هذي صاحبة الزار اهني كانت أم فلان مثلا أو فرقة عودة معها عواد سالم وذيل، ف اا هذا النوعين أيضا يبين لك إثنيات مجتمعك بعد، عرفت؟ ف اا، في بيتنا كانت في كم أحد إصابة فيه بالزار للحريم بس، عمتي فيها زيران، فنقعد احنا واحنا قاعدين عالسفرة فجأة تقوم وحدة وتصارخ، مو متزوجة عمتي، تصارخ، فنفزع واحنا أطفال شنو فيها؟ فأمي تروح لها، تبي تروح كربلا ماي النجف، لأن خالتي بتروح مع ريلها كربلا والنجف وبنتهم فإهيا تبي تروح فممنوع البنت بالستينات تسافر، فلازم تدعي هذا، إن اهيا عندها زيرانها طالبين إن اهيا تروح هناك، ويتحقق لها اللي اهيا تبيه، طالما إن في يني راكبها، فإنت صورة الط- صور الطفولة هذي وايد هناك بنت خالتك واهيا أكبر مني بسنة صار فيها زيران وهذي وخالتي ومادري منو اختي وايد، فتصدق، تاخذها كمسلمات، آنا شايلة هذا الإرث الخرافي وأبي أروح بيت فيه أشباح أو فيه ينانوة، قبلها، أعطي خطة عملي حق مدام نجاح، أول شي بروح أقابل الناس اللي حوالي البيت أقدم وأكبر الناس سنا، شوف النقابة شلون أثرت في تنظيم فكري؟ تنظيم بس بما يتناسب مع مجتمعي مو أيي أسوي أشياء من مجتمعات أخرى، ف فرحت والله وقابلت ناس فلسطينيين كبار هل لاحظتوا ظواهر غريبة؟ لا والله، يا عمو هني يقولون ما يقولون جان يقول ما في ولا شي، آنا ملاحظة من مروري الوايد عند البيت ملاحظة أكو ليلي- اللي أكو بالليل في ليت ينشب، والأشيار عالية ودايما خضرا مو ناشفة، شالسالفة؟ في أحد في حياة، جن قلت لهم منو اللي يشب الليت؟ قالوا في واحد بلوشي إيي الحين فاتح له بقالة في في في حولي، وقالوا لي مكانه لأن اهما يتعاملون معاه كان هذا الشايب العود الفلسطيني اللي شفته قال لي هذا يعني كانوا يتعاملون معاه وليلحين يعني ممكن يتعاملون معاه يمرون على بعض يعني، جان أروح أقابل البلوشي هذا، مرحبا عمو جان أكلمه إيراني، جان تنفتح لي أبواب السماء كلها، قلت له عمو شنو هذا قصة البيت هذا؟ جان يقول ما في شي هو الريال هاجر يبي يبي يستثمره من عايلة اا الإبراهيم، يستثمره بعدين، قلت يستثمره؟ جان يقول إي مكان وايد مهم هذا بعدين اا منو اللي يشب الليت؟ آنا، منو اللي يسقي الزرع؟ آنا، عمرك ما شفت ينانوة؟ يقول لأ فإنت الحين أمام حقائق علمية، والنقابة سوت تفكيرك علمي ها؟ لا شيء غير مادي مو مو مو صحيح يعني، الحين آنا ب- بروحي بجهدي بعضلي بهذيل بإرثي أبي أتعامل مع موضوع مثل هذا وايد صعب، بروحي جبانة بالآخر راح أضعف، تعاونت مع دكتورة في الطب النفسي اسمها تراندين، ف اا قلت لها دكتورة آنا عندي إيمان إن الجني يسكن الإنسان والزار لالالالالالا، قالت لي شي واحد من الدين هني، وخُلقوا من نار وخُلقنا من طين، فكيف يمتزجت المادتين؟ يا هذا يطفي هذا يا هذا يحرق هذا، هل شفتي انتي إنسان محروق جدامج؟ لأ، هل شفتي ي- اا يني يعني منطفي يعني يني ينطفي لأن هذا طين والطين رمل وماي، فهما لا يمتزجان، خوش تفكير، علمي، مع إنها كانت محجبة ها؟ بس تفكيرها كان.

شنو كان اسمها؟

ترانديل، مصرية، ترانديل ناصر أو حاجة جذي- دكتورة ر اا بالطب النفسي، حلو، قلت حق أخوي عبدالله خذيت معاي سلة شبك ها، معاي مسجلة هالكبرها، معاي فيروز، معاي مطارة فيها جاي وحليب عشان أقدر أستمر اا ما اا ماحب السهر، وأقول حق أخوي عبدالله انت برا البيت إذا آنا صرخت تعال لي أصلا آنا نسيت إن إمكانياتي الصوتية يعني مم ما في قدرات يعني، سبحان من يوزع أقداره- المهم، مو أروح آنا يا عزيز أقعد بالحوش، أكو فوق فرندا كبيرة وغرفة، أقوم آنا أربط الحبل مالي عندي حبل بالسلة أتسلق من الل الشبك اللي على الشباك وأنط على فوق، أبي أعيش أبي معايشة أسوي مغامرة، وأروح هناك وفرشت لي بس- بساط صغيرون وقعدت بنص الفرندا شوف التحدي، بس قبلها قلت لك أكو دار وحدة بابها زجاجي جذي بابين، زجاجي وفيه أطر مربعة، يوم سويت جذي ها الحين احدعش اثنعش ها؟ أسوي جذي أكو عايلة قاعدة، ياكلون كلهم شفافين بيض بيض، جذي جنه في أبو في طفلين ظهرهم معطيني ياه بس ماكو ملامح وجذي مك، رجعت أطالع مرة ثانية ماكو أحد، مم، جان أيي أقعد، وفي الساعة الثانية كان خميس، ويصير حادث بشع على الدائري الرابع، مو هذا highway ما فيه إشارة، ويصير حادث بشع قلت إي هاي إشارة منهم، قومي فزي طلعي قبل لا إيونج مايشنو يعني وإسعاف وما إسعاف ومايشنو، وهدأ الصوت بعدين، مكملة قاعدة، يجب أن نكتشف الحقيقة، يا آنا يا همّا، بعد شوي والست فيروز تغني وينُن؟ وين أصواتن وين وجوهن، ويطلع لي ذاك الريال ذو القامة العالية ثلث مترين مترين ونص شي جذي، كله شفاف وبلا ملامح وفي غطا على راسه جي مثل الغترة [تسعل] كأنه رخام بس يتحرك خطوات واسعة، يا ويلي وأقوم آنا أزحف أرجع لورا وأبي أصكر فيروز عشان لا يصير موسيقى تصويرية مع الرعب اللي قع تشوفه، انزين؟ كلما أبتعد فيروز تبتعد، وو وغصب يعني بخمطة إلى أن وصلت إلى سور الفرندا، وأدّيلو عياط ما حصلش سامحني اقتحمت بيتكم آسفة، بس والله هاي حمق مني وانا ما أقصد، بس والله إذا انت أي شي تبي عندكم في وصخ حول بيتكم برا بالبلدية ممكن نكتب بالجريدة عنهم، فقمت أتوسل [تضحك] فيي شنو تبون شنو ما تبون والله آنا ما عند- عندي جاسم حبيبي ضناي بروحي وأبوه مسافر، ف يرضيك يتيتم الولد [incomp]، وأعيّط [تضحك] انزين؟ رعب رعب فعلا عشت رعب، أي صوت ما قع يطلع ل أخوي عبدالله، بس آنا أسمع صوته قع يسولف مع صبيان برا، وقمت بعدين بعد هنيئة فتحت عيناي ولا موجود الرجل، أشفق علي صج جذب، جان أقوم آنا الحين يتني الجرأ- اا صرت يرعة، جان أقوم، أروح على هذيل ماكو أحد، ألف جذي حول ب- ماكو أحد، فشقشق الصبح، يى مصور الجريدة مبجر وانا الحين بنزل ويصورني وانا قاعدة عالبلكونة فوق عالفرندا، هاي كله ت- انحطت بالجريدة، وكما صعدتُ نزلت، وفورا أنتظر يا دوبك رحت البيت خذيت شاور من غبار المكان اللي آنا كنت فيه رحت حق الدكتورة ترانديل، منو هذا وشنو آنا شفت جذي وجذي وجذي، شنو الحقيقة وشنو الوهم، جان تقول لي أوكي احنا نحتاج شوية نسوي تنويم مغناطيسي، أوكي، قعدت سوت التنويم الم- وق- خريت لها بكل اعترافات الزار الجن الذي لم أراه على أهلي بس يتكلمون عنه، ها؟ وهذا يبين لك مثل حقائق الأخبار انت هذا يتكلمون عنه فإنت تيي تاخذ موقف ما عندك سالفة تتخذ موقف لو ما تشوف بعينك ومو انت تسمع، حواسك كلها تلقط، فقالت لي شنو كنتي تخافين منه بعد في الت- اا في الهاي؟ فقايلتلها آنا وانا تحت التنويم المغناطيسي كنت أم- اا لما أطالع الرسوم المتحركة كنا نقول له بباي قبل أهو مو كله بباي كان، كنت أموت خوف من كاسبر، كاسبر هذا كان يقتحم الطوف، وو يخ- يخ- ي و اا مواعين يخ- كل شي يخترقه فشنو هالتكوين هذا؟ فإهيا تصلح لك لحظتها ترا، كاسبر اللي شفتيه أهوا اللي شفتيه في البيت هذا، أهوا كبر معاج مثل ما انتي كبرتي، أهوا موجود باللاوعي عندج الحين انتي بتتحررين منه لأن ماكو شي جذي، وطلعت زي الفضة من عندها ماكو ولا شي- كتبت ر- آراءها طبعا كل اللي اهيا قالته، وتخلصت من موضوع الجن اللي سويت بعدين تحقيق عن ال على ثلاث حلقات نزل في الجريدة ويصلح أن يكون كتاب، ولو إنه ك- أهوا كطقس اجتماعي يعني اا ما انتهى وايد ليلحين شفته من فترة من جم سنة رحت شفته عند ااا النساء، وو وفي عند رجال عند الفرق الشعبية بس اا عندنا احنا ك ال عيم لأ اا ما عدت أسمع عنه هذيل، واللي كلنا اللي ع- اللي بعايلتي فيهم زار ما عاد فيهم زار الحين، تحققت مطالبهم وصاروا أكثر حرية في إن اهما ينالوا الأشياء اللي يبونها فما عاد في يعني اللي متزوجة واللي تملك حريتها في إن إهيا اا تسافر أو تروح وتيي ما عندها مشكلة، فانتهت.

طيب سؤال بخصوص هذا البيت اللي انتي سويت- اا يعني رحتي قعدتي فيه اللي عالدائري الرابع، اا شنو كانت القصص المتداولة بخصوصه اللي خلتج تفكرين إن انتي تروحين وتحاولين تسوين تحقيق؟

إن فيه ينانوة، مسكون، يقولون له البيت المسكون، ف اا الناس تتوهم بعضهم تقول إن كان في أصوات صراخ وأشياء، ناس تقول إن اهيا- الحين آنا مثلا مثلا من كثر ما كان أهلي أحيانا أشوف عند الحنفية في واحد قع يغسل إيده، هذا خيالي هذا مو شي حقيقي موجود، بس لأنك انت مشبع بفكرة مثل هذي، فهذا البيت من السمعة عبر ثلاثين سنة اللي اللي اهوا طلع في هال اا طلعت عليه لأنه مهجور، وأسباب هجرته يعني قيل فيه الكثير إن الريال تاركه للاستثمار، إن الر- حتى ق- يعني كُتبت هالأشياء إن كان عنده ولد وحيد يدرس برا عساس بيتزوج فيه وبعدين يى من الشاليهات وصار في حادث- وهاي كلها قصص يعني ماا، لا تُصدق بس أ- أميل إلى أن اهوا تاركه للاستثمار وأهو صار أكبر مكان لفندق ميلينيوم يعني بالملايين انباع بعدين، لو منباع في قبل في الثمانينات ما كان والرجل كان مقتدر، وحتى رحت قابلته بعدين، وبس قابلته مو بصفتي الصحفية لأنه كان معصب اهوا، فما كان يتكلم كويتي واضح هذا كان م- رابي بالهند، بيت الإبراهيم اللي كانوا يدرسون عيالهم في الهند و أبهاتهم نوخذة- نواخذة أو شي جذي يعني لهم علاقة كبير الريال كبير، جان يقول لي انتي سوي الموضوع، قلت له لا آنا عندي ولد وعندي مادري شنو ما أقدر أخاف، بس صج هذا فيه ماكو هالكلام فآنا وايد تطمنت يعني من إن ماكو هالكلام، كيف تنمو الخرافة يعني؟ تنمو الخرافة بهالطريقة، بعدين عاد صار تفكيري علمي وايد وايد وايد في.

وشنو كانت نتيجة التحقيق اللي انتي نشرتيها في الجريدة-؟

وايد سوت ضجة وايد برزت اسمي، لأنها كان ك- اا شي مجتمعي عام والكل عنده رأي في هذا البيت إلى أن تجي انت ود- وتدخله تقتحمه فوايد كان مؤثر، أبو جاسم ما خانقني.

[المحميد يضحك].

مم، يعني ما سوالي قلق فيه.

اا بس أقصد إن نتيجة البحث نفسه إن انتي شنو كتبتي بالنهاية إن ما في ينانوة بهالمكان هذا؟

لأ آنا كتبت طبعا لا آنا ماقدر- أقدر أقول آنا أكتب رأي ترانديل دكتورة شنو قالت، فطبعا كل الوقائع اللي قلت لك إياها أجوفها اللي جفتها أقولها، والرعب والأشياء هذي كل اللي أقولها، بس بعدين لما تروح حق الرأي العلمي تحطه لترانديل فاينل انتهى عاد ماقدر أقول آنا تعال أكو ولا ماكو بعد، كاهي قالت، واي آنا تحررت أمانة تحررت، من الخرافة، وصار تفكيري علمي واقعي.

عجيب.

مم.

طيب يما تسمحين لنا ناخذ استراحة بسيطة؟

إي تفضل.

شكرا، اا طيب يما انتي اا ق اا يبدو إن في الثمانينات في بداية الثمانينات كان في تشعبات وايد في حياتج، بين عملج في جريدة الوطن يمكن بشكل يعني أساسي، وكذلك دخولج للنقابة وزواجج وو كنتي حامل في جاسم وقتها، اام بس آنا عندي سؤال انتي قبل لا تدخلين النقابة هل كان عندج اا خلفية فكرية يسارية ولا هذي تشكلت خلال عملج في النقابة؟

04:55:00 - نقابة العمال والقيم الانسانية

Play segment

Partial Transcript: لأ ما عندي اا بوضوح ما عندي، بس انت تميل لل اا ل، إن العدالة ضد العنصرية الأشياء هذي المبادئ العامة، بس ما موو اا قهر الدين يعني وج- إجبار هذا ضده، اااا قمع الرأي الآخر حتى بعدين فيما ااا الأطفال وهذا وايد مهم بالنسبالي في تأسيس عيالي في إني اا ماكو صندوق في اا تفكر خارجه، طالما آنا موجودة معاك يعني ف، انطلق في أفكارك وقول ولا تخاف، ومريت بتجارب مثل هذي يعني م، ال اللطيفة في التربية أدبتني وايد بعد، وو وم- وسرنا بمساقات اا متوازية مع أولادي اللي اهما من جيل ثاني عرفت؟ ف اا فطلعوا خوش ناس إي يعني إن انت مو مزدوج مو مضطر تجذب مو مضطر تسوي شي من وراي، تعال نسوي كل شي مع بعض.

فانتي تحسين إن انتي اكتسبتي هذي القيم اا [صوت قداحة] خلال عملج يعني في النقابة؟

مم، إي من خلال عملي وقراءاتي قلت لك بعدين حتى في اا اللي اا أيام النقابة كنا نقرا كتب وايد بعد، القراءات الحرة إي، كانت تعلم، مع إن مثل ما قلت لك مساعة تحت الهوا قبل التسجيل فيما انت تقرا عن اا ل تولستوي تشيكوف غوركي كل هالعظماء هذيل بوشكين مثلا هذيل كلهم طلعوا قبل الثورة البلشفية فعبروا عن معاناة الناس، لما يت الثورة التي مهدوا لها قمعتهم فصار الأدب اا موجه ورخيص مثل أي اا حزب ديكتاتوري ما يبي أحد يفكر خارج إطاره، اا ديكتاتوري سياسي ديني whatever كان، فما يعطيك اا مجال لأن تفكر فيي هذي- أكو معاناة للناس أكو اا قصص في فترة التحولات اللي قع تصير فيها عشان تصير اشتراكي ولا تصير whatever تكتمل يعني اا يكتمل مشروعك، لا لازم يصير في قمع ف- اا في الحريات، فكانت الفنون مهرب كبير وعظيم في هالأمور هذي، الفنون والأدب الأدب العالمي، يعني ين- آنا متأخر وايد شفت الأدب الكويتي، بس اا قبله كله كان ساعده أيضا دراستي في معهد الفنون، وايد انت فيي من تأسيس الفن ونظرياته ومدارسه تبدأ من ما تأسس إلى أحدث ما وصل فيه الحين في في العالم المتقدم طبعا، عرفت؟ واختلافاته واتجاهه ومراحله ووو هزايمه وانتصاراته، وو شنو اللي استمر هاي كلها معارف رهيبة، تاخذها من الكتب وتروح انت تشوف في أوروبا تروح تشوف العروض المثلا اللي أشرت لها وتقرأ الكتب وتتعايش، وتشوف الفنون التشكيلية وتشوف السينما وتشوف فإنت مطلع على العالم على، كما بدأت يعني قلت لك أثر الوكالات، بحيث إن ما تلقى انت لغة مع بنات خالتي اللي قلت لك وبنات عمي اللي اهما من عمري ما في عاد في لغة بيننا، يعني لغة وحدة تق- تتكلمون فيها نفهم فيها، إلا إذا نزلت وايد اا نزلت سقفي عشان أتكلم عن الأزياء والميك أب والتجميل وهذيل ممكن، يصير في حوار عرفت؟ والأولاد ما ممم وهذا عمرها قصير، لأنها مو اهتمامي الأول يعني في هذا، إيه وايد مهم، أعتقد آنا كان يعني نجاح عمر الله يرحمه أيضا في إن اهيا أولا إن اهيا من مجلة عظيمة بعدين إن اهيا تعرف توجه لأن اهيا اشتغلت رئيسة قسم تحقيقات أيضا هناك في مصر ومصر زاخرة زاخرة مليانة، والتحقيقات عبالك هناك شكثر تاخذ على عدد المجلة القصير حجم متوسط؟ تاخذ يعني ماكسيموم أربع صفحات، فما آلك آنا كنت بالصفحة الأولى دائما بال بالملحق، وبعدين ساعات مثلا إييك المود الفني مالي، في إن انت تتعطل ما تبي تكتب ما في شك ما في شك إن في الحين موضوع بكلمك عنه لقيت فيه بعض الإحباط ااا، فأتعطل في تسليم المادة، فإهي ت اا تم- تمشي بيروح أمومة مو موظفة لازم تقدمين انتي في هالأمر أقول لك مثل، مثلا، مرة من المرات في تقرير صغيير، أستاذ سامي المنيس معلمني اقري الجريدة كلها، تقرير صغيير شكوى في صفحة القراء، في صفحة القراء واحد قع يقول إن في طبيب مزوَّر عنده عيادة في مستشفى الفلاني، طبيب مزور؟ يا كبرها، موضوع، اا أجرى عملية خطأ لمرته أُصيبت بالعقم صار المهم صارت مشكلة، قعد يتكلم بحسرة لأن اهوا أدى إلى طلاق أو شي جذي يعني، سيبك انت الحين من هذا، مع إن مش حسيبك أوي يعني بس إن بالآخر انت أمام واحد فاتح عيادة عامة، منو وراه هذا؟ وأجنبي، انزين، الحمد لله في حياتي دائما كنت ألقى مساندة من المجتمع من موظفين الصحة شلون أعرف آنا هذا طبيب مزور ولا لأ، رحت وشفته بعيادته وقاعد وشزينه، زي الورد، توه مشروع أطفال الأنابيب ما أنابيب قع يتحقق، في الها-

ع- عفوا هذا في أي سنة؟

هذي آنا أقول لك التحقيق مالي؟ فيي يعني بالثمانينات، ف أثنينة وثمانين أعتقد لأني ثلاثة وثمانين دخلت معهد الفنون المسرحية.

اا أي عام دخلتي الف- المعهد؟

ثلاثة ثمانين.

ثلاثة وثمانين؟

إي، وثلاثة وثمانين وأدين للفضل لجريدة الوطن، مالت الجناعات إن أهما ما حسبوا لي نص راتب، راتب كامل مع إن آنا أدرس دراسة نظامية للساعة ثنتين، وأروح البيت بعدين عندي ط- طفل أتغدى مادري شنو شوي بعدين آخذ الياهل وأروح الجريدة، عرفت؟ وخففوا العمل علي بعد أيضا هو لأن اهما كانوا يؤهلوني لأن أمسك قسم فن، يبون أحد أكاديمي في كل قسم الرياضة يبونه شوف تم- شوف نظام اااا اام مساعد الصالح، قسم الرياضة لازم يكون خريج رياضة، قسم الاقتصاد خريج اقتصاد قسم السياسة- اا المحليات يكون خريج سياسة، والفن يكون خريج فن، وو هذا نادر يعني ما حصل إن أحد يتعين على شهادة اا خريج معهد فنون مسرحية في جريدة بنظام كامل ماكو قلت لك أكو كويتيين أونرات هناك فالمحليات صار في شوية كويتيين، كمحررين، بس إن انت اختصاصي تكون في هذا المكان هذي كان شي عظيم، ومع إني هني كنت أموت رعبا من إني آنا أمسك قسم ما أبي أمسك أيي قسم لأن كثر ما درست اا عظمة الفن، وكيف ال شكّل وجدان الناس هذا الفن، وكيف غير في المجتمعات إلى الأحسن، يعني من أرسطو وأفلاطون إلى ما قبل بديت أهتم أيضا ب ب الفنون الشرقية الفراعنة اا بابل آشور ورحت هالأماكن هذي بسوريا اللي هذي لا تُدرّس لأن كتبنا كلها يونانية مترجمة للعربي، فانت تاخذها بدايةً من اا اا يوربيدس إسخيليوس سوفوكليس ما تاخذ اا ما قبله غير عاد الهند والصين وال ي- عالم غني، قامة المجتمعات وجدانها على هالأشياء هذي، اا ونُقلت أيضا بعض ال- كثير من الطقوس إلى صارت شعائر دينية، عرفت؟ ف اا، الطبيب المزور نعم، بولندي نعم، يقابل الناس، ممكن يسوي فحوصات للأثنين لا تصلحون للزواج انتو ل- ما راح تييبون عيال، ممكن ينفصلون حسب بجهل وال، مو هذا يبي عيال واهي تبي عيال، ممكن، ف- فاللي ساعدني إن أعرف أحد في وزارة الصحة قلت لهم ييبوا لي ملفه هذا، وما قصروا، الملف فااضي بس فيه تعيين، مو يُفترض انت تقدم شهادتك؟ أقلها، تقدم شهادتك من وين متخرج انت، بس في قرار التعيين، وموقع عليه واحد كويتي، والكويتي له أهداف يايبه عشان بعدين يفتحون مشروع تجاري شي في طب الأعشاب، وهذا تخصصه ما لك شغل انت بالعقم، وهذي هاي هاي م مكان ثاني، صوروا لي الملف، فاكس إيى عندي، شكرا، في ت- مالت التعيين مكتوب الحين نسيت معليش عشان وايد قديم اسم الجامعة إن اهوا يعني متخرج من اا خريج جذي وجذي مال م جامعة مادري شنو في بولندا، وبعدها بولندا شيوعية وتراسل انت بعد اااا هذيل بالفاكس، وتقول لهم هذا تخرج عندكم في في هالسنة؟ لم يحصل، زين قبل سنتين؟ لم يحصل، طب بعد سنتين؟ لم يحصل، وهاي كلها أجوبة عندي، ف، عندك انت كامل الأدلة والإدانات حول مشروع فساد موجود، في مستشفى يتعلق بصحة الناس، ف اا، اكتملت الأركان هذي كلها عندي بالوثايق بالأشياء اللي أقول لك إياها، وو، مين سمع؟ لأني سألت أعتقد بال بالمستشفى أو بالعيادة كنت ألتقي بالناس أو ألتقي ب مم بأطبا ف، هذا الكويتي اللي يايبه سمع، و اسم عائلة معروفة، فاتصل في جاسم المطوع كان محمد مساعد الصالح صار رئيس مجلس الإدارة، وأهوا رئيس ال- كيووت، وايد خلوق ونبيل ومجامل ولطيف وأحد نائب بعد أيضا اتصل للضغط إن خل تيي تقابل الدكتور هذا، آنا حاسة إن اهو مجرم وأيضا هذي ممكن تكون حماقة مني أيامها هالاندفاع وهاي الصح والغلط وال اللي اهوا ال الشيابه- انتي روحي سمعي مبرراته- مابي، أعاند، فهو ما يقول لي عاد غصبن عليج يعني مو مدرسة احنا غصبن عليج تشو جذي، جان يقول خلاص احنا ندز له محرر ثاني، أهو الحين ذاك يبي يشوفني آنا، ويبي الوثايق، أوريه الأصول دايما مدام نجاح عمر تحط عندها، فماكو وتحط نسخة بالبيت بعد عشان لا يصير أي تلف لهم، ف كانت اا وايد تقدر جهدي وايد يعني م، اا تحب أحد يثمن جهدك عرفت؟ مو إن هذا واجبج لا ماكو شي جذي، إي برافو إي تعالي جذي وراح أعمل لك م اا ملوخية ما عندكومش يا اختي أرانب، أنارب [تضحك] أعمل لك ملوخية بالمادري شنو المهم، مع المبررات اللي اهوا يابها الدكتور الغير مقنعة اللي عطاها حق المحرر اللي قلت لك في قسم عشوائيات اا تبع المحليات، فوافق جاسم المطوع على أن يُنشر الموضوع، الله يرحمك مطرح ما كنت يا جاسم، نُشر الموضوع، صباح النشر في صفحة كاملة الأولى كان الطبيب المزور ماخذ كل مستحقاته وبالطيارة ومسافر، بكل سلاسة، وإباءً وشمم، قهر هذا لك انت كصحفي، إن يعني كل هالجهد يُفترض يكون في مساءلة ولمن كان ومن وراه، وين وزارة اللل الصحة ووين وين شؤون الموظفين النايمة على ب- على حظ اا يعني وايد أشياء لازم انت تتكلم فيها جريمة قع تصير بحق المجتمع، ف اا، هذي من الإحباطات اللي كانت تسوي جذي طبعا كان في أيضا من من الأشياء ال الظريفة، في لأ هاي بس قبل آنا صرت مديرة تحرير في مجلة اسمها كل الأسرة بالإمارات، رحت عشت هناك ثلث سنين، من ألف وتسعمية وتسعة وتسعين إلى ألفين وواحد، كنت بالشارجة م اا مجلة كل الأسرة تتبع منوعة وم اا تتبع م اا جريدة الخليج وهي الأولى في الإمارات، الأولى الأهلية، يعني أكو البيان تتبع حكومة دبي وأكو الاتحاد تتبع حكومة أبو ظبي هذي لأ مستقلة حق بيت تريم، تأسسوا بالكويت من early بالسبعينات، عرفت؟ وعلى إيد سامي المنيس والطليعة يعني كلهم اا النيباري والنفيسي وهذيل، وكانوا يطبعون هني و و وما كان مطابع في الإمارات، كان هوّ قال لي تريم عمران قال لي هالكلام، ف اا ويودونها بعدين هناك، وايد اا دور الكويت وايد اا مؤثر ووايد مقدَّر وهذا يشعرك بالفخر بصج إن الر- الرجالنا وال اا حتى نساءنا في الإعلام مثلا اللي اشتغلوا في بداياتهم الإذاعة وبال اا مع تأسيس الإذاعة بنات اا م اا اا عايلات ما تحفظوا وقالوا لأ وي كخة لأ اشتغلوا لعمل مهني وعمل جميل وو وو سووا شي يعني حلو، فتفتخر انت، هذا إرثي هذا إرثي اللي يخليني دائما عندي تفاؤل ب هذا البلد عرفت؟ بالرغم من كل التيارات اللي تيي اللي من أي طرف من أي مكان.

اا طيب يما انتي اا اا بما أن كنا قعد نتكلم عن التحقيقات انتي يبتي لي طاري إن يعني وحدة من التحقيقات اا ك اا س يعني عرضتج للخطر، هل تقدرين تشاركينا يعني مثلا قصة التحقيق هذا؟

طبعا.

أوكي-

مم طبعا، اا وانا في سنة ثانية نقد وأشتغل في التحقيقات لحد الآن آنا مابي أروح أشتغل في قسم الفنون، لأن عندي رهبة هيبة، فأشتغل مع مدام نجاح على تحقيقات، حامل ببنتي نينار سنة ثانية قلت لك شغالة يعني وايد أعجبك، ف ااا في هذي [تضحك] آنا اش- دولة اشتراكية إنتاج على كل ال مستويات، ف ااا، رحت اا- بليز اكتب قصة الشايب اا عن هوية الكويت، هاي بعدين، مرحلة خلتني، تذكر يوم أقول لك وانا صغيرة أحبي.

كليتي تراب-؟

شو كليت من تراب الأرض-؟

إي إي.

بيبين لك بعدين معال- معالمي [تضحك] البناء المعماري مالي، النفسي والفكري، حامل على نينار، عندنا ميري شغالتنا، هذي آنا عندي عندي عدالة في إن الويكند من زمان لازم تطلعون روحوا ت- استانسوا، تييني ناش- نشيطة وغير وهذيل وهاي حقوق، ف اا في الوقت المجتمع كان يخنق ممنوع تطلع يعني تكرف في البيت، وعندي ساعات استراحة عندها منن وحدة [incomp] أو ثنتين بعد ما وحدة أتغدى لي الساعة أربع عندها راحة لج، ثمان ونص نوم، انزين؟ أعياد ما أعياد وهذي بالعكس نشاركهم ونروح، وهذي ميري كنت وايد أحبها ف فيون ساعات صديقاتها عندنا بيت بيتنا بالجابرية آنا ي- ثلاث العيال يبتهم بالجابرية عندي جابرية ون جاسم جابرية تو نينار جابرية ثري علي، فكلهم كانوا في بس في بيوت مس- مختلفة يعني كل ماله البيت يتوسع، ف [صوت قداحة] هاي جانيت ما يت، جانيت أسبوع ما يت أسبوعين، وانا ميري- آنا وميري مم يعني خوش بوش، أعرف قصصها أعرف اا أهلها عيالها، فعلا أحسهم أهلي يعني في ال اا شاسمه فالمهم ميري وين جانيت اختفت ما يت؟ جان تقول وي مدام جانيت موتي- موتي؟ شلون موتي، إي صار pregnant واحملت ومو، وسوت إجهاض وماتت، إجهاض ممنوع بالكويت.

بس عفوا جانيت منو شغالة ثانية عندكم-؟

شغالة ثانية إيون يتيمعون شغالة عند أجانب كانت أو عند اا يعني عرب قصدي، مم، [تضحك]، جانيت ماتت؟ الويه الصبوحي اللي كله يبتسم؟ سريلانكيات كانوا ثنتينهم، فقالت لي إي موتي شلون موتي؟ جان تقول لي مدام أكوو وحدة هندية يسوي بيبي طيحي، اشلون؟ إجهاض يعني ع- علميا [تضحك] اسمه إجهاض بيبي طيحي، شلون؟ جان تقول لي إي إهيا إهيا nurse فيسوي في بيت، فهذي يصير من boyfriend من مادري شنو فيبي ينزل بيبي، تدري عاد خرابيط العلاقات هذي ف... وأكو وحدة حملت من ال أونر من صاحب البيت، كان كويتي بعد، هذي نجت من الإجهاض كانت في بدايتها هذي رايحة متأخرة ميري، هذي جانيت، جانيت عرفيني على- أثاري ميري العيارة كانت وياها فتدل البيت، في كيفان، انزين؟ والله و، رحت كيفان مع زميلة صحفية مع سكيوريتي الوطن مع أخوي عبدالله كالعادة الراعي الرسمي، مع المصور- بس هذيل الحين ما إيون ما يطلعون بالصورة هذيل آخر شي بيطلعون ما يصير نخرعهم، جان أروح لهم، إلا البيت بيت ب- بكيفان باب حديد ضخم جذي و أو- أول ما تدش الباب على يسارك هني أكو حمام بعدين تصعد السلم همّا عالسطوح قاعدين، إيجار يعني، ومن تدخل على ال- على السطوح غرفة يعني حاطين فيهاا، قنفتين والغرفة الثانية غرفة نوم من فيها هذي من يسكن هذا المكان؟ هندي ويا زوجته ويا هذي النيرس اخته، انزين، فقعدنا بالصالون معاهم شنوو في جان تقول لنا انتي شنو جنسيتج؟ إهيا كل اللي يون لها آسيويين مو آنا آنا شكلي لوني مو مالهم، قلت لها آنا إيرانية، ما تؤولي وصديقتي اللي-

[المحميد يسعل].

معاي ال الل ال المصرية نادية لطفي اللي إهي يعني ختساعدني إذا صار شي يعني [صوت قداحة]، ف سمرا وايد، ف فما تشك في ذيج شكت فيني قلت لها آنا إيرانية إي، آنا زوجي كويتي، والحين كويتي زوجي آنا عندي ولد الحين آنا حامل بعد الحين أهوا يبي يسوي زوج فلعنت خن- سنسفيله إهيا يبي يسوي زوج علي، ما يصير انتي حلوة قلت لها مو حلوة ما حلوة هو بيتزوج علي آنا لازم هذا بيبي ينزل، جان تقول لازم نسوي test حقج، إهي إهي مالت ولادة في مستشفى هادي، رسميا هاي شغلها ممرضة، سوت لي خذت المعلوم، باجر بتروح المختبر بتيي تتصل فينا وتقول تعالوا تحدد لنا يوم، وفي اليوم المختار آنا من بد الناس بنت الذين تاخذ منهم ثلاثين أربعين على قد معاشاتهم آنا خذت علي امية وخمسين مم انت زوج كويتي [تضحك] أقول لها بس آنا إيراني آنا ما يشتغل، تقول ماكو الحين لو انت كفيتي [كويتي] ياخذ ثلاثمية دينار بس انت ياخذ منك امية وخمسين، فالوطن كثر خيرهم عطوني فلوس، يا حلوهم، بجد يعني تحس اا في push في دعم ها؟ ف اا رحت لها في اليوم الموعود معاي أثنين سيكيوريتي من الوطن معاي المصور ذيل تحت بالسكة ينطرون، ف الحين آنا عارفة إن آنا ف- في بداية حملي وآنا عارفة إن بنت وانا غرامي أييب بنت عندي جاسم أي- أبي أييب بنت قعد أنوع في الإنتاج [تضحك] فقال لي قالت لي إي صح انتي حامل وو وخلاص نسوي جذي واليوم الموعود رحنا مثل ما قلت لك، الحين هذيل شلون السيكيوريتي وهذيل بيون ينقذوني مو في بنج معلقة دريب معلقة مال وحقن وأشياء، شي مرعب يعني، شلون بتسوين العملية؟ تقول آنا يحط شي جذي بعدين يطق مطرقة حق بيبي بيبي شوية يتحرك بعدين يصير م- دم ومايشنو أولا يلعن يومج يعني شو هالإجرام، ف بنتي حبيبتي [تضحك] انزين؟ فق- فالمهم، جان تيي وتحط يا حبيبي ربطة سير هذا عشان تبي إهني أول شي في ك- ظهر كفي، تدور على عرج تدور على عرج، والإبرة جاهزة مالت البنج ها؟ وأقوم آنا أول ما شكتني ما أدري شلقت عرج جان أطق إيدها و أنقز وأروح تحت بالحمام ماكو فوق حمام، وأطلع أصوات إي أو آه على أساس إني برجع، عساس هاي نساتي وطبيعي هذا يعني يصير حق كل النساء، صعدت فوق، جان يحطون لي تب، إذا برجع أرجع هني، آنا قلت لج لا تاكلين لازم م ماكو إكلي قلت لها ماكو اكلي بس آنا يشرب ماي، حطولي التب، الحين الريال والمرا في الغرفة الثانية أهوا وزوجته هذي الممرضة اللي شغالة معاي ونادية قاعدة، جان تقول لي هذا تب عشان بس تحسين بالهذي جذي، ويقوم الريال ابن الكلب بس الحين آنا بعدني ما قعدت وينزل، وما تسمع إلا- آنا فتحت الباب وانا تحت، موارب خليته عشان يدشون ولا شيسلقهم هذا سور عظيم، سور الصين [تضحك] والله سور الصين مو برفعه، على دورين ثلاث يعني على على على السطح يعني يا س- السور يوصل، فيى ولا ما تسمع إلا صوت الباب جركح جذي صكر الحديد، ويى زفهم زف، الأوردو قريب من الإيراني فيه فيه حروف في كلمات أعرفها وانتو ما تستحون وانتو مو حريصين وانتو ما أعرف إيش وليش تخلون الباب مفتوح ولا تجيكون ولا ميشنو، فتقول هاي السستر العيارة يمكن إهيا راح- نزلت وسو- فتحته، جان يقول اهي آخر وحدة عندها مصلحة في إن تخلي الباب مفتوح، شكرا لك [تضحك]، دخل الحين دور على عرج على جف إيدي ماكو، ميتة خوف آنا م- مخطوفة يعني، انت ع- انت عند مجرمين، بنتي حبيبتي [تضحك] شايلة بنتي، فقامت دورت عرج هني، أوكي؟ دورت عرج إلى أن لقت إلى أن دفعت شوي من البنج، وانا يعني راح يُغمى علي بجد يعني بهالحالة العاطفية اللي انت فيها، وأيضا دزيت إيدها ونزلت تحت خطرت التب ورحت تحت وسويت نفس الأصوات فتحت الباب، ييت انا مطمئنة، قلت لها الحين عاد العروق اللي تبينها عاد، كيف أمج اختاري اللي انتي تبينه، والله وتسوي جذي وال هذيل آنا صج خايفة بس يعني وهي شاطرة بروفيشينال ف توها بتقز الإبرة ولا تسمع دودوم دوم دوم دوم خطوات عالسلم، [تتنهد]، أخوي عبدالله قايلتله كف واحد عطاني كفين، قلت له أوريك، عساس إني كأني آنا اهو ما يدري عني وانا ياية هني قعد أسوي من وراهم فبالتالي إي- الحين أهم ما يدرون أهوا زوجي ولا أخوي ولا ميشنو، والسيكيوريتي عاد سووا و كنترول ولا الريال هذا وقف على السرير هناك ت اا لحقوا عليه لأن طلع سلاح، لحقوا عليه ولا قعد لا مؤاخذة قع يعمل نمبر ون من الخوف، بس المصور صور ال الدريب والأبر والممرضة واهي قعد تخشهم بحالة رعب قعد تقطهم تحت القنفة وهذيل، هذا خطر آنا مريت فيه، الخطر الأكثر- هذا كان فاينل آخر شي طبعا سويته في تحقيقات وايد سويتها حلوة، بس إن يعني هاي الأقوى الأشياء اللي سويتها لما اطلبونا المباحث الجنائية ومتى يوم الخميس قبل الويكند كان خميس، رئيس التحرير يروح الشاليه ويصكر التلفون، ورئيس ال وشاسمه و المحامي يصكر التلفون، ماكو أحد يقدر إييلك، وهذيل تحقيقات معانا، وخذونا آنا ونادية، سووا معانا تحقيق شوف حرية الصحافة شكثر كبيرة وعالية؟ بس اللي صار كان تصرف فردي، من المباحث- واحد من المباحث، كان م ف- مباحث كيفان، لأن انت خربت عليه شغله يُفترض أهوا يعني يُلام بأن انت ما تدري شنو قع يصير في منطقتك.

بس هذا بخصوص نفس الموضوع اللي توه ولا موضوع ثاني-؟

مال الحمل هاي الولادة-

إي إي-

والإجهاض، شلون ما تدري انت أكو شي جذي قع يصير في منطقتك، فبالتالي بيعاقبنا احنا الحين، لازم ناخذ- لازم تتصلون في المباحث قلت له الصحافة حرة ما لها علاقة بالمباحث، إحنا مساندين لكم على الزاوية الأخرى نشتغل، ماكو من تقنع، ماكو أحد، وماكو أحد إييلك، كان أيامها أبو جاسم موجود زوجي موجود إيي الساعة ثنتين ونص، الحين هالساعة وحدة، ساعة لطعونا وانا حامل أبي أتحرك، يوم أطلع [تضحك]، من الغرفة بمشي ريولي بروح أشوف أحد إيي يسوي التحقيق معانا يسوي جي طبعا هاي جزء من حرب الأعصاب انت تدري عشان تنهار، ماكو شي يعني كل شي واضح وكل شي نزل بالجريدة يعني بنهار على شنو؟ بس خايفين طبعا، يوم طلعت وانا اا أمشي وأدور ورحت قلت حق الل هذيل بليز شوف لنا إيي أبي أوصل قبل أبو الأولاد، يكفي دعمه يعني لي بس أهو ما يدري ترا آنا شنو سوى هو ما يقرا هذا أحلى ما فيه، انزين؟ ف اا إيي ولا أطالع اليافطة اللي محطوطة فوق بالغرفة غرفة الدعارة، يا سلام؟ وانا حامل يعني أدوات الجريمة [تضحك] عندي، شنو هذا ليش يحطونا بهالغرفة؟ غرفة الضابط، ومو دعارة أصلا الموضوع ما له علاقة، يعني آنا ما صدت ناس في كمين أو أي جذي، إجهاض، ماكو مكان ثاني ينحط فيه غرفة محقق مباحث الحين صارت مرتبة الحين في مباحث جذي في غرف م محترمة الحين في ستات بعد يعني، انزين؟ سوى معانا تحقيق على أن تقدمي تعهد ما تسوين أي تحقيق، في جنحة أو جناية أو جريمة إلا بالتعاون مع- ما بيصير، انت قاعد أصلا قاعد تضرب في ناموس الصحافة الحرة، منها آنا قررت أتجه للفن كنت سنة ثانية عاد، و و زياراتي الكثيرة للفن للم- ذيل جذي شفت ال إنه مو المستوى اللي آنا كنت خايفة منه الأعمال العظيمة تاريخ الفن نظرياته، التجارب والمشاريع الكبيرة اللي نهضت عليها شعوب مو هذا جذي ف دشي بالموضوع، فدشيت-

بس اا وقت التحقيق هل كان في تهمة معينة موجهة لكم؟

لأ إن إي- لأ إن انتي لازم تتعاونين مع المباحث، التهمة إن انتي ما تشتغلين بكيفج في أشياء مثل هذي تخبرين المباحث قلت له هذا شغلي آنا بالصحافة، جان يقول لأ مو شغلج بالصحافة لازم يصير في تعامل مع المباحث عشان يقبض عليهم طب هاي يُفترض شغلك يعني، لو آنا أجرأ أقول له يُفترض إن أقول شغلك بس انت ما تبي تستفز بعد أكثر، تبي تمشي، وصلت البيت ث- ثنتين وربع أشوه بعده ي- مو ي- مو ياي أبو الأولاد.

اا طيب وق- ها- هذا الحدث صار وقت اللي انتي م- اا قاعدة تدرسين في المعهد العالي للفنون-

نعم.

صح؟ إي-

نعم.

اا انتي قلتي لي إن انتي دخلتي المعهد سنة ثلاثة وثمانين.

مم.

اا شنو اللي خلاج اا شنو اللي خلى عندج رغبة إن انتي تدخلين المعهد وتدرسين نقد؟

05:26:30 - الدراسة في المعهد العالي للفنون

Play segment

Partial Transcript: مم، أهوا يعني إن تأسيسي علىىى ال فنون أول شي يعني السمعية على إيد أبوي المطربين مثلا ال اا الل التنوع هاي الميزاييك العربي اللي موجود من من العراقي إلى المصري إلى ال اا اا أساطين الطرب تسمعهم إلى اللبناني، إلى مسرحيات فيروز كانت زمان يعرضونها بالتلفزيون معاها نصري شمس الدين وديع الصافي وهذيل أعمال الرحابنة يعني في أشياء مؤثرة، في الو- فأحب الفن بطبيعتي وقلت لك إن بالليل قبل لا أنام لازم أقرا المجلات هذي اللي انقرضت الحين الشبكة والموعد وهذيل، فتحبه انت أهوا تحبه إن اهوا أهوا هاي ال م يعني مثل ما يقولون الل الجسر الناعم اللي يوصل بين كل القلوب وكل الشعوب وكل العام.

آنا أقصد إن انتي يعني ماشالله وقتها حياتج أولريدي كانت مزدحمة يعني كنتي تشتغلين في الصحافة وكنتي متزوجة وو اا عندج جاسم وو اا تشتغلين في النقابة هم بعد، يعني شاللي-

تركت النقابة.

آه تركتي النقابة وقتها-

إي إي طبعا مم.

بس يعني شنو اللي خلاج تفكرين إن هذي خطوة آنا حابة إني أتخذها؟

بدعم من أبو الأولاد أول شي آنا كملت دراستي، فخذيت الثنوية، فآنا أبي أصير جامعية، فرحت قدمت على لغة عربية بكلية الآداب، آنا اللي بديت قلت لك ما كنت أعرف عربي، فالحين بطلع عقدتي إني أدرس عربي، ومناهج اللغة العربية عندنا وايد بليدة بليدة جدا بحيث إن انت تكرهك في أم سيبويه نفسه يعني، اللي اهوا واحد من أسلافنا، انزين؟ فبعدين غالية قباني قالت لي فنون وايد أنسب لج وتدرسين نقد، قبل غالية أو بعد غالية، زرت عبدالحسين عبدالرضا، لا جان في أكبر وغير ومتزوجة وعيال و وو قلت له أبي أدش اا التمثيل، جان يقول ليش؟ قلت له لأني آنا موهوبة بلا، بلا حد يعني، جان يقول شلون عرفتي؟ قلت له لأني أمثل جدام المنظرة بكل أطاطين أحاسيسي، جان يقول طبعا وانتي ت- قعد تمثيل جدام المنظرة أكيد تطالعين روحج آنا حلوة آنا مو حلوة آنا ميشنو، بالضبط! جان يقول أهو هذي الكاميرا هاي ال- هاي الأحاسيس وهاي الأشياء اللي بتسوينها؟ المرايا ما تعلم التمثيل لأن تشغلج في أشياء أخرى، الأحاسيس إهي اللي في الدور في الشخصية في شنو تمثلين، شنزين؟ جان يقول لي طيب انتي صحفية قلت له انزين، وتلعلعين بالصحافة، وق- ووو وش- وش- شاطرة وماشية وعندج جاسم، ، يايتنا نينار- لا قبل نينار صح كان بس جاسم بعدني بالمعهد إي، أنسب شي إنج انتي تكونين في النقد، تدرسين نقد- أهوا فن بالآخر، ما عندنا أحد نقاد أكاديميين يشتغلون بالصحافة which is صح، فتمشين انتي على هالصراط هذا، التمثيل يا يما صعب حق المرا أهوا يقول لي، التمثي- أيضا بعد تبين لك رؤيته أهوا، إنه فيه سهر بالليل وانتي عندج بيت وزوج وعيال و وولد وميشنو، فراح تنشغلين عنن، الأسرة في إنك تكون جذي، قلت له هاي نظرتك للمرأة؟ جان يقول الحين هذيل اللي دشوا دشوا بشوري؟ دشوا بكيفي؟ بكيفهم أهما دشوا يعني أحرار ورضوا بظروفه، بس آنا أقول إن أنسب شي لج للصحافة إنج ك انتي تدخلين الص- هذي، ويصدف إن آنا لمن لما بعدين دخلت في الفن أول من أنتقده عبدالحسين عبدالرضا في برنامج ستوديو ثلثمية، خلاص دخلت في الفن عرفت؟ أييب فيديواته وهذي وأطلع كل الأشياء هذي اللي اللي يسويها انتقاد له، ويرد علي يقول وانا أعرفج وانتي هالصغر.

[المحميد يضحك].

أهو ما قال هالصغر لأ أشر بإيده، لأن آنا وايد [incomp] أول شي كنت بالمتوسطة تذكر وبعدين ييته قلت له وين أدش أهو اللي قال لي دشي نقد والحين ياية علي آنا؟ عرفت شلون؟ فزعل مني فعلا زعل مني فترة.

اا هذا النقد كان في التسعينات صح؟

إي.

إي أوكي.

بعدين، ف اا، ثلاثة وتسعين أثنينة وتسعين شي جذي إي، فكان اا بس قبلها يعني بال بالفنون وايد كنت أنحاش من ااا النظريات البليدة الحفظ اللي فيها ميشنو أروح تمثيل وأروح ال اا حصة تدريب الصوتي وحصة التدريب الحركي الباليه، ف اا في شي جميل يصير في وكنت ساعات ب- اا أبو الأولاد كان إييني الم- البيت ويايب اا جاسم من الروضة يحضر معاي سنة أولى، نقد، ولأن سنة أولى وثانية كلها نظريات أساطير عرفت شلون فوايد كان يستانس أهوا في ال في الدرس.

جم كان عمره؟

جاسم آنا دخلت ثلاثة وثمانين أهو مواليد واحد وثمانين، حروة يعني ثلث أربع سنين، إي، فكان يستانس بال، ويسأل، يسألني وبالليل كنت أقرا له قصص ألف ليلة وليلة إلى حد الآن عندي هذه القصة تصلح لجاسم، لأني مابي أعلمه عالخرافة أي شي فيها ينانوة ما أقول له من ألف ليلة وليلة، فهذي وايد فتحت ذهنه في إني أقرا، أمثل له ال ال اا اللي أقراهم وبعدين مشى الأمير على الخيل والخيل ويصهل وأسوي صوت صهيل خيل، وكان في يوم من الأيام الغابة وأشجارها تشش فيدخل بحضني صغير ق- هاي حتى قبل الروضة، كان قبل المدرسة، ف اا التعبيرات الحسية والصوتية عليه وايد أثرت فيه بأنه أهوا ي- يتخيل أولا وبعدين يعيشه يحسه، فكان أهوا وايد- بعدين نينار دقرتني ما قدرت أك- أسويلها نفس الشي، لأن كانت بسبب عنصرية مجتمعنا لأنها سمرا اااا اضطريت إني أدخلها بالإنجلش سكول بحيث إن هما يعتمدون على ااا كفاءة موهبة شطارة تجاوب الطالب التلميذ مو على لونه مثل ما يعني حتى حياة الفهد مرة قالت لي وي ليلى بنت السيلانية- مو آنا أوديهم معاي كل مكان، بنت السيلانية؟ مسكينة انخشت ورا فستاني، وانت ما تبي تحط فيهم عقد هذا المجتمع وتراكيبه، تبيهم أس- أس- أسو- أسوياء وبالمدرسة أيضا آل آنا يعني النجمة الصحفية ويستقبلوني جذي وهذي مم من هذي؟ بنت منو؟ ف فشنو هاي من منو؟ وكله تقول لي هي م- تقول لنا آنا وأبوها انتو آنا آنا صج بنتكم ولا لاقيني؟ وبعدين يوم كبرت تقول يمكن آنا بنت دينزل واشنتون [تضحك].

[المحميد يضحك].

الممثل الأمريكي، فدخلتها بالإنجلش سكول، فعشان تفتك من ااا- أيضا أمي كانت عنصرية تنظر لها إنها حبة الخايل- خالة، لحد الآن إهي ما تنسى تقول أو ي- يديدة بس تضحك الحين، تقول كانت تقول عني سياه لأن عيال العايلة كله ملونين بيض و شعر ناعم وأسود ولا ميشنو فهذي حبة خالة حرمت بنتي منها، ما عدت أوريها، أبي شي أسوي شي ثاني يعني، بلا عقد.

سياه يعني سودا صح-؟

مم-

إي، اا طيب اا بما أن كنا نتحدث عن دراستج في المعهد انتي جم سنة درستي في المعهد؟

أربع.

أربع يعني من-

بكالوريوس.

من ثلاثة وثمانين إلى سبعة وثمانين؟

إي اث- اا ثمانية وثمانين تقريبا.

إي، اا طيب ممكن تكلميني عن تجربتج الدراسية في المعهد اا-؟

مم، آنا طبعا متحسفة إني آنا ما درست تمثيل، لأن التمثيل انت تدرس أيضا فيها مدارس الفن والنظريات بس عملي يكون من خلال أداء التمثيلي، و وأهوا تمثيل وإخراج عرفت؟ إهني لأ بس حفظ عندنا في اال في ذ- في ال، في ت- اا في قسم النقد، نقد وأدب مسرحي فانت تدرس أدب إسباني أدب اا فرنسي مقارن أدرس أمريكي يعني تدرس الآداب اللي ااا العالمية يعني، تدرس موسيقى على فكرة، أوبرا تدرس اا أهو المسرح يسمونه أبو الفنون، ليش؟ فيه موسيقى فيه أزياء فيييه إذاعة صوت، طبعا أهما هاي معروفة عالميا إن المسرح أهوا أبو الفنون اللي منه تفرعت كل الفنون الأخرى، في ال عالم الرقص الأداء الحركي ال اا الديكور، ال اا الأزياء- هاي كلها مفاصل لحالها بعدين تصير، بس إن اهيا أساسا كانت إهي نابعة من المسرح عرفت؟ اا ف كان كل هذا الجامع الشامل وايد يفتّح اا اا تيي الحين تدرس في البداية أوروبي اا أول اا سنة- لي السنة الثالثة والله احنا ندرس أوروبي، السنة الرابعة تبدأ تدخل في العربي وبعدين المحلي، عرفت؟ ف اا اا الدروس فيها وايد اا جميلة حتى فيها كتابة، كتابة اا نصوص مسرحية كتابة اا نص تلفزيوني مثلا، ااال ف نتشارك إحنا ويا قسم التمثيل والديكور السنتين الأوليتين اللي هي كلها ن- اا نظريات أكثر شي- ثالثة ورابعة لما يبدأ ال العلوم التطبيقية اا إحنا نتجه للمسارح يعني انت الحين تبي تعرف انت شنو مكون المعمار المسرحي مثلا؟ وشنو وظيفة الستارة، وشنو أكو من هاي الستاير الداخلية تنزل يسمونها بنطلون، شنو وظيفتها هذي لخروج الكواليس والأشياء مثل هذي، هاي كلها تروح تشوفها بمسرح كيفان، عرفت؟ وو بيكون نفس الوقت في قسم التمثيل مثلا عندهم، مشهد مثلا يسوونه، الأزياء مشاركين أيضا فيصير في مجموعة رائعة من الطلبة اللي أهما يشاركون في في كل هالصناعة هذي، غير عاد طبعا الاحتفالات السنوية، وايد ثري المعهد، غير الإضافة للقراءات التحفيز الأساتذة على إنك انت تقرأ من الخارج، وايد كان ولا أستاذ الأدب الفرنسي هذا وايد كنت متأثرة فيه دكتور جلال، كان يعنيي، يعني كل أسئلة أسألها يقول ابحثي عن الجواب انتي، في مكتبة موجودة وتروحي تدورين ب بطريقتك وقبل لا غوغل ولا بوبل، فتأثرت وايد بال اا المسرح عدا عن السفرات اللي أسافرها، تروح الدول تشوف المعالم الحضارية حق الروايات مثلا أو حق اا المسرح، الكوميدي فرانسيه إلى مسرح شيكسبير ولا في شي عظيم- أمريكا، واو يعني حتى إنك انت تفرق أمريكا ال الأكثر عصرية من أوروبا العجوز مثلا إن عروض المسرحية أكثر ميلا للاستعراض والموسيقى، من الدراما اللي يقدمها مثلا العروض الأوروبية، لأن هني زاخر هني في تاريخ، فهناك خذت الشكل والمعنى والفن طبعا، وهو د- في دراما بس في إطار موسيقي تصير في بهجة أكثر هناك، [تسعل].

طيب شلون- تق- تحسين شلون اا اا يعني فترة دراستج في المعهد هيئتج حق اا عملج ودخولج إلى مجال النقد الفني.

مم.

بعد التخرج؟

مم.

شنو الأدوات اللي انتي اكتسبتيها من المعهد؟

أوكي، من اا ليلحين آنا محررة، من تخرجت آنا سبعة وثمانين ثمانية وثمانين كنت اا لحد الآن في اا في اكتشاف بلدي والخليج أيضا يعني أروح البحرين العروض المسرحية فرقة أوال شتقدم، تروح اللل إمارات ماكو نسبيا تقريبا دول الخليج كلها ما فيها البحرين نسبيا شوي شوية قطر، فإنت تكتشف بلدك اللي اهوا أعرق بلد خليجي في الفنون، فكنت أروح ال ااا ال الكل الف- عرفت تقسيمات الفرق الأهلية وصار في شد وجذب وتعالي أربع فرق أهلية في تدعمهم الدولة، بس هي حرة في اختياراتها وتختلف في فرقة المسرح الشعبي غير عن فرقة مسرح الخليج غير غير عن الخليج العربي غير عن اا ف- الخليج العربي واحد والعربي بروحه والشعبي غير ال ف ففي تكوينات مختلفة لها توجهاتها عرفت؟ ف مثلا فرقة مسرح الخليج العربي تشكل ال اا اليسار، فرقة العربي تم- تشكل القومية العربية، عرفت؟ فرقة الشعبي شعبية بال اا جذي والفرقة الرابعة الس، الل أيضا تشبه الشعبي نسبيا يعني أو تمز- تعمل مزج ف الحكومة تدعمهم بخمسطعشر ألف دينار سنويا لحد الآن من الستينات ليلحين ما تغيروا، فبالتالي الإنتاج قليل، فكان يصير في تجاذب آنا الحين أشتغل بالصحافة إن تعالي صيري عضوة، فكان دكتور جلال هذا أستاذ الأدب المقارن عمرج لا تنتمين لجمعية أو لشيء حتى أن تكوني حرة، عمرج لا تسوين صداقة مع فنان أو فنان في حياتج الخاصة، جاملي لطاف نشوف بعض في مناسبات آه بجذي بس عمر- حتى ما تضعفين في يوم وتجاملين، على شان هذيل- هذي أشياء عالقة في ذهني ظلت معاي أربعين سنة في عملي الصحفي فما عندي علاقات خاصة، فبالتالي ما عندي واسطة فآنا أكتب رأيي بحيادي وما آنا مقتنعة فيه، فقعدت في هالثلث سنوات

05:40:49 - الغزو العراقي

Play segment

Partial Transcript: حتى صارت سنة الغزو، الله لا يعيده، في الغزو كنا قبل الغزو رايحين آنا ماخذة نينار و وجاسم رايحين لأبوهم بأمريكا، فتدري انت على ما تطلع من هني لنيو يورك لي بعدين كنا بنروح لواشنتن اا ف، واشنتن دي سي وبعدين نروح على مدينة أبعد يعني وايد و [inaud] صار jetlag على يعني ضيعت لك يوم وشي جذي، فاستقبلنا أبو العيال ليلحين ماكو أخبار، فرحت البيت أو ما رحنا البيت احنا في كوخ في غابة في مادري وين ماخذه وايد مكان جميل، ما فيه جرس، ف اا في بحيرة يمنا في ضفادع ال نينار تسألني شالصوت؟ بالليل، ف صوت نقنقة الضفادع وهذيل، ف بس أول ما ييت آنا حممت الأولاد وو كان مغرب أو شي جذي أظن الطيارة وقفت ترانزيت في لندن بعد، ف حممت الأولاد وهذيل وبعدين نبي تعشينا، فرشنا سنونا بننام الحين بعد، أوكي؟ يمكن بعد ساعتين ثلاث جذي أحد خبط الباب، فقعد أبو جاسم راح ولا واحد كويتي يقول صار غزو، يعني، يعني شنو يعني؟ شنو ي يعني انت من صجك؟ جان يقول فتحوا التلفزيون بأمريكا تنقل، كان في واحد اسمه حامد الملا، واحد من أكثر النشطاء في السفارة العراقية، هذا مزروع مع الأسف احنا ما نتعلم من دروسنا، ما نتعلم أبدا، بالصحافة في كل شي- في الحياة كلها، هذا مزروع بالجرايد، إيي... هذا يسوي حفلات وسمرات وإييب خمور من العراق، والناس من العطش تروح، شباب و عرب ما ب- أشكال يعني، هاي سمعت عنه فيما بعد عن الحفلات، بس أعرف إن اهوا انت تلتفت جذي حامد الملا موجود عندك، ف ت انت تشوفه هناك ولا هو قاعد بالمحليات اتشوفه ولا اهوا عند رئيس التحرير تشوفه- هاي جريدة وحدة أحاجيك، ما ما يقعد بالسفارة، انزين؟ غير اللي يطلع لك اللي يغسل سيارات هذا جاسوس يطلع لك بعدين [صوت قداحة]، شعب ساذج، إدارة طيبة يعني ما تشك ب بال بالآخر، بس هذا واحد ماكو أحد من السفارات أكو معروفة يعني في شي رسمي يسوونه إن أهما سكرتاريتهم يتصلون السفير قنصل ث- اا أو الملحق الثقافي يتصلون ياخذون موعد مع رئيس التحرير يقابلونه صوروه مشى، أكثر من جذي ما شفنا بحياتنا مثل حامد الملا، ففي يوم بال ااا قبل لا أسافر ب بيومين، جان يقول ليلى انتيي مم شكو قاعدة بالكويت؟ قلت له شكو قاعدة بالكويت صيف وعيالي وخلصوا وهذي بس إنشالله قريب جان يقول سافري بأسرع وقت، الحين أحنا آخر يوليه، يعني خمسة وعشرين قبل لا يجي August انزين؟ قلت له والله الود ودي أقعد آنا أصلا، ط- طريج آنا أ- كارهة الطريج الطويل، ومعاي طفلين ومعاي مادري شنو ما لي خلق، جان يقول يابا روحي تروحي تونسي، رايحة لأم الدنيا رايحة لأميركا روحة مايشنو، روحي روحي، قلت له آنا قلبي يوغوشني والله أتغشمر معاه يعني من ال جذي بس ساعات اتيي لك ساعات تحس بالخنقة بس ما تعرف انت شنو سببها، وليلحين تحصل لك يعني بعدين إيي لك الحدث، بس مو واضح عندي، جان يقول يابا كل شي ماكو، كل شي ماكو كل شي بخير وكل شي تمام، بس آنا أقول شكو انتي قاعدة هسه الحين موسم رطوبة وحر وغبار ومادري شنو، خذي الجهال وروحي، هذا لا آنا أروح له سفارة ولا اهوا إييب لي- يجيب لي منشورات أو أي شي من ال اا الهذي، ساعات قليلة ياكل حب عندي بال هذي ويتكلم عن بابل مايشنو على قد مخي يعني، مم، يعني انعزمت آنا بعد جم مرة على مهرجان بابل مهرجان بغداد المسرحي ف تروح بحكم شغلك بعد، مهرجان بابل فني هذا، أوكي؟ فسافرنا فأثاري هذا حامد الملا مو م- مو عبط يقول لك سافر، يعني بال الله، فصار الغزو، واحنا طول الليل بس نطالع السقف، يعني يعني وايد قوية ها؟ وايد، انت انت بع- لا الحين انت بس بالصدمة يعني ليلحين انت ما تعرف هذا جارح ولا مو جارح ولا مؤذي ولا مؤلم ولا شنو مصير الأهل شنو مصير البلد شنو، وفجأة انت تصير بلا هوية بلا بلد؟ تلغيني؟ منو آنا اليوم؟ شبح؟

اا يما ميخالف أستوقف السرد مالج؟ آنا حاب أرجع قبل الغزو بشوية اا كان في ظروف معينة اا موجودة قبل الغزو لما حُل مجلس الأمة سنة ستة وثمانين وصار اا خصوصا إن انتي تشتغلين بالصحافة اا صار في رقابة على الصحافة و يُقال بعض المصادر تقول إن خصوصا إن انتي ذكرتي حامد الملا يُقال إن يعني كان في اا عراقيين مزروعين اا في الصحف-

مم.

و كان يمارسون نوع من التوجيه للصحافة.

مم.

هل انتي يعني ش شهدتي هذا الشي يعني هل هذا جزء من تجربتج-؟

آنا آخر اهتماماتهم.

إي.

لأني آنا كنت يعني في التحقيقات وبعدين صرت بالفن، فماكو يعني-

بس أق-

بس أكو الرقابة أذتنا.

إي.

يعني الرقابة ر- مكتب الرقيب موجود عندك هني وتع- ي- تم- يتم التعطيل طبعا على ما هذا يقرا المقالة ويوافق ويشطب ويشيل وين- بس كانت أيام حزينة حقيقة يعني جنه واحد عطاك كف من بلدك يعني عرفت؟ و إن انت اا انت اللي انت اللي تربيت على إنك تكون حر على انت اللي تربيت على إنك انت تناطح انت أخطاء سلبيات وأشياء وت- ويتم تقبلها انت الرجال الكبار اللي بنوا يعني التعليم وبنوا ال مؤسسات دولة مؤسسات فعلا حقيقية ها؟ مو جذب ترا كان، ب- ك- كل هذي ت- تلغيه وتقول إن اا د اا هذا كله يكون عند اا الرقيب؟ يوافق علي؟ آنا طفل حتى تحصل لي وصاية؟ لا حصلت لنا وصاية من أبو ولا من أم ولا الأحرار ولا من مجتمع ولا منن زوج ولا من هذيل تيي انت ت- توصيني شنو أفكر وكيف أقول وشنو أقول؟ ويتم رفض المقالات لي طبعا، في في- آنا وغيري يعني وجو كئيب رمادي ما تعرف ما تعرف له طعم.

يعني مثلا شنو كانت مواضيع المقالات اللي كانت تُرفض؟ اا وشنو كانت أسباب الرفض؟

آنا كنت أكتب بسقف اجتماعي عالي عرفت؟ فهني صار في عيب لا في صار لا ما يصير، الحين آنا ما أتذكرها بالضبط إهي موجودة عندي إذا برجع للتواريخ بس إن م اا إن ما يصير إن هالأشياء هذي- ما يصير تتكلم عن وزارة الإعلام على الإطلاق هاي بالفن مثلا بس آنا معاها كنت أكتب مقالة صفحة كاملة- مو التحقيقات الحين خلصنا من التحقيقات، اا حطوا لي صفحة كاملة أكتب فيها مقالة، عرفت؟ فت- ت- تتناول قضايا اجتماعية فيها بالموضوع عاد كنت آنا من بعد التحقيقات طالعة بزخم وايد تحقيقات سويت، بزخم عالي في معرفة مجتمعي وهذا يعني شي وايد اا زين حقي إني في تطور وعيي الاجتماعي، والنقدي، ف اا فكنت اا فتيي انت إلى أن تصير انت مشلول ها؟ انت ولا شي انت ر- انت ر- [تضحك] انت رقم من عدد السكان، انت اللي كنت حر وجميل وو حاط لي صورة غيفارا وحاط لي صورة مادري منو العوالم هذيل، شنو قيمتك؟ كعقل يعني وإدراك وفهم، وقع نساهم بشي زين، مو سلبيين يعني مو احنا قاعدين نخوّن ولا احنا عندنا موالاة لأي أحد خارج هذه البلد، موالاتنا لترابنا لأرضنا لعلمنا، لبرلماننا لصحافتنا، فشلون هالحريات هذي كلها تروح فجأة تقول لي تحط لي مسطرة تكتب فيها- كانت أيام حزينة وايد.

وو تذكرين شنو كان شعور زملائج من الصحفيين-؟

وايد يوم رمادي حزين، اتعرفه انت حتى إذا بكلمك الحين بلغة الجسد كيف مطاطين كيف إن الأكتاف نازلة كيف إن اان بشنو بتشتغل انت؟ شنو تبي ت ت اا يعني [تضحك]، يشتغلون مندوبين للوزارات؟ إييب خبر من وزير ولا من وكيل؟ بس؟ وكلن الصحف تشب- تتشابه؟ وها وكتابك، محمد مساعد الصالح يُرفض له مقال؟ شيضربن إذا هذا معلمنا الكبير؟ وتتصكر الطليعة وتيي شي مم قهر، والندوات ب- مراقبة والمايشنو هالدنيا هذي اللي صارت؟ فعلا كانت نكبة، نكبة حيل قوية، مؤثرة.

ت- تذكرين شنو كانت طبيعة العلاقة بين الصحفيين والرقيب؟ كمعاملات يومية يعني-

لا انت لا تعطينهم حق مدير التحرير فمدير التحرير أهوا اللي جذي بس آنا كنت أناجر منو كان الله يمسيه بالخير يوسف الجلاهمة اللي اهوا صار في فترة رئيس تحرير جريدة الراي، مع بودي، أناجره في اللي انت قع تشيله، لاا بالحنون وطيب أب فعلا اهوا، بس آنا عندي بعد ضوابط ما أقدر يعني أمشي عليها، إي طبعا شي مجتمعي هاي شنو بيأثر عليكم شنو اللي بيسوي شنو اللي بيخرب الدنيا شنو اللي ب، أحيانا يتساهل يمشّي، أحيانا إذا تساهل يمشّي وزارة الإعلام ترفع عليه قضية، يعني فتصير إهي اا الخصم، واهي الحكم وزارة الإعلام في إن اهيا تغرمك تغرم جريدتك، ففي وايد في قسوة- طبعا، يعني مابي أقول آنا ماحب أدور أقول عن مرحلة كانت أفضل من الحين، لأن الحين انت أمام ست أو سبع قوانين لقمع حريات التعبير من الجرائم الإلكترونية إلى المرئي والمسموع إلى على الدراما إلى على الصحافة إلى على كل هذيل أوكي؟ إلى مال أمن الدولة، بس انت كل هذيل مجتمعين كنت كان كانت تصير لك ما تقدر ت- تغرد [تضحك] بجريدتك مثل ما انت تبي، عرفت؟ يمكن سقف الفن شوية أعلى لأن ما يهمهم، الرياضة ليلحين مو داخلة في تحزبات وما تحزبات هذي اشوية، يعني مو رونقها اللي كان بس يعني إن اهيا أيضا بس بالسياسة بالمحليات بكتاب الراي كل جريدة كانت قوية بكتاب رأيها، ويشكلون الرأي العام، وتحس إن أهما يشكلون وجدانك يشكلون وعيك وفي معلومة وبموضوعية يكتبون، ماكو شخصانية قبل في الكتابة أبدا، ما كان في التناحر اللي تشوفه ما كان في شي اسمه لا قبلية ولا طائفية موجودة في هالأمور، بس انت لما تيي تخنق المجتمع تطلع الأمراض مالته، انت عبالك إنك انت تفتيت المجتمع بيقويك، كسلطة ك اا سيادة كأيا كان، أهو ما يقويك أهوا انت قاعد تحوط، سوس ياكل عظم البنى المدنية اللي إهيا سند لك مثل ما كان في فترة ال تحرير بالغزو الغزو، كويت كل من يقول الشاب الكويتي الدلوع ولا الشابة الكويتية الدلوعة المترفة، إن اهما يشتغلون بالخبابيز ويشيلون الزبالة ويشتغلون ويتعاضدون هالكثر، كان في شيعي وسني قبلي ما قبلي؟ كلنا كنا روح وحدة، وبدون قيادة الشوارع ماشية، بدون إدارة العامة للمرور، بدون ما يكون كل هال- ال الترتيب الهرمي الوظيفي، وكانت الد- ماشية في منتهى الجمال، ما كان في حكم، عرفت؟ مو معنى إن الواحد يدعو أن يكون جذي بس هذي مثل يُقتدى به إن الشعب والشعوب قادرة وإن الشعب هذي تحب هالبلد وعندها موالاة لها، ومنتمية لها بجد ولا ما كنت شفت كل هذيل، مو بعد التحرير تيي تنكس فينا من التسعين ليلحين وانت مو قاعد ترقع.

اا طيب بخصوص إن السفارة العراقية كانت تزرع جواسيس في الصحافة هل هذا شي انتي استشعرتيه أو عالأقل سمعتي عنه؟ يعني كنتي حاسة إن فعلا في هذا التوجيه للصحافة الكويتية بما يخدم مصالح اا نظام صدام حسين يعني-؟

اات- اتشوفها في الصحف في كتاب المقالات إيه، كان يعني الدكتور رشيد مثلا كانت جريدة الأنباء كانت السياسة- كان في إي طبعا، بس آنا أقول لك شي آنا كان عندي ظرف خاص أولا قلت لك أبو الأولاد غالبا مسافر، أدرس وعندي أطفال، ف أبي أروح أشتغل أسوي شغلي وأرجع البيت فآنا ما عندي احتكاك وايد بالصحف- أقرأ طبعا الصحف الأخرى والن- والدعم اللي انت كنت تشوفه ح- في الحرب العراقية الإيرانية في الموضوع وأيضا أيضا اللي صار إهني يعني أقول لك مثل، عندي أخو توه متخرج من الثنوية اسمه يابر، أيام الحرب العراقية الإيرانية، انت تعرف العيال ب اا صبيان تحديدا يهتمون ب أشياء العلمية نقول، هو شغله كله سيارات مكاين يفجج ويربّط ويعدل ويسوي، فكانوا محطات البانزين توهم حاطين الغرف الزجاجية هذي اللي تحاسب عنده، بال، فالولد يى عند الكاشير سأله قال له بعفوية إن هذي ضد الرصاص؟ الزجاج مالك ضد الرصاص؟ خذى رقمه عطاه حق أمن الدولة، ولد ثنوية عامة شعنده هذا من، من عمر من خبرة من فكر من فهم من شي جذي؟ وخذوه أمن الدولة يوا عفسوا البيت ولا يلقون كل مطربين وقته كله posters حاط جذي، كان يحب الأغاني ال أجنبية، وحاط لج هني- حاط لك هني مايكل جاكسون وهني مادري فرقة آبا ون- يعني الفرق اللي يحبونها الشباب بهالعمر، وكل التسجيلات اللي موجودة كاسيتات كلها أغاني أجنبية، ماكو لا منشور ولا أكو أي شي ثاني، خذوه أمن الدولة، ثلاث تيام يمكن آخر ثلاث تيام آنا مادري عن الموضوع، اتصلت فيني اختي قالت لي تعالي البيت ولا أمي مننهارة والدنيا منهارة ومادري شنو، يوا أخذوا- واحنا ليلحين نقول له جبّور، خذوا جبور، وما ندري وينه وما ندري شنو، فصدمة يعني، شوف الكارثة الأكبر اللي تصير، طبعا انت لا تنسى إن بعد الحين اا الخميني قائم وفي أثره عالمجتمع انزين؟ فقد يكونون هذيل خلايا، مثلا، كل شي مو بعيد.

بس عفوا أهما لما أخذوا أخوج اام كان جهاز أمن الدولة اللي خذاه-؟

إي.

أوكي.

مم، فرحت ل أحمد الفهد أعتقد كان موجود فهد الفهد أحمد الفهد أحد جذي، وانا صحفية مشهورة ليلحين بالبلد ماخذة وضعي، واللهِ استقبلني شكرا إن اهوا استقبلني، و وحتى كان على الدائري السادس كانوا منتقلين من اللي يم دسمان راي- كان مكانهم هناك بدسمان، فرايحين على المبنى اليديد مالهم وأعتقد ليلحين أهوا هناك، [incomp] شنو الذنب اللي اقترفه ولد ستعش خمستعش سنة عمره؟ جان يقول يستعرض لي أول شي تاريخ العائلة، عندكم حسينية قلت له هاي متى من سنة ستة وثلاثين، حسينية حريم [inaud]، مؤثرة؟ جان يقول لأ، أمج تشت- أبوج يشتغل جذي اختج تشتغل جذي بنت عمتج تشتغل [incomp] عيال صبي- العايلة كلها وظائفنا شنو يشتغلون، جان أقول يعني انت ملاحظ في شي غريب على ال ال [تضحك] على الهذي؟ جان يقول لا لا يعني، والولد ما عليه شي، طبعا أهو مأكول مأكول تبن طراقات ورابطين عينه وماي مسوين فيه، ت- مو ما عليه شي، بس أهوا سائل واحد مخبر عندنا هذا ضد الزجاج ولا ما ضد وهذا المكان ياي له تهديد بالتفجير، طبعا حتى تنفكر إذا واحد يايك تهديد بتفجير مثلا حسب ها أكو واحد ساذج إيي يسأل هذا ضد الرصاص ما رصاص؟ إيي يفجر ويخلص مو؟ ما حاجة يعني، جان يقول لا اكتشفنا إن اهوا ما عنده شي، بس فتن على ناس ثانيين، ماخذين دروس في قُم ماخذين دروس في ماي وين، ناس ثانيين يعني من العايلة بعدهم بعاد في الم، ما عليه شي واليوم بيطلع وكلم مادري منو و فعلا يى بال... مواليد سبعة وستين اهوا حتى حزيران سبعة وستين يعني مع حرب الأيام السبعة، تصور اليوم جم سبعة وستين يصير عمره؟ Around... يعني فوق الخمسين الحين، انزين؟ ف كل مكافآت الدنيا، ما ما تغريك أو تغنيك عن ولائك لوطنك لكنها تسوي شرخ، فهذا الولد بعدين لما طلع قال عصبوا عينه قالوا يابوا يمه جلاب يابوا ين تحقيقات طول الوقت، وساذج أهوا بريء دلوع أقول لك احنا ما عندنا صبيان ل- عندنا عبود قلت لك هذا اللي هادئ وناعم ومايشنو وهذا الثاني واللي يى بعد عشر سنين من عبدالله، فوايد شايلينه على كبر راح- ما ماكو يعني ولا عندنا في البيت أصلا لا توجه سياسي ولا أي، أي شي من هذا ماكو، لكن إن يقولون له انت إيراني؟ ما يعرف إيراني آنا أعرف إيراني، آنا وإختي العودة وإختي الثالثة هذي نعرف إيراني بس الصبيان هذيل ما يعرفون إيراني، انت إيراني؟ تيي تقول له؟ يعني انت قعد تشرخ وطنيتي آنا فتحت عيني على صباح الأحم- اا صباح السالم، وفتحت عيني على جابر الأحمد، و منين يعني منين إيراني؟ خ- لغة ماعرف أتكلم، سي دياته أقول اا مو سي دياته إسطواناته مال ال كاسيتات اللي فيه ولا أغنية إيرانية، فيما آنا عندي مثلا، ولا شي، إي مو انتو ولاءكم لإيران ولاءكم مايشنو- وهاي الغلطة اللي سوتها الكويت كلها في دعمها للعراق، ف انت بالتالي عندك انت مكون اجتماعي كبير موجود وصار له تقريبا فوق ميتين سنة مية ميت سنة، ميتين سنة، ما تشرخ وطنيته في إنك تقول له جذي، يابر اليوم لا يستقر في هذه البلد، مجروح راح أسبانيا قعد، بعدين راح ألمانيا، بعدين راح- وكله يني يعني يشتري بيت ويقعد، طلق زوجته الأولى تحرر طلع تقاعد وبعدين راح على بيشوف حياته، بيشوف بلد ينتمي له، لأن انت صغير يقولون لك انت م- انت مو كويتي انت عيمي انت إيراني، انت ولائك للخميني، منو الخميني ما يعرفه اهوا، لم يتأثر به ولا له علاقة لا بالحسينية ولا بأي شي، بالعكس بعد طلعته هذي دخلوه على د اا لقى في الدين هذي فدش على ها فتزوج مبجر وايد وخلف وايد مبجر فنكد فوق نكد كآبة فوق كآبة، اشتغل السنوات هاي اللي عنده طلق المرا ياب العيال تزوج أجنبية و أسبانيا والحين بأمريكا، اشترى بيت وقعد هناك [صوت قداحة] ليش أشرخ؟ هاي من الأشياء المؤثرة وايد يعني.

يعني خلال الحرب العراقية الإيرانية اا ب هل كنتي تشوفين إن كان في استقصاد واضح للشيعة خصوصا الشيعة الكويتيين من أصول إيرانية؟

إي هاي هاي هاي الأمثلة اللي عندي، هاي اللي آنا أيي أقول لك إياها بس يعني هذا تدري انت شوية آنا عشان حياتي وايد اا فآنا ما لي مع العائلة الكبيرة وايد، بس أكو امبلا أكو ت- خذوهم كلهم تلوا كل الناس اللي فتن عليهم جبور، أوكي؟ وطلعوهم بعدين، ويعني اهوا راح دراسة دينية فقهية ف- خالصة، ما له علاقة لا ولاء لا خ- لا خميني ولا لأي أحد، ما فيها يعني اللي يروح الأزهر اليوم أيي أحاكمه؟ انت موالي لمين ل اا لمصر ولا للدولة [تضحك] العثمانية؟ يعني أيا من هالأفكار هذه الضيقة أو اا القليلة ما يصير، بعدين طرشوه اهوا على فكرة أول ما طلع من الثنوية العامة ااان اا طلعت له بعثة لأمريكا وو طرشوه ف اا س اا سفرة سياحية مع مجموعة من الطلاب هيه وكروتوا جذي ودوهم أسبانيا.

إن-

عشان ينسونهم يعني.

إي، وكانت ه- هالسفرة هذي يعني فيها ناس كانوا مستدعينهم من قبل؟

لا لا مخطول- مخلوطين، بس أهو كان في صدمة صارت له صمت فترة طويلة ها، ما يتكلم، معزول، قلق متوتر وسواس-

من بعد هالحادثة هذي-؟

خوف، لي اليوم، لي اليوم مو أقول لك فوق الخمسينات ستة وخمسين ولا جم عمره؟ يي يخاف، وسواس، ازدواجية اا ال يعني ما ينسى مثلا لما أذكره في بي- بيته ب بيت العائلة مثلا ب أمي، خلاص بالنسباله هذيله ماتوا، شنو اللي بقى لي آنا؟ دولتي تفزعني وانا طفل تيي تقول لي انت مو كويتي؟ وانا ماعرف شي أصلا؟ فيعني كانت اا شرخ كبير لحد الآن مستمر، فيه، شي حزين.

طبعا، اا يما شرايج نوقف تسجيل اليوم ونكمل في جلسة-

أوكي.

أخرى إن شاء الله.

أوكي عشان بعدين عندنا التحرير الغزو وت-

إي إي إي إي-

والتطورات هذي إي-

هم بعد إن شاء الله.

أوكي.

فخلاص أوقف تسجيل.

ماشي حبيبي.

أوكي بدا يسجل آنا عبدالعزيز المحميد واليوم نسجل الجلسة الثالثة من مقابلتنا مع الأستاذة ليلى أحمد، اليوم الث- الأربعاء التاريخ خمسة أكتوبر ألفين وأثنينة وعشرين، والساعة حاليا عشر وأربع وثلاثين دقيقة صباحا أحنا في منزل الأستاذة ليلى الكائن في منطقة الشعب البحري بالكويت، أستاذة تعطينا إذن شفهي بتسجيل المقابلة؟

طبعا، طبعا.

يعطيج العافية-

طبعا.

اا-

آنا سعيدة حقيقة بك اا بكل الأسئلة أو المحاور اللي تطرحها، تساعدني أيضا في إني أتذكر أشياء يعني ساعات تكون منخشة ب بال في تجاويف العقل فب السرد وأسئلتك وو والطريقة هذي ات- اا تطلع من التجاويف في شي وايد مهم ورائع وملاحظته عليك من متابعتي لكل التسجيلات اللي سويتها انت وريم زميلتك أمانة في إن انتو وايد تعطون فرصة حق اا الضيف إن هو يتكلم العكس انت تساعده في سؤال صغيير، وهذا ي- الت- اا التقنيات في الأداء والاستماع والإنصات وإنك انت تستمع ال ال الجواب وتطلع منه سؤال هذي غالبا نادر ما تلاقيها بالصحافة لأن فيها استعراض عضلات هناك أكثر معد ال الأسئلة ويبي ياخذ الأجوبة ويبي يقب بينما ممكن يكون هذا صاحب الجواب ضيفه اللي بالصحافة قال ألغام أهوا يطوفه وتصير مع حتى اا مذيعين التلفزيون، لأن يقرا الإعداد بدون ما يبذل أي جهد في إن اهوا جهد مخلص في إن اهوا يشوف على الشخصية- السي في مثلا أوكي الشخصية تتكلم بثراء وخصوصا اللي يكونون القدام والكبار واللي قعد تشيل انت اا مربوط بتاريخ بلدك في فترات معينة ف مهم جدا إنك انت تسمع عشان تطلع فما ي- فمن جذي تشوف الهيافة والتفاهة في ال- في الإعلام، كان رسمي أو خاص، فماا ماكو إذن تسمع إذن ذكية تسمع ولا في سؤال ذكي ياخذ من الأجوبة أو أسئلة يديدة تشكل مفاصل في حياة اللي جدامك.

يما والله تخجلينا يعني هذا وسام شرف-

لا بجد وين-

و مشكورة وايد وهذا طيب منج ويعني م ما نقدر نشكرج-

الطيب لأني أسمعكم-

بما فيه الكفاية على هالكلمات الطيبة والكريمة.

هذا نت- هذا الرأي ناتج عن إني آنا سمعت وايد ل اا تسجيلات والجهد الرائع المبذول منكم الجامعة الأمريكية في حفظ تاريخ الكويت الشفاهي.

شكرا يعطيج العافية-

شكرا لكم، يسلمك-

اا يما ب- من باب التلخيص اللي أحنا سجلناه في الجلسة اللي فاتت-

مم-

اا تكلمنا ب يعني ب ب بالمجمل أو يعني بشكل عام في عن مرحلة الثمانينات.

مم [صوت قداحة].

واهيا مرحلة كانت يعني متشعبة في حياتج وغنية اا دخلتي فيها النقابة كنتي رئيسة لجنة المرأة واشتغلتي بالصحافة، ودخلتي اا-

معهد الفنون.

معهد الفنون-

ويبت عيال.

ويبتي عيال صحيح إي-

مم.

ف هل حابة تكلمينا انتي يمكن ذكرتي لي من قبل إن انتي تزوجتي سنة تسعة وسبعين أو ثمانين كأن.

ثمانين.

ثمانين، اا مكن تكلمينا عن زواجج؟ شلون التقيتي ببو جاسم-؟

إي إي كل اللي قلته لحد الآن مرتبط بتاريخ بلدي، والتحولات السياسية والمفاصل ال الكبيرة والهزات اللي صارت في، أبي أقول شي وايد مهم إن أنا دايما عندي أمل بالمستقبل بلدي وبال بالناس بال الأجيال لأن كل اللي سوى اا من مجلس الشورى إلى برلمان إلى دستور إلى تنظيم الحياة كلها والقوانين إلى الفنون إلى المسرح إلى ال صحافة إلى هذيل ف كل اللي اا أقوله آنا ويقولونه غيرني من اا الضيوفكم أهوا نتاج المجتمع المدني الذي كان، الذي كان دولة دستور ودولة قانون ف اا عنده أحد مشكلة في قضاء مستقل ممكن إنك انت تاخذ اا حقك بس سقف الحريات عالي، ف المرحلة الذهبية اللي نقول عنها يعني أحنا الحين عندنا جيل الطيبين منو الطيبين ليش طيبين مثلا؟ اللي اهوا على نياتهم وايد أو البراءة وايد أو؟ طب شنو على صعيد الإنتاج ال إنساني شنو كان؟ ف اا ب ت إحنا بالثمانينات يقولون عنا الجيل الذهبي مثلا أو من منتصف السبعينيات مع الكرة وهذيل إلى الثمانينات أوكي؟ هاي الجيل الذهبي، فهذا الجيل الذهبي أيضا له سمات اا محددة وواضحة م- ومؤثرة في الحياة في كل مناحي حياتنا، هذا ناتج عن تأسيس الدولة المدنية من بداياتها والحريات والدستور الت- اللي كفل حقوق الناس و حريات التعبير اللي موجودة والعدالة الاجتماعية اللي كانت موجودة الدراسة اللي كانت اا مم يعني اا ب بذيك الفترات بجودة عالية الموسيقى الفنون المسرح المناهج الغير اا متطرفة باتجاه فكر واحد اا بعدها ما كانت داخلة الن ن- اا النوازع الدينية- فيما بعد بعد التسعينات تطلع وشي محير أن يكون بلد يعني من الدستور سنة ستين إلى الثمانين وايد حلو بعدين تأتي قبضات أخرى لها مؤثرات إقليمية أكيد يعني وخارجية، و تشتد و تحتل كل مفاصل الدولة.

إي آنا حاب أسئلج انتي لأن المرة اللي فاتت يبتي طاري إن بعد التسعينات بعد التحرير صار في انتكاسة انتي عالأقل تستقرئينها يعني في الواقع المعاش في الكويت، بس قبل لا ندخل في هذي المرحلة آنا حاب إن اا أغطي مثلا عالأقل موضوعين في الثمانينات يمكن انتي يبتي طاريهم، فالأول اللي أهوا موضوع زواجج-

مم-

تقدرين تقولين لنا شلون التقيتي بزوجج؟

06:11:35 - الحياة الزوجية في الثمانينات

Play segment

Partial Transcript: مم، اا التقيت في زوجي في أحد ال أعراس من القرايب واهما يزفون المعرس فصار أهو المعرس الثاني، ف اا التقينا وانا توني بادية ب اا الصحافة بعد أوكي؟ ووو و وبعدني بالنقابة النقابة لأن بدت ب اا أثنينة وثمانين جذي، واحد وثمانين أثنينة وثمانين، ف اا أهوا شافني فقرر إن اهوااا نلتقي وايد عجبتني هذي إن مو قرر يخطبني قرر إن اهوا نلتقي- أهوا طبعا أيضا شايف صورتي بال مقالة مع المجلة ومع هذيل، المقالات العظيمة المسروقة اللي كنت أكتبها، فعجبني إن اهوا قال نلتقي نتكلم بالتلفون يعني بال بالأحرى كان تلفون يعني نتكلم، حتى نعرف بعض يعني في ال اا الموضوع الحين آنا شكلا عجبتني هذي هو شكله بعد اا لطيف، بس شلون على صعيد اللل الفكر، أهو كان بعد اا الثنوية راح درس في سكوتلاندا في كلية الطيران كان يتمنى يكون طيار بس اا عشان يلبس نظارة ما خذوه خلوه ف- مهندس طيران فأربع سنين قعد فهذي مؤثرة إنك انت تكون ولد صغير وتكون في سكوتلاندا، وحتى بعدين لما يى اشتغل أخذ ال اا باكالوريوس لما راح شوية قعد وبعدين راح أمريكا فالريال أوبن مايند يناسبني، وهذا بالحديث معاه اا أيضا وايد كان إنه متطور في إن إن راح تكونين انتي ب ااا آنا من اا شغلي إن آنا أكون بالصحافة الأمر إني آنا أترك أو أبقى في الصحافة راجع لي آنا لقراري آنا وينماا يعني أتمنى إن ما يكون هناك في ضغوطات عشان أطلع في هذا المكان من الهذا المكان اللي أشتغل فيه، و ااا أيضا آنا لم أت-طلب منه على فكرة بعدني مو واعية يعني إنك انت ما تتدخل فيما أكتب لأني أكتب مقالة أيضا، بس أكثر نضجا لأني كنت أشتغل في التحقيقات فشوية اا سوت سوت دماغ يعني، ف كان يقول لي اا واهو ما له شغل أبدا في الل جذي plus في مجال الترفيه اا يحق لك إنك انتي وأهوا أيضا حقوق متساوية في إن أهوا يسافر مرة بالسنة أو مرتين مع أصدقاءه وانا أقدر أسافر مع أصدقائي أو مع أهلي كيفي عاد بال اا بهالموضوع- ولم يشترط إن تاخذين العيال إذا كان في عيال مستقبلا فهاي الترفيه بالنسبالنا بال جذي وايد كان عالي اا تفكيره، آنا هالأشياء هذي في هذا العمر بعد أيضا يعني ثلاثة وعشرين أربعة وعشرين سنة انت اا سن جموح وسن انت بديت عقلك قع يتحرر ويقط كل ما يثقله من إرث مجتمعي فكان أهوا أيضا هذا النموذج يبيه عرفت شلون؟ قد يكون مقارب ل girlfriend أوروبية مثلا كانت أو في الحياة اللي عاشها أهوا، عرفت شلون؟ على علىى سوية قريبة منها، بس إن اهيا كويتية بال اا في الهذي، فواللهِ قعدنا فترة تقريبا ااا يمكن فترة م- يعني من تسعة وثمانين ل أوائل الثمانين احنا نتكلم بالتيلفون، أو حتى نلتقي كان زمان نلتقي أهوا إيي معاه أخوه التوأم وو ولد خالته وآنا مع خواتي وبنات خالتي انروح الشيراتون، فكان في band في مطرب فيي اا جو انفتاحي وايد جميل، ف اا وفي اللي يبي يرقص على الباند وعلى هذيل و، وو وكويتيين طبعا ومنو الكويتيين النماذج اللي موجودة لأن تشوف والله طول الوقت الله بالخير الله بالخير، في ناس ياية من أوروبا مثلا أو من أمريكا عرفت؟ اا أو عرب يعني أو كويتييننن أوبن مايند موجودين مع كله غالبا مع زوجاتهم، أو خطيباتهم أو هذيل، ف اا كنا نقضي هاللل ويكند مثلا في هالأماكن هذي اللي الصاخبة اللي نتكلم نتعشى وهذيل وبعدين نرجع بيوتنا، فكان اا وايد اا يناسب مستقبلي أكثر مما يناسب طموحاتي ينا- الحين ماكو حب ها؟ بس تدري في البداية يبدأ اا ود اللي اهوا على وايد أحبه أن نكون ربع نكون أصدقاء إن اا ما في اا م اا اا مسطرة محاذير أعطيك إياها عشان لا تسوي هالشي من وراي أو لا أسوي شي من وراك نكون أوبن مايند مع بعض وموجودين، وحطني بالصورة إن اهوا ما راح يكون كثير موجود في الكويت، فبالتالي راح يكون العبء عليج كبير مستقبلا يوا الأولاد ويوا مادري شنو بيكون إدارة البيت والحياة وهذي اا plus إذا بتكملين دراستج plus إذا بتكم- معاج، بعدني آنا ما كنت اا يعني ما ماخذة الثنوية ها؟ Plus إن انتي تبين تشتغلين ما هذي ف راح تعرفين شنو اللي عليج انتي كمسؤوليات وهذيلا، تطالبين دعم أهلج كيفج تطالبين دعم أصدقاء كيفج تشوفين جذي بس هاي بكل وضوح إن آنا مو موجود، عرفت؟ هذي الأشياء السمات الأساسية للشخصية مالت اا أبو الأولاد و كانت ااا مريحة وايد يعني إن انت اا ما مضطر إن يكون عندك ويهين، ويه تقدمه ل اا لل أسرة أو للزوج وويه آخر انت تمارس فيه أفكارك أو سلوكك لأ م- المزدوجة يعني عرفت شلون؟ فساعد على أن تتقوى شخصيتي أكثر، تتعزز يعني الأشياء اللي قعد تنزرع معاي أو قعد تكبر معاي، و وهذا كان اا سب- واتفقنا أيضا إن أهوا يعتقد إن احنا في يعني إحنا انخطبنا أو ملجنا بتسعة وو سبعين اا إن احنا نقعد سنة حتىىى يعني أحمل ببيبي أوو بشي جذي أيضا حتى تأكيدا لأن نتعرف لما نكون تحت بيت واحد، في بيت واحد، وفعلا هذا اللي اللي صار بس اا يُفترض إن يكون الحمل في أثنينة وثمانين أو في واحد وثمانين تقريبا بس اا حنيني للأمومة وتجربة جديدة إنك تدخل فيها خلاني أقص عليه وأحمل فأول خدعة في التاريخ صارت [تضحك]-

[المحميد يضحك]-

مني آنا إي، فحملت ب جاسم ورحب عاد اهوا بالل أهو في جانب الله-وي وايد يعني مال مال الله دون تدين متشدد أو شي إن الله كاتب ف سعيد بعدين وبعدين عرف إن القادم جاسم ف محمد يبي يصير بو جاسم ف كان داعم ف يوم آنا حامل يعني [تضحك] رحنا شهر العسل، كنا في رحنا أربع دول رحنا سويسرا وإيطاليا وو مرن جدا على فكرة في إن انت تبي تروح مثلا أهو ما عندو اهتمام بالثقافة، ما بالضروري ااا أعتقد يعني بعد سنوات النضج إن الطرف الآخر لازم يكون هالكثر مثقف باهتماماتك انت بس شكل داعم، يعني إن انا بروح بعض المتاحف في إيطاليا وطوابير طويلة توقف في إيطاليا أو في فرنسا بتروح ااا فيرساي ولا تبي تروح اا اللوفر أو هذيل إلا عنده طوي- طولة بال مو طبيعي أو تبي تروح حق الآثار اللي كانت موجودة أو سجن الباستيل وهذيل يروح معاي كل هالأماكن بالنسباله وهي مكتشفة يعني يكتشفها، اا مو مو باهتمامي آنا بس لا يتذمر، لأن آنا ما عندي اهتمامات بالسوق من زمان، ماحب اا أرو- أوكي شفت الشانزلزيه قعدنا على قهوة فوكيت وشفنا كويتيين وذي- بس ما عنده اا اا مانع في إن اهوا يشاركني اهتماماتي ال اا الثقافية والفنية الكوميدي فرانسيه مثلا تبي تروح انت بعدين آخر شي كان مقرر إن احنا نروح نيس وكان ومونتي كارلو على أساس إن اا السياحة وترفيه وسباحة وكل ال حياة الصيفية الجميلة، هذي أشياء وايد ااا كانت بس مع الأسف طلعت آنا في م من باريس لما رحنا على هذيل لأن وقت الريلاكس ولأني مو كفو الل- الريلاكس ف أول مرة يرتفع ضغطي لأن بحر وهدوء و ومشي اا مسافات طويلة وهذيل ووو وانا أعتبره فراغ يعني يعني ما عندي حتى- الحين عندي، بس قبل ما عندي حتى متعة إنك تتمتع في التفاصيل الحياة لأن حياتك وايد serious، فيعني من إن من بديت إلى أن تبي تبذل جهد في الصحافة تطور نفسك وتتعلم من أساتذة اللي حواليك من زملائي من القراءات من هذيل، مو مال ريلاكس يعني فاهم علي؟ وخصوصا إن احنا ما عندنا ثقافة إنك انت شكبر البحر عندنا؟ ب- ما عندك انت إن احنا كل ويكند نكون بالبحر مثلا وهذا مثل دول البحر المتوسط اا أو أي دولة بالعالم إسبانيا وهذيل كلهم في شي اسمه صيف يعني، وفي اا ب- اا بعضهم عندهم اا ثلج وتزحلق و مواسم يعني عرفت شلون؟ شوف الأجسامهم ومشي مسافات طويلة ومتعة اهيا، بس ما عندي إدراك لها يمكن لأن طاقتي عالية جدا بعد، كله مستعيلة كله سريعة كله أبي تبي أشياء يعني اا مو إهي مناسبة لو انت تروح فيها هني بال اا في البحر بيخت طالعين، تنزل بوسط البحر نسبح نسوي جذي، بس انت دماغك مشغولة بحاجات أكثر خصوصا انت ييت بعد ثراء باريس وبعدين رحناا م بريطانيا ففي بريطانيا جهزنا للبيبي اللي رفقنا في شهر العسل جاسم، اا وبعدين رحنا علىىى أسبانا وو وأيضا متاحف وهذيل وأيضا اا كثير اا تألمت وو انسدت نفسي من مصارعة الثيران اللي أشوفها إنها بلا فلسفة يعني فيها وحشية، ب ك ب- ت- الحين تبدا انت تتأمل هالأشياء هذي، يعني شكثر في قسوة للإنسان عشان تبين إنك انت فارس ينطق ب بسهام من قبل لا هذي جذي ويخر منه الدم، فتشبه اا اا اا اا ال اا ذبيح ذ الشعوب الذبيحة والاستعمار واللي قع ي اللي عبر التاريخ البشري يعني اللي سواء- فتاخذ تأويلات فتتسلى دماغيا مع هالموضوع هذا عرفت؟ بس والله واستقرت حياتنا وفعلا يعني هو كان صادق وما كان يقعد وايد فكانت إدارة حياتي علي فيي اا ن يعني اا غالبا يعني، أروح له آنا ب اا اا بالصيف وو أهوا إيي بكريسمس عيد الفصح و وهكذا، فيعني حتى لقاءاتنا قليلة وقد يكون هذا ساهم في إني أخلق فرك- فكرين، واحد حلو محب للحياة وجميل وكل شي وأحد لحد الآن ما يعرف يحب ال اا ال اا ال entertainment هذا وو يغوص أكثر في الثقافة و، في الكون يعني، حتى جى جاسم.

اا طيب يما انتي المرة اللي فاتت ذكرتي لي وو اا شاسمه إن إن بو جاسم اا أهما أهلهم حساوية.

نعم.

و انتو عيم.

مم.

اا هل كانت يعني في التجهيزات للزواج هل كانت الأمور سلسة ولا هل كان في عراقيل يعني من هالناحية؟

أهو مو فيي اا ن اا في تجهيزات الزواج إهي المبدأ أن تتزوجين واحد عربي والحين بالنسبالهم آنا فيي الل يعني جميلة جميلات العائلة، انزين؟ صج متمردة وعندها دماغ وعندها جذي بس بالآخر ياخذون الأمور ااا الشكلية، ف ااا، فكان ي، إن ليش تبي تتزوج عربي؟ وأيضا هاي اا طامة عنصرية يعني بعد بالرغم من إن اهوا شيعي، عرفت؟ اا مو مهم أهوا يصلي ولا ما يصوم هذي أيامها بعدها يعني مو قلت لك توها اا الخميني يدش هو أصلا ال ال الح- الحساوية في هذه الفترة اا أكثر انفتاحا ما انغاصوا مثلنا إحنا، إحنا لأن مو بس العقيدة إنك انت شيعي ما هو شيعي بعد، إهني انت فكرة إن إيراني الخميني عرفت شلون؟ فصار في هذا ال المزدوج قوّى سرعة إن تنقطع الكهربا والماي عن حياتنا ويتحجبون البنات وسوادٌ في سواد وبلا ميك أب بلا أي شي بلا اا فيما مبالغة شديدة شديدة شديدة في الأعراس وال اا ي هاي جذي لاستعراض المكامن إذا كان جمالها كان ميك أب إذا كان لبس إذا كان هالأشياء هذي الموضوع شكلي يعني، لأن محرومين منه طول اا السنة، اا حتى وظائف النساء بدت أكثر اا التوجه إن تكونين معلمة أو تكونين طبيبة أطفال أو طبيبة نسوا- نسا، عشان لا يكون في احتكاك ب اا بالرجال حتى عندي بنت خالتي ك- اشتغلت في شركة الأسمدة، which is وايد زين المكان اللي اهيا كانت فيه بالل موضوع وكويتية تتعين في هالمكان و خريجة محاسبة أو شي جذي لأ بعد فترة رجعت صارت مدرسة مع بدايات ال اا تدرس في ال- ويعني شفت الانقلاب يعني على صعيد الحياة، ف اا ف ك- اا يعني كأني آنا عاملة عملة وحشة بالنسبة للأهل إني آنا أبي أتزوج عربي، فأهما عندهم بجذورهم يعني وأيضا هذي تبين في أدبياتهم اا باللغة الفارسية أيضا النظرة للعربي ب تقليل ممكن هذي تكون مناسبة إن آنا أقول لك نرجع شوية إن في طفولتي مثلا أربع سنين خمس سنين قبل لا ننام لازم عندنا قصة يقولون لنا إياها يدتي و أمي وباللغة الفارسية حقي وحق ع- اا عبدالله بس يعني ال الكبار قلت لك هذيل يحسبونهم أهل الكهف، كبار يعني اا دخلوا في مسؤوليات الشراكة في الحياة في البيت الكبير، ف كانت اااا يعني يدتي تقول لي دون ذكر الحين على كبر آنا قعد أكتشف كانت تقرا لنا من اااا اا ف- ف- من الفردوسي مثلا، وهي قصة قصص تقريبا لستين ألف بيت من الشعر يعني، فيها اا ناميه فردوسي إتز- اا اا تعزز القومية الفارسية بتاريخها كله أساطير وقائع أشياء مثل هذي تظهر البطولات الفارسية عبر التاريخ، مقابل ال غزو ولا انفتاح ولا هو أي أي شيء العربي اللي يايهم، فكان لازم أروح القومية العربي- الفارسية تبرز فأهوا كله عن بطولات اا أمراء نبلاء حضارات مدن دول بس الفرس أهما ال أهما الم- المنتصرين في هالأمور هذي، وقصص حب وأشياء مثل هذي تصير، قصص حب حتى فيها طبقية أحيانا فيها أشياء هذي بس المهم تخص ثقافتهم، دون أن يكون في اا لا للعرب وجود ولا للدين وجود لأن هناك أكو إرث متعدد الأديان والطوائف والقوميات أيضا في إيران، يعني في عندك انت عرب مثلا في عندك انت كرد في عندك انت اا على صعيد الأديان في مسيحيين لحد الآن في يهود وزرت معابدهم المسيحيين واليهود يعني من عشر سنين تقريبا و اا وإسلام وفي سنة وفي شيعة وفي بهائيين وفييي إسماعيلية اللي اهوا يعني م قلعة ألموت مو م- يعني موجودة كأثر هناك موجود عندهم اا في ال، ال حتى ك- كل ال اليهودية أو المسيحية أيضا طوائف مثل الإسلام، وو وفي دروز وفي البا- ال الزردشتية وفي يعني كل شي موجود فيي اا في إيران- لحد الآن، اللي يجمع إيران كلها في هالموضوع فكرة إننا إيرانيون، القومية، مع احترام الاختلاف اللي موجود يعني في البرلمان الإيراني على تعسه يعني وكل الديكتاتوريات والتفرد اللي أهما فيه اا فيه يهود لحد الآن في مسيحيين موجودين لحد الآن في من كل الأطياف أيضا ال اا البهائي- آنا ما بقول لك إن اهما فاعلين أو مو فاعلين لصالح اا مثلا اا طوائفهم أو أديانهم بس موجودين- كرد موجودين، فاهم علي، ففكرة ال ليش ما تتفتت هالبلد، لأن فكرة القومية إهي اللي تعزز عندهم في هالموضوع يعني ما يقول لك مثلا أبطال اا ناميه فردوسي ما يقول لك هذا مثلا شيعي أو عربي أو كردي أوو اا ل اا زردشتي ما يقول لك جذي، أهوا فارسي، فشايف الفكرة العظيمة النابعة من إنك انت تكون صاحب قومية؟ جمّعت الشتات كله في هالأمر طبعا لا ي شك لا شك كل الحكومات الدكتاتورية اللي يت يعني سواء كان الشاه أوو الحين الحكم الإسلامي الموجود تعمل على أن تفرقة بينهم، تعمل على تعزيز تعمل على إهمال مثلا اا يسمونها خوزستان واهي الأهواز مثلا هذيل، تعمل علىى إهمال الق- ال القرى اللي مثلا اللي فيها الأكراد، تعمل على الإقصاء مثلا في الوظائف الحكومية وعندي صديقة إيرانية مترجمة تقول إن إن احنا إجباري احنا نتك- عربية اهيا، يعني من من عرب الأهواز وحتى يحجون عراقي يعني بال، ف اا لأن الساحل هذا ومرتبط كان بالل شط العرب والعراق يعني عبر قرون، فتقول إن إجباري كان إن احنا ن ن ن نتكلم عربي لازم نتكلم فارسي ت- أخوها قاضي الحين تقول كان ينطق على أصابعه كف إيده إن لا اا شلون اتكسر اا اا شلون ما تحفظ ال الفارسي، يظل الولد صامت طول حياته، بس كان يدرس يعني يقدم على الورق امتحاناته وأشياء مثل هذي إلى اليوم أهوا صار قاضي مثلا في أهواز في الأهواز، ففي كثير من الإقصاء والهذي هذي سياسات ت- فرّق تسد يعني بس كقوميات كشعوب ك اا إثنيات وايد اا مت- كلهم عيدهم نوروز مثلا، كلهم عندهم شاب يلدا اللي اهيا ليلة اا قبل ليلة راس السنة الميلادية اللي اهيا اا تبدّل الفصول ومرتبطة كلها بالطبيعة عرفت؟ اا سيزدا بيزدا يعني كل شي الطقوس والأشياء اللي يسوونها وبعدين حتى أبي أقول لك عنن اا ملجتي شلون سوينا أحنا ال الكويتيين اللي من أصول فارسية وايد لأن تقريبا مية مية وخمسين سنة ميتين سنة طلعنا من هناك وايد من الطقوس اللي ما نسويها اللي موجودة ما زالت في إيران بحكم إن احتكيت انت في ثقافة عربية وفي كفاح في هذي الحياة قاعد تشتغل، فما في مجال في إنك انت يعني تعرف واحد اللي نزل من القرية من اا م اا ق- من القطار وياي من قرية في أقصى نجوع مثلا إيي يشوف أضواء المدينة يقول وَهْ، عرفت؟ فهذي الـ وَهْ عاشوها فترة طويلة حتى جيل وجيلين وهو سبب للانعزال أيضا اللي كان يصير فكانت ااا شاسمه بس عاد آنا مع ثقافتي إن آنا بسوي يعني حتى كل شي على سفرة نوروز وأيضا سفرة الملجة كتب الكتاب، يصير إن في سبع أشياء مهمة تبدأ بحرف السين، وكلها تشير للحظ وللحياة ولزواجٍ سعيد ولإن- أطفالٍ أصحاء وللرزق ول- وهكذا عرفت؟ ووو وتنحط مراية- هاي بعدين نتكلم عنهم بشوية في ال الموضوع فكانت في رفض إن مو رفض أهما أهما الحين ما يصدقوني أتزوج ويفتكون مني أصلا ف اا صار في يعني قبول يالله م خل تتزوج، فكاننن حياة سوية يعني فيي ذي وبعدين آنا قوية بالعائلة يعني ما ي- محد يقدر يعني ولد خالتي مثلا من صغري آنا مققرتله ل اا ولد عمتي مثلا من زمان ب جذي، أمي تطلع حيل إن احنا يعني اا راضعتهم أثنينهم فهذيل إخوان بالرضاعة عرفت؟ عشان أمي تبي تتملص من العايلة بعد عرفت؟ فما تبي تكون في أعيد تاريخها مع العائلة هذا اللي كان، يعني كانت هاي ال تقريبا.

كنتي بتقولين لي عن اا المراية في ملجتج-

إي إي إي إي-

إي-

إي، تشوف لمااا، مع ص صعود الخميني أيضا كان بالنسبالي فرصة لأن أتعرف من جديد غير المعاش القصص والأشياء اللي أمي كانت تقول لنا إياها أشعار سعدي الشيرازي وحافظ الشيرازي مثلا اا ما بين القصص تقول لنا الأشعار هذي، وذيل شعراء خالدون واحد منهم سني واحد منهم شيعي- هاي بعدين عرفنا يعني ولا اهما كانوا مميزين جدا، وأيضا زيارتنا في إيران لما نروح لهم مقدس إنك انت تزور هالشعراء هذيل وهم شعراء أوكي؟ مو يعني تقول شخصية دينية، فيعني، فتروح فانت تلقاك نفسك في بستان مهول الجمال كله زرع وورود، والورود موسمية حسب الموسم، وقنوات ماي وأشجار على الأسوار عالية، وكلها قبورٌ لصغار الشعراء تمشي جدام عاد تلقى مثلا حافظ الشيرازي، تحته مظلة جذي وتشوف انت القدسية اللي يدخلون فيها عليه، لأنه icon بالنسبالهم أيقونة مهمة، وو واللي يقرا له قرآن واللي يقرا شعر من عنده واللي مو- يغني شعره علىى قبره واللي يسوي meditation مع روحه وو، ف ااا فأهما مزروعين عندنا بال- بدون ذكر أسماء، انزين؟ فلما بدأ التشدد الديني يب- اا بدا تبين ملامحه وغيّر حياتنا- طب ماكو شي في هالمجتمع يؤدي إلى فرح مثلا إلى سعادة إلى هالأشياء البسيطة مالت البشر، فسويت آنا اا اا سفرة مالت الخطبة اللي اهيا نفس سفرة اا النوروز، اا اا وأيضا بشموع و وبحلاو كلها بهذي لحظٍّ سعيد، يمكن نسيت أييب اا مراية لازم تكون في مراية كبيرة طالما الملاج وهذا شي وايد زين اللي يملج عليك شيخ دين ييجي- رسمي من وزارة العدل ييجي البيت ويسمع صوت البنت وهي تقول نعم، مو ولي أو وكيل أو أي أحد، بعدين يصير توقيع أوراق أول ث- وثيقة منن من ال اا من أبوي أو من هذيل بس كان لازم يسمع ثلاث مرات إهي تقول إي يعني أهوا يعيد عليها، فكان في مراية لازم أشوفها أشوف ويهي فيها طول ما أهوا يقرا، عرفت شلون؟ والمراية هذي إهي مثل ما يقولون ملاكك الحارس ملاك هذا البيت الزوجي اللي بيكون، فيتعلق في مكان اا غير معرض لأن ما تحطه بكوريدور مثلا ممكن جتف يحوشه ممكن شي يحوشه، ممكن- بس تحطه في مكان بارز مثلا في زاوية بس ماكو مو ماكو يمه شي على أساس إن لا يصي- لا يتحرك لا ينكسر، once انكسر يصير طلاق، هاي معتقدات طبعا عرفت؟ بس معتقدات جدا قديمة موجودة منن، وكل مالها كلما يصير تشدد ديني يلجأ الش- الشعب إلى إرثه الزردشتي المنفتح كان على كل الثقافات وعلى كل الأديان الحقق اا عدالة اجتماعية وعلى كوروش العظيم شنو سوى وال أثر الكبير اللي تركه فيي اا آنذاك، إنتاج الزراعة الصناعة ب في كل شي حياة عدالة حريات، ف اا وتستغرب ساعات تقول الله، تشوف شلون انت بابل مثلا أو كوروش في هذيل شلون سووا حضارات عظيمة؟ شلون نوصل للمرحلة هذي؟ من الانتكاسات اللي تصير في بلاد الرافدين مثلا، وفي إيران مثلا، كيف يعني؟ وين الجين الكان مستنير وعمل، وتوصل إلى القمع وديكتاتوريات ويحكمونك وي، وحُكمت الدكتاتوريات إيران ثلاث مرات تقريبا، أيام الساسانية وأيام ال، الإسلام يعني، و الصفوية والحين، وحدة استمرت سنتين- اا ميتين سنة، فتؤثر في حياة الناس والحين هذيل مستمرين تقريبا فوق ال أربعين سنة خمسة وأربعين سنة، عرفت؟ على عجلة السرعة والحياة والإيقاع تساعد مع الاحتجاجات اللي الحين موجودة، تساعد عالأقل فيي، يعني ما ب- ما أحلم في إيزاحها لأن القوة البوليسية والعسكرية رهيبة اللي القمع وو والعنف اللي عندهم، نفس نفس السافاك مال أيام إيران أيام الشاه ما اختلف يعني في م، بس ال الاسم تغير بس نفس الفعل، فالأمل لهذا الشعب المستنير اللي تقعد معاه اللي عندي في زياراتي له أشوف تذمره أشوف العودة ل ااا أصولهم الفارسية، بدونن رغبة في التدخل في دول أخرى بدونن أي ذ- أي شي عندك من موارد تكون لصالح التنمية [incomp] يعني حتى الشباب الصغير يعي، هالأمور هذي دون أن يحمل عداوات على العرب- الصغار آنا أحاجيك يعني، لأن هو مو مشغول في إن آنا أشيل الحين أعادي ال- أعادي النظام مو أعادي سوريا أو لبنان أو اليمن أو العراق وين ما تتدخل فيه، أعادي غبن نظام، اا غدب- غبا الحكم الديني، فتلاقي مثلا مثلا من الأشياء اللي اا اللي لاحظتها، إن رجل الدين أبو العمة اللي يمشي في طهران آنا أكلمك رايحة حق اا قرايبي الناس تمشي على رصيف أهو يمشي على رصيف ثاني، مزدرئ يعني عرفت شلون؟ غير في بداياته اللي إيي كان اا يُقدس هذا اللي يمشي على الموضوع، حالة أخرى صار في مساكنة هناك مثلا فيي بين الشاب وو وشابة ما علينا الحين احنا نتفق أو نختلف في هالأمور هذي هاذيل قع يدرسون في الجامعة ومح- ويشتغلون في اا بعض في-يسكنون مع مع بعض مقابلهم ساكن ااا رجل دين شيخ أو سيد ما يقدر يفتح تمه، لأن أزمات الاقتصادية بتخلي لا شباب ولا البنات يقدرون يتزوجون ويتحققون فبالتالي أهما محتاجين إلى مشاركة في الحياة وبعدين يشوفون إذا في إمكانية إن همّا يتزوجون، فإنت شوف ت- انت من داخل نسيج المجتمع قع يصير، وبعدين مثلا صارت ضغوطات منن لجنة التعليم حتى يدرسون مثلا اا اا الفد- فردوسي مثلا، فصار يقس- قسموه على مناهج التعليم من قصص الأطفال إلى أن تصل ل الثانوية إلى أن تتخصص في الأدب في الجامعات مثلا عرفت؟ فيصير فيي اا ربط حضاري بينما كان مرفوض في بداياته، مرفوض تلبس كرفتة مرفوض تلبس ت اا تيشيرت مرفوض تلبس اا غير طبعا قهر المرأة اللي هو الأكبر في فرض الحجاب على المسيحية على اليهودية على الزردشتية على كل هذيل- آنا حافظت على ديني، حافظت على اا اا التنوعي الإثني، لكن النظام العام السائد إنك انت مجبر إنك انت تمشي معاه في الموضوع- وحدة من الحوادث مثلا، إن وانا زايرة صديقتي فايزة ااا دكتورة اا مترجمة إيرانية من أصول عربية، ف اا فيي اا أطراف اا شيراز، وشيراز قديمة هي كانت عاصمة بلاد فارس في طول حياتها يعني طهران حديثة نسبيا، فكانت تقول ففي الموسم اللي آنا أزورها فيه واحنا في الدور الرابع نفتح الدرايش طبعا ما، فالهوا لطيف بس في ريحة ت اا عصير، في ريحة اا عصير عنب، قلت لها فيوز شنو هاي؟ جان تقول اللي حوالينا كلهم مسيحيين، قلت لها انزين؟ جان تقول الحين يسوون ال اا الواين مالهم، فالحين ع- عصرة العنب والأشياء منث- هذي، فأطل آنا من الدريشة معقول أكو جذي في على أن لا يخرج برا إن لا يطلع برا، ببيوتهم والحكومة تدري وأكو رقيب شرطي موجود على أساس إن هو لا يطلع برا لا إيي واحد مسلم يشتري مثلا أو أشياء مثل هذي فهذي متاح، ب- هذي مو من زين النظام لأن انت ما تقدر تنفي وجود هذي العدد الهائل من المسيحيين اللي عندك أو اليهود أو عندهم طقوسهم عندهم أشياءهم، ما تقدر تنفيهم- لحد الآن لحد الآن هالسنة، في ااا راس السنة ال اا الفارسية وو عملوا احتفالات زردشتية عند معابدهم، ما تقدر- و تصوير طلع على غوغل، فما تقدر انت تمنعه لأنهم مم يعني ما تقدر تقمعهم، انت هدفك شنو أصلا؟ هدفك إنك انت تسيطر على البلد بكل مقدراتها وتفرض شروطك وأشيائك أكثر ب- وتقدر اا تقدر تعمل نزاعات إثنية واللي ما نجحت فيها ما تقدر اا، تصور إن في بدايات الثورة كان شبه ممنوع الاحتفال ب نوروز، و سيزدا بيزدا هاي اللي يخطرون النار وال عشان الحظوظ والخروج للبرية وللحدايق، آخر سفرة لي اا لإيران وهي كانت سفرة اا رسمية طبعا كنت أزرق أروح اا حق اا الناس اللي أعرفهم لما يكون في لقاء مع م برلمان أو مع المكتبة الدينية اللي تترجم بملايين ال اا ال بفلوسهم الدولارات عشان تسوي إعادة صياغة ل- بحسب المذهب الشيعي مثلا، وتوزع في العالم كله أوكي؟ حتى أفريقيا، شلك تبي في واحد أفريقي بلد فقيرة المقدرات تبي تسويها تبي تسويه شيعي، صراع يعني، ف اا اا فنزلت اا السوق مع ذا لما أقول لك بعد منع فكانت الاحتفالات الكبرى تصير في عيد الأضحى وعيد الفطر، بس هالمرة لما نزلت من ثمن سنين لما نزلت السوق، أكو سمج البرتقالي الملون اللي لازم يحطونه في هذي في ن- عيد نوروز، لازم هذا عالسفرة يكون موجود، اا حظ سعيد، إلا العالم كلها قع تشتري وموجود بالسوق ذي- إذاً الشعب ب إضرابه المدني عن إنه يعتبر عيد الأضحى وعيد الفطر وهي أعياد إسلامية إن أهوا الرئيسيين والباجي طز قاوم هالفكرة هذي، بحيث كلهم عاشوا نوروز في بيوتهم، فاضطرت الحكومة إلى أن تسوي الإجازة كما كانت لمدة عشر تيام إجازة رسمية وتقلصت إجازة عيد الفطر وعيد الأضحى، عرفت؟

إي إي.

وصار في احتفال بالتلفزيون أيضا حق النوروز.

إي، اا يما آنا حاب أرجع حق حياتج الشخصية بخصوص المراية ما قلتي لنا شنو صار لها في ملجتج؟

المراية يمكن، كانت يدوية بيدي، ااا، ت يعني آنا هبل أشوف نفسي في المراية يعني ما م، ما عندي [تضحك] شبشوف في المراية على مدة على ما الريال يقرا ساعة ونص اا اا، يقرا عنن اا يعني عقد ال اا الزواج، مادري وين حذفته بعدين، ومادري وين وحذفته انكسر ضاع مايشنو ف انفصلت بعد ثلثتعشر سنة.

[المحميد يضحك].

بعد ثلاث أطفال.

إي، اا يما انتي يبتي جاسم أي سنة؟

واحد وثمانين.

واحد وثما-

أربعة واحد واحد وثمانين.

وو اا عندج هم بعد نينار وعلي أي س- أي سنة-؟

نينار- اا كنت أسوي خطة خمسية، فيبت جاسم، يبت بعدين خمس سنين أربع سنين ونص جذي نينار، بعدين اا خمس سنين بعدين علي، فبين علي وبين جاسم عشر سنين، أوكي؟ نينار اللي متوسطتهم.

اا تذكرين شنو كان شعورج اا أول ما ولدتي جاسم؟

أول شي آنا لأني م يعني مم، مم مم اا لحد الآن آنا ما أقدر أوصف لك حتى آلام الطلق بالرغم إني آنا عندي تعبير قوي وهذيل ما أقدر أعبر أ- أنقل معاناة النساء فيها، في الطلق، أول شي آنا داخلة وانا مابي إرث أمي ويدتي وأهلي والكل المحيطين والفرحانين إن آنا جبت الدكر يا خويا انزين؟ إرثهم وطقوسهم وأشياءهم مابي أسويها، فطلبت داية أبي أعيش الجو القديم على أصي- أشوف شتسوي؟ ف يتني ست كبيرة داية، وو وعشت وايد أشياء حلوة سويتها في الداية في ترميم الجسد مثلا، تقعد اا إهيا ويا وحدة ثانية على منتصفي وانا نايمة ويمدون ريولهم ويمسكون إيدهم عشان يرممون عظمي، عرفت؟ وووو وبو جاسم بعد عشان لا يطلع لي كرش وما كرش مايشنو كان يايب قماش طوييل وحط لي نعال نيدية على بطني، ولففه حييل ظليت لفترة طويلة يعني ل ما بعد الأربعين عشان ما يطلع لي ال اا ما تطلع لي كرشة، ووو وكانت تييب دياية وتفوحها وتغطيني بكنبل عشان أن- أنفاسي تنفتح مع البخار، عرفت شلون؟ ف، وو تاخذ أيضا انت ال الب- ب- ال فايتامين ولا بروتين ولا أشياء مثل هذي فما تمرض خصوصا إن جاسم يى في شهر واحد، ف اا برد أيامها، اا كان معيني وأدين له بال فضل الكبير دكتور سبوك فيما يخص عناية ب ابني، إن اا ن دكتور بروك هاي دكتور أمريكي توفى من جم سنة عن تسعين سنة، وهو عنده اامم اا كتب في تربية الطفل من الرضيع وحتى من قبل الولادة إلى ما بعد- مو بالأكل ما أكل بعد هذي أيضا كيف تتصرف في شكل عصري مع طفل بعيدا عن الإرث وعن الخرافة في نينار أيضا يبت اام داية وعشت طقوس وايد حلوة- طبعا أولد بالمستشفى وأييب اا الداية بعدين حق الرعاية، حطت لي مرة الحمام- طبعا آنا أتحمم وولدي أحممه وهني ممنوع إنك انت اتّحمم، بالمستشفى أحمم طفلي تحت الحنفية وال، بعدين نينار شهر تسعة ف الجو ألطف، فيت وهي بتحممني بعد اليوم السابع حطت لي تمور في أربع أركان ال ااا الحمام، وورد وايد في البانيو، اا ومعطرات أشياء ماي ورد وأشياء مثل هذي، بعدين هاي خالة شنو [صوت رنين الهاتف].

أوقف التسجيل؟ اا انتي-

اهم-

قلتي لي عن دكتور سبوك-

تمر، لا لا الت-

إي التمر في زوايا ال-

أربعة.

إي إي.

فقلت لها ليش خالة حاطة التمر هاي؟ جان تقول عشان الينانوة لما إيون يعني يشوفون المرا ضعيفة وهي توها والد وهذيل فيدخلون فيها، بدال ما يدخلوني يتسلون في التمر ياكلون تمر يحبون التمر، مادري شعرفها مادري مرافجتهم إهيا [تضحك] ما مادري شسالفتها- طقس يعني أو معتقد قديم، عرفت؟ فدكتور سبوك هذا وايد أثر فيني اا بشكل علمي عزز تفكيري العلمي في في العناية بطفلي يعني ما عندي اا أي خرافة عاشوها معاي أو سووها معاي ما كنت أسويها مع ابني، يعني من الأشياء اللي كانت أمي تستغرب منها إن آنا ما ما أمهد اليهال، ما عندي جذي لأن لو كنا إحنا يقولون يرمم عظمه أو يسوي آنا أفهم إن أهوا لأن الطفل كان في الرحم ففي مكان ضيق فالفترة الأولى يحتاج إلى إنك انت ت- اا اتسوي له قماط يعني ت- اا تربطه لكن يصير ساعات عنيف وايد عرفت؟ هذا حتى ما ي ي ي يصير صدمة جسدية عنده من خروجه من مكان ضيق كالرحم إلى فضاء كوني كبير فتلفه في هالموضوع هذي- هاي علميا تفسيري يعني ما أدري عاد صح ولا لأ، ف رفضت إن آنا أسويي هذي في البداية بس أول أيام يعني تربطه بس بناعم بحيث يعني بس ما أشده شد كنت أشوف عنف ما تتخيله يعني عند اا أطفال العائلة الثانيين الجدد، ليه عمرنا ما وصلنا إحنا للألعاب الأولومبية يقول آل عشان يرمم عظمه ويقوي عظمه، ما هو لأن انت انت تخلق أطفال كسحاء من صغرهم قعد اتجمّد إيده على أو رجله تربطه طول الوقت ما في حركة الدم شلون بيتحرك؟ ف كنت أرفض ف ي يقولون لي باجر بتشوفين عيالج وأنومه على بطنه، تنومه على بطنه حسب دكتور سبوك لأن يطلع كل الغازات أو أي شي عالق في اا في خشمه في بلعومه أو شي جذي فعلا كل شي يطلع فكان جاسم أيام صغير عمره يعني لما يغير رقبته من يمين ويسار على هذي و م ما في غازات مثلا بحيث تعطييه ينسون وبنسون وأشياء كل الأشياء اللي يسوونها في البيت أو بعدين صارت مصنعة ف كان و وايد هيلثي الولد، ف فيرفع رقبته فقوت عظام رقبته أيضا، في إن اهوا يرفع راسه عشان يطالع أمه وبعدين ي ينزّل هذي وبعدين يلف يمين ويسار which is يعنيي زين حق هذي، فكانوا أهما ي يعني كنت ظاهرة بالنسبالهم إن أسوي أشياء ما ما يفهمونها شنو إهيا وما أعطي تفسير أصلا حقهم.

اا يما عادي نصكر باب المطبخ على شان الجهاز-

طبعا-

هذا يلقط الأصوات.

أوكي أوكي، أوكي، صك شوية هذا-

أوكي خل أوقفه-

خل أقول لك.

طيب ردينا نسجل، اا يما آنا راح أقفز إلى نهاية الثمانينات قبل لا ندش في مرحلة الغزو العراقي، اا كونج انتي كنتي تشتغلين في الصحافة، و كونج كنتي قريبة من القوى التقدمية في الكويت وهم بعد يعني على معرفة شخصية [صوت قداحة] بشخصيات من اام ال قوميين اللي-

ملهمة-

بالكويت-

مم-

إي إي، ف اا هل تذكرين حركة دواوين الأثنين؟

أقرا عنها يعني أكثر شي، وو، بس ما م، يعني أذكر ك- كل الأشياء اللي صارت في الندوات الثقافية والأشياء مثل هذي والل أعمال المهمة اللي كانوا يسوونها، اا وفيما بعد لما صار ال اا الإغلاق بس مو وايد يعني حاضرة آنا موجودة في هالموضوع هاي، بسبب أيضا انشغالاتي.

طيب تذكرين الأجواء السياسية في الكويت وقتها؟ خصوصا إن ال-

هاي الثمانينات.

إي نهاية الثمانينات خصوصا إن المجلس كان منحل و-

إي-

الدستور معلق وما كان في-

مم-

حياة نيابية يعني في الكويت-

مم، اا... يعني كانت اللل لأ لأ قول يعني عشان أكونن صجية يعني ها؟ إن مو، مو موجودة وايد في هالموضوع بقدر المتابعة والقراءة، بس تلاحظها مثلا من جو الجريدة شلون في كآبة وشلون في عدم قدرة علىىى الإنجاز وو وتحلطم حتى أستاذنا الكبير الله يرحمه محمد مساعد الصالح يعني انتكاسات صحية ورا بعض وو وو وجاسم المطوع البريء يعني اللي مم إن انت حاير شنو تقدر تسوي، وهذيل الأولاد تجربة أقدم بعد وووو وأكثر اتساعا يعني عاشوها، فكان فيي اا عالمم، لا يوشي ب إلا بما هو سيئ ياي فيما بعد عرفت؟ يعني هذا تاريخ قع ينبني حق الانغلاق حق اا إن كتم حريات التعبير ومؤشراته يعني في بداية، من كل إغلاقات مجلس الأمة يعني من ستة وثمانين وهذيل كلهم، هو بدليل إن زيادة الفساد فيما بعد و، عدم المحاسبة بعدين أهوا أحوال الصحف كلها تغيرت بعد ال تسعين، وو بعد التحرير يعني ف ااا وبالألفية صارت أسوأ بعد لأن أيضا صار في ااا مصالح و حتى بالفن إن كل واحد فيهم فتح قناة فإنت من الصعب أن تنتقد عمل فني، من من الصعب إنك تتك- اا ما اا- لأ بالعكس انت اليوم لازم تشتغل اا تلميع لهم أهما ناس ما تسوى يعني م- كموهبة، أو كعمل أو كنص بس هاي القناة ماخذته فشلون ما يصير في استضافات لهم؟ فابتعدت آنا تقريبا بسهولة اا عن شغلي بس إدارة تعرف الإدارة الإدارية؟ الموظفة الجيدة؟ مو المبدعة أو ال خلاقة أو اللي تنبش وتطلع الأفكار.

اا طيب يما ندخل على مرحلة الغزو العراقي انتي قلتي لي إن انتو سافرتوا يمكن جم يوم قبل الغزو.

يومين.

يومين.

مم.

كان أي تاريخ سافرتوا؟

تقريبا، ثمانية وعشرين، تسعة وعشرين حروة جذي يعني آنا ما أتذكر في هالفترة كان الشهر ثلاثين ولا واحد وثلاثين بس بالضبط أتذكر إن هو كان يومين، على ما تقضيها ب، بالسفر والترانزيت وهذيل حتى تقعد في بيتك جذي ف تقريبا يومين.

إي، انتي قلتي لي المرة اللي فاتت إن لما وصلتي اا أمريكا وكنتوا رايحين الظاهر منطقة نائية أو شي جذي ياكم واحد على شان يعطيكم خبر الغزو.

مم.

اا ممكن تقولين لي شلون انتو استقبلتوا الخبر؟

06:56:03 - الغزو العراقي ووجودهم في الولايات المتحدة والسعودية والقاهرة

Play segment

Partial Transcript: أولا عشان تعبانين قلت لك آنا حممت وعشيت العيال فرشنا سنوننا بننام، ف ااف، فإنت لما أحد يطق الباب عليك بعد ساعتين ثلاث وأصلا انت في عالم وردي ثاني يعني نايم من الإرهاق فالهذيل، ف انت ما تصدق إن هذا اللي قعد تسمعه هذا حلمي ولا صج يعني قع يصير، حتى في أسوأ أحلامي انت ما كنت تحلم في في هالشي، فلما أهوا يي يقول وو وال وو وجه أبو الأولاد يصفر والريال مصفر ومرتبك ووو مم، أول شي انت يعني يعني اا الأسئلة هذي مالت ليش وشلون وشحقه شالمبررات وذيل، عرفت؟ مع إن احنا كنا نقرا عن زيارة الشيخ سعد اا ل بغداد والمناوشات اللي صارت والأشياء اللي صارت وهذي، مو وقت عتب أبدا في وقت الأزمات حتى في مستقبلا إذا تزوجت ما تنتهزها فرصة في إنك انت تعاتب زوجتك أو تنتقدها تقول لها، أمام مشكلة لازم نشوف شنو بنسوي فما بالك مشكلة وطن كبير، ف، كان وايد ااا يعني ليلة سوداوية ما عندك انت فكر فيها غير إن آنا اا كائن فضائي ما عندي على جغرافية الأرض اا موقع وبلد اسمه الكويت، وايد شي حزين، وايد إن انت ما عندك هوية يعني ما عندك اا السمة، ما عندك اا وانت ابن جذور بهالوطن هذا جد- وجذر نوراني، يعني هناك أحكام البعث وأحكام ما قبل اا أيام عبدالكريم قاسم هي كلها كانت فيها- والشيوعيين- كلها كانت ق- فيها قمع للطر- لطرف ما، شلون إحنا البلد ال متعادل اللي حتى يعني الثمانينات واحنا حلوين و ونمشي مع اا بروز شوية التيارات الدينية لأنها ما كانت بعدها ماخذة مفاصل الدولة وهذيل، ااب اا اتصير جذي، تصير انت ولا شي، على صعيد وجودي إنساني بحسب فلسفة سارتر مثلا، فهاي كان اام ال ال إد- تفتح التلفزيون انت ما تعرف شنو تاخذ شنو تشوف في طبعا التقارير الأمريكية السي إن إن وذيل بالموضوع، طب شصار في بأهلنا وناسنا؟ شصار في اا وين وينهم أهلنا شنو ص- يعني الأوضاع يعني التفاصيل عاد اللي انت ما تعرفها، شنو صار فيها، فكانت أيام يعني ربنا ما يوريك يعني ما تص- ما تصحى منها بسهولة، خصوصا لما تكون انت بعيد تصدق لو انت داخل أحسن؟ يعني لو انت داخل هني بالبلد عالأقل انت تتحسس آنا على أرضي، آنا في بيتي، بيتي إهناك مدرستي إهني مستوصف اللي كنا نروح له، إهني كنا الصحافة مالتي إه- يعني في بنى جدامك جيراننا أصحابنا ففي شي بس إن انت بعييد آخر الدنيا، ماكو شي يي يهديك يقول لك يطبطب على قلبك يقول لك ترا آنا موجود آنا وياك، واحنا مع بعض، فاهم علي؟ كان شي وايد، بهالصعيد الشعور لحد الآن انت انت مم يعنيي، وأيضا ما أجد إن الأدب الكويتي قدر على أن يعبر- أكو توثيقي أكو أشياء وايد سووها كثر الله خيرهم بس ك على صعيد اال إبداعي في الرواية ما تلاقي يمكن دحام سوى في ال الثلاثية اللي سواها عن الغزو دراما إي كانت جيدة وقريبة لكن انت تبي إي تبي شي مم تدري يلفك كلك في هالموضوع لأن وايد طلعت بطولات زائفة كل من يقول صار بطل، نساءٌ ورجال، بينما أهو البطولة للمجاميع اللي كانت تشتغل، ول مو أسماء تطلع وتقفز على المرحلة وتقول على بطولات اا ااه دون كيشوت يعني لاء كانت مرتبطة في مجاميع ناس، نساء رجال شباب ب ب ب كلهم كلهم، كشعب يعني، عرفت؟ ف اا، حتى المسرحيات اللي سواها مثلا عبدالحسين وسواها أحمد جوهر، هاي كلها تنفيس يسمونها بالمسرح، تنفيس عن غضب وأكو م- نوع من من المسرح وطلعت بعد الحرب العالمية الثانية ف اتصير إن هي تنفس عن غضب الشعب، عشان يتوازن نفسيا، فيعني ما معقول انت يا عبدالحسين مثلا ف- كحسب النص تملك هذه الجرأة في إنك تهين مثلا طارق العلي الجندي العراقي مثلا، عرفت شلون؟ أو تتمسخر عليه الموضوع أعمق من جذي أعمق من إنه كلى ق ق قيمر عباله و أو أو كريم عباله قيمر، مو مو جذي يعني الموضوع عرفت؟ و-

فانتي تشوفين إن ما كان في معالجة فنية عميقة-

لأ.

يعني تكافئ هذا الحدث التاريخي-

اهئ، قلت لك عمل دحام الثلاثية اللي سواها م يعني نسبيا قريبة أحوال الناس كان ينقل في اا في هالموضوع، بينما على صعيد المسرح لأ كله كان تنفيسي، مسرح تنفيسي كوميديا وو وتضحك عالجانب الآخر.

إي، طيب أرجع حق اا اا يعني مكوثكم في الولايات المتحدة كنتوا صح؟ اا في أي ولاية كنتوا؟

كنا فييي اا فلوريدا.

اا ومنو كان الشخص اللي يى وطرق عليكم الباب عشان يعطيكم الخبر؟

كان زميل أبو جاسم عسكري، اللي همّا كلهم في دورة يعني فأهوا أيضا ساكن في كوخ يمنا اا ف أهوا اللي يى، اا كلهم- كل الشباب كانوا ماخذين في هالمكان يبون natural اا مكان حلو طبيعي وهذيل وعايلاتهم بتيي بالصيف فماخذين قاعدين عايشين في هالأماكن هذي، ف، أهوا كان، بس ما أذكر اسمه.

و هل ظليتوا فترة الغزو كله في أمريكا؟

اهئ، قعدنا أول شي سواه أهوا تواصل مع السفارة لكي يقدم خدماته، كل الشباب الكويتيين سووا جذي على فكرة، ووو في واشنتن دي سي وقدموا خدماتهم حطوا أسماءهم وتيلفوناتهم وأشياء مثل هذي، بعد فترة تقريبا أسبوعين ثلاث طلبوا منا وأيضا من عدة اا من الشباب اللي هناك إن اهوا يروح ااا الرياض يشتغل بالسفارة عشان معاشات ااا العسكريين مثلا في هالفترة هذي، وبعدين صارت ال- مع المدنيين مع المعاشات المدنيين، ف اا اتصور إن ال ال الألم الم- المبرح بعد النفسي والمعنوي إنك انت تطلع مننن من أمريكا بجواز غير معترف به لحد الآن معلق، الحين ماكو أحد أسقط اسم الكويت أو حقها بس أمريكا طلعتنا بعدين اهيا الداعمة بعدين حق اا شاسمه، الخطة حتكتمل يعني كلها فرحنا ألمانيا فألمانيا بجوازاتنا الكويتية رفضوا الترانزيت إن أهما ينزلونا مثلا كانت ثمن ساعات ميشكثر إنك انت تنزل لأقرب أوتيل لأن جوازك معلق معلق، مثل المرا المعلقة [تضحك] فشي الله يع ب- ب- بهالسرعة؟ بعد أسبوعين ثلاث؟ وبعدين ااا بعد ألمانيا أيضا انتظارنا بالمطار ومعاك أطفال ف وبهذلة فبعدين اا رحنا علىى، علىى الرياض، إحنا ما عندنا حجابات ما نلبس حجابات، وأمريكا تدري انت غالبا تيشيرت وكت وو، [تضحك] زلاقيات يعني ها وشورتات ولا بنطلونات ف ما عندنا ومن حظنا آنا ومرت حماي مع أخوه التوأم طبعا كان معاه إن ما ما اا مم يعني اام، خلصت آخر عباية عطوها حق الكويتيين اللي يايين ب كان من اا اللي راحوا عمّان ويوا على هذيل يعني طيارات ما كانت في الكويت موجودة، فبالمطار خلصت آخر العبايات.

منو اللي كان يوزع العبايات-؟

المطار.

آه.

كان، ف اا ال فركبنا احنا فيي نسيرُ في السيارة بشوارع الرياض، وف ال ال اا الرقاب تصير زنبرك على النساء الس- اا اللي بلا حجاب و بلا هذيل و عائلات، وأسكنونا كثر خيرهم أهما اا في عايلة اا البديوي، اا واحد منهم كان مع محمد في أمريكا، أهوا رجل قيادي كبير في في الجيش، شكونا عندهم في البداية، وو عائلة فتحت لي- يعني الحين انت تعرف السعودية مثلا ها؟ تعرف نظامها السياسي والاجتماعي لكن كلو نظري، لكن هل عشت انت بينهم عشان تعرف التفاصيل؟ فكانت فرصة عظيمة لي من خلال أم محمد بديوي، الله يمسيها بالخير إذا عايشة ولا إذا، والله كنا لفترة قريبة يعني نتواصل، بس بعد انتقالي للإمارات اا ضيعنا كل الأرقام، فكانت اا عشت وياهم في البيت، بناتها جناينها ال اا الزيارات ال اا النسوية، اتصلوا فيني جريدة الرياض كثر خيرهم، اا الله يرحمه أستاذ تركي السديري كان رئيس التحرير عشان أكتب مق- ترا هذا كله يشكل دعم أوكي انت عندك قدرة أو كفاءة أو ل شي جذي، وأيضا يشكل بالظل أو بالأساس يشكل دعم إن انتو أقلام موجودة وتكتبون و ش- شي حنون يعني عرفت شلون؟ وايد فيه روحية حلوة، ف بس ما تروح الجريدة ها؟ تكتب مقالة بالفاكس تروح ف اا وتشدد كان وايد يعني أيامها بعده كان اان اا الفكر الديني م يعني مسيطر على الحياة اليومية، فإنت تتعرف على تفاصيل تتعرف على أساتذات جامعة في منتهى الاستنارة همّا وأزواجهم، في كاتبات على تتعرف على اا اا يعني level مستوى المستويات مج- اجتماعية مختلفة وفكرية مختلفة، هذي فيها كنوز من الأفكار ومنن الأحلام ومن الإبداع مو طبيعي سعودي مو طالع على السطح في السعودية، الحين تقنيا أو فنيا ن- نسبيا قع يطلع يعني ب على قد الأشياء بس الـ experience كله هو موجود في الكويت طبعا كما تعلم، بس هذيل المستنيرين جدا يعني في في الرواية وكاتبات مقال في ال تاريخ الإسلامي تعرفت على شخصية عظيمة كانت تتكلم عن وكانت تلبس حجاب بنات المدينة، من ألف وأربعمية سنة.

يعني شلون يكون شكله؟

إن اهواا، اا اا في طوق لازم ي- الطوق زينة في قماشة أول شي طوق زينة جزء من الشعر طالع وأيضا يروح لورا ما يغطي الرقبة و وو وهذيل وفستان طويل، والفستان قريب من ال اا فستان المغربي القفطان المغربي، ف ااا وأيضا هاي التقيتها مرة في إحدى مؤتمرات اا الصحفيين حق اا صحفيات من دول الخليج في الرياض التقيتها عظيمة، يعني م، يعني ت ت تتمنى أن تكون مكة أحسن من جذي، وإن مكة يُفترض لا يكون محاطة بعمارات ومجمعات وأشياء أو حتى ااا نسف الجبال يعني ما تغير الطبيعة مالتها عشان تبني عمارات ومولات وأشياء مثل هذي- عظيمة البنت هذي، أحاول أتذكر اسمها، ف شي الفاسي اسمها، أتذكر كانت أستاذة جامعية، و وتكتب مقالة أيضا ف ال الصحف تستقطب الأقلام اللي الن- الن-نورانية لا تتعلق ب الحريات ب- يعني حنا الحين عندنا تطرف في هالموضوع هذي، والهجوم الذكوري على الأنوثة والأنوثة على الذكورة مثلا مثلا، هناك لأ يعني يتكلمون عن أشياء مثل ال مثل الأثر مثلا مثل الل اا ال المدينة مثل إن حق المرأة مثلا الجامعية مثلا، ففي أشياء وايد حلوة فيي اا في هالأمور- اا في بيت أم محمد بديوي تعرفت على عاد الطبقة المتوسطة اللي هو بين العليا والوسط فيي الموضوع أحاديثهم اتجاه أفكارهم اهتماماتهم أشياءهم، أجواء حميمة وستات عادية يعني فيي في هالأمور- تحفت تعل- شفت أيضا التحفظ الاجتماعي يعني مثلا اا إذا انت أخو زوجي انت ما تشوف ويهي آنا منتقبة ما تعرفني بالل ج- إهي تشوفه كامل بس أهو ما يتشوفها عرفت شلون؟ بس هاي كله راح طبعا الحين، مع الأمير محمد بن سلمان، ف اااا ففيما بعد آنا عندي وحدة من مرت ح- اا م اا ن من ن حمواي، حماي اا مصرية، وهذي ست كانت أيضا تدعمني أيام دراستي لأن كنا نسكن في الدور اللي فوق أدرس وأشتغل وكانت إهيا تدعمني ب الاهتمام بالأولاد لما آنا عندي امتحانات، فكانت إهي اللي ف فالعيال في جو عائلي يعني تربوا فيه مو لحالهم ما مع الشغالة غير لما أكون آنا موجودة بروح أي فعالية فنية معاي اهما، لازم آنا واللل اا ال البطة وراي بطوطي معاي الوزة معاي، ف [صوت قداحة] فهذي طلعت من الكويت، تبي تروح مصر بقه، بلدها وماخذة عيالها وماخذة شي جذي زوجها بالكويت.

هذا خلال الغزو؟

إي إي أحنا الحين بالسعودية، فيت جذي ف كان أذكر من الأشياء اللي يعني كان في هذيل ملوت الأمر بالمعروف يعني آنا وزوجي نمشي اا بالسوق لأ غطي وجهج يا مرا، مثلا، فأهوا يقول إن آنا زوجها آنا آنا راضي عرفت؟ أيضا صارت حركة وايد مهمة وايد مهمة، حق القيادة للمرأة السعودية، فكان لأن مو الكويتيات اللي قدروا ينح- ينحاشون شالوا عيالهم يوا، هذي مال المرا الكويتية هاي دايما حية تلبط ماشالله ف طلعت بسيارتها ويت السعودية ما انت ما عندك إلا هالحدود هاي اللي تطلع فيها فكانت نموذج رائع ال الأم اللي حمت أسرتها وقدرت تقود كل هالطريج البر وتطلع توصل الرياض أو توصل فصار في مطالبات هناك في بيانات إن حق القيادة حق المرأة السعودية وأساتذة جامعات وو اا وو بنات فكر وهذيل و، طب-

بس عفوا يعني اا وقت الغزو كان في نماذج من نساء أهما ساقوا السيارة وعبروا الحدود بالسيارة-؟

كويتيات طبعا، ط-

أوكي-

أهما كان لازم يسمح لهم وين يروحون؟ فكان في مرونة في إن اهما يتركون لهم يروحون ب تحجبي و م وو شيلي العيال ويالله، فكان إيه يسمح لها هاي الممر الوحيد اللي آمن ال اا في ال في الكويت في السعودية، ف هذه المطالبات ووجهت بقسوة غير عادية من الث- ال ربع جهيمان، في إن اهما نُشرت كل الأسماء وأسماء أزواجهم على أساس إن هما ناس مو زينين أخلاقيا، وإن اهمااا اا يدعون إلى bla bla bla يعني مابي أقول هالكلام لأن لا يليق حتى إنك تقول عنهم اام روائيات شاعرات أساتذة جامعة يعني فأسهل شي إنك انت تقول هذيل يؤدون إلى- يبون يح- يخلون المجتمع ينحرف، ف اا فكشت الحركة، ماكو دعم حكومي أيضا فكشت الحركة، بينما وجود سائق مع طفلتي أم عشر سنين أو ثلثتعشر سنة سائق أجنبي يوديها المدرسة أو إيي قد لا يكون فيه شبهة اعتداء مثلا في وسط مجتمع مكبوت، أو الست هذي الصحية القادرة فوق إنك انت تصرف معاش حقها، تسوي له إقامة، مع متطلبات المعيشة الأخرى آنا زوجي أو بنتي قع يركبون مع واحد أجنبي الأفضل يركبون مع- هاي منطقهم أهما البنات اللي كانوا أصحاب البيان، وكان انتكاسة كبيرة يعني والأزواج الرائعين اللي أصدروا بيانات وبالآباء أيضا اللي أصدروا بيانات في دعم بناتهم في هذه الحركة.

فاللي قعد أفهمه منج إن يعني هذي الحركة صارت خلال فترة الغزو-

مم.

اا بسبة اا نماذج ال نساء الكويتيات اللي كانوا-

مم، مم.

يعبرون الحدود بسياييرهم-

مم مم، أيضا، بس هذا شي ألطف أخف، أن يظل الحجاب موجود بس لأن- وكلام علمي هذا على فكرة، يظل الحجاب موجود بس إن يصير أبيض أو بيج لأن الشمس تمتص الأسود يمتص شمس أكثر، الشمس حارة طول الوقت يعني م مثلنا هني صحرا احنا كلنا، فهي اا جذي- وأيضا سووا لهم هذيل اا مشاكل بس كانت الأكبر اللي سش- تشكل استقلالية حركة للمرأة في إدارة شؤون بيتها وتروح شغلها وتروح كل مكان كانت قيادة السيارات.

مم، طيب يما بخصوص مكوثكم في المملكة العربية السعودية اا هل إهيا كانت يعني اا اا أغلب فترة الغزو انتو كنتوا قاعدين بالرياض ولا هذي فترة قصيرة كانت اللي قعدتوا في الرياض-؟

لأ أهلي طلعوا بعدين اا رحت شفت اا عمتي واختي رحت شفتهم في البحرين، كانوا طالعين through إيران بحرين بعدين راحوا الإمارات فتطمنت إن العائلة يعني كلها طلعت.

إي اا انتي شلون كنتي تتواصلين مع أهلج اللي موجودين بالكويت؟

ماكو، ووو م ما تعرف أمك يعني موجودة أو لأ، و أبوك موجود ولا لأ خواتك إخوانك شصار فيهم ماكو أي اتصال، ويوميا قبل الموبايلات، أروح ال البريد عشان أسوي اتصال ماكو شي، الإشاعات وايد إن عن طريق جذي ودقي على جذي وجذي كله نصب ما كان يطلع فيه أي شي فتنتظر أخبار من الناس اللي ياية، كل مالها أحدث تيي ناس بالعمارة اللي نسكنها بعدين سكنا في عمارة بروحنا، ف ااا وأيضا عطتناا إياهم السعودية حتى ترتيب أحوالنا وو الكويت مشت الرواتب فصار بإمكانك إن تدفع إيجارات وكثير من العمارات ما خذوا إيجارات، أو خذوا ربع أو نص أو شي جذي السعوديين ذيل، عرفت؟ ف اا فشفت أهلي ومن أهلي عرفت إن اا الأمور طيبة يعني ماشيين وصاروا مستقرين في الإمارات اا، فيعني هذي جذي قعدت تقريبا بالسعودية تقريبا ثمانية، يعني قول منتصف ثمانية آخر ثمانية وبعدينن، إي علىى سبتمبر وهذيل بعد يعني يوم يت مرت حماي ف قررت إني أروح علىى القاهرة معاها، آخذ عيالي وأروح ويظل زوجي موجود بالسفارة اا الكويتية، وو وهذا اللي حصل.

فإنتي أغلب اا فترة الغزو كنتي قاعدة في القاهرة؟

إي بعدين إي- خل أقول لك شي طريف، اا لأن مالوت الأمر بالمعروف وايد كانت يعني قويين في هالموضوع فآنا كلمت لازم أستأذن رئيس التحرير آنا بسافر القاهرة فكيف سيكون التعامل معاكم ككاتبة مقال أكتب، يومي، ف اا فقال ت اا تعالي المكتب، حاضر، وإحنا طبعا احنا تدري شكثر م ما عندنا يعني اا أثاريهم اهنا أقسام النساء لحالهم وهما كلهم في نفس الجريدة يطلعون أقسام الرجال لحالهم ف اااا فيصير شبه مديرة التحرير تتواصل مع المدير التحرير الأكبر عشان تعطيه المواد مالوت المحررات ملوتهم، وكاتبات المقال وهذيل كل أبوهم، والكاتبات المقال ما يحتاجون إن هما يداومون، يرسلون بالفاكس فقال لي تعالي أشوفج فيي الم- شوف مرونة أبو جاسم ها؟ جان يقول أوكي أجي يناسبك اا آنا أعرف مواعيد طباعة الجريدة وهناك عندهم أهما مواد الجريدة كلها لازم تروح حق وزارة الإعلام، تاخذ أوكي وبعدين تُنشر فتتأخر، قلت له يناسبك أيي ثمان ونص تسع؟ تكون راحت المقالات وراحت المواد كلها و أخذت الجواب وو، فريلاكس أو تنتظر جواب فريلاكس يعني، اا كل واحد بعدين يبي يسوي شغله، في اا ب- للطباعة ولل إخراج و مطبعة فيما بعد، جان يقول لي اا، نعم يما الساعة جم بتيين؟ قلت له يعني ثمان ونص تسع، جان يقول لي، وال- وانا رئيس تحرير؟ قلت له إي يعني آنا بيي أقابلك، جان يقول إي ورئيس التحرير وصالة التحرير ب- مليانة رجال، قلت له آنا شعلي منهم؟ آنا ياية على طول على م [incomp] جان يقول تبين ملوت الأمر بالمعروف اللي الإعلان المبوب الصغير يحطونه تحت مكبرة عشان يشوفون خلفية الإعلان شنو أكو ورا؟ أكو شعر؟ أكو امرأة؟ أكو أي دلالة ضد تزمتهم؟ عشان يقومون- يق- يقومون القيامة- أولا؟ جذي ناس فارغة يعني لهالدرجة؟ يعني تييني الساعة ثنعش بالليل، ت انتي ثنعش بالليل آنا رايحة ديسكو شنو؟ [تضحك] ف، أطرش لج السايق احدعش ونص على ما إييب لج م اا الجريدة، قلت لبو جاسم فيقول لي ث- ثنعش بالليل؟ إحنا نايمين عشر ونص، قلت له ما عليه خنروح هاي رئيس التحرير هذا- إنسان جدا محترم على فكرة، وله علاقة بالل أسرة الحكم، نسب، ف اا وعقلية جدا متطورة أمانة متطورة وفوق مستوى آنذاك ال اا الجريدة إنسان تنويري- أقول لك السعودية فيها اها ثريات ما بقول لك لمبة يعني ثريات شموس فيها السعودية، لو تُتاح لهم فرصة- في كل المجالات في الاقتصاد في الاجتماع في السياسة في الفكر في الإبداع في الرواية في السينما في وايد اا، المهم إنشالله يعني تُتاح لهم الحين فرصة مع اا ولي العهد إنما، ياخذون فرصهم وهذا حقهم، ف، وي- ويوصلون لجائزة البوكر العربية، فالمهم قال اا إثنعش والمرا في شديدة الاستغراب إني آنا بروح الساعة اثنعش ب- بعد منتصف الليل طالعة وهناك الحياة الليلية وايد نشطة، لأن بالنهار يكون ناس يعني يا بالدوامات أو في انشغالات البيوت أو هذيل ف بالليل المسيان من سبع ليييه ال ثنعش وحدة زيارات تصير، ما عندهم ديوانيات طبعا ها؟ بس عندهم اا التجمعات النسائية في البيوت تصير، فالمهم، عفوا رحت حق اا ياني السايق والله ورحت، ولابسة عباية وشيلة، أم جسوم دربي دربي رايحة حق رئيس التحرير، أول ما ييت ودخلت تارك اسمي عالرسبشن يا را- واحد رافقني إلى غرفة رئيس التحرير، الصالات هو، جنها مدينة أشباح ماكو أي أحد، بس السكيوريتي اللي تحت يى وداني على جذي، فوانا داخلة باب مصكر، الريال يعني عند الباب ومشى الباب مصكر وانا داخلة من الأدب إنك انت ترجع الباب كما كان تصكره، جان يقول لا لا لا، خلي الباب مفتوح، والمكتب طويل، قلت له ليش عاد؟ جان يقول لأن في أي لحظة ممكن إيون ملوت الأمر بالمعروف، وإن آنا وياج قاعدين والشيطان ثالث- أعوذ بالله شالفكر؟ ش ش، يعني، مرض بصراحة، كل أثنين قاعدين مع بعض ريال بقامته وقيمته و اا جدو و آنا ب قامتي وقيمتي ومو متزوجة ولا- ليه أفكر اا بيكون الشيطان ثالثنا؟ خلينا الباب مفتوح، فعاد قعد يكلمني عن آلية التعامل هناك ومكتب القاهرة و وو تروحين تمرين مناك وهناك في وحدة اسمها سهير جود الحين مقدمة برامج تقدم على اا سي بي سي في مصر، ووو وتبعثين المقالة مالتج، أوكي بالسلامة وما سلامة، في مستحقاتج المالية اهناك فتحي حساب يعني أشياء آلية جذي قال لي ياها عشان تاخذينها، وتركناهم وهو ينزل مرة وحدة ينزل أو كل أسبوعين ينزل مصر ياخذ يلم كتب الدنيا، وينزلهم، ومحصن اهوا ف قارئ بشكل غير عادي، ف انروح علىى- بس اهو لا يملك إن اهوا يطور جريدة الرياض وال وجهيمان مسيطر يعني أو فكر جهيمان كان مسيطر، وكانت اهي الجريدة الأولى، ف ااا شعبيا فكان في شاسمه، ورحت القاهرة، وكانت أيام أول ما نزلنا نزلنا فيي في فندق حتى مرت حماي يعني ت- كانت إهي أولريدي يعني سابقتني وتنظيف البيت وترتيب حياتنا و و وغرفة لي وللأولاد وهذيل، فقعدنا بالأوتيل ب في هالفترة هذي، [incomp] أموت في مصر على فكرة، أموت فيها، من جذور أم سيد إلى الأفلام إلى الكتب إلى صباح الخير المصرية إلى كل هذيل، ف اا، أيضا، تقدمت إلى السفارة الكويتية وكان في لجنة إعلامية موجودة، وو وتقدمت على أساس يعني يمكن ستعش وحدة، فإني آنا أقعد كتبت اسمي رقم تيلفوني إني آنا مستعدة للتعاونن معاكم في أي شي وفي أي وقت في ما عندي أي اا أي مشكلة، و اا ساعتين و على ما خلصوا اجتماعهم وسووا جذي محد التقى فيني ولا أحد لقاني ويه ولا أحد اتصل فيني في الموضوع، وانا الصحفية ال الوحيدة بينهم العاملة الليي اللي يوميا اللي موجودة على الأرض كنت في في جريدتي، فما اتصلوا فيني عاد بال سجلت في جامعة عين شمس ماجستير.

اا قصد- لما قلتي إن انتي كنتي موجودة على الأرض قصدج كنتي تعملين-

التحقيقات-

في مصر؟

لا في الكويت-

آه أوكي-

يعني ب- الباكغراوند مالي وايد اا في في مجتمعي في تعرف كل شي فيه فإنت شغيل فإنت محاور انت تسوي مقابلات تسو- فعندك انت الأشياء اللي ممكن يعني تغطيات كنت أسوي ف يعني اا ما قبل أدخل مرحلة النقد وأتخصص اا ذاك كنت وايد أشتغل مت- مختلف الأشياء اللي آنا أسويها، فعندك وايد أشياء اا تسويها- نقابية، فالأسئلة تطلع ل اا جذي جنه مم قبابي تنط يعني عليك في ال- فضول الدائم في إنك انت تعرف معلومات أكثر فما ما احتاجوني.

اا فإنتي سجلتي في جامعة عين شمس حق الماجستير هذا هم وقت الغزو يعني.

إي إي-

قبل التحرير-

مم مم.

اا شنو كان التخصص مال الماجستير؟

آنا كان عندي مشروع أنن ال اام أن، أهو عن عبدالحسين عبدالرضا عن كوميديا الإفّيه عنده، وهاي وايد مهمة كوميديا الإفيه عنده لأن وايد في أشياء كانت فيها خارجة، أهوا كلها ارتجال أو كانت موجودة ضمن إطار النص ك مهينة للآخر كانت، كانت والله مشروع وايد اا حلو الماستر، ف ااا س- يبون شهادتك البكالوريوس ب بالكويت، راح بو جاسم وهو عسكري ها؟ راح الكويت دخل الكويت ياب شهادتي.

خلال الغزو.

خلال الغزو، وياب لي الشهادة، فبحيث وتوثقت من السفارة ومن كل شي ما عندك وزارة تربية ما عندك أي شي جذي، توثقت من السفارة الكويتية، وحتى ترشيح السفارة يسوون ترشيح يعني إن إهيا اا كويتية وهاي شهادتها مت- مترافقة عندي الورقة لحد الآن حق جامعة عين شمس وقبولها فيي اا اهناك ماكو في في الجامعة آنا كان لازم مثلا إحنا معهد الفنون المسرحية يتبع أو اللي أسسوه اللي أسس معهد الفنون المسرحية في مصر فإحنا البيبي مالهم، إهناك فكرت بعدين في المستقبل اهناك لازم إذا بتسوي ماجستير دايركت يُفترض إنك انت تقعد مباشرةً إهناك، تداوم عرفت؟ وانا ما يناسبني هذا ل ل ال عندي أطفال وعندي اا قد تتحرر الكويت وأرجع الكويت ف يهمني تأسيس المدارس الصغيرة اللي عندي بالبيت، عرفت؟ وانا يعني يايبتهم بسبق إصرار وترصد في إني أخلق شي مختلف، شنهو ما أدري، بس يعني التأسيس بإنك انت تخلق أحرار جذي، وت- والأي شي انت تعيشه من روايات من قصص من فعاليات بالحياة يعيشونها معاك وبعدين كل واحد يختار طريجه، ولن أعترض على شي، فما قدرت أدخل في معهد الفنون المسرحية، فقالوا لي اا إهني في دبلوم دراسات عليا أول شي في اا تدرس في م اا شاسمه في عين شمس، وفيك تروح وتيي بعدين أوكي؟ بعدين تسوي الماجستير على أن تكون انت مقدم فكرة ال المسرح مالك يعني ال بروجيكت مالك تكون انت مقدمه، فواللهِ تم اختيار كل شي ويى معاي بو جاسم والتقى في الأستاذ اللي بيكون مشرف على الرسالة وهذيل اا كلهم اشتغلت اا أو حضرت الفعاليات اللي كانت تسويها السفارة الكويتية واللل، حفل عبدالله الرويشد مثلا وو حفل أيضا في م- في ملعب اا شاسمه- على فكرة آنا كنت أشرّك بنتي مع أطفال صغار أيامم االغزو ااا أشرّكها فييي عمرها أربع سنين خمس سنين ست سنين أشرّكها مع الأطفال في إن اهما بعدهم ما يعرفون جذي بس إن اهما يعني أطفال كويتيين من اللي موجودين كانوا بأمريكا ف اا الصحافة تيي تصور اعتراض الأطفال على، الأشياء- شي أكبر من سنهم اا مُفتعل بس حركة شكلية حلوة لطيفة يعني، فواحد طاح تصوير في بنتي على ساس إن اهيا تشبه بنته، كان أسمر مثلها.

[المحميد يضحك] اا طيب تذكرين شلون كنتوا تتابعون أخبار اا الكويت؟ يعني مثلا على وسائل الإعلام؟

أولا الشفاهي اللي يجيك، ااا، يعني من الأشياء اللي مم ما أعرف سوتهم السفارة أو لأ كان لازم يكون في نشرة تتوزع على كل الكويتيين وكثار موجودين في القاهرة تتوزع على الكويتيين، عشان نعرف أخبار البلد نكون موصولين بالبلد، من خلال الب- ال ال اا بي بي سي من خلال مونتي كارلو من خلال السي إن إن من خلال إذاعات العربية، أيضا المتحفظة حسب مواقفها يعني، بس أكثر شي الإذاعات ال أجنبية كنا.

تذكرين متابعتج لحرب [صوت قداحة] التحرير؟

مم، إي، عاد أقول لك شي مهم، ما تصر- ما تصدق يعني، أم الفنون أيامها، ف- هي زاخرة وايد ب، رحت صباح الخير، وف، رحت الأهرام وعرفت السيستم العمل مالهم، بصحف- بصفتها صفحة مجلة اا أو جريدة قومية فعدد الموظفين فيها غير عادي خمس تالاف، بين محررين بين هذيل، وإذا الخبر ما ينزل بسهولة، يعني انت اليوم خريج إعلام وكل شي تروح تبذل جهد عشان تسوي شي جذي ما ينزل اسمك، تحفيز حتى بعديين يطلع اسمك في ال اا موضو- بس الرواتب ماشية فيصير في [incomp] في العطاء في ال، وقابلت يعنيي اا ش- شفت إدارة العمل وصباح الخير رحت المبنى القديم رحت المبنى الجديد، وو شفت المجلدات اللي كنت هني أقراها فيي تي في مجمع الفنون التشكيلية فيي في الزمالك، أطياف من المدارس الفنية اللي تعرض ال فنون، بالسفارة ما يبوني يعني أو ما أحد يبي يستعين فيني بال، رُفضت خدماتي ف اا رحت لل تفاصيل ال ال الآثار والأهرامات والهذيل مكتبات طبعا عظيمة و أيضا صناع الفخار وهما فنانين عظام وكبار، وأيضا الأوبرا واللل، والحسين وح- ومرة وصادف إن في رمضان في فعاليات تينن سووها، رحت الأقصر رحت أسوان مع نقابة الصحفيين المصريين، كان في شي ملاحظة وايد مهمة تقولها، لما تقعد انت مع فنانين، مثقفين خنقول من كل الأطياف المصريين منقسمين على، على نفسهم على آراءهم فيما يتعلق بموقفهم من الغزو، وايد منهم كانوا بيطلعون بيان يأيدون فيه الغزو حلما بتحقيق ال، وحدة العربية، قوميين ذيل، ودول الخليج دي حاجات ما لهاش لزمة، أصلا كلها نفط بوظت الدنيا، حاجات مثل هالأفكار اليوتيوبية يعني ني، كلام كان قاله خالد الشيخ أيضا كان عنده موقف، وحدوي قومي يساري عربي من، ف كان فإنت تتعجب من أحد يفكر بدعم قوة غازية بدون إرادة شعبه سيبك من الحكام سيبك من السياسة، هذا طاغية ولا مو طاغية؟ وهذا أصلا شمسوي في بلده، في كل بيت عراقي في إعدام في أحد، الطفل الأب يخاف يتكلم جدام طفله لا لا أحسن يروح يقول بالمدرسة ببراءة وينشنق الأب، يعني طبيعة نظام البعث مو عارفينه؟ شفت انت الفكر اللي م ت يعني تيي فيها الجهالة علىى اام مم يعني آنا عيب أقول حقد بس أهو حقد على دول الخليج، عرفت؟ دول الخليج ومنهم الكويت خل أقول لك إهيا إهيا الكويت بس، اللي صدّرت عالم المعرفة صدّرت مجلة العربي وبثمنٍ بخس وعالم الفكر و وزعتها على كل الدول العربية وأثرت حتى أمس في اا بي بي سي قبل لا تُغلق قع يتكلمون عن أثر مجلة العربي عليهم، قيمة ما فيها وعالم الفكر وعالم- والمجلة ال اا والإصدارات المسرحية مثلا لمترجمين اا يعني اا لكبار أعمال ال اا المسرحيين في العالم، هذا كلو كخه؟ ما كا- هذا مو دور تنويري؟ مو هاي القوة الناعمة ال اللي توصّل بيننا وبينكم؟ وهاي مو فلوس حكومة الكويت الخصصت جزء من ميزانيتها وبما فيها من العاملين من الناس اللي فيها كانوا عرب وكويتيين ها؟ إن شاركوا هذيل كله هاي مو بالعين عندكم؟ ما يتشوفون، وهذا النهج المتطرف أهوا سريع الانقلاب مع الأسف يروح مع أي موجة انفعالية بدون تروي بدون تفكير، بس أكو نموذج آخر يفكر نفس تفكير الإنسان السوي، واحد طاغية جاي غصبن عن إرادة الشعب، ويعطي مثل ترضون السودان تغل- اا ت اا تغزونا انتو كن فرحانين لما كانت مصر والسودان هل كانت بإرادة الشعب السوداني؟ ليش فشلت الوحدة مع سوريا؟ لأن مصر طغت علىىى السوريا فيعطوا أمثلة على هالأشياء هذي، شي بدون استفتاء شعبي وإرادة شعبية أو استعانة من قوة وفئة من الشعب ب نظام البعث لا يجوز دعمه فكانوا رافضين للبيان، وفشل البيان ما عرفوا يعني عدد قليل اللي وقعوا عليه، ف، فطبعا انت تقعد بس في حالة تأمل لأنك أول مرة تحتك بناس قرأت لهم وشفتهم و و أو سمعت عنهم أو مم، تفكر في مواقفهم عرفت؟ ف م، فيظل مع إن اهما ما كانوا يعني كانت مصر تدعم الكويت، ما تقول إن يعني مثلا اللي انظلم منو اليمنيين مثلا، انزين؟ تونس كشعب آنا أكلمك كشعوب، بس إي انظلموا وايد في مواقف حكوماتهم ضد رؤساءهم ضد اا ذي، الأردن، فكانت العمالة ال ال الفلسطينية اللي مو- مثل الحين المصرية، بس كانت وايد أكثر كفاءة، اللي موجودة من السبعينات والثمانينات بالإعلام بالصحافة بكل شي بالبنوك، وطنهم شغلهم، فآنا أبذل كل جهدي وكل ما أملك- ويدرسون يحرصون على الدراسة يعني بأعلى مستوى في إن يكون شغلهم أهما ال، ظلمهم عرفات لما وقف مع علي عبدالله صالح و، فيعني الشعوب تروح بالرجلين- لا احنا اخترناهم هالرؤساء أو لا همّا اختاروهم ومع هذا يقررون مصيرك ويأثرون عليك بعد، وهاي انتكاسات اللي قع تصير، وبتصير إلى ما تدري متى.

طيب بخصوص الفنانين المصريين اللي قلتي كانوا منقسمين فريقين اا تذكرين أسماء معينة يعني في كلا الفريقين؟

مم، يع- أحمد فؤاد نجم ضد، ضد ال اا الغزو، ااام، الشاعر اام اللي م كتب القصيدة اللي غناها، قول هذا عشان كان شريك يعني فيي الأبنودي مثلا ضد، اا... رغدة مع، ما استفادت بعدين من صدام، محمد صبحي مع وهو الذي يدعو إلى الحريات وإلى مادري شنو في أعماله وو مع، اللل، آخرين فنانين اا تشكيليين كان لهم دايما موطئ قدم في الكويت مثل الل واحد اسمه جميل، واحد اسمه بهيج، هذيل احتكوا وايد ب بكويتيين ومثقفين وإيون فترة شهرين ثلاث يشتغلون هني وو بعدين يسافرون، هذيل كانوا في تقريبا يعني هاي اللي آنااا أذكر منهم، بس إهي القامات الكبيرة يعني مثل اللي عانى في حياته كأحمد فؤاد نجم مثلا الشاعر، اال اا اا ضد أي شكل من أشكال التبعية لأحد، ف اا يعني م، كانت اا اام محمد فاضل المخرج مثلا، يؤيد- كما خالد الشيخ كان يؤيد، ال ااا، يعني ب.

هذا موقف خالد الشيخ كان موقف معلن؟

ونُشر في الجريدة أيامها وكان معاي لحظة اتصالي فيه لما قال هو يؤيد الت- التوباوية الل السياسية هذي العبثية تؤدي مادري وين، إن اهوا اا يعني يتمنى أن يكون- طبعا ك- محد ينظر على تاريخ صدام ها؟ ما يشوف هو شقاع يسوي بشعبه هناك ما قع يتابع أخبار آلام كم الملايين اللي هناك، بس الفكرة ال المثالية اللي في مخهم بحسب القوميين، ف، معاي يوسف الرفاعي والاتصال صار من مكتبه ومعانا منى الشمري اللي اهيا الحين تكتب دراما كانت صحفية، فقال آنا سميت يبت بنت هاليومين وسميتها سماوة، والحين إعلامية أعتقد أو شاعرة أو شي جذي تكتب في، حقك سم بنتك ما انت تسميه، بس هو كان يؤيد هاي- أهوا نفى فيما بعد أو عمل بس مُنع من الكويت هني في فترة طويلة لأن اللقاء نُشر، ولقاء يوسف الرفاعي مسجله ونُشر في الجريدة، بعدين عاد.

طيب تذكرين اا شلون تس- اا وين كنتي يوم سمعتي خبر التحرير؟

07:39:56 - فترة التحرير والعودة للكويت والعمل الصحافي

Play segment

Partial Transcript: مم، اا كنت في أتيليه القاهرة- الله وهو مكان قدييم اللي هو في نفس الشارع فيي الشامبليون فييه مكتب يوسف شاهين المخرج، وكان أثري قديم جميل القاهرة بكل معالمها شارع الشامبليون أتيليه القاهرة هني بعد أيضا مبنى قديم، أتيليه هو م- يعني مكان عرض ل اا لوحات الفنانين وهذيل، ف اا، هو في تدري في إشارات تبين وقلت لك اذ- مم اا اا السفارة غير موصولة وبو جاسم إيي بعدين طلعنا احنا في بيت اا ثاني، لأني اا حملت بعلي [تسعل] وكان وايد حمال صعب على كبر يعني، ف كنت ااا، يعني جم أوائل الأربعين؟ تسعة وثلاثين؟ على علي؟ فصعب ف اا المود وايد يصير عكر، ف رحنا فيي بيت بروحنا في الدُّقي أنا وعيالي وبو جاسم يجينا في ال- دُقي جنب اا السفارة الكويتية بعد، ف ااال، في الإشارات اللي تاخذها انت من المحطات الإذاعة إن ال ي، إلى أن صار ان- انطلاق الل اا ال التحرير يعني صار لنا ست أشهر في مصر، طبعا دخان مو طبيعي بالكويت، وانا مرا هيلثية أبي الياهل يعني يطلع اا سليم عشان الكويت بعدين [تضحك] مثلا، أوكي؟ ف اا كانت بشائر الفرحة وتبريكات الناس بالشارع، ولبعضهم اهم ما يعرفون إن انت كويتي أصلا، يعني-

في مصر.

في مصر، الشارع المصري.

كانوا الناس يباركون حق بعض بتحرير الكويت-؟

إي حصل اا [incomp] حصل في ما أعرف إيش إديلو على دماغو ده ماعرف أي يعني في كان وايد في اام، بهجة جذي علىى ذي وخصوصا إعلان مصر إن اهيا راح تشارك فطبعا اهما دعمهم للجيش غير محدود اا ف وايد كان في بهجة غير عادية في هالموضوع.

تذكرين شعورج انتي يومها؟

إي طبعا، لا ما تحس إن انت ككيان بشري محدود إن قفصك الصدري قادر إن أهوا يشيل نبضات قلبك دُق دُق دُق دُق دُق دُق عرفت شلون؟ وبعدين انت تشوف عيالك بفرح يعني إن الله صار عندك وطن صار عندك هوية صار عندك بلد صار عندك في هالأشيا هذي المهم الأمور كلها سليمة واللل و مؤتمر جدة وايد عطانا أمل كبير ب وطن مستنير راح يكمل للي كان في الثمانينات وما قبله بالسبعينات والستينيات من بداية الكويت ل هذي، راح نقوم قومة يعني ما مم اا ما صارت، فطبعا الأمل الكبير الضخم والأحلام وو وإن انت تبي تروح بس شنو وضع الصحافة الحين؟ كل اللي يشتغلون معانا مو كويتيين ماكو عرب منو قع يشتغل؟ شنو أكو؟ ف اا، رجعنا الكويت كانت الكويت حاطة طبعا آنا ما شفت آنا بلد بالتاريخ [تضحك] تسوي كما تسوي الكويت، غزو وتمشي لك معاشات، شهريا، وللزوج وللزوجة لحال ها؟ وتسكن الناس بفنادق خمس نجوم ببلاش مع وجباتهم مع ذيلهم، وبعدين طيارات مجانية عشان ترجع الكويت، آخر طيارة ركبتها آنا.

ك- اا متى كانت أي تاريخ؟

كانت فيي، ست أشهر تقريبا تحررنا ب فبراير فبراير مارتش إبريل ماي جون جولاي إي، جولاي تقريبا، بآخر جولاي، آخر سبعة.

يعني تقريبا خمس شهور بعد التحرير انتي رجعتي الكويت-؟

مم مم، فرجعت كان في آثار عاد دخان يا حرام كانوا باذلين جهود وايد ااا فيهم الكويتيين وبمشاركة الأجانب وو البطلة سارة أكبر يعني طبعا أكو وايد ناس غيرها بعد هم اشتغلوا بس إهي اللي كانت الأبرز بالصحافة، بس انت لما تعطي شغلك حق اعيال بلدك عشان تعرف وهذي راح ينطبق الحين أقول لك على لما ييت علىى الصحافة، يا بابا يينا على الجرايد، كلنا مطلوبين عشان تستمر عجلة الصحافة، وهي غلطة تكررها أيضا إدارات الصحف لحد الآن وبتظل طول عمرها جذي أعتقد [صوت قداحة] ولا أكو أحد، كل العرب طلعوا وهذا حقهم، الفلسطينيين راحوا عمّان، ال اا السوريين مشوا اللبنانيين مشوا ص- كل واحد رجعوا طبيعي يعني في غزو أق- اا يقعد عشان إيه يعني، فكان اا تروح انت وصخ المكاان يعني ست أشهر احتلال، وصورنا وأشياءنا وانا أذكر حاطة صوري وايد وعيالي ونباتات وأوراق وهاي مم، بيدنا والله يا عزيز نييب أدوات التنظيف من م ولا أكو عمالة آسيوية تيي تنظف ولا تعمل، بيدنا بس شكثر لحظات سعيدة، المكان اللي انت حبيته واللي قضيت عمرك فيه كله جذي تيي تفرك ال ال القاع بسيم، وماي وصابون وتغسّل، وبعدين تمسحه، تكت ماي وتقعد تمسحه، كانوا موصلين الماي توهم ف اا تنظف المكاتب تنظف الأشياء تعد حياتك الحين آنا طول حياتي لحد اليوم آنا محررة، ومحررة طائرة ولا أحد يحكمني يعني إن آنا أييب المادة خلاص أهما وثقوا إن آنا أييب مادة مميزة فبالتالي انت ما عندك أحد يقول لك أوردر أو مو أورد- إلا قليلا، مم، ف، ما إيي رئيس القسم اللي أهو كان رئيس قسمنا الأستاذ الله يرحمه محمد الأسعد توفى من سنة وشوية، كان أديب ف اا، ليلى مسكي القسم شوية، طبعا آنا ي يبت اا من قبل أصلا آنا من الثمانينات لأني آنا خريجة فنون وأشتغل في فنون شغلت معاي ااا قاسم دشتي دفعتي وخريج فنون ومهتم بالفنون التشكيلية مهت- اا نقد يعني أهوا مثلي مهتم بالفنون التشكيلية فخصصته حق كل الأوردرات اللي ف- فعنده قراءة مختلفة للوحات والأعمال والمنحوتات، وبالتالي أهوا يغطي أي فعالية حول هذا الموضوع، يبت حسن علي علي الله يرحمك يا حسن وكان خريج تمثيل أيضا وإخراج وأيضا موجود في مجاله اللي اهوا الدراما وال مسرح، فكان عندي أصحاب تح- وقبلها طبعا في البداية الثمانينات أيضا اا عملت على إن اا فهد عافت وهو متخصص بالشعر إنسان جميل ف- اا فهد، وأيضا ااا، مابي أسمى اسمك يا ربي ويهه جدامي بس اسمك مابي أنساه، اامم اا ك- كان مهتم بالتراث وايد، والتراث الخليجي تحديدا، إبراهيم الخالدي، شفت انت الروافد اللي حطيتهم نتيجة لإني آنا فاهمة شنو اللي أحتاجه أصلا في صفحتي وأسويه.

وهذا في جريدة الوطن.

وطن، وأيضا آنا بجريدة الوطن عطوني أيضا أعمال أخرى، عطوني إصدار مجلة أسبوعية اسمها فنون، فكل فريقي هذا يشتغل معاي ب بفنون وقالوا لي تركي اليومي، آنا كنت ش- مشهورة جدا في زوايا تنكتب بمية وأربعين حرف كأنها تغريدة الحين تنكتب ب هاي ب ب هاي بالتسعينات صارت أقوى آخر الثمانينات كنت حق التسعينات آنا أكلمك إي، ف كنت أكتب لسعة بتوقيع النحلة نقطة عسل حق اللي يسوي شي زين.

[المحميد يضحك].

أيضا بتوقيع النحلة وسرك في بير وكان محمد الأسعد يكتب شعر اا حلمنتيشي مثل ما يقولون، ف أقوى صفحة فنية كانت في ال جريدة إتيي على يينا ولا إحنا اللي موجودين اللي ننظف ونعدل، اا حسن لبناني ما راح ظل موجود بيموت يموت عالكويت، حبيبي، الله يرحمه، ااا و وقاسم دشتي ظل معانا ويعني م يعني ب، العمالة اللي موجودة عندنا بالبيت موجودة تيي تنظف معانا حتى لمعت أمورنا ونظفت جان إيون يقولون لي الإدارة [صوت قداحة] جاسم المطوع، عاد الحين يى دورج الحين، علىى خدمة الوطن قلت له شوف أقول لك شي إهي الشعارات هذي مو مالتي آنا، نبيج رئيسة قسم، ب- مؤقت مؤقت حتى يرجعون، العرب، قلت له ماعرف أقعد آنا يعني يعني تصور إنك انت تقعد تعطي أوردرات ينفذونها الشباب اتسوي ريرايتر ديسك عشان ب- تشوفه أهوا فهم أو ما فهم أو مادري شنو أكثر كانوا يفهمون شنو أبي، وبعدين تيي انت تود- اا تروح عاد على الل اا لن على الديسك تروح على مصحح اللغة تروح على بعدين الل اا الصف اللي هو يعنيي يطبعهم كان الكتابة بعدها بالإيد، وبعدين تروح تاخذهم توديهم عالإخراج ويقيسهم ويسوي جذي إلى أن تطبع إلى أن تييلك إي فور صفحة وتشوف عاد الإخراج يعني عاجبك الشكل عاجبك ميشنو بتكبر صورة بتعدل ولا تغير عنوان finally يعني تحط توقيعك بعدين تروح حق رئيس التحرير أو مدير التحرير، دورة إنتاج تمشي جذي وكلها متواصلة ما ممكن تترك مكتبك انت، ت ما ما يلوق لي، يعني آنا وايد حركة، أبي أروح مسرح أبي أروح اا جذي مابي أقطع علاقتي بالجو، مو بالعلاقة الفنية مع فنانين ما عندي، بس ما أبي أقطع علاقتي بالج- بالجو الفني يعني أبي أكون آنا مسؤولة صفحة، يطلع واحد يديد ماعرفه إلا من خلال الزملاء اللي كاتبين؟ لازم أروح أشوفه شلون يأدي شلون يسوي شنهوو منتجه شنو عقليته، عرفت؟ فقلت له جان يقول لي مؤقت آنا قلت لج مؤقت، between brackets يعني ما راح تستمرين في هالموضوع هذا، طب عندنا عيال إي أحنا خالصين الحين دراسة ووو زادوا راتبي بعد التخرج الوطن، وو ومن نفسهم أمانة يعني بدون ما أطلب، والعادة تشوف طلبات هالكثر لإخوانا الوافدين على طلبات الزيادة ولا مرة سويتها، ما كان عندي علم فيها يعني يُفترض اهما يحسون ما حسوا كيفهم أهما عاد بعدينن بعد الت- لما أخذت الشهادة ف اا فرحانين فيني فرح ما تتخيل يعني لأن انت قعد تسوي السيستم اللي حطه محمد مساعد الصالح اللي يبي اختصاصيين في في مجالاتهم على الصفحات هذي.

انتي تقصدين الزيادة صارت بعد ما أخذتي الماجستير؟

لا بعدني.

آه.

ما سويت الماجستير بعدين، تمت-

آه يعني اا-

حملت ومادري شنو صار-

إي أوكي-

بعدين-

هذا اللي في جامعة عين شمس يعني ما ما كملتي-

لا ما كملتها لأ-

إي.

مم، ف، عقب الحين انت تبي تسوي كانت زمان اللسعة ما لسعة منتثرة آنا أثر أي مكان، جان أيي أسويهم اصطمبة جذي فوق سقف الصفحة مع بعض صار شكل الصفحة حلو، وتحته تنزل المواد، من الأشياء التجارب اللي أقول لك إياها مهمة أيام دراستي في المعهد، كتبت نقد عن مسرحية البمبرة نقد أكاديمي يعني مسرحية البمبرة حق الفنان عبدالله الحبيل، نقد أكاديمي بكل عناصره العرض المسرحي، كانت صدمة ما تتخيلها، يبت فيها بالمعهد امتياز، المادة، ييت نشرت نفس المادة بالجريدة، كيفي بقه، الصفحة مالتي، ويثقون فيني ثلاث تيام على ثلاث تيام نزل، لوق لوق لوق لوق لوق لوق لوول تفاصيل أكاديمية ما تتخيل في، ف اا، الناس تتصل وتقول وين الصفحة الفنية- مكتوب فوق فنون، وانا شلت حتى اللسعة وهذيل، وين الصفحة الفنية؟ وينها؟ وهاي شنو؟ يمكن اللي قرا الأكاديميين، أو الطلاب اللي م كانوا معاي، جان أروح أعيّط، قلبي يعيّط آنا ما أعيّط، رحت حق اا، أستاذ الأدب المقارن الفرنسي دكتور جلال اللي أعتز برأيه، إيه الجمال ده يا لولّا إيه الدرجة الجميلة اللي جايباها يعني؟ مركزة لما تحبي حاجة تعمليها ومدري شنو وميشنو، قلت له شفت هالعرض ثلاث مرات فكان يعني لازم لأن الحين انت ت- تدخل في وقت الـ training، جان يقول آه لا واللهِ جميل، قُلت لُه س- جميل عندك أستاذ اا كأكاديمي، لكنه صفر في وسيلة إعلامية public مشهورة و الناس تقرأها، جان يقول في إيه؟ قلت له في ناس تتصل تقول وين الصفحة الفنية؟ الله الله الله الله الله الله الله يقول لي بجد؟ قلت له إي، وهذا خريج سوربون، أستاذ، جان يقول شوفي حا- في حاجة تانية، يا يبقى دمك تقيل وكل الأكاديميات اللي بتنشريها تنشريها هناك، حتى يبقى قُدام اسمك حرف الدال بعدين يعني تكملي دراستك وتصير عندك حرف الدال، وتبقي زيّنا العاهات اللي بس عندنا المعهد، أو تبقي حاجة مؤثرة في مجتمعك وتغيري السيستم بتاعك، فكري، ما يعطيك، ما هو مو مو ولد صحافة، فكّري، العرض اللي جاي حنروح لُه كان عرض، حق اا فؤاد الشطي، جان يقول لي حنظلة كان جان يقول لي ده حتطبقي عليه اللي خرجتي فيه انتي آنا يعجبني التحفيز يعجبني يطلعك انت مو انت يلقنك، فراح أوظ- اا أطبقه وفق ما أهوا شافه، فهاي ما يساعدك على أن تتحفز انت وإنت تفكر وإنت ت- انت تطلع فيها وتشوف الناس شنو تبي، مهم، أوكي انت تبي يعني يكون مستواك علمي بس ما يكون عاد بو ثلاث صفحات في ال، والإدارة ما كلموني ولا أحد كلمني، بس ساعات كانت تيي إعلانات للصفحة بطلت الإعلانات تيي، سوادٌ في سواد، هذرة هالأكاديميين [تضحك]، سويت تطبيق عملي، على مسرحية البمبرة لأني بروح حق حنظلة فحنظلة عاد لازم اا تشوف ما هذي- هذاك شفته ثلاث مرات مثلا العرض الأول مال البمبرة هذا لازم أشوفه في فترة أقل، عاد يكون عندك الالتقاط أكثر، فرحت عاد اا طبقته إلى أن أخرجته، تدريب يعني وقت المخرج اا قاعد و ما عنده شي، سويته ب ربع صفحة، مع ثلاث صور مع ثلاث عناوين، فالعناوين تاخذ لك انت وقت الفراغات والأماكن والصور تحطها بحيث يصير في توازن بين الصورة والنص، جان أوديها حق اال أستاذ- هايل، كده حتمشي وفيها كل عناصر العرض بس بدون أكاديمية هناك، بدون ات- ما أتكلم إن المجاميع خرجت من اليمين وت- ت- تشير اليمين إلى قوى الغالبة والغاشمة والماي شنو و والسلطة بينما اا ال الجهة المستنيرة تطلع من اليسار لأن- اا الفكرة هذا التقليد اللي [تضحك] مال اليسار بقايا اليسار [تضحك]، جان يقول ده هايل، أنا شايفو إنو جذاب، سويت حنظلة جذي وقُرئت بشكل ما تتخيل، ف اا فذ- فالشغل يعلمك دائما إنك تتطور المهم قال لي رئيسة قسم وصارت بلادة مو طبيعية يعني ب بال، رئاسة القسم.

وهل فعلا كانت مؤقتة رئاسة القسم؟

لأ صارت مدى حياتي.

[المحميد يضحك].

بالعكس انضمت لي أقسام أخرى مثل اا المنوعات which is هذا باب وايد كبير مفتوح مع السوق مع البراندات ومع هذيل هذيل يدفعون فلوس يحطون إعلانات فأكو text حقهم أهما ومع صور يعطونك إياها هذي وإيفنتات وايد وهذيل، فيوريك عالم الطبقة هذي شلون ت- عايشة شلون تفكر شنو شلون اا شلون تسويقهم حق العمل وأيضا إدارة الجريدة شلون تتعاطى مع هذيل بكثير من الأهمية لأن معلنين، وأيضا اااا ثقافة أيضا، ووو وكان ماسكها واللهِ اا علاء الجابر كان عندي بالفنون وعلاء اا أيضا اشتغل واللهِ كان علاء يسوي ما- مادة جميلة، إييب أغاني مثلا في مجلة فنون اللي كنت اام، مديرة تحريرها كان يسوي- بتصدر عن الوطن بعد، كان يسوي اا حوارات مثلا يقول ااا، االل، انت ليه كنت زعلان؟ ف مثلا هاي عن عبدالوهاب، فيقول له من غير ليه، فيحط أغانيه من أشعار اللي أهوا غناها في هالمو- فيعيشك جو جميل، وانا شايفتها زمان ب الكواكب وبهذيل بس أهوا يابها بأسلوب موديرن وايد حلو، ف اا علاء حب إن اهوا يستقل عن الفنون ويشتغل بالثقافة، ف كان مسؤول الصفحة الثقافية which is يعنيي، طبعا انت تصير انت الرئيس أهوا اللي عندك عاد اا اللي تحتك اللي يشتغلون في هالأمور إلى أن استقل أهوا يعني صار خلاص آنا تطمنت له يعني مشى في ال اا في الهذي، بس كانت أيام اا اا صعبة ومع هذا لم أتوقف عن الللمشاركة في الكتابة وأيضا في النزول للساحة أنزل وأكمل وأسوي فيني ني نشاط وفي طاقة، فكنت أروح كل مكان وأروح العروض وأروح اا اا دراما تلفزيونية وأروح الإذاعة وأروح ل المسرح وأروح للكواليس فو- ك- كل هذيل كنت أعيشهم أسويهم، وللحفلات الجماهيرية فيما بعد لهلا فبراير وذيل كنت أروح.

عجيب.

إي فما قطعت علاقتي.

يما تسمحين ناخذ استراحة بسيطة-؟

طبعا طبعا.

شكرا، اا ردينا نسجل، يما كنت أبي أسئلج من باب المقارنة اا قبل الغزو كان في رقابة على الصحافة و اا بعد ما رديت- اا بعد يعني ماا اا صار التحرير اا أظن انشالت الرقابة.

همم.

اا هل حسيتي إن الح- الحرية الصحافية رجعت نفس ما كانت اا قبل فترة الرقابة لما رديتوا بعد التحرير؟

نسبيا، نسبيا لكن صار في ااا ضغوطات مجتمعية من اا، اا بعد أنن تقوت شوكة المتزمتين، و سيطرت- فالدولة تركتهم لهم، في إن اهما، تركت لهم الخيط والمخيط، فكنت انت تحت ضغوطات مجتمعية ماهو حكومة وحطت لك رقابة وحطت لك هذيل لاء، صار الحين ماهو وزارة الإعلام كله م م موخرة إيدها، فأعطت فرصة الاستقواء على المجتمع المدني، اللي أهوا زاد زاد زاد بعدين يعني حتى توحش في إلى اليوم، بس اا روح المجتمع المدني الحي م م موجود وو ما راح يقدرون إن اهما يسوون- صحيح في وثيقة القيم الأخيرة في انتخابات أثنينة وعشرين اا سبعتعشر واحد من يعني الموقعين نجحوا في الانتخابات لكن تعال شوف انت ردود فعل الناس بما فيهم المحجبات أو الملتحين أو هذيل في رفض وثيقة القيم ورفض الوصاية على قيم المجتمع عندك قيمك تربي فيها عيالك بس ما تيي تطبقها على مجتمع كامل، فكانت يعني في شوية ااا، هذه الإشكاليات والشد بين النور، الظلما.

انتي المرة اللي فاتت قلتي لي إن بعد التحرير كان شعورج إن في انتكاسة صارت في البلاد، اا شنو تقصدين بهالكلام هذا؟

لأ إن انت في البداية كنت عندك اا أمل بعد مؤتمر جدة بأن بيصير شيي كل الوعود اللي انقالت في إن انت الحين تبي تشتغل استكمالا لبناء البيت اللي كان اللي وقف لفترة، عرفت؟ ف اا عندك اا اا ص- طاقات ورغبة في اللي يسوي لكنك انت تتصادف بإن في قوى أخرى تدخل المصالح بدت تبين أكثر عند الصحف، الل جريدة انباعت فييي فيما بعد، و صار توجه آخر تماما لها، إحنا بعدين آنا د اا إهني صار بعد التحرير تقريبا في ألف وتسعمية وتسعة وتسعين اا كان اا رئيس التحرير اام بعد بيع الجريدة يى محمد عبدالقادر الجاسم المحامي، ف اا أهو ياي من أرضية من محاماة ما له علاقة خلفية أو بدا- وكان كا- كاتب مقالات تقريبا، بس ما له علاقة يومية بالصحافة في بال في الجريدة، يابه الشيخ علي الخليفة وعشان انت تعرف قضايا المال العام وقضايا الناقلات وذيل، فكان في وايد اام، إرباك في المهنة ب اا من حيثُ تراتبيتها من حيث تاريخها من حيث إقصاءها أيضا لمن لا تعرف والأسباب والدوافع مثلا، يعنييي في فترة من ال الفترات وقّف في عز نشاط في الث- الت- اا التسعينات ال ال اللسعة وما لسعة وتجي إعلانات عالصفحة عليها، بدون مبرر وقف الصفحات هذي بال جي، أهوا خلقة ما يحبني يعني ما يحبك.

اللي اهوا اا ال الجاسم-

محمد عبدالقادر الجاسم إي، وبدون ما تعرف انت شالأسباب أصلا آنا طول عمري بالصحافة ما عندي وقت لأي شي أسويه غير إني آنا أروح أشتغل اجتماعات قسمي التكليفات اللي نسويها الشغل اللي سووه وبعدين أروح أقضب الباب عندي عيال، عندك تأسيس عندك حياة فتروح حق الحياة وبالليل ممكن يكون عندك أنشطة مثلا بتروح لها، فآنا مو فاضية أروح مثلا، حتى وهاي تصير طبعا، وفي بداياتي صارت لما قلت لك كنت أروح أقعد مع قسم المجتمع، تعالي شربي فنجان قهوة فعرفت إن اهما مستائين من هالجو من هالمكان، بطبيعة العمل اللي اهما قع يشتغلون فيه أهما قدرهم أكبر من جذي، إمكانياتهم أكبر أحلامهم أكبر، بس يشغلونهم بالمجتمع بس، فلان زار فلان سافر ه- فلانة ولدت فلانة ماي م، كان قليل يعني عليهم، وهاي الذكورية اللي، اا المهم، فما عندي الزيارات فما عندي أروح أصبّح آنا على رئيس التحرير كل صبحية آنا كنت أموت على محمد مساعد الصالح، أولا إنسان funny، ثانيا اا ناقد لاسع ف- ل- لايف على طول، اا ثالثا عنده مضمون أهوا يقوله، ثالثا أي شي شخصاني ما عنده معاك، بس ما كنت أزوره بالمكتب، إلا إذا تطلب في في فكرة جذي مثلا، وكيفكم تعملونها أو ما تعملونها، شوف، جاسم المطوع ما أشوفه يوميا، تروح حق السكرتارية أو السكرتارية تييب لك بريدك عندك، اا جاسم المطوع اللي هو رئيس التحرير فيما بعد، ف عبلة العلمي تييب لنا كثر خيرها إذا في بريد أو في أوردر أو في شي ياي حق رئيس التحرير أي شي ما عندي قعدة موظفين الوزارات تروح تقعد ي، تاكل صمون بطاط بيديان [تضحك] مثلا، بتهدر وقتك وجهدك وطاقتك، لأن هذا يأخر شغلي، وهذا يأخر دورة الإنتاج وهذا يأخر أيضا عودتي للبيت وانا حريصة إن آنا أكون عالغدا مع الأولاد وأبو الأولاد والدنيا هذي كلها نعيش عيشة طبيعية راجعين من المدرسة أبوهم يدرسهم وهذا شي عظيم، فكني منه، بس ترفيه علي آنا مثلا بالأولاد عرفت؟ وبالليل هم بروح الجريدة ب اا ما تروح الجريدة تروح الأوردر دايركت مثلا، فما عندي هالمجاملات هذي بس كان في بعض الشباب اللي يوا في الجريدة عندهم هذي الزيارات التبخير كويتيين، يروحون يزورون هاي يبخ- يبخرون مكتبه يسوون أشياء يعني مم، وماكو شي يسوونه ما قعد تطلع في- ملوت الصفحات الشعبية شعر شعبي أشياء مثل هذي، ف اا فآنا ما عندي هالأشياء هذي- هل هذي تنحسب إن إن آنا ما أزور ولا أييب فطاير ولا أسوي أي شي؟ يعني، فوقف صفحتنا أربع تشهر، واحنا ناخذ راتب، طب شنو كمية الفشلة والإحباط حق صفحة ناجحة يومية وتصكر أربع تشهر، وبدون مق- مبرر مهني، شنو ويهك جدام الوسط الفني، ماكو صفحة فنية، انت تكسر شي ناجح قع تكسره، واحنا شطار في الحروب م- على بعضنا البعض على الكفاءات والجاحات في الكويت مع الأسف، يى فرحت له آنا بعد اا إغلاق شهر قلت له يا توقفون رواتبنا يا إن عندي اقتراح ثاني، شنو؟ ما له خلقي، قلت له هل كنت تقرا قبل مجلة الشبكة والموعد؟ جان يقول لي شتبين تقولين؟ قلت له هل تبي نحول الصفحة إلى جذي؟ أخبار الخلاعة والبلاعة والشنو أكو والأسرار الكواليس وهذيل؟ جان أهوا ما أقراهم، هل تبي الكواكب؟ الكواكب أرزن من مجلات اا الموعد والشبكة لبنانية، يعني لقاءات تحقيقات أشياء which is احنا نسوي هالأشياء هذي، ف ااا تبيها أكثر قصف مدفعي مثلا جذي؟ ما أقرا الكواكب، زين شنو النموذج اللي في بالك قد يكون غربي قد يكون أوروبي من الجرايد م- ما أقرا الصفحات الفنية أصلا، طب شنو الصفحات الفنية اللي بالصحف الأخرى اللي عاجبتك أو شنو اللي عاجبك أو الصحفيين اللي عاجبينك، ما أقرا ما لي خلق، ما ما ي- مو مهتم يعني أهوا هو يهتم بالسياسة، انزين ممكن تسأل زوجتك وأولادك شيحبون؟ ما نتكلم بهالمواضيع، يعني كله يصكر الأبواب كلها، طب ممكن توقف رواتبنا؟ لأن قعد تعطونا رواتب- بتمشي، انتو موظفين، فرحت حق الشيخ علي الخليفة بعدين، بس بعد أربع تشهر، على أمل إن اهوا يعني يتوازن ويعرف إن ما يصير صفحة لا رياضة تختفي ولا اقتصاد يختفي ولا، جان يقول، جان يقول ليش مصكرة؟ [incomp] كان في أزمات الناقلات وما ناقلات والمحاكمات هذي اللي تجري، مو فاضي، ما تكلمت ولا كلمة عن الريال هذا قلت له مادري يا ليتك تسأل رئيس التحرير، جان يقول خلاص روحوا [صوت قداحة]، كلمه، قال له هاي ليش موقفين [incomp]، بدون أي مبرر ما قال له أي شي ثاني يوم إحنا راجعين جريدة رجع صفحاتنا في ال جذي مم، إلى أن، كانت أشياء موجعة يعني وايد آنا كنت مطولة بالوطن، إهي بالتسعينات بس جاسم راح أمريكا الكبير، أو الاستعدادات تدري انت تشتري له أشياء لل عملية شوز رياضي ويعني، بدال ما ياخذ الأشياء المستهلكة اللي عنده، فاتصلوا فيني الجريدة، قالوا لي القرار يشبه الشوز مع إن الشوز زين ترا يشيلنا، إن انتي مفنشة تعالي استلمي كتاب اا.

هذا في أي سنة؟

هي بالتسعينيات، خمسة وتسعين شي جذي من، مم يمكن عندي مشكلة مع السنوات بس هي بالتسعينيات يعني، لأن رابطتها بسفرة جاسم، أكثر ستة وتسعين سبعة وتسعين لأن بعدين ياني عرض من الإمارات، ف اا وفُجأة تلقى نفسك انت برا، يعني تعرف اا [تضحك] الفينغر يفنقرونك انت في بارك السيارات.

بس شنو كان السبب؟

ماكو، ماكو أي سبب، يعني كان يحق لي إن آنا أرفع قضية عليهم، لأن أولا لازم يكون في إنذار ثلاث تشهر حسب القطاع الخاص، وبعدين أيضا في كتاب التفنيش يكون فيه مبررات موجودة لا آنا مهملة ولا عندي خلل في الجذي من أنجح الصفحات الفنية.

طيب شنو كان باعتقادج سبب إيقاف الصفحة الفنية وسبب التفنيش؟

شي شخصي، أهوا يا يحبك ولا ما يحبك، وهذي مع الأسف كنت حتى وانا في بداياتي يوم قلت لك اشتغلت في النهضة فيي ب- ما النهضة مع الرأي العام، ي- اا يُقال إن عبدالعزيز مساعد إذا شاف واحد ما عجبه قال فنشوه، يُقال، ما أعرف يعني صحة هالكلام هذي، فلا يُنظر لكفاءتك، يُنظر ل إن هو حبك ولا ما حبك، ويقربك أو ما يقربك منه، وهاي تحصل وايد فيي حتى بوزارات الدولة، طبعا، وانا وحدة ما عندي لا آنا قريبة لأي أحد من الأونرز في كل الجرايد هذي اللي موجودة، ولا أيضا عندي اا اا سند من أي أحد من الإدارة مثلا بحيث يدعمك لأن محمد اللي كان ين- اا مساعد الصالح اللي يدعمني نظرا لي إني آنا بذلت جهد على نفسي وجاسم المطوع بس مو مم راحوا، فانت ما عندك أحد عرفت شلون؟ وأهوا محامي الشيخ، مكتبه مكتب محامي الشيخ.

اللي اهوا الجاسم.

الجاسم محامي اا علي الخليفة، فأهوا يبي يضحي بهذا على شاني؟ وقضية شائكة، كبيرة يعني، ففنشني، كان جدا قاسي هالموضوع جدا مرير، بس أكو شي آنا كنت مسويته، إن، إن آنا أصلا أشتغل بالحكومة بعد تخرجي أشتغل في حدائق الأطفال فعندي فترة الظهر أروح لها، ما انت لازم يكون عندك راتب لازم تستم- تستند عالحكومة، دائما ما عندي أمل القطاع الخاص اللي اللي يقول لك آنا أعينك بأربعمية أو ستمية أو ب ألف حسب قربك أو حسب أو بميتين أو مادري شنو لا يؤتمن لأن ماكو سيستم، فأهما كثر خيرهم الإدارة السابقة الملاك السابقين إن أهما حطوا لي أربعمية وبعدين عنده أمل في إن آنا أسوي جذي ولما تخرجت زادوني من نفسهم، عرفت؟ بس أهو مو سيستم إداري، وفق شهادتك الباكالوريوس أخذتها الحين، كنت قبل ثانوية عامة الحين انت باكالوريوس، المهم، ف اا، فكان هذا سندي في إني آنا أعتمد علىى راتب الحكومة.

شنو إهيا حدائق الأطفال؟

حدائق الأطفال تبع وزارة الشؤون، وكنت أشتغل موجهة مسرح فيه، فتروح انت آنا كنت في حديقة الخالدية، فآنا مسؤولة عن مشرفات قسم المسرح في كل حدائق الأطفال في الكويت، في كل المناطق أكو مو أكو حدايق أطفال؟ مو كلهم يتبعون اا إداريا يتبعون وزارة الشؤون اا الزراعة ما الزراعة هاي تتبع هيئة الزراعة فيما بعد، بس كانت إهي اللي ااا مخصصة في كل منطقة إذا كانت المنطقة صغيرة الم- المنطقة اللي يمها حديقة لأطفال الل منطقة، فيها ألعاب فيها ن- أنشطة فيها موسيقى فيها مسرح أهوا تقريبا شي مقارب للأندية الصيفية اللي كانت قبل، عرفت؟ وو ثلاث ساعات أربع ساعات دوام بس فيها، فكان يعني شي اا مبهج كان توه بادي ي- اا يضغط التيار الديني فبالتالي المسرح ما له شغل ما له قيمة، ما يوفرون لك الإمكانيات، ماكو أولا ماكو مسرح، ماشي ندبر ستيج نسوي أي شي ماكو accessories ماكو إنتاج، ما يبون، فشتسوي انت تظل تقرا جرايد وكتب، عرفت؟ حتى سنة تسعة وتسعين، معتمدة على هالراتب، في دعم ولدي، فيي أمريكا لشراء المراجع- أهو بعثة، وأيضا عندي بنت في الـ American School، cost وايد عالي، إيجار شقة، مصاريف الحياة، حصل الطلاق بأثنينة وتسعين [صوت قداحة]، بعد ما يبت الطفل الثالث علي، ف، انفصلنا بكل رقي، و، ظلوا الأطفال عنده فترة، بعدين، طلبتهم يوا عندي، فعادت الكرة يعني في إني أهتم بالعيال في الهذيل، إلى أن سنة البعثة جاسم راح، وو نينار بالمدرسة فكان في ضغوطات مالية شديدة فكنت أشتغل في برامج في الإذاعة، اا في التلفزيون يعني أقدمت برامج طبعا أهوا

08:15:56 - العمل في فترة التسعينات في الكويت والامارات

Play segment

Partial Transcript: التسعينات كانت هاي فترة التلفزيون مالتي، بحيث أنتقد عبدالحسين وأنتقد النجوم الكبار، ااام، إم بي سي عطتني برنامج اا خارج منطقة التغطية عُرض في رمضان صورته في ثمانية وتسعين وعُرض في اا تسعة وتسعين على إم بي سي كان مع نجوم الكويت والخليج، و بس اا قبلها تمهيدا لأن آنا اا علني أو مشهور أو معروف إن ن- اا ناقدة أكاديمية أو خريجة نقد الوحي- وبنية بعد بارزة، في اا دول الخليج فكان في اهتمام، في فيني فك- اا قدمت برامج إذاعية عن أغاني الأطفال في المهد مثلا كنت اا تراثية، وكانت فرصة لي بعد حتى إنك انت تكتشف أغاني الأطفال الكويتية القديمة بزة الباطني وايد اا مؤثرة فيني، و أيضا فيي برامج من المسرح العالمي و وفي الثقافة والل اا أكثر شي يعني كنا نقدم الرو- الثقافة في الرواية- الأجنبية كلها كانت، اا وإن تُرجمت وإن جُسدت على المسرح مثلا في أي بلد عربي، وعن ناس مؤثرين جدا جدا جدا في حياتي خلقوا خطوة يعني كبيرة في وعيي مثل بريخت مثلا الألماني بعد الحرب العالمية الثانية الذي كسر الحاجز الرابع، ما بينه وم- الجمهور فأحد الممثلين أو أثنين أو ثلاثة يقعدون بين الجمهور، ااا أو بعض المجاميع وهي تمثل الشعب تطلع من بين الجمهور وتصعد على خشبة المسرح، و اا وفي المسرح الكويتي صار هذا في صقر الرشود يعني سواها، وو فؤاد الشطي بعد أيضا سووها المسرح اا الخليج العربي أيضا سواها، فؤاد الشطي المسرح العربي، ف ااا فكان وايد يومي البروجيكت مال التخرج مالي كان عن المسرح اا بريشت، ااا العرب المؤثرين اللي كانوا عندي وايد تأثرت ب اامم الماغوط، الحين أعطيك آنا ثلاث أيقونات مهمة عندنا احنا المسرح السياسي عبدالأمير التركي، مع قروب اا خالد النفيسي سعد الفري ووووم وإبراهيم الصلال الن- الن- النبهان عبدالناصر الزاير يعني اا محمد المنصور، هذا لون وكان عبدالحسين اللون الكو- شوف الثراء اللي كان في الكويت ها؟ اللايت كوميدي عبدالحسين ك- الاجتماعي وهو يميل إلى آخر يوم في عمره أقول لك بعدين لما كتبت له مسرحية هذي خلاجينه سجل النوتة بس على أساس إن هو بيمثلها، شنو قال لي، عما يتجه إلي، انزين؟ ف، [تسعل]، فكان عاد ااان، فالبرامج التلفزيونية والإذاعية أيضا ساهمت في دعمي المادي، عشان أقدر على ال أولاد، اامم... طبعاا، في سنوات منتصف ال اا ال تسعينيات أيضا بو ن بو جاسم لما انفصلنا حصل علىى حق الحضانة، وانت حتى تعترض هو بموسكو فجى كان في سفارتا بموسكو اشتغل، ف اا أخذ علي معاه وكان هذا شي وايد اا عنيف على وجداني جدا يعني جدا، مؤثر جدا، يت سنة التسعة وتسعين، كانت الدكتورة فوزية الدريع، نشيطة جدا فوزية، تكتب في مجلة كل الأسرة الإماراتية مشاكل المجتمع والله وكانت تكتب هني في أسرتي، وتكتب أظن في مرات- الم- شاطرة يعني نشيطة وايد إهيا، ف، فتكتب تحل مشاكل، فلها علاقة بال بالإمارات كان تريم عمران رئيس تحرير مجلة كل الأسرة وأيضا أهوا وأخوه عبدالله عمران كانوا رؤساء التحرير وملاك جريدة الخليج، وجريدة الخليج هي الجريدة الأهلية آنذاك يعني الأولى، والوحيدة في الإمارات، وأكو قلت ي- من البيان تتبع حكومة تصرف عليها يعني حكومة دبي والاتحاد تصرف عليها حكومة ال، أبو ظبي، ف، فهذي كانت لها شعبية نسبيا كبيرة فكل الأسرة المجلة تتبعهم، ففوزية ق- فكان هذا تريم عمران شايف برنامجي النقدي اللي طلع على الإم بي سي وانا أنتقد كبار نجوم الخليج.

اسمه تريم؟

تريم عمران نعم اللي قلت لك أسسوا جريدة الخليج بالكويت كانت، في نهاية الستينيات بداية السبعينيات الطليعة دعمتهم، سامي المنيس النم- نفيسي النيباري عساس تتأسس صحافة هناك وبدايات الاتحاد هناك في الإمارات، فكر متقدم جدا، انزين؟ ف، وكانت تصدر هني بالكويت وو بالطيارة تروح هناك، تتوزع، حتى بعدين شروا مطابع وسووا مقرات لهم وبدت تصدر في الإمارات وهذي ظلت علاقته موجودة مع الخطيب، أحمد الخطيب والمنيس وذيل اا، فزمن طويل، اا في الإمارات، انت الحين عندك إرث تحقيقات مجتمعية، زين؟ وبعدين عندك إرث فني في الفن والثقافة، بس أكو أماكن ثانية أنا ما أفهم فيها، الشعر الشعبي ما أفهم فيه، أقراه أتذوقه بس ما أفهمه يعني ماعرف خلفياته نشئته ظروفه أعلامه، فهاي المجلة كانت منوعة في كل شي، فيها التحقيقات فيها الفن، بس التحقيقات هي الأساسية اللي تبرز المجلة، عندك الللل اا الفن مو هالكثر مهم شعر شعبي مهم لأن له علاقة بالشيوخ، اا الل الصفحات الطلابية الجامعية، معطينها فرصة، طبعا غير عن الأشياء الاستهلاكية مثلا ااا صفحات الأزياء والطبخ وال حاجات هذي الميك أب وذيل وبعدين في الللل اا الصفحات اام، الطبية اللي اهيا فيها أطباء يردون على رسائل القراء، لأن بعده مجتمع ما بين البداوة والقرية ف ااب ما يروح آنا قاعدة أحاجيك عن التسعينات ها؟ مم يعني قد يخجل أو ما يروح على الأطباء بحكم التحفظ الاجتماعي أو أيا كان فكانت هذا مكان كل الصحف عندهم صفحات طبية أطباء يجاوبون على رسائل قراء، في هالموضوع ويعطون آراءهم في حالاتهم اللي أهما يقولونها، انزين؟ ف اشتغلت هناك براتب مغري جدا، وو إمك- إمكانيات وامتيازات وايد عالية، اا قلت لك اللي وصلتني فيهم فوزية الدريع وانا قلت أول شي- مع إني آنا بلا شغل، كان صار لي خمستعشر سنة آنا بالحكومة مشتغلة فكان هاي تقاعد مالتك على النظام القديم، فآنا فري الحين، عندي راتب تقاعدي وأقعد بال، أروح وين ما أبي، ورحت ال اا الإمارات قلت لهم بشرط عندي شرط واحد، أبي أقعد ثلاث تيام أربع تيام ألتقي ب الناس محررين اللي بشتغل معاهم، إي عاد ولا يهمج تعالي مابي أقعد بالإدارة، إدارة خلاص إحنا finally وصلنا للعقد ولكل شي ويابوه ووق- وما وقعته إلا لما أقرر بعده، أوكي، جان أروح ألتقي بالمحررين، الحين في مديرة تحرير أولريدي موجودة لبنانية وهذي في فترة اشتغلت بالكويت، أول شي سويته عزمتها بالليل على عشا حمام السباحة، ونقلت لها نية الجريدة في إن اهما يجيبون مديرة تحرير جديدة.

اا ع- عفوا أي جريدة قصدج-؟

المجلة.

إي أوكي-

اللي اهيا كل الأسرة، إهي مديرة تحرير، صُدمت طبعا صُعقت، قلت لها بعد عشان تُصعقين أكثر إذا مو آنا بيكون أي أحد ثاني، بس النية أهما يبدلون في، أنا وايد أحزن على هالمواقف هذي بس لازم تكون انت صادق معاها، صادق أدري صادم بس لا تملك لأن إذا مو آنا بيكون غيري، عرفت؟ ف اا، عندها بنت وحدة كانت توها تدرس أظن في باريس أو شي جذي فعليها cost في ال، طبعا كثر خيرها حاربتني يعني وزعلت مني، بس كان أمر واقع لازم يصير في، ف اا قعدنا في الل الل مع الناس طلعت الرواتب جدا متدنية، أولا في ثنتين بس تقريبا إماراتيات وحدة منهم بنت أخو- بنت اخت تريم، والثانية كفاية هذي لأ خريجة إعلام وو تشتغل في، والباجي لبنانيات في جزائرية ووو ولبنانية إي ومصرية هما هكذا الكاست والكاست الفني اللي ماسك ال الآي تي واللي يمسك اا اا الصف طباعة وهذيل اا سودانيين و- رواتب جدا متدنية، وسنين واهما مو زايدينهم، وهذيل شيسوون؟ إحنا بيتنا مم مبنانا أول الشارقة، أوكي؟ وانا بيتي على بحيرة خالد بالشارقة، يعني مسافة مو وايد كبيرة في الموضوع هاي، ف أهم مضطرين عشان يحصلون على إيجارات أرخص والإيجارات غالية يروحون لك راس الخيمة الفجيرة عجمان لأن هذيل أرخص الإيجارات، إيون بمواصلات أيامها ما كانت يعني قول الحين سووا هاي الم- هذا بس أهو ماك- مو موجود بين المدن هذي الثانية، طب هذا لما ياخذ ميتين ثمانين بما يعادل الكويتي يعني، هذا شكثر يدفع حق إيجاره؟ وهذا طلع مثلا يدفع مية وعشرين إيجاره، أوضة نوم والأولاد بالصالة ينامون مثلا، ووو والم- والمواصلات إيون مواصلات تقليدية يعني أدري توقف في المحطات وإذا مستعجل يى بتكسي، ف طلع كل هالأرقام ها ما يبقى شي بالآخر، قبل لا أروح آنا بشوي، قيل لي هذه القصة إن في واحد قال إن أولاده كثير لا ليش تخلف هذا مدير- اا هذا مدير المالية مو اهوا اللي يكلمهم، ليش تخلف هالكثر؟ الحين اهوا خلف ال هالريال، صار عنده ستة عيال، مدارس بفلوس هناك العلاج بفلوس هناك ال والسكن والأكل وال، جان يقول له انت مو مضطر اتروح ااا تشتري من السوبرماركيت اا طماط يبيعون مناك أكو منطقة اسمها الرولة بس مالت هنود هذي مومباي يعني، فتروح تشتري هناك وهناك عاد يبيعون مستويات في شي ناضج وفي شي نص خربان ما ينباع أرخص، الريال مات بسكتة قلبية شالوه بالأسعاف، وبعد سنوات منن الشغل، فيتّم العايلة مرته ما تشتغل- يعني، كان أردني أو شي، ف اام، فاكتشفت هذي ال الأمر، اشفايدة إذا آنا مرتاحة وقاعدة على كرسي فخم ومكتب فخم وزجاجي وأطل على جموع الشعب، والشعب كله تعيس و ورواتبه مو مكفيته، يوم ييت اا اا الكويت قعدت كتبت إذا ما يصير في زيادة رواتب ما أظن إن آنا أقدر أطلع شي يديد إذا أبي، وانا حاطة في ذهني أفكار طبعا آنا آنا نسيت أقول لك آنا طلبت منهم أعداد سنة كاملة بعثوا لي ياها بالبريد عشان أشوف سير المجلة ومن اا م مراحل بعد أيضا من التأسيس إلى ست سنوات كان عمرها المجلة إلى هذي جذي يختارون لي أعداد إييبون لي ياها، ف أطلع منهم بجديد، تطور تسوي شي جديد [صوت قداحة]، أنا ملاحظة وانا أشتغل هناك ووعود بزيادة الرواتب، إن سيستم الصف اللي هذا الكمبيوترات أسبوعيا لازم ينضرب، فيوم سويت عيد ميلاد واحد منهم يبت كيك وقعدنا، بروحنا معاهم، زادوهم بما يعادل عشرين خمستعشر دينار، شي ولا شي، الإمارات وايد غالية، ف والإيجار سنوي تدفعه ها؟ مو مثل هني شهري تدفعه، طبعا الماي غالي كهربا غالية، ف قعدت بال اا شاسمه، فقلت لهم آنا بقول لكم في لعبة قع تصير في هالموضوع هاي معلش احنا إخوات مايشنو، فواحد فيهم تجرأ بعد الضحك وهاي جان يقول احنا نعطل الجهاز عشان نعطل دورة الإنتاج، لأن انتي ما تتخيلين ويقول لي عاد ويقولوا لي عاد تفاصيل اللي مساعة قلت لك إياها، بالضبط كيف كيف يصرفوا وكيف ويعملوا وشلون عايشين وشلون مسوون وو، غير طلبات المدارس غير وايد، أقساط المدارس [صوت قداحة] هناك تُعتمد أكثر، على المدارس الخاصة مو مو الإنترناشونال اللغات، المدارس العربية الخاصة، بالآخر في cost يعني، وأسعار الأكل غالي كل شي غالي، الكويت رخص رخص رخص ما تتخيله، ف قلت لهم أتفهم كل هالكلام اللي انتو تقولونه، وأتفهم إن المبلغ اللي عطوكم إياه مو كافي، لو مو معطينكم إياه أحسن، وو، راح أكلم الإدارة، بس مشوا لي الشغلة هذي اليوم، زي الورد والله يا عزيز تقول جذي مثل السحر مشوا لي العدد، في يوم عندي استراحة آنا مشترطة هذا اليوم ما أدخل في دورة الإنتاج الثاني اليديدة إلا لما أفرغ هذا كله عشان لا يصير ضغوطات وايد جذي لازم فجة، فآخذ بنتي بس معاي، أيضا في drop في ال- بالمدرسة، إهي كانت بالأميريكان سكول هني مدرساتها كلهم مدرسينها كلهم أمريكان إنجليز أجانب، و هناك نروح مدرسينهم بال الأمريكية أيضا حق كان بنت القاسمي اخت اا الشيخ اا القاسمي، حاكم الشارجة، مدرسين هنود، مدرسين مصريين يايين من كندا، زس إز وزات إز، والهندي بالأكسينت ماله، ف اختل اهني اختلاط من صغرهم، بنتي ما تعرف شنو الفرق بين الولد والبنت لأن طول عمرهم عاشوا مع بعض ترافقوا في المدرسة وفي الحياة في الدنيا، يعني تشبه طفولتي آنا اللي كان فيهااا جذي، فالمدارس الأجنبية تخلق جو طبيعي، يعني إيون عندنا ونروح عندهم عيالنا اا ب- واهما صغار ينامون عندنا ون- يم- إخوات لي اليوم، انزين؟ وراحوا الجامعات فيما بعد ظلوا على تواصل سواء كانوا في ولايات مختلفة أو شي جذي يلتقون بالمناسبات، عائلة يعني أخرى، أول سؤال سئلتني ياه إحنا منو المريضين فينا إحنا ولا الصبيان بحيث المدرسة ما فيها من، فتقول لها هذا سيستم إسلامي [تضحك]، المناهج هني وايد أحسن بعد، drop في المناهج بعد drop في الأكسينت، بس انت لا تملك وين أوديها، يعني أبوها بموسكو وين، ف كوّنت علاقات كوزموبوليتان مع العالم كله في دبي في الإمارات وهاي ميزتها، في إن اهيا ما عندها حالة إقصاء أو تقليل أو آنا كويتية لا ماكو جذي، كلنا واحد، من الإثيوبيين إلى السودانيين إلى كورية إلى عراقية إلى مصرية إلى ميشنو تجمعهم ثقافة وحدة هما عيال منهج وثقافة، منفتحة، وو، [تضحك] وو عشان احنا قاعدين مرة من المرات يعني يبت علي عندي من موسكو إلى عندنا، فقلت حق جاسم شرايك تيي ن- ننلم كعائلة، فيى جاسم، وو دخل في الجامعة الأمريكية هناك كان هو سنة ثانية شي جذي، بحس drop وايد، فبعدين قال لا آنا أرجع اسمي متخرج من أمريكا يعني ولا من هني، بعدها طبعا الحين أحسن صاروا ويتطورون دائما عندهم إمكانية اا التطوير دائم، ف وقفت العدد الجديد الحين فدورة الإنتاج بعد الل ويكند آخذ بنتي باليوم الإجازة مالتي ونروح دبي على أي أوتيل بحر وسباحة وناسة نغير جونا، وايد في أشياء حلوة entertainment حق اليهال [صوت قداحة]، وهي ثلثتعش أربعتعش، يعني في تسلق جبال صناعية في اا أمواج في وايد أشياء حلوة، ف فرحنا حق اام جذي يُفترض إن آنا وراي ناس عقب ما آخذ المواد، مكلفة وكل الشغل موجود عندي، قلت لهم هذيل ما لم يزيدوا فلوس، عالأقل مبدئيا حتى بعد تسع تشهر بنفس المبلغ بما يعادل إمية دينار حقهم، ولا آنا ما عندي شغل أشتغله، انت وراك تدري شنو شكثر أكو عمالة تشتغل؟ ما بعد خروجهم من مكتبي من طباعة لأن أكو جريدة ثانية وأكو جريدة بعد أيضا بالإنجليزي يوميا و وأكو جريدة بالأوردو حق الهنود ففي وايد شغل ففي سيستم دقيق لازم تمشي عليه بالوقت، يا معود أستاذة نطري إزا وب أقوى إعلانات بالجريدة، لأنها جريدة مستقلة وو ووو وشعبية يعني تقدر تعتبرها، شالمشكلة في إن بعض من عوائد هذي حق الناس اللي قعد تنتج هذا الشغل اللي قعد الناس تقرالكم عليه، عطلت ما، واحد مسوي كتيّب وأطلع كتيب رمضاني عن بس طبخ مثلا، زوجة الرسام رحت لها البيت عراقية، وهو رس- مصور رائع بعد، ف اشتغلوا فمن بيوتهم فطلع ملحق يديد محد كان يسويه وقعد أطور الجريدة شوي شوي بس مو أول ست أشهر بعدني آنا في حالة استيعاب للقدرات اللي حوالي شكثر ممكن تشتغل حول منو أقدر أعيّن أكثر منو اللي ما ماشي معاي سيستم، يروح جريدة الخليج يروح أي مكان، وحصلت هذي، ف اا، بعد اا مليون اجتماع وافقوا على إن همّا يعطون فكانت المعنويا لا الأجهزة تخترب وسمووذ تشتغل بدا يمشي، بالعكس في حوافز أخلقها لمن يتميز بتحقيق أو بشغل أو بإخراج أو بهذيل في أعطيهم، أكو هوية بصرية اسمها ل م- للمواد اللي موجودة هني، فيفترض أن تتوحد في كل الجريدة في عندنا رسام سوري هايل، هذا ما له علاقة بأي ويرسم- وار- ارسم هالرسمة يرسم هالرسمة، فانت ما تحفز الناس إن اهيا تشتغل عندها التزامات حياة، فقلت له انت شرايك في اللوغوات مالت الصفحات؟ جان يقول كلها خرابيط، شلون؟ وشنو الصح؟ الهوية ترتبط بالمادة- الهوية البصرية صغيرة هذي ترتبط بالمادة فإذا إندك عندك انت section مثلا حق اا الأزياء يكون فيها شي يشبهه، إذا حق الطبخ شي يشبهه إذا حق الشعر شي يشبهه إذا حق الطلاب الجامعة أو شي جذي شي يشبهه- إي ممكن تسوي لي نماذج؟ امم اا إي إي إي معلش عشان خاطري اختك كبيرة وسوى لي، انزين؟ ورسومات يعني بسيطة وتنطبع بال، بس ساعات الإدارة لما تكون بزنس مو فنية مو بال هذيل، يفهم إن ت، يبون ألوان وايد يبون، على ما هو قائم يعني الأمور.

انتي اشتغلتي في هذي المجلة قلتي لي سنة تسعة وتسعين إلى ألفين وواحد؟ إي، اا وشنو كان السبب اللي خلاج تطلعين من المجلة وترجعين الكويت؟

أول شي أهما اا آنا و و وصلت كما يعني قالوا لي، أعلى سقف وصلت له في التحرير والإعلانات الل الجريدة، أهما ميالين دائما للتغيير، يعني آنا قعدت ثلاث سنين غيري كله سنة سنة سنة، ما كان يقعد وو كلهم كانوا لبنانيين، ووو محد طول إلا السنة هذي لأني كنت أقدم تطويراتي على مراحل وعلى مواسم، سويت في سنة الألفين موضوع اللي هو القرن الجديد، أول الأزياء اللي طلعت من سان لوران والصور وأشياء ومكتب باريس وهذيل، وهكذا أول الأشياء اللي صارت خلال قرن كامل، في كل تخصص من هذيل، حتى بالشعر الشعبي وحتى بالرياضة وحتى بأول جامعات وأول دراسة أول من الكتاتيب إلى كل شي وايد كان مميز العدد، طلع بثلثمية صفحة كاتالوج وإعلانات رهيبة في ال عدد، هل نعتبر التحرير مية وخمسين صفحة الإعلانات مية وخمسين صفحة مقابلها، انزين؟ ف ااا، الصطاد- التصادم اللي يصير حول سقف الحريات أيضا، ف اا، اعيالهم كبروا، يبون يعطونهم إدارات الجريدة والمجلات والأشياء مثل هذي، يشغلونهم بالتحرير، هالمرة ما يبون إييبون أحد من برا، بس يبوا عيالهم يشتغلون في هالموضوع، وهذا اللي حصل، فيبت ااا الن- والتوزيع الأعلى كان في مجلة منافسة اسمها زهرة الخليج احنا بيننا وبينها gap ب التوزيع والانتشار والإعلان، هو أهم شي يعني حق أي جريدة أو مجلة، إنك تصطدم دائما بسقف حريات، يعني بعدين انت دائما بين فترة وفترة محتاج إنك انت تعمل ثورة عشان اا تبي تبي اتزيد تبي تسوي تحفيز تبي تسوي رواتب أو تبي تسويي مكافآت، فهذي هني البزنس ما يشتغل في هالشغل ما مو مو طبيعته يعني، انزين؟ ف رحت اا، وحدة من المواضيع اللي أقول لك عليها، وانا أيضا هم كنت اا أشتغل صحافة أكتب مقال أعتقد كان اسمه أوكسجين، وهو بلا أوكسجين، اا انت محدود في إنك انت تعبر بتحفظ، ترا كنت ألاحظ فوزية الدريع في حلول المشاكل اللي تسويها اللي ب اللي بمجلة أسرتي تسويها وايد أوبن مايند يليق بمجتمعنا، وفق حراكه المجتمعي، الردود هناك سمعي كلام أمج، طيعي أهلج، تزوجي، أو اا، اهناك دراستج مهمة استقلالج المادي مهم- بالكويت، اهناك تتحول إلى شي ثاني، هاي المرونة اللي عندها يعني م عجيبة فوزية، فالمهم قلت اا، في يوم من الأيام، أخذت اا كنت مسلمة العدد، وبنتي كان عندها رحلة مع ما أعرف مين و، مدرسة أو شي جذي، وانا أبي أروح خارج هذا النيون واللمعات والعمارات والمجمعات، أبي أروح أشوف القرى، وقطعنا مع السايق شي ساعتين لدرجة إن آنا نسيت أشرب قهوة، كافيين هذا يصحيني ما ييبلي صداع، وقفنا عند بقالة اشترينا نسكافيه، قمت أسف النسكافيه توازنت، ورحت التقيت في ناس، في سنة ال فوق الألفين، صار لهم عشر سنين طالعين من ال، ال اا مو خيم لأ البيوت ال ولا صفيح ماي نسيت اسمهم، إن هو تنعمل كلها من الأشجار ومن أشياء والسعف فوق وهذيل، وولادات بعض الأطفال من هناك فبيوت حكومة معطتهم هناك في، في شوارعٍ غير مرصوفة، وفي بيوت تعدد الزوجات مهول فيه، نسبة الأمية عالية، ووو والل زواج المُبْكر عالي جدا، أقرب اا مدرسة يبيلها ج- سبعة كيلو فبالتالي تحتاج لهم وسيلة مواصلات توديك، أقرب مستشفى عشرة، فبالتالي الولادات منزلية فنسبة الوفيات عالية، ف تعدد الزوجات هاي اللي قلت لك فيه وتعطيه ال ال حكومة بيت لكل زوجة، وكل زوجة سبعة ثمانية، و حتى شفت مصرية هناك، فقالت لي آنا خدوني بالمطار وقالوا لي من الإمارات وأهلي فرحانين وجامعية، لابسة برقع، العشيش إي كانوا في العشيش قالت لي آنا جبت دول من من خلفتهم بالعشيش، قبل عشر سنين حتى استقروا الحكومة عطتهم بيوت، مثل بيوت الشعبيات عندنا هني فتقول لي إن أنا أخدني من المطار وجيت هني ولقيت نفسي في هذا المكان، عايزة أرجع بلدي يعني من مصر إلى تيجي قرية بدائية ف ما تعرف شلون تروح وشلون ت وم و والمواصلات ماكو والأشيا، ف استقرت وقعدت اا مع الأولاد، بناتها متزوجين مبكر جدا، ما يكملون تعليمهم، الأولاد- التناقض عاد إن ما أكو تلفزيونات طبيعي في البيوت، إن اهما يشوفون انبهار دبي ف فياخذون قروض عشان يشترون سيارة شافوها بإعلان، أو بالنسبة لأزياء الستات والأشياء مثل هذي- النموذج الاستهلاكي هذا، أبي أنشر هالموضوع، يعني الإمارات ليس هذا البريق الذي نراه اللي بال- يُسوّق له، زعل مني تريم جدا، منو قال لج؟ قلت له محد قال لي محد لازم يقول لي أصلا، تريم مدير التحرير، إي هذي أشياء ما تطلع هاي بالكويت عندكم، الله انت اللي اللي رابية بالطليعة، انت الليي أبو الفكر المستنير الكويت ال الإمارات لازم دائما تكون لماعة، تبي تصيرين مثل أحمد الربعي؟ قلت له شفيه أحمد الربعي؟ أثره كاتب مقال مرة، أحمد الربعي، كانت أظن تنزل بالتزامن مع القبس أو الوطن مادري أي جريدة، فكاتب فيها عن، شيخ العرب الشيخ زايد، يعني، شوية فيها انتقاد وشوية فيها اللي ااا حكمته في أمرٍ ما وشوية إنهُ هذي ال ال في رأيي أهوا قايله ما يصل- صكروا جريدة الخليج الحكومة صكرته شهرين، وكان هذا يروح ل أبو ظبي يقيم بالفندق حتى يقابل مساعد وزير الإعلام يقبل باعتذاره وبالتالي اهناك لما تصير العقوبة طبعا ماكو إعلانات حتى بعدين ب- لما سامحوهم نزلوا ماكو إعلانات تصير أمر للشركات ما تحطون إعلانات هني، ف اا، فيوم قال لي إن أهوا ما يصير هذي تصير اا جذي، قلت له تصدق، أستاذ، صفحات القراء عندنا بالكويت آنا أعتقد يعني أعلى من كل دول الخليج، قراء وناس عادية قع تكتبها، سقف الحرية فيها أعلى جان يقول إي هذا عندكم بالكويت مو عندنا، وهو صاج ترا، جان أقول له آنا بس انت آنا افتكرت إنك انت طلبتني عشان أشتغل عشان الحس النقدي اللي عندي والأشياء مثل هاي جان يقول إي، فلة وانتي بالتلفزيون، فلة وانتي تسوين بالفن، بس ها ما يصير وحتى بالفن عندنا في ناس محسوبين على الشيوخ ما تقدرين تكتبين عليهم، يه؟ لم يُنشر الموضوع، وحسيت بقهر وايد عادي لأن وايد نقلت م معاناة الناس- أحوالهم، ما مألفتها من عندي، يوم طرشت وحدة لبنانية كانت طالبة الهجرة لكندا بعد، أكو شي صار زواج العضل، أهوا وحدة كانت تدرس في بريطانيا وأستاذة جامعية، وحبت زميلها مصري كان يدرس معاها في بريطانيا يسوون دكتوراه، وحتى فوق الخمسة وثلاثين، فقرروا إن اهما يتزوجون، أبوها رافض، فبطريقةٍ ما يت الإمارات اهيا طبعا واشتغلت وتعينت وعي- تعين- تم تعيينه حسب شهادته في الجامعة نفسها، يبون يتزوجون أبوها رافض، فأكو شي اسمه زواج العضل إنك انت تروح حق القاضي، تقول له إن آنا بلغت من العمر كذا، و اا ونبي نتزوج، فالقاضي هني لا يشاور الأب، أهوا ضمن صلاحياته إن اهوا يزوجهم، فالأبو ذو نفوذ، قدر يوقف الموضوع، تم تفنيش الريال وتسفيره، وإهيا تو- توقف عن الدراسة ما دراسة بس معاشها ماشي وقعدي في بيتج، اا موضوع، قضية، وماخذين احنا راي محامي رأي اا القانون رأي كل ال والطرف الآخر أيضا الأب هم وجهة نظره العشائرية القبلية ال محافظة، والبنت نفسها، فمكتمل الأركان، وتم رفضه، أيضا، موضوع، شنو اللي آنا بشتغل عليه شنو اللي بسويه؟ شنو التحقيقات اللي تبيها انت عشان تميز إن مجلتك صوت الناس؟ قيس على هذا أكثر من موضوع فيه، انت تبي المجلة تكون بس حق الـ events؟ بس حق الشو بس حق تعرض هاي؟ ما هاي أي صحيفة إعلانية ممكن تسويها، فشنو جدوى إن احناا سو- فكنا ندخل في صدامات في هالأمور هذي، مع إن كثّر خيره يعني عرفني على عايلته عنده سبع بنات وعلى أولاده وعلى مرته وعلى هذيل، ووو مرته قطرية ومستنيرة وو زينة و مم بس أكو حدود سقف في الهذي ما تقدر، فكان علي سنة الألفين، مو علي يى الكويت فآنا شهريا أنزل الكويت، أشوف أمي وأشوف مايشنو ما عندي بيت أقعد في أوتيل في ساس، وممنوع انت ككويتية تسكنين في فندق، لأن automatically وضعيا وحسب القيم إن ان- اا الكويتيات منحرفات، فانت ما تسكن في أوتيل، وين أروح أسكن؟ مابي أسكن عند أهلي، وين أسكن؟ فكنت أعرف بيت معرفي فأتصل فيهم عشان يعطوني الثلاث تيام اللي آنا بيي فيهم يعطوني غرفة في الأوتيل عشان آخذ علي معاي، وكان أيامها جاسم ياي ونينار ياية يعني نينار معاي، وهذا القرار لحد الآن قائم مال الفنادق على فكرة ما تقدر تروح إلا بعض الفنادق يعني ويعملونه بشكل ودي بعد، ف، قبل لا أسافر الإمارات تسعة وتسعين أخذت نسائم من الكويت شرق جبلة مرقاب، وأكثر شي شرق، شنو أكو أثر قديم أروح له وأتخيل حيوات ناس عاشتها، آنا نسيت أقول لك إن أطفالي كان اللعب مالهم بالويكند أوديهم النقعة السيف، وأقول لهم قصة أجدادهم والمراكب أوريهم وأصعدهم المركب وأجزاء المركب وين يقعدون ووين ين- ينامون وتحت شنو أكو ما أكو وست أشهر عشان يحسون عالأقل بقيمة ويشوفون المادة اللي اهوا المركب اللي كانوا يركبونه أجدادهم، وبعدين كنت آخذهم أوديهم على بيت عتيج إنشالله مهدم، مهدم غالبا، مهمَل، أوريهم هذا المطبخ مالهم، اهني الغرف هاي الليوان اهني اليدة كانت تقعد ويا العمات ويا الخالات ويا ذيل يقعدون فتعيشهم، وايد هاييي اا بالويكند تقريبا احنا ك- كل مرة عندنا جذي وأسميهم أغاني ذيك المرحلة، أغاني الغوص أغاني البحر وأغاني جذي- وأكثر واحد تأثر جاسم، اا، لمن قبل لا أسافر وانا بودّع أكو بيت الحين اليونيسكو حطت إيدها عليه أو يعني ممنوع هدمه، اا نصه مهدم، اجبال المتحف الحديث اللي الحين موجود، الحين صار أهوا مال اا الفخار أو شي جذي يعني يشتغلون فيه شغل فخار، قبل، م أهوا [تسعل] اا سوري يعني آنا ماعرف شنو أهوا بين الباب الرئيسي وال حوش مادري يسمونه كوريدور بس أهوا لأ- دهليز، أيوا صدتها برافو، دهليز، فتصير ذ- حسب تقسيم المعمار الكويتي في الدهليز هذا في باب، لغرفة للرجال، يعني اللي هو الديوان يصير و، أقارب رجال وال ال الثانية عاليمين إذا كان تدري في المم زوارات ما زوارات يعني ما بيدخلونهم غرف نومهم اهني يقعدون، في الدهليز هذا وخلفه شمسٌ ساطعة، في شايب قاعد، شايب كبير، ريال عود، فآنا عندي أذكر كان كنت سيارة جيب، شفته يوم يوم شفته متفاجئ إن في كائن حي قاعد في هذا المكان، بهالحر، ف، فسوالي جذي، لأن بعض من بقايا التحذيرات مالت أمي ويدتي ودير بالج واللل أحد غريب أحد ميشنو طلع هذا كله الخرافة والخوف من تحت جلدي، وحكموني، جان أروح ألف أجيور وأرجع أوقف السيارة ونزلت له، قاومت الإرث مالي، شبيسوي لي ريال شكبره، ما آنا ق- طول الوقت قعد آنا أحارب فكرة إن شنو يعني اا وجود صبي آنا طول عمري ألعب مع صبيان، طول عمرهم عايلة احنا، فنزلت له، صباح الخير صباح النور، جان يقول لي عنده ذاكرة، قلت له ماشالله عمي ش- ليش قاعد هني؟ جان يقول كلمة ولا يمكن إني أنساها وراح أعمله يوم فلم وثائقي ص- قصير، بس تتوفر الإمكانيات، جان يقول آنا بقعد هني طول عمري هني بس هذا مو بيته يعني بس المنطقة مالته، آنا أوقف ضد الوحش، منو وحش؟ تدري انت عاد احنا أفكارنا طرزان شبح غوريلا ميشنو، فأطالع ما أهو ما يطالع ولا قع يأشر لي على العمارات الضخمة الكبيرة اليديدة، اللي مبنية أهوا يبي يقعد هني عشان الوحش لا يزحف عليه، شفت هوية المكان عنده؟ يا الله... شفت إن واحد بهالضعف انت جم عمرك؟ جان يقول تسعة وتسعين، يبي يوقف ضد الزحف هذا الزيف على روح المدينة القديمة؟ ذكرياتي طفولتي لعبي بحري شيي اهني، ويُقال إن أهل البحر طبعا يتعلقون يروحة ال- بريحة اليود سكان السواحل، بس هذا شي أعمق قع يقوله بهذا البساطة بهذا الجهل يعني ب آس- قصدي اا اا اا مو مثقف، مثقف يصف لك كلام، بس آنا أحب هذيل وايد أكثر، لأن بكل عفوية يجاوب، تطالع انت وانت تطالع انت لا نهاية ل العمارات اللي صافة، وهناك يديدة قعد تنبني وقعد تزحف على منطقته مساحته، جان شمعلق عالطوفة؟ حياته، جيس مدقوق بمسمار فيه برتقال يبين، جيس ثاني أجياس الجمعية معلق بمسمار جنه فيه دشداشة أو شي أبيض، جيس هناك و ومعاه فريمز شنو فريمز؟ هاي الجولة القديمة ب حاط عليه ك- كيتل ك- كيتلي معدن عادي مسوي فيه يسوي فيه جاي، وكيس معلق فيه ورق، كيس ثالث ما الرابع، أخشاب مسامير تراب شي جذي، جان يقول لي، انتي من بنته؟ الحين احنا وقته؟ أهوا سؤاله مهم بس آنا لحد الآن مو جاهلة أبعاده، أهوا بيعرف إذا كانوا أهلي جيران معارف شي، [تتنحنح]، قلت له يبا انت منين تييب م ب اا حياتك يعني، آنا بروح الإمارات تعال اقعد أرعاك وأهتم فيك في بيتي، يعني قبل لا أسافر، جان يقول لا، آنا عندي عيال وعندي عيالي اا دكاترة بالجامعة واحد فيهم أثنين، وعندي بنات متزوجات وهذيل اعيزوا يقولون لي، آنا إلا الهوا الطبيعي أنا ماعرف ماقدر بال ب اا، البرودة الخشنة، لأن تحس جسم أولا مشدود لا كرش ولا صدر ولا مؤخرة ولا أي شي، منحوت، جان أقول له انزين تعال أقول ب، أرعاك وأهتم فيك جان يقول لأ فما فيني شي را- الحارس المصري اللي بالمسيد أهوا إييب لي ماي، ويسوي جاي، والناس أهل الخير يمرون عليه إييبون له أكل، يعني اهوا ما يطبخ بس إييبون له أكل، قلت له زين انت قاعد بلا كهربا بلا بال- هالشي ها، جان يقول لي إذا كنت أبي كهرا- أبي حق اا اللمبة، ي حق بس ما مدام ما اام الحكومة قطعت الكهربا مو مو مهم، الحكومة قع تساعد هذيل هذا الوحش عشان ي- ياكلنا، همم ق-

بس اا-

قصة-

اا اا يعني تتذكرين البيت هذا وين صاير بالتحديد؟

قلت لك ياه هو جبال المتحف الحديث الحين.

آه.

أهوا ليلحين خذوه اليونيسكو صار اا بيت يسوون فيه تدريب للفخار عالفخاريات المجلس الوطني تحت إشراف المجلس الوط- لحد الآن موجود وتقدر تروح تشوفه.

وهل عرفتي هذا الشخص شنو اسمه؟

عرفت و وو وأفضل عدم ذكر اسمه عشان أولاده يعني انزين؟ ف اام، لمنن فشنو اسمه الحين آنا اسمي يعني ماهو فيه عائلة رنانة عشان يعرف، وهذا إحراجي الشخصي آنا ببين لك عقدتي الشخصية يعني، ف شقول له عاد آنا بال بالاسم، اا حتى على صعيد ال الأسر اللي اا أصولها إيرانية ما نيي من الأسماء الكبيرة، واحد عاديي حيل حد الأرض يعني، [تضحك] ريولهم بالأرض، فقال له- قل له آنا، اا آنا اسمي ليلى، أحمد، يدتي ملاية زينب عبدالحسين الصراف، فشع ويهه، لأن يدتي جيله، أو قد تكون هي شوية أكبر، جان يقول، انتي بنت خديجة؟ الحين، خديجة أم أمي، أمي ما شافتها لأنها ماتت وهي أمي بالأربعين يوم، فما بالك آنا يعني اللي أصغر بنات أمي بعد يعني، ف اا قلت له لأ آنا بنت أحمد ولد، ملاية زينب، جان يقول عمج محمود؟ قلت له إي، جان يقول تعرفين خديجة شكثر كانت حلوة؟ عيل خديجة كانت تيي تزور هني أو، قبل زواجها يعني طبعا لأن بعدين تزوجت وماتت، جان أقول له لأ آنا ما تشفتها ما لحقت عليها، آنا أمي زهرا يابت أمي وتوفت، جان يقول الله حلوة، حلوة، بس آنا [تضحك]، قسما بالله إنه يزحف يزحف ليمن إيينا بالباب جان يقول لي هني كانوا البنات بالخانق يلعبون، الحين ماكو معالم طريق بس هو انتقل لحظتها إلى مكان وزمن آخر، هني كانوا البنات بالخانق يلعبون، يلعبون حيلة، وهي تلعب معاهمم اا ج- ب م مع البنات، ومرة وصبيان احنا هني نلعب يا دشاديش يا رافعين الدشداشة يا بصروال امكسر فكانت إهي طقت بنية الحين ما عرفنا السبب ليش خديجة شيطانة طقت البنية- البيوت متلاصقة كلها قريبة عند بعض، جان يقول طقت بنية وانا انلجحت ت- يعني شفتها، جان أروح أخانقها وطقيتها، طقيت يدتي؟ إيه عيب، الكبير يطق صغير، انتقل لزمن آخر إهني بيت فلان اهني بيت فلان هناك فريج الشيوخ هني فريج الجناعات إهني ي- عطاك المدينة كاملة فرج- فريج المدينة كاملة وانت مو قعد تشوفه بس هو أهوا موجود في خياله حاضر، شنو هالعظمة هذي؟ ف، قلت له ع- عمي مم، يوم قلت له ماتت ترقرقت عيناه بالدموع، ماتت من زمان، يقول إي سمعت إن بع- إهي وسمع يعني إن هي تزوجت و شنو اللي صار يعني معاها، بس يعني كانت هذي وايد اا ذي- يوم ييت سنة الألفين هاي تسعة وتسعين قول الريال صار عمره إمية، إمية سنة لم يغادر فيها روح المدينة ولم تغادره، أول ما ييت وانا بساس ركض على المكان هناك، ولا المكان يصفر ويضرب فيه الهوا، أكياس ورق أشياء، الكيس الرابع اللي مساع ما عرفت أقول لك فيه فيه مسامير ولا خشب ولا شنو فيه طين، لأن أهوا يوم قعدت أكلمه، أهوا ما أشار على الجيس، أهوا قال لي يوم أقول لك عالتكييف ما تكييف قال لي إن أهوا ما يتحمل هذي تعالي عندج شي عندج شي؟ تدري قبل أيام بيك قلم بيك مستخدم فغ- الغطا ماله عنده بوز شديد جذي، ف ي- يحفر لي الطوف طوفة يقول لي شوفي شنو أكو، فعلا في قش وفي طين وفي أشياء من البيئة تناسب البيئة، هاي هاي بيوت ما قبل بعدين اللي صاروا الحين يسمونهم بيوت بهبهاني اللي دورين وما دورين ب- بعد، هذيل أقدم، عرفت؟ هاي بدايات الكويت اللي بيوت اللي بو دور واحد، فأثاري في الجيس هذا، برتقال خاس وخلص وال دشداشة ممعفطة وال هاي جذي يوم فتحته إلا فيه هالأشياء هذي، فجريت جري على الم- جامع، أسعى للن- اا المصري الحارس، فين الحاج؟ قال لي مات على بداية السنة، وانا هناك قاعدة أحتفل بميلاد عدد ضخم، لقرن كامل، اللي اهوا عاشه أهوا قرن في الكويت، القديمة ملامحها ريحتها يودها بحرها حسها، ومع الأطياف الزمنية والمكانية والبشرية، هذا شي كان وايد مؤلم، وصّلتني إلى أي حد لأن في يوم من الأيام أيضا وانا أجول في هذي شفت وحدة لابسة بوشية، قاعدة على كرسي بلاستيك عالبحر، صوب شفت ااا قبل نهاية البحر هناك في- هناك في جمعية صحفيين فتطلع من فإهني قاعدة وحدة جبيرة موجودة هناك، هاي كان قبله بعد أهوا، إهني يعزز قيمتك في هوية المكان وإن انت شنو معناه إن عندك ق- تاريخ شخصي مرتبط بالمكان، بزمني الشخصي المرتبط ببلدي بمعماري، بالهوية البصرية ف، فضول عندي عاد هالمرا شعندها قاعدة بريحاتها؟ جان أنزل لها ماكو إلا اهيا وتراب والبحر، ولا [صوت قداحة] يلالي البوشية تلالي، انعكاس الشمس وهي قعد تبكي قلت مرا مهمومة يعني، ما هو غلط الحكم يا أم اللول نطري، ف، [تضحك]، صبحج الله بالخير، ي- حتى تطلع من زمنها ومن فكرها بصعوبة جذي طالعتني، صبحج الله بالنور، قلت لها يما تبين مساعدة تبين شي؟ أقدر أساعدج في شي؟ لأن عندي مغامرات وايد أيام بو جاسم مو موجود بالليل وما إيينا النوم، كانت عندي صديقة عراقية اسمها إقبال لا زالت علاقتي ولم يؤثر علينا الغزو في خراب العلاقات هذي بيننا أعرفها من early الثمانينات، ااا و و وجزء من ذكريات جاسم معاها ف ظلينا متواصلين مع بعض العلاقات البشرية ما تنقطع، طالما ها- أصيلة، فكنا بالليل كلنا نروح مستشفى أيام الغزو، مو غزو سوري أيام اا الثمانينات، فنروح نشوف أحوال البشر شكو آنا مرت وزير الصحة لو وزير الصحة شكو، وأعرف شنو النواقص شنو ما نواقص شنو أكو ماكو، وأقعد مع الطبيب وأقعد مع المرضى وأقعد مع هذيل وانا ما فيني شي، وإذا شفت أحد نص الليل بالطريج وشفت قصص عجيبة، أحد أخوها قطها بالمستشفى عندها قرحة أو جذي أقوم أوصلها البيت نص الليل طب انتي مأمنة هذي زينة مو زينة تقتل ما تقتل تسوي؟ أعمال خيرية شغالة بالمجتمع [تضحك] أحبه [تضحك]، هاي الحجية الكبيرة عاد، قلت لها سلامات أقدر أساعدج؟ جان تقول لا يما لأ ما ما عندي شي، عندي الدريول- يا حلو كلمة الدريول، دريول ناطرني يعني شوي بقعد وبمشي، قلت لها عسى ما شر يعني مابي م، أتدخل بس إذا تبين جاوبي ما تبين كيفج، بس اا ليش يا أمي تبجين ليه بالهذي؟ قعدت حتى بلغت أنفاسها وأشياء هذي وقعدت تحت ريولها إهيا على كرسي بلاستيك آنا قعدت عالأرض، جان تقول يما شخلوا لنا يما، شخلوا لنا، [تضحك] على كبر بديت أبجي ها، مم، شلون أتذكر بو حمد وعرسي، إذا هدموا بيوتنا، شلون أتذكر جيراننا- أتذكر جيراننا شلون أتذكر بيوتنا فرجاننا، شلون أتذكر بيت اا المطوعة مكية انقالت، شلون أتذكر تفاصيل الحياة كلها حاضرة في ذهنها، [تبكي] سوري، عزيز تبجي بجي، كأن الحين قعد تنهدم بيوتهم، وين يبت أول ياهل، وين الدزة اللي شالوها أي فرجان مشينا الحين آنا ماقدر أعرف أي فرجان، قبل يمشون مشي من بيت اا المعرس لي العروس، يشيلون صراي طول الطريج، وين هذا كله؟ منو آنا؟ وشنو آنا ما بقالي إلا هالبحر، والبحر بعد في أماكن قع يحطون فيه صخر، صج إي سواحلنا كلها جذي، وهاي ترا ضد البيئة، أظن في أمريكا في وحدة من الولايات قاموا يشيلونهم، تضر البيئة، شبقى من ريحة هلي؟ من يديدة، من من حزاوي الليل، من غطاوينا من أعيادنا من الخياطة اللي تيي تزور أمي والحفاء، انت تشوف مسلسل كامل، لحياة حيوات نُسفت [تضحك]، من قاعها يعني، هذا لا يهم أحد، شنو تاريخك انت الحين، تروح أثينا ولا تروح اا، بريطانيا ولا تروح في اا اعتزاز بالهوية معمارية والبصرية ولحد الآن الأمور مثل ما هي، مرة في أيام كنت بجريدة الراي، آرميس بيفتحون في اا يقولونها بالعربي هرمز، ماركة بتفتح في الحمرا، ف أهم اختاروني يبون أكثر الصحفيات شغبا [تضحك] حق شي تسويقي يعني، ف قالوا يب- يبون هالشركة يبونها و آرمز عمرها مية وثمانين سنة، والله يا عزيز انت يعني م تعتز وتندهش أولا هما في ب- في باريس ف انت ت يعني انت هي قطاعات، القديمة اللي حول برج إيفل تنقسم فيها من فوق، ماكو شي يديد، ولا يحق لك شي فآنا قابلت المدير التنفيذي في مبنى أثري قدييم، أهوا بيت العايلة كان من مية وسبعين سنة، انزين؟ أي ترميم أي دقة مسمار بالحيطة لازم الحكومة تعرف رخصة من بلدية، الواجهة استحالة تغيرها، بس داخل في مرونة في إنك انت تسوي، مكاتب partitions بعد مو بنا ماكو بنا، تدق مسمار عشان تعلق لوحة ولا حق أزيائك ولا حق منتجاتك ماكو، أسطح طاولات تحط عليهم منتجاتك اليديدة، متحف تاريخ هرمز تحت، أزياء نابليون اللي سووها وملكات أوروبا كلها، ألبوم قديم قديم مال ااا ي ك- كتابة، الملكة فيكتوريا موقعة فيها، الملك جورج الخامس موقع فيه، غير النمسا وهذيل يتكلمون عن المنتج موقعين، وانا بسلامتي عبالي كل الزوار القلم لحد الآن بريشة وحبر، قديم فأبي أيي أسوي أبي أكتب جان تقول لي no [تضحك] انتي بس تشوفين، الملابس اللي كانت- أهما طبعا أهما بدوا حق الخيول ااا ملابس ال خيول أهو شي أرستقراطي يعني، بعدين تطورت إلى الملابس إلى النبلاء إلى الطبقات هذي، الخصر ثمانية حريم والدين و ال وو يايبين عيال وهذيل ثمانية؟ واحنا نصك أقل شي ثمنتعش؟ فتاريخ البلد والحقب الزمنية من خلال الأزياء والإكسسوارات اللي انت تشوفها، شهالعظمة هذي؟ وأهوا حتى أسئله- اهوا كان شوية مشتغل في جدة أهو الوحيد المدير التنفيذي اللي مو من عايلة هرمز، ف ااا القطع الأثاث القديمة اللي كانت في الطابق اللي كانوا يعيشون فيه- أهوا ثلاث أدوار، ف اا، باحتفاظ ب- ب- محتفظين بكل شي فيها، مو بعدين الحين انت في الواجهة مثلا هاي الحكومة تراقبك مو بيدك تسوي، لكن في الداخل انت فيك تسوي يعني مكتب موديرن تسوي أشياء مثل هذي، عندك فيما بعد يعني تطلع شوية من باريس ش- أبعد من هذيل اللي اهوا المعارض مالتهم اللي يسوونها أو ال اا مصانع التشغيل من بداية ما ياخذون الجلود عشان الشنط، إلى قصها إلى ط- يعني مصممة طبعا إلى قصها إلى المراحل اللي تمر فيها، أكثرهم يشتغلون مغاربة بعد عرب فيها، وأهو من النا- براندات النادرين اللي يشتغلون في باريس مو برا في فالحوار مع الريال هذا كان وايد جميل لأنه مشتغل بالسعودية، فيعرف التركيبة والعقلية والهذيل، ف م الاعتزاز ب يي ال اا بالفنون المعمارية والمادية والمعنوية عالي ويت- اا ت، ي يتناقله الأجيال، بينما انت الحين يوم مو بس انت اللهجة ومن الطبيعي يعني هاي أن تك- أن تتطور لشي لكنها لا تنتمي اليوم قاعدة أشوف مثلا مسلسل مذكرات بو عليوي في سنة أربعة وستين صارت، اللهجة هذي ويين والحين وين ميخالف تتطور لكن لا تتغرب، تتطور وفق احتياجات التطوير اللي تصير في الحياة بس لا تتغرب، أو تتعرب، أو تدخل فيها هجين أشياء مثل هذي، انت كل هذا ما عندك إياه، غير إن انت ال ال البيوت تبي تبي تتكلم حق عيالك آنا أودي عيالي حق آثار قديمة بيوت مهدمة شي محزن، طبعا ولدي كل مرة إيي من أمريكا أيضا يروح نفس الأماكن اللي كان فيها، بس شنو خليت انت حق أجيالك عشان تربطهم بماضيك البد- بلد كلها قائمة على التجارة بزنس؟ فالأرض هذا الشرف، هذا الشرف الوطني اللي استحلوه.