Transcript
Toggle Index/Transcript View Switch.
Index

Search this Index
X
00:00:55 - النشأة في لبنان في قلويّ

Play segment

Partial Transcript: أنا إسمي الثلاثي اا حمزة اا حمزة سلمان عليّان أنا مواليد ااا عشرة ثلاثة ألف وتسع مية وخمسين طبعاً ااا أنا مولود بضيعة أو بقرية لبنانية ااا اسمها قلاويه وكلمة قلاويه ااا هاد تطلق نسبةً إلى الملك قلاوون إيام المماليك كان يعتبروا المماليك لأنُ هنّا كانوا حكام المنطقة، فلما يطلعوا من فلسطين بدّون يروحوا على مصر يمروا بهذه المنطقة اللي أنا قريّتي فيها ويعتبروها متل مبيت شتوي لإلهن فسموا قلاوون اا يعني قلاويه نسبةً إلى الملك قلاوون إللي هوَ أحد حكام المماليك. هلأ هايدي الضيعة يعني اا بال اا ااا جغرافيا تعتبر يعني في وسط منطقة جنوب لبنان يعني بين الساحل تبعد عن الساحل عن مدينة صور عشرين كيلومتر وتبعد عن الحدود مع فلسطين المحتلة تقريباً يعني بين خمسة وعشرين إلى تلاتين كيلومتر ونحنا صايرين قريب من منطقة نهر الليطاني اللي هوَ منطقة منطقة نهر يعني ااا طبعا أنا ما ما بتزكر من من تاريخ ولادتي لأنُ أنا كنت يعني في بيت بيت كانت البيوت مبنية من طين حجر وطين اا ففف سقف طين وال والبنا حجر وكانوا الأهالي هنّ اللي يبنوا البيوت ااا أنا وعيت على الدنيا يعني والدي ووالدتي جمعونا أنا وإخواتي، نحنا كنا سبعة أو ستة جمعونا ب هالبيت والدي كان يحب ال ااا ممم خنقول التعليم لأنُ كان يعني يقرا ويكتب وهوَ كان عاش يتيم لأنُ بيّه توفى كان صغير كتير فاا كان حريص أنُ يبعت ولاده على المدارس لأنُ ضيعتنا كان فيها بس للصف السيرتيفيكا اللي هيَ الخامس ابتدائي المرحلة الابتدائية فبعد ما خلصنا هالمرحلة طلعنا على اا قرية أو ضيعة قريبة منا فيها لا البريڤايل اللي هيَ المرحلة الثانوية اسمها مدرسة خربة سلم الثانوية خييّ الأكبر مني كان يروح على مدرسة ثانية فيها للباكالوريا اا اسم الضيعة أو المدينة جويّة فنحنا اا نشأنا في بيئة متواضعة جداً و أهلنا بيشتغلوا بالأرض
مم
وبالزراعة ووو مع الوقت أنا بقيت يعني ااا بهالفترة هاي ااا ما أعرف شي بهالدنيا سوى ضيعتي والقر والقرى المحيطة فيها ااا أسمع بالبحر بس ما كنت شوفه ااا يوم ااا عناّ بال بالبلد ااا واحد أسمه أبو عزات، أبو عزات يعني هيده صاحب دكانة ااا عنده سيارة مممم ماركة ديزوتو سيارة قديمة ويعني بتمشي بالعافية ووو وشكلها شكل بتحسي فيها متل بلا ب بدينة اس اس يعني اا عندها سمنة زيادة متل زوجته زوجته اسما أم عزات كمان نفس الشي فالمهم ااا أبو عزات عنده ولد يعني نحنا بحكم العلاقة والقرابة فقالي شو رأيك اا ترافقني بدنا نروح أنا والوالد ننزل على صور، شو في بصور بيسموها سوق الحسبة الحسبة يعني متل من أيام العثمانيين والأتراك اللي هوَ السوق الفرضة الشبرة اللي اا بيبيعوا فيه الخضرا والفواكة ولأنُ مدينة صور على البحر وعلى الساحل وجنبها كله بساتين فااا كل المنطقة بتروح بتتسوق من مدينة صور وبتاخد هال الشي اللي بتتسوقوا وبتبيعه وبتعرضوا للناس اللي موجودين خل نقول بااا يعني ممم ااا قرى وضيّع مش موجودة على البحر أو ما بتتوفر فيها هال الأنواع من الفواكة والخضراوات، قلت إله أوكي فأنا ااا يعني هربت بهالمعنى من أهلي وما خبرتن ااا وطلعت أنا وياه طلعنا بالسيارة وو حطونا بال طبونيه يعني ورا بالدبة وصلنا على صور عيني شافت البحر لأول مرة يعني أنا ما كنت مصدق أنُ شو أنا اللي عم بشوفوا يعني اللون اا أزرق وعلى مد عينك والنظر ميّه
كان كم عمرك؟
البحر مفتوح، كان عمري يعني اطنعشر سنة اطنعش احدعش ااا بهالمعدل فااا قعدنا نحنا اا أخدونا ت تنحمي السيارة من الناس اللي بيجوا بدهن يسرقوا، فهني ب بيروحوا على السوق بيتسوقوا أبو عزات وأم أبو عزات لوحده بيتسوق وبيرجع بيتسوق وبيرجع نحنا بدنا نضلنا قاعدين نحمي هالأغراض اللي هوَ مشتريهم المهم ااا حصلت مشكلة بينا وبين ولاد من أهل من أبناء صور ضربنا بعض لأنُ اا ونحنا يعني اا انتصرنا عليهم متل ما بتقولي غلبناهم يعني أنُ ااا فلما إجا أبو عزات خبرناه الحادثة انبسط كتير ويعني وو ااا قال أنا يعني اا اا براڤو عليكن أنكن هيك هيك شباب بيكونوا يعني شجعنا طيّب ما علينا حمّل الأغراض خلصنا رجعنا على الضيعة أول مدخل البلد اللي هوَ ال القرية هي ااا يعني مم منطقة فيها صعود طلعة يعني والسيارة قد ما هيَ محملة أغراض م وقفت ما كانت تقدر تطلع فدب الصوت على أهل البلد أنُ تعوا ساعدونا نزلوا وإجت أم عزات لأنُ أم عزات بدينة فيعني وزنها يعادل يمكن شوي أد نص وزن السيارة يالله وزقوا بهالسيارة وشدوا ويالله ومش عارف إيش وكذا إلى أن وصلت السيارة بسلام لفوق تجمعوا هالناس على عليها فنحنا أنا أنا كان يعني ااا حصتي أو يعني اااا
مكان
اا إكراميتي أنا بطيخة وو خو ونص ليرة يعني خمسين قرش فأنا ما صدقت أنُ يعني أنا بهالعمر وو إيه أجيب بطيخة وفوتها أنا على البيت لعند أهلي فبنسبة إلهن شغلة لا تقدر بثمن ففعلاً سألوني أنُ نحنا خربنا الدنيا عليك وين كنت ليش ما بتقول فأنا حكيت إلهن طبعاً حكيت لأمي يعني فقلت إلها هيك صارت لي تاني مرة ما تعملها لأن ممم ممكن حداً يعملك مشكلة يعني و وحذرتني يعني بهالمعنى فهيدي وحدة من القصص اللي ما بتنتسى
وكانوا سعيدين بال ااا
جداً سعيدين بالبطيخة أنُ أنا جبت بطيخة ومعي خمسين اا نص ليرة حطيتها بجيبتي يعني شغلة هايدي بهديك الوقت إله قيمة يعني كانت الليرة تلمع ذهباً
هممم
قيمتها مش متل اليوم طبعاً
ااا وشنو كان ترتيبك بين ال اا ال الإخوان والأخوات؟
التالت
همم
كان في اختي أ أكبر مني وخييّ وأنا أنا رقم تلاتة ااا على سيرة صور أول مرة تاني مرة هيدي أول مرة نزلة مع سيارة أبو عزات خلصنا تاني مرة لأنُ أنا لازم أقدم امتحان السيرتيفيكا ااا عن طريق وزارة التربية فهي بتحدد المدارس اللي كل منطقة وين بتروح بيقدموا فيها الامتحان فأنا إيجا دوري أو اسمي بمدرسة رسمية في مدينة صور التي تقع على البحر
هذا مثل امتحان موّحد يكون؟
تقريباً فكان هذا الكلام بالألف وتسعمية وأربعة وستين فنزلنا اا تمت استضافتنا عند عايلة والدي بيعرفهن نيّمونا عندهن وتاني يوم الصبح رحنا عالمدرسة قدمنا الامتحان ورجعنا بنفس النهار طبعاً رجعنا يعني ممم ب مواصلات متقطعة متل ما تقولي يعني اا سيارة تاخدني من مكان إلى مكان إلى مكان إلى أن وصلنا وو بعدين كملنا مشياً توصلنا على البلد أو على الضيعة يعني، نتيجة الامتحان أني أنا سقطت فااا هيدي أول خيبة أمل كانت بحياتي
أحب بس اا أسئلك أستاذ اا ذكرت البيت اللي اا انولدت فيه ممكن توصف لي إياه شكله مثلاً من الداخل الغرف؟ تتذكره؟
البيت ااا إله بابين بابين خشب الباب الأول اللي هوَ المدخل ال مدخل البيت الشرعي الرئيسي جنبه بيسموها متل مسطبة وفيها اا عريشة، الوالد كان يحلق حلاق فيقعدوا أهل البلد والناس اللي من المحيط يجوا لعنده بهال على هالمسطبة هاّي وو كانت عبارة عن جمعة الناس تتجمع وو تحكي عن قضاياها وأحوالها وقصصها اللي يجي من الضيعة الفلانية من الضيعة الفلانية فهيّ المنظر أنا يعني كتير يعني ما بيروح من بالي ااا البيت أول ما تدخلي على البيت هوَ عبارة عن غرفة وحدة كبيرة شويّ فيها اا مم مدفأة من طين لأنُ بالشتا ااا لما يكون في برد وشتا ما فينا ننام بدون ما يكون في مدفأة عالحطب وكان بآخر البيت بيسموها متل تبانة تبانة بيحطوا فيها تبن بيسموها اللي هوَ يستخدم علف للحيوانات يعني ااا فاا ما كان نحنا عنا حيوانات فكنّا كانت الوالدة تحط فيها أغراض البيت يعني أغراض البيت بنص ال بنص البيت في متل صينية قش معلقة بالسقف بتحط فيها الأكل يعني بعد ما نخلص ليش حتى ما يجي تجي القطط أو الفيران أو الحشرات وو تظلوا محفوظ بهال هالصينية القش طبعاً بتغطيها هيَ الوالدة بتغطيها ااا نتحمم بهدا البيت في باب تاني يعني بيطل على شارع ضيق جداً حد جيراننا فهيدا لما بدوا يتحمموا يسكروا الباب فاا إمي هيَ كانت تقوم بهالدور يعني تحط متل هيك حاجز ووو تسكر البواب بيعرفوا أنوا يعني ما حدا يفوت علينا هيدا واحد وكان هدا البيت في محل يحطوا فيه الفرش محل م اللي ننام عليهن الفرش يعني هيدا اللي بتذكره فاا و وننام كلنا بهدا البيت يعني نحنا الستة أو الخمسة مع الوالدة والوالد ننام ببيت واحد
وو ذكرت أن ااا اا اا كانوا اا الوالد والوالدة يزرعون هل كان لك تواصل م مع الطبيعة هل كنت تحب تزرع أو تحب اا؟
ااا أحياناً كان يروح ااا ياخدني معه الوالد ساعده يعني ساعده ووحبيت الأرض من وقتها يعني علاقتي بالأرض بهالمعنى والدي كان إضافة لأنُ كان حلاق كان يي يييي يبني أو يعمر حيطان حجر اا يعني مثلاً واحد عنده أرض فبدوا يعملها إلها يجللها فكل جل أعلى من التاني فلازم يحط بين الجل والجل ح حيط حجر فهوَ شاطر بهالقصص هيّ كانوا يطلبوه يعني يروح يشتغل فيها فااا ووو بيت جدي بيت جدي لأنه لأنه والدي مم كان يتيم فجدي اللي يعني والدي ربي عندهن كنا اا كنت أنا روح نام عندهن أحياناً يعني أهرب من البيت أو رو أو هني يحبوني أشتغل معهن بالدخان التبغ زراعة الدخان التبغ ووو يعني وصار عندي اا علاقة بالأرض

00:14:13 - تعليمه الأولي في لبنان

Play segment

Partial Transcript: أنُ أنا لما أطلع من ااا من بلدنا من اا من من البيت اللي أنا ساكن فيه وعايش فيه وبدي روح أنا أدرس بهدي ال ال المدرسة التانية اللي المجاورة لإلنا للضيعة حوالي يعني أربع أو خمسة كيلومتر بطريق ترابية فمشياً على الأقدام يعني كنا نمشي أنا ومجموعة من رفقاتي نتمشى نمشي مشي على ال ب على على أرجلنا إلى أن نصل إلى المدرسة ونعود بنفس النهار يومياً هذا الكلام صيفاً شتاءً إلى أن إلى أن اااا طلبت من الوالد ومن خييّ الأكبر مني اللي كان يدرس معي أنُ نستأجر ااا ولو لمدة شهرين ثلاثة اللي هوَ فصل الشتا غرفة عند حدا من أبناء هيدي البلدة اللي اسمها خربة سلم أنُ ننام عندهن وبندفع لن يعني أجارهن لحتى ما نظلنا كل يوم نروح ونجي ونحنا بنعمل أكل يعني لوحدنا آااه قلك شيّ، هيّ المدرسة اللي أسمها مدرسة اا خربة سلم الناظر اللي فيها أسمه السيد كذا أحمد نور الدين المهم هذا الناظر عنده بنت حلوة متل القمر وبنته الوحيدة اسمها مريم بيحبها بيحبها موت ما في شغلة تطلبها وبيرفضها يعني يعني كل طلباتها تنفذ، أوامر فاا التلاميذ الطلاب عرفوا هال عرفوا نقطة الضعف عنده وين بس بدن يعني يعطلوا من الدراسة يطلبوا من مريم إحكي مع ب مع والدك خلي يعطلنا وياخدنا رحلة على في نهر حد المدرسة بال بال بالمنطقة يعني رافد من روافد الأنهر وبركة ميّ كبيرة وو طبيعة وحلوة وو تعرفي بالربيع ورد وكل ال م يعني ب يعني الأرض بتحكي قد ما فيها زهور وورد فالمهم ااا يوم قررنا نروح لعند اا مريم فاا قلنا لها كذا كذا راحت لعند الوالد قالت له بابا يعني ااا جيّ عبالنا نروح على اا على النهر وو قالها بدنا نعطل قالت له أي نعطل شو
(العلي تضحك)
اا المهم عطلنا ف رحنا شوفي المفارقة وين هون
هل كانت المدرسة مختلطة أو فقط لل
إيه إيه طبعاً
وووو
مختلطة بالكامل لا لا لا لا لا ما في فصل أبداً
اااااا
كل التعليم في لبنان هذا الكلام بالخمسينيات، بالخمسينات التعليم مختلط بالكامل في كل القرى وفي كل المدارس وفي كل الأماكن يعني اا من الجنوب إلى الشمال إلى بيروت ااا
ووو هل كانت المدرسة تتبع ديانة معينة؟
لا لا لا لا لا
لا
بس ااا يعني المحيطنا هيدي مدرسة رسمية تتبع للدولة يعني يعني يعني المدرسة تتبع لوزارة التربية ااا الط الطلاب اللي فيها من نفس البلد و و ومن ال القرى المجاورة المحيطة بال بالمنطقة يعني وأغلبهن مسلمين يعني في جنبنا مدارس تانية وقرى مسيحية جنبنا اا عندهن مدارس خاصة وفي قسم منهن بيروح على مدارس رسمية حسب يعني فما كان في هيدا الشي أبداً يعني ااا ولا حسينا أو شعرنا أنُ نحنا في بيننا وبين الآخرين أي ف فوارق لا بالمذهب ولا بغير القصة هيّ
هممم
فااا
فاا اا ذهبتوا إلى ال اا النهر
آهه هدي ال البركة بركة ميّ أو رفد الميّ في نهر نهر عادةً يعني خلاص ما يعني كأنُ واحد موجود بسجن وأطلقتي حريته فنحنا أعتبرنا يعني عندنا عيد وفرحة أنُ اليوم طالعين تحررنا من المدرسة ومن الأساتذة ومن الحصص ومن ال النكد يعني، فرحنا عطونا فرصة أنُ نروح نجيب أكل
همم
هون بيصير فيه متل تمييز طبقي اا ال يعني اللي أهله أغنياء شو نوع الأكل اللي بيجيبوه واللي أهله والناس اا أهلن فقرا كمان يعني صار في فرز ممم بين ناس الأغنياء وبين الناس الفقرا
شنو الأكلات اا
اا ال ال الفقير أحلى شي بيجيبه بطاطا مسلوقة وبيض مسلوق يعني أنُ هيدا معناته مرفه وأهله أهله غنايا وعندن يعني وضعهن الاقتصادي جيد
ممم
بينما الباقيين طبعاً إحنا بعاد عنهن ما بنشوفهن بيجيبوا أكل تاني يعني مختلف يعني، فا هيّ من الإشيا الحلوة اللي الواحد ما بينساها أنا بعدني عم بحكيلك يعني هيدي م وأنا من عمري صغير لي غاية أربعطعشر سنة يعني أنا تركت تركت أو رحلت أو اا يعني انتقلت من الريف إلى المدينة بعام ألف وتسعمية وأربعة وستين وأنا كان عمري أربعطعشر سنة
همم
هون حصل في تغيير جوهري بحياتي
اا قبل لا نوصل ها هذي المرحلة اا اا في المرحلة الابتدائية خل نقول اا في المدرسة شنو كانت اا ال مثل المادة المفضلة عندك شنو كنت تحب أكثر ال العلمي المجال العلمي أو الأدبي
لا ااا مجال أدبي
ممم
وخصوصاً يعني تاريخ، شعر ، أدب كنت حب ال الفرنسي اللغة الفرنسي لأنُ ااا كنت يعني أعشقها وحبها وحب وحب أقرا كتب لأن بيعلمونا نحنا من صغار اللغة الفرنسية يعني اااا وكنت ااا يعني اا أتبارا أنا وال ااا رفقاتنا بالمدرسة بالأشعار
ممم
إنتي تقولي بيت شعر الحرف اللي بينتهي فيه الشطر التاني بدك إنتي تردي عليه ب ااا بيت شعر آخر يبدأ بهذا الحرف الذي ينتهي فيه هذا ال اا اا هذا البيت وهكذا
وهذا كان بتشجيع من المدرسة أو اااا
ااا تقريباً تقريباً وو ما تنسي جوّ ال اا جوّ البيت يعني كانوا دايماً ينظروا لإلنا أنُ نحنا اا أهلي يعني أو بيتنا من الأسر ال ال أنُ اللي متعلمة
مثقفة
متعلمة والتعليم اللي هوَ متواضع يعني بال اللي حكينا عنه تعليم ااا تعليم ابتدائي يع يعني أنُ كيف تقري وتكتبي يعني بهالمعنى يعني قراءة وكتابة
ااا شنو كنت تحب اا تقرأ كا اا كطفل اا مثلاً مجلات معينة أو ااا كتب معينة؟
ااا بهديك الوقت اا مم ما كنت اا ما كنت أقدر أحصل على على را على على على مجلات أو ما كان في عنا لا تلفونات ولا وسائل حتى تلفزيون ما عنّا بالبيت عنّا راديو يعني والراديو كنت أسمع والدي يحب الملك فيصل فيصل الأول كان حاكم كان ملك على دمشق وو يحب ااا ااا الأسرة الهاشمية بالأردن ليش ما بعرف طبعاً أنا ما عندي كان تفسير يعني وو يسمع البي بي سي
ممم
فااا طبعاً بيحب بيحب اااا قراءة القرآن والدعاء لأنُ صوته في حنان
مم
يعني ااا لماً الناس تسمعه يبكوا
ممم
يعني بيعطي أداء جيّد بإلقاء الدعاء والقرآن يعني إلى جانب طبعاً هوَ قلت لك كونه أنُ بيمارس الحلاقة ووو وو العمل بالأرض وبالزراعة ويعني بهالمعنى
اا تذكر
فاا
مثلاً مرات كنت ااا اا تجلس مع الوالد وتستمع للراديو هل كان هذا الشي؟
إيه إيه كتير من المرات كنت يعني كنت أسمع يعني مثلاً مثلاً أنا كان عمري تمان سنين وقت ما سمعت بشي اسمه اا ثورة ١٩٥٨ يعني اللي هوَ كان عهد كميل شمعون هوَ رئيس الجمهورية اللبنانية ااا يعني اللي أنا ب كنت اا و أوعى إله أو يعني ااا أتذكره الآن اا كان في ناس ااا فداوية يمروا بالمنطقة ويعني ويعملوا متل غزوات ليلية
همم
اا ووقتها أهل البلد والكبار بالسن يحكوا عن أن كيف الأمريكان نزلوا على الرملة البيضا اللي هيَ م مم شاطئ في مدينة بيروت يعني قوات أمريكية نزلت ااا طلب طلب طلبهن كميل شمعون للمساعدة على إخماد ثورة ٥٨ اللي كانت طابعها ناصري ااا أيام جمال عبدالناصر طبعاً أنا ما كنت صاحي كويّس لل يعني الجو السياسي لكن فيما بعد إنما ب ب ب بذهني يعني هيدا الشي اااا فهي عم بحكي أنا عن الفترة ١٤ سنة من عمري ااا

00:24:35 - إنتقاله لبيروت في منتصف الستينات وعمله في مجلة الحوادث

Play segment

Partial Transcript: بال٦٤ قررنا أو أنا قررت ااا النزول إلى بيروت
شنو كان السبب؟
شو السبب، وضع وضع ااا عائلتي وأهلي وأسرتي ما عاد عندهن قدرة يعني اا يصرفوا علينا نحنا عايلة متواضعة ويعني فقرا ما عندن شي يعني غير شغلهن بالأرض وبالزراعة وبال ومع ذلك كانوا يعني مم أنُ كانوا من الأوائل اللي كانوا يبعتوا ولادهن لل عالمدارس للتعليم فأنا قررت أنُ أنا اا بعد ما سقطت باا بأول ااا اختبار بشهادة السيرتيفيكا اللي هيّ الشهادة ال الابتدائية
كان كم كم عمرك لما؟
كان عمري ١٤ سنة
ااا شنو كان يعني طبيعة الامتحان ووو؟
ااا هوَ امتحان رسمي يعني الدولة بتشرف عليه
يعني فيه مواد مختلفة؟
طبعاً طبعاً طبعاً كل المواد اللي نحنا ندرسها
وكنت متحضر لهذا
طبعاً محضر ودارس إلى آخره بس للأسف
وو شنو حسيت شنو كان الشعور يعني؟
يعني طبعاً أنا اا يعني تضايقت وقلت أنا اا يعني لازم كمل وما استسلم بالمعنى فاا هيّ واحد من الأسباب اللي خلتني أنزل على بيروت أنُ رفقاتي يقولوا لي ليش ما تنزل على اا روح على بيروت يمكن هونيك ااا بتلاقي جوّ أحسن
مم
ممكن تنجح اا وبنفس الوقت كان الدافع اقتصادي أني أنا عم فتش عطريقة أساعد أهلي
مم
لأن ما عاد عندهن القدرة أنُ يصرفوا على كل اا أشقائي أو شقيقاتي في البيت ااا وأنُ خلاص يعني اا أنُ هدا المحيط ما عاد أنا لاقي حالي فيه ولازم فتش على طريقة تانية بإني أنا عيش فيها يعني ونزلت أنا لوحدي يعني أنا كنت معيل نفسي
ممم
هون بقى بال٦٤ أيضاً محطة جديدة بحياتي مختلفة تماماً عن ما سبق وأنا حكيت إلك إياه بال٦٤ ااا وجدت اا عمل لمدة أسبوع أشتغل بقهوة فكنت لما أحط اا الصينية على إيدي بدي روح وصلها للموظفين بمجلس المشاريع الإنشائية الكبرى لمدينة بيروت اا مرتين تلاتة توقع الصينية فيعمل لي مشكلة صاحب المقهى إلى أن طردني بعد أسبوع وقتها صرت فتش على وظيفة بتشرين أول تشرين تاني ١٩٦٤ دخلت إلى مجلة الحوادث اللي كان صاحبها سليم اللوزي وبدأت أعمل كموظف في قسم الأرشيف، هدا الكلام بال٦٤ طلبت منه من سليم اللوزي أن يسمح لي أن أنا كمل تعليمي وأدرس
ممم
فالتحقت بمدارس مسائية وأعمل بالنهار أُعيل أهلي
ممم
وأساعدهن وأنا أكمل تعليمي في المرحلة المسائية
اا اا عذراً بس أبي أرجع شوية ااا شلون كان ااا اا يعني استقبال أهلك للقرار أن أنت تروح لبيروت اا هل كان كانوا مشجعين اا لهذا القرار اا أم يعني واجهت صعوبة؟ اا خاصةً أن كنت في سن صغير اا وقتها يعني اا اا هل اتخذت القرار لوحدك أو مثلاً كان في
إيه طبعاً أنا طلبت من والدي أنُ ساعدني إذا بيعرف أحد في بيروت ف ل يشف لي وظيفة يعني يشف لي عمل هوَ اللي وصلني أول مرة عند هيدا اللي أني أشتغل أنا بمقهى ووو وزع القهوة والشاي على الموظفين بمجلس المشاريع الإنشائية الكبرى بس يعني هدا العمل لم يستمر سوى أسبوع واحد
وو أنت نزلت يعني
ووو أنا
من من قريتكم مع الوالد إلى إلى بيروت
إيه وطبعاً وو فيما بعد بعد منها بأسبوع أسبوعين أنا صرت أبحث وأسأل
وشلون اا وصلت إلى إلى ااا
و ااا سكنت سكنت عند يعني بيت عمتي اا مؤقتاً طبعاً ااا إلى أن يعني أنا شوف حالي طبعاً بعد بعد سنة تقريباً استقليت
هممم
طلعت من عند بيت عمتي صار معي ف مصاري لأن صرت أنا أشتغل أعطي كل شهر مب جزء من المبلغ اللي أخده لأهلي ساعدهن فيه وهلأ بحكي لك قصص تانية عن هالموضوع هدا تحديداً
ااا يعني أنا آسفة اا أقاطعك بس اا يعني أبي شوية ااا ناخذ راحتنا في كل الحديث ااا ال ش شلون اا وصلت حق وظيفة ااا في الأرشيف اا هل مثلاً أحد دلك عليها أو
اااا يعني صرت أسأل ااا الناس المحيطين فيّ اللي أنا بعرفهن ااا ناس بيشتغلوا ب اا بمجال الإعلان والدعاية شركات الدعاية والإعلان ووو يعني ااا قالوا لي أنُ حاول تسأل ااا ب اا مجلات أو بصحف، فأنا كنت المنطقة اللي أنا كنت ساكن فيها اسمها منطقة المزرعة في بيروت
مممم
ف اا أقرب شي ل لهل م منطقة س اللي كنت أسكن فيها عند بيت عمتي هيّ مجلة الحوادث م مقر المجلة كان بهالمنطقة، فأنا رحت يعني دخلت على ال على المبنى وصرت أسأل ااا وقدمت حالي أنا كذا كذا وو ساعدوني وقالوا لي أوكي فاا أول معاش بحياتي باخده كان بعتقد اا خمسين ليرة، خمسين أو خمسة وسبعين ليرة فهدا كان أنا بالنسبة إلي يعني مبلغ اا ما كنت بحلم فيه أو على الأقل بوقتها
ووو
جز جزء كبير من هذا المبلغ كنت أعيل فيه أهلي و اا أخوتي ااا
هل كان في أحد من اا أخوانك اا
إيه خييّ الكبير، خييّ الكبير كان ااا صار ببيروت إيه
ووو ااا شنو كانت طبيعة وظيفتك يعني مثلاً ت تبتدي اليوم شنو شنو تسوي بال ااا؟
ااا نحنا يعني لما دخلت أنا على الأرشيف طبعاً كان في ناس موجودين فاا أنا تعلمت تعلمت منهن يعني ااا أول فترة أول فترة أنُ مثلاً يعطيني ملفات أنُ أنا رتبها ااا يعطيني صحف كمان ع عملية تصنيف وترتيب ااا أكتب على هالصورة مثلاً هوَ يُطلب مني أك أك أكتب كذا أ أكتب
همم
يعطيني ااا كان في شي اسمه صناعة الصحافة بلبنان بالخمسينات مختلفة عن اليوم كانت المجلة صفحات لازم ينعمل في شي اسمه ااا كليشيهات شو يعني كليشيهات يعني كل صفحة من صفحات المجلة ااا المادة تكتب بخط الإيد إذا فيها صور ااا ترسل إلى المطبعة و ااا يعطوني إياها كمادة وكصور وروح على محل اسمه زينك زينكو غراف يعني نطلع صفحات اا اا ص اا صفحات اللي هيَ بيتم الطباعة عليها يعني هيدي الصفحات هيّ اللي بيتم الطبع اا عليها وبعدين بيحطوها بمكنة الطباعة فالزينغو غراف ألواح معدنية اا عبارة عن مادة مصفوفة كتابةً على طريقة الإنترتايب صف الأحرف بالرصاص مع الصور والعناوين ااا في متل محبرة بينعمل ب يعني هيدي المحبر ب بتعمل متل بروفة
هممم
صفحة كأنُ كأنُ صفحة مقروءة هي الصفحة أنا كنت أخدهن ووو يطلبوا مني أني أنا وصلهن على مؤسسة أو شركة اسمها محلات بتعمل زينغو غراف اللي هيّ ألواح معدنية وأرجع جيبها مرة تانية ونزلها عالمطبعة تيطبعوا المجلة
وهذا كنت في عمر ال١٤ سنة؟
١٥ خلاص أنا بدأت ١٥ سنة ١٤ سنة فأنا أكملت أكملت تعليمي من صف السيرتيفيكا أول سنة دخلت فيها نزلت فيها على بيروت بال٦٤ أنا أخدت شهادة السيرتيفيكا نجحت بأ ب بأول مرة رجعت يعني لما كملت فيها تعليمي وطبعاً استمريت بال بال بالدراسة و كلها بالفترة المسائية من السيرتيفيكا إلى أن وصلت لا مرحلة الجامعة
عفواً هذه الشهادة إهي شهادة الث الثانوية أو ااا
الابتدائية
الابتدائية
بعدين البريفايل اللي هيّ الثانوية ااا لأ عفواً ال المتوسطة
همم
البكالوريا اللي هيّ المرحلة الثانوية بيسموها باك ون باك تو
وو درستها في بيروت؟
ب اا ببيروت أن خلاص الآن استقريت في بيروت حلو نحنا صرنا بال ١٩٦٤ هون بقى فيه عالم تاني آخر وروايات أُخرى وحكايات أُخرى
ااا
ممكن الآن نحنا نوقف شويّ
أوكي

أعرّف اسمي ريم العلي وتاريخ اليوم ١٤ اا سبتمبر ٢٠٢١ والساعة تقريباً أربع اا بعد الظهر وإحنا متواجدين في مكتبة الجامعة الأمريكية في الكويت في السالمية وو هذي الجلسة الثانية مع الأستاذ اا حمزة عليّان التابعة لمشروع توثيق التاريخ الشفوي في مكتبة الجامعة الأمريكية في الكويت ااا أستاذ طبعاً شكراً مرة ثانية على الموافقة على اجراء المقابلة اا في المرة اللي فاتت توقفنا عند لما حضرتك كنت في بيروت في ااا ال ٦٤ ٦٥ وو بدـأت تشتغل في الأرشيف ااا كنت أسئلك ااا شلون اا وصلت لهذا ال لهذا المكان
همم
وووو كيف كانت بداياتك فيه
همم ااااا مرة تانية شكراً اا مكررة لإلك ول ااا أسلوبك الجيّد وو استقبالك الحسن وو أنا بهنيك يعني على اا هالروح اللي عندك ااا أنا اا نحنا وصلنا لعند محطة اا خل نقول بد بدء ااا حياتي الوظيفية أو العملية اللي كانت من بوابة العمل بأرشيف بمجلة الحوادث سنة ال١٩٦٠ ٦٤ ااا طبعاً أنا كان عندي تجربة متعثرة وو ومدتها لا تتجاوز الأسبوع أو عشر تيام باا كنت أعمل نادلاً في مقهى ااا فأنا ذ يعني اا و و وقعت الصينية من إيدي مرتين تلاتة فصاحب ال المطعم أو ال اااا ال ال اللي ضامن المطعم واللي بيدير القهوة العفو طردني قال لي أنت ما بتنفعنا فاا رحت صرت أسأل وفتش أنُ إلى أن اهتديت إلى عن طريق أصحابنا وزملائنا اللي محيطين فينا يعني فنصحوني بما أني أنا بسكن ب منطقة اسمها المزرعة في بيروت ومجلة الحوادث مقرها أيضاً في المنطقة المزرعة فليش عم يسألوا ليش ما بتروح على هذا المكان تحاول أنك تشوف تشوف لك فرصة عمل فأنا فعلاً رحت وسألت وو تم القبول أنُ بتشتغل عنّا موظف في قسم الأرشيف معاش خمسين ليرة وقتها ااا ونحنا راح ندربك ونقلك يعني اا شو هيّ الخطوات المطلوبة منك اا شو الأدوار ال المهمات إلى آخره راح نكلفك وو أنت يعني مبيّن عليك اا شاب كويّس ومتفتح وبتسمع الكلام وإلى آخره أهلا وسهلا فيك
هممم
طبعاً أن عم بحكي عن سنة ١٩٦٤ وأنا ما عندي خلفية أو خبرة بعالم الصحافة ولا حتى بالأرشيف يعني بعدني ش شاب صغير مبتدئ اا يعني لا أملك شيئاً لا خبرةً ولا غير شي سوى أنا أتنقل من محل ما أنا بسكن عند بيت عمتي إلى المجلة ومن المجلة إلى هون، طبعاً بهدا المحيط بهده الدائرة اللي هيّ خل نقول جزء من بيروت فصرت أتعرف أكثر عالمدينة وو صار عندي أصحاب وأصدقاء، أنا يعني من سنة ال١٩٦٤ كنت ماشي بخطين خط العمل الوظيفي أني أنا يعني أمن دخل لا معيشتي ولأعيل أهلي وأخواتي وخط تاني أني كمل دراستي فيه، فأنا يعني من المرحلة الابتدائية اللي هيّ السيرتيفيكا اللي هيّ الصف الخامس ابتدائي ولغاية الجامعة وأنا يعني أنا م متلازم عندي متلازمة دا م م متواصلة العمل الدائم بالوظيفة والدراسة الدائمة سواء كانت فترة المسا أو بالنهار يعني حسب ظروف الدراسة وبأي مرحلة من المراحل طبعاً هدا الكلام وصل لغاية الجامعة وأنا كنت بال اا ٧٦ وصلت إلى ااا تسجلت بالجامعة اللبنانية sociology وبالجامعة العربية اااا علوم ااا اقتصاد وعلوم ااا وإدارة أعمال
همم
فكنت مسجل بجامعتين
ااا بس لما أبتديت حضرتك في الأرشيف كنت تكمل الثانوية؟
اااا طبعاً لما بدأت بالأرشيف كان عندي أنا ابتدائي يعني شهادة ابتدائية من ال٦٤ لغاية ال ال٧٤ أنهيت المرحلة الثانوية ودخلت الجامعة من ال٦٤ لل ٧٤ العشرة سنين هيّ من الصف الخامس ابتدائي إلى المرحلة الثانوية أنا كنت أدرس فيها فترة مسائية ما في مدارس بلبنان المدارس الخاصة القطاع الخاص ااا معظم المدارس كان عندها صفوف وصفوف يعني بااا حصص بااا مواد كاملة
همم
يعني اا ما ما عليها ااا شو يقولوا يعني أي إشكالية أو
وكنت تروح اا اا صباحاً لي اا اا العمل وم وبعدها لي ال الدراسة؟
راح أحكي لك راح قلك طبعاً أنا أول سنة سكنت عند بيت عمتي بعد بسنة استقليت طلعت من عندهن ورحت أخدنا ااا يعني خل نقول شقة أو بيت مع ناس أنا و وخييّ ال الأكبر مني ااا أثناء عملي بالحوادث يعني بلش ذهني يتفتح أكثر يوم بعد يوم شهر بعد شهر طبيعة العمل وظايف العمل شغل الأرشيف ااا وو اا شوف في شي أنا ممكن أتعلمه ااا صار عندي فضول أكتر
ممم
ح حبيت العمل حبيت الشغل ااا المحيطين فيّ بحكي لك أنا عن أسماء يعني لامعة بعالم الصحافة ااا نبيل خوري ااا إلياس سحاب طبعاً الأستاذ سليم اللوزي اللي هوّ صاحب مجلة الحوادث، رياض شرارة، إبراهيم سلامة ااا أمين الأعور ااا نياز جلول رسام الكاريكاتير هذا المشهور ااا وللعلم هذا نياز إجا عمل معرضين للكاريكاتير بالكويت اا في من أشهر الرسامين الكاريكاتير كانوا بالصحافة اللبنانية بفترة الستينات أتنين واحد اسمه نياز جلول بمجلة الحوادث والتاني اا والتاني بي جريدة اا النهار هلأ بتذكر لك شو اسمه وأيضاً هذا الرسام ااا عمل كمان معرض بالكويت
اااا
أنا بالحوادث وأنا أعمل وأدرس صار في يعني اتصال مع صاحب المجلة اللي هوّ سليم اللوزي سمح لي أن أخرج يومياً يعني بحال يعني عمل لي استثناء بدون كل العاملين بالمجلة أني أنا أطلع من شغلي عالساعة ٣:٣٠ ٤ بعد الظهر لأنني أتابع دراستي في الخارج وعلى حسابي فكان يعني ياخدني بااا رعايته ويهتم فيّ ويسأل عني ووو ويعني ويحط باله عليّ حتى أسرته يعني بناته ولا ولاده كانوا دائماً يعني ااا لأن ال ال المكتب اللي أنا فيه كان بنفس الطابق اللي هوّ مكتبه فيه صاحب المجلة، طبعاً بالم بال بال اااا أثناء الدراسة ااا يعني السيرتيفيكا والبريفي البكالوريا أنا البكالوريا اللي هي بيسموها يعني باك ون أو باك تو اللي هيّ المرحلة الثانوية قدمتها الثانوية العامة في دمشق وليس في بيروت
ليش؟
وقتها كان مجموعة من أصحابي فقالوا لي الباكالوريا صعبة كتير فليش مااا بتروح وهيّدا وهيّ وشهادتك معادلة يعني ما فيها مشاكل ليش ما بتروح بتقدمها ب ااا بدمشق ووو نحنا مجموعة كنا يعني كنا ندرس سوى فقررنا أن نروح وفعلاً أخدت ال ااا رحت على دمشق لأول مرة بزور دمشق بحياتي ااا وقعدنا تقريباً شي تلات تيام أو أربع تيام ااا اللي هوّ تأدية الامتحان الرسمي في يعني حسب اا طبعاً وو تحت تحت اا إدارة اا وزارة التربية في سوريا يعني فااا أنا هذا الكلام عم بحكيكي ٧٢ أو ٧٣ تقريباً ٧٢ ٧٣ اللي هوّ وقت حرب أكتوبر أنا من ال٦٤ ولغاية ٧٢ وأنا أعمل في الحوادث حوالي ٨ سنوات
هممم
ااا دخلت عالم الصحافة يعني اا وانخرطت فيه بالكامل بمعنى طورت نفسي أكتر وفي عام ٧٣ كان عندي صديق ااا لبناني ااا مراسل جريدة لي موند ااا في بيروت لي موند الفرنسية
ممم
فاا ز أنا طلبت منه أعمل دورة بالأرشيف بفرنسا فساعدني ساعدني ااا بدي أتذكر الاسم هوّ من بيت فرنجية اا بيقرب للرئيس سليمان فرنجية
همم
اللي كان
ااا طيب بما أنك تت تتذكر أحب أرجع شوية أسأل
إيه
في في الستينات ااا شنو كانت طبيعة دراستك يعني مثلاً لما ااا ااا تترك ال ااا العمل في اا الساعة ٣ أو أربع وو تذهب إلى ااا ال الدراسة وين كان ااا في مدرسة ااا ال
إيه مدرسة خاصة يعني بعيدة عن ال عن مكان العمل طبعاً كنت كان في ب ببيروت اا بيسموها ترامواي train ووtrain رخيص وللطلبة عادةً اا بناخد كرنيه خاص فينا فب يعني ااا ك شي رمزي يعني فكنت أطلع بالtrain وروح على المدرسة أو بالسيرفيس يعني اللي هوّ سيارة التاكسي يعني، ااا
تذكر من المدرسين اللي كانوا يدرسونكم؟
يعني خليني أتذكر لك اا أنا درست بمدرسة ب اا ثانوية اا برج أبو حيدر اسم المنطقة برج أبو حيدر ودرست في مدرسة اسمها ثانوية راس النبع وو درست في مدرسة اسمها ثانوية ابن سينا ودار المخلص
مم
أربعة
همم
هيّ المدارس اللي أنا درست فيها ااا ابن سينا صاحبها أو الأستاذ اللي أنا يعني ما بروح من بالي ااا كان يدرسنا مادة علم اجتماع فكنت حابب الما المادة كتير وخصوصاً أنُ فيها يعني خل نقول جانب فلسفي اااا العنف ال ااا ااا الثورة ال اا الحريات ال يعني وأنا شاب وكنت شوف بيروت كيف هيّ اا فأشعر أنه أنا بحب المادة أكتر من غيرها ااا من الأساتذة اللي أنا كنت أحبهم واحد كان يع يي يدرسنا أدب فرنسي في ثانوية برج أبو حيدر عنده إلقاء وخصوصاً لما ي يي يحك يجي حصة الشعراء الفرنسيين مثل فيكتور هيغو
همم
وآخرين فنعمل متل مباراة بالصف بطريقة الإلقاء اااا خصوصاً لما يكون في يعني قصيدة شعرية بال بالفرنسي اا يعني يطلع وو ولد وبنت اا كل واحد يعني اا من طريقته يح يلقي الشعر وو ويقوله يعني فكنت بحبه كتير هدا وكنت استمتع بد ب ب ب بحصته بشكل ودائماً من المواظبين على أني أحضر هذه المادة يعني باستمرار يعني
ووو هل اا كانوا المدرسين لبنانيين
لبنايين كلهم لبنانية بدون استثناء
وو وو زملائك في ال ااا في المدرسة
آآه في أربعة من الزملاء اللي أنا مم ما فارقتهن طول حياتي من هالفترة هيّ باذكر لك حتى اسمائهن مم ما بتغيب عن بالي، سعيد سردوك، نبيل داود، غسان نابلسي، فاروق كلش. هوّل الأربعة آه، راشد فايد فترة من الفترات ااا وطبعاً فيهن واحد صار مخرج سينما فيهن واحد صار رئيس تحرير صحيفة بالنهار العربي والدولي ومنهن واحد تا تاجر لأنُ ااا عايلته تجار يعني كل واحد طبعاً راح باتجاه يعني
ممم
اااا ومازلت باحتفظ بعلاقات لحد اليوم معهن
ممم
اااا بهدا الفترة اللي هيّ فترة التعليم أنا طلعت من الحوادث بقيت من ال٦٤ لغاية ال٧٢ فيه حدثين حصلوا بهيّ الفترة غيروا كتير ب بالوضع السياسي في العالم العربي وفي خل نقول منطقة ااا يعني منطقة المواجهة مع إسرائيل بتعرفي لبنان كان ساحة لي العمل الفدائي الفلسطيني وفي مشاكل سياسية وو عسكرية و مع إسرائيل وكذا، الحقيقة في أكتر من مشهد يعني ببالي أني أحكي لك إياه. أول واحد هوّ حرب ال٦٧، خمسة حزيران ٦٧ اللي بيسموها حرب النكسة، أنا ا ل كنت أعمل في مجلة اسمها الحوادث واتجاهها هواها ناصري يعني خطها السياسي مؤيد لـ الناصريين وللقوميين العرب حتى العظم، بصالة التحرير متل هالمكتبة صورة عبدالناصر محطوطة بالوجه، كبيرة، صالة التحرير مفتوحة باستثناء كم مكتب اللي هوّ مكتب نبيل خوري ومكتب تاني لوحدة اسمها رضى خوري والتانية اسمها ليلى الحر، ومحمد النقاش كانوا هدولا مشهورين من الكتاب المعروفين. حصلت النكبة النكسة اللي هيّ خمسة حزيران ٦٧، نحنا قاعدين بالصالة أنا أقعد مع واحد اسمه نياز الجلول، نياز اللي هوِ رسام الكاريكاتير رسام الككا الكاريكاتير التاني اللي بجريدة النهار اسمه بيير صادق، فاا انقسم جهاز التحرير أو العاملين بالتحرير انقسموا فريقين فريق يسمع صوت العرب وأحمد سعيد وفريق يسمع ال بي بي سي والتعليقات اللي بتجي عن طريق الراديو لأن ما كان فيه تلفزيونات ما كانت بهديك الوقت نحنا عم نحكي عن ٦٧. أحمد سعيد بلعلع هذا مشهور كتير ال ال الإخوان اللي بأيدوا هدا الخط المأخوذين بكلامه أسقطنا عشر طائرات بوووو ويطلع الصوت عالي ااا إن العدو الذي بووووف يطلع الصوت عالي، نحنا قاعدين ساكتين أنا كنت قريب من نياز الجلول اللي هوّ رسام الكاريكاتير كان صديقي وزميل يعني فااا ع بال بي بي سي عم تنقل أخبار معاكسة تماماً للي عم يقوله أحمد سعيد ونحنا بصالة طولا عشر متار بس باتجاهين مختلفين لحظة بعد لحظة يوم بعد يوم يوم التاسع من يونيو ١٩٦٧ طلع عبدالناصر وأعلن تنحيه عن الرئاسة فهوّ زهأ خرجت يوم ٩ و١٠ يونيو كل الجماهير العربية من الخليج إلى المحيط إلى اا المغرب العربي إلى منطقة بلاد الشام إلى مصر خرجت إلى الشوارع تطالب عبدالناصر بالعودة عن الاستقالة، م لبيّك يا عبدالناصر نريدك يا ناصر، نحنا فداك يا ناصر، هذا المشهد أنا لا أنساه، كنا بالحوادث. مجموعة من الزملاء أخدوا صورة اا الر شالوا صورة عبدالناصر اللي محطوطة بالصالة وو ورفعوها ونزلوا فيها على الشارع مع كل الجماهير اللي خرجت، كانت مدينة بيروت تموج بالبشر بشوارعها بمناطقها، المآذن مع الكنائس أصوات، الله أكبر مع صوت الأجراس بالكنائس، أحزاب مسيحيين مسلمين كلهن نزلوا بالشارع وبيروت اكتست بالسواد. كله وين راحين باتجاه سفارة مصر اللي تقع في منطقة اسمها الرملة البيضا اللي هيّ قريبة من البحر على الشط. فنحنا زحفنا ومشينا مع هالجماهير نطالب بعبدناصر عن العودة عن الاستقالة، طبعاً وو تفاصيل ال الموضوع بعدين طبعاً عبدالناصر ع ع عاد عن الاستقالة إلى أن توفيّ بالسكتة القلبية المشهورة بال١٩٧٠ وكان آخر زعيم عربي يلتقي به هوّ المرحوم الأمير الشيخ صباح السالم الصباح م معروف. هدا مشهد هذا الكلام بال٦٧ لما أنا كنت في بعدني أعمل في مجلة الحوادث. بال٦٨ اشتدت حدة ااا المواجهة بين السلطة اللبنانية وبين المقاومة الفلسطينية، المقاومة الفلسطينية تمددت كتير بالأراضي اللبنانية صار عندها جمهور، قوى سياسية وأحزاب بت وناصريين وجزء من المجتمع اللبناني المؤيد بشدة حتى الموت للمقاومة الفلسطينية وجزء آخر رافض مشكك وخائف من المصير الذي ينتظر هذا البلد، أنُ نحنا شو بدنا نعمل بهال الغرباء راح البلد ياخدونا ع إلى داهية. ب٦٨ ال ال المنظر الآخر اللي أنا مم ما زال في ذاكرتي. أنُ إسرائيل أغارت على مطار بيروت ودمرت اسطول طيران ااا ميدل ايست اللي هوِ طيران الشرق الأوسط وهيّ الطيارات جاثمة على الأرض. رد يعني انتقاماً من أن لبنان عم يسمح للعمل الفدائي الفلسطيني ب أن يستخدم أراضيه لل ع عم يعني قيام بأعمال فدائية داخل فلسطين المحتلة وداخل إسرائيل وقتها ااا في مناطق مشهورة كتير بجنوب لبنان تحولت إلى مراكز كاملة للفلسطينيين وسيطرة كاملة لألهن اا اللي هيّ بيسموها فتح لاند و عرقوب لاند يعني هيّ المنطقتين طبعاً صار فيها معسكرات ومخيمات وقصة كبيرة، نتج عنّا هيّ اللي هو بيسموه اتفاق القاهرة ١٩٦٩ وهوَ اللي نظم العلاقة برعاية جمال عبدالناصر بين الدولة اللبنانية وبين المقاومة الفلسطينية وو كان اتفاق يعني فيه إذلال للسلطة لبنانية لأنُ شرعوا الوجود الفلسطيني أكتر وأعطوه يعني صبغة عربية أو شيء من هالقبيل هدا. ٦٤ أنا قلت دخلت الحوادث أول مشهد الحرب ٦٧ المشهد التاني ٦٨ المشهد التالت سنة ال٧٠ اللي هيّ مجازر أيلول الأسود اللي صارت في عمّان بالأردن بين الجيش الأردني وبين المقاومة الفلسطينية وأيضاً الذي أنقذ الفلسطينيين يوم ذاك من هذه المجزرة هوِ الله يرحمه الشيخ سعد العبدالله السالم الصباح اللي شال بشته وأعطاه ولبسه لياسر عرفات وهربه بسيارته ونجاه من الموت وإلا كان راح فيها. ٧٣ حرب أكتوبر فأنا الفترة اللي كنت فيها بالحوادث اليوم أنا يعني صرتي صرتي تحكي عن شخص أصبح ااا يعني آآه بهالفترة تعرفت على مجموعة من الزملاء اللي بيشتغلوا بالأحزاب اا الشيوعية واليسارية وكنت قريب جداً من مجموعتين ال الحزب الشيوعي ومنظمة العمل الشيوعي وو طبعاً أنا لم أكن ملتزماً بالمعنى الحزبي، يعني منظم أو عندي رتبة أو شغلة من هالنوع لكن كانوا بيعتبروني رفيق رفيق مناصر لهم ووو وعلى وعلى وعلى صلة يعني كتير قريبة منهن
يعني توجهك الفكري مثلاً كان اا
ااا
موازي لهم
إيه بيئة اليسار والشيوعيين اللي أنا وعيت أكتر عل على هالمجموعات هيّ
اااا أحب شوي أرجع بس إذا تسمح لي ذكرت ال اا الزملاء اللي كانوا في في جريدة الحوادث وذكرت اا رسام الكاريكاتير اللي كان اا قريب منك اا تذكر أي مواقف مثلاً صارت لكم مع بعض سواء في العمل أو أو خارج العمل ااا أي قصص اا ممكن تطري على بالك ااا مع هذا الشخص أو مع الأشخاص اللي معاكم في اا في الجريدة
نياز الجلول رسام الكاريكاتير، صديقي يعني اا جداً قريب منه نياز يعني أقرب مكان لإله بالعمل هوّ القسم الفني يعني الخطاط المخرج الفني ااا الرسام يعني كل الأقسام الفنية اللي هيّ بالمجلة فكان في واحد فلسطيني يعمل في الحوادث اسمه محمود الدورشي
ممم
هذا محمود شب حلو ووسيم طويل بس، فكانوا يطلقوا عليه ااا نوع من الدلع فينو فيناري فينو فيناري اسم طلياني واحد إيطالي اا بيحب ال اا يعني ااا بيلبس تياب حل
مهندم يعني (العلي تضحك)
إيه بيلبس تياب حلوة ااا ااا يعني وشكله حلو ووو محبوب من البنات أكتر وو ب ب شعره يعني إلى آخره. وهو كان مخرج ها مخرج وم منفذ يعني ، وكان في واحد كبير بالعمر أكتر من ٦٠ سنة بهداك الوقت اسمه الحاج اا برهان كبارة، الحج برهان كبارة من أشهر الخطاطين في لبنان بيخط، والمخرج الفني اسمه طلعت يوسف، مصري. جابوا سليم اللوزي إجا من مصر لأن سليم اللوزي كان حب وحدة من مصر وتجوزها من ااا تشتغل بروز اليوسف، فاا من وقتها تعرف عليها ووو إجا طلعت وبعدين طلعت إجا على الكويت اشتغل بالطليعة وبالأنباء يعني رجعنا التقينا فيه بالكويت. طلعت يوسف، محمود الدورجي فينو فيناري الحاج برهان كبارة الخطاط ونياز الجلول. نياز الجلول حب وحدة، تعرف عليها فيحكي لي يعني بحكم اااا أنا قربي منه يوم من الأيام بدوا يعني اا ينهي علاقته معها فكر م مية طريقة ما كانت تضبط معه فاا اتفقنا أو يعني طلب مني أني أنا هيّ بتعرف علاقتي أنا فيه. أن أنا يعني وصلها معلومات أن هذا ااا نياز الجلول شخص منحرف بظله يشرب ويسكر وبيروح فلوسه كلها وبيروح على سبق الخيل بيروح على سبق الخيل وبيلعب ب اا ب يعني بيحط فلوسه على رهن الرهن لأنُ بتعرفي سبق الخيل متل لعب القمار يعني وبيروح عالكازينو باا وهكذا، فأنا بطريقتي طبعاً وصلت إلها هال هال كم خبرية يعني بالتدرج يوم عن يوم اص انصدمت معقول ما معقول فهو زاد عليها أكتر وحصل ما كان يريده فهيّ (عليّان يضحك) هيّ وحدة من ال وحدة من الإشيا اللي اااا ب بهيّ الفترة اللي أنا كنت أشتغل فيها بالحوادث وكنت أعيل أهلي وإخواتي، اااا المعاش اللي أنا كنت أخده ما كان يكفيني يعني محدود جداً، وو صارت أنا اا أنا بدي أدفع ااا قسط المدرسة
همم
ووو وبدي وأنا ما عندي سيارة وتنقلات وو وبدي أطلع على اا من بيروت كل شهر أو شهرين أو تلاتة أطلع عال على على قريتي مشان شوف أهلي أو إذا أهلي حداً منهن بدون يجي يجي على بيروت. فاا اتعرفت أنا وبالحوادث على ناس بيشتغلوا بالمطبعة عمّال بالمطبعة، في بتعرفي المطبعة يعني أكتر من وظيفة في ناس بتشتغل على مكينة الطباعة نفسها، في ناس بتصف الأحرف على الانترتيب في ناس بتشتغل بيسموها شك شو يعني شك يعني المجلة المجلة قبل ما تطلع على السوق وتنباع بيحطوها على مكينة ب اا ب بتعمل دبابيس
همم
دبابيس مشان تمسك المجلة حتى يعني اا توزع ميكون الورق فلت فلتان فأنا صرت أنزل معهن واسهر بعد ما أجي من المدرسة بالليل، اشتغل بالمطابع فاتنقلت ب يعني باا ب ب بدار الصياد بمنطقة اسمها الحازمية وهيدي بعيدة كتير عن بيروت، بمنطقة بااا ب اا كنت روح على ااا ااا مدينة بيروت تحت يعني ب بوسط بيروت الdowntown ااا نروح على ااا مطابع اا باا الجميزة منطقة اسمها الجميزة ااا نروح على مطابع اا بمنطقة الحمرا يعني ب ب موزعين ااا وو أكتر مكان من اللي اشتغلت فيه مك مكانين بالمطابع، مطابع دار الصياد اللي كانت تطبع مجلة الشبكة أكتر مجلة توزع بالعالم العربي لأن مجلة فنية، يطبعوا مية وعشرين ألف نسخة كل أسبوع، كل العالم العربي يعني كانت تنافس مجلة العربي بكل الأسواق في العالم العربي، الناس بتحبها، ليش؟ بتحكي قصص فنانيين ومطربين وو ومجلة مم يعني مجتمع وإلى آخره، فأنا كنت أسهر الليالي بهيّ المطابع كي أحصل على يعني مبلغ مالي سد فيه حاجتي وو أقدر كمل يعني حياتي بالشكل اللي أنا كنت اااا بهيّ الفترة اتنقلت ااا يعني غيرنا ال السكن
حضرتك مع اااا مع
مع خ اااا خوييّ اللي حب وحدة كانت ساكنة ب برجنا وصار في بيناتهن وهيدا فتجوز فانفصل عن ااا طبعاً طبيعي أن هوِ يروح محل وأنا روح مح وأنا أجي يعني مكان تاني، في قصة ما أنتُ أنا وحدي بحكي تعرفي بيصير اااا يعني
أكيد
ااا بتصير ال ااا الصور الم المخزنة بالذاكرة بتطلع وحدة ورا التانية، قصة حلوة كتير
(العلي تضحك)
بلبنان بالستينات بعز لبنان بتعرفي لبنان مزدهر، كل العالم العربي فيه والأجانب، بلد منفتح، بلد يعني العصر الذهبي، ال الليرة تلمع ذهباً، خليج، عرب، مشرق، مغرب، كله كله بلبنان
اااا طيب ذكرت أن كنتوا تستمعون لل للراديو ااا وذكرت أنك أتحب الأدب الفرنسي ااا أبي أسأل سؤالين إذا ممكن ااا شنو البرامج اللي كنت تستمع لها في الراديو هل كان في برامج معينة غير عن البي بي سي ااا هل كان في برامج مثلاً ترفيهية تحب تستمع لها؟ وهل تحب تقرا في الأدب اااا
كنت أقرأ كتب فرنسي، كتب أقرا، إذا لقيت كتاب أقرا جريدة لي موند أحرص على أني أقراها بشكل يومي، وتعلقت فيها، نسيت قلك، وأنا عم نحكي من الساعة على موضوع فرنسا. اسمه سمير فرنجية، هوِ اللي سهل لي مهمة عمل دورة ل على الأرشيف الصحفي، في جريدة لي موند في باريس ١٩٧٣، أول مرة بركب طيارة وبطلع فيها من مطار بيروت إلى مطار شارل ديغول في باريس، بال٧٣. رحت تقريباً حوالي شهر قعدت في باريس جريدة اللي موند عملت دورة بالأرشيف ورجعت مرة تانية وعلى حسابي الخاص، يعني كنت أنا جمّع فلوس طبعاً ووو وفي ناس ساعدوني يعني ووو بباريس تعرفت على مخرج سينمائي لبناني اسمه فوزي كلش، فوزي أخوه لا فاروق اللي هوِ زميلي بالدراسي بالمرحلة ااا وساعدني يعني وو آهه وأيضاً اللي ساعدني أكتر بهال رحلة على فرنسا، خييّ الكبير كان يشتغل عند محامي ااا والمحامي هدا زوجته أو مرته بباريس وهوَ عنده مكتب بباريس فكمان ساعدني أني اااا وفر لي شغل بمحل بشركة قريبة يعني بمعنى أنُ أنا يعني ااا أقدر أدفع اا تكاليف رحلتي وو وو وفترة اقامتي و و إلى آخره
ووو أخو حضرتك كان ااا هل كمل تعليمه معاك أو
لا لا هوَ كان يُدرس لوحده
ممم
يعني هو وصل لل ااا لل لا صف البريفيه وباكلوريا ووقف يعني ما عاد راح اشتغل عند هذا المحامي ااا اسمه جون بمنطقة ببيروت ااا ااا ب بالسيديكو جنب وادي اليهود يعني مك مكتب المحامي
هممم فهل كنت حضرت أول ااا ااا أ فرد من اخوانك تحصل على اا الشهادة الجامعية؟
طبعاً أنا ما كملت الجامعة هلأ بحكي لك قصة الجامعة
بس يعني كم اا وصلت للجامعة؟
إيه طبعاًً
ااا فكنت
أنا كنت أول سنة بالجامعة اللبنانية الsociology والسنة التانية بالجامعة العربية ااا اقتصاد وأعمال. أوكي؟ تأحكي لك أنا كيف طلعت من الحوادث ورحت على مجلة الدستور وبعدين جيت عالسفير
ااا ومتى
نحنا بعدنا ببيروت
ااا بس ااا الرحلة في فرنسا كانت في السبعينات مو في
٧٣
ففي بالسبعينات يعني مو في الستينات
لا
وو كنت وكنت وقتها في الحوادث
لأ
ولا انتقلت

01:07:37 - عمله في مجلة الدستور

Play segment

Partial Transcript: لأ كنت انتقلت إلى مجلة اسمها الدستور
أوكي
مجلة أسبوعية ااا
ليش انتقلت من
إيه نحنا ااا يعني كنا كنا مجموعة ااا اللي أنا بتذكرهن من الصحفيين ال الكبار اللي كانوا موجودين، كان أهم مصور اسمه زهير سعادة ومن الكتاب المشهورين اسمه إبراهيم سلامة ووو ااا شاب اسمه غسان كنج، هلأ بحكي لك قصة غسان مهمة هيدي تعرفيها
همم
وأنا، قررنا أنُ نطلع من ننتقل من مجلة الحوادث إلى مجلة الدستور، مجلة طالعة جديد وعم تطلب كفاءات وبتعطي معاشات أكتر من المعاشات اللي نحنا بناخدها بالحوادث
ممم
فأغرونا بهالمعنى فقلنا يالله بنطلع نحنا فأنا انتقلت، تقريباً، كمان مسكت قسم الأرشيف بمجلة الدستور، و اااا ااا ااا قعدت فيها حوالي شي سنة، لغاية ال٧٤ وأنا بالدستور. غسان كنج شاب لبناني، خريج الجامعة اليسوعية من بيروت، بيعرف فرنسي وإنجلش perfect جابوا استعان فيه سليم اللوزي بمجلة الحوادث تيترجم له ااا الصحف والمجلات اللي بتصدر بإسرائيل وبال وبال وبالغرب بالإنجليزي يعني في صحافة ااا إسرائيلية بس باللغة الإنجليزية مثل جيريزلوم بوست متل هارتز متل معاريف، بيصدروا بطبعات إنجلش يعني غير ال العبري
مممم مم
نفس الشي الصحافة الأجنبية فهوِ كان يترجم له هنِ فكان مترجم جيد وو وبعدين يعني مثقف وواعي فهيدا الشخص غسان طلع كمان معنا من الحوادث إلى مجلة الدستور، فااا بالدستور بالدستور طبعاً يعني ااا إنتي عم بتحكي عن ٧٣ اا يعني فترة ال٧٢ ٧٣ في عندك حرب اا أكتوبر، عندك حرب حرب اللي هيّ بين الفلسطينيين والإسرائيليين ووو وخصوصاً جهاز الموساد
ممم
اللي كان يطارد الفلسطينيين بالعالم كله وبدأت عمليات خطف الطائرات على يد الجبهة الشعبية لتحرير فلسطين القيادة العامة، ليلى خالد، وجورج حبش و وهالمجموعة هيّ، وديع حداد. أوكي؟ ااا بالفترة اللي أنا اشتغلت فيها بمجلة الدستور، غسان كنفاني، غسان كان بالكويت معروف هيدا، أحد قيادات الجبهة الشعبية لتحرير فلسطين من ال اا ومن ال المجموعات القوميين العرب اللي أنشقوا عنهن. كانت ااا اغتالوا اغتالت إسرائيل بال٧٣ ب بيسموها عملية ڤردان ڤردان في شارع اسمه شارع ڤردان ببيروت كان بيسكن فيه ثلاث قيادات من الفلسطينيين
ممم
ااا فإسرائيل عملت عملية كو كوماندوس ودخلت على هدا الشارع واغتالت ثلاثة وقتلتهن ااا بهيدا الوقت ااا أجت تهديدات لغسان كنفاني ااا ااا طُلب منه أنُ ما يداوم بمجلة الهدف ال اللي هيّ بتصدر عن الجبهة الشعبية لتحرير فلسطين، وهيّ المجلة كانت تصدر من بيروت وموقعها م معروف بمنطقة با اللي يسموها كورنيش المزرعة مقابل مبنى منظمة التحرير الفلسطينية. فطُلب من غسان كنفاني أنُ يروح على مكان تاني ااا آمن أكتر، بيته بالحازمية ااا زوجته سويدية لغسان ااا فكان يجي لعندنا، كنت أنا يعني على صلة مع أو قريب منه يعني، فأنا تعرف عليه من هيديك الوقت ووو وعلى صديقه بسام أبو الشريف اللي كمان إسرائيل اغ حاولت اغتياله كان بالجامعة الأمريكية وقطعوا له أصابيعه. فغسان فغسان كنفاني اغتيل بالحازمية بالفترة اللي أنا كنت فيها أشتغل ب مجلة الدستور لصاحبها الأستاذ علي بلوط.
شنو كانت اا علاقتك في غسان كنفاني؟ هل ااا يعني اشتغلت معاه فترة أو كان اا
لأ أنا بعدني بحكم عملي بقسم الأرشيف، يعني ااا إذا سأل عن اا معلومات، صور، مجلات م موضوعات، كتّاب يعني أنا أرشيف أرشيف متواضع بهديك الوقت طبعاً، اللي بيحفظ فيه المجلة اا أعداد المجلة نفسها، الصفح اللبنانية، صحف عربية، يعني بدو أي موضوع يحاول يستعيد شي قديم طلع له إياه، أخدمه بمجال المعلومات
هل صارت لك مواقف مثلاً معاه أو أو ما تتذكر شي؟
لأ الموقف اللي اللي اللي صار وأنا بمجلة الدستور وأيضاً من المواقف اللي الواحد ما بينساها، مدير التحرير اسمه إلياس المرّ، كان بالكويت وزوجته اشتغلوا، هدى اسمها، هدى المرّ ااا إلياس المرّ مدير تحرير و ااا رئيس تحرير اسمه ااا إبراهيم سلامة، إبراهيم سلامة كاتب جيد معروف، بس مزاجي. وأقرب واحد كنت لإله أنا لأني أنا قريب منه يعني من زهير سعادة ومن هذا إبراهيم سلامة. وأيضاً إذا بتذكريني كمان في موقف هون مع زهير سعادة بقلك ياه بس بس نخلص مش هلأ. إبراهيم سلامة كاتب جيد ومعروف بالوسط الصحفي، وهوِ الدينامو تبع المجلة كله، اليوم ااا مزاجي بمعنى مثلاً ما تعرفي إمتى إيجي عالمكتب ما وما بتعرفي إمتى بيطلع يعني ما إله وقت معيّن ااا شويّ زعلان وو وشويّ بيصير بيغني
(العلي تضحك)
وووو يوم بيجي مثلاً مبسوط، يومين بيغيب م وهكذا، يعني بيحيّرك. فااا يوم من الأيام سمعنا أن هوِ صار عنده مشكلة مع صاحب المجلة اللي هوِ الأستاذ علي بلوط، ووو يعني مش م مش متفاهمين أو مختلفين أو كذا. فاا رحت لعنده أنا بدي أسأله شو الموضوع، قل لي هدا مش شغلك، قلت له أوكي مش شغلي مش شغلي بس أنا راح أعرف إذا أنت ما بدك تحكي لي أنا راح أعرف. سألت الشباب قالوا لي، شو المشكلة؟ إبراهيم سلامة طلب من صاحب المجلة أنُ يعمل له غرفة خاصة منعزلة ويحط فيها اا بتعرفي هيدي الك الكرسي اللي ب بتقعدي فيها عند حكيم الأسنان طبيب الأسنان
آه
اللي بتكون هيك طويلة، تبع الأسنان، يعني. فهيّدا صاحب المجلة استغرب من الطلب يعني أنُ نحنا أنُ انت عم بتشتغل صحافة وهيدي مجلة شو شو يعني أنا جب لك ااا يعني بتفتح عيادة طب أسنان شو يعني شغله مستغربة، يعني في شي غلط. فحاول أنُ يعني يس يستفهم منه كذا بالتي هيَ أحسن، بعت له ناس يعني أنُ يا إبراهيم ااا يعني (عليّان يضحك) روقها شويّ، هدي الأمور، شو أنت يعني الطلب اللي عم تطلبه هيدا يعني تعجيز ولا أنت عم يعني شو بدك اا لا أنت لاأ نت طبيب ولا ااا إلك علاقة بالأسنان، شو؟ قاله أو استقالتي أو بتجيب هيدا ال ال بتسوي لي هيدي الغرفة وبتجيب لي ااا ااا كرسي ااا طب طبيب الأسنان. أصرّ، وما بيقدر يستغني عنه لأن بيعرفُ أنُ هوِ المجلة كلها، يعني هوِ شايلها كلها المجلة، قايم فيها و بيؤدي الدور بشكل جيد وو مجلة نازلة عالسوق وعم بتنافس. استشار علي بلوط اللي هو صاحب المجلة يعني اااا أقرب الناس لإله، المدير العام مدير التحرير إلى آخره، قالوا له ما عندك خيار تاني، أو بتقول له مع السلامة أو لأ بدك تستجيب لطلبه، والله جاب له إياه. فضوا له غرفة كيف نحنا هيك قاعدين
هممم
وحطوا له إياها لونها أبيض، وأعطوا المفتاح لهدا الفراش صار هوَ بيفتح له وهلأ أخدوا أخدوا منه المفتاح. يوم أنا جيّ بكير ما في حدا بالمجلة فهوِ فايت على هيّ الغرفة وفاتح الراديو على أرمني يعني أغاني وموسيقى أرمنية، وهو عمن باااا ب ب ب يعني ااا ب بيرتل أو بيلحن أو، ب ب بيردد يعني كلام، فشو، بيروح بيسهر الساعة أربعة خمسة الصبح وبيجي بيقعد بينام هون (عليّان يضحك) وبيحط أي يعني أي أي محطة ممكن تجي على باله (عليّان يضحك) بيحطها بس تيسمعها تيعيش يعني هوِ بالطريقة الي باللي الل
لي بتناسبه، فيهدا مثلاً اا يعني شخصية مزاجية
همم
شخصية مممم متقلبة بمزاجها يعني، بس مبدع يعني ب ب مبدع ب بكتاباته مبدع ب بإدارته ك كصحفي يعني ككاتب يعني
لكن شخصيته كانت
إيه فهيّ من الإشيا اللي ممكن الواحد يعني ااا شو يقولوا يعني يتذكرها
ممم
من المواقف ال
الغريبة شويّ
الغريبة شويّ
ااا طيب أحب أسألك عن طبيعة عملك بالتحديد في الأرشيف مثلاً خنقول يوم ااا يوم عادي اا تقوم حضرتك من النوم وتروح إلى اا إلى العمل، شنو تسوي في بداية اليوم؟
ااا بتقصدي بأي فترة عم تحكي بأي مثلاً
ااا الأثنين، في الحوادث وو وو وفي ال اا في ما بعد ذلك يعني مثلاً ااا تدخل ااا العمل، شنو أول شي تسويه؟
شوفي يعني طبعاً هيّ حتى المهام العمل كانت تتغيّر بحسب الم المكان اللي أنا فيه مثلاً بالحوادث شيّ بالدستور شيّ وبالسفير
نعم
في ما بعد شي تاني آخر
مثلاً في الحوادث
راح قلك
ااا دخلت اا شنو أول شي
أوكي راح قلك راح قلك ااا ااا أول اا يعني اا م مش أول سنة خلينا نقول يعني بأواخر الستينات تقريبا بأواخر الستينات، أول شي ااا اا بقرا ال اااا يعني دائماً المجلة العدد ااا الأخير من مجلة الحوادث بحرص على أن ااا المجموعات تكون مرتبة عندي ابعتها عالمطبعة مشان يجلدها وأني أقرا المجلة من الألف إلى الياء، لازم تقريها ليش لأن ممكن تتعرضي لأسئلة حول أيّ موضوع من الموضوعات واا يسألوك سواء كان من المحررين العاملين بالمجلة أو من ناس من بره ووو و و وأنا كنت يعني ااا اا أرشف كل الصور اللي بتنشر بالمجلة لأني كنت أخد فهيدا عم من ضمن هذا العمل جزء من العمل اليومي، فأنا أرشف صور يعني بمعنى أوثقها، أعمل توثيق للصورة، حط البيانات، التاريخ، المناسبة إلى آخره و نوزع الصور حسب ملفاتها وحسب نظام التصنيف المعمول فيه بالأرشيف، طبعاً بالإضافة لذلك، أقرأ الصحف اليومية، يطلب مني أعمل متل تقرير، شو هيّ أبرز يعني ااا القضايا بهيّ الصحف و شو هيّ الموضوعات اللي فيها مادة معلوماتية يعني تستحق أنُ الواحد يقراها ويحتفظ فيها
ممم
لأنُ أنا في واحد كان مسؤول عني، فأنا أعطيه هذا التقرير وهو يعطيه لااا صاحب المجلة اللي هوِ رئيس التحرير اااا أخلص ااا يعني هل هل هل النوع من العمل أشتغل بموضوع البطاقات الفهرسة، لأن كان وقتها استعنا باا اا الدكتور اسمه أنيس طباع ااا يدرس بالجامعة علوم مكتبات، فإيجى ااا يعني يعلمنا ااا كيف نعمل بطاقات فهرسة للكتب
ممم تصنيف يعني معيّن
تصنيف
ممم
بهديك الوقت طبعاً اااا طبعاً يُطلب مني أني أنا ااا لما أروح على بيسموها زنغوغراف يعني آخد الصور والمادة اللي بدها تطبع أوصلها و أرجع ووو وأرجع جيبها، واستمر من الصبح طبعاً والاتصال مع المحررين يعني بيطلبوا خدمات صور، خدمات معلومات، بيطلبوا صحف، بيطلبوا يعني أنا يعني في دائرة العمل التحرير جهاز التحرير يعني من رئيس التحرير ولكل العاملين بكل الإدارات أني أنا وفر لهن طلبات أو خدمات إله علاقة ب ااا العمل التحريري، معلومات، صور، كتب، مادة
ممم
أقرا مثلاً اااا قلي إقرا لي هالموضوع ولخص لي إياه، لخصه ويعني وهكذا
ااا ذكرت في البداية أن كان عندك فضول، فهل كنت تحب هالوظيفة هل كانت تشبع فضولك هل كنت تستمتع يعني فيها يومياً؟
يعني مع الوقت يوم بعد يوم يعني أنا ااا بتعرفي
أو كانت رتيبة مثلاً، شنو كنت تحس؟
إيه راح قلك، لأ كنت أشعر أن في عندي رغبة أني أصير أحسن، يعني أصير أفضل، أنُ أنا ااا يعني ص ص ص صار صارت صارت عيني على الشي يعني اا مم مش شي محدود أني أنا أقعد ورا مكتب وهالوظيفة، كيف طوّر مركز اا الأرشيف قسم الأرشيف كيف طوّره، كيف أنا اسمي يطلع بالمجلة أكتب
هممم
يعني كيف أنا أكتب
وشلون حاولت ت ت تطور أو؟
مم قلك شغلة موقف معلق بالحوادث لا لا ينسى لا ينسى، أول مرة بحياتي بفوت على محكمة، على محكمة. كان في واحد اسمه ريا رياض شرارة، وصاحب المجلة اسمه سليم اللوزي وأنا مسؤول قسم الأرشيف
ممم
انعمل تحقيق نشر في مجلة الحوادث هدا الكلام طبعاً بالستينات يعني، وخل نقول ٧١. تحقيق عن ااا يهود لبنان
ممم
وتحديداً بيسموها منطقة يهود وادي أبو جميل، اللي هوِ وادي اليهود. يعني المنطقة اللي بيسكنوا فيها اليهود في بيروت. حطوا صور وعملوا يعني ااا راحوا سألوا إلى آخره وحكيوا عن قصة هال هالجالية اليهودية اللي ساكنين بلبنان
ممم
بال بال بالتحقيق في صوّر في صوّر وفي معلومات، وحدة من الصور حطوها عن واحد يهودي اسمه مزراحي من عائلة مزراحي. يبدو هدا قرا التحقيق وفي نوع من التشهير فيه أو الإساءة فهو يعني قرر أنُ يرفع دعوى ضد ناشر المجلة وكاتب التحقيق والمسؤول عنه. فااا ، هيّ شو كنا نعمل
المرحلة وايد غنيّة
جداً
أحس فيها وايد ك كنت قاعد تذكر لي عن عن ال المحكمة
إيه، بكمل ك بس ونرجع
تفضل أكيد
فاا قرر اا هدا مزراحي أن يرفع دعوى وبالدعوى عادةً بتطال بحسب القانون ااا صاحب المطبوعة اا كاتب التحقيق ومن يساهم بتزويد
ممم
هالمحرر أو المجلة بمعلومات أو بصور، اللي هوّ حضرتي. فإحنا صرنا تلاتة، فيوم، جيت ولا بيقلي سليم اللوزي أنت مطلوب للمحكمة، قلت له أنا قلت شو شو شو عامل أنا شو عامل، شو محكمة. صار يمزح وكذا اا يعني اا علموني نبهوني شو أحكي شو قول كان في محامي للمجلة يعني المهم تم الاستدعاء ورحنا على المحكمة، أول مرة أدخل إلى قاعة محكمة، وأنا يعني في مهابة للقصة يعني وو وأنا بالنسبة إلي شغلة يعني شغلة كبيرة يعني
ممم
فقعدنا ااا الحاجب ال اللي جنب اا ال القاضي بينده الأسماء إذا الكل موجودين فنده اسمي بدك توقف تقولي نعم أنا حاضر، أنا اا المهم فصار القاضي يوجه أسئلته بده بده يوجهها أسئ أسئلة لإلي فقالوا سليم اللوزي أنُ أنا صاحب المطبوعة وو وأنا اللي برد على الأسئلة إذا سمحت لي قول أي شي فالمهم اااا سألني قالوا لازم أسأله عن أنُ أنا اا الصور اللي أنا عا عطيتهم إياها وفرت إلهن إياها اا هل أنت كنت في علاقة أو في معرفة بينك وبين هدا اليهودي مزراحي، فقلت إله أنا ولا بعرفه ولا بحياتي سمعت فيه ماب أنا ما عندي فكرة عن أي شي. المهم طلعنا براءة وخلصنا الموضوع. بس حكمت المحكمة لصالح المزراحي كتعويض كتعويض يعني لليهودي وانتهت القصة. هيّ أول مرة بفوت فيها للمحكمة
ممم ااا أحب أسألك لأنك ذكرت ال الفكر اليساري ااا شنو كان اا علاقتك في هذا الموضوع، هل كنت مثلاً أك اا ذكرت أنك ما كنت منظم، بس شنو اللي جرفك لهالناحية، مثلاً اا أشخاص معينين أو قراءات معينة ااا
شوفي أنا يعني أصحابي اللي قلت لك عنهن قراب كتير سواء كانوا اللي اشتغلوا بالصحافة يعني هيّ أنا المؤسسات اللي أنا اللي أنا تنقلت فيها
ممم
من الحوادث إلى مجلة الدستور إلى جريدة السفير أول ما تأسست بال١٩٧٤
مم مم
ااا تعرفت على مجموعة من الزملاء اللي عندهن توجهات يسارية اشتراكية شيوعية
مم
فالوسط قريب منه وكنت مندمج يعني بمظاهرات ال كل المظاهرات اللي كان يدعي إلها والاضرابات ال الشيوعيين كنت معهن
ممم
يعني أنزل عالشارع وروح وإجي
شنو كان الجو العام لما تنزل؟
يعني يعني طبعاً نقابات عمالية يعني مثلاً نقا اا يعني اا أقوى نقابة عمالية بلبنان كان م مسيطر عليها الحزب الشيوعي ااا نقابة عمال المطابع، نقابة عمال المستخدمين، نقابة الاتحاد العام لنقابات العمال
ممم
هيدا الجسم كله كان مع يعني خل نقول ال القوى ال المسيطرة هن الشيوعيين
هممم ووو ذكرت أنك تنقلت من ااا مكان لي مكان هل مكان سكنك كذلك غيرته ولا
إيه إيه
فأول شي كنت ساكن عند بيت عمتك
عندي بيت عمتي بعدين صرت
بعدين مع اا أخوك
مستقل أنا وخييّ بعدين أنا صرت لوحدي وجبت خييّ التاني الأصغر مني معي، فيعني تلات أو أربع أماكن أربع أماكن.

01:27:38 - عمله في مجلة السفير في منتصف السبعينات والحرب الأهلية في لبنان

Play segment

Partial Transcript: بعد ما طلعت أنا من الد من مجلة الدستور رحت على جريدة السفير
في ٧٤
أول ما تأسست بال٧٤
ااااا
طبعاً بال هون ااا يعني شو يقولوا وعيي السياسي صار أ أكتر نضجاً
ممم ممم
وصرت شايف الأمور بشكل أوضح، يعني يوم عن يوم إلى آخره. صار عندي مساهمات بالكتابة وبال وبالصحيفة ااا صار إلي حضور ومشاركة بالتحرير أكتر من الأول. صار إلي دور ااا ب يعني عمل
ممم
اااا
محتوى ال
عمل تنظيم ااا وتصنيف بمراكز المعلومات أكتر من ال ما كان بالأول يعني متل ما قلت لك أن هدا التحدي اللي كان عندي أنا. بالسفير بال٧٤ أنا أحد المؤسسين، يعني كنا بعدنا من من الصفر يعني ووو استلمنا ااا هون قلت لك تجربة مركز المعلومات يعني صارت أكثر شمولية مم يعني ما عادت بمستوى الحوادث ومجلة الدستور. بال٧٤ يعني ما مضيّت يعني قولي ١٣ نيسان ٧٤ سنة تقريباً و اندلعت الحرب الأهلية بلبنان ١٣ نيسان ١٩٧٥ هون بقى في محطة تانية أخرى
ااا طيب ااا اا الفترة اللي ذكرت أنك التحقت فيها في الجامعة هذي كانت أي سنة؟
اللي هيّ شو عفواً؟
اللي التحقت فيها ال في الجامعة
إيه ااا بهيّ الفترة اللي أنا انتقلت فيها للسفير بال٧٤
ممم
بال٧٤ بال٧٣ أنا دخلت لما رجعت من فرنسا وكنت بمجلة ال الدستور
ممم
وعملت هالدورة دور اا دور دور دورة بالأرشيف بال٧٣ انتسبت إلى الجامعة اللبنانية معهد العلوم الاجتماعية sociology علوم اجتماعية وتسجلت سنة أولى
ممم
بال٤ بال٧٤ ٧٥ يعني بهيّ الوقت بهيّ الوقت تسجلت بالجامعة العربية كمّان ااا اقتصاد اا وإدارة أعمال
في نفس الوقت؟
بنفس الوقت فأنا كنت بجامعتين وأعمل في جريدة السفير وكان إلي صلات مع بعض المثقفين الفلسطينيين
مثل؟
كتار
ممم
كان في واحد بمجلة الحوادث اسمه طلال رحمة، طلال مسؤول قسم الثقافة بالحوادث ااا وفي آهه وناجي العلي لأن ناجي العلي إجا على السفير بهديك الفترة اللي أنا كنت فيها، وبلال الحسن، توفيق السراداوي اااا طبعاً كنت عارف أنا مجموعة اا اللي بيشتغلوا بالهدف، بسام أبو شريف ااا ومجموعة ثانية كانت تشتغل بمجلة فلسطين الثورة
ممم
يعني هدا هدا يعني هيدي بيئة بيئة العمل اللي أنا اشتغل فيها ااا بالجامعة الجامعة اللبنانية الجامعة العربية استعان فيّ طلال رحمة طلال رحمة اللي هوّ مسؤول قسم الثقافة بمجلة الحوادث بحكم الصداقة والزمالة أن بدو يأسسوا ااا مركز معلومات بمجلة فلسطين الثورة اللي كانت تصدر من بيروت ومكتبهن جنب مر مم مقر جامعة بيروت العربية
ممم
فيعني كنت مر متل مم هيك كنت بالأسبوع مرة ساعة أو ساعتين، هيدا طلال استشهد بهديك السنة يعني راح مع كان يرافق فريق إعلامي إجا من بلجيكا لأن هوِ بيحكي فرنسي، ف راح على إحدى الجبهات وهوِ منو عسكري وما بيعرف فأجته قذيفة وو وو ومات. ٧٤ ٧٥ أنا أهلي أهلي صاروا ببيروت، استقروا، العايلة صرت أنا مسؤول عنها كلها وعن إخواتي وعن تعليمهن وعن كذا. فهذا يعني زادت مسؤوليتي بال بالوقت اللي أنا يعني صار التزاماتي أكتر، يعني أنت عم تتخيلي جامعتين أنا بشتغل بالسفير وبتنقل بأكتر من مكان، المهم ب١٣ نيسان ٧٥ بدأت الحرب وأنا كنت بالسفير بتعرفي جو البلد كله تغير
ممم
حرب أهلية نحنا عم نتابع بتعرفي الشغل العمل الصحافي يعني ااا م م ااا بتتعرضي لمخاطر يعني يومياً بتنقلاتك بطلعتك ب بتروحي بتجي يعني ووو الجريدة اا العين عليها لأن وو عندها توجهات يسارية وعندها وعندها يعني مجموعات من الفلسطينيين بتشتغل فيها ووو ومخيفة يعني جريدة اا يعني بتشكل مركز ثقل ااا إعلامي ومؤثرة جداً بالوسط الصحفي اللبناني والعربي بشكل عام
ااا هل كنت تحس مثلاً بعدم ال ال الأمان أو خطورة على اا حياتك أو ااا أسرتك؟
جداً جداً أنا كنت كل يوم معرض للموت كل يوم ااا بحكي لك قصة صارت مرة أنا كنت بال ااا بالسفير فااا صار في حريق بمحل معين بمنطقة اسمها الدوّرة مكان فيه محررين وأنا ما كان شغلتي أني روح أنا أغطي أخبار، فكان عندي صديقي اللي أنا قلت لك عنهن أسماؤهن غسان نابلسي ونبيل داوود قاعدين عندي بالمكتب يعني بال بال ب بالسفير فاا طلب منا رئيس التحرير أنُ نروح نغطي هذا الحدث وقال لي ببعث معك مصور ااا قلت إله لا ما في داعي نحنا بناخد كاميرا ومش عارف إذا راح معنا مصور المهم فانزلنا بالسيارة، تعرفي بيروت يعني نصها شرقية ونصها غربية وحواجز وتفتيش ووو ذبح عالهوية وشغلة صعبة كتير، فحاولنا نوصل إلى هيّ المنطقة، كان لازم ن نفوت ب بمنطقة ااا بسيطروا عليها حزب الكتائب ااا فنحنا أخفينا كل شي وعأساس أنُ رايحين عند ناس أصحابنا ااا وإذا بحاجز يعني بيطلع فجأةً ما كنا حاسبين الحساب فقال شباب أنت منين حاول يعم يعرف إحنا أسمائنا هوياتنا وين نشتغل إلى آخره فخبر كل المنطقة أنُ عطى أوصافنا وأوصاف السيارة معناته أن إحنا مدار شبهة
هممم مستهدفين
مم طلعنا، اللي معي غسان حاول يزوّرب (عليّان يضحك)
ممم
يعني يفوت بطرقات مش مش معروفة فاا شفته مرعوب يعني مش قلت إله شو شو خير شو في، قال لي بتعرف شو في معنا بالسيارة بال بالدبة قلت إله شو في، قال لي معنا كلاشينكوف ومعنا كوفية فلسطينية. أنا قلت خلاص تشهدنا (عليان يضحك) خلاص يعني ما راح نطلع طيبين. ربك من فوق خلاص يعني أنُ ااا إله إله إله عناية أنُ نحنا نطلع سالمين يعني
ليش كانت هذه الأشياء موجودة ااا؟
بحكم أن أول شي هولي شيوعيين أصحابي ووو كانت لبس الكوفية يعني شغلة ت ت يعني بتعتزي فيها ب بتحطي كوفية فلسطينية وكلاشينكوف يعني إنتي بتحمي نفسك وقادرة تطلعي وتروحي وتجي وو وو حواجز يمرقوك عليها يعني، فهوِ ااا يعني كان ااا
هل كان السلاح متوفر ب ااا
جداً جداً جداً يعني حتى حتى نص الزملاء اللي كانوا يشتغلوا بال بالسفير ااا كان معهن أسلحة بيحطوها ب ب ب بسياراتهن نوع من الحماية
مممم اااا
فأنا بهالسنة هيّ خلينا نقول بشهر ٤ أو بشهر ٥ ٧٦ بعد سنتين تقريباً بعد سنة من الحرب الأهلية
مممم
وبعد سنتين من عملي بال اا بالسفير
ممم
ااا ااا صارت الحرب دبح عالهوية اا صارت الحرب بشعة جداً وصرت خايف على حالي وعلى أهلي شو بدي أعمل أنا، كل يوم أنا معرض للموت، كل لحظة أطلع فيها بحس حالي أني ما أرجع عالبيت، شو بدي أعمل يعني شغلة م ما لا تطاق، أطلع من الجامعة أجي مشي اا القذائف علينا أوف شغلة! فاا المهم عملت اتصالات كان بعرف ناس أنا بال بال بال بالكويت

01:36:48 - قرار انتقاله للكويت في عام 1976

Play segment

Partial Transcript: يشتغلوا معي وكان إلي عندي أخ أصغر مني جايّ على الكويت فترة بس ما طوّل بعدين نزل
ليش كان ياي عالكويت؟
كان جاي يشتغل اشتغل بال اا يشتغل إخراج إخراج فني. فاا عملت اتصالات ورتبت الأمور وقالوا ولو أنت يعني أهلا وسهلا فيك على الرحب والسعة. يوم وأنا طالع يعني ااا وصلت على مبنى ال جريدة السفير بالعافية يعني بين لحظة والثانية كنت راح موت قد ما كان في وقتها يعني قذائف وو ومواجهات وو بين الجيش اللبناني العربي وبين الفلسطينيين وبين الجيش اللبناني يعني قصة وحرب الفنادق ومش عارف فأنا يعني قلت خلاص لن أبقى في هذا البلد بعد ٢٤ ساعة. أهلي رجعوا على القرية عضيعتهن وأنا قررت أن أتي إلى الكويت، دخلت على طلال سلمان اللي هوِ رئيس التحرير وكان لديه تجربة في الصحافة الكويتية أيام عبدالعزيز المساعيد عندما أصدر جريدة الرأي العام
ممم
بال٦١ أو ٦٢ وقتها أصدروا شي اسمه دنيا العروبة واشتغل فيها فلم يبقى في الكويت إلا يمكن شي سنة سنة ونص فصار يحكي لي تجربته بالكويت وعم بيتمنى عليّ أني أنا ما روح عالكويت ولأنه أنا هوِ بيقول أنا كان عندي م أحلام دفنتها في الصحراء ثم عدت إلى بيروت. تجربة طلال سلمان صاحب جريدة السفير. قلت إله أنت أعطيت نفسك فرصة أنك تشوف حالك
تجرب نعم
تجرب أنا أريد أن أنقذ حياتي من الموت أنا شو بدي كرمال مين بدي أبقى بهالبلد من أجل من؟ من أجل أن تنشر لي صورة عالصفحة الأولى خبر وتقول استشهد الزميل الفلاني، أنا ما بدي إياها أنا هدا البلد ما قادر أقعد فيه خلاص انتهى الموضوع، من هون قالي شو بدك تروح هوِ قلت إله خلاص أنا رايح عالقبس عالكويت. إلياس سركيز رئيس الجمهورية اللبنانية طلع على شتورة يحلف اليمين يقسم اليمين لأن مش قادر يحلف اليمين بمقر مجلس النواب في بيروت بساحة النجمة وأنا جئت بالطائرة إلى الكويت ب ١٣/٥/١٩٧٦ وكان بقرارة نفسي أن أبقى مد مد مسألة أشهر، قلت أنا ٦ أشهر ٤ ٥ بوقتها بوقتها كان في كلام وأنا عندي إياه موجودة الدراسة بالكونغرس الأمريكي، أنُ الأمريكان عم يفكروا كيف يغزوا منابع النفط في الخليج فقلت أني فرصة بلد متل الكويت بتشبه شويّ لبنان فيها ديموقراطية وفيها صحافة والأمريكان عم يقولوا بدن يجوا يغزو النفط منابع النفط في الكويت، ليش أنا ما بروح و٦ أشهر بتكون الحرب خلصت بحمل حالي وبرجع على بيروت، ال٦ أشهر أصبحت مدت إلى ٤٣ سنة من عمري وحياتي
مشالله ااا هذي الفترة طبعاً يعني اا رائعة لكن أبي أسأل ممكن سؤالين ااا ذكرت أن ال الأهل انتقلوا من الضيعة إلى بيروت
ووو
ورجعوا بعدين ااا شلون كانت نقلتهم ااا هل اااا كانوا مستمتعين في ااا في هالنقلة أو مثلاً اا أو
لا لا لأ اا يعني برغبتهن أيضاً، برغبتهن لأنُ بدن الخلاص من بيروت، بيروت لم تعد تطاق يعني ما عاد ال ال ال العيش فيها صار صعب
وو شلون
مخاطر
كانت نقلتهم من الضيعة لي بيروت لأن ذكرت أنهم عندهم تواصل مع الأرض
إيه عندهن تواصل كان ووو قريبين من اا يعني من الناس ما كان عندهن مشكلة بمعنى مشكلة بقدر ما أنُ ااا يعني ااا كانوا عايشين بنمط اا نمط ريفي اا يعني بتعرفي ب بالريف التقاليد والعادات والمعيشة ومستوى العلاقة، نوعية العلاقة بين الناس غير يعني
صح
يعني أمر مختلف تماماً لكن إيه يعني ااا ااا قعدوا وتآلفوا مشي الحال يعني ما كان في مشاكل لأنُ خواتي صاروا كلهن اا تقريبا ب ااا يعني و ب ب ببيروت فأنا يعني من ال٦٤ من ٦٤ إلى ٧٦ يعني كم سنة عم بتحكي عن ااا
سنتين ثلاثة
لأ من ال٦٤ ل٧٦
آههه
١٢ سنة
هممم
أنا ١٢ سنة في قريتي في قلويّه من ال٥٠ إلى ال٦٤ و١٢ سنة في بيروت من الحوادث إلى الدستور إلى السفير وفي عام ٧٦ جئت إلى الكويت وكان عمري تقريباً بين ٢٨ إلى ٢٩ عاماً
جميل
يعني بعز الشباب
شنو كان رايهم الأهل في
٢٧
انتقالك للكويت هل كانوا اااا مشجعين لهذا القرار أو ؟
إيه ما كانوا رافضين
هممم
يعني اا أنُ أنُ إذا أنت ملاقي نفسك ووو بس ما تطول علينا يعني م ما تطول علينا الغيبة يعني نحنا بدنا إياك يعني نحنا محتاجينك
وانتقلت لوحدك؟
إيه
ااا
إيه إيه ما لوحدي
ورحت بالطيارة من لبنان لي الكويت؟
طلعت من بيروت من المطار ونزلت بمطار الكويت
وهذه كانت ثاني رحلة خارج لبنان ااا غير عن فرنسا وسوريا
وسوريا
هذي كانت إلى الكويت
سوريا إيه سوريا ااا فرنسا سوريا وو الكويت كانت اا اا الرحلة التالتة بحياتي بالطيارة فعلاً
ااا
بس طبعاً من بيروت إلى دمشق بالسيارة ما كانت بالطيارة ممم
شنو مثلاً أخذت معاك؟
ااا لوين؟
للكويت
إيه شو أخدت معي إيش عفواً
أغراض أغراضك الشخصية
اللي أنا جيت فيها عالكويت؟
إيه
آه
اا مثلاً حقيبتك شنو حطيت فيها تذك تتذكر؟
ااا يعني ح الحقيبة الكبيرة ااا تيابي يعني مستلزماتي تيابي
ممم
ووو جبت ااا حلو و حلو حلويات وو وو أكلات يعني خاصة لبنانية اا شي لبناني لأن خييّ كان هون
ممم
فكان وصاني عليهن جبت إله إياهن معي. مع مع الحلو طبعاً يعني ممم حلويات اا بيحبوها ووو شغلات يعني اا شي أكل يعني
ممم
نسيت يعني
ووو
فااا أول ما فتح باب الطيارة بشهر خمسة ٧٦ بمطار الكويت اا حسيت حالي كأنو حدا فوتني على شيّ فرن وطالع منه النار وأنا مش يعني بالنسبة إلي شغلة جديدة يعني، كنت كانت صورة الكويت عندي من بعيد باسمعها بقرا كنت أقرا جريدة السياسة وجريدة الوطن لما كنت بالسفير كان تجينا ومجلة العربي فاا كنت يعني اا يعني إلى حد ما الصورة قريبة عن الكويت عندي إلى حدٍ ما إلى حدٍ ما يعني مش كتير ووو ولما كنت بالحوادث كنت أعرف عن الكويت لأن سليم اللوزي كان صديق جداً للشيخ جابر الأحمد ولخالد أبو السعود بالكويت وعنده علاقات جداً قوية مع الشيوخ ومع شخصيات كويتية وله علاقات اا متواصلة ودائمة
هل هل كنت قابلت أحد مثلاً من الكويت في لبنان أو كان عندك صداقات مع اا اا أفراد من الكويت؟
واحد من أصدقائي اللي ذكرت إلك إياهم ال اللي كانوا معي بالمدرسة رافقتهن اسمه نبيل داوود، نبيل ص صار موظف بعدين باا الضمان الاجتماعي ببيروت، المهم فنحنا كنا ن نلتقي يا إما عند غسان نابلسي أو سعيد سردوق أو نبيل داوود. نبيل داوود كان بالإضافة لعمله يشتغل متل ااا يعني مراقب لشخصية كويتية عندها ااا أربع بنايات بمنطقة ال الحمرا، راس بيروت. فكنا نروح لعنده فسألناه إنه مين ال ااا مين صاحب ال فواحد قالي من عيال ااا الخرافي
ممم
أو الشايع يعني واحد منهن الخرافي أو الشايع يعني أصحاب قلت له مين هدا قالي من الكويت، خيو كان يشتغل بشركة تأمين بالكويت فيعني أنُ ما كانت الكويت ااا ناس اا قرايبينا من أصحابنا من أهلنا إجوا بالخمسينات عالكويت وقت اا وقت اا وقت اا يعني كان بيشتغلوا في ااا قطاع المقاولات والبنا يعني كانت الكويت تُبنى من جديد خرجت من السور وبدأ مشاريع البنا المناطق الجديدة بالكويت اللي هيّ ااا يعني مثلاً بسأله أنا مرة سألته قلت إله شو بتعرف من الكويت قالي بعرف العديلية، قلت إله شو بعد قالي نحنا كنا بالمرقاب و ونروح على العديلية يعني بهالمعنى فاا فاا أنا يعني الكويت منا غريبة عني ب يعني غريبة أنُ مش مش مش رايح على بلد ما بعرف شي عنها مجهولة بالنسبة إلي فاا جينا بـ ١٣ /٥/ ٧٦ أول يوم يعني وصلت فيه للكويت تاني يوم طبعا كنت ب بالقبس لأنُ كان في مراسلات تمت بيني وبين مدير التحرير اسمه الأستاذ رؤوف شحوري رحمة الله عليه توفى
اا منو كان في استقبالك في في المطار؟
ااا خييّ
ممم
يحيى
مم
وصديق مشترك من أيام المدرسة ب بلبنان كان يعمل في الكويت
همم
فهن استقبلوني وجابوني وكان أخي ااا شقيقي يحيى يا اااا عنده ملحق ب ب اااا صوب شارع ابن خلدون بمنطقة النقرة، فأنا لما فتت قلت إله وين بدنا ننام هون يعني هيدي الغرفة اللي إحنا بدنا نقعد فيها قالي إيه، فيعني هيّ غرفة أو غرفتين، باعتقد غرفة وحدة يمكن وو يعني وحمام وكذا. فأنا كنت يعني مستغرب شويّ الوضع بالنسبة إلي ما عارف شي يعني ما بعرف شو ب كيف البلد وكيف وضعيتها وطبعاً واستمريت بعدين قصة تانية بنحكيها. في أي شي أسئلة عن مرحلة ما قبل الكويت قبل ال٧٦ ولا ننتقل للكويت؟
اااا والله أنا أحب أرجع شوية حق ااا مرحلة الحرب ااا إذا تذكر لي مثلاً مواقف صارت لك في هذه المرحلة ااا ذكرت أن اا اليوم اللي قررت فيه أن خلاص ما راح تقعد في البلد، هل كان في أ أشياء يعني صارت أدت إلى هذا القرار ااا مثلاً ذكرت لي اا لما كنتوا بالسيارة واكتشفت أن في ااا
ممم
كلاشينكوف والكوفية هل صارت مواقف أخرى من هذا النوع ااا ااا سواء يعني مواقف ااا مرعبة أو مواقف مضحكة أو
لأ طبعاً ااا مضحكة ما في لأنُ حرب (عليان يضحك) يعني يعني إنتي عايشة ااا يعني بلد دخلت في أتون الحرب الأهلية ووو وجبهات مم مختلفة و وو يعني وكل واحد بدي يحمي نفسه وو ويشوف الطريقة اللي بيعيش فيها ااا أنا يعني اليوم اللي أنا قررت فيه أن أترك بيروت كنت طالع من جامعة بيروت العربية كان لازم أنا يعني أوصل على اا ج مبنى جريدة السفير اللي بالحمرا،، هيّ المنطقة يعني لازم أنا أطلع مشي لأنُ يعني ااا المواجهات كانت لما تصير المواجهات العسكرية اا يعني م مفتوحة فالقنابل تنزل و وتسقط مش مهم وين يعني خصوصاً لما تكون في بين اا الجيش اللبناني العربي والجيش النظامي أو ااا أول دخول قوات الردع السورية إلى بيروت ووجود أحزاب فلسطينية ويسارية وو وأسلحة وحواجز ونقاط تفتيش يعني بلد معفوسة كلها من فوق لا تحت. فأنا بدي أطلع ااا يعني اا إجي مشي لأن كان في يعني منع تجول أو شي من شغلة من هالنوع لأن يعني ااا حرب مجنون يعني حرب جنون يعني ناس خلاص هه حرب، فأنا بدي أطلع من مج من اااا
من الجامعة
منطقة ااا جامعة بيروت العربية وأنا ماشي ااا يعني بعدة شوارع واتلطع بين من القصف خوفاً من اا تجي شي قذيفة عليّ اتلطع بالشارع ويعني من بناية إلى بناية من مبنى إلى مبنى. كل ما أنا أخطي خطوة كل ما زادت القذائف أكتر، والسيارات ما في بالشارع منع تجوّل، قذائف تتساقط علينا كالمطر (عليّان يضحك) شسوي بقول يالله أنا وين بدي روح يعني
ممم
يعني اا فااا كملت طريقي كملت إلى أن وصلت إلى اا منطقة فردان فيها اا ثكنة لقوى الأمن الداخلي فشافني واحد دركي عسكري قال لي أنت مجنون؟ ااا شو ال اللي يخليك هلأ تمشي بهالوقت هدا قلت إله والله أنا فلان رايح على م جريدة السفير. قال لي يا أخي أبو السفير على أبو أنت شو بدك يعني المهم، قال لي أنتبه ع إنتبه على حالك وحاول يعني توصل بس أركض خليك خليك يعني ااا تحت البنايات يعني ب ب بالظل بهالمعنى، فأنا يعني ااا خلاص بين الحياة والموت ما ما ما عندي شي تاني بس عم قول كيف كيّف أنجوا كيّف أنجوا من الموت أو من شي قذيفة تنزل عليّ وأنا ما بعرف منين هيّ ووو الشوارع فاضية، الناس خا اا يعني الناس كلها ببيوتها مخباية اا طلعت من الثكنة العسكرية وو ويعني و وأنا يعني كأني في سباق مع الزمن (عليّان يضحك) وأنا عم بركض باتجاه مبنى الجريدة، قذيفة قدامي وقذيفة ورايّ، كيف وصلت وأنا حيّ ما بعرف. فأنا وصلت يعني طبعاً الشباب لما شافوني بهال زملائنا يعني بالجريدة أنُ يعني ااا كويّس وصلت أنت طيب وما كان لازم يعني تطلع وو كلام من هالنوع، قلت له شو شو بعمل؟
وكان هذا الشي اا يعني شبه يومي ااا
ااا تقريباً حسب المعارك بس تشتد بتصير فيه الحالة هيّ المهم وصلت أنا على م مدخل المبنى جابلوا لي ميّ قعدت شوي ريّحت يعني غسلت إلى آخره إلى آخره إلى آخره، في هذه اللحظة لم أدخل إلى مكتبي رحت رأساً على مكتب صاحب الجريدة طلال سلمان، صرت أشتم وسب
همم
أنُ أنا حياتي كلها م كرمال مين أنا بدي ااا يعني أنا بدي موت كرمال مين، استشهد كرمال مين، شو أنت مطلع جريدتك وعم تجيبنا نحنا على هالشغل أنا ما، قال لي لأ ما نحنا حاو اا عم نستأجركن بأوتيل حد الجريدة بتناموا فيه، قلت له أنا ما بدي لا بنام لا بأوتيل ولا بالجريدة، أنا رجل قررت أن أخرج من هذا البلد ولن أعود، هيك. فهيّ كانت ال اا اللحظة
اللحظة
(عليّان يضحك)
ااا طيب هل مثلاً كان في بالك ااا دولة أخرى غير عن الكويت وبعدين قررت مثلاً بينها وبين الكويت أو أو فقط كان في بالك الكويت؟
اااا لأ بهيديك الفترة ما كان في غير الكويت بهيديك الفترة، بعدين صار في شي تاني بس يعني ما كان عندي خيار آخر موجود ااا غير الكويت وحتى في واحد فلسطيني كان يعمل في جريدة القبس بالمطبعة اسمه وليد قرامان يعني هوِ متزوج اا لبنانية وعايش ببيروت وبيعرف بيروت فاا ااا هو اللي أعطاني كرت الزيارة اللي أنا أجي فيه على يعني على على الكويت يعني. أنا ماكنت أعرف كيف الطريقة وكذا وو طلعت لي passport وقتها، طلعت passport لأن ما كان ما كان عندي passport، آه كان موجود لأن كنت أنا بباريس بس جددته. جددت الباسبور وو حزمت حقائبي وقلت عليّ أن أغادر هذا البلد اليوم قبل الغد وهيدا كانت أحد الأسباب طبعاً أنُ أنا كيف أنجوا من الموت يعني هيدي الخلاصة، كيف أنجوا من الموت في هكذا وضع لأن ما بتعرفي مصيرك وين بيصير
ممم
وو وكتير فقدت من الزملاء ومن الأصحاب اللي أنا كنت كانوا معي باا هالحرب طبعاً بتلك السنة والسنوات اللي ب اا أجت بعدها، مشهد من من مشاهد ال الحرب الأهلية اللي أنا ما ممكن أنساها، في منطقة بيسموها منطقة الفنادق الكبرى في بيروت، اللي هيّ جنب فندق فينيسيا وفندق هوليداي إن ااا فندق هوليداي إن كان ااا لا اشتراه من حصة ااا الشيخ سعد العبدالله الله اا الله ااا يرحمه، فكان معروف ب ببيروت أنُ هيدا الأوتيل للكويتيين، ما كانوا يقولون اسم الشيخ يعني، أنُ هيدا للكويت، بهالمعنى، بهال بهالساحة تبع الفندق اللي بعده ما اكتمل بناؤه ااا كان ال ااا ال اا الناصريين حركة الناصريين بزعامة إبراهيم قليلات من الناشط من ال من الأحزاب اللي بتحمل سلاح مع الفلسطينية، فكان في معارك بينهن وبين اا الحزب الكتائب أو خل نقول الطرف المسيحي من بيروت، الناس اللي ب بيخ بيخطفوهن ااا يعني اا طبعاً هنِ ومجموعات أخرى غير الناصريين يجيبوهن بالسيارات وو ير يربطوا يربطوهن يربطوا روسهن وو يربطوها بالسيارات ويبرموا فيها الساحة باا وهن ميتين يعني نوع من التعذيب نوع من التعذيب، فأنا هذا المشهد لما شفتوا يعني ااا اا الصورة اللي تكوّنت بذهني أنُ ااا أنُ شو هال الل الوحشية أو يعني هالعنف أو اااا شو هال الحقد شو هال كره اللي موجود بهالطريقة المتوحشة اللي أنا طبعاً والآخرين يعملوا نفس الشي، ياخدوا ناس يخطفوهن ويحطوهن بالسراديب ويقتلوهن، يعني ب بقصد وصلت وكل جمعة كانوا كل يوم بيسموه باسم، اليوم الأسود السبت الأسود الخميس الأ ال الأحمر ال اليوم التلات التنين ال يعني صارت الأ الأيام تسمى بمعارك وحشية اصطبغت بلون الدم وبالقتل وبالحرب المذهبية وبالقتل على الهوية وإلى آخره، فأنا بهيدا الجو يعني أنا أكتر من سنة سنة ونص وأنا أعيش أهوال الحرب الأهلية بلبنان ممم ما عاد كان عندي قدرة أني أنا نسيت كل شي كيّف أنجو من الموت وخلص نفسي تحتى أقدر عيل أهلي وو وماخليهن يحتاجوا أحد لأن ما كان إلهن غيري يعني بهالمعنى وجينا على الكويت
ااا طيب ييت الكويت في تقريباً منتصف السبعينات ااا قلت ااا ٧٦ اا مثلاً تذكر ااا طريقك من المطار إلى إلى حولي تذكر شنو شلون كان الشارع مثلاً شنو ااا شفت بالطريق؟ أول يعني انطباع خنقول عن عن شوارع الكويت

01:57:35 - وصوله للكويت وعمله في بناء قسم الأرشيف في جريدة القبس

Play segment

Partial Transcript: اااا يعني أول انطباع لما دخلت نزلت لا المطار بعد الهبة السخنة اللي قلت إلك عنها، كأني داخل على فرن، فانتقلت يعني (عليّان يضحك) من من من من النار إلى الجنة يعني، فتت لقيت لأ في تكييف ونظافة وحلو مرتب و وووو مطار حلو وطلعت ااا لقيت ااا تاكسيات اا لونها أصفر وأحمر مكتوب عليها تاكسي المطار فااا استأجرت تاكسي فأنا صرت م مبهور أديش البلد مريحة و هادية يعني أنا طالع من حرب من بلد في حرب وو دا وداخل على على مدينة أول مرة بشوفها فصرت يعيني يعني ما طلع باللي جنبي أد ما أنا ااا أطلع بالشوارع وبالبيوت ااا ووو فأنا عم قلهن يعني ااا الكويت كأنها ضيعة حلوة هيكي هادية يعني ما ما ما شايف شي أنا و وين ما في ناس بالشارع أ أنا صرت أسأل هالسؤال فقالوا لي اا يعني نحنا ب بداية فصل الصيف ووو وعادةً الناس ما بتطلع بالشارع قليل، طيب ما في حداً يعني الشارع أنا بالنسبة إليّ يعني حياة
كان الوقت بالليل؟
بالليل
ااا طيب لما وصلت المطار ااا شلون مثلاً كان استقبال ال اا ال المسؤولين مثلاً في المطار من شرطة؟
ااا يعني عادي عادي عادي
دبلوماسيين
عادي وأهلا وسهلا ويعني ما ما ما ما شعرت بأي نوع من ال
التفرقة أو
لا لا أبد أبداً أبداً لا لا لا لا لا لا كان أمر جداً طبيعي وو وو يعني وو بانتظام أنُ واقفين بالدور وكذا إجا دوري سألني كذا وووو وختم لي الجواز وقالي مع السلامة
مم
فااا خلصت معي ناس بالطيارة تعرفت عليهن اا قالوا لي إذا بتحب نحنا نوصلك فقلت لهن لأ أنا في عندي اا خ خييّ
ممم
و وصديقه راح يكونوا ناطرينا وفعلاً فااا كانوا ااا يوقفوا صف هيكي من بعيد شافوني فااا أنا شفتهن يعني أشروا لي هيّك وو أخدت ال الشنط وو وطلعنا طلعنا بالسيارة و وكملنا كانت أول ليلة طبعاً اا كان في مكيّف صغير وفيه مروحة
ممم
فأنا صراحة ما إجاني نوم فما قدرت نام
مكيّف الكونديشن ال ااا
الصغير
ممم
(عليّان يضحك) ما ما قدرت نام لأنُ مش معوّد، فااا قالي شو بك كل شوي قاعد أطلع وإجي وروح و وأبرم و وو ما المهم يعني وو كملنا
وو ثاني يوم ااا
آهه
رحت القبس
هلأ نحكي بالقصة بالقبس، ١٣ خمسة ١٤ خمسة الصبح الساعة تمانية ونص تسعة أنا كنت بجريدة القبس بالشويخ
نفس الموقع؟
نفس المكان ااا انتظرت عند ااا السكرتيرة، سكرتيرة مدير التحرير فعرفتها عن حالي، كانت هيّ عندها فكرة أو شي، مصرية ما بنساها، وحدة اسمها أمينة والتانية اسمها ناهد
همم
فااا قالوا لي أوكي هلأ الأستاذ رؤوف بيجي بعد شوي، المهم إجا أنا عرفته يعني فهو كمان شافني وعرفني قال لي أنت حمزة عليّان، ما غيره
(العلي تضحك)
اللي اللي اللي أنا بعرفك، هو بيعرفني كان وقت ما كان بمجلة الحوادث
هممم
فيعني ص ص صورتي عنده مش مش غريبة وأنا اا اسمه وصورته كمان مش غريبة عليّ فالمهم دخلنا وقعدنا بالمكتب، قال لي شوف ما تحط شروط، ما تحكي شيّ، في مهمة أنا جايبك من أجلها، إذا نجحت فيها فأنت مرحب فيك و و ااا راح يعني نحنا ما راح نقصر معك ااا طبعاً بعد ما سألني عن أحوال السفير والزملا ووضع لبنان والحرب و يعني بتعرفي المقدمات لا بد منها، فاا صار يشرح لي شويّ عن القبس وقال لي شو مطلوب منك تحديداً وشو هيّ مهمتك، فأنا ساكت قالي يعني ما شفت ااا اا رد فعلك أو ال reaction تبعك
هممم
قلت إله أنا اا يعني عم بسمع لك ووو وكلامك وصل بشكل جيّد بس أعطيني فرصة أنا شو بدي قولك هلأ
شنو قالك؟ شنو المهمة؟
أنُ أنُ أنا اليوم داخلين نحنا ب بمعركة شرسة مع الصحاف مع الصحف الأخرى منافسة قوية، أنا بدي مركز معلومات يخدمني ويخدم جهاز التحرير وأشعر أنُ أنا في عندي شي إضافي، عم سلاح بإيدي ااا بدي أقاتل فيه بهالمعنى
مممم
كيف هيدي مهمتك، قلت إله أوكي. هوِ كان عارف آخد شوية معلومات عن تجربتي بالسفير وبيعرفني أيام الحوادث والدستور لكن بالسفير عينه عليها لأنه يعني بيعتبرها كانت الصحيفة التانية بعد جريدة النهار ومن أحدى عناصر القوة اللي عندها هو مركز المعلومات. فاا قلت إله أوكي خلينا نتعرف بالأول على اللي عندك وأنا بناءً عليه بكرة بنقعد وبنحكي وبقل لك شو التصور. قال لي تمام بس أنتبه، نبهني، قلت إله شو، قال لي ما تستفز لهدا اللي قاعد المسؤول حاول يعني بالتي هيّ أحسن
هممم
تفهم شو الوضع دون أن يشعر أنك أنت جيّ بديل عنه
منو كان الشخص؟
واحد مصري أستاذ بالجامعة الكويت اسمه الدكتور حسنين
ممم
مكتبه ريم تقريباً قد هالطاولة هيّ، مكتب، يعني ثلاث ترباع المساحة ال ال ال قسم الأرشيف هوِ عبارة عن مكتب طوله شي عشر متار وحاطط اسمه متل هولي اللي بيبيعوا بال بالسوق بيحط اسمه يعني مم متل ال اللافتة اللي بيحطوها فالدكتور كذا يعني وقعد وفي بنت هون وفي كم ااا خزانة حديدية مصفوفين بقسم الأرشيف، هيدا اللي أنا شفته أول أول مرة. فأنا قعدت قعدت معه فعرفته عن حالي وأنا زائر جيّ وأنا بشتغل كذا وضعي هيك، شو عاملين أنتُ شو شغلكم شو كذا، حس بالموضوع وعرف تقريباً إلى حد ما أو كان حداً قايل له أن أنت بد اا قربت يعني
هممم
بدن يقولون لك مع السلامة، فصار يحكي يحكي عنه ووو شو عمل وشو سوى وشو كذا، البنت اللي موجودة اا يعني اا اا رصدتني أول ما فتت حبيت أعرف شو الموضوع المهم، أنا طلعت بانطباع من عند هيدا اا الشخص الدكتور الجامعي اللي بيتولى مسؤولية قسم الأرشيف في جريدة القبس أنُ متل واحد صاحب دكانة أنا أملك المفتاح ولا أحد غيري يفهم في هالموضوع، إذا أنا عطست الأرشيف بيمرض، إذا أنا ما كنت الأرشيف ما بيمشي، إذا أنا إذا أنا إذا ااا خلاص وصلت وضحت فأنا بالليل طبعاً بهدا البيت اللي أنا سكنت فيه بااا قريب بمنطقة ااا ب ب بالنقرة بشارع ابن خلدون قريب اااا من بيت العثمان
همم
المهم ما قعدنا فيه يمكن أسبوع، انتقلنا إلى بيت تاني على شارع البلاجات، يعني شوي أرقى (عليان يضحك) مع مجموعة من من الشباب اللبنانيين وخييّ معي، ااا سس نحنا هلأ بال٧٦ يعني بدأنا أول أسبوع من العمل بالقبس فأنا عملياً تاني يوم اعتبرت حالي أنُ خلاص، فكتبوا يعني متل تعميم أنضم إلينا الزميل إلى آخره مش عارف يعني تعرفي فصرت أتعرف وإلى آخره، تاني يوم ناطرني مدير التحرير كان في اجتماع يومي في مجلس التحرير فقال لي دعى دعاني ووو ويعني عرفني عالزملاء وطلعت قسم منهن بعرفه وو قسم منهن ما بعرفه يعني، قررت أنا بهالوقت أنُ يعني ااا نخوض تجربة فيها تحدي كيّف نحول قسم الأرشيف إلى مركز للمعلومات
ممم
هون بلش الشغل، أنُ أنا أنُ أنا نجاحي مرهون بهالمهمة، أنُ أنت تبني مركز في أسس تحطها بقواعد الفهرسة بالتصنيف بإدارة العمل بالكتابة، طبعاً بعدين تطور أنا عم بحكيك ٧٦ هيدا الكلام لكن أنا كان بقرارة نفسي وبتصور اللي قدمته لمدير التحرير أننا سنمضي بالتعاون معك لأنك أنت صاحب القرار ومع رئيس التحرير طبعاً تاني يوم عرفني فوتني على الأستاذ جاسم النصف أبو أحمد
ممم
رئيس التحرير، رجل في منتهى الخلق والتهذيب وال يعني والاحترام ااا ورحب ويعني وو وأنا انبسطت يعني أنُ يعني شفت حالي ب ب ب بأسرة مني غريب عنها وبمجتمع أنا عايشه يعني ااا وهو مجتمع الصحافة والكتابة و والتحرير وإلى آخره، فااا بدأنا من وقتها العمل في بناء قسم أرشيف متطور إلى مرحلة تانية فيما بعد أخدت حجم وأبعاد أخرى غير اللي بدأنا فيه بال٧٦
وكان هذا الدكتور حسنين موجود لما أنت ابتدأت العمل كان موجود؟
إيه قعد قعد يمكن تاني يوم ثالث يوم مشي
آهه ما كان يعني
يعني
ما اشتغلت معاه
كانوا لا لا
آههه
كانوا مخبرينه أو عاطينه فكرة أن خلاص يعني
ووو ااا قابلت الأشخاص اللي يشتغلون في في القبس ااا كانوا ااا يعني رجال ونساء من أماكن مختلفة من خلفيات مختلفة أو شنو كان
إيه طبعاً
بشكل عام
يعني بعطوك بعطيك صورة عن ااا الجهاز التحرير بالقبس، مدير العام والمدير التحرير أتنين لبنانية واحد اسمه زرزقار قباسي التاني اسمه رؤوف شهوري، رؤساء الأقسام، رئيس قسم المحليات لبناني، ومعه مجموعة من المحررين فلسطينيين يعني أغلبيتهن عرب وأقلهم من الكويتيين. من الكويتيين اللي كانوا موجودين وما زال حتى هذا اليوم، الزميل والصديق يوسف شهاب
ممم
من أقدم العاملين في جريدة القبس من الكويتيين اللي بدأ من أول عدد من صدور القبس عام ١٩٧٢ وما زال حتى اليوم
ممم
اااا جهاز التحرير كان خليط، ي يغلب عليه الطابع اللبناني أكترية، يليه يليه من مصريين، فلسطينيين، عراقيين، سوريين. هيّ المجموعات ك من حيث الجنسية أنا عم قول. طبعاً سيدات، محررات، صحفيات، وصحفيين آخرين يعني كان خليط
همم
وكان اااا يعني اا المكاتب وال والعمل ااا بك بسكرتاريا اا قسم الإعلان، قسم المحاسبة، قسم ال التحرير طبعاً عدة أقسام متل ما قلت إلك يعني اقتصاد، محليات، الرياضة، خارجيات
همم
ااا طبعاً رسام الكاريكاتير مصري كان اسمه رؤوف عبده
همم
ااا توفى ااا الخطاط مصري اااا وبقية الأقسام م موزعة قلت إلك فلسطينيين على مصريين بس كانت كانت ال ااا يعني القبس تعتبر واجهة الصحافة ال اللبنانية بالكويت، يعني مدرسة من مدارس الصحافة اللبنانية، أغلبها تقريبا أغلبها، طبعاً أنا ما عم بحكيك عن الصحف التانية، كان في السياسية، هذا كان أنا بعم قلك بال ٧٦، كان في السياسة، الأنباء ما كان بعد صدرت، صدر بال٧٦ بشهر يناير مضبوط بله كانت موجودة يعني ما صار لها زمان، ال الإنباء موجودة، السياسة، الرأي العام ااا غير الـKuwait Times طبعاً ااا الوطن، اللي هيّ الهدف كان اااا يعني هيّ الصحف ال ال اا الأساسية التي كانت تطلع ااا بال٧٦ أنا تقريباً لغاية الـ ٧٧ ااا خيّ خلاص قرر العودة إلى بيروت وأنا بقيت هون لوحدي
همم في نفس المكان ظليت عال بلاجات؟
لا غيّرت
آه
شوفي شو اللي صار، بهيّ الفترة ريم أنا ش صرت شفت شفت الكويت أكتر، يعني طلعت رحت جيت إلى آخره، أول شغلة انصدمت فيها أنُ كل ما بدي روح على محل أنُ يسألوك أنت عزابي ولا متزوج؟ أعزب ولا متزوج؟ يا عمي شو أعزب أنا إيه أعزب شو يعني شو بعمل؟ أنُ لأ هيدا ممنوع تفوت عليه ااا م ممنوع تقعد هون، هدا المكان لل للمتزوجين، لأ العزابة شو عزابة يعني أنُ حرامي يعني؟ بيسرق إرهابي شو؟ فصار عندي عقدة من الموضوع يعني كل ما بدي روح على محل على بتفوت على نادي، بدي فوت على مطعم، بدي أطلع على مكان يقلك هدا مش مش مم مسموح إلا لي
المت
المتزوجين أو هيدا. ٧٧ تقريباً بشهر ااا أكتوبر نوفمبر كذا ٧٧ إيه تزوجت، بالكويت. هلأ منحكي عن يعني بدك وين نروح هلأ بأي اتجاه؟
ااا
يعني في كتير قصص يعني
في اتجاهات مختلفة يعني ودي أسأل عنها
إيه عم قلك كتير في قصص
إيه ااا فاا ااا مثلاً قصة زواجك هل تزوجت ااا ااا امرأة مثلاً تعرفها في الكويت أو كان ترتيب من ال من الأصدقاء والأهل؟

02:13:54 - بداية تكوين أسرته في الكويت

Play segment

Partial Transcript: لأ أنا كنت بعرفها من بيروت، لما كنت بلبنان وهيّ بتقربني، فأنا قلت أنُ يعني وحدةلأ أنا كنت بعرفها من بيروت، لما كنت بلبنان وهيّ بتقربني، فأنا قلت أنُ يعني وحدة تعرفها أحسن من وحدة بتتعرف عليها وأنا ما بعرف شو في مشاكل أكتر يمكن بالبلد وإلى آخره، يعني ااا استشرت كذا وقلت يالله خلينا
نتوكل
نتوكل على الله، فأجت على الكويت وتزوجنا أول بيت سكنت فيه أخدت شقة بــ حد بيت العثمان ب ب بالنقرة كان عندهن متل ااا يعني م مبنى جديد وكذا فااا أخدت أنا تقريباً شي غرفتين أو تلاتة يعني ووو كان وقتها هيّ السنة اللي أنا تزوجت فيها بهالبيت بهذا البيت، هذا الكلام بالـ ٧٧، طبعاً من الـ ٧٧ لغاية ااا ااا ألف وتسعمية وو تس وستة وتمانين، ستة وتمانين أنا ااا عندي أربع أولاد ولدين وبنتين
الله يخليهم
وكلهن مواليد الكويت
ممم
رانيا، إيمان، فؤاد، سلمان
مشالله
تعلموا بالكويت بمدرسة الراهبات وبـNew English School ااا طلعوا من هون وقت الغزو، رحنا على لبنان كملوا بالجامعات تخرجوا من ااا الـ LAU والـ ااا الBUC و بالبلمند واللبنانية، وحدة مهندسة ديكور ااا ااا التانية اا biology هلأ بتدرس بالجامعة ااا AUM مهندسة ديكور، فؤاد ااا مهندس كهربا اشتغل فترة هون وراح على كندا ااا سلمان ااا finance banking ااا بيشتغل باااا المركز المالي ب ب ب بالكويت هلأ اللي بقيوا بالكويت تلاتة واللي سافر على كندا اللي هوّ فؤاد. هيّ هيدا عم بحكي عن قصة الزواج. طبعاً درسوا قلت إلك بيحبوا الكويت كتير يعني بيحبوها و وو معلقين فيها
اااا فؤاد الأول ااا
لأ رانيا
رانيا بعدين فؤاد
بعدين إيمان بعدين فؤاد
بعدين سلمان
ممم
ااا شلون كان اختيار الأسامي؟ اا اا يعني شلون اخترت مثلاً رانيا
والله اا يعني اا رانيا أنا صرت هيكي يعني ااا اجتهد من عندي وأسأل أصحابي وكذا، رنا رانيا، شو يعني ران صرت فتش وب ومعاجم وكذا وأسأل لقيت الاسم حلو يعني بهالمعنى، هيّدا واحد، إيمان ااا أنا والدي توفى ب بالشهر اللي ولدت اللي أجت فيه إيمان
الله يرحمه
فوالدي أنا كنت حبه كتير
همم
معلق فيه، فكان عندي إيمان أكتر يعني بهالمعنى فقلت أنا إيمان يعني شي إله علاقة بال يعني أنُ الدنيا وكذا، الموت وال
ممم
فؤاد لأنُ والدي كان يسميني أبو فؤاد
آهه
بيحب الاسم
جميل
سلمان على اسم والدي
ممم ااا هل زاروك ال الأهل الكويت؟ ااا
لأ ااا اللي زارني ااا أختي بأستراليا
ممم
هاجرت بالسبعينات وتزوجت وولادها هونيك وكذا، فأجت باعتقد مرة أو مرتين على الكويت، أختي
ممم
ااا وقعدت عنا فترة يعني ااا خييّ اللي كان بالكويت قبل ما أنا أجي، رجع مرة تانية أنا جبته ب بعد التسعين ٩٢
هممم
كان بالإمارات ورجع على الكويت خيين من اخواتي اشتغلوا معي بالكويت
آهه
أجوا على الكويت واحد منهن كان بالإمارات وإجا، أو كان بالكويت وراح على الإمارات، وواحد منهن كان بالإمارات وإجا على الكويت، واللي كان بالكويت قبل الـ٧٦ بالـ ٧٥ ااا رجع مرة تانية
همم
على الكويت
وفي السبعينات اا لما حضرتك تزوجت في ٧٧ سكنت في حولي؟
ممم
اا منو كانوا مثلاً جيرانكم؟ ااا في البناية يعني بشكل عام ااا
يعني اللي أنا بتذكرهم كان في عايلة أو عايلتين من ال اللبنانية تعرفنا عليهن بحكم أن لبنانية وهدا ووو صار في عندنا صداقات يعني وعلاقات يعني ااا أنُ قريبين منا وبنفس المنطقة تقريباً عيّل أخرى لبنانية يعني بيعرفونا إما من خلال العمل أو من خلال الجيرة يعني يعني قريبين منا فاااا صار في يعني طبعاً وو بدأت طبعاً شبكة العلاقات ت ت تتوسع أكتر ت ت تزيد كل يوم ااا يعني لبنانيين وفلسطينيين وعرب وكويتيين، كويتيات ويعني من من ال بال يعني البلد مجتمع كله، يعني ما كانت ما ما كانت القصة محصورة ب ب ب ااا بجنس أو بعايلة أو ب أو ب هوية وحدة يعني
نعم
أو بمجموعة وحدة ااا ال اا ال اللي بدي قلك ياه أنُ
همم
أنا بال ٧٦ أو ٧٧ كنت راسم خطة وقلت أنا اا يعني إنشالله بتقرب الحرب الأهلية تخلص وأنا أرجع على بيروت، يعني قبل ما اا تطول أنُ ز زيد عدد سنوات، يعني إقامتي بالكويت فاا الحرب طوّلت إنتي عم بتحكي عن ٧٦، ٧٧، ٧٨، ٧٩ بو بو بو بو ظلت لغاية ال٨٩ ٨٨ فكل ما أنا طبعاً بهيّ الوقت بهيّ الفترة يعني بالسنة أنزل مرة أو مرتين سواء كنت أنا لوحدي أو مع أسرتي أو مع الولاد يعني كنت دائم التواصل باستمرار إضافة لذلك أنُ بحكم العمل والمهنة ااا صار هون بد يعني لازم أحكي لك أكتر عن موضوع أنُ الكتابة
نعم
الكتابة
نعم
كتير كان إلها دور هوني بهالمرحلة هيّ، بس خلينا نخلص من هذا الجانب اللي هوِ جانب ال اااا العمل بال اا بال اا بالصحافة ااا بالقبس
همم وجانب ال ال العلاقات الشخصية في في الكويت ااا وال ااا
إه هيّ الفكرة ال اا ال اا الفصل الفصل بأن هدا عزابي وهدا وهدا متزوج هيّ وحدة، هيدا من الإشيا اللي أنا صدمتني يعني ما كنت أتقبل أبداً وكان بالنسبة إلي يعني مستغربة ومستهجنة وأنُ أنا ما ما بحياتي يعني هيّدا الأمر كان عائق أمام اختلاطي بالمجتمع أو بأيّ مكان أو أني أطلع أو أجي يعني، هيدي وحدة، أتنين أول شغلة يعني خلنقول السنة الأولى شعرت أنُ في ااا في شي اسمه عزل اا بين المجتمع الكويتي وبين الوافد، يعني يعني شعرت أنُ أن أنا أنتمي إلى مجموعات مجموعات مم معزولة بسكنها
همم
بكل ما إله علاقة بحياتها الاجتماعية عن البيئة الكويتية، يعني شفت بعيني أنُ أنت هيدا الأماكن أنت ما إلك علاقة فيها يعني هيّ خاصة بال بالكويتيين هيدا خاصة بالوافدين وهكذا
مثل؟
بدأت بدأت أشعر بالتمييز يعني بداخلي أنُ راح تشوف أنُ مثلاً في خدمات الدولة بتقدمها للمناطق الكويتيين مش موجودة مثلاً بمناطق عند الوافدين، بدأت أشعر أنُ، أحكي لك قصة مثلاً صارت مرة اااا بفترة السبعينات صار في غ غلا أسعار شويّ، ارتفعت الأسعار، أسعار السلع أسعار المعيشة السكن وكذا، فاا الزملا بالجريدة قرروا أن يطلبوا من رئيس التحرير ااا زيادة معاش، فرفض، حاولوا من هون من هون ما مشي الحال، شافوا أنُ أفضل شخص ممكن يوّصل هالصورة لرئيس التحرير واحد س سكرتير تحرير اسمه عبدالكريم بيروتي، لبناني بيشتغل بالقبس، فقالوا له القصة كذا كذا وبدنا إياك أنت تقوم بهالمهمة، قال لهن بسيطة، يوم إجا رئيس التحرير، فاا قال له أنا عندي موضوع بدي أحكي فيه معك، قال له بس ما يكون تحكي بموضوع الرواتب، قال له إيه، قال ها شو شعندك شو في، تفضل. جاب قلم جاب قلم وورقة، قال له أنا، عنه يعني، أنا باخد اا ٦٠٠ دينار، قال له إيه خير إنشالله، شو المشكلة يعني؟ يعني هيدا عبدالكريم عم بيقول لرئيس التحرير، قال له لأ لحظة بس عطيني فرصة يعني، قال له بدفع ١٧٥ دينار أجار بيت، العمارة اللي أنا بسكن فيها أصحابها من بيت البحر، قال له إيه، قال له جبت رحت جبت سيارة بيجو بدفع قسط شهري ٧٥ دينار، طلعوا أصحابها من بيت الشايع، قال له إيه، قال له جبت أدوات كهربائية للبيت وووو يعني منزلية فأنا عملت إلهن أقساط بيطلعوا شي ١٠٠ دينار أصحابها طلعوا من بيت الصقر من جماعتكن، اشتريت ما بعرف شو، المهم قام موزع معاه شو اللي بياخده طلع أن وين بيروح المعاش اللي بياخده على اا الملاك وأصحاب الجريدة، أصحاب القبس قال له أنا بيبقى لي بحدود ١٠٠ إلى ١٥٠ دينار، أنا ١٠٠ أو ال١٥٠ ما فيني عيش في فيهن فأنا بطلب منك أنك تعيد النظر بالموضوع، أقنع رئيس التحرير وفعلاً تمت زيادة الرواتب بناءً على هذا العرض اللي قدمه صاحبنا (عليّان يضحك)
جميل ااا اا و الز والزيادة كانت للجميع؟
للجميع طبعاً
جميل (العلي تضحك)
طبعاً
ااا طيب أحب أسئلك ااا أستاذ ال
طبعاً يعني إنتي بعدنا عم بنحكي عن قصة أنُ البيت
هممم
البيت طبعاً
نعم
اتنقلت أنا أكتر من بيت رحت على سكنت فترة بالخالدية، سكنت بالسالمية ااا سكنت أكتر شي بالسالمية، وبالخالدية ااا إيه هيّ أكتر منطقتين أنا سكنت فيهم
ووو ااا زوجة حضرتك كانت تش تشتغل ااا في وقتها أو؟
لأ لأ ما اشتغلت
ما اشتغلت
لا لا لا
اااا وو كنتوا ساكنين في حولي وبعدين في الخالدية؟
بالخالدية وبعدين انتقلنا من الخالدية لا السالمية
هممم اجتماعياً شلون كانت مثلاً ااا
معظم معظم يعني خلنقول سهراتنا، جلساتنا، قعداتنا اا ز يعني زيارات متبادلة بيننا وبين معظمها عم قول مع لبنانيين
همم
معظمها
ممم
بس أنا كنت من يعني عندي هيك ااا شو يقولوا يعني ااا عندي مجموعة من ال شبكة العلاقات الاجتماعية أنُ عوائل فلسطينية ااا ناس كويتيين أصحابي ااا بيوت فت عليها وأجوا لعندي أنا رحت لعندهن ااا يعني سواء كانوا ااا يعني نساء أو رجال أو متزوجين أو أو أو إلى آخره فحصل فيه يعني خنقول تبادل زيارات حصل فيه لقاءات مشتركة ااا نطلع نطلع مرات مطاعم، حفلات ااا مناسبات اجتماعية، نسهر
ممم
يعني ااا فكانت الكويت يعني أنا عم بحكيك بالسبعينات حتى الثمانينات ااا بحسها أنُ كانت أكتر انفتاحاً من اليوم
ممم
يعني أنا عم بحكي ب ب ب ب اا بالعلاقة اللي بينك وبين وبين الآخر، يعن بهالمعنى
اا وهل كنتوا تروحون مثلاً أماكن معينة؟ ذكرت أن قبل لا تتزوج كان في أماكن
إيه
ما تقدر ااا
بعدين صرت اا
ااا
صرت روح فنادق، مطاعم، حفلات
ممم
مناسبات، بيوت
مثل شنو كانت ال ال المطاعم أو النوادي اللي ترتادونها؟
يعني يعني يعني مثلاً بالكويتية براس السالمية بال ااا راس السالمية اللي هوِ ال اااا
نادي غزال؟
اا لا لا لؤلؤة المرزوق
هممم
ااا اااا اا شركة اا أندية اا أندية المشروعات السياحية، نادي الغزال، نادي حبارى بالأحمدي ااا كنا نطلع عليه دائماً لأن كان عندي أصحاب فلسطينيين يعزمونا ولبنانيين نروح نسهر وو ونرقص ونغني
ممكن تصف لي المكان؟
و و وحفلات حلوة بتاخذ العقل، يعني مثل نادي حبارى أنا ما بنساه، نطلع نقضي نهار كامل ااا طبعاً اا تفوتي عليه في مسبح وفي مطعم وفي ااا open buffet ااا كتير من العوائل يجوا كويتيين، فلسطينيين، أجانب، عرب ااا في ااا الرياضة يم يم يعني ألعاب رياضية، كرة قدم، كرة طاولة، مش عارف إيه،volley ااا أنا وعايلتي وو وأنا وزوجتي، أصحابي، أصدقائي يعني نحنا نطلع، يعني نروح، يعني نقضي نهار ممتع جداً، نتغدى، وحتى مشروب كان فيه، عادي ااا طبعاً الرياضة، السباحة ووو بس نتعب نرجع على بيوتنا يعني وو ما حدا يقلنا شي، يعني ما حداً يتعرض لك بشي، ما حدا، يعني تحسي أنُ أنُ إنتي كأنك فايتة على مكان بتحبيه، يعني عرفتي؟ هيدا واحد من ال المشروعات السياحية أول ما فتحت بالمسيلة بااا
بالخيران
بالعقيلة، بخيران أول ما أول ما طلعت كتير من العيّل كتير مش شوي كنا نروح نقضي ليالي، ونقعد ونسهر، إلى آخره ااا نادي ال مبنى الكويتية اللي بشارع فهد السالم، هدا المبنى الكان فيه حفلات بالشيراتون بال اا بالهيلتون، بالهوليداي إن، يعني كانت ال اا
حفلات خاصة أو؟
لا لا لا حفلات حفلات، أعراس، مناسبات، عيد راس السنة، عيد الميلاد، عيد اا مابق يعني أعياد أعياد كتيرة، وحفلات غنا غنا وطرب وو وو حفلات مفتوحة ناس قاعدين يعني بينبسطوا
ولا كان أحد يتعرض أو مثلاً
أبداً
في الجرايد يتكلم عن؟
أبداً، يعني أنا مثلاً بذكر لما كنا نروح على الكويتية مبني الكويتية يعملوا كانت بتجي مرات فرق من بره، فرق لبنانية وفرق عربية ااا ويقعدوا ويسهروا للساعة ١٢ وحدة ثنتين بالليل، كنا نروح نس نسهر وننبسط ونرجع على بيوتنا، ما حدا يتعرض لنا، يعني ما حدا يقول شي طبعاً ما تعملي شي غلط يعني أنُ يعني تطلعي بسيارتك وتجي على بيتك، هذا القصد يعني، فااا الجانب هيّدا اا يعني موجود ااا بس متل ما قلت إلك أنُ كنتي تحسي أنُ العزل بين الكويتي والآخر موجود، يعني من أول ما إنتي تحطي إجرك بالكويت ولغاية اليوم، في دائماً سد بينك وبينه، بأيّ معنى سد؟ أنُ أنُ أنت لك خصوصيتك ونحنا إلنا خصوصيتنا، في شي ممنوع أنت تقرب عليه، أو تستفيد منه، أو إلك علاقة فيه
هممم
طبعاً يعني مثلا بالأول بالأول، كنا كنا المدارس ااا الحكومية، الطلاب العرب يدخلوا فيها مجاناً متلهم متل الكويتيين، بطاقة التموين أنا سنوات كنت أروح آخدها متلي متل أي واحد كويتي، ما كنت أشعر بالتمييز إطلاقاً، بعد الغزو انتهى الموضوع، صار في، صار في نمط تاني آخر مختلف، طبعاً نحنا بنقدر وبنعرف يعني أنُ الظروف اللي صارت، بلد تعرض لاحتلال يعني بلد عربي إلى آخره، يصير فيه اللي صار، أمر مش مقبول فااا ردة الفعل كانت قويّة كتير ااا يعني هيدا الشي
ااا يعني كان مثلاً تفرقة أو فصل ااا يعني من ناحية الخدمات من ناحية الجغرافية يعني أماكن معينة مناطق معينة ااا

اا اسمي ريم العلي وتاريخ اليوم ٢٠ سبتمبر٢٠٢١ والساعة تقريباً تسع ونص صباحاً، وإحنا موجودين ااا في السالمية اا في الجامعة الأمريكية في الكويت وهذي الجلسة الثالثة مع الأستاذ حمزة عليّان التابعة لمشروع توثيق التاريخ الشفوي ااا في مكتبة الجامعة الأمريكية في الكويت. أستاذ شكراً مرة ثانية على الموافقة ووو وفي الجلسة اللي فاتت تكلمنا عن اا فترة اا السبعينات وبداية الثمانينات وتكلمنا كذلك عن ااا أوجه الترفيه في الكويت في هذي الفترة ااا النوادي الرياضية ال اا
هممم
الحفلات ااا أحب نستكمل هذي المرحلة ااا في الثمانينات خنقول في بداية الثمانينات هل تغيّر ااا اا الجو ال العام بالنسبة ااا للترفيه أو الاحتفالات؟ عن السبعينات
همم شوفي إذا ست ريم يعني راح نمشي بهذا بهذا الاتجاه ااا أنا بال بالـ ٧٧ ااا قررت أني أتزوج وأصبح متأهل كي يسمح لي بـ (عليّان يضحك) بالدخول والخروج إلى أماكن كانت ااا كان ممنوع الدخول إلها لأني كنت أعزب ااا بالـ ٧٩ ااا رزقت بأول ااا مولودة ااا أسميتها رانيا
ممم
ااا بهيديك الفترة أنا كنت ساكن ب بمنطقة اليرموك، ااا وبتذكر أنُ ااا ال ال اا أسرة القبس ومحل ما أنا بشتغل ومدير التحرير قرر أنُ يهديني ااا قطعة دهب و يعني اا يشاركنا بالاحتفال ووو ويفرح متل ما أنا كنت فرحان
ممم
بالـ ٧٩ نحنا يعني جوّ جوّ الكويت الاجتماعي خلينا نسميه أو الترفيهي ااا كان يعني اا الأمور ميّسرة، وهيّ الأماكن متاحة للكل وبدون بدون يعني تمييز أو تفرقة، ولكن حسب ااا المستوى ال ااا المعيشي يعني في ناس بيروحوا على المشروعات السياحية، في ناس بيروحوا على أندية عادية، في ناس عندهن شاليهات، طبعاً هذا أمر تاني، لأن غالباً الشاليهات هيّ تملك مملوكة لـ مواطنين كويتيين ااا بالسبعينات والتمانينات ااا ست ريم اا أشهر قطاع ترفيهي بالكويت كان المشروعات السياحية، فأول ما تقريباً بالسبعينات افتتحوا مشروع المسيلة، مدينة المسيلة المائية، فكانت فعلاً يعني مكان مريح جداً إلي ولأسرتي لأنُ أنا بعد الـ ٧٩ بال٨١ـ إجاني ااا بنت تانية ااا سميتها إيمان وو كنا دائماً كل أسبوع مرة أو مرتين ااا ن ندعي مجموعة من الزملا من الأصدقاء ااا وو وو غالبيتهم عرب، أنُ نطلع نقضي يوم بالـ weekend بالمشروعات السياحية اااا الولاد يسبحوا، العيّل تاخد معها أكل ااا يعملوا م متل ال barbeque ااا يقضوا نهار كامل، المشروعات نفسها اا تجيب فرق غنائية ووو تعمل استعراضات ومناسبات وتحتفل بالجاليات وأحياناً كتير مثلاً بقولك هدا اليوم مخصص للجالية الفلسطينية بكرة الجالية المصرية، اللي بعده للجالية اللبنانية وهكذا، فكانوا يعني كنتي تحسي أنُ خليط من هالجاليات نسبة قليلة طبعاً من الكويتيين لكن الغالبية عم قول بهالنوع من المرافق كانت غالباً من ال ااا المقيمين العرب
وهذه الأماكن كانت مفتوحة للكويتيين و
مفتوحة
غير الكويتيين
صحيح
إلى حد سواء
صحيح
وو مثلاً من ناحية الأسعار هل كان في تفرقة؟
اااا لأ الأسعار هيّ نفسها ووو ممكن يعني تعملي اشتراك وممكن تفوتي عادي وتدفعي الرسوم المطلوبة ومتلك متل غيرك يعني ااا اا أنا كنت عم قول أنُ ااا حتى المدينة الترفيهية بالتمانينات بالدوحة، إلى جانب الجزيرة الخضراء على البحر شارع الخليج العربي، إلى جانب الحدائق العامة، وأنا حضرت جزء من برامج الترويح السياحي اللي كان يعملها المرحوم صالح شهاب بحدائق الكويت وخصوصاً حديقة جمال عبدالناصر
همم
فهدي كانت اا يعني أجمل الفرق الفنية والاستعراضية والغنائية في العالم يجيبها صالح شهاب وخو بفصل الصيف ووو وطبعاً فرق محلية، كويتية، خليجية، غناء وطرب واستعراض فكنا فعلاً نستمتع يعني اا ما تشعري بالملل ما تشعري بالضجر ااا ناس تطلع بالصيف، طبعاً نحنا يعني كنا نحرص بالصيف بكل صيف لما ولادي يعني كبروا شويّ، كنت أحرص على أنُ دائماً ااا نروح يعني ب بفصل الصيف وقت ما يكون ما في مدارس، العطلة، أن ننزل على بيروت وعلى لبنان نقضي يعني الصيفية بلبنان، لكن اا يعني قبل بشهرين وبعد بشهرين فكانت الكويت بالنسبة إلنا فعلاً اا يعني مريحة وو نستمتع بال ااا بالبقاء فيها سواء بالصيف أو بغيره ااا المدينة الترفيهية بالدوحة كانت كتير جميلة زاد زاد عدد أولادي، بالـ ٨١ قلت إلك أجت إيمان، بالـ ٨٣ صار عندي فؤاد اللي هوَ أبني الكبير، بالـ ٨٦ أبني ااا سلمان، فأنا عندي أربعة ااا سلمان وفؤاد كانوا بالمدرسة New English School ورانيا وإيمان بمدرسة فجر الصباح تبع الراهبات ااا
اللي في دسمان؟
اللي اللي بالسالمية اللي كانت باااا مش بدسمان، فجر الصباح ااا اا كانت بال اا بالسالمية بالسالمية ااا
شنو سبب أن الأو
ااا كانت ااا جنب مدرسة بالجابرية، جنب مدرسة New English School يعني هيّ New New English School وهيّ مدرسة فجر الصباح
شنو كان السبب أن الأولاد في New English
والله يعني بصراحة يمكن يكون في نوع من ال يعني ااا
هل كانت مناسبة أكتر لل؟
لأ أنُ كنت ي يعني أني أنا شعرت أنها مدرسة راهبات وأنا ونحنا بتعرفي بالنسبة إلنا الراهبات محببين لأن تعليمهم جيدة، إدارتهم للمدارس جيدة، كان إلها سمعة كتير منيحة، وما زالت، مدرسة فجر الصباح حتى بنتي وو وبعد ما تزوجت وجابت ولاد أح أحفادي اا دخلتهم بمدرسة فجر الصباح من حبها لهالمدرسة ويعني ارتباطها فيها
جميل
اااا طبعاً اا نحنا م ما تنسي أن فترة الغزو بسنة ال٩٠ ااا هيّ قصة تروى
قبل قبل لا نوصل لفترة الغزو أحب نظل شوي في الثمانينات، هل حصل ااا مثلاً اختلاف من الناحية الاجتماعية بين السبعينات والثمانينات من ناحية مثلاً الجو العام ال التعصب الديني؟ اا

02:40:06 - الوضع السياسي والإجتماعي بين السبعينات والثمانينات

Play segment

Partial Transcript: يعني اا اا غالباً غالباً ما كان يعني مم ما كانت ال ااا ظاهرة التعصب الديني أو ال الأحزاب الدينية اا مؤثرة في شي في خنقول بالشارع الكويتي أو بالثقافة الكويتية ااا يعني كانت اا تخرج أو يعني تز يزداد تأثيرها شيئاً فشيئاً لكن ليست بهذا الزخم اللي حصل بعد التسعين، فترة ال اا الثمانينات ااا ست ريم ما تنسي أنُ الحرب العراقية الإيرانية، ففترة تمان سنين من الحرب العراقية الإيرانية أثرت خلينا نقول على ااا المشهد العام في الكويت ومنطقة الخليج خصوصاً أن الكويت صار فيها ااا يعني اغتيالات وصاحب السمو الله يرحمه الأمير الشيخ جابر الأحمد بعشرين May ٨٥ تعرض إلى محاولة اغتيال ال والله نجاه منها يعني ااا أيضاً صار في صراع اللي خلينا نسميه ال ااا الفلسطيني ال ال ااا العربي العراقي ااا مجموعة من الدول إلها مصالح وو يعني حاولت أنها تستخدم الساحة الكويتية لأغراضها السياسية لكن كانت بشكل أو بآخر محدودة إلى حد ما. إنما الحدث الأكبر، البارز، المؤثر اللي إله علاقة بحياتنا اليومية وب وبمعيشتنا اللي هوّ الحرب العراقية الإيرانية ااا طبعاً بهالفترة أكتر جاليتين عربيات كانوا مؤثرين بالحياة اليومية بالكويت هيّ الجالية الفلسطينية والجالية العراقية، يعني اا يليهم شويّ المصريين و اا السوريين واللبنانيين بس in the top اا فلسطيني و ااا
عراقي
عراقي ااا مش بس ااا بالمعنى السياسي ااا يعني بكل مناحي الحياة كنت تلمسي هيدا الشي بالمناسبات بالشارع
ممم
بالمهرجانات ااا بالتجمعات اللي كانت تصير ااا بالإذاعة، بالتلفزيون، بالإعلام بشكل عام، فكنتي تشوفي أو يعني ااا ال الحضور الفلسطيني ووو والعراقي طاغي على غيره من ال الجاليات الأخرى ااا ولادي كملوا تعليمهن ب ااا مدرسة كانوا مدرسة الأمل الأهلية أيضاً كمان كانت راهبات، انتقلوا إلى مدرسة فجر الصباح، و الأولاد كانو ب New New English School ااا كبروا الولاد ااا طبعاً صارت متطلباتهن يعني ااا
زادت؟
زادت أو يعني تنوعت
(العلي تضحك)
ووو بتعرفي بالمناسبات الدينية اللي كانت بالكويت وخصوصاً الأعياد، فعندهن يعني ااا ب ب بزهنهن الأماكن اللي دائماً كنا يعني اا الطقوس اللي كنا نمارسها ب بهالمناسبات أنُ نروح على ااا مثلاً في شارع بالسالمية أو شارع خالد بن الوليد اللي فيه محلات ألعاب للأطفال، فنشتري لهن الهدايا والأغراض، تيابهن ااا يعني تياب جديدة، البيت كيف يعني نح يتحول البيت إلى اا تجمع لـ الأسر والأصدقاء والعوا والعائلات اللي نحنا نعرفهن، نزورهن يزرونا، نبقى يومين تلاتة ونحنا زيارات متواصلة ب بين هال ااا يعني خل نقول ااا ناس أصدقائنا وأصحابنا يعني
هل كان عندكم مثلاً يعني طقوس معينة في مثلاً عيد الفطر أو عيد الأضحى ااا مثلاً شيّ ك كعائلة أنتو خاص فيكم تحبون تسوونه في العيد، أكلات معينة؟

02:44:33 - طقوس الأعياد والإحتفالات

Play segment

Partial Transcript: اااا يعني الطقوس بمعنى الطقوس أنُ ااا طبعاً لازم أول شي إنتي تحضري الهدايا للأولاداااا يعني الطقوس بمعنى الطقوس أنُ ااا طبعاً لازم أول شي إنتي تحضري الهدايا للأولاد وللأم ااا يلبسوا أحلى تياب ااا يعني يطلعوا بشكل حلو ااا تعطيهن ااا العيدية ااا تعملي حفلة ااا يعني حفلة أكل، وطبعاً نحنا متأثرين بالأكل اللبناني أو المطبخ اللبناني يعني، فنحاول أنُ نعمل هدا الأك السفرة اللبنانية ونعزم ناس متل ما متل ما هن بيعزمونا فنتبادل الزيارات يعني ف تلات تيام العيد، نحنا نروح وهنّ يجوا، نحنا نروح و وه والآخرين يجوا يزورونا فكان جو حلو، طبعاً ناخدهن على الألعاب، الأولاد، فنستمتع يعني، فترة الأعياد كانت فترة حلوة ووو دائماً، آهه إضافة للأعياد أنُ بالأعياد الوطنية بشهر فبراير بالكويت بذكر أنُ بالسبعينات كانت الاحتفالات تصير بشارع الخليج العربي ووو وكل الفرق وكل الشركات، الكويت كلها، يعني الكويت كلها تخرج إلى شارع الخليج العربي كيّ تستمتع بهذا المشهد البانورامي الحلو ال ااا يعني اا اللي فعلاً بيشع بالفرح، بالأغاني، بالتنوع، تشوفي الكويت على حقيقتها ااا وزارات للدولة، شركات، قطاع خاص أو حكومية، أفراد، فرق، جاليات، طبعاً الك الكويت بالدرجة الأولى يعني، فكان العيد الوطني فرصة أنُ نطلع وناخد صوّر جماعية ومناسبة حلوة ويعني اا نبقى ساعات، ساعات بأكملها على شارع الخليج العربي جنب السفارة الأمريكية، ونحنا ناطرين اللي مقابل الأبراج، ناطرين تحتى كل المواكب تمر ونشوفها ونزقف لهن ويعني
اا بما أنك ذكرت الهدايا ااا و لما في الجلسة السابقة لما كنت طفل كنت تحب ال القراءة ولما كنت شاب كنت تحب القراءة هل ااا أولادك كانوا يحبون القراءة؟
أنا كنت أحرص من ١٩٧٧ أول معرض للكتاب بالكويت كان يقام في جامعة الكويت، فيما بعد بعد بسنة اا صار باا يعني بال خارج الجامعة وبعدين صار بمنطقة مشرف، اللي هيّ أرض المعارض، كنت أحرص على أن كل سنة أثناء ااا افتتاح معرض الكتاب العربي بالكويت، آخد ولادي كلهن مع أمهن وأول يوم أو تاني يوم نقضيه بالكامل وخصوصاً بفترة الأعياد بأرض المعارض لشراء الكتب فأنا أتركهن هنّا يعني يختاروا الكتب اللي هنّ بدهن إياها وأنا أشتري حاجياتي، فااا اا أخدوا هيدي العادة مني ووو وو وبنفس الوقت ااا كنت ااا لما أنزل على بيروت لازم بكل صيف نحضر مسرحيتين، مسرحيتين و مهرجانات أخرى كانت تقام بفصل الصيف سواء كانت مهرجانات غنائية أو ااا احتفالات وطنية، أو غيرها، بالإضافة إلى أفلام سينما، فيعني ااا الولاد عاشوا بأجواء ااا متأثرين بـ ااا خلنقول يعني اهتماماتي أو قراءاتي أو يعني اا حبي للقراءة ووو وللمسرح ااا للسينما ااا للمهرجانات اللي موجودة وأيضاً كنت أحرص بالكويت لما تكون في حفلات مو يعني ت ت تصير أنُ آخدهن أو أنا أكون موجود، طبعاً بالإضافة إلى مناسبات أخرى كنت أنا شارك فيها، بدون بدون أسرتي أو بدون ولادي يعني
ااا فكان للثقافة خلنا نقول دور مهم في اا في في تربيتك للأولاد وفي الجوّ العائلي ااا ذكرت السينما في ال ف يعني الذهاب للسينما ااا وين كنتوا تروحون السينما بالكويت؟
ااا شوفي بالكويت أنا أول فيلم حضرته بال ااا ٧٦ فيلم تبع Watergate تبع بو بو بوردو هيدا اللي عمله عن عن ااا عن ريتشارد نيكسون والتنصت المشه القصة المشهورة المعروفة بالعالم كلها، فااا ااا وكلاء السينما الكويتية ااا قرروا أنُ يخصصوا أول أسبوع ااا لـ اا رجالات الصحافة والإعلام اللي موجودين بالكويت حتى يكتبوا عن الفيلم
مثل premier يعني
قبل ما يبدؤا قبل ما يبدؤا بالعرض، فأنا كان إلي عندي فرصة أني أنا شوف هدا الفيلم حضرت ااا كتير حفلات حفلة لفيروز بالكويت، ماجدة الرومي، فيروز ااا فرق فرقة كاراكالا ااا فرقة اا فرق فنية كانت تجي على الكويت
منو كان ينظم هذه الحفلات؟ ال المجلس الوطني أو؟
طبعاً يعني متعهدين يعني اا رجال أعمال ومتعهدين شغلتهن يعني كانت هيدا الشي، فهيدا ال يعني ال الجو العام ااا
تذكر وين السينما كانت ااا
ااا السينما ال ااا
حولي
سينما الأندلس
همم
بحولي، سينما الأندلس ااا
وحولي الصيفي كانت
لا ما ماكنت روح بس أنا أكتر السينما اللي كنت أنزل لما أنزل على بيروت
آهه
يعني بالكويت ما شدتني كتير السينما، آه حضرت مرة بسينما صليبيخات لأنُ كانت open open air تفوتي بالسيارة وو وتحضري الفيلم، فيعني كان منظر بالنسبة إلي ااا غريب يعني أول مرة ب بحضر فيلم سينما بالفضاء المفتوح ووو فترة الليل ااا المسا يعني
ممم
فيلم مسائي ااا
هل كانت الأفلام م ااا ااا يعني مشفرة هل كانت ااا ؟
لا لا يعني عادي إنتي تحطي السماعات وتحضريها يعني ااا يترجموا، مترجمة في بالـEnglish وفي بالعربي
ووو وذكرت أنك كنت تحضر بعض الأفلام ك كتغطية صحفية
إيه
ااا شنو كانت اا مثلاً من أبرز المواضيع اللي كنت تركز عليها ااا من ناحية المقالات في فترة ااا خلنقول نهاية السبعينات وبداية الثمانينات؟
بكتاباتي قصدك؟
إيه نعم
شوفي هدا موضوع تاني، أنا لما بدأت بالـ ٧٦ بالقبس كان الهدف الtarget تبعي وأصحاب الصحيفة والقائمين عليها و م وم ومدير التحرير أن نؤسس مركز معلومات متطور
مم
مركز معلومات ودراسات، فتقريباً فترة السبعينات يعني نحكي من ال٧٦ لغاية تمانين ١٩٨٠ كانت مراحل تأسيسية إضافة لهيدا العمل اللي كان يعني كان همي الأكبر أنُ كيف نبني مركز معلومات متطور مم ممم كان خط خطين متوازيين، واحد يمشي باتجاه بناء مركز معلومات، حرص على عمليات التكشيف، الفهرسة، التصنيف، ناس اختصاصيين و يعني كل أدوات التوثيق والفهرسة واا المكتبة وأقسام الميكروفيلم ااا وتجميع الصحف ااا حفظ الصحف طريقة ااا الاستفادة من المعلومات، كيف بنشتغل بآلية جمع المعلومات وبطريقة تصنيفها وحفظها
في القبس؟
بالقبس
هل كان لك مثلاً تعاون مع ااا مؤسسات في الدولة ولا
لأ، بهيّ الفترة لم يكن هناك تعاون، لكن كانت القبس على سبيل المثال أول صحيفة بالكويت تؤسس قسم للميكروفيلم في داخل المؤسسة، ما كان أحد بالصحافة الكويتية كلها، هيّ واحد
ممم
هيدا الكلام نحنا عم نحكي بالسبع أو أواخر السبعينات، بد بدأنا بدأنا نساهم بعمل تحريري تحت اسمي ااا بشكل ااا يعني شخصي أو تحت اسم مركز المعلومات أو قسم الأرشيف فكنا يعني ااا إلى جانب عملنا التوثيقي ااا والمكتبي وو والأرشيفي في مركز المعلومات نساهم بعمل إعداد أبحاث وتقارير ااا للنشر في الصحيفة بمناسبات
ممم
أو بموضوعات إلى آخره
ااا عفواً منو كان فريق العمل ااا اللي حضرتك
اااا طبعاً فريق العمل يعني نحنا بدأنا بدأنا كنا ااا تلا تلاتة أو أربع أشخاص اا كان معي ااا سيدتين من مصر ووو وأنا بالإضافة إلى شخص ثالث كمان مصري استلم المكتبة
ممم
يعني اشتغلنا بموضوع المكتبة، بالـ ٧٧ زار الرئيس المصري أنور السادات إسرائيل، ١٩ نوفمبر ٧٧ يوم السبت، فأنا بالنسبة إلي يعني هدا كان عمل مضني جداً، كيف نحنا نقدر كمركز معلومات نساهم بكتابة أو بعمل تقارير وأبحاث ن نخدم فكرة هدا التوجه اللي هوِ ال رفض الزيارة
همم
يعني كان في رفض خل نسميه ااا رفض عربي إلى حد كبير وو كانت الكويت مؤيدة للجانب الفلسطيني أكتر منها الجانب المصري، ضمنياً أنا عم بحكي على مستوى الدولة والسياسة الإعلامية ااا اللي بتنعكس أحياناً على اا الصحافة وعلى توجهها العام ااا ٧٧ ٧٩ صار مؤتمر كامب ديفيد ااا تم توقيع اتفاقية الصلح بين مصر وإسرائيل بكامب ديفيد وخ وخلاص يعني ص صارت اا مصر ااا اعترفت بإسرائيل اعتراف يعني متبادل ااا رُفع العلم الإسرائيلي لأول مرة في أهم عاصمة عربية اللي هيّ القاهرة، و استمر طبعاً ال اا استمر هدا الموضوع، بالـ ٧٩ بتذكر أنُ مدير التحرير ااا طلب ااا طلب مني أو طرح عليّ سؤال، قال لي أنا عندي عنوان للافتتاحية بس ما عندي الم المضمون، فبدي إياك تساعدنا بهالموضوع، طبعاً هذا مثل من الأمثلة
ممم
ما نُفذ وما لم ينفذ من مؤ من ااا كامب دايفيد، من معاهدة الصلح المصرية الإسرائيلية، ماذا نفذ، وما لم ينفذ، نحنا بالـ ٧٩ هوَ من ال٧٧ لا الـ ٧٩ يعني ٧٧، ٧٨، ٧٩ فكانت عملية مراجعة هون ب بيبيّن لك أهمية الأرشيف والتوثيق أديش بيخدم التحرير والصحيفة بحيث أنك إنتي توفري مادة توثيقية ااا يعني خلنا نسميها مرتبة ااا واضحة، مصادرها، بطريقة توّظف اا يعني حتى بالافتتاحيات اللي بتنشر بالصفحة الأولى نتيجة جهد بحثي
همم
إنتي بتقومي فيه ويوّظف في خدمة هذه الصحيفة
ااا القبس كانت يعني سباقة في هذا المجال طبعاً اا اا من الواضح لكن هل كان في تنافس مع ااا ااا اا جرايد ثانية هل مثلاً أ أحد حاول يتوصل لك (العلي تضحك) ومثلاً يأخذ من هذه ااا من هذه العملية؟
ااا لأ هوِ يعني بهيّ الفترة طبعاً صار صار معروف على مستوى الصحف بالكويت ك كزملاء وك وكصحف والعاملين فيها أنُ في واحد اسمه حمزة عليّان يدير هذا المركز اللي هو مركز المعلومات والدراسات وصاروا يحسبوا له حساب يعني صار إلنا حضور يومي ااا داخل الصحيفة نفسها باجتماعات مجلس التحرير و في الموضوعات والكتابات والتقارير والدراسات التي كانت تنشر وكانت عنصر قوة بالنسبة للقبس أنُ يتميزوا فيها، غيرنا ما عنده هيدا الإمكانيات ااا بتذكر أنُ كان أحد الأشخاص اللي يعني ساهم معنا اسمه ااا الأستاذ هنري حماتي هذا كان يكتب مسرحيات اا ب بلبنان لنضال الأشقر، مشهور جداً، هوَ يعني اا أحد ال ااا النافذين في الحزب القومي الاجتماعي السوري، اشتركت أنا وياه بإصدار ااا خلنا نسميهن مم يعني عددين خاصين ااا بح بحجم مجلة tabloid
ممم
واحد عن دولة السادات الفلسطينية، والتاني عن ااا عن إيران و ثورة الإمام الخميني اللي يعني ااا ااا استبدلوا ال الأمريكان خلينا نقول نظام الشاه و أبعدوه عن البلد وأتوا بـ الإمام الخميني وحصل في تغييّر جذري في إيران وهذا استدعى أن نحنا نطلع هالنوع من الدراستين الأشبه بالكتب
ممم
يعني دراسات مجلة فيها ب بحدود ااا ١٠٠ إلى ١٥٠ صفحة كل عدد ااا
كتاب يعني
بتغطي بتغطي كل جوانب اا الموضوع اللي نحنا تطرقنا لإله سواء كان الشيء اللي إله علاقة بموضوع دولة السادات الفلسطينية أو بـ اااا اا موضوع إيران
ااا هل كان
فهدا هيّ عفواً هيّ الأعمال ست ريم اللي كنا نحنا نعتقد أنُ نحنا إلنا أفض مش أفضلية بس يعني كانت ااا م من من ال من الشي اللي الصحافة الكويتية بتفقده، أنُ اا ب بدؤوا بدأ الأخرين يعني يحاولوا يعملوا مثلنا يقلدونا لكن بخطى يعني متواضعة وو ونحنا أكملنا طبعاً هذا العمل اا ودخلنا على عقد ال خل نسميها الثمانينات يعني بالثمانين ووو نحنا مكملين يعني
اا هل كان هذا أول اا اصدار لحضرتك من هذا النوع؟
تقريباً تقريباً ااا بهالفترة صرنا نصدر بالقبس ااا شي اسمه ااا قضية الساعة، قضية الساعة عبارة عن موضوع ساخن كويتي، خليجي، عربي، دولي. يتم الاختيار يتم توزيع المهام على عدد من الزملاء، يعني مثلاً حصلت مشكلة بموضوع الذهب، فطلعنا ملحق متخصص عن الذهب، حوالي شي ١٢ صفحة، طبعاً بالتعاون مع قسم الاقتصاد، بالتعاون مع خبراء اقتصاديين بيكتبوا بقضايا الاقتصاد فاا اا المادة المادة الأساسية، البحثية، التاريخية كنت أنا أعملها وأشرف عليها وأشتغل فيها فااا يعني ااا تطورنا تطورنا ب اا المساهمة ااا بعمليات النشر وو ونشر الأبحاث والتقارير والدراسات اللي يعني مم كانت الصحافة الكويتية قلت إلك محدن عنده إياها غير القبس يعني فكنا نتميز بهيدا الشي
وهذي المواضيع خنقول الحساسة أو الساخنة هل كانت تواجهكم مشاكل في ااا نشرها يعني هل كان في أحد مثلاً يقول لك ما (العلي تضحك)
ممم
من غير المقبول أن نحنا ننشر هذا الموضوع أو ااا مثل يحددك ب بكلمات معينة؟
خلنقول يعني ال الانتقاد أمر مفروغ منه وو معتادين عليه وو وأكيد حصل، حصل كتير منه، سواء اللي نحنا الأعمال اللي عملناها أو بما ينشر بالقبس بشكل عام فااا خ خصصت القبس صفحة سمتها المنبر الحر، المنبر الحر عبارة عن مساحة مخصصة للقُراء ولمن يرغب بالمساهمة، بالنقد لدرجة أن استضافوا فيها حتى أساتذة من جامعة الكويت مثل الدكتور فريد زكريا اللي كان يدير ويشرف على هذه الصفحة الشاعر العراقي أحمد مطر اللي كان يشتغل بالقبس، اللي هوِ صاحب اللافتة المشهورة
ممم
اااا صفحة المنبر الحر تحولت إلى هايد بارك ناس تت تتبارى فيه، آراء يعني الناس كانت تحب تقرا المنبر الحر أكتر من ما بتقرا صفحة الكتّاب والآراء الك الكتّاب الكويتيين والخليجيين والعرب المعروفين. فهيّ وحدة من القضايا اللي يعني فينا نقول عنها من المساهمات المهمة بالصحيفة ااا طبعاً بتمانين أنتي عم بتحكي بال ااا تمانين واحد وتمانين لغاية ٨٩ الحدث الثاني الآخر اللي صار بالعالم العربي غير الحرب العراقية الإيرانية اللي هوِ دخول إسرائيل على لبنان واحتلال العاصمة اللي هيّ مدينة بيروت بال١٩٨٢ ااا بالإضافة إلى موضوع الحدث التالت اللي هوِ تغيير النظام السياسي في إيران من نظام مم ملكي، بهلوي، شاهن شاهي إلى نظام إسلامي، ثوري، تصدير الثورة وما اا يعني اا أتبعها من ااا أحداث وتطورات فيما بعد ااا إلى إلى إلى ااا احتلال ال ااا الكعبة ال ال الشريفة المقدسة من قبل جهيمان العتيبي القصة المشهورة والاستعانة بالكوماندوس الفرنسي لـ ااا يعني إخراج الجماعات المسلحة اللي فاتت على الحرم. يعني فترة التمانينات كانت ااا أحداث ملتهبة
ااا إي يعني هذه الفترة الثمانينات جداً ثرية اا لكن يعني أحب أسئلك على سبيل المثال ال ااا ااا قضية ااا الحرب الإيرانية العراقية، هل مثلاً كان في ت توجه بالنسبة لل للقبس أو ااا اا يعني ب بالكويت بشكل عام ااا لأخذ مسار معيّن في ه في هذه القضية أو مثلاً ضغط على ال الجرايد أنها أ أ تمشي في طريق معيّن من هذي الناحية، سواء هذه القضية أو قضية من القضايا الأخرى اللي ذكرتها؟

03:05:25 - الأوضاع السياسية في الثمانينات

Play segment

Partial Transcript: شوفي، بالـ ٨٦ تم فرض الرقابة المسبقة على الصحافة وتعطيل مجلس الأمة بحل كما يتم توصيفه حل غير دستوري، يعني حل تم حل مجلس الأمة، وفرضت الرقابة المُسبقة على الصحافة وعلى المطبوعات ودور النشر، فنحنا متلنا يعني بالقبس متل أي صحيفة تانية، كان يتواجد موظف، اللي هو رقيب من قبل وزارة الإعلام، ممنوع نشر أي خبر دون أخذ موافقة خطية من الرقيب، بمعنى أوضح، كل الصحافة بالكويت والإعلام يخضع لرقابة وزارة الإعلام، لا غير مسموح بنشر أي موضوع أو رأي أو دراسة وزارة الإعلام لا ترغب بها
ممم
فيعني فينا نقول أن الإعلام كان موجه، بما يخدم مصلحة الكويت واستقرار الكويت، و التوجهات العامة للدولة
بس قبل ذلك ما كان اا
لا ااا التعاطي بالحرب العراقية الإيرانية، كانت الكويت كلها كسلطة، كنظام، كمجتمع، كإعلام، كرأي عام كان مؤيد لموقف العراق وموقف صدام حسين من الحرب وداعم له بكل على كافة المستويات، فهيدا أمر كل الناس بتعرفه وليس فيه ما شو يقولوا يعني الجديد، بل بالعكس كانت الصحف الكويتية تتبارى أن ترسل ااا مجموعات من الصحفيين و المراسلين والمصورين إلى الس إلى الجبهة، منطقة الفاو والشلامجة والبصرة ااا لأن الحرب كانت قريبة على الحدود الكويتية العراقية وبالتالي كانوا معنيين فيها فيعني كانت ال ااا الخَبر أو الحدث بالحرب العراقية الإيرانية لا يفارق الصحافة اليومية بالكويت، يومياً في قضية
مم
يومياً في اا تحقيق خاص اا ب باستمرار يعني هدا الأمر لم لم يتوقف ولم ينقطع حت لغاية الــ ٨٩ وهي الفترة اللي كانت الرقابة فيها قائمة إلى مرحلة ما بعد تحرير دولة الكويت اللي هيّ ١٩٩١
ااا بما أن وصلنا لمنتصف الثمانينات وما بعد ذلك اا كا اا حصلت قضية اا دواوين الأثنين اا هل كان للقبس مثلاً اا تغطية لهذا الموضوع أو لك شخصياً هل كان عندك اا مثلاً اهتمام بتوثيق هذه المرحلة؟
طبعاً دواوين الأثنين حصلت قبل الغزو، بالـ ٨٦ لماً اا فُرض فُرضت الرقابة وتم تعطيل مجلس الأمة أو حله، صار في دعوات يعني من مجموعات ااا سياسية معارضة، تجار، قبائل، أحزاب إلى آخره مم يعني باختلافات ب ب ب يعني بمستويات مختلفة، تطالب بعودة الديموقراطية
مم
ااا طبعاً هذا الجو، هذا الجو اا بال اا يعني هذا الجو تم التعبير عنه بـ عمل تجمعات شعبية وقيادات حزبية وسياسية ومعارضة اا سواء كانوا نواب أو غير نواب اا عملوا شي اسمه دواوين الأثنين، دواوين لأثنين طبعاً الدولة لم تكن تسمح لأنه هذا يعني خارج عن ال مخالف للقانون أو للتجمعات، قانون التجمعات اللي معمول فيه بال بالدولة يعني بالكويت اا حصل مواجهات أو خلينا نقول تصادم ااا أو اعتقال أو أو إلى آخره ااا طبعاً نحنا بال بال بال أ يعني دوري أنا كشخص مسؤول في مركز المعلومات والدراسات في القبس، أو حتى على ااا يعني تعاطي القبس نفسها كصحيفة مع هذا الحدث ااا أيضاً يخضع لسلطة الرقيب، يعني غير مسموح أنك إنتي تكتبي أو تنشري أي معلومات أو أخبار أو موضوعات ااا الرقيب لا يسمح بها وبالتالي كانت under control يعني
ممم بس ه هل حضرت شخصياً هل حضرت ااا أحد اا دواوين الأثنين أو؟
والله أنا ا ا ست ريم بتعرفي يعني أنا مني لست محرر أو صحفي بروح وبغطي مناسبات أو أخبار
نعم ولكن يعني ك اا
وأنا ما رحت
شخصياً
لا لم لم لم لم أشترك ولم أذهب ولم أحضر، لكن كنت عايش ال الحدث بشكل يومي لأن كل الصور والتقارير والكلام فكنت يعني يومياً مع يعني
متابع
متابع بحكم عملي
نعم
بحكم عملي، لكن كان في زملا عندنا بالقبس هنّ اللي كانوا يتابعوا واللي كانوا يعني وو ومعظمهم من الشباب الكويتيين المحررين ااا ي يروح مع كل محرر ااا مصور صحفي لتغطية ال الحدث أو المناسبة يعني
اا فاا في منتصف الثمانينات إلى نهاية الثمانينات كان في أحداث سياسية واجتماعية كثيرة ووو وو وكان كذلك في رقابة على ال الأمور اللي تغطونها أو تكتبونها ااا وصولاً إلى ااا نهاية بداية التسعينات وحدوث اا الغزو العراقي. أحب أتوقف هني ااا وناخذ شوية وقتنا فيها اا قبل حدوث الغزو، هل كان ااا عندك حضرتك شخصياً أو اا ااا المجتمع المحيط، هل كان في توقع لحدوث فعلي للغزو ال العراقي على الكويت قبل ال قبل لا يحدث؟ هل كنتوا متصورين أن فعلاً ال العراق راح تغزو الكويت؟
شوفي ااا طبعاً ااا بحكم العمل اليومي الدائم المتواصل طوال فترة الحرب العراقية الإيرانية، لم يحدث أن خرج أحد من الكويتيين أو غير الكويتيين، أو المحللين السياسيين، أو الراصدين ل ل ل لحالة الحرب العراقية الإيرانية وموقف الكويت من الحرب، لم يحدث أن تنبأ أحدهم بأن يوماً ما ممكن يستدير هذا الرجل اللي هوِ اسمه صدام حسين، ويأتي ليحتل الكويت، لم يحدث، لكن نحنا الآن يعني أنتي فرق لما تحكي مثلاً ٨٦ فرق لما تحكي عن هدا الموضوع بال٨٩ أو الـ ٩٠. خلينا نقرب أكتر يعني ااا خلنقول نقرب على التسعين ااا بالـ ٨٩ بالـ ٨٩ يعني هدا زيادةً بال بالتأكيد على أن الكويت ااا في منأى عن أي أطماع أو مع أو أو أعمال مم ممكن تخطر على بال إنسان ااا حصل في مؤتمر قمة عربي في بغداد، تم تكريم ااا صاحب السمو الأمير المرحوم الشيخ جابر الأحمد و اا منحه قلادة الرافدين من قبل صدام حسين، و وشكر الكويت على دعمها وموقفها مع العراق طوال فترة الحرب العراقية الإيرانية وإضافة لذلك أن الكويت مع المملكة العربية السعودية خصصت انتاج منطقة المنطقة المحايدة اللي هيّ في منطقة الخفجي، كل انتاج هذه المنطقة يباع لمصلحة العراق، يعني العائد المالي للنفط المستخرج من منطقة المنطقة المحايدة والخفجي كان يذهب إلى خزينة العراق، يعني لحد وين كانت الكويت، الممر الخلفي لـدعم العراق، يعني الأسلحة مثلاً اللي كانوا يشتروها كانت تمر عن طريق الكويت، موانئ الكويت مسخرة لخدمة العراق وصدام حسين في حرب في حربه ضد إيران، فالكويت يعني حتى المعارضة، يعني الصوت المعارض لـ ضد صدام مم مش بس كان خافت كان ممنوع، ما كان يطلع، محد يحس فيه، محد يسمعه، وإن حصل فبيكون بشكل يعني جداً مخفي، يعني ما في منه هيدا الكلام. بالـ ٨٩ بالـ ٨٩ ااا لما قربت الحرب العراقية الإيرانية على الانتهاء وتدخلت طبعاً دول العالم وصار فيه وساطات عديدة لإنهاء هذا الحرب إلى أن صدر قرار من مجلس الأمن خمسة تسعة تسعة تماني وااا والأمين العام خافيير دي كوييار ااا وقبلت به إيران والعراق بإيقاف الحرب، إيقافها بشكل كامل، طلع الإمام الخميني بجملته الشهيرة، لقد تجرعت السم بقبول هذا القرار اللي هوِ قرار مجلس الأمن ٥٩٨ اللي يدعو إلى انهاء الحرب والتوقف عن أعمال القتالية والأعمال يعني العدائية بين الدولتين. من هالنقطة هون بدأ السؤال أو ال أو العين تذهب إلى ماذا سيفعل صدام حسين بعد هذه الحرب الشرسة المدمرة اللي أكلت الأخضر واليابس ودفع العراق ثمن جداً غالي، وطبعاً وبدعم من الكويت ومن الخليج لصدام حسين في حربه ضد إيران. بلد خرج منهكاً، عليه ديون، فيه فقر، يكاد يكون فيه جوع ااا يعني بدأ يلتفت يميناً ويساراً (عليّان يضحك) حاول يشوف شو المَخرج، صار يطلع من العراقيين ومن صدام حسين إشارات بخطاباته
ممم
أنُ نحنا دافعنا عن الخليج، نحنا اللي دفعنا الثمن، نحنا اللي أ ٨ سنين من شبابنا ومن أهلنا ومن جيشنا وو الآن نتعرض إلى ما يشبه المؤامرة أو يعني عمل لا يخدم مصلحة العراق بموضوع النفط، بتنزيل سعر النفط وإغراق ال العالم والأسواق العالمية بنفط فائض عن الحاجة يعني صار في فائض عن الحاجة وصار في سعر متدن جداً وبالتالي هو يعتبر حاله أن هوِ الخاسر. ما كان في أحد بيتوقع أن يُقدم صدام حسين على خطوة احتلال بلد عربي مجاور لإله متل الكويت، لكن كان في تخوف أو ترقب ماذا سيفعل هذا الرجل أو هذا الحاكم ااا بعد بعد إيقاف الحرب العراقية مع إيران، ماذا سيفعل؟ إلى أين سيتجه؟ فالعين صارت تروح تسأل، المحللين، مراقبين، سياسيين، تقارير، أبحاث، تقارير مخابرات، دوّل معنيّة بالموضوع، إلى أن إلى أن بدأت الأمور، يعني صار واضح التوجه أنُ عم بيشير على الكويت والإمارات، أنُ عم بيسرقوا نفطنا، أغرقونا أغرقوا الأسواق العالمية بالنفط، ونحنا إلنا حقول مشتركة عم ياخدوها الكويتيين بدون ااا بدون علمنا، بلد نحنا م مدين ااا ما أحد عم يلتفت إلنا وتركونا ووفي وضع اا يعني مأساوي، يعني بهالمعنى ااا الآن نحنا عم نحكي عن، دخلنا على سنة ١٩٩٠
ممم
يعني الحرب العراقية الإيرانية توقفت بأواخر الـ ٨٩ يعني أكتوبر أو نوفمبر أو بهالمعنى، يعني عملياً شهرين ونحنا بدأنا بالـ٩٠. طوال ثلاث أربع تشهر بين التسع أواخر الـ ٨٩ وبداية الـ٩٠، كانت الصورة إلى حد ما في مؤشرات بتقول أن صدام حسين لا نعلم إلى أين سيتجه، يعني هناك نوايا، هناك إشارات، توجهات من هذا الحاكم لكن غير معروف ما هيّ. يعني إذا واحد حاول يقرب الصورة أكتر إلي آخره. طبعاً فيما بعد فيما بعد، يعني بعد الغزو بعد التحرير، طلعت بعدين تقارير أنُ أنُ أنُ ممم ااا أجهزة مخابرات غربية وكويتية وقنصل الكويت في البصرة ااا كانت تُرسل تقارير تتخوف من أنُ صدام حسين يُقدم على عمل ما، تتخوف، لكن استمرت العلاقات جيدة بين الكويت وبين العراق، وكانت التغطية الصحافة الكويتية، وكنا يومياً بنعيشها هال هال هالحالة ااا بدأنا بصيف ١٩٩٠ بشهر ٧، خلاص اا أصبحت النوايا واضحة
ممم
ااا العراق العراق يتهم الكويت مباشرة بسرقة النفط وبإغراق اا الأسواق العالمية وبتنزيل سعر النفط، طبعاً نح الكويت مع الإمارات، يعني بيعتبرهن أنُ أتنينهن شاركوا بهذا ال بهذا الموضوع. طبعاً دخلت الو الوساطات، صار في لقاءات اا حصل في زيارات متبادلة ووو طبعاً كل الناس بتعرف مؤتمر جدة ال ااا الشهير اللي حصل واللي كان يرأسه من الجانب الكويتي اا المرحوم ال الشيخ سعد العبدالله الص السالم الصباح ولي العهد ورئيس ممم مجلس الوزراء، وعزت إبراهيم الدوري نائب الرئيس اا العراقي اللي راحوا على السعودية واجتمعوا بترتيب من القيادة في المملكة العربية السعودية وانتهت أنُ يبدوا وصلوا إلى مكان يعني لا لا ليس هناك اا حوار ولا اا يعني أفق للحل. بعدنا الصحافة الكويتية ما زالت تخضع للرقيب، يوم الأربعا ٢ أو ١ ثمانية ١٩٩٠، العالم كله بدأ يعد للعشرة بعد عودة الشيخ سعد العبدالله الله يرحمه من جدة إلى الكويت، والوفد اللي كان مشارك معه بالمفاوضات. طبعاً نحنا بشغلنا بحكم عملنا كصحافة وو وأنا من ضمن الفريق اللي موجود بهالجريدة ااا يعني كنا نعيش حالة استنفار وترقب وخوف. هل يقدم الكوي هل يقدم صدام حسين على دخول الكويت عسكرياً، الكلام أنا عم بقلك إياه عم بنقلك الصورة اللي كنا عايشينها يوم الأربعا ١/٨/٩٠

03:22:52 - الغزو العراقي على الكويت

Play segment

Partial Transcript: المشهد المشهد كالتالي، وكالات أنباء تعطي إشارات أن صدام يحشد على الحدود العراقية الكويتية، يحشد قوات عسكرية، الشيخ سعد عاد من جدة إلى الكويت، طبعاً قال كلام فيه نوع من التفاؤل لكن الحقيقة غير ذلك، بدأنا يعني صارت فترة بعد الظهر المسا بالليل ااا أصبح الكلام عن دخول عسكري عراقي إلى الكويت أقرب إلى الواقع فااا طبعاً بحكم عملنا كان لازم إحنا نتابع بقينا للساعة ١٢ أو وحدة بالليل والرقيب موجود ولم يسمح بنشر أي معلومة أو خبر أن هناك اعتداء أو حشود عسكرية أو دخول عراقي عسكري إلى الكويت، نمنا يوم الأربعا ١/٨ وصحوّنا وال والكويت مُحتلة من قبل العراق وصدام حسين، استنفروا استدعونا بالجريدة صباح يوم الخميس أنُ بدنا نعمل طبعة، تُصدر الظهر لأنُ وزعوا المهام على فرق من ال الصحافيين والمصورين، ناس ذهبوا باتجاه الرقعي، باتجاه دسمان، باتجاه الجهرا، باتجاه البحر، على وص وصرنا نسمع أصوات مدافع وقنابل بشكل واضح البلد يعني خلاص ااا في حالة ذهول اا حالة اا غليان بدنا نسميها، حالة ااا يعني مش عارفين نحنا صاحيين، حقيقة أنُ بعدنا بااا بالكويت وأن ما حصل شي ولا شو اللي صار. طبعاً يعني ص لحظة بعد لحظة، ساعة بعد ساعة، كانت الأمور تزداد ااا تعقيد.
اا طيب أحب ااا عذراً بس اللحظة اللي سمعت فيها أن بالغزو العراقي ااا قلت أنك رجعت من الجريدة و في اا يوم الأربعاء ونمتوا وصحيتوا لقيتوا الوضع جذيه بس شنو اللحظة اللي سمعت فيها الخبر المؤكد أن الكويت انغزت؟
أنا بيتي بالسالمية، عايلتي كانت في بيروت، لما يوم الأربعا ١/٨ رجعنا من الجريدة بالشويخ، كل واحد راح على بيته الساعة ١٢:٣٠ وحدة ونحنا حاطين إيدنا على قلبنا ومش قادرين ننام يعني ص حتى النوم ما عاد فينا، لأن مش عارفين حجم هذا التدخل وين العراق صار، شو راح يعمل، إلى آخره. الساعة ٤ فجر يوم الخميس أنا خرجت من بيتي نزلت لأنُ عم بسمع أصوات قذائف ومدفعية وطيران وو وعسكري مبيّن واضح بس من بعيد الصوت، خرجت قلت أنا بدي اتمشى بالشارع اللي نحنا بنسكن فيه، شفت منظر بالشارع بقول أنُ في قصة كبيرة حصلت، بس شو هيّ أنا ما بعرف، أحد الأشخاص الكويتيين قاعد ببيته على كنبة على الشارع، بيطل على الشارع وفاتح الراديو على البي بي سي، سمعت كلام أن العراق أن العراق دخل بقوته العسكرية إلى الكويت، فأنا رأساً بعد ما سمعت وو وشفت أنُ الشوارع فاضية، يعني مش مم ليست كما هيّ بالعادة، يعني أمر مريب، أمر غريب، في شيّ حصل ونحنا مش عارفين شو هوِ بعد، بس خلاص يعني، هيّدا أول إشارة سمعتها أنُ في قوات عسكرية دخلت إلى الكويت، عراقية. وصلت على البيت وجرس التلفون ما كان في موبايل، جرس التلفون لم ينقطع، احضر فوراً إلى الجريدة. طبعاً رأساً أنا رجعت. سبعة ونص سبعة كنا بالجريدة، كل ال staff تبع الجريدة تجمع، وقعدنا نترقب، بهالوقت هذا خلاص يعني صار الكلام عن ال الوجود العراقي العسكري بالكويت ااا أصبح أمر عادي اا زاد أكتر يعني كل ما كل ساعة تمر يزيد الأمر أكتر، بالجهرا مواجهات وصلوا على دسمان، عملوا انزال مش عارف بالرقعي اا في مواجهات بمعسكر الG1 وطبعاً والسؤال كان أين هوَ صاحب السمو الأمير؟ ماذا فعلوا؟ يعني شو اللي صار؟ طبعاً الأمور فيما بعد كلها توضحت، أنُ يعني خرجوا من الكويت وو أنُ خرجوا سالمين يعني اا راح الشيخ سعد وو والمواجهة المشهور لفهد الأحمد أمام قصر دسمان لما حا تواجه مع ال القوات العراقية المُحتلة
نرجع بس للموضوع ذكرت ال ال اا المواجهة اللي صارت ااا أمام اا قصر دسمان، ممكن للمستمع بس تذكر هالحادثة؟
بقصر دسمان، هوِ مقر الحاكم الأمير، كان في خوف أنُ العراقيين جيش الاحتلال العراقي، عمل إنزال عسكري أمام قصر دسمان، أو جاؤوا من البحر، يعني حاولوا يطوقوا القصر الحاكم الأمير. استدركت القيادة السياسية بالكويت هذا الخطر قبل أن يحصل، يعني ال ليلة الأربعا ليلة الأربعا لحظة الدخول العراقي إلى الكويت، ذهب الشيخ سعد العبدالله إلى قصر دسمان وأبلغ أقرب الناس ومنهن فهد الأحمد، الشيخ فهد الأحمد الله يرحمه، ذهب إلى قصر دسمان لأن كان في غرفة عمليات وتعطي تقارير للشيخ سعد العبدالله بحكم كونه ولي العهد ورئيس مجلس الوزرا، أنُ الوضع ال الوضع على الأرض الوضع الميداني كيف هوِ، فهوِ قدر أن هذا الوضع صعب جداً وخطر، فاا قرر أن يستقل السيارة مع أكيد مرافقين وذهب إلى قصر دسمان وطلب من صاحب السمو الأمير أن يخرج معه إلى المملكة العربية السعودية، وفعلاً موكب موكب سيارتين أو تلاتة وكان فيها الشيخ سعد وصاحب السمو المرحوم الشيخ جابر الأح الأحمد اا و وسلكوا الطريق اللي هوِ باتجاه الخفجي إلى أن دخلوا إلى أراضي المملكة العربية السعودية، بهيدا الوقت وصل الشيخ فهد الأحمد لما عرف أنُ في انزال عسكري عراقي أو تطويق لقصر دسمان، فحصل في نوع من المواجهة بينه وبين ال ال العراقيين وكان جريء جداً يعني لا يَهاب، فا بهالمواجهة ااا قُتل الشيخ ااا فهد الأحمد واستشهد وو وكانت هذه الواقعة مع معروفة يعني ااا وانكتب عنها كتير طبعاً ااا وحقيقة يعني موقف ااا موقف بطولي من الشيخ فهد الأحمد أنُ يواجه في هذه اللحظات بدون ما يكون عنده يعني قوات مساندة أو ما شابه ااا واجه الجيش العراقي بقوة وبصلابة وبشهامة وذهب شهيداً وو ورحمة الله عليه طبعاً ااا نحنا ونحن أنا لما أقول نحنُ يعني المقصود فيها العاملين بالقبس، بصحيفة القبس كونها صحيفة من هالصحف اللي بتصدر بالكويت ااا يوم الخميس ظهراً بين الساعة وحدة والساعة ثنتين حصل في أنُ الأمور يعني تدربكت أكتر وتطورت أكتر خلاص يعني صارت الناس كلها عارفة، العالم كله صار يعرف أخبار وكلات تلفزيونات صح، خلاص انتهى أنُ الكويت تحت الاحتلال العراقي. كان في قرار أنُ تطلع الصحيفة طبعة الظهر، حصل في تواصل مع أحد مُلاك القبس فاا كانت نصيحته نحن اليوم كلنا تحت الاحتلال العراقي فااا من يتحمل المسؤولية؟ فالأفضل الأفضل كل واحد يروح على بيته ووو يعني يشوف أموره يعني بهالمعنى، وكان الخروج من القبس الساعة وحدة أو تنتين ظهراً يوم الخميس ٢/٨/١٩٩٠ طلعنا وكل واحد راح على بيته صار يفتش على طريقة، منهم من بقى في الكويت، منهم من خرج من الكويت، منهم من تعاون مع الاحتلال العراقي ووو وال بقية القصة كلها معروفة
طيب لما طلعت من ال من القبس ااا تقريباً بعد الظهر ااا شلون كان شكل الشوارع وأنت راجع البيت في السالمية؟
شوفي، حالة ذعر، سقطت هيبة الدولة بمعنى بتشوفيها بالشارع، كيف؟ أنُ إشارة حمرا الناس تطلع منها، حسيت نوع من ال الفلتان اا ما عدتي تعرفي يعني وين الصح ووين الغلط اا ممكن إنتي وماشية بالشارع واحد يطلع بسيارته فجأةً شتسوي ما إنتي يعني يعني صارت ااا صارت أشبه بـ يعني اا
فوضى
فوضي فوضى مخيفة، يعني فوضى مخيفة ااا شفت ااا مثلاً اا ناس معهن سلاح ورا ورا ورا القبس بشارع الصحافة ااا هل هن قوات عراقية أو كويتية ما بعرف صعبة أنا يعني أتخيل، أحد الزملا شاف ناس حاطين تيابهن العسكرية حاطينها بـ يعني سلات سلة ال ااا القمامة اا يعني صارت، اختلطت الأمور، ما عدتي تقدري تميزي أول يوم ااا مخابرات عراقية مم ن ناس اا يعني إلهن مصلحة بإثارة الرعب ااا بحاولوا يعني ي يعطوا صورة عن ااا الكويت أنُ بلد بلد فلتان أ بهالمعني، المهن نحنا يعني اا سلكنا طريق الأمان ورجعنا على بيتنا، صرنا نتابع الأخبار عن طريق الر الراديو والتلفزيون وأنا بقيت بالكويت تحت الاحتلال العراقي لمدة تمانية أو عشر تيام، يوم ١٢/٨ خرجت من الكويت وعدت إلى بيروت عن طر بكونفوي مع أصحابي وزملاء لإلنا بالصحافة عن طريق كويت العا ااا البصرة، بغداد، الرويشد، الأردن، المصنع، سوريا، إلى لبنان
اااا يعني هذي المرحلة فيها الكثير من الأسئلة بس أحاول اا أرتب أفكاري شويّ. لما اا يعني ظليت هالفترة في الكويت، هل اا كان في تواصل بينك وبين أسرتك في لبنان، هل قدرت تكلمهم؟
ااا أول يوم إيه، بعت إلهن يعني متل رسائل تطمين، أنُ أنا بخير وما تقلقوا، أنا راح شوف أقرب فرصة و وأطلع من من الكويت يعني، طبعاً أنا لما وصلت على اا بيروت اا كانت اا يعني كانت فرحة كان العيد عندهن أن أن كيف رجعت كيف طلعت كيف
ووو وطلعت من الكويت بالسيارة؟
مم
ممكن توصف لي هذه الرحلة رحلة ال مثلاً شلون اتفقتوا اا أنت وال ااا ال اا الزملاء أو الأصحاب أنكم تطلعون ش شلون؟

03:36:11 - رحلة خروجه من الكويت في أغسطس عن طريق العراق

Play segment

Partial Transcript: شوفي ست ريم، أنا لما حصل الغزو ودخلوا العراقيين، هذا الكلام يوم الخميس ٢/٨/١٩٩٠ أنا يعني بحكم قراءتي ومعرفتي ورؤيتي واللي عم شوفه حواليي يعني، أنا شايف الدنيا كيف ماشية عالأقل، بيني وبين نفسي أخدت قرار أن لا أبقى في الكويت تحت الاحتلال، وأنا ما بتعامل مع العراقيين، بلد عشت فيها وتربيت فيها، ولادي وأسرتي وعايلتي، مش ممكن أنا بهيك موقف أو بهيك لحظة أني أعمل شي ع يعني اا لا يرضي ضميري
مم
قبل أي شي تاني آخر، إضافة لذلك تاني يوم وتالت يوم ع عرفت أنُ حامد الملا الملحق ال الإعلامي الع بالسفارة العراقية بالكويت أخد قائمة بأسماء ال العاملين بالقبس وبدأ يطاردنا ويلاحقنا ببيوتنا لأن بدهن عرفنا وقتها أنهم بدوا يجمع الناس وو وعم يفكروا يطلعوا صحيفة
ممم
فنحنا صرنا نغيّر بيوتنا، يعني يوم ننام براس السالمية، بكرة بالرميثية، بعد بكرة بالجابرية وهكذا، أصحابنا زملائنا يعني، هيدا زا زادني أكتر أنُ ما أبقى، يعني أعطاني دفعة أكتر، أن لا أبقى في الكويت
فكان يعني في طلب لاستدعاء
إيه
الصحفيين لإنشاء جريدة ااا عراقية؟
صحيح صحيح ااا طبعاً ب بحكم التواصل بينا وبين الزملا فصرنا نستفهم عن الوضع شو شو اللي عم بيصير، شو اللي عم بيعملوه، العراقيين شو راح يسووا فاا كنا وصلتنا الفكرة، أنُ عم بيجمعوا الناس اللي كانوا بالقبس بدهن يشغلوهن ويتعاونوا معهن تحتى يصدروا صحيفة موالية للعراق. أنا ومجموعة من زملائي، يعني القريبين لبعض، قررنا أن لا نبقى، ونحنا ما عندنا استعداد أن نتعاون مع ااا العراقيين ولا مع السلطة العراقية ولا مع الملحق الإعلامي ولا مع أي مخلوق عراقي، حتى الذهاب إلى منطقة الشويخ الصناعية بمقر القبس ما كنّا نروح. كنّا نتخفى ويعني ونبقى اا بعاد تماماً عن أعيّن العراقيين لأنُ ممكن بأيّ حاجز السيطرة اللي كانوا يعملوهن، إذا يعني عرفونا ممكن ياخدونا وو يعني ب بالقوة تمان تمان تيام أو عشر تيام أنا بقيتها بالكويت تحت الاحتلال، طبعاً بيوتنا وكذا تركناها يعني م متل ما هيّ، كان عندي سيارة، اتفقنا مع أصحابنا نعمل متل كونفويّ، ليش؟ كأنُ بتخافي أنُ نتعرض لمشاكل على الطريق، فكنّا مع بعض، حوالي يمكن سبعة تمان أشخاص اا في ناس تشاركوا بالسيارة مع بعض في ناس أخدوا سيارتهن، في ناس أخدوا معهن يعني ش حاجاتهن اا الشخصية إلى آخره
هل كان معكم أطفال ونساء؟
أنا أسرتي كلها بالكامل
ال ال
كانت في اا ببيروت لأن فصل الصيف ع عطلة يعني إجازة
أقصد باقي ال ال
الباقي اا أطفال لأ ما كان في ااا ما بذكر ما بذكر، المهم اتفقنا، قررنا ن نطلع سوى كونفوي، طبعاً يعني في عذاب اا جداً مرير يعني بالطرقات وو وكيف قدرنا طلعنا دخلنا اا رحنا عن طريق ال اا المطلاع ااا طريق المطلاع العبدلي، دخلنا إلى البصرة فوضى فوضي كاملة ااا شاحنات وعسكر وو وناس فلتانة، فوضوية بشكل يعني شي مخيف يعني بت بتقولي هيدا يعني مش ممكن تفكري أن أنتي عايشة بدولة اسمها الكويت، يعني الكويت اللي إنتي بتعرفيها تغيرت ١٨٠ درجة، أسواق، شوارع، سيارات يعني ااا بلد مُحتل، فوضى كاملة مم مين اللي ماسك الشارع ما بتعرفي لوين بد يعني بعدهن العراقيين عم بيثبتوا مراكزهن، آهه بهيّ الفترة بهيّ تمان تيام عشر تيام اا كنت أنا ااا أحاول أقرب شي إلي شارع البلاجات، عالبحر، فكان عندي صديق بيشتغل بالكويتية عنده مس مستأجر بيت بيطل على البحر فكنت روح لعنده نق نقعد يعني، يوم اا ونحنا عم نسمع الأخبار بيقولوا أن أن أن ااا صدام حسين ااا أعلن انسحابه من من الكويت ااا بغرض التفاوض تحت الضغط، فنحنا وقاعدين بشارع البلاجات مُطل على البحر عم نطلع قدامنا وفعلاً كانت كان شارع البلاجات يعني كله دبابات عراقية وو وأماكن سيطرة وحواجز، فالدبابات طلعت من م أمكنتها ودخلت إلى الأحياء الداخلية بالمناطق السكنية، فتطلعنا هيك أنُ شو شو انسحاب يعني، الانسحاب هيك بيكون؟ ف بنفس النهار قالوا أن المفاوضات فشلت أو شغلة من هالنوع رجعوا ال الدبابات مرة تانية (عليّان يضحك) على يعني مسرحية، تمثيل يعني، أن بدوا يوهم ال العراق الغرب أنُ نحنا انسحبنا، طبعاً ما في أقمار صناعية شايفين كل شي، فإن هوِ طلع أمر باخ ب بإخراج الدبابات من الشاطئ خلنقول على البحر الم الموازي للبحر و ااا العودة إلى المناطق السكنية ثم عاد مرة تانية، فكانت فعلاً مسرحية من المسرحيات اللي شفناها وأنا موجود بال بالكويت. لما طلعنا من الكويت، طلعنا أنا طبعاً صادروا صارت العملة ال ااا ممنوع تتعاملي بالدينار الكويتي. وأنا لا أملك سوى خمس دنانير، يعني فلوسي راحت، أموالي راحت، ما ع ما عندي شي، عايلتي بالخارج بلبنان، كيف بدي أطلع من الكويت ومعي خمسة دنانير أنا كيف (عيّان يضحك) يعني صرت أسأل حالي لأنُ شغلة مر مرعبة يعني، فيها مخاطرة، يعني إذا بدك تعبي بنزين لسيارتك، بدك عشرين دينار مثلاً، فما بالك إذا ما صار شي، بدك تاكلي، بدك تنامي، بدك تحتاجي، المهم، أنا أصحابنا يعني تعاوننا، كونفوي وطلعنا، طبعاً يعني اا واسطات وو تتفوتي بمحل معيّن ممنوع ااا طلعنا عن طريق البصرة ااا أكلنا مسقوف، سمك نهري من العراق وسط بساتين النخيل، كان منظر جداً حلو ما بنساه أبداً، نسوان واقفين على ال مجرى النهر وو عم حاطين سمك قدامهن فأنا سألت شو هدا، قالوا أن هو بيعملوا سمك مسقوف، يعني بيشووا السمك على النار، طريقة خاصة من عند العراقيين، قعدنا حوالي شي ساعة تغدينا، وبعدين كملنا، وصلنا على بغداد نمنا ليلة ببغداد اا خلصنا وراقنا ااا كملنا وصلنا على الرويشد رحنا على ال المنفذ ال اا العراقي نحو الرويشد طب طبري طب، نسيت شو اسمه منفذ الحدود يعني، المعبر
ممم
هلأ هلأ بتذكر، الرويشد أنا شفت مشهد أيضاً من ال اا يعني ما ما ما بتنسيه يعني وهو، آلاف من البشر مكدسين بالشارع، أرض مفتوحة، ما في شي بيحميكي، ما في مكان بتقعدي فيه، ما في غرفة تقعدي فيها، مئات، آلاف، نسوان ورجال وأطفال وكبار وصغار كلهن قاعدين على مدخل الرويشد اللي هيّ يعني يسمحوا لك أنك إنتي تعبري إلى الأراضي تدخلي الأراضي الأردنية، طبعاً كان مفروض أنُ نبقى هونيك الليلة ننام ننام يعني بالمعبر لتاني يوم الصبح، فتكرمي حتى الحمامات ااا اللي موجودة يعني حتى الحيوانات ما ماب بتستخدمها يعني الحيوانات ااا ما عندها (عليّان يضحك) القدرة أن تتحمل الوصول إلى هالحمامات يعني، وسخ وو فوضى وو ناس مش عارفة حالها وين، ناس جوعانة، ناس محرومة من النوم ااا يعني كأن نحنا متل متل اا البدو الرُحل ما ما عندنا شي، يعني ما عندنا شي، المهم خلصنا تاني يوم الصبح مشينا كونفوي كملنا طلعنا من الأردن، طريّبيل طريّبيل، الحدود العراقية الأردنية، منفذ العراق اسمه طريّبيل، بعدين بتفوتي على الرويشد، خلصنا ورحنا، فتنا على سوريا، كمان نفس القصة، عالحدود. بقينا نع معاناة على الحدود إلى أن وصلنا إلى شي بيسموه، منطقة المصنع، المصنع يعني الحدود السورية اللبنانية، فقلنا الحمدالله وصلنا بالخير
مم
طبعاً لا في فلوس ولا في عندنا شي، يعني كلنا نتساعد مع بعضنا نشتري سندويشة إلى آخره ااا حضنا بعض
مم
عالحدود يعني صرنا نبارك أن الحمدالله عالسلامة من الحدود كل واحد راح باتجاه حسب هوِ وين رايح يعني، فأنا أكملت عند عايلتي وبعدين يعني تواصلنا، بقيت ببيروت بعد خروجي من الكويت أثناء الاحتلال العراقي حوالي شهر أو أقل، ثم ذهبتُ إلى دولة الإمارات العربية المتحدة لأعمل فترة ست أشهر في جريدة الخليج بالشارقة بدولة الإمارات واللي صاحبها اسمه تريّم عمران الله يرحمه، كان يدرس في الكويت بثانوية الشويخ وطَبع أول جري أول مرة لما صدرت صحيفة الخليج بالسبعين كان يطبعها بمطبعة المقهوي بالكويت، لمدة ست أشهر أو سنة، ويشحنها على الإمارات، فيما بعد صار في مطابع بالإمارات فما عاد يطبع بالكويت، هيّ فترة من موضوع الغزو، طبعاً الست أشهر بال بال اا بالإمارات تعرفت على الإمارات جيداً، لأن عندي ااا أتنين من أخوتي كانوا بيشتغلوا بالإمارات، نمت عند واحد منهن ااا، زرت كل معظم الإمارات زرتها وشفتها وصار عندي يعني معرفة أكتر وأصحاب وأصدقاء وعلاقات وكنّا نتابع أخبار الحرب يوماً بيوم وأنا في دولة الإمارات العربية المتحدة
شلون رحت للإمارات؟ هل ااا
في شخص لن أنسى فضله طوال حياتي اسمه جمعة الماجد، جمعة الماجد، هذا أحد تجار الإمارات من أهل دبي وله علاقات جداً حميمية ووطيدة مع الكويت. قبل الغزو طلب بحكم علاقته مع مُلاك القبس يؤسس مركز للمايكروفيلم في دبي، فأنا ذهبت وقتها وو مع صديق لإلي اسمه محمد راشد، أسسنا له وساعدناه وقدمنا له استشارات بإنشاء مركز، لأن عنده مخطوطات عربية وإسلامية، فمحتاج إلى يعني استشارة إلها علاقة بطريقة حفظ حفظ المخطوطات التاريخية. ما نسي أنا لما صارت الغزو ونزلت على بيروت، تواصلت مع الإمارات، فعن طريق ااا أخي ااا وصلت رسالة للعم جمعة الماجد فاا أرسل لي تذكرة طائرة فيرست كلاس حجز لي بفندق، أعطاني مبلغ مصروف شخصي، وقال لي أنت في بلدك وعند أهلك، وأهلا وسهلا فيك وساعة اللي بدك.
هممم
فأنا جيت على الإمارات طبعاً شكرته إلى آخره وقال لي نحنا هذا واجبنا وفتح كل شركاته في دولة الإمارات لكل من له علاقة بالكويت ولأهل الكويت وبالمجان. طبعاً عنده شركات تجارية ومحلات، سيارات وأدوات كهربائية وإلى آخره. طبعاً أنا كان عندي علاقات وأصدقاء بيعملون في صحيفة الخليج، ومنهم شقيقي
ممم
فصار في تواصل مع صديقي اسمه سعد محيو و ااا الله يرحمه تريّم عمران صاحب جريدة الخليج واشتغلت في مركز المعلومات بالأرشيف وكنت أكتب أبحاث وتقارير وتنشر في صحيفة الخليج لفترة ست أشهر لأعود إلى الكويت يوم ١٧/٦/١٩٩١ ١٥/٦/٩١ مع مجموعة من الزملاء الكويتيين اللي أنا كنت أعرفهن لما كنّا بالكويت، جينا بالسيارة، طلعنا من أبو ظبي إلى العين إلى قطر إلى المملكة العربية السعودية ودخلنا الكويت المُحررة
براً، عن طريق البر؟
بر، عن طريق البر
شنو أول شي شفته لما دخلت ع دخلتوا عن طريق البر؟ شنو اا
اا قصدك وين هون؟
إيه لما دخلتوا إلى الكويت

03:50:50 - عودته للكويت في 1991 بعد التحرير

Play segment

Partial Transcript: اااا عن طريق الخفجي، دخلنا عن طريق الخفجي. فترة بعد الظهر قبل المسا يعني، قبل المسا. طبعاً كنتي تشوفي مثلاً السيار السيارات مكسرة على جنب الشارع، تشوفي حالة فرح وحزن. فرح أن البلد رجعت لأهلها، وحزن باللي إنتي عم تشوفيه قدامك مآسي ومصايب ومشاكل وتدمير وخراب ااا بت الليلة عند أحد الأصدقاء كان بقي بالكويت اسمه مخرج فني كان بالقبس اسمه أحمد صفاوي نمت عنده بالليل وتاني يوم رحنا استأجرنا اا شقة أنا وزملائي اا أكتر منظر كان ااا أن السما بالكويت سودة، لأنُ كانت آبار النفط بعدها عم بتشتعل فكل ااا يعني الدخان اللي بيطلع من الآبار ااا يعني يعني كأنك عايشة باااا بفصل الشتا مثلاً يعني فوقك في طبقة تحجب الرؤية عنك حتى الشمس ما بتشوفيها، فكانت كلها دخان أسود نتيجة حرق آبار النفط اللي ااا أقدم عليها ااا العراق المحتل وبالمناسبة الكلام عن النفط وآبار النفط، حضرت إطفاء آخر بئر نفط اللي اسمه أم أم الآبار حقل برقان كنت أنا وزميلي الله يرحمه مبارك العدواني ااا طلعنا ب يعني بالسيارة سوى وكان الفريق الكويتي بر وكان معهن سارة أكبر ااا وشفت مشهد طبعاً هدا آخر فترة من ال ال من حقل برقان حاطين ااا يعني حفروا بالر بالرمل بالأرض بُرك ميّ، يعني دائرة دائرة البئر وو وإنتي بعيدة عن البئر حوالي ٥٠٠ متر لأن ما فيكي تقربي عليه لأن من شدة ال اا
مم
النار اللي عم تطلع من ال من البئر، ليه كانوا عم بيبردوا المنطقة المحيطة بأن حفروا ااا بُرك ميّ، بُرك وعبوها ميّ تحتى يخففوا درجة حرارة الأرض
مم
وكانت، إجى وقتها وزير الديوان الأميري الشيخ ناصر المحمد الأحمد الصباح وفرق من الإطفاء ااا الإطفاء وكل الفرق اللي شاركت ب ب ب ب بإطفاء الآبار بالكويت كانت حاضرة بهال اليوم بشهر نوفمبر ١٩٩١ اللي هوِ كان آخر يوم بإطفاء آخر بئر نفط مُشتعل اا ب بالكويت اللي هوِ حقل ااا أو أو عفواً بئر برقان
ااا أحب بس أرجع شوية إذا تسمح لي ااا ال لما سمعت الكويت تحررت كنت في الإمارات؟
ااا
تذكر شلون سمعت بالخبر؟
راح قلك ااا نحنا طبعاً بحكم عمل اا عملك بالصحافة أنُ إنتي بتابعي بشكل يومي يعني ولحظة بلحظة. أنا كان عندي يعني مم مش تقدير لكن استشعار اا عندما بدأت الضربات الجوية المتلاحقة بشهر يناير ١٩٩١ الضربة الجوية، شعرت أن الكويت ستتحرر ااا شعور داخلي بس ما كنت عارف، طبعاً كنت على تواصل دائم مع كل ال اا الزملاء الكويتيين اللي موجودين بالإمارات وو مع مجموعة كبيرة من الصحفيين وإلى يعني والعاملين حتى بالسفارة الكويتية ااا يوم عن يوم كنتي تشوفي مظاهر الاحتفال حتى عند الشعب الكويتي اللي كان موجود بالإمارات يطلع على الشارع، بإمارة الشارقة، بإمارة دبي، بالإمارات الشمالية ي ات ات تقري تقري على وجوهن
ااا لما رجعت الكويت ااا ااا بعد التحرير شنو كانت أول الخطوات اللي حبيت تتخذها؟ هل ذهب إلى بيتك وشفته هل كان فيه دمار؟ ااا مثلاً في الحيّ اللي ساكنين فيه أو في بيت حضرتك شخصياً
شوفي ااا طبعاً تاني يوم أنا قلت إلك دخلت الكويت بشهر ستة يعني يوم ١٤ ١٣ ستة ١٥ ناسي بالضبط بس بهالتاريخ
ممم منتصف شهر ستة
منتصف شهر ستة ٩١ اااا ااا نمت أول ليلة عند اا صديقنا أحمد صفاوي فأنا تاني يوم الصبح رحت بدي أتفقد البيت لقيت أنُ الغال مم القفل مم مغيّر والبيت مسروق فاا قلت أنا يعني لا حول ولا متلي متل غيري يعني ااا الأشيا اللي باقية خلاص فأنا اعتبرت حالي أنُ ما عاد إلها علاقة وتركت البيت يعني مااا وو رحنا كان أول مهمة عمل كيف نعيد إصدار القبس بعد التحرير؟ يعني أول تلات أربع تيام من شهر ستة ٩١ كان همنا هذا الموضوع، طبعاً قلت إلك أنا اا أول يوم لما قعدت عند سكنت عند صاحبي فنحنا يوم يعني ممكن يومين أو تلاتة استأجرنا ااا شقة بـ شارع المثنى بحولي وو بعدين كملنا، أول عدد من القبس بعد التحرير صدر بيوم ١٧/٦/١٩٩١ طبعاً حالة القبس كانت إذا بوصف لك إياه يعني م تدمير كامل، العراقيين ااا هدوا الحيط وسحبوا م ال مكينة الطباعة هيدي مكينة اسمها كومباكتا أشهر مكينة بالمنطقة الميدل إيست ما في متل إلا بجريدة طهران تايمز إيام الشاه ااا اسمها كومباكتا نوعها نوع نوع نوع ال نوع ال نوع ال المكينة
ممم
ااا التحرير وأقسام التحرير ومركز المعلومات ااا عبارة عن اا ساحة فيها وسخ وزبالة وتكسير أجهزة رايحة يعني ما بتعرفي أنُ ووو أكوام من الزبالة موجودة فكنّا يعني عشنا ااا إيام وأسابيع اا مُرعبة، تحتى تنظفي الأماكن وتعيدي بنائها وتعيدي ترتيبها، وتعملي حصر شو اللي مسروق وشو اللي باقي وو وشو عندك يعني ماذا تبقى ماذا ماذا تركوا لك العراقيين؟
اا هل كان في أفراد اا كانوا يشتغلون معاكم في اا الجريدة؟ ااا تعاونوا مع النظام العراقي ووو
أكيد
وذهبوا
أكيد
ا كنت تعرف أشخاص
طبعاً
شخصياً
طبعاً العديد منهن بعرفهن ااا كتار من الأشخاص اللي للأسف أنا ما كنت يعني (عليّان يضحك) كنا نجهل تاريخهن يبدو أنُ كانوا عم بيتعاونوا مع العراق سابقاً بالسر وو وبقيوا اشتغلوا مع العراقيين وأصدروا جريدة النداء المشهورة باسم ال المحتل العراقي من القبس، من مبنى القبس، فاستغلوا كل شي بالقبس إلى أن إلى أن لما عرفوا العراقيين وقت الضربة الجوية الماحقة اللي خلاص كانت يعني هوٍ القرار النهائي أنُ الكويت قاب قوسين أو أدنى من التحرير، شعروا العراقيين أنُ بقائهن لن يدوم فبدأوا يفكفكوا وو وياخدوا معدات وتجهيزات موجودة بالقبس ويسرقوها و حصة القبس كانت موزعة على عدد من الصحف العراقية أنُ والله مثلاً الصور قسم الصور ١٣ ألف قسم سرقوه ااا يروح لجريدة الجمهورية ااا المكتبة مثلاً مجلة ألف باء العراقية، ال اااا ال المعلومات أو الملفات المعلومات تروح لجريدة الثورة العراقية، يعني وزعوا حصص مركز المعلومات ومعدات القبس على على الصحف العراقية فبدأوا اا يعني يسحبوهن ت و يعني يوم بعد آخر فااا عملياً عملياً يعني فيكي تقولي اا عشرين بالمية من موجودات القبس سُرقت على يد العراقيين
ااا
و وباحتراف
اا هذولا الأفراد اللي كانوا اا يشتغلون معاكم زملائكم تذكر من أساميهم؟ البعض؟ ااا هل ظلوا ب ذهبوا
سس يعني في ناس باعتقد ااا إيه قعدوا فترة بعدين طلعوا يعني ه هربوا أكيد، هربوا هربوا من الكويت يعني
بس ذكرت أن أنت ما كنت متوقع أن أهم
في ناس كانوا بيشتغلوا بال معنا بالقبس يعني
ممم
وبمركز المعلومات وبالتحرير يعني وو حتى بعض الأسماء نعرفت لأن صار في محاكمات وقت ما أعلنوا أعلنوا الطوارئ بالكويت و و ومحاكمات اا ممم ب ب بمحكمة أمن الدولة اللي هن ال اا المتعاونين مع العراقيين أثناء الاحتلال
وهذي كانت عشوائية كذلك؟
اااا
أو بعض منها ممكن
اااا بعض منهن يعني
ااا وو في هذي الفترة ااا قرأت أن كان في اا تصفيات ااا كثيرة ااا هل كان مثلاً في الجريدة غطيتوا أيّ من هالمواضيع ولا كان ال الموضوع
أ بتقصدي بتقصدي تقولي أن أثناء الاحتلال ولا بعد؟
بعد في فترة التحرير ااا بعد تحرير الكويت في هذه الفترة الانتقالية
شوفي ١٧ ٧ ١٧/٦/٩١ أنا اللي بذكرها كان محاولة اغتيال الله يرحمه النائب حمد الجوعان ااا أما ااا موضوعات التصفيات التانية يعني مم ما لا لا أذكر لا أذكر ما ما
ممم
ما ما بذكر أن في تصفيات بمعنى تصفيات يعني جسدية، اللهم إذا في حالات فردية أنا ما عندي فكرة عنها صراحة
ووو ااا هل ذهبت لأماكن معيّنة كنت تزورها مثلاً قبل اا الغزو وشفتها في فترة التحرير؟ ااا مثلاً اا مدارس معينة لأن ذكرت أن ااا أولادك حضرتك كانوا
طبعاً اا تفقدت المدارس كلها، المناطق ال الأماكن البيوت اللي نحنا كنا ساكنين فيها، يعني كنا كل يوم بنعمل بتقولي جولة يعني
ممم
بال ااا تذكرت شغلة قلك إياها ااا بعد التحرير أنا كنت ااا يعني مع أصدقاء لإلي بنسكن بشقة وعايلتي مش موجودة ونحنا يعني نن نن ااا أعزب يعني ما عندي حدا يعني، فأنا بشتغل شغل البيت كله، يوم بدنا نغسل تيابنا، في غسالة بس نحنا قلنا خلي ي يعني التياب اا الشمس تشوفهن حتى اا يعني اا صحياً أفضل. فأنا خلصتهن وفي متل فيرندة صغيرة ومنشر غسيل حطينا التياب ورحنا على شغلنا على الجريدة يعني الصبح، رجعنا الظهر أو بعد الظهر بدنا نتغدى نرتاح شوي، فااا أنا بدي أتفقد شو في بالبيت طلعت لبرة بدي شوف التياب وينهن ما ما لقيتهن التياب مش موجودين فأنا سألته ز زميلي عم قله أنا تياب أنته اللي غسلناهن الصبح نحنا وين حطيناهن، قال برة علي الفيرندة. طلعت مرة تانية ولا آخذين لون من لون ال الحيطان أسود، يعني تياب صاروا كلهن مصبوغين بلون أسود متل الشتا ينزل اللي هوِ الدخان الأسود من النفط
ممم
ال اللون الأبيض للتياب صار لون أسود، فشلتهن كان مشهد يعني (عليّان يضحك) ما بيتكرر، شلتهن طبعاً وحطيتهن بالزبالة
ممم
وتخلصت منهن وما عدنا حطينا شي أي شي برا يعني، قديش بيفرجيك هدا قديش كان الجو بال بال بالبلد ااا تلوث يعني ااا وين واصل إلى أي درجة من من التلوث اللي بيحس أن حتى التياب اللي بتحطيهن برة لأن كنتي تشوفي وأنتي ماشية بالشارع، كل الأبنية اللي بالكويت، ٩٠٪ منها الحيطان من برة لونها أسود، نتيجة
التلوث
التلوث
آبار النفط
اللي هوِ آبار النفط الدخان اللي طالع وبينزل كأنه متل متل الرذاذ يعني بهالمعنى
ااا ذكرت أن في مثلاً أفراد كانوا متعاونين م مع النظام العراقي لكن هل كان مثلاً من أ أصحابكم اللي ااا ذكرت ذكرتهم هل كان في ااا أشخاص اا مع المقاومة الكويتية؟ ااا سواء مثلاً اللي كنت تعرفهم من الكويتيين أو من غير الكويتيين
اااا عرفت قصص إيه، كانوا يتعاونوا مع المقاومة الكويتية شباب كويتيين بعرفهن جيداً منهن حسين عبدالرحمن وأحمد شمس الدين ااا عادل القصار ااا كانوا مجموعة وحكوا لنا بعدين طبعاً روايات
ممم
كيف كانت اااا المقاومة الكويتية قررت يوماً ما أن ااا بدها تضرب العراقيين اللي موجودين بجريدة القبس اللي بيطلعوا منها جريدة النداء
ممم
ووو ورسموا خطة ال ال
الهجوم
الهجوم لكن تم تأجيلها لأسباب ما ما يعني لا لا أعرفها ااا عرفوا بعدين أنُ العراقيين هدوا الحيطة تبعت القبس اللي هيّ فيك تشوفيها من الخالدية من الشارع التاني، وسحبوا منها مكينة الطباعة اللي قلت إلك عنها. فكانوا المقاومة عارفين وراصدين كل شي كل ما يحدث داخل المبنى ال القبس اللي هوِ
ممم
يي يطلعوا منه جريدة النداء
ااا بس هل كان مثلاً أفراد اا من غير الكويتيين تعرفهم شخصياً كانوا م م مع المقاومة الكويتية؟ أو مثلاً ساعدوا اا في عمليات
في في في مجموعة من الزملا كانوا يساعدوهن الكويتيين منهن اللي بتذكرهن مثلاً أسعد الصوانجي اللي بقي بالكويت وبعدين فترة طلع ااا ااا واستضاف اا محمد ااا استضاف محمد السنعوسي عنده بالبيت يعني ااا هربه بمعنى اا وفي أسماء تانية من الزملا، قصدك الصحفيين ال؟
الصحفيين أو مثلاً علاقات شخصية ااا تربطك فيهم كان من مثلاً جما جماعة الأصدقاء اللي اللي ذكرتهم ااا
يعني ااا
مثلاً عاونوا م اا اا يعني عاونوا المقاومة الكويتية
ااا راح راح قلك اا فترة من الفترات ااا وأنا بالإمارات إجانا اا أخبار أنُ أنُ قصة النداء والقبس وو عم يسرقوا ااا يعني معدات وو وأجهزة من القبس وإلى آخره فأنا كنت خايف على اا مركز المعلومات كتير ااا عن طريق شباب كويتيين منهن علي العدواني كان مدير تحرير مجلة الكويت اللي تصدر عن وزارة الإعلام والمحامي ناهس العنزي ومجموعة آخرين من الزملا الكويتيين اللي وصلوا أخبار للكويت وطلبوا من بعض الأشخاص اا اللي كانوا بمركز المعلومات ااا في اا بين الغرف partition فاا قلنا لهن يجيبوا الأفلام المايكروفيلم تبع القبس يفتحوا هيدا الـ partition ويحطوها بقلبه ويسكروها خوفاً من أن العراقيين وفعلاً
ولقيتوها بعد ذلك؟
وفعلاً لقيناها موجودة وو واللي حفظ القبس أكتر أنُ نحنا قبل الغزو كنا باستمرار نعمل backup لجريدة القبس كأعداد كميكروفيلم ونحطها بـ ال ااا الودائع خزانة الودائع، كان في عندنا خزائن باسمنا باسم القبس وأنا كنت المُخول بأني أفتح يعني وصكر بمبنى بنك الكويت الوطني بالجابرية، تالت يوم أو بنفس الأسبوع اللي أنا رجعت فيه على الكويت بعد التحرير، أول شغلة فكرت فيها أني روح أتفقد هيّدا يال ااا الودائع إذا بدك تسميها اللي هيّ أفلام المايكروفيلم، فأخدت المفتاح اللي هوِ مفتاح خاص فرحت سألت يعني طبعاً منظر كان بتعرفي بعد التحرير فسألني فسألني الشخص المسؤول بالسرداب بالبنك الوطني بالجابرية أنت مين؟ عرفته عن حالي عطي فرجيته على بطاقتي اا أهلا وسهلا فيك قال نحنا بنعرفك وإلى آخره يعني أ أطمئنوا فقلت إله أنا نحنا مم عندنا تلات اا صناديق اا بدي يعني أشيّك عليهم أشوفهن إذا، قال يا معوّد إنشالله ما يكون في شي ليش بقي شي أصلاً ما كله أخدوه العراقيين قلت إله عطينا فرصة خلينا نشوف، المهم، فأنا قربت صرت أفتح والله لقيتهن كلهن موجودين. واحد منهن مفتوح فاا ندهت لهدا المدير تبع البنك فعم قله ليك ليك شو عملوا يعني أتنين مسكرين وواحد مفتوح، قالي مهن هولي الله عماهن شافوا أفلام مايكروفيلمية ما بيعرفوها شو هيّ وشو فيها ف و و وما في لا دهب ولا في شي، فتركوها فكويّس أنُ يعني هذا من حظكن يعني بهالمعنى فبقيّت أفلام القبس المايكروفيلم موجودة محفوظة بـ صناديق ااا بخزانة الودائع بالبنك الكويت الوطني بالجابرية
جميل، ااا قبل لا نختم فترة الغزو ااا أحب أسأل اا كذا سؤال شلون كانت فترة إعادة ااا ااا إعمار ااا الكويت؟ بشكل عام بس كذلك بشكل شخصي من حي من حيث بناء مركز المعلومات مرة ثانية؟
شوفي ال ااا طبعاً اا يعني نحنا كانت اا مش بس أنُ صدمة يعني ما كنّا متخيلين ولا بلحظة يعني أنُ ممكن القبس أو غير القبس أو أي مؤسسة من مؤسسات الدولة أو القطاع الخاص بالكويت أنُ يحصل فيها اللي صار وقت الغزو، ما كنا متخيلين يعني و و ولا ولا بلحظة فاا كنّا مصدومين، مركز معلومات بنيناه يعني كل يوم كل دقيقة ااا حرام يعني اللي شفناه شي يدمي القلب شي بيبكي، شي بيحزن أنُ شو اللي عملوه، استفادوا منهن؟ ما استفادوا منهن، يمكن أخدوهن ورموهن رموهن بالصحرا الله أعلم. أو أخدوهن ووزعوهن متل ما قلت إلك جزء من اا موجودات مركز المعلومات وزعت على الصحف العراقية. كان السؤال الحيوي كيف نعيد بناء القبس ومركز المعلومات؟ بدأنا نحصي أولاً أنُ شو شو شو اللي انسرق ااا سواء صور، ملفات، معلومات، مكتبة، أفلام، ديسكات، أجهزة، تلفونات يعني كل استخداماتنا، عملنا فيهن جردة ولأن طلب منا عن طريق الهيئة العامة للتعويضات أن بدهن جردة بالخسائر اللي تكبدتها جريدة القبس ومنها مركز المعلومات فأنا كان مطلوب مني أني أعمل هذا الشي يعني. أول شغلة فكرنا فيها أنُ أيّ عمل أيّ شي من الموجودات عندنا لازم يكون فيه backup محفوظ ينعمل وينحط خارج القبس
ممم
فبدأنا بدأنا، خلال سنة أو أكتر ت سنة أو سنتين، طبعاً اللي راح صعب تعوضيه انتهى خلاص ما في مجال يعني، عملنا ااا يعني أخدنا قرار أن ندخل على التكنولوجيا بحفظ المعلومات بشكل كامل full automated full computerized بالتصنيف، بالفهرسة، بالحفظ، بالصور، بالscanner، بتحويل ال الأفلام المايكروفيلم إلى digital ااا واا تحتى نستخدم ب برامج الكترونية بحفظ وتخزين وفهرسة المعلومات لازم نطلع على تجارب الآخرين فأنا رحت على لندن، رحت على بيروت ااا رحت على الإمارات، زرت ااا القاهرة لمعرفة للوقوف على تجارب الصحف العربية في هذا المجال. ورجعنا بتصوّر وفعلاً حطينا هذا التصوّر على ال على الطاولة وبدأنا بالتنفيذ وكنّا أول صحيفة تستخدم كل أعمال التوثيق والفهرسة بالميّكنة أوتوماتيكياً عبر برامج وأجهزة كمبيوتر ومنذ تلك اللحظة استمرينا بعمل backup لكل الموجودات اللي الموجودة بمركز المعلومات ونحط نسخة منها خارج الكويت ونسخ داخل الكويت
ااا في هذ هذي الفترة كانت التسعينات، بداية إلى منتصف التسعينات
تقريباً
اااا يعني يمكن من حكم ااا اهتمامك في ال اا الأقليات في الكويت ااا أحب أسأل شلون مثلاً كان اا ردة الفعل على ال على الجاليات المختلفة في الكويت بعد الغزو العراقي؟ اا مثلاً اا اا الجالية ال الفلسطينية يعني معروف ال ال ال الأمر اللي صار أو مثلاً السودانية واليمنية ااا
يعني شوفي ال اا ما في شك أنُ يعني أكبر جالية
تأثرت
أصابها يعني الضرر المباشر هيّ الجالية الفلسطينية وو بسبب موقف قيادتها السياسية هلأ يمكن يكون في ناس يعني محترمين وو طيبين وبيحبوا الكويت بس يعني كان الشارع خنقول الشارع الفلسطيني ااا مؤيد لـ اا العراق ولصدام حسين وو استغل صدام ااا سياسياً ااا بتقولوا حك عالجرح عند الفلسطينيين وكانت طبعاً مسرحية ب ب ب يعني مسرحية مُضحكة ااا قصة إطلاق الصواريخ على إسرائيل وو وانتهت ااا بمأساة حقيقة، الفلسطينيين تعرضوا إلى نكبة تشبه نكبة ٤٨ اللي حصل بالكويت عام ١٩٩٠ ودفعوا الثمن غالي سياسياً وعلى مستوى الجالية وعلى كل المستويات اللي معروف عنها الجالية الفلسطينية اللي كانت أقوى وأهم وأكبر جالية عربية في الكويت.
هل
ما ما في شك أنُ بعد ال التحرير ااا يعني النفوس أنُ إنتي بتعذري أهل الكويت وكل من عاش بهالبلد أن يكون في واحد حط إيده بإيد الاحتلال ضد هدا ضد ضد الكويت، يعني هذا أمر مم مرفوض ومُدان يعني ومُدان وغير غير أخلاقي وغير إنساني وغير عروبي يعني، المهم اللي تأثر أكتر ااا اللي هنِ يسموهن ااا دول ال الضد، الأردني، الفلسطيني، اليمني، العراقي ااا
السودان؟
السوداني ااا شويّ من المغرب العربي يعني بعض ال بعض الدول اااا وهيّ القصة استمرت فترة يعني سنوات ب بعقد التسعينات إلى أن سويّت وانتهت سياسياً بهالمعنى، وأنا بذكر أنُ بعد ال بعد التحرير ال اا رئيس تحرير القبس أستاذ محمد جاسم الصقر كتب ااا افتتاحية وكانت اا يعني ع عكس اتجاه الشارع، الشارع يغلي
ممم
وكتير ناقم على العروبة وعلى العراق وعلى صدم حسين وعلى الفلسطينيين، تحت عنوان (من يجرأ على الكلام) (من يجرأ على الكلام). قال النكبة اللي أصيبت فيها الكويت ااا ما كانت متوقعة، من جار وق وقفنا معه طوال تمان سنين وطول عمرنا مع صدام حسين ومع العراق، وعروبيين حتى العظم، لكن نحنا ما فينا نطلع من جلدتنا العروبية، نحن سنبقى عر عرب وسنبقى جيران لهذا البلد شئنا أم أبينا هذي مشيئة الجغرافيا وهدا وهدا حالنا لكن، لكن ااا يعني اااللي تعرضنا لإله كان طعنة بالظهر فاا كان وقتها يعني ك كونك بتذكري شي عن العروبة أو القومية أو ال الفلسطينيين يعني كأنه إنتي ااا كفرتي يعني لا سمح الله (عليّان يضحك) أو يعني أنُ أنتي بيعتبروكِ خرجتي عن اا يعني الرأي العام أو التوجه العام أو كذا، أنُ يعني ااا س س سنبقى س ستبقى الكويت بلد عربي ااا شئنا أم أبينا، ستبقى الكويت جارة للعراق، لأنُ هَيّ حكم الجغرافيا و وش وشو وشو بنعمل، يعني ماذا نفعل؟ اا بتغيّر بنغيّر شارع بغداد وبنحطه شارع بوش، هدا هدا يعني فورة غضب لكن لكن الحقيقة مش هيك، يعني الحقيقة مش هيك، وهكذا
ااا طيب أ ممكن الجزء الأخير من ال المقابلة أحب ااا أركز على كتابات حضرتك من فترة التسعينات إلى الوقت الحالي
أوبااا
ااا متى قررت أن تصدر ااا كتب من هذا النوع؟

04:18:30 - أبحاثه وكتاباته

Play segment

Partial Transcript: شوفي موضوع الكتب موضوع الكتب يعني قصة طويلة، طويلة طويلة جداً لكن لكن فيني قلك نحنا يعني التوجه العام أنُ الخط اللي أنا كنت ماشي فيه كاا مُؤسس لمركز المعلومات والدراسات، أنا استمريت مسؤول عن هذا المركز من ال٧٦ لغاية ٢٠١٥، من ال٢٠١٥ للـ ٢٠١٩ أنا أصبحت سكرتير تحرير
ممم
يعني ترقيت
مم
ونائب مدير تحرير بالوكالة فترة الخمس سنوات الأخيرة أو الأربع سنوات ااا من الـ ٧٦ لغاية الـ ٢٠١٥ بدأت الأمور يعني خطوة ورا خطوة، أول شي بدأنا بإصدار اا ملفات اللي سم قلت إلك اسمهن ااا ااا قضية الساعة ااا بعدين ااا مجلات خاصة مع هنري حماتي اللي هيّ عبارة عن tabloid حجم tabloid قصدي دولة السادات الفلسطينية وقصة إيران الخميني
ممم
ااا اا ال اا التقارير والأبحاث اللي كنّا باستمرار وبتواصل دائم وعلى حسب الأحداث نواكب ما يحصل في العالم وكنت دائماً اكتب باسم باسمي أو بــ ااا اسم مركز المعلومات، وغالباً كنّا يعني إضافة للمناسبات أنُ في ملفات أو قضايا نعمل فيها بحث كامل، بحث اا الإرهاب ااا الديموقراطية، موضوع الذهب، يعني ملفات على هذا الغرار، هذا النسق، أول كتاب بيطلع كنت شاركت بموسوعة عن موسوعة السياحة أصدرتها القبس، ثم بدأنا أول كتاب عن الماسونية أصدرته وأنا في القبس أيام كان نائب رئيس التحرير ااا يوسف السميط أبو خالد اللي صار وزير إعلام فيما بعد ورئيس مجلس إدارة وكالة اا الأنباء الكويتية كونا ااا ثم توالت إصدارات الكتب ااا أصدرت مجموعة من الكتب تحت عنوان (وجوه من الكويت) خمس أجزاء ثم (وجوه خليجية) لأن أنا كنت أصدر بالقبس صفحة أسبوعية اسمها قضايا وشخصيات ااا أصدرت كتاب عن اليهود في الكويت، أصدرت كتاب عن المسيحيون في الكويت ااا أصدرت كتاب عن تاريخ العلاقات أو ت قراءة في تاريخ العلاقات الكويتية اللبنانية، ساهمت بإصدار عدد من الموسوعات اللي أنا كنت أحد المشاركين فيها وكتب عديدة ااا الكويت أيام زمان ااا ااا ممنوع من النشر تاريخ الرقابة في الكويت ااا يعني هال حسب ما أتذكر، موجودة يمكن القائمة عندك
ااا
فهيّ الكتب هيّ الكتب حصيلة عملي أنا لأنني لأنني أنا باحث بالأساس وااا
موثق لهذه ال
م موثق ومهتم بهالموضوعات و هدا الشي اللي صار
ااا طيب هل كان في مثلاً اا أي اعتراض أو اا على المواضيع اللي كنت تختارها مثلاً يعني ال الأقليات في الكويت مثلا المسي المسيحيين وال وال واليهود هل كان في ا أي اعتراض أو رقابة على هالموضوع؟
لا لا لا اعتراض بمعنى الاعتراض ما كان فيه بس كان وقت ما ااا أصدرت كتاب الماسونية في الكويت، أصدرناه بحلقات وبعدين طلعناه بكتاب ب اا باسم القبس ااا حصل في اا يعني مش تهديد إنما رسائل وصلوا لي إياها أن ما تقرب يعني لا تقترب من هذا الموضوع، بهالمعنى، فااا يعني عرفت أنُ الماسونيين حتى واع ا واصلين على الكويت أو بالخليج وبالبحرين وبالبصرة يعني ااا أما عدا ذلك اا كان إله صدى جداً طيب وإيجابي جداً أنك أنت يعني طبعاً أنا مش أنا الوحيد اللي كتبت عن تاريخ اليهود في الكويت، هناك أسماء ما في شك قدمت أبحاث بمنتهى الروعة وكتبوا اا تحقيقات وتقارير عن تاريخ الجالية اليهودية في الكويت، أنا اللي عملته لميت كل الموضوع وكل اللي انكتب عن هالموضوع وقدمته بصيغة كتاب بفصول وأضفت عليه أنا معلومات زيادة أخرى تانية، فكان يعني عملياً أنُ أول مرة بيطلع كتاب عن تاريخ اليهود بعدها مباشرة أو بنفس التاريخ أحد ال الأشخاص الكويتيين اسمه يو يوسف المطيري عمل رسالة ااا ماجستير أو دكتوراه عن اليهود في الخليج ااا ومن ضمنهم اليهود في الكويت، طبعاً المسيحيون في الكويت ااا وللأمانة اا بعد ما طلع اا يعني وجدت تشجيع جداً قوي ااا من مختلف ااا طبقات وال والشخصيات الكويتية وغير الكويتية ومن الكنائس وأنا بهالمناسبة أذكر يعني اا دور الشيخة حصة الصباح اللي هيّ مديرة دار الآثار الإسلامية، كان إلها يد بأنُ ااا وقفت معي بـ ترجمة الكتاب تبع المسيحيون في الكويت إلى اللغة الإنجليزية واستضافتني في دار الأثار وعملنا مؤتمر صحفي حضره مجموعة من الشخصيات واحكينا عن تاريخ المسيحيون في الكويت، طبعاً اا والكتب التانية الأخرى صار في إلها متابعات وناس كتبت عنها يعني بالصحافة ووو استضافونا بالتلفزيون مقابلات إلى آخره
جميل أ قبل لا أختم أ أ المقابلة أحب أسئلك هل أي شي تحب تضيفه أو مثلاً سؤال أنا اا ما سألته أو ااا اا يعني شي سهيت أني اا
أنتي ما خليتي ما تركتي لي شي (عليّان يضحك)
(العلي تضحك)
ما تركتي لي شي، أنا يعني أول شي بدي أشكرك حقيقة بقلك، وهدا الشكر يعني إله علاقة فيك ب بشخصك وبالدور اللي إنتي عم بتقومي فيه وو عن طريق الجامعة الأمريكية في الكويت والمكتبة، أن أن يتم توثيق هذا التاريخ عبر أشخاص بتم اختيارهن أو انتقاءهن وعمل أنا بعتبره عمل وطني، عمل أكاديمي فعلاً يؤسس إلى مشاريع أخرى لاحقة يمكن تطلع بأفكار تانية أكتر من أن فقط عملية تجميع أو تنحط على الwebsite فااا شكراً إلك مرة تانية وشكر ل ل للجامعة الأمريكية في الكويت وللقائمين عليها وبنتمنى لك كل التوفيق وكل الشكر
شكراً جزيلاً