Transcript
Toggle Index/Transcript View Switch.
Index

Search this Index
X
00:00:00 - النشأة وذكريات الطفولة في الجهراء

Play segment

Partial Transcript: أوكي، اا تاريخ اليوم سبعتعش اا فبراير وإحنا متواجدين فيي مدينة الكويت اا والساعة تقريبا اا ثنعش اا ظهرا، وو معانا الأستاذ اا فيصل العيار أستاذ فيصل شكرا جزيلا على موافقتك-

هذي الساعة المباركة.

عالمقابلة، اام بس إذا ممكن الإسم بالكامل وو مكان وتاريخ الميلاد.

فيصل محمد مبارك العيار، اا م، مواليد ألف وتسعمية وأربعة وخمسين، عشرين ثنعش، مواليد مدينة الجهراء، مم؟

اهم.

مدينة الجهراء، اااا، ثمن إخوة أربع بنات وأربع أولاد هاي عائلتنا آنا أكبر الأولاد وعندي إخت أكبر مني، فهذي ااه-

اا انولدت بالجهرا-

إي نعم.

تقدر اا تصف لي البيت اللي انولدت فيه؟

والله اللي انولدت فيه البيت اا جدي الله يسلمج كان من اا من رجالات الجهرا الكبار هم؟ فكان بيتنا كبير و وتعرفين الحوش العربي شك- اا جبير والغرف تحيط في الحوش العربي، ودوانية جبيرة كان غير إن دوانية حق أهل المنطقة يجون حتى الناس اللي من السعودية ما السعودية يجون يبون ي ي ينامون يبون ياكلون اا شون كانت دائما أشوفهم هناك، ف البيت كان ك كبير جدا وو كان في بنات جدي-

مم.

اللي م مو متزوجات، وكان في وكان في وكان في هو ماشالله متزوج أربع كان [يضحك[

[العلي تضحك].

بس ثنتين بهالبيت وو وو ووحدة ثانية ب بالبيت الثالث اا هذا، اا الثاني، ااا، درست انا في اللي يسمونها كانوا ق- الحين نسميها حنا حضانة ولا شي كانوا يسمونها البستان قبل ها؟ في الجهرا، ومن القصص ال اا من القصص اللي اللي أذكرها أكو عندهم اا أم الحصن هاي تلف جذي تمسكين فيها وجذي، فمسكت فيها ودشت رجلي بالحديدة ف، انكسرت رجلي ه ها؟

وهذا كان جم عمرك؟

ويه صغير صغير تونا اا يعني خمس سنين ولا ستة، المهم انكسرت رجلي وشالوا هذي من ال ال الحضانات والهذا من أو ال اا شاسمه من ال اا، من كل مدارس الكويت-

[العلي تضحك].

لأن تعرفين خايفين على ال اا-

من هذي الحادثة.

إي إي والله، فهذي أذكرها حادثة من من يوم إني صغير، حنا انتقلنا من من، من الجهرا بالستين.

اا قبل لا اا أوصل بس اا أبي أرجع حق اا الجهرا، اا تذكر لي مثلا الفريج اللي انتو كنتوا فيه شلون شلون كان؟

إي اح إي ال ال ال العوايل اللي موجودة، المزارع الجهرا أذكرها الحلوة هذي الجميلة كان جدي يملك مزرعة اا جميلة هناك اااا، وبعدين كانت صغيرة هذاك الوقت يعني كلها جم عائلة كلنا نعرف بعضنا يعني ها؟ اا ليما كبرنا ونروح كل واحد يعرف الثاني اا-

تذكر من هالعوايل شنو منو كانت هالعوايل؟

وايد عوايل وايد في، الخلف والأمير ها؟ حطنفل ال ال ال ال اا اا و كثير عوايل بس شنو كلها ما ما تزيد عن خمسين عائلة ولا أربعين عائلة، وشارعين انا أذكر الجهرا اا شارع السوق وشارع ثاني ها وال البيوت حواليه.

و تصف لي ياهم؟

حنا جيل حنا جيل-

مم.

لحقنا على بيوت الطين يعني اا كانت بيوت طين أكو بعضهم هناك، فيعني شفنا المودرين وشفنا ال اا القديم-

إي، اا والمزرعة كانت قريبة من بيتكم أو مثلا-

مو بعيدة كله مشي كله مشي هذاك الوقت.

وشلون كان شنو فيها المزرعة تقدر توصف لي ياها-

نخل ويزرعون اا تكرمين الجت حق الغنم مثلا يزرعون بعضهم يزرعون اا خضراوات اا اا يعني اا بدائية يعني.

وكان اا يعني في هالتواصل بينك وبين الطبيعة هذي ك كنت مثلا تزرع أو تعتني بالحيوانات؟

لا لا والله اا حنا كنا صغار هذاك الوقت نروح نصيد طيور ولا [يضحك] نروح نسوي جذي بس إن مو- ونكشت كان قبل طا شنو الوناسة؟ نروح نكشت شباب جم واحد نسوي جاي حليب ومدري شنو ناكل بسكوت وياه ونرجع بيوتنا.

[العلي تضحك].

[العيار يضحك].

اا تذكر مثلا قصة طريفة صارت لك بال بالمزرعة أو في الكشتات أو مثلا ممكن يكون شي مو يعني شي مرعب أو شي اا، تعرضتوا له؟

م اا إي لا يعني الك- كلها الحياة كانت جميلة يعني وبعدين حنا هناك كنا يعني عيال عمنا وهذا كلهم بالمنطقة فيعني عندنا زخم جبير هناك [يضحك] و وناستنا هذي الجمعة وال-

وو كنت تطلع مثلا مع اا أصدقائك ولا أكثر شي مع ال الأهل أو-

لا لا أغلب الوقت ويا ال ويا ال ها اا ال شيسمونه الربع يعني.

وو هذا كنت في عمر قلت مثلا عمر ال الحضانة خمس سنين إلى-

ست سنين وصلنا اا تقريبا ست سبع سنين إي.

اا فذكرياتك الأولى كانت في ال في الجهرا-

إي نعم.

نقدر نقول، اام ومتى انتقلت من الجهرا؟

ستين واحد وستين ألف وتسعمية وواحد وستين-

واحد وستين قبل لا أنتقل هال هالمرحلة مم في ذكرى ثانية عندك عن الجهرا مثلا تلاحظ اختلاف اا قبل عن الحين من ناحية ال الجو من ناحية ال اا المباني؟

لا والله من اللي اختلف علينا ال ال قبل ما أدخل الجهرا إلا السلام يا هلا شلونك فلان شلون علا- كلمن يعرف الثاني، الحين اختلفت.

اا ف هل كانت تقدر تقول مثلا علاقة قوية بين الجيران؟

أوووه كانت قوية قوية الكلمن يعرف اا يعرفهم وكلمن يعنييي يقوم وياه بالوقت المشاكل ولا المأساة ولا الهذا تشوفين يعني وقفة اا بينهم وبين بعض قوية.

وهل مثلا كنتوا تحتفلون بمناسبات معينة؟

مناسبات الكويت يعني عيد ولا ها عاد الجهرا كانت سهلة من يصير عيد ما عيد صارت العرضة وصارت المدري شنو تشوف الحريم من صوب والرياييل من صوب-

اا-

يعني كانت ااا اا اا حدث جبير وقت العيد وما العيد-

تقدر توصف لي مثلا أول عيد تذكره كطفل؟

لا والله ما أذكر أول عيد-

ما تذكر؟ [تضحك].

[العيار يضحك] بس أذكر الأعياد ككل-

اا بس إذا مثلا اا احتفلت بالعيد بالجهرا مثلا اش- شنو كانت ال اا اا طقوس الاحتفال بالأعياد مثلا؟

شوفي الرياييل يعرضون ها عرضة وحريم تطالع وكل شي وهذا، وبعدين إييبون لج هالألعاب ها؟ يحطونها ح- وو ويأجرونها حق ال اا العيال يعني، اا كل السوالف هذي موجودة.

اا-

بس يعني على بساطة.

ممكن تصف لي العرضة بس للي يستمع لل اا للتسجيل اشلون كانت؟

كانت العرضة بالسيف ها يرقصون وبعدين لاينين واحد يرد على الثاني ها اااا وكلمات قوية وجبيرة وها انا ما أذكر لا تقولين لي [يضحك]-

[العلي تضحك]-

شي ما تو ها، ف ف اا كانت كانت يعني حدث هذاك اليوم للرجال والنساء.

وو هل كانوا منفصلين الرجال عن النساء-

إي منفصلين الحريم بس على جنب يطالعون ف لما إيي ولدهم يرقص جدامهم تلقى تييب [يضحك]-

[العلي تضحك]-

باجي ب والهذا.

اا طيب ذكرت لي الألعاب اللي إييبونهم-

إي.

اا شنو مثل هالألعاب؟

مثل الألعاب هذي ال اا شيسمونها اللي تلف هذي؟ نسيت اسمها شنو، اللي يقعدون فيها.

ديرفة ولا؟

لا مو الديرفة ال ااا-

قليلبة؟

قليلبة بس شنو عالبدائية كلها خشب ما خشب ها؟

[العلي تضحك] إي.

وبعدين أكو ال يدزونهم ه مثل اا آه وو ويعني وايد بساطة ماكو شي زايد، ويأجرون ويأجرون قاري يأجرون سيكل حق اللي يبي يسوق ولا ها تلقينهم على جنب يأجرون.

وو وقلت في سنة الستين أو واحد وستين انتقلت من الجهرا إلى؟

00:08:07 - الإنتقال لأم صدة في المرقاب وللخالدية في الستينات وبداية المرحلة الإبتدائية

Play segment

Partial Transcript: انتقلنا [00:08:07] حنا قعدنا فترة صغيرة في مصدة في المرقاب م ها؟

وو اا-

بس يعني ما قعدنا وايد كنا نبني بيت بالخالدية حنا وقتها.

وو اشلون كانت ال يعني الأوضاع في المرقاب كنتوا سكنتوا-؟

مصدة؟

مم؟

اا حلوة، جيرانا كانوا ناس محترمين وو و وو بنفس الوقت ال اا شيسمونه ال اا اا يعني اا منطقة قريبة يم البلد الهذا يعني لأن حنا غريبة يايين من الجهرا [يضحك] لي لي يم البلد بس بس كانت فترة مؤقتة ليما ليما ليما كان اا نبني بيتنا في الخالدية-

اا هل اختلف عليك ك كطفل أو كأسرة اا الانتقال مثلا من الجهرا ومزارعها إلى إلى المدينة؟

أكيد أكي- أكيد فرق، وثاني شي مم معارفنا يعني كانت هناك أكثر بس الحمد لله التكيف كان سهل الكويت هذاك الوقت.

وو انتقلتوا من اا المرقاب لأم صدة إلى الخالدية-

الخالدية إي نعم.

اا كانت الخالدية هذي مثلا في بداية الستينات؟

إي كانوا توها يعني حتى شوارع ماكو وال ها رمل كانت وو يم ووو وبنينا بيت هناك وسكناه هذي عاد الخالدية من هذاك الوقت لي اليوم.

اا ماشالله-

[العيار يضحك].

وو وو كنت اا في تقريبا خنقول مثلا ثمن سنوات أو-

إي تقريبا.

اا وو مم في الخالدية اا اا ذهبت إلى مدارس هناك؟

إيي، لأ كنا درسنا بالفيحا قبل لا تفتتح مدارس الخالدية وبعدين نقلونا للخالدية يوم فت- فتحوا المدارس هناك.

التعليم الابتدائي كان في في الفيحا؟

في الفيحا و ومدرستنا هناك كل سنة نروح كان بالخالدية بس أولى متوسط سنة ثانية أكو ثا ثانية متوسط ثا- يعني مشينا جذي تدريجي ليمن خلصناهم ت-

من بدايتها-

إي إي-

اا المدرسة في الفيحا تذكر شنو كان اسمها؟

اا ما الفيحا أعتقد الابتدائية إي.

وو اا شلون كانت المدرسة؟

اا يعني جبيرة وتقليدية وو ووه، ال إي الميزة فيها إني أكو ناس وياي بالمدرسة بصف من الصفوف ال يعني أولى ابتدائ- اا ثاني ابتدائي وها؟ أعرف أذكرز أساميهم ليلحين-

آها.

يعني مادري ليش هنا- هذوله يعني رسخت براسي-

مثل-

يعني أكو ناس بالمتوسط ما أذكرهم-

[العلي تضحك]-

ها؟ مم-

مثل منو كان-

لأ قصدي يعني اا أصحاب صاروا قديمين واحد الله يرحمه كان ااا، شاسمه عبداللطيف اااه، أكو فيصل الأرملي ها؟ صديق لي كان وو عبداللطيف ال اا، اسمه نسيت- المهم توفى هذا الله يرحمه كان بالجيش ويانا مم.

اا طيب اا في المدرسة الابتدائية تذكر لي مثلا التعليم شنو كان اا طبيعة التعليم في الابتدائي؟

إي والله انا كنت متفوق، كنا- يعني كنت يا الأول يا الثاني ها؟ زين ولا لأ؟ ف ف ف اا يعني كانت سس- تجربة عظيمة بالنسبة لي ها؟ اا-

وو شنو كن- مثلا المادة اللي كنت تفضلها ك كطفل في الابتدائي؟

انا لي لي القابلية على على على الرياضيات كنت بالأصل، يعني بسرعة أحفظ بسرعة- لما يحطون لما يحط ااا شيسمونه، ااا يبينا نحل شي ها؟ انا أحل اللي عطاني ياه وأحل اللي وراه قبل الصف يعني ها؟ فهذي من ذكرياتي ها اا-

[العلي تضحك]-

هذاك الوقت.

اا تتذكر مثلا المدرسين كانوا اا من وين؟

لا والله ما- إي ما لا يعني مم من من مشكلين، فيهم ف من فلسطين من من مصر من ها-

اا-

بس الأغلب فلسطين كان.

في مدرس معين أثر فيك سواء بالرياضيات أو مادة ثانية؟

والله ما أذكر- بالابتدائي لأ، ووو والمتوسط- بالثنوية إي بالثنوية كان أكو بدت المدرسين الكويتيين وبدت الهذا ها-

اا وفي الابتدائي مثلا كان عندكم نشاطات خارج المدرسة؟

ال ال ال ال في نشاطات كان النشاطات الرياضية بقمتها وقتها يعني ااا، اا بس بعدين يعني بعدين لما كبرنا شوية صرنا بالمتوسط أكو تشترك بالإذاعة ولا مسرح ولا مدري شنو ولا هذا كان فيها activity وايد-

هذا في المتوسطة؟

متوسطة إي.

اا بس اا شوية إذا إذا تسمح لي نظل في مرحلة الابتدائي-

إي.

اا لأنها مرحلة يعني تأسيسية جميلة اام شنو تذكر مثلا من المدرسة كنتوا- كنتوا تسوون خارج عن ال يعني الصفوف التقليدية هل كان في مثلا نشاطات اتنمي الطفل مثل الموسيقى أو-؟

أهو أكو أكو درس الموسيقى موجود يعني واحد رسمي بال بالهذا، اا موجود ااا بس مو ك اا شيسمونه إز- اا المميزين ياخذونهم يحطونهم الصبح [يضحك] يدقون السلام الوطني ولا شي من هالنوع، بس ما أذكر انا activity يوم بالابتدائي خارج ال شيسمونه رياضة-

بس هل كان في مثلا اا أي يعني رأي م اا ضد الموسيقى في التعليم؟

لا هذاك الوقت لا لا ت ت.

كان في يعني-

أبدا لا لا لا-

نقدر نقول انفتاح أكثر-؟

لا، هذاك الوقت يدشون علينا ها؟ مادري خطب جمال عبدالناصر [يضحك] خطبة يدشون علينا يقولون مظاهرات طلعوا ها؟ يطلعونا من المدرسة [يضحك].

هذا في ال في الابتدائي؟

إيي إي يدشون المدارس-

تذكر-؟

ابتدائي و متوسط اا-

تذكر مثلا حادثة معينة صارت-؟

أذكر أذكر هذي دشوا علينا وكبار بالسن يدشون، طلعوا طلعوا طلعوووا شنو؟ اا مظاهرات مايشنو ليش؟ توه خاطب [يضحك] عبدالناصر على موضوع فلسطين ولا على موضوع هذا.

وو وشنو كنتوا تسوون تطلعون يعني بالمظاهرة؟

أك ح فرصة [يضحك].

[العلي تضحك] اا-

فرصة إي.

نعم، اا أيهي مثلا اا ذكريات أخرى في في مرحلة الابتدائي؟

لا هاا يعني اه، الابتدائي شقول لج اا، هذي مالت المظاهرات يمكن ولا ها بس إن اا كانت هادية وكانت حلوة.

طيب الحياة في المنزل ذكرت إنك انت اا أكبر ال ال اا-

إخواني.

الصبيان؟ وو وال وال بنات في كانت بنت-

أكبر مني وحدة.

شنو كانت علاقتك في اا إخوانك وخواتك؟

[يخلي ريقه].

يعني هل كنت مثلا اا بحسبة مسؤول عنهم أو كنت-

إي إي إي.

الابن المفضل؟

إي الله يسلمج لأن لأن والدي انا سياسي كان ها؟ اااه، في شيسمونه كان عضو مجلس أمة ها؟ هذاك الوقت، وو وووو ووالدتي تجتهد وكل شي بس تعرفين يعني ب بساطة الدنيا كلها ها؟ فآنا كنت كان لي دور ها في عملية إني أحس مسؤول وأحس إن ها، ويمكن مرات على خوارة يعني [يضحك]-

[العلي تضحك].

زين ولا لأ؟ شدة وما شدة والأشياء من هالنوع.

اا فإنت لما كنت في مرحلة الابتدائي تقريبا كان الوالد في اا-

عضو مجلس أمة.

عضو مجلس الأمة اا يعني في هالبدايات مثلا كنت شنو كنت تسمع ك كطفل عن اا المواقف السياسية أو عن بدايات مجلس الأمة-؟

هاي خلتني مطلع أقرا آنا، تعرفين الوالد إيي وياه الجرايد كلها وياه وأقعد أتقرا انا، ااا، الوالد ثلاثة وستين كان، مج اا بالمجلس.

في سنة ثلاثة وستين اا طيب اا مدام انت ذكرت القراءات شنو كنت تحب تقرأ غير الجرايد أو مثلا مواضع اا-

لأ انا أقرا الجرايد جذي العناوين ولا- هني إذا شدني شي دخلت داخله، بس انا تعلمت من بيت ااا من بيت اا خ- اا ناس قريبين لي أهلي وو وووو، وسبحان الله زوجتي صارت من هالبيت هذا [يضحك].

[العلي تضحك].

زين ولا؟ ها؟ اا عندهم طقوس عجيبة، وبشنو يعني بالتزام يخلونهم يروحون يشترون من المكتبة كتب، يقرون ولازم نومة الظهر ولا- يعني عندهم ممم، فهذي من الأشياء اللي خلتني أقرا كتب، اا منهم نروح نشتري وهذا.

اا طيب أي- اا شنو هذي المكتبة كانت اللي تشتري منها؟

ما أذكر بحولي نروح نشتري حم- أذكر الكتاب يمكن أول كتاب شرييته بائعة الخبز.

[العلي تضحك].

ها؟ [يضحك] زين؟ وو والبؤساء والمدري شنو يعنيي كتاب كتب حلوة كانت، ونقرا ليما نخلصها، هذي يعني كانت من بيت بيت خالتي كانت اا.

جميل جدا، و يعني الطقوس مالتكم كنتوا تشترون مثلا الكتاب وبعدين تروحون-

نقراه ونتبادل، آنا أعطيه كتابي واهو يعطيني كتابه عقب ما يخلص.

ووين كان بيتهم بيت خالتك؟

بيتهم كان بالقادسية كان.

بالقادسية ف قريب من من حولي كنتوا تروحون؟

حولي إي عشان جذي نروح لي ه إي-

اا اا منو يعني ممكن تصف لي هال اا هال-

البيت؟

البيت وو م- اا شلون تروحون حق المكتبة اا-

بالسيارة تروح ال إي اا نروح نشتري ونرجع، ال ااا البيت اا يعني بيت، فيهم شعرا وفيهم صاروا وفيهم هذا إي.

اا وكنت يعني تقضي مثلا أوقات معاهم؟

وايد أقضي أوقات عندهم لأن واحد منهم سنه قريب من سني صرنا أصدقا يعني.

وو في أحد مثلا ثاني في من إخواتك أو إخوانك يحبون القراءة كذلك نفسك؟

والله ما أدري يعني أكيد يقرون بس تعرفين هذاك الوقت اا البنات يقرون ااا شاسمهم اا ملوت الفنانات ومالوت ال [يضحك]-

[العلي تضحك] إي نعم، اام طيب هذي في المرحلة الابتدائية اا في المرحلة ال المتوسطة اا كنت في مدرسة بالخالدية ذكرت-

إي.

اام هل اختلف مثلا طبيعة التعليم بالنسبالك من المرحلة الابتدائية؟

00:17:53 - المرحلة المتوسطة

Play segment

Partial Transcript: بهذيج المرحلة بالخالدية كل شي جربته، ها؟ يعني الإذاعة اشتركت فيها المسرح اشتركت فيه الرياضات اشتركت فيها عرفتي شلون؟ الكشافة [يضحك] ها؟ الكشافة اشتركت فيها ف يعني كان عندي هال ال رغبة إني أتعلم أشياء كثيرة ها؟

اا ط- هالمرحلة يعني أحسها غنية جدا-

غنية غنية-

ف بس أبي آخذ منها جزء جزء، فقلت لي مثلا في في الإذاعة شنو كانت طبيعة الإذاعة في ال في المتوسطة؟

نقراا يعطونا المواد ونقراها لأن يكونون ال للصف قصدي صافين الطلبة وها ونقراها، ولا بين ال ولا بين قصدي بالفرص ال لما تصير الفرص.

اا يعني مثلا ف في بداية اليوم في ال في طابور الصباح كنتوا-؟

إي إي طابور الصباح موضوع معين صغيّر جذي أوو هذا تقوله.

تقدر تكلمني عن عن طابور الصباح مثلا م شلون كنتوا تروحون شنو كان ال-

كانوا يصفون صف مثل اللي هذا يصفون ويغنون وطني الكويت ميشنو هذا ولا اا تحيا الكويت تحيا الكويت تحيا الكويت وبعدين يقولون لهم يالله روحوا صفوفكم.

وهل مثلا كان في مواضيع معينة تركزون عليها بالإذاعة في ذاك الوقت؟

والله ما أذكر-

كمواضيع عن العروبة أو-؟

مواضيع عامة ولا المدرسة تبي تقول حق الطلبة شي ولا يعني مم.

وو هل كان مثلا في تدريب حق الإذاعة أو-؟

لا رأسا.

فقط واحد يعرف ي- اا؟

إي نتأتئ شوي وبعدين [يضحك] تفتلت.

[العلي تضحك] طيب والمسرح ذكرت لي كان عندك اهتمام؟

إي مثلت مسرحية والله إي إي.

شنو كانت؟

ما مسكرية مايشنو عن عن فلسطين وهذا هذاك الوقت تعرفين الـculture كله ها؟ إي، آنا كنت الشهيد واحد من الشه- اللي ماتوا يعني [يضحك].

وهذا كنت في المتوسطة؟

المتوسطة إي.

اا مثلا تذكر شنو كانت اا ردة فعل أهلك إنك تحب التمثيل وإذاعة وشنو كان اا-

يعني شي اا اا والدي يا بالاحتفال [يضحك] وشاف ها بس كان ما بينت عدل [يضحك].

[العلي تضحك] فهل كان في تشجيع من الأهل لل هذي ال-؟

إي الأهل ما كانوا ضد كل هالسوالف آنا سويتها اا بموافقة الأهل يعني.

وو ال ال مثلا المدرسين اللي كانوا يشجعون على ال هالأشياء الأدبية التمثيل الإذاعة كانوا من وين هالمدرسين؟

هذوله أغلبهم ااا من فلسطين ومن هذا- أعتقد جذ- لا ما أذكر والله عدل بس إن جذي يعني.

وو تذكر مثلا أحد المدرسين اا صارت لك مثلا قصة معاه أو، أو أثر فيك ب اا؟

ب لا مم يعنيي، كانت تجربة- انا مثلا موضوع مهم بال بالكشافة، ااا، مثلت الكويت بسنة ثمانية وستين، في ااا ااه آنا ومجموعة يعني ها؟ ااا في اام المخيم الكشفي العربي في الجزائر.

اهم.

ورحنا هناك وو ف، كان أداءنا جيد هناك اا عموما، ف ورديت و كنت- كان لي دور بالكشافة اا، يعني مميز قيادي شوية-

هذي في بداية الكشافة كانت في الكويت اا-؟

لا لا كانوا الكشافة من زمان من قبلنا اا س-

اا شنو كنتوا تسوون مثلا أشياء بالكشافة اام؟ شنو يعلمونكم مثلا؟

كشافة يعلمونج الـ discipline يعلمونج اا يعلمونج شلون تتعايشين ويا الطبيعة مالتج يعلمونج شلون يعني يعني ها ش ب- نطبخ لنفسنا وناكل ونغسل وبعدين الأناشيد نطلع فيها يعلمونج على شلون تربطين حبالج شلون تس- يعني لهاا مميزات كثيرة.

اا شنو مثلا الطبخات اللي علموكم تطبخونها؟

ما لا انت تيي ويا معلومتك مو؟ [يضحك].

[العلي تضحك] اا طيب-

يعني ما يعلمونج.

اا بما أنك ذكرت هالجزئية اا ك كطفل شنو كانت أكلاتك المفضلة أو مثلا ال السكاكر والحلويات المتواجدة بالكويت في في الستينات؟

هذاك الوقت؟ إي، ها- شوفي حنا لحقنا على الأسوأ والأحسن زين ولا لأ، يعني يانا وقت أكلنا جراد ها؟ [يضحك] زين؟ وكانت هذي delicacy يعني ها؟

اهم.

وو وكنا مثلا انا أتكلم على الستينات ها؟ على الستينات يعني ال الفواكه والهذا هذي ااا شيقولون؟ اا زيا- بزيادة يعني تيي ها؟ اا انتهاوش عليها-

[العلي تضحك].

ها؟

بالتفق.

أ- إي إي يعني ف ف limited الـ choices اللي كانت عندنا، بس، المعكرونيا كانت س وحدة من الأشياء اللي أحبها كنت ها؟

آه.

تقريبا العشا كل يوم وترك يسوي معكرونيا [يضحك].

[العلي تضحك] اا طيب ذكرت الجراد شنو كانت اا يعني طريقة أكل الجراد أو-؟

إييبونه بخياش، ويفوحون الماي حار، ويكش- ويكتون ال هذا داخل الماي الحار تلقى يتطايرون أكو بعضهم ها؟ وبعدين يطلعونه وتشيل الجنحان وتشيل ها تاكل ال البطن هذا مالهم.

وهذا كان شي مميز يعني-؟

أوه لا ما نوقف ما تعرفين توقفين هذاك الوقت يعني تعرفين هذاك الوقت [يضحك[.

اا طيب مثلا كانت تييكم اا مثلا حلويات مستوردة من برا أو في أحد اا يعني يقوم ب صنع الحلويات بالكويت؟

شوفي أكو كان مشهور من عمر ها؟ ااااا، الكنافة-

إي.

الكنافة كان يسويها ب بشارع فهد السالم شاسمه انا اا الحين ما أتذكر والله.

البقصمي؟

لا لا لا لا لا لا لا لا لا أردني أردني.

آه.

إي أتذكر الحين أقول لج إياه، ااا انرو- بالعيد إذا حوشنا فلوس رحنا أكلنا هناك.

اا الجميل جدا إنك ذكرت العيد م اا يعني اختلاف عن مثلا العيد في الجهرا لما ييتوا الخالدية شلون كنتوا تحتفلون بالعيد وبما إنك أكبر كنت عمرا-

إي إي-

فممكن تذ-

إي لا لا وكانت activity أكثر يعني تروحين تشوفين هذا الشارع مال الدائري الرابع ال اللي صوب الجابرية ما جابرية كله مدن ملاهي، جبيرة ماش- اا هذا ونروح ن ونقعد طول اليوم ونلعب هناك، يعني يعني وه أوه أووه، شيسمونه هذا اللي يعني من الأشياء اللي وحدة راسها جذي وطاولة تحتها [يضحك] زين ولا لأ؟ وتتحرك وما تشوفين أكو ريول لها وها-

[العلي تضحك].

يعني جذي ها أذكرهم هالسوالف [يضحك] هذي، ولا يحطها هني يتكهرب هي تحطه على إيدها تتكهرب يطلع الليت يعني ش- ف السوالف بس أكو يعني activity وايد.

وكنتوا مثلا اا تحتفلون مع الأسرة في البداية وبعدين-؟

العيد لازم العيد بالبداية نعايد بعضنا ونروح لأهلنا عشان نجمع الفلوس-

إي [تضحك].

شلون [يضحك] ها؟

مث- تذكر مثلا قصة صارت لك بالعيد مع اا مع الأهل وانت تسلم على أحد يعني مثلا شي اا ظريف أو محرج أو [تضحك].

[العيار يضحك] يه- والله ما يعني بالعيد.

أو شي كنت تحبه وتنطره مثلا بالعيد؟

نحب متى ما نخلص من الزوارة هاي من الزوارة بس إن م نحتاجها عشان اا لنيمع فلوس نبي نفتلت هذيج الساعة.

وتطلع مع منو مع-؟

أطلع مرات ويا أهلي ع يعني إخواني وخواتي ولا شي إذا بنروح مكان ما والباجي ويا الربع يعني.

و غير مثلا الألعاب هذي اللي كانت بالدائري الرابع كنتوا ت-

ترا بهذاك الوقت بعمرنا الألعاب هي ال أساس يعني-

الأساس إي في في مرحلة المتوسطة.

إي إي هذاك الوقت اا هذي المتعة.

وو وبالستينات بما أن الوالد كان في السياسة اشلون كان ال الجو العام بالكويت من الناحية السياسية؟ اا يعني من منظورك ك ك كطفل-

كصغير يعني إي؟

في هالوقت؟

بالس- اا اا ب كان كل شي ها؟ موجود والحدة موجودة وكل شي بس أكو خط احترام وأكو خط اا قيم وأكو خط هذا، اللي هيا مو موجودة هاليومين.

مم مم، وو مثلا كنت تحس اجتماعيا بفروقات بين ا- بين الناس كطفل مثلا هل كان اا كان عندك أصدقاء من جميع ال اا الأ- طبقات المجتمع؟

إي نعم.

فما- يعني مثلا في المتوسطة في المدرسة ما كنت تحس في هذي الأمور؟

لا لا ما- اا أحس أحس مثلا إني انا عايش أفضل من غيري ولا هاي سا- بس بس ماحس انا إني أكثر منهم ولا يعني-

أو ما تحس مثلا اا إن غير مسموح لك تصادق مثلا أشخاص-؟

لا لا ماكو أبدا هذي بالكويت ما كانت س.

وو اا هل تذكر مثل منو كانوا أصدقائك في المتوسطة ت يعني شنو مثلا تسوون في المدرسة اا في فترة الفرصة؟

يعني شي، شنسوي مدرسة اا مو بالمدرسة مدرسة بالوقت الف- ها كنا انروح مرات نطمر اا نطمر نروح مطعم اللي يمنا-

[العلي تضحك].

ناخذ بطاط وبيديان [يضحك] ولا مايشنو ولا ها؟ سندويجة ونرجع هذي قمة المغامرة [يضحك].

[العلي تضحك] اا طيب هل مثلا فرقت عليك م الجهرا إن ذكرت إنك كنت تصيد طيور فكنت- كان عندك تواصل أكثر م ممكن مع البيئة المحيطة، اشلون كان الوضع في ال في الخالدية من هذي الناحية؟

اا س انا كنت كشاف ونطلع ال اا مخيمات ونطلع الهذا، عارفة شلون؟ ثاني شي، حنا كأهل عندنا أماكن نروح لها وال.

اا وين كنتوا تروحون مخيمات في ال في الكشافة؟

أكو عندهم أول شي م بالفنطاس أكو مخيم كشفي سنوي هذا انروح له خمستعش يوم نقعد فيه-

امم، آه.

إي.

بس الطلبة يعني بدون الأهل؟

لا بس الكشافة-

آه.

هاي يسوونها سنوي يعني ها؟ ويو- ووو كانت الم كل مدرسة وكشافتها عندهم برامج هالخميس يروحون مثلا بو حليفة هالم خميس مايشنو ووو يعني ف اا برامج على ح يعني هذي مناطق الكويت، الح بو حليفة ها؟ الفنطاس المدري منو.

وشلون كانت المناطق اا ب في الستينات هذي هل كانت يعني-

كانت-

متعمرة أو-

لا لا لا لا مو- فيها أهلها القدامى ها؟ بس ااا وايد فضاوة فيها يعني.

وو شنو كنتوا تسوون ككشافة هناك؟

نخيم ها؟ زين؟ ونقعد اا سمرا- س- ااا نسمر ويا بعض اللي اللي عنده شي يضحك واللي عنده مايشنو نتكلم وها نطبخ وناكل وو-

شنو كان دورك اا قلت إنك الدور قيادي في في الكشافة شنو كنت مثلا الأشياء اللي-؟

انا في سنة من السنوات أعتقد إذا ماني غلطان ثمانية وستين وها- صغير انا ماني جبير هذاك الوقت، أكثر بعد تسعة وستين إي، كنت مسؤول عن اهدعش مدرسة، يعني أقوم الصبح اا أطالعهم قاموا ولا ما قاموا-

[العلي تضحك].

أحط لهم أحط لهم ااا شاسمه-

درجات؟

درجات وأحط هذا لأن اا ياخذون منو الأول طلع ومنو الهذا، ويحيوني [يضحك].

[العلي تضحك] اا تذكر قصة صارت لك معاهم أو مثلا أحد كان اا اا مشاغب و ط-

لا لا لا لا ما ما فيها، ووو أتكلم على يعني، اا مو كبار احنا بالسن لكن هذي ولدت عندج القيادة وال س عندج، مم.

اا فكان اا نقدر نقول إن الكشافة كان دورها مهم في المدارس اا-

مافي شك، مافي شك.

مختلف عن اا حاليا؟

مافي مافي شك، يعني خارج إطار البيت وخارج إطار الهذا اا وإيي مكان فيه قوانين وفييه اا، ليش يحيونج جذي ثلاثة؟ ها؟ م اا ماشالله والوطن وال اا بعدين، ال إصغير يحترم الجبير والجبير ها؟ يعطف عالصغير [يضحك[.

جميل وو هذا كان-

لها معاني ولها ها؟

تعليم في ال في الكشافة-

إي إي إي إي.

اا جميل جدا اام طيب في مرحلة ال المتوسطة اا كان كم عندك من الأخوات والإخوان في هذي الفترة؟

آآه إيي أقلل اا أقل ااه، اا شوفي هه، أكو بنت إختي انا برابعة ثنوي أمي حامل فيها-

آه.

فيعني اا أكيد ب بمتوسط ما كانت موجودة وهم ولد، يعني ثلاثة بثلاثة.

اا طيب شنو كانت يعني علاقتك مع معاهم كنتوا تلعبون يعني مع بعض أكثر شي أو-؟

ترا هذاك الوقت اا قصبن عليج يعني ما م لا البنات يطلعون وايد برا ولا ها ف بالبيت ويا بعض مدة طويلة وثاني شي السفر والصيف ثلاث شهور ويه بويه حنا مسافرين [يضحك]-

[العلي تضحك].

مدري شنو يعني كانت أكو أكو هذي ال-

التواصل.

الت التواصل بس مو معناه كله تواصل ام اا حلاوة وهذا مرات هواش-

طبعا.

ومرات [يضحك].

اا بما إنك ذكرت ال السفر بالصيف وين كنتوا تسافرون؟

لبنان.

00:30:50 - الإجازة الصيفية في لبنان وأوقات الفراغ

Play segment

Partial Transcript: مم.

حنا من من من أواخر الخمسينات إلىىى ما صارت الحرب الأهلية بلبنان كل سنة شهرين نقعد ثلاث شهور.

وين في لبنان كنتوا؟

في حمانا حنا.

حمانا.

كان عندنا بيتنا هناك.

تقدر توصف لي رحلتكم أو اا-؟

نروح بالسيارة.

آه.

أوو، انروح بالسيارة عن طريق بغداد وبعدين عبر- رم رمادي والهذا بعدين ندخل عالأردن وندخل على سوريا لي لبنان.

شلون كانت هذي الرحلة؟ يعني كنت تفضل-؟

مو سهلة صعبة إي وخطرة، خطرة في في هذا- آنا ما- عاد آخر مدتي سقت فيهم لي لبنان-

آه [تضحك].

إي انا كنت رابعة ثنوي هذاك الوقت.

ااا طيب اا شنو تذكر مثل اا إذا ر- اا مريتوا على بغداد شنو تذكر من بغداد؟

ما نذكر شي كنت نمر بأطرافها-

ما كنت تزور يعني-

ما نقعد فيها ناكل وهذا ونروح نمشي.

وو وفي لبنان ك- هل كان في اا مثلا كويتيين معاكم في المنطقة؟

أوو اا يعني هالمناطق هذي حمانا ما حمانا مق ريب- أغلبها كويتيين، كان جدي عنده بيت اا عم أبوي عنده بيت ماي منو كل أهلنا حوالينا كلهم عندهم بيوت.

اا شلون كانت البيوت هناك؟

لأ بيتنا حنا جبير كان ثلاث د أدوار ها؟ وعنده حديقة حلوة فيها الكرز وفيها التفاح وفيها.

وشنو كنتوا تسوون هناك في ال في الصيف؟ ثلاث شهور ذكرت شنوو كانت نشاطاتكم؟

هوا ملزمين حنا دايما [يضحك]-

[العلي تضحك]-

يجي أبوي يعني عندنا choices إن تروح لا يعني شوفي الصبح ضحك وغشمرة ويا بعض، الظهر نروح ها الظهر أو العصر نروح نشوف ن فلم ها؟ كنا، وعقب الفلم تمشّي بحمانا رايحين رادين، ويوم كبرنا خلصنا من حمانا قمنا انتمشى ببو حمدون [يضحك] زين ولا؟ ويوم كبرنا شوية قمنا نروح بيروت يعني اا.

طيب شنو كانت الأفلام اللي تشوفونها فيي-

كل شي اا كل هما يحطون لبنانيين يحطون أفلام كل هذا.

هل كنت تحب اا ال السينما والأفلام؟

أووه آنا مم انا مهووس سينما، من هذاك الوقت لي اليوم.

اا شنو كنت تحب في ذاك الوقت أي أفلام تستهويك؟

اا ب كل شي والله، ب يعني حنا كشباب كنا نحب الـ action-

مم.

زين ولا لأ؟ بس هذاك الوقت اللي حنا هناك فلم Love Story طلع-

آه.

أوهوهوهوهو الضجة ها [يضحك]، بس قصدي فيها إن إن كنا نستا- هذا جزء من يومياتنا نروح السينما وانتمشى عقبها.

وو في الكويت هل كنت تروح السينما كذلك؟

انروح بس موو يعني أروح أروح انا.

أي أي سينما كنتوا تروحون؟

كل شي جربناهم، جربنا الأندلس حولي الصيفية-

إيي.

اللي ها؟ الحمرا ها؟ الفردوس ما أروح له وايد لأن هندي ما [يضحك].

[العلي تضحك] طيب حولي الصيفية ممكن توصف لي اا السينما أو شنو كنت تروح تشوف هناك مثلا؟

ما والله يمكن رحت لها مر- جم مرة بس، بس شنو؟ مفتوحة لي فوق ماكو ها؟ وبعدين وبعدين يعني بدائية جدا ها؟ ااه، بس وأغلبها ف يعني أفلام عربي ولا أفلام.

وكنت تروح مع منو ال السينما مثلا أو-؟

اا أغلب الوقت ويا ربعن.

مم، في الكويت؟ اام طيب هذي في مرحلة ال المتوسطة بس قبل لا أنتقل إلى الثنوية يعني أحس هالمرحلة جدا غنية-

[العيار يضحك].

اا في مرحلة المتوسطة في مثلا نشاطات ثانية غير مثلا السينما والذهاب للمكتبة كان في أماكن ترتادونها في الكويت غير عن هالأماكن؟

بهذاك الوقت-

مثلا السالمية أو-؟

مم إي يعني اا، انروح اا، انروح حديقة الأحمدي، يعني قصدي تلف هناك ها؟ الأحمدي كانت يوم اليمعة يتكودون الناس بال فيها ها؟ اااه.

شنو في الأحمدي كنتوا تسوون؟

ماكو لا جي ج الناس تطالع بعضها بس.

كشتات يعني؟

مو كشتات انا مو كشتات لكن انتمشى بالسيارة تشوفين الناس تشوفين الهذا و.

هل كان في مطاعم معينة تحبون اا ترتادونها أو تذهبون لها؟

هذاك الوقت،-

مم، في الستينات.

شوفي أذكر آنا اااه، شاسمه شاسمه شاسمه، أكو مطعم فتح فتح في ااا فهد السالم، أول واحد سوا الهمبرغر، أووه هذا يسويلك لحمة مدورة-

[العلي تضحك].

وياخذ [يضحك] يعني حدث جبير نروح نطلبه هناك.

تذكر اسم ال اا-

إي أذكره أذكره انا كبرت الحين قمت أنسى ااه، مطعم مو هار- اا... أستغفر الله يا رب-

هذا في الستينات؟

بالستينات إيي آخر الستينات هذي إي، الحين اا-

كنت تروح مثلا مع الأصدقاء و-

إي إي إي طحنا هوهو.

[العلي تضحك].

همبرغر! همبرغر!

[العلي تضحك] اا في مثلا محلات ثانية كذلك مطاعم اا-

إي إي هذا قلت لج انا ال ااه، اللي ناكل فيه كنافة هذا ها؟ ااا مشهور.

مم.

الحين مشهور في الأردن نفسه فاتحين هناك مو، ااه.

وو اا قلت لي كذلك إن في هالمرحلة كان في تشجيع كثير على ال على الرياضة وال وال والنشاطات-

إي واه عفوا عفوا هذاك الوقت كنت انا مشترك بنادي كاظمة ووو إيي إي إي.

هذا خارج المدرسة؟

خارج المدرسة إي.

اا ش كان في كرة القدم يعني؟

كرة القدم كنت حارس مرمى-

آآه.

ها؟ إي إي هذاك الوقت، وو شاسمه، وك وكل شي لعبته لعبت الطائرة ولعبت السلة ولعبت الها كلهم.

اا شنو كانت رياضتك المفضلة من من هذوله اللي ذكرتهم؟

كمشاهدة وك اا هم أتابع لعب ال كرة القدم.

كرة القدم، هل كنتوا تبارون مثلا أفرقة ثانية أو مدارس أو-

لا لا ب يوم إن بكاظمة كنا نلعب ويا أندية ثانية-

آه، أوكي.

يعني ك أشبال كنا وقت يسمونا.

وو ش شنو كان اا يعني الوضع مع ال اا أندية الرياضية هل حسيت مثلا فرق في التشجيع والاهتمام اا في اا ف قبل عن الحين؟

اا ب الحين مادري انا يعني انا مو ها بس إن هذاك الوقت كان في اهتمام.

اا كنتوا تلعبون مثلا بشكل دوري شلون كانت ال-؟

لا لا مو دوري مم جذي وديات.

اا و ك هل كنت مثلا ممتاز في اللعب تذكر أو [تضحك]؟

أوكي [يضحك] خنقولها.

وكنت تحب تلعب يعني-

إيي.

مباريات، اا كنتوا مثلا هل في جوائز أو اام مسابقات أو؟

لا ما ماذكر.

بس مجرد لعب اا لعب ودي-

إي ولعب نلعب وناستنا كان لعبنا.

وو شنو كان اا انطباع أهلك عن عن الرياضة أو الأشياء خارج المدرسة؟

لا بالعكس يشجعون إي بس لا تتأخر ولا ت ها يعني مم حرص.

انضباط من هالناحية، اا طيب هذا في مرحلة ال اا المتوسطة في مرحلة الثنوية اا هل كنت في الخالدية كذلك أو؟

00:37:52 - المرحلة الثانوية في كيفان

Play segment

Partial Transcript: بالخالدية إي.

اا ثنوية الخالدية؟

ثنوية الخالدية نعم.

وو اا اا ش-

لا ثنوية كيفان عفوا لا.

كيفان آه آه.

إي ماكو كا ماكو كان ثنوية بالخالدية.

وو بثنوية كيفان اا مثلا هل اختلفت عليك عن الخالدية مثلا هل تعرفت على اا ناس-

إي.

أكثر من أماكن مختلفة؟

لا لا كانت ت يعني ثانوية كيفان تجمع كل مناطق كلها اللي هناك ف تع توسعت دائرة معارفج مم.

اا فاختلف عليك من من من ال من المتوسطة.

إي تختلف تختلف إيه.

اا وبما أن يعني في الثنوية-

وبعدين رابعة ثنوي تشوفينهم كبار وحنا صغار تونا يايين ها فيعني أكوو.

اا شلون كان ال ال اا الـ dynamic اا في في الثنوي؟

شقول لج [يضحك] دايناميك حنا ماشين عالسنة نفس المتوسط ها؟ وشوي شوي اتكيفين ويا وضع اا الثنوية.

هل مثلا شخصيتك تطورت في الثنوية اختلفت اهتماماتك عن المتوسطة خنقول؟

أوه مية بالمية مئة بالمئة.

شنو كانت اهتماماتك في مرحلة الثنوية؟

ااحح، كا ك يعني اا، كانت وقتها عاد خلاص بدينا نكبر شوية-

مم.

بدت العادات السيئة مثل الزقاير ما زقاير-

آه.

صح ولا لأ؟

مم مم، اا طيب في اا في هالمرحلة خن نقدر اا نقدر نسأل إذا اا شنو ال أشياء اللي كانت- اللي تهتم فيها خارج المدرسة مثلا أي نشاطات هل كملت مع الرياضة مثلا أو-؟

إي كنا نلعب رياضة د دوري-

والكشافة؟

يعني د د دايما نلعب رياضة هذي ما ما وقفنا عنها، طول الثنوية ال اا شاسمه، خارج خارج الثنوية، وبعدين الشي الثاني اا ااا مثل ما قلت لج الحين نبي انتعلم نسوق نبي نسوي [يضحك] ها؟ كله هذي اا قعد نكبر فيها.

هل كنت مثلا على اتفاق مع أهلك في مرحلة الثنوية ولا كنت اا-

الـ rebel أكو هاي موجودة-

[العلي تضحك] إي.

[العيار يضحك] زين ولا لأ؟ سالفة الهذا، بس يعني الحمد لله مو ماكو شي زايد، بس آنا في سن- اا في اا، في ثالثة ثنوي ولا را- ثالثة ثنوي أو رابعة ثنوي، رابعة ثنوي أعتقد صار لي حادث جبير-

أوه.

حادث سيارة.

اام كنت اا يعني وقتها تسوق سيارة في ثالثة ثنوي؟

إي إي إي إي إي رابعة ثنوي رابعة إي-

رابعة ثنوي، وكان يعني ال عمر السياقة نفس اا نفس الحين ثمنتعش سنة؟

إي إي.

وو-

ها شوفي اهني الشق لي هالعيوون ها؟ لي هني ها، اا ظ وو وو إيدي هذي انكسرت ها؟ كسر يعني جايد، ف اا-

شنو شنو صار إذا تقدر تذكر لي كنت-؟

أذكر إني ياي على إشارة، ولاا و وهذاك الوقت الطريق القادم جدامج يقدر يلف شمال-

مم في وين هذا كان؟

بس لازم يوقف يطالع، ال الإشارة اللي عند كيفان الشامية ها؟ الضاحية الفيحا عرفتيها هذي؟ إي، فوانا ياي شفتها خضرا دست أسرع شوية وهوا لفف جدامي ضربته وانا ييت كاني، فهو يعني حادث كان قوي قعدت مستشفى فترة، طلعت إشاعة إن مات وإن إن [يضحك] ما يقدر يمشي و الحمد لله.

اا وشنو كانت السيارة اللي-؟

تيوتا.

تيوتا آه-

إي، هاي أول سيارة لي.

مم، تذكرها؟

أذكرها إي إي.

شنو كان لونها؟

خضرا اا زيتية جذي.

سميتها السيارة كان لها اسم؟

لا والله مالها اسم كنت لايعة جبدي منها هذاك الوقت [يضحك].

[العلي تضحك] خلاص بعد ال ال الحادث.

إيي ويت الحادث اا خلصتنا منها.

اا قبل مرحلة اا نهاية الثنوية أبي اشوي أرجع-

إي؟

لبداية الثنوية اا شنو المواد اللي كنتوا تدرسونها مثلا مختلفة عن المتوسطة اا-؟

شوفي والله أقول لج شي هذي من الأشياء اللي انا دايما أقولها-

مم.

إن الواحد لازم يسمع الناس العقلا والهادين، يعني من ثانية ثنوي عشان تروحين ثالثة ثنوي يطالعون شنو درجاتج، ويحددون انتي علمي ولا أدبي.

أوه.

آنا ودوني علمي.

أوكي.

وعطوني كتب العلمي مستانس رايح بيتي، ولا واحد ولد عمتي، أكبر مني بثلاث سنين أربع سنين يعني مووو شاسمه، جان يقول هاا؟ قلت له إي والله علمي، جان يقول ت، انت ف اا تبي تنجح ولا تبي هذا؟ وجان يعطيني محاضرة على إني شلون ما أدش علمي.

أوه.

طاعي شوفي شلون حنا بساطتنا هذاك الوقت-

مم.

وأشيل الكتب ثاني يوم [يضحك] زين ولا- وأردهم المدرسة قلت لأ آنا أبي أدبي، لا أحب الشعر ولا أحب أحفظ، ولا أحب مدري شنو-

و-

شموديك أدبي؟

وذكرت إنك تحب الرياضيات كذلك؟

إيي! يعني كنت ز- لأ تخيلي أرقامي ها خلتهم يحطوني بالرياضيات.

اا فكان يعني ال المدرسة إهيا تساعد ال الطالب إنه يختار بين هالتخصصين؟

إي إي هما على حسب انتي شنو درجاتج يودونج أدبي ولا علمي.

و ف اخترت أدبي اا؟

اا لا اخترت- اا هم هما اختاروني علمي-

اختار علمي بس اا غيرت انت لأدبي؟

بسبب-

اا اا قريبك-

ولد عمتي [يضحك].

مم اا ف دخلت في الأدبي.

الأدبي.

اا شلون كان ال- شنو الأشياء مثلا اللي تدرسونها؟

الأدبي كله جغرافيا ها؟ ااااا شاسمه عربي ها؟ إن إنجليزي اااه شنو-

فلسفة-

تاريخ ها؟

فلسفة.

فلسفة شوية ها المنطق مايشنو ها إي.

اا طيب هل كملت مثلا في نشاطات مثل التمثييل أو المسرح-

لأ لأ لأ لأ-

لأ ما- في الثنوية؟

لا خلاص إي.

اا طيب اا شنو ال يعني ها الحين ك كشخص شنو شعورك إنك مثلا رحت أدبي هل-؟

آنا أحس آنا أحس، المشكلة شنو المشكلة ما بعد يعني الحين أعلمج انا شنو، إني آنا يوم يوم يوم خلصت الثنوية رحت درست طيران اللي هوا mostly علمي يعني [يضحك] زين ولا لأ؟ يعني رديت جذي، المهم بال-

فهل كنت يعني اا قرارك هذا اللي اتخذته-؟

لأ كان ق خ خطأ المفروض ما أستمع لواحد ها؟ يعني شنوو، يي خي- يعني غير خ غير حياتي انا-

خطة حياتك نعم، اا طيب في مرحلة في نهاية الثنوية خن نقول شنو كان ال الجو السياسي يعني ذكرت مظاهرات هل كان في أشياء من هالنوع في الثنوية شاركت فيها أو-؟

لأ انا ما شاركت- امبلا شاركنا في في ثلاثة وسبعين- اا فيي شاسمه ال العراق لما تحرش فينا ها؟

أي سنة هذا كان؟

اا ثلاثة وسبعين ولا أثنينة وسبعين-

يعني بداية السبعينات؟

إي إي أول السبعينات ها؟ اا رحنا لي الشيسمونه رحنا ويا الجامعة حنا مو جامعة بس وياهم مم هم؟ رحنا لي قصر السيف، والشيخ سعد خطب فينا ها؟ لأن يذكرونهم بأيام الستينات أيام عبدالله السالم يا بوسالم عطنا سلاح ها؟ اا ف ف قاموا يقولون نفس الكلام هذاك الوقت قع نروح بيوتكم إنشالله كل الأمور زينة ميشنو.

اا ف كان عندك مشاركات يعني سياسية كنت اا-؟

هذاك الوقت؟ أقرا وبدت اهتماماتي السياسية بس إن كمشاركة فعلية لأ، كان والدي وزير وقتها-

آه.

مم.

اا طيب ممكن تحدثني يعني قبل لا ننتقل حتن أبي تحدثني عن عن والدك في هالمرحلة شنو كانت انطباعاتك عن عن عن شغل الوالد أو علاقتك فيه بشكل عام؟

يمكن والدي أكثر الناس اللي يكره شغله ما يبي هالشغلة هذا، يبي الراحة ويبي الهذا، بس جدي الله يرحمه، ووالدي ما كان كبير حطه كمجلس الأمة يعني ح- ادعمه إنه يصير بمجلس الأمة ويره جي اه، مجلس أمة مجلس أمة مج اا بعدين خدم كوزير عشر سنوات.

واو.

مم، من واحد وسبعين لي ثمانين واحد وثمانين.

فكان لك يعني اطلاع على السياسة من خلال الوالد والجد-

إي م ع من خلاله وأعرف وي لما يتكلم بالمواضيع أسمع له ها؟ هوا قارئ ب مم يعني.

وشنو كانت علاقتك فيه هل كنتوا ق اا قريبين من بعض أو؟ يعني-

في فترة قريبين في فترة خلااف جبير وفي- كل يعني على حسب ال ال هذا بعدين اا يمكن بتجيب الحديث.

وو اا اا ذكرت لي جدك هل كان اا يعني موجود معاكم في البيت أو علاقتكم فيه قريبة؟

لا مو بالبيت بيته بال بالجهرا والهذا بس يعني رجل عصامي ورجل قوي رجل سوى لنفسه مكانة جبيرة اا رجل خيّر رجل يعني.

اشلون ممكن تحدثني عنه إذا تفضلت؟

شلون عن اا-؟

عن جدك؟

آنا مثلي الأعلى جدي، مثل ما قلت لج الرجل عصامي، سوى نفسه بنفسه ها؟ وو سوى أفضال على الناس ساعدهم اا محبوب، صنع لولده career ها؟

اهم.

يعنيي اا اا رجل مميز.

تذكر مثلا اا شي صار لك معاه أو مثلا كلام قال لك إياه أو قصة معاه أثرت فيك وتتذكرها؟

الله يرحمه كله ها شوفي أعطيج مثل، هاي ماقولها بس بقولها لج انتي، نروح نزوره بلبنان بيته، آنا ولد الولد، وأثنينة وياي عيال البنات يعني مم عيال البنات، يعطي هذا خمس ليرات وهذا خمس ليرات ويعطيني آنا إمية ليرة.

[العلي تضحك] المفضل عنده.

مو المفضل ولد الولد! هوو الـ old fashion هذي أولا، ها؟ ف فكانوا ينقهرون هذوله عيال عماتي [يضحك].

فكان لك يعني مثل تمييز اا-

إي إي إي إي إي إي-

مع جدك الله يرحمه.

إذا دخلت ديوانيته ولا آنا ها ي ما يقعدني إلا يمه.

ديوانيته في الجهرا؟

إي نعم.

اا من وانت صغير كنت مثلا تروح الدوانية؟

لا كنا نروح لهم خميس يمعة كنا الل الجهرا عندنا بيت هناك للوالد يم بيت يدي والدوانية، اا انروح مثل ويكند هناك.

اا والدوانية منو كان اللي يرتادونها يعني؟

أهل الجهرا كلهم ال ال ال ال ال ال رجال رجال الدولة هني بالكويت ال الأمير إذا بالأعياد وهذا يروح ال ال ال ال ولي العهد الوزرا كلهم يجون.

و انت كنت صغير خنقول مثلا من المتوسطة والثنوية كنت تحب تروح اا ولا كان عندك مثل اا مهمة اا تنجبر عليها-؟

لا لا والله أحب أروح أحب أروح كنت إي، أحب أروح.

وتتفاعل مع اا الناس و-؟

إي لاح- مو كله الدوانية أروح مم اا ويا الشباب هناك النادي ما النادي مم.

مم، اا طيب هذا في مرحلة اا ال ال الثنوية اا غ اا غير عن ال الم المظاهرة اللي طلعتوها وخطب فيها الشيخ سعد، اا شاركت في مثلا اا أشياء ثانية من هذا النوع؟

لا انا مو موو، اهتماماتنا غير هذاك الوقت [يضحك]-

مو اهتمامات السياسية-

إي السياسية-

اا طيب ذكرت إن اا اا اشوية ال الفكر ال الاقتصادي والسياسي بدا يتكون-

إي إي إي يت- إي-

في مرحلة الثنوية، اا اشلون اا وو شاللي دفعك إلى هال-؟

السياسي لأني أنا عايش بعايلة فيها اا جزء من السياسة الوالد و وو وو والجرايد والمجلات والهذي كانت أقرا ها؟ فيعني هذي بديت أحس أتابع أحداث معينة م.

شنو كانت المجلات اللي تقراها السياسية؟

به، مجلات مجل- لأ قول جرايد كانت الجرايد-

إي أو جرايد نعم-

ال اا كلهم اللي موجودين يعني ااا القبس الراي العام السياسة اا-

في كاتب معين كنت-

الأنباء-

تحب ت تابعه مثلا؟

إي إي محمد مساعد الصالح كنت أق- اا أقراله رجل مميز ها؟ أقرا سعيدان كان بال اا بالسياسة-

مم.

أقراا ااا منو هذاك الوقت؟ هذاك الوقت، والله أكثر من واحد بس ما يحضرني ذهني [يسعل].

اا وهذي في اا مرحلة الثنوية فمثل- خل نقول مثلا في نهاية الثنوية هل كان عندك تصور شنو ب اا بعد الثنوية بت- اا ترغب في الد في الدراسة أو-؟

شوفي آنا عنييد ها؟

[العلي تضحك].

وو وو وها، قال لي والدي كلمة قال شوف تدرس وييب نسبة ترا ماكو سفر برا، اركبت براسي إني ما راح أطلب منه سفر برا-

مم.

فخلصت ثنوية ما يبت نسبة.

مم، في الأدبي؟

إيه، ما يبت نسبة، المهم ااه شنسوي شنقول، يوم ثاني هذي بعد من الأشياء انا رجل شعري شطوله وها لا لي شغل بالجيش ولا.

[العلي تضحك].

يوني ربعي ها؟ جان يقولون لي بنروح نسجل بالجيش، قلت الله يوفقكم روحوا، امش ويانا ما قلت يا جماعة انا شدخ- شكو بالجيش؟ قال لأ البحرية هذي أول سنة يسوون يسوونها الكويت، يعني أمور تصير سالكة والمستقبل زين و، قنّعوني قلت يالله خل أروح

00:51:06 - التسجيل في الكلية العسكرية والسفر لدراسة الطيران في الولايات المتحدة

Play segment

Partial Transcript: بروح، رحنا هناك سجلت بالبحرية، قابلوني قالولي ترا ما يصير بحرية يبون علمي، شوفي شلون ردت ال اا؟ قلت والله خلاص مشكورين أنا مابي، لسبب من الأسباب دقوا لي قالوا لي تعال شوف ال شيسمونه شوف البرية ت قالولي البرية فيها مهندسين وفيها ما، قلت مابي-

[العلي تضحك].

بحرية ولا ماكو ما مابي.

مصمم.

إي، والحين انا شنو كل مالي أحس إني آنا أحسن واحد بالكويت-

[العلي تضحك].

المهم، ثالث شي سلاح الطيران رحت قابلت آمر السلاح ها؟ جان يقول لي ترا حنا طيران وحنا جذي وجذي وجذي جذي جذي المهم، قلت له مابي إلا بحرية-

[العلي تضحك].

شوف الحين انا قائد سلاح الطيران وها يقنعوني ها؟ إني أدخل بعدين رقيب مدري خيطين هني ها؟ دق علي تلفون جان يقول لي ترا قالولي اتصل آخر مرة ولا شيل الملف ها؟

مم.

بس آنا أقول لك شي ترا انا شايف كتاب توه ياي يقول بشهرين هم شهرين يودونكم أمريكا، أوه!

[العلي تضحك] السفرة.

لا أبوي يساعد ولا انا انا سويته منه قلت له خلاص خله انا قابل، [يضحك] ويقعدونا ست أشهر يدبونا بالكلية العسكرية ها؟ يعنيي-

وين كانت الكلية العسكرية؟

ها نفس مكانها الحين اا بال بشارع ال اا، شارع اللي فيه الكلية الكليات والجيش والهذا المهم، مجابل-

وإنت كنت توك متخرج من الثنوية؟

خلصنا من الثنوية-

صغير يعني في العمر-

إي.

ثمنتعش سنة؟

ثمنتعش سنة تقريبا إي.

ودخلت هناك وش- شنو كان يعني شنو كان- مثلا يو- تصف لي يوم من أيام ال-؟

أعوذ بالله ههوهوهو، إي أوه من الصبح تفقع من هذا رياضة وركضة وسوي وقا- وبعدين سلاح وبعدين ميشنو بعدين وبعدين عليك يحطونلك ال ال الناس اللي قبلك بسنة يحطونهم عليك مثل اا رقبا عليكم-

مم.

وهذوله ما يعرفووون ح- كله عقاب وكله مدري شنو حنا يقومونا نص الليل يحطونا بالطين؟ آنا بصير طيار بصير مدري شنو ها؟ أكو ناس عندنا ريولهم قاموا ممفوحشة مساكين من هذا.

وشنو كان شعورك لم- يعني فجأة تتعرض حق هالأمور؟

خ، تمشي [يضحك].

وو لأنك ذكرت كذلك إن انت كان فيك حس الـ rebel وكان مثلا م اا شعرك طويل اا-

لا هذاك الوقت قصيناها قرعناها-

بس ف يعني شنو كان اا اا شعورك انتقالا لهذي المرحلة مو بس انضباط لكن يعني مثل ما ذكرت اا اا عقابية كذلك-

مم إي إي إي.

شنو كان-

ما م منقهر وكل شي ها؟ بس ما عندج choices.

Yeah.

[العيار يسعل] وبعدين انا من نوع اللي ماحب أكون اا أفشل-

آه، فيعني دست على نفسك لتكمل هذه الفترة.

إي دست على نفسي إي إي تحملت- إي إي.

طيب شنو غير ال اا ال اا مثلا التدريب الجسدي اللي كنتوا تسوونه هل كان في أشياء تدرسونهاا أو-

إي دراسة، بس يعني بالنهاية أغلبها جسديا.

مم، ومنو كان معاك تذكر قلت أصدقائك كانوا معاك؟

وايد أكو إي ها وايد أذكرهم إي، دورتنا حنا الدورة السادسة، تقريبا يتها مرحلة هي اللي استلمت ااا الجيش كله-

مم، ودرستوا ست أشهر؟

لأ حنا درسنا ست أشهر بعدين ودونا إلى سلاح الطيران ودونا أمريكا.

وين بأمريكاا رحتوا؟

رحنا سان أنتونيو تكساس.

أووه.

اهم.

اا شلون كانت هذي- هل هذي أول مرة تروح فيها كنت أمريكا ولا كنت مسا-

آه إي ما ما رحت أمريكا من قبلها أول مرة.

مم، وكنت مسافر دول أخرى غير عن لبنان في-

إي لا وين مسافر انا.

اا يعني في هالمرحلة كنت مسافر غير لبنان؟

إي سافرت ودوني هلي لندن اا لغة ويا ويا يعني عند عائلة ها؟ ااا بسفرتنا هذي لي لي الجزائر-

آه إي نعم.

وقفونا بإيطاليا ووقفونا باليونان.

هذي ال اللي رحتوا مع الكشافة للجزائر؟

مع الكشافة يعني إي إي.

اا وشنوو اا سويتوا بال اا باليونان؟

ودونا الأماكن الأثرية ودونا لمدري شنو والهذا و، وو نفس الكلام بإيطاليا.

هذا وزارة التربية كانت اا-؟

إي الكشافة اللي مسؤولين عن الكشافة إي نعم، التربية.

ممتاز و ومتى درست لغة فيي فيي اا بريطانيا؟

في بريطانيا إذا ماني غلطان سبعين أو واحد وسبعين-


شنو- شلون كانت هذي التجربة؟

تجربة [يضحك] حلوة أهو اا في رحت إيسبورن إيسبورن عالبحر، مدينة متقاعدين وجذي وهذا، ف ودرست بمدرسة طلعت منها حتى ما ما كملت، وعائلة ها؟ سكنت كان أدفع لهم ثمان جنيهات ونص حق مدة أسبوع موكليني يغسلون هدومي[يضحك]-

[العلي تضحك]-

يسوون كل- ثمن جنيه ونص بالأسبوع-

وكنت مثلا تمارس اللغة الإنجليزية معاهم؟

يعني لازم غصبن عليج تتكلمين وياهم إنجليزي ويا المدرسة كانت بس بعدين شوي شوي شلت ريلي من المدرسة.

هذا في السبعينات؟

إي.

هل كان في أي مثلا عنصرية من ناحيتهم مع العرب أو-

لا لا لا لا والله بالعكس لا لا لا ما-

أو حسيت مثلا اب شي؟

ماكو لا والله بس لندن كانت تختلف عن لندن الحين- ماكو شي!

شلون مث-؟

ماكو شي يعني عندن المطاعم يا هندي [يضحك] زين ولا لأ؟ ياا ياا هذا ما ماكو شي يسوى يعني.

مو مثل الحين؟

لا وين.

اا طيب اا رحتوا اا أمريكا اا في اا أي سنة تقريبا؟

اا أربعة وسبعين.

أربعة وسبعين مجموعة من الكو- الشباب الكويتيين عن طريق ال اا-

إي إي إي إي.

اا ورحتوا تكساس، اا-

هناك اللغة في سان أنتونيو، ووو ودرسنا basic اا الطيران [يسعل] وبعدين اا شاسمه وبعدين اا ود- رحنا مكان ثاني.

اشلون كان ال الوضع فتكساس يعني مثلا لما رحتوا كان في أحد-

[العيار يسعل]-

يستق- يستقبلكم أوو-

شلون؟

لما ر- وصلتوا هناك كان في أحد في استقبالكم؟

إي لا أكو أكو liaison officer كويتي مسؤول، بعدين اا خذونا بباصات ودونا وو ودونا اا مكان السكن-

ودرستوا اللغة هناك؟

مم.

في جامعة كنتوا أو؟

لأ في Lakeland Air Force Base.

أوكي، اا وو وبديتوا بمبادئ الطيران شنو د اا درستوا في البداية؟

ماكو لأ أكو مكان يسمونها مدينة base ها؟ د ااا شوفي هذوله كلهم الطيارات اللي طرتهم آنا.

أوه.

عرفتي شلون؟

إيي.

الأولانية البرتقالية الصغيرة هذي أول وحدة البيسك ها؟

جميل.

إي.

اا، [تضحك]-

[العيار يضحك].

طيب انت لما وصلت هناك يعني تعلمت الطيران هناك أول مرة؟

إي.

اا شنو اللي خلاك تروح ه هالمجال؟ شنو اللي استهواك بال-؟

قالولنا ير- يودينا أمريكا بسرعة [يسعل].

آه يعني-

هذا السبب-

السفرة إهيا اللي-

هالسفرة هيا اللي-

السفرة إهيا اللي- اام أوكي اا so وصلتوا حق تكساس وبديت مبادئ ت تتعلم مبادئ اا اا-

الطيران-

الطيران، اا تذكر أول طيارة اا أو شلون خلوكم تتعلمون تسوقون اا اتطيرون أول طيارة؟

إيي إهيا السسنا فورتي ون ها؟ ااا تطيرين ويا ويا ك- ويا واحد مدرب فترة بعدين آخر شي يخلونج تطيرين بروحج.

تذكر شعورك أول أول مرة-

طرت بروحي؟ أووه، اريولي تنفض مثل شيسمونه ها؟ د د د د د [يضحك] زين ولا لأ؟ إي تعرفين أول مرة، بس شوي شوي راحت.

اا اا واجهت أي صعوبات من الناحية الدراسة أو من ناحية العمل التدريبي؟

لأ لأ حمدالله.

اا أو مثلا أشياء حبيتها وايد في ه في هالمرحلة؟

لأ ااا ص- بدينا، انتعلم شلون نحبها الصنعة لأن مو بالأصل انا ياي أحبها، آنا ييتها ها؟ اا ف شوي شوي بديت أعشقها شوي شوي.

اا شنو اللي خلاك يعني تبدي ت اا تهتم في هال اا موضوع أكثر؟

اا تس تس- متعة الـ excitement ال اا نوعية الطيارات اللي جاية الدرجات اللي تاخذها كل هذي تساعد لأن كل طلعة نطلع ويا المدرب يعطيج تقييم ها؟ فتبي تطالعين انتي المنافسة بينج وبين ربعج منهو الأفضل منهو الأحسن.

اا اللي ال اا المجموعة الكويتية اللي كنت كنت معاهم هل كلهم كانوا يعني حابين ال كذلك أو متميزين ولا في مثلا صعوبات-؟

والله متميزين لا والله انا كانت مجموعتي ممتازين يعني.

وو شكثر قعدتوا في تكساس؟

تكساس خلصنا من سان أنتونيو ها؟ قعدنا يمكن أربع شهور ولا خمس شهور ها؟ وبعدين رحنا بغسبرينغ تكساس اللي اهيا المدة الطويلة-

مم.

اللي اهيا طرنا طيارتين مثل طيارة اسمها T 37 وو وو وT 38 ها؟ يعني اا بييلج الأحداث شلون؟ احنا الوقت اللي كنا موجودين هناك منو يدرس ويانا؟ الفيتناميين وقت حرب فيتنام [يضحك] يي يدربونهم ويدزونهم ها؟ وكانوا يدرسون ويانا الإيرانيين-

أوه واو.

أيام الشاه، شوفي شلون التاريخ-

نعم، اا تذكر مثلا شنو كان يعني م [تضحك] وايد اا اا أشياء في هالمرحلة بس تذكر شنو كان مثلا تواصلكم مع الفيتناميين أو مع ال-

لا لا ما ماكو شي-

ما كان عندكم مثلا اا-

ماكو كانوا آخر آخر كلاس بعد.

وو مع ال م مثلا الإيرانيين؟

الإيرانيين منافسة يعني.

آه.

هما ترا كانوا وقتها ياخذون ها رواتب أكثر منا، يعني كانوا جخ ال اا-

إي، وو اا انتو كنتوا مجموعة الكويتيين هل كان عندكم مثلا اا اتحاد للطلبة هناك كنتوا على تواصل فيه؟

لا لا تجمع تجمعون ويطبخون ويسوون يعني-

شنو النشاطات اللي كنتوا تسوونها خارج عن الدراسة؟

ها- لعب كرة قدم ها؟ بولينغ طحنا بالبولينغ طيحة ها؟ اااا مه- م مسابقات طبخ بينا وبين بعض منو يسوي المجبوس أحسن منو ها؟

كنت حضرتك تطبخ؟

إي أطبخ انا إي-

[العلي تضحك] شنو كنت ت اا الطبخة؟

[العيار يسعل] لا بنا- انا انا ملك المجبوس [يضحك].

[العلي تضحك] وكنت يعني م مميز في اا-

متمكن إي نعم.

آه ممتاز، اا أي نشاطات ثانية كنتوا تسوونها في اا-

[العيار يسعل] س سينما ها؟

وو اا قعدتوا في تكساس اا طوال مرحلة الد دراسة الطيران ولا انتقلتوا؟

في بيغسبرينغ تكساس قعدنا ها؟

إي نعم.

اا لي ستة وسبعين.

مم.

ورجعنا الكويت حملنا الرتب ها؟ ك ضباط وبعدين قعدنا بالكويت طرنا اهني طيارة تدريبية لمدة سنة وشوية ليما رحنا الأخيرة Sky Hawk.

اا أبي أظل بفترة التكساس شوية انتو كنتوا أول دفعة اا-

أول دفعة ط- أمريكا من دورتنا السادسة-

أوه.

بس رحنا على دفعات يعني ها؟

بس كنتوا أول ق- يعني مجموعة تُبعث ل ل-

مج- إي إي نعم.

لتكساس، اا وو ذكرت لي اا ال الطيارات اللي اللي حضرتك جربتها اا أو ط- اا طرتها أي أي وحدة كانت المفضلة عندك أو أكثر شي أثرت-

هاي البيضا.

هذي البيضا؟

إي شفتيها؟

ليش كانت اا مفضلة؟

Very smooth supersonic ها؟

اا مم كنت لما كنت بتكساس كنت ترجع تزور الكويت في فترات الإجازة؟

إي حاشتنا إجازة وحدة يمكن أو شي-

اا اا عقب يعني ج- ك- يعني كنت سافرت وعقب فترة اا مثلا سنة رجعت-

لأ رحنا أول مرة وو رحنا رجعنا عقب اا ثمن شهور أو سبع شهور اا ردينا يينا إجازة هني جم يوم-

مم.

وعقبها ها؟ لأ يينا إجازة أطول شوية.

مم، هل اا مثلا كان عندك صدمة ثقافية لما رجعت إلى الكويت عقب هذي الفترة أو-

لا-

عادي في المجتمع مرة ثانية؟

عادي، عادي بس هذاك الوقت اللي كنت بأمريكا أووه [يضحك] يعني-

شنو كان مثلا استقبال الأهل لك هل كان-؟

أوه اا يعني.

كنت مثلا ترجع معاك اا هدايا لهم أو-؟

إي انا أحاول إي اا ه إي، مثلا توها طالعة الساعة هذي الإلكتروني مثلا-

آه [تضحك].

أييب لخواتي وإخواني ها؟ اا ت الفورية الكاميرا [يضحك] زين ولا لأ؟ يعني جذي هالسوالف.

فكانوا يعني ينتظرون اا قدومك-

إي إي يعني يستانسون-

من ه من هذي الناحية، اام وقعدت بتكساس جم سنة تقريبا؟

قعدت من اا اا سنتين تقريبا سنتين إي.

مم، وبعدها؟

رجعنا الكويت بعدين رحنا إلى أريزونا.

أريزونا.

يوما أريزونا.

رجعت الكويت فترة-

سنة.

سنة اا هل اشتغلت في اا في مكان معين أو اا-

لا لا في في ط- سلاح الطيران كنت أطير إي-

كان شغل ولا كان كذلك تدريب؟

لأ، لا لا لا شغل يعني صا- ضابط وأطير وكل شي إي.

وو شنو كنتوا تسوون في هالفترة؟

انطير كل يوم نطير.

آه، وين؟

[يضحك] الأجواء الكويتية-

كان في مثلا اا-

أماكن تدريب أكو أكو اا-

مكان تدريب معين اتحبه أو تذكره-؟

لا هما أكو أماكن تدريب ها؟ لا انروح لها ونسوي تدريباتنا هناك.

وكانوا اللي موجودين نفسهم المجموعة اللي كنت معاها؟

مجموعتنا إي بعدين لا صار منهم مثلا اللي ما قعد كمقاتل ها؟ راح ودوه هلكوبتر مثلا ها؟

آه.

إي يعني جذي توزعنا بعدين بيفي-

وكان مثلا انتو تختارون اا أي مجال-؟

لا لا مو مو ش- لا لا، هما ال مدربين وها يقول هذا يروح جذي وهذا يروح جذي.

وحضرتك كنت في أيي اا مجموعة أو في أي-

أنا أنا اا قعدت على أس- إني بيودوني حق سكايهوك-

أوكي.

اللي اهيا مقاتلة.

و ورحت في عقب سنة من اا-

إي تقريبا إي ش شوي-

وجودك في الكويت رحت إلى أريزونا-

أريزونا يوما.

اا اا اشلون كان اا الدراسة هناك أو التدريب هناك؟

مم من أروع الأيام هذيج، لأن شنو الله يسلمج، عالراحة أول شي الدراسة أول جم يوم وإذا سوينا خلصنا وامتحانا وكل شي خلصت ماكو دراسة، وبعدين على الطيران إذا عندك طيران تجي إذا ما عندك طيران تقعد بيتك مرات يصير يصادف إن ما عندك طيران هذاك اليوم انت ما تيي كلش طول اليوم-

جميل-

فكانت سهالة.

اا و ك- اا جم سنة قعدت فيها في أريزونا؟

ماكو يمكن سبع ثمن شهور شي من هالنوع؟

سبع شهور اا كنت ساكن مع مثلا مع الطلبة أو مع-؟

لأ كان عندي شقتي-

مم جميل.

وبعدين أجرت بيت فيلا وجت زوجتي عندي تزوجت انا في الفترة السنة اللي قعدت هني-

آه اللي قعدت فيها بالكويت-

إي.

اا ذكرت إن زوجة حضرتك إهيا اا-

بنت خالتي إي ت-

بنت خالتك.

بنت خالة أمي [يضحك].

اا ف يعني قابلتها في أو إن مثلا-

عائليا شفتها.

عائليا وتزوجت في الفترة هذي-

إي، [يسعل].

اام وتزوجت وانتقلت معاك زوجتك هناك-؟

لأ يتني هناك-

ي- إلى أمريكا-

إي.

اا اشلون كان مثلا التوفيق بين بين ال اا طيران و وبداية اا حياتك الزوجية؟

بالنسبة ل بال- ب ب ب بأمريكا خاصة هالم- المكان كان بالعكس راحة أول شي قلت لج ماكو pressure ولا أكو هذا فعندنا وقت إن نستمتع ونروح ونيي وكل شي-يعني عرفتي شلون؟ ماكو الجهد والهذا. يعني مرات انا يصير عندي طيران الساعة خمس الصبح ها؟

آه جميل.

أروح أخلص خمس الصبح الساعة س- ست ونص انا خالص سبع، خلاص.

و ومثلا هذي ال التدريبات يعني كان أيام معينة فيها اا-

إي إي يحطون لج ياهم-

تدريب الطيران؟

إي إي إي.

وو وشنو الطيارات اللي كنتوا اا-؟

هاي سكايهوك كنا انتمرن على ال امم لها إي.

وو وو، اا شنو كان شعورك لما تبدي في هذا الطيران؟ هل كان اا يعني مثلا اا شديد أكثر أو اا جدي أكثر من من من اا-

الأولانيات تدريب إي-

من في تكساس؟

لأن هذي هذي هذي فيها ترمي سلاح فيها قتال جوي-

محاربة-

وفيها فيها يعني more advance.

نعم، اا اا وبعدين عقب-

طراي- طيران الليلي الطيران الهذا مم.

هل كان اا يعني فرقت معاك بشكل كبير عن الطيران اللي ال ال اللي قبله؟

أكيد فرق جا شي جبير فرق، بس الأولاني هو اللي عطاج الـ basic يعني كلها.

نعم، اا طيب كنت حضرتك مع زوجتك في في أمريكا اا كان عندك ااا اا أولاد عيال في هذي الفترة؟

لأ يتني بنت آنا بنتي ما شفتها إلا لما عمرها ثلاث شهور-

آه.

مرتي يابت الهذا قعدت وياها وبعدين يتني ها؟

آآآه نعم في الكويت-

إي إي أو إي أو وردت وردينا ويا بعض انا وياها.

شنو كان اا شنو اسم اا بنتك؟

بيداء.

بيداء، اا وكنت حضرتك اا في عمر في بداية العشرينات في هذي الفترة؟

انا صغيير كنت كنت الله يسلمج خن أقول لج إياها، عمري- لا مو ب اا، انا تزوجت عمري أثنينة وعشرين سنة، يعني يايبها عمري ثلاثة وعشرين أربعة وعشرين سنة-

إي بداية يعني بداية جميل-

إي أربعة وعشرين سنة أربعة وعشرين سنة.

وو يت اا اا زوجتك مع بنتك في في-

لا بنتي قعدت بالكويت-

بالكو- وزوجتك اا يت لك في أمريكا-

اا إي يتني وردينا ويا بعض.

وو اا رجعت الكويت بعد انتهاء فترة ال-

كا- انتهت عاد دورتي وردينا ويا بعض-

اا دورتك، وو في الكويت اا شنو كان اا منصب-

[العيار يسعل].

منصبك أو أو وظيفتك؟


01:08:21 - العودة للكويت في السبعينات

Play segment

Partial Transcript: رتب تييلج عاد عقب سنتين يتني اا ملازم أول وبعدين صرت نقيب.

اا في وين كنت اا يعني مثلا دوامكم الفعلي في أي من-؟

أول شي بدايةً كان في مطار الكويت وثاني شي بعدين رحنا اا أحمد اليابر اا قاعدة أحمد اليابر.

مم، اا في هذي في أي سنة تقريبا؟

أي سنة؟ [يسعل] اااه-

نهاية السبعينات ن نقدر نقول؟

إي ثمانية وسبعين يمكن-

اا اا طيب-

ثمانية وسبعين-

اا منو اللي كانوا مثلا في في الدوام يشتغلون هل كانوا جميعهم من الكويتيين أو كان في غير كويتيين؟

لأ كان أكو أكو مدربين إنجليز-وأكو مدربين باكستانيين وأكو مدربين كويتيين إيه.

يعني كان في اا-

تشكيلة.

تشكيلة مختلفة من ال- اا شلون كانت طبيعة العمل طبعا أكيد اا اختلفت عن اا أمريكا-

إي-

مثلا اا كيف كانت طبيعة العمل.

أوكي.

وو تفضل مثلا أمريكا كنت أو-

لأ أمريكا كانت تدريب وكانت مايشنو ها؟ اهني لأ، التزام وبيت وعيال و[يضحك] وشغل وهذا بس كانت تجربة جميلة ليح- يعني أذكر انا ماذكر منها إلا الخير يعني.

وو في اا خنقول في نهاية السبعينات كنت اا ساكن مع زوجتك ولا مع بيت العائلة في-؟

بيتي بيت العائلة وزوجتي وياي إي-

اا في الخالدية؟

بالخالدية نعم-

اا شنو فرقت اا عنك من بداية السبعينات إلى إلى نهاية السبعينات الكويت يعني الخالدية مثلا الشوارع ال الأماكن؟

إي أكيد اه إي إي، ب يعني ها النهاية العصر الجميل مثل ما يقولون بالكويت، يعني حنا بال بالكويت من من انتهت السبعينات ها؟ بدا الـ decline.

من من أي ناحية؟

ش- كل النواحي، تع- رياضيا وتعليميا، وو وو اقتصاديا المناخ أثنينة وثمانين ها؟ اا ف فيعني اا.

اا اا آنا أبي أخلي هالفرحة- مرحلة الثمانينات يمكن حق اا-

إي إي الثمانينات إي-

حق اا حق وقت ثاني بس اا إذا إذا ت إذا تسمح ن اا انظل في مرحلة السبعينات، اا فإنت سكنت في في الخالدية مع اا-

مع الوالد والأهل-

مع الوالد و- اا هل كان اختلاف مثلا من ناحية السكان اا بالخالدية هل صار كثافة مثلا أكثر من من أول ما ب- اا انتقلتوا للخالدية اا-

شلون يعني ما-؟

هل كان مثلا اا العمران زاد في في هالمنطقة؟

إي إي إي إي هذي تنبني منطقة يديدة وتنبني كانت مم، يعني يعني الكويت كلها كانت بالسبعينات اا يعني.

وو اا هل مثلا اختلف عليك من ناحية من الناحية الاجتماعية اا اا في السبعينات اا-

السبعينات ترا السبعينات فترة جميلة كانت الكويت إي، سبعينات كانت فترة جميلة.

أو أماكن ترتادونها مختلفة عن اا.

مم يعني ما ااه.

أماكن ترفيهية مثلا؟

عاد هذيج الساعة وصلنا مرحلة دواوين ربع وو-

[العلي تضحك].

عرفتي قصدي ها؟ هذي ال الاهتمامات ها؟ مباراة نروح لها ولا مدري شنو ولا.

وهل كان مثلا عندك اا اا اشوية اندماج في السياسة أكثر بعد ما رجعت من أمريكا؟

إي، إي أكثر ها؟ القراءة أكثر اا ها؟ ال اا النقاش وتعرفين صارت دواوين صار الأخذ وعطا والراي والراي الآخر والهذا، إي.

شنو كنت ال اا المواضيع السياسية اللي مثلا اا تستهويك أو م تركز عليها في هذي الفترة؟

يعني المواضيع الاقتصادية ها؟ اا المشاريع ها؟ اا شنو الكويت اا رؤيتها ولا- بس يعني ااا هذي الأشياء.

مثل شنو مشاريع الاقتصادية أو المواضيع الاقتصادية اللي كنت؟

يعني يعني ش ش شنبي نسوي ككويت ها؟ هذاك الوقت، ما كان أكو جواب عدل بس إن نحاول-

هل كان في نظرة مثلا مستقبلية اا من ناحية حضرتك أو ب بشكل عام اا-؟

اا كلنا نفتي هذاك الوقت-

إي-

ها؟ بس يعنيي مو مبنية على أرقام وو-

واقع أو أو أو أساس من هذي الناحية-

إي.

اا ا اتحب نوقف هني أو نكمل لمرحلة الثمانينات؟

كيفج على راحتج.

أوكي اا نقدر نكمل-

ها؟

من ناحية اا بداية الثمانينات حضرتك كنت اا تشتغل في اا في نفس المكان في القاعدة؟

مم.

وو اام يعني امكمل في مجال اا مجال الطيران اا وكان في-

01:12:47 - بداية إهتماماته التجارية في الثمانينات

Play segment

Partial Transcript: بس كان عندي اهتمامات تجارية-

مم، شنو كانت اا هي؟

يعني، يعني عندي يمكن سوينا انا ويا هذا ال ال ال اللي قلت لج أخو زوجتي ها؟ اا كنا أصدقا ها؟ سوينا محل يبيع شراشف ويبيع مدري شنو ويبيع هذا وكان والله نجاح فيه ها؟ ممتاز-

وين كان هذا المحل؟

في مجمع اا النقرة الرئيسي.

مم، وكان هذا في بداية الثمانينات؟

اا نهاية السبعينات بداية الثمانينات-

جميل، تذكر شنو اسمه المحل؟

البيداء-

البيدااء!

على على ب [يضحك].

إي نعم إي نعم [تضحك].

على بنتي، ثاني شي سوينا شركة بعد ها؟ مم ف تح- تحاول تطقطق يمين يسار فيها، بس شنو؟ في وقتها يانا المناخ. والمناخ ها؟ خطف عيونا ها؟

إي.

فهالشغل الناجح ما الناجح بدينا انحط عينا على السوق ما السوق والأشياء من هالنوع، هاي خلت الأمور تتراجع شوية هناك وبديت اا سالفة المناخ.

اا الشركة اللي- شنو كانت الشركة اللي-؟

ها؟

الشركة اللي ذكرتها اللي أسستها مع اا ولد خالتك شنو إهيا كانت الشركة؟

شركة تجارة عامة يعني ها؟

تذكر اسمها كذلك؟

إي العي- شركة العيار والساير.

ماشالله.

[العيار يضحك].

اا اا طيب هذا كان في بداية الثمانينات، اام ال المحل اللي اا اا افتتحتوه تذكر اا شنو اللي خلاكم تختارون هذا ال اا-

المكان؟

المكان أو-

ال هالـ available.

وشنو ال شنو خلاكم تختارون هذي ال ال ال يعني هذا المجال بالتحديد؟

الله يسلمج شنو حنا كنا على يعني بساطة يعني ما ما كان نسويها كل شي، وو بسبب تجاربنا بأمريكا ونروح أمريكا وايد والأشياء، هناك مشهورين بالشراشف والمدري شنو ها؟ فحنا ما نروح نشتري بالجملة ما جملة كنا بالبداية انروح نشتري من المحلات.

إي.

نشتريها ونيمعهم ون- ويدزون لنا إياهم هني وطحنا بشركة تسويلنا إياها، يعني ما كان sophisticated كانت شغلة ها، وبعدين لقت قبول هني.

مم.

لأنهم كانوا كانوا محل محلين اللي يبيعون الـ specific الزين الأشياء اللي من هالنوع-

جميل مم.

ف we became leader ال بالماركت، بس تعرفين ش تبيعين بسرعة ماكو بضاعة تقعدين شهرين ولا ثلاثة تدفعين أجارات ماكو [يضحك] شس اا- يعني شغل بساطة.

نعم، وبعدين فتحتوا الشركة اا اا اا-

وعندنا شركة كانت.

شنو كنتوا تسوون في في الشركة؟

نس نستورد ونبيع ونسوي أشياء من هالنوع يعني وحدة من الـ deals اللي سويناها يبنا barbeques وقمنا نبيّعهم-

آآه.

هذاك الوقت ها؟ ااا وو ااه عندنا كانت حنا وكلا ش- شركة اسمها كيربي هذي ال اا شاسمه اللي تنظف-

مم.

وتسوي تلميع وتسوي مدري شنو وتسوي فيها عشرين ألف شغلة تسوي، كنا عندنا salespeople يروحون س- يبيعونها بالسوق، هم نجحنا فيها بالبداية.

هل كان في إقبال على ال ال أشياء أو ال اا ال-

منفتحين الكويتيين.

وو اا ال- والد حضرتك كان سياسي أكثر ما هو اقتصادي-

إي س-

شنو كان رأيه في اا-

شغلي-؟

انخراطك في المجال ال اا ال اا اقتصادي؟

هذي نقطة خلافي ويا والدي.

مم.

لأني آنا في واحد وثمانين قررت إني أستقيل من سسلاح الطيران.

أوه.

سبة وقتها المناخ والمدري شنو والهذا وأحس نفسي ت فاهم بالتجارة [يضحك] ف، ف استقلت-

أوه.

تعرفين تاخذ وقت استقالة ومو بسهولة د- صارفين عليج بلاوي الدنيا ال-

نعم.

فزعل علي أبوي، إن رقم واحد انت متزوج وإن هذا وهذا شغلة ثابتة وكل شي بتطلع جذي تقل نفسك على صخر-

نعم.

وأثنين، شنو آنا لما تجي استقالتك لمجلس الوزرا لأن تعرفين لازم يطلع مرسوم-

آآه.

ها؟ ش يعني اا شافها هو عيبة له يعني.

مم.

سنة كاملة ما انتحاجي-

آه.

ما يحاجيني.

بسبب هذا القرار؟

بسبب هذا القرار، بس.

اا-

الحين اا اا الله يرحمه قبل لا يموت مم ذكرته قلت له شفت شلون-

[العلي تضحك]-

إني آنا قراري صح [يضحك]-

طيب اا طيب انت لما اتخذت هذا القرار شخصيا هل كنت يعني اا متأكد منه أو كان في تردد-؟

لا والله ما- ال متأكد منه إي لأن بعنفوان الشباب وكل شي، بس اا شاسمه، بس it was risky.

إي، شنو اللي خلاك اا يعني-

لا أبي أبي أبي أصير أبسوي ب ها.

تتفرغ لهذا الموضوع.

مو تفرغ يعني أحس إن في مجال، وقلت لج المناخ سحرنا عيونا.

شلون من أي ناحية؟

يعني لما اتدشين السوق ها؟ وتبيعين وتشترين وتطلعين بعشر تالاف دينار، ها؟

إيي.

ولا أطالع حسابي ولاا دبل ها؟

أوه واو.

يعني عرفتي شلون حلم-

شعور اا-

حلم حلم-

مميز نعم اا طيب اشلون يعني قدرت تتخذ قرار إنك تترك مجال انت درسته وو-

وعيال عندك [يضحك[

اا نعم اا بالضبط اا إنك ت-

Irrational.

مم.

Irrational decision مليون بالمية، يعني لو آنا بعقلي اليوم ها؟ ماسويه.

مم، وهل كنت يعني مرتاح داخليا لأن إذا إذا مثلا اا الأسرة عندك اهتمامها أكثر سياسي أو أو أو تعليمي هل كنت اا يعني واثق من هذا من هذا القرار إنك تروح في مجال اا-؟

لا و وبين يعني خن أقول لج إياها، يوم دخلت انا المناخ وكل شي وبعدين المناخ collapsed ها؟ س، وشغلج هذاك اللي تركتيه انتي ولا خففتي منه اا يبيله أموال ويبيله شغل، ف ااا يعني وعندك عائلة تبي هذا فكانت يعني وقت حرج بالنسبة لي ها؟

نعم.

العائلة شغلتني بشركاتهم إني أديرها ولا هذا بس تعرفين ورثة ومشاكل [يضحك] ومدري شنو يعني ما كان الوضع مريح يعني.

نعم، اا طيب اا ممكن إذا نركز ح- الحين على اا الـ collapse، collapse المناخ مثل ما ذكرت حضرتك اا تتذكر هالفترة-؟

أوه شلون ما أذكرها، أذكرها

01:19:30 - أزمة المناخ

Play segment

Partial Transcript: بالنسبة لي آنا ما- حمدالله يعني لا لا دخلت في ديون المناخ ولا ولا ولا ولا، لكن، اا اا الصدمة ال ال نفسية ها؟ من إحساسك إنك مليونير إلى إحساسك إنك رديت كما كنت ها؟ ات مؤلمة يعني ها؟ اا، وأذكرها بوقتها أذكر أذكر يعني و وايد ناس مو كلهم مغامرين ولا هذا أكو ناس بفلوس حية مالتهم راحت، أعرف ناس آنا أموالهم ور- وو إرثهم.

اا طيب تذكر مثلا اشلون سمعت عن ال الموضوع أو يعني الصدمة الأولية-

لا ما سمعت بدينا نحسه ونشوفه بالسوق، لأ شوفي الله يسلمج تشوفينها والتداول كل ماله يضغر يخف يخف ماكو شراية ها؟ تسمعين هذا جيكاته ردت هذا [يسعل] هاي بداية النهاية.

وو وو شنو كنت يعني مثلا أول أول ما صار استيعاب إن المشكلة كبيرة وإن في اا أزمة-

[العيار يسعل].

خنقول أزمة شنو كان ردة فعلك ال الأولية؟

آنا آنا واحد يمكن هذا أحسن أشياء اللي سويتها ها؟ ما خليت سهم عندي خليته عندي، بعته-

في البداية؟

لا مو بالبداية لا لا لا وقت الأزمة ما خليت، وأكو ناس كانت تبي تشتري أي شي تسويه، بيع مدد فلان زين مو زين ما يهم بس ما خليت أكثر ناس تضرروا اللي احتفظوا بهالأسهم صارت ورق بيدهم، انا عندي عالأقل كانت أكو جيكات على الناس ما هالناس لما سووا هاي سالفة ال اا اا تسويات ومايشنو طلع لي كاش فيعني قصدي فيها هذي كانت أعتقد إنها كانت ردة فعل عظيمة بالنسبة لي هذي ساعدتني إني أطلع من الموضوع بدون أي عوار.

مم، بس مثل ذكرت إن في ناس تضررت بشكل كبير-

أووه.

اا شنو كانت من هذي الأضرار إذا تذكر؟

شلون؟

إذا تذكر لنا شنو كانت من هذي الأضرار يعني اللي اللي كانت مثلا خنقول في-

خو حلالهم راح، أكو أزيد من جذي؟ حلالهم راح.

والسبب كان إنهم-

مم؟

تمسكوا في ال.

إي يعني اا، يعني أكو ناس أكو ناس دشت وبعدين شنو، يعيشو- تعيشين بحلم جيكات هذا ام اا امية ألف صارت مليون- انتي عمرج ما شفتي مليون دينار جيك ولا مدري شنو هذا وانت ولد صغير ولا هذا-

مم.

فقصدي فيها إنو كانت كانت هالسراب راح بوش.

وشنو كان ال اا الوضع العام ردة فعل الناس بالكويت بشكل عام؟

أووه، اللي يبي يشمت شمت ها؟ واللي يبي يي يذم الحكومة وقتها ذمها واللي يبي- كل واحد على مشكلته وعلى هذا، مرعب كان الوضع-

مم.

لأن حاش اا affect everything.

شلون؟

يعني، يعني من أكبر مشاكل المناخ عقب المناخ الحكومة بدت تطلع ببرامج استملكت الشركات كلها تقريبا.

مم.

يعني النسبة الأكبر عندها، فهذي شلت القطاع الخاص كله، عرفتي شلون؟ ف.

وو وحضرتك مثلا اا اام لن ذكرت إن الوالد كان اا معارض لهذه النقلة شنو كان اا ردة فعله اا لما صار هذا الشي؟

لما صار إن الهذا؟

إي.

ل لأنه كان عالجميع ها؟ يعني مو آنا بروحي [يضحك[

[العلي تضحك] إيه فعلا نعم-

اا اا طايح ها؟ فيعني هانت.

وكانت علاقتك في الوالد اا جيدة في هذه الفترة؟

بعدين إي تعدلت و.

هذا في كان بداية الثمانينات؟

واحد وثمانين-

اا أه-

آنا استقالتي-

مم؟

واحد وثمانين شهر ثنعش.

نعم، وو بعد أزمة المناخ؟

المناخ أثنينة وثمانين صارت الأزمة.

نعم، اا بعد بعد أزمة المناخ شنو كانت اا تبعاتها؟ اا لك شخصيا ولل لل اا للجو العام في ال في الكويت؟

قلت لج القطاع الخاص دش في في coma، وو وآنا بالنسبة لشخصي قلت لج خ- انتق- انقلتني إني أشتغل ويا العائلة-

مم شنو اشتغلت اا مع العائلة؟

كان أكو عندهم شركة ااا تبيع وتشتري حديد وعندها مدري ها؟ أكثر من بزنس، وشركة ثانية عندها صناعات صناعة تسوي ducting flexible duct وتسوي ميشنو، أول مرة أدير انا جذي فتعلمت منها تعلم كثير وو بس قلت لج مليت من سالفة الأرث وهذا وها-

نعم.

فبستة وثمانين استقلت-

اا-

كنت بأثني- ها؟ من أثنينة وثمانين لي ستة وثمانين-

آه ف إشتغلت فترة يعني طويلة-

أربع سنين إي أو ثلاث سنين أربع سنين-

في ها في هذا المجال-

إي إي-

اا هل مثلا لما كنت تشتغل فكرت إنك ترجع لل للطيراان أو كان عندك إحساس إن انت-

لأ والله ي م من كثر ما اندقرت قلت ودي أرجع إلى شغلة هاي يسمونها nine to five يعني أداوم أرجع آخذ راتبي أطلع-

نعم-

ب بالصيفية أطلع ويا عيالي إجازة ولا شي مابي لا دوخة راس ولا أبي private sector ولا أبي-

شي اا يعني شي يكون stable ووهو-

إي وراحة بال ها؟

ومريح نعم، اا بس م مثلا ما اا اشتقت لأيام الطيران أو لهذي-

لا لا لا ما مو هذي اا شاسمه لكن لكن مثل ما قلت لج بغيت-

مم.

إني- وسعيت ترا إني أشتغل في مم ها؟ أشتغل في مكان إن أقعد nine to five بس اا ب الحمد لله ما مشيت جذي-

وو وفي هذا الوقت كم كان عندك من ال اا من ال اا الأولاد؟

ياني عاد ولد، صار ولد وبنت عندي.

اا بيداء و؟

ومبارك.

ومبارك اا ماشالله.

إي.

وكانوا اا يعني في الكويت مدارسهم؟

إي إي كانوا مدارس خاصة يعني.

نعم، اا وكنتوا تسافرون ذكرت في الصيف اا-

يسافرون كل سنة-

وين تروحون في الصيف كنتوا؟

اا يا لندن ها؟ ااا هما يروحون يجربون أماكن يعني ها؟ آخر اا ملت سنة الغزو كانوا بهامبورغ-

أووه.

مم مم إي إي، يعني بالصي- راحوا أماكن وايد يعني-

اا قبل لا ننتقل للغزو so في سنة اا ستة وثمانين اا استقلت من الوظيفة اللي-

إيه م من ويا العائلة-

مع العائلة وو وو اتجهت-

واشتغلت برايفت-

في-

ويا وها؟ مؤسسة ها؟ اااا شاسمه، مؤسسة ااا تملك المشاريع تملك أسهم في المشاريع وتملكها-

شنو كان اسمها؟

الفتوح.

الفتوح آه نعم، في س-

[العيار يضحك].

[العلي تضحك] في سنة ستة وثمانين؟

إيه، ش شهر ثمانية-

ااا اا شه- وو م شنو اللي دفعك لهذا المكان أو؟

01:26:22 - العمل في شركة الفتوح في منتصف الثمانينات

Play segment

Partial Transcript: لا لا والله صارت فرصة أخذ وعطا جذي وو وكانوا هذا ف اا عرضوا العرض وقبلته.

اام وشنو كان اا-

مسؤوليتي؟

إي شنو كان وظيفتك-؟

مسؤوليتي عندي حليب السعودية في السعودية كنت مسؤول عنه سادافكو ها؟ وأكثر من شغلة هني كانت عندنا صغيرة أتابعهم.

مثل شنو؟

يعنيي عندنا، شركة هامور أكو ها؟ وعند- وو عندنا مزارع في الجهرا ها؟ وعندنا الله يسلمج scaffolding company عند- يعني كانت مجموعة شركات-

مختلفة-

ف اللي ها؟ كنت أتابعهم انا.

طيب في هذي الفترة يعني خنقول من منتصف الثمانينات لي قبل التسعين كانت يعني فترة مشحونة جدا يعني سياسيا في المنطقة و واجتماعيا كذلك في الكويت اا ك- هل كان لك اام يعني علاقة في الموضوع- موضوع السياسة أو الوالد ممكن-؟

لا لا كنت كنت مش- كنت وايد بزي-

أوكي.

وكان عندي ها؟ كان عندي إن هذي الشغلة this is my last job ما ما ما هذا I have to succeed-

مم مم كنت ت اا ترغب إن هذا يكون أهوا نعم-

إي مرك- مركز وكانت وكانت الجهد اللي يبيها السعودية جهد جبير-

مم.

كا- وكانت شوية أكو مشاكل فكنت أوصل مرات الكويت يتصلون فيني أرجع بنفس اليوم.

اا إلى السعودية؟

إي.

آه.

يعني هذاك الوقت كثر ما هي ها؟

وكان عندك انتقال من الكويت السعودية-

إي إي على طول.

ك- شلون كانت هذي المرحلة اا من ناحية الس-؟

صعبة صعبة بعيد عن أهلك عائلتك.

مم، وو في في هذي الفترة ال اا الثمانينات ذكرت إن انت بشكل عام ترتاد الد- اا الدوانيات-

لا لا خفيف-

ما كان-

خفيف مو مو مو زايد أروح كانت مجموعة صغيرة بس بعدين وقفت.

ااا هل كان لك مثلا اا علاقة في أو مثلا تسمع عن دو- دواوين الأثنين في فترة الثمانينات؟

إي أسمع أكيد أقرا وأقرا وأتابع إي-

شنو كان ال اا شنو كان رأيك في هذي ال؟

كانت مجابهة بين السلطة وبين اا المجموعة ها؟ اا، آنا ما أتبع هذا ولا أتبع عمياني أت- انا أطالع القضية أقول هذي قضية ص- صح غلط الدولة ولا صح غلط هذوله المجموعة-

وشنو كانت مثلا ردود أفعال الناس بشكل عام اا في هالفترة؟

والله وايد ناس كانت متفاعلة، متفاعلة، شوفي الدولة ها؟ ااه، حلوا المجلس أكثر من مرة، وكثير من المرات اللي حلوهم الناس تقول بس فكونا منهم ها؟ بس أداءها ما بعد الحل ما كان بالمستوى اللي يخلي الناس ترضى عليها، ف اا يعنيي اا أغلاط.

وو مثلا من ناحية اجتماعية هل كان في فرق اا بالنسبالك يعني لاحظته بين السبعينات والثمانينات؟

إي أكو فرق.

مم اا شلون؟

يعني ال ال مجتمع سكّر بشكل عام يعني، ااا حفلات والمدري شنو والها- تسكرت كلها، الثمانينات عصر ردة.

مم من م اا قدوم مثلا الإخوان المسلمين و-

لا لا كانت الحرب العراقية الإيرانية اا ثمانية وسبعين ميجم ها أثرت أثر جبير عالكويت.

شلون؟

آنا أعطيج إياها م شلون واضحة، ال ال ال ال ال اا صار تخوّف داخل الدولة [يسعل] من المد الشيعي ومد اا ال اا، ف فصارت بالكويت تحفيز التيارات الدينية الثانية-

آه نعم.

ها؟ عطوهم الحريات وعطوهم الهذا-

كرد فعل يعني-

عرفتي شلون؟

مم.

ف اا [يسعل] فهذي هذي كانت اا شيسمونه-

في الثمانينات كانت شوية فترة منغلقة-

هاي من الق- اا من من من الغلطات الرئيسية.

نعم، اا فكان م ممكن نقول إن في فترة الثمانينات كان في اا من ناحية اجتماعية كان في انغلاق أكثر وو-

أكثر انغلاق وتراجع بكل شي، تراجع بالرياضة تراجع بالتربية تراجع بالمسرح تراجع بكللل.

وهل كان هذا الشي ملحوظ يعني من من قبل المجتمع بشكل عام ولا؟

مقبول؟

إي.

لا مو مقبول، بس شنو؟ الصوت مو عالي، الصوت العالي الأصوات الثانية.

نعم، اا، طيب اا إذا تفضل اا نتوقف عند مرحلة الثمانينات وال اا والمرة الياية نتكلم عن عن مرحلة الغزو؟

إيه.

اا بس مثلا اا بس اا يعني فقرة أخيرة عن اا مرحلة الثمانينات فإنت اا حضرتك بديت في ال اا شركة الفتوح في ستة وثمانين وظليت؟

لي تسعين اشتغلت بالمشاريع.

نعم، اا شنو كانت مثلا أبرز اا اا اهتماماتك في مرحلة بين الستة وثمانين لي قبل ال الغزو؟

اهتماماتي.

اهتماماتك الشخصية خارج عن ال عن ال-

إي.

ال ال العمل.

اهتماماتي بالستة وثمانين... my career-

مم.

يعني هذي كانت-

ركزت عليها.

ها إي ها؟ هذي اللي شيسمونه-

كان في تركيز عليها، اا طيب شنو اا هل كان عندك مشاريع شخصية خارج عن ال اا ال العمل؟

Very limited ماكو شي.

وو وو في العمل اا شنو كانت أبرز المشاريع اا من ناحية في شركة الفتوح اللي حضرتك اا-

اللي كنت مسؤول عنها؟ كان انا عندي قسمين اللي اهوا ال اا حليب السعودية سدافكو و و وهمبل كانت وقتها.

اا ذكرت كان شوية في عقبات من ناحية اا اا اا السعودية شنو كان-

في خلافات كانت هناك-

شنو كان أكثر ال اا ال الصعوبات اللي واجهتها شخصيا؟

هناك في السعودية؟

مم.

لا كان فل- خلا- خلافات شرسة بين الشركا، فحاولت شلون الشركة ما تتأثر، آنا كنت أحاول إني أبعد هالخلافات هذي عن عمل الشركة ك، لأنها كانت شركة ناجحة وممتازة-

نعم.

اا فما بغيت هذا يأثر فحاول- يعني حمدالله.

ف اا شنو مثلا أكثر شي يعني أكثر صعوبة واجهتها من هالناحية-؟

هذي هي اللي قلت لج ياها شلون تبعدين مشاكل الشركا عن الشركة.

وكيف قدرت تحقق هذا ال-؟

ااا tactical مثل ما [يضحك].

[العلي تضحك].

حاول تكسب أكثر ال اا الشيسمونه اللي موجودين هناك-

مم.

ثاني شي، لأن الرئيس التنفيذي الجبير مقتنع بوجهة نظرنا حنّا، فبلغت كل واحد مدير إدارة وكل شي قلت له لما أطلب انا منك شي ولا يطلب منك الشريك الآخر شي قول آنا بسأل مسؤولي ها؟ فلما هذا يسأل مسؤول وهذا يسأل مسؤول من يوصلون له؟ إلى الرئيس التنفيذي اللي هوا محسوب علي.

[العلي تضحك] نعم.

[العيار يضحك] فهمتي قصدي؟

نعم.

ف شوي شوي شوي شوي ليما-

هدأت الأمور، اا طيب في الكويت كنت اا يعني اا شنو منو كان ال الفريق العمل اللي اللي معاك اا-؟

Limited very limited.

مم، اا كانوا من الكويتيين يشتغلون في الشركة أو؟

وين في في ال اا في ال اا في الفتوح؟

نعم.

إي الشركة هي خاصة-

ال ال ال اام فريق العمل الخاص فيك يعني خل نقول اللي انت مسؤول نعم-

آنا فيني آنا one man show [يضحك].

آآه [تضحك] ما كنت اا ضمن فريق عمل مثلا كبير أو مسؤول عن ال-

لا لا ماكو كبير عندي محاسب وعندي اا سكرتير وعندي ميشنو-

فالشركة بشكل عام كانت يعني-

لأ آنا آنا شخصيا ها؟ ها أكو أقسام ثانية إي.

مم، بس القس- قسم حضرتك كان-

اصغير very limited very limited-

اا صغير جدا ف اا يعني حضرتك كنت مسؤول عن أكثر الأشياء-

إي بس بس مثلا تروحين سدافكو فيها huge اا setup وو تروحين أماكن ثانية فيها يعني.

اا هل في الكويت مثلا ال اا الوضع الاقتصادي يعني خاصةً بعد ال اا بعد أزمة المناخ هل كان في اا يعني صعوبات اا واجهتوها؟

ماكو قطاع خاص، خلاص ملزم عليه ديون عليه مدري شنو عليه هذا ها؟

انهيار تام يعني.

إي إي تام إي إي، ف كان survival بالنسبة لهم.

اا طيب اا استاذ فيصل العيار نقدر نتوقف اا هني في هالنقطة، شكرا.

نبتدي الحين اا اسمي ريم العلي وتاريخ اليوم اا أربعة وعشرين فبراير ألفين وواحد وعشرين وو الساعة تقريبا اثنعش ظهرا واحنا متواجدين في مدينة الكويت، اا في برج اا كيبكو وو اا اليوم الجلسة الثانية التابعة لبرنامج توثيق التاريخ الشفوي في مكتبة الجامعة الأمريكية في الكويت ومعانا الأستاذ فيصل العيار، أستاذ مرة ثانية شكرا على-

أهلا وسهلا-

موافقتك إجراء المقابلة، وو في المرة اللي فاتت اا كنا توقفنا في مرحلة الثمانينات-

مم.

اا تحديدا عند اا أزمة اا المناخ اا في أي إضافات تحب تضيفها على على على هذي الموضوع قبل لا ننتقل إلى الغزو العراقي؟

في ااا، مدام بديتي الهذا واحد وثمانين آنا استقلت من الجيش ووو كنت طيار وقتها نقيب طيار، ودخلت معمعة المناخ هذاك الوقت اا، ف، تجربة كانت اا، تجربة [يضحك] فيها فيها الحلو فيها المر وفيها كل شي بس الحمدالله احنا أقل ضررا من غيرنا يعني ها؟ ااا-

شنو الحلو اللي فيها؟

اا اا انتي شابة وو هذا وعندج إمكانيات ها؟ يعني تحسين إنج مليونيرة ت ت ت ت ترفين يعني ما ما مرت فلوس هالكثر بيدينا اا ف اا هذي هذي لهاا لها متعتها، بس بعدين لما تروح هالامتيازات هذي تحسين بآلامها.

وو ووم، منو كانوا مثلا اا أشخاص مثلا من التجار أو أشخاص تذكرهم كانت لك علاقة قوية فيهم في هذي الفترة؟

لأ في في في ناس واي- اا ك شوفي، المناخ تقريبا ها؟ دخل فيه الصغير والجبير الغني والفقير ال ال ال ال ال المتعلم المثقف وال اا جاهل، يعني كانت خلطة سلطة ما صارت، وكلمن يبي يصير نفس الهدف اللي هوا إنه يصير ي يملك اا ها، فتشوفينهم تشوفين ممثلين وتشوفين المغنيين وتشوفين ال اا-

[العلي تضحك].

في كلهم بال- بهالساحة المناخ هذي كانت، ف اا انسحرت العالم يعني والطمع والهذا كلها كل الأشياء اللي خطرة اظهرت للواقع.

اا تذكر مثلا شخصية معينة أثرت فيك لأنك إن اا الوالد ما كان له مجال بالاقتصاد كان أكثر بالسياة اا-

بس هم له حل اا حل يعني كان متابع وكل شي وكان ينصح الحذر والهذا.

و وأحد مثلا من اا من الناس اللي كنت تعرفهم معارفك أثر عليك كسواء سلبا أو إيجابا شجعك مثلا؟

والله انا كان عندي mind of my own يعني [يضحك] عرفتي شلون؟ بس كل واحد يسمع قصص يمين وقصص يسار، يسمع هذا يعطي نصيحة وهذا- كلمن يصير فاهم وو يعلم، مم بس ماكو الناس لو لع- لو الناس تعلم شنو بيصير جان كلها باعت شغلها قبل لا يطيح المناخ.

فعلا، اا ذكرت النصايح في مثلا نصيحة اا تذكرها ليلحين اا أحد قال لك إياها سواء الوالد أو أحد ثاني في هذه الفترة؟

الن- النصيحة إن لا تنعمي عينك ويا ويا اللي صاير خلك حذر، هذي من من-

وهل اا تظن إن انت اا طبقت هذي النصيحة؟

لأ آنا كنت حذر ها؟ بس يعني بال- المجال ما خلاني أكمل حذري ها؟ يعني ت س تسارعت الأحداث بسرعة بس كنت حذر.

اام طيب لما صارت الأزمة اا شنو كان اا شعورك؟ اا-

هذي شغلي وو شاس- ما عندي محل ومادري شنو هذا بس اا هاي إيراداتي يعني كانت، فكانت يعني اا ضغط نفسي جبير بس هذيج الساعة كان عند العايلة شركتين ف ااا الوالد كان على رأسهم فقال لي تعال امسك يالله، وييت اشتغلت هذي غطت الـ period ها؟ ثلث أربع سنوات.

نعم، اا ذكرت إن الوالد كان اا يعني مو اام م مو معارض بس ما كان موافق تماما إنك اا تروح في هذا المجال اا-

آنا هذي نقطة مهمة لأن هني جنه يقول لي ها؟ ما قلت لك انا ليش تطلع من وظيفتك وتستقيل وجذي؟ ما قالها بس اتحسينها بعيونه وب ه [يضحك] هذا إن هذا اللي خايفين منه.

نعم، و وحضرتك شخصيا هل شعرت بالندم ال هذي الخطوة أو؟

شوفي ياني وقت ها؟ كن- اا حنا من طلعنا من الجيش ومن هذا والمناخ وال- نسعى نركض ونج- ياني وقت جني أقول حق نفسي ها؟ يا حلو ط- يا حلو الشغل تروح تداوم الصبح وترجع العصر اا هذا وتروح إجازاتك ويا عيالك ولا مدري منو ولا ها، بس ااا يعني ال اا هذي هذي كان إحساسي يعني في إحباط يعني.

نعم وفي هذي الفترة اللي قلت ثلاث أربع سنين اا اشوية نقدر نقول مثلا اام نمط الحياة تباطأ شوية وأخذت مثل اا نوع من ال اا-

إي إي إي، اا ت تباطأ ها اا صح كلامج و، وو بدت اهتمامات اا تتطور ها كان وقتها ما عندي بيت أبي بيت كان مدري شنو جذي يعني ها الأشياء هذي.

اا وو ك كنت وين ساكن في هذه الفترة؟

أول فترة زواجي آنا سكنت عند بيت العائلة كنت، وبع-

نعم، في الخالدية؟

في الخالدية، وبعدين انتقلت ها؟ إلى إلى اا شقة عالبحر ها دورين اا كانت او very nice life فيها-

وين كانت الشقة؟

بالسالمية، مقابل التل السياحي تذكرين التل السياحي؟ هذا هو مجابلته مجمع كان وو وو كانت فترة جميلة عيالنا استانسوا تعلموا السباحة بحمام السباحة ها؟ ااا قعدت فيها ثلاث سنين تقريبا.

اا منو كان مثلا اا جيرانكم أو-

ما اا أغلبهم أجانب كانت-

آه نعم جميل-

أغلبهم أجانب، بس شنو؟ كانت تكلفة جبيرة، جزء جبير من راتبي كان يروح عالأجار يعني.

اا بس شنو اللي خلاك تسكن في اا مكان مثل هذا اا غير عن مثلا المناطق السكنية اللي معتادة أو في بيت العائلة؟

لأ بيت العائلة بديت انا تكبر عائلتي يعني عندي طفلين وعندي عرفتي شلون؟ بس إن اا وو واحد يبي الـ independence ويبي ال هذا ف اا الأجار وانا أحب البحر أطالعه وأحب ال ال هذا فكانت هذي موقع وو كان تصميمه حلو ال ال ال مكان.

وو ذكرت البحر اا اا هل اتحب نشاطات البحر أو لك علاقة-

والله كنا حنّا شباب نستانس عندنا طراريد ونروح نطلع البحر مرات للصيد مرات للتسلية مرات س يعني سباحة.

وين تروحون إذا اا-

نروح كبّر ها؟ انروح انروح اا على اليال اا جدام النادي البحري وجدام الهذا ولا ها؟ ف شيسمونه كانت كم- كانت جزء من يعني الكويت شفيها الكويت؟ الكويت بحر ولا بر.

اا تقدر تكلمني عن مثلا رحلاتك ال البحرية اا سواء مع الأهل أو الأصدقاء؟

اا ما مرات ويا عيالي أوديهم مرات ويا أصحابنا نروح ها؟

مم.

نستانس ط اا مر- مرات يمعة جبيرة نروح ب ب طراد جبير ها؟ يخت يعني ولا شي-

آه.

بس مجموعة خوش مجموعة كانت ش ويانا، ووووف نقعد نقعد يعني نطلع من الاهدعش مثلا ال ال الظهر لي الساعة خمس ست بالليل لما تظلّم الدنيا.

م من وين تطلعون مثلا من-؟

على حسب وين ال وين وين وين ت وين الطراد ولا اليخت ولا هذا وين فيه نطلع من هناك، يكونون في مري- وحدة من المرينات ونطلع من هناك.

وو تروحون مثلا جزر معينة ولا-؟

لا هذا هو العالم كلها اتيمّع بكبر ها؟

مم.

زين ولا لأ؟

مم.

وو والبحر حداق أكو مناطق بحرية يعرفونها يروحون لها.

وو حضرتك يعني تحب الحداق كذلك؟

والله أب- أحبه بس مو زايد يعني-

[العلي تضحك].

أمل.

نعم.

إي.

اام طيب ف بعد ما سكنت في في الشالمية انتقلت إلىى إي إلى مكان آخر-

إلى بيت بالأندلس، شريناه.

اا هذا في أي سنة؟

ستة وثمانين.

ستة وثمانين اام، وكان عندك من ال اا من العيال-

أثنينة-

بيداء و اا امبارك، اا وانتقلت إلى بيت في الأندلس اشلون كان طراز البيت؟ اام-

شلون؟ ب بيت كان جاهز مو مسكون وشريته.

وو شلون كان اا يعني عمرانيا شلون طرازه هل-

طرازه عادي مودرين ها اا نايس و well build ها؟ وكان affordable يعني هذاك الوقت-

نعم، وهل ااا يعني كان هذا أول بيت لك؟

هذا أول بيت أستملكه.

نعم، اا اا شنو مثلا تذكر اا شي انت أصريت إنه يكون موجود في البيت أو شي اتحبه في هذا البيت؟

لا والله خذيته كما هو-

آه.

إي يعني أكو maintenance أكو أشياء تصير هني-

نعم-

يمين يسار بس ماكو major change يعني-

نعم.

لأن كان فيه احتياجاتي تقريبا.

وشنو كان الجزء المفضل من هذا البيت بالنسبالك؟ يعني ذكرت إن انت لما كنت في أمريكا كنت تحب ال الطبخ مثلا وكنت اا ملك في المجبوس-

إي إي إي لا لا ما ما ما أطبخ لأن-

نعم-

لأن آنا عا- بالدور الثاني والمطبخ تحت ها؟

[العلي تضحك].

زين ولا لأ؟ ما ماكو لا مو هذا، بس كل أماكن عقبها ش شريت شاليه-

نعم-

make sure إن عندي مطبخي الخاص-

[العلي تضحك].

بش- بالعبدلي عندي مطبخي الخاص عندي-

نعم-

يعني لأني أحب أطبخ بس كل شي يمي يبني-

نعم، اا شنو طبخات الأخرى غير عن ال المجبوس اللي ذكرته-؟

لا مو ما أطبّخ مجبوس وما مجبوس اا أطبخ انا اا أقضب الكتاب وأسوي ها؟ وو وو ولما شوية طاحت إيدي قمت أسوي replacement إذا ما لقيت ال هذي، أعرف شنو إذا فيها حلاة حطيت شي ثاني م مقابلها وإذا فيها يعني شوي شوي ويا التجربة بس هالأيام والله صاير ردي في هالموضوع [يضحك]-

[العلي تضحك] فيُعتبر نوع من أنواع الفن الـ replacement هذي اللي ذكرتها-؟

أ إي إي و اا شاسمه لأ يعني متعة متعة يعني بس أسويها بين فترة وفترة الحين أسوي.

اا طيب في so في ثمانية اا في ستة وثمانين سكنت في الأندلس هل كانت المنطقة يعني مليانة ف- اا بالمنازل أو-؟

لا لا لا لا لا كانت شبابية يعني وايد شباب عندهم خذوا بهالمنطقة هذي.

اا تذكر مثلا كان من أصدقائك في المنطقة أو-؟

والله ما أذكر لأ اا م آنا شوفي-

مم.

آنا ااا الخالدية بقلبي كانت-

آه.

عرفتي قصدي؟

نعم.

ف ااا، ما عمري حسيت إني آنا ولد اا المنطقة هذي الأندلس ها؟

انتمائك إلى الخالدية كان-

انتمائي للخالدية وكانت عيني عالخالدية إن انا أي وقت يصير لي فرصة إني أرجع للخالدية-

اا كيف كانت ه- تأثير هذي النقلة على ال اا أولاد أوو-

صغار كانوا-

العائلة-

صغار.

وهل كانت مدارسهم في اا ف-

اا، اا مدارسهم البنت كانت بمدرسة ح ح حكومية بس الولد في مدرسة خاصة.

اا في ال في الأندلس المدرسة الحكومية؟

لا لا لا م لا إي ال اا هي لأ بالخالدية صارت إي.

نعم، اا وهذا كان في ستة وثمانين-

إي إي.

اام ذكرت إنكم كنتوا تحبون في اا وقت الصيف تسافرون إلى مناطق مختلفة-

إي.

اا اا بال بفترة الثمانينات اا شنو أكثر منطقة كنت ت تحب تزورها؟

اا مو اللي أحب أزورها لأنها convenient اللي إهيا لندن-

نعم-

كان الوالد عنده شقة هناك وجذي ويروحون ال العائلة هناك-

نعم.

بس همّا مم دائما يدورون مناطق جديدة يعني راحوا بالبرتغال مديرا وراحوا أماكن ثانية ها؟ يعني راحوا اا هامبورغ بيوم الغزو كانوا بهامبورغ هم؟

أوه، اا جميل قبل لا نوصل حق اا اا الغزو في اا خنقول نهاية الثمانينات اا اا شنو كان اا انطباعك عن الجو العام مع الأوضاع السياسية والتهديدات من من من العراق شنو كان انطباعك من ناحية اا سواء من ناحية اا اا مصالحك ال اا ف من ناحية ال الشغل أو من ناحية ال اا العائلة أو ال الأسرة؟

اا شوفي اا أحداث العراق وقبل الغزو صارت متسارعة يعني شهرين ثلاثة تصاعدت المسائل والحدة والحجي والكلام القوي، بس بالأول قبل جم شهر كان الشيخ العود موجود في الله يرحمه الشيخ جابر كان موجود بالعراق ومعطي قلادة م ميشنو ب العراق مدري ها وو وسام جبير وو و ويقول يقول آنا وصيت عيالي ها؟

نعم.

إذا أي شي يصير لي عند عمهم جابر، يعني عرفتي قصدي؟ ما كان أكو انطباع إن أكو مشكلة، صارت الأحداث تسارعت بالأخير آخر جم شهر، ف ف، اا يعني حنّا ما كان عندنا قلق يعني وقتها إلا بآخر الوقت يوم زادت حدة الكلام.

ااا اا لأنك ذكرت كذلك إن ال الوالد وو وو اا يعني ال في المجال السياسي-

لا بس استقال الوالد في سنة-

نعم-

في سنة أعتقد واحد وثمانين أو شي من هالنوع استقال هوّا.

نعم، وكان جدك عنده كذلك اا ديوانية اا أسبوعية-

من زمان إي اا، يومية مو د- مو أسبوعية إي.

اا طيب هل كان مثلا في اا حوارات تسمعها اا قبل لا تصير هذي الأحداث؟

هذي هذي وحدة من الأشياء ها؟ اللي أتحسر عليها، أتحسر إني ما استغليت هالوقت هذا وأخذت معلومات من جدي-

أوه.

عن أبوه عن أمه عن ها؟ اا ال الجهرا القديمة عن- هذي غلطة تاريخية لي انا.

شنو اللي أخذته منه من من قصصه أو من اا-

لا أخذت من شخصيته أحبه يعني شخصية كانت عظيمة.

من أي ناحية؟

م م أو أول شي اا ح- خلق لنفسه الاحترام والتقدير عند المنطقة ككل، صار من من من كبار اا رجالات المنطقة-

نعم.

رجل رجل أمّي يعني ما ما ماي- ماي هذا لكن لكن سوى ثروة لعياله ها؟ ااا اشتغل-

مم.

اا رجل عصامي يعني ما انولد ملياردير ولا مليونير هوّا سواها من نفسه-

نعم.

ف قصدي مم زيادة على رجل خير-

مم.

يعني يعطي ويسوي ويقدم و.

اا-

هذي أشياء كلها ها؟ اا أخذتها آنا منه-

اا تذكر غير مثلا عن صفاته تذكر قصص مثلا قال لك إياها عن طفولته؟

ما هذي اللي أقول لج أتحسر عليه إي!

أب- أبد يعني أو مثلا-

ن لا نسمعها من يمين يسار بس ما نسمع من- ها؟

شنو إهيا مثلا اللي اللي سمعت ع عنه؟

سمعت عنه، هم-

مثلا موقف بينه وبين أحد أو اا.

هم.

أو بينك وبينه شخصيا كذلك.

مم، لأ يعني اا ب بيني وبينه أهوا أهوا ما كانت علاقته ويا الوالد اا ك كويسة ها؟ وانا كنت بأمريكا وقتها الدراسة ورديت-

نعم.

وآنا أخذت جانب الوالد.

مم.

م اا مدة ما رحت له.

مم نعم.

ف، بعدين قررت إن ال لازم أروح له بس حسيته مكسور الخاطر-

آه.

ما ما ما، ما كان راضي.

وإنت كنت أكبر الأولاد الأحفاد؟

أكبر الأحفاد إي نعم.

نعم نعم، اا-

أكبر الأولاد الأولاد إي نعم-

نعم نعم، اا-

فهذي اا يعني ه-

حزت بالخاطر نعم-

حزت إي-

اا طيب اام اا نرجع ل للموضوع اللي أهوا الأحداث اللي قبل الغزو العراقي، ت اا ذكرت إن آخر بس آخر شهرين اللي تسارعت الأحداث اا شنو كان انطباعك عن عن هذي الأحداث؟

01:50:43 - الغزو العراقي

Play segment

Partial Transcript: احنا كل شي تصورناه بس إن يحتلونا ما ما مم، حسينا إن بيضغطون يبتزون يمكن ياخذون هالحدود شوية يمكن، بس محد توقع إن بيوم وليلة ها؟ اا يصير هالشي، ليلتها-

مم.

آنا أهلي مسافرين كانوا-

نعم.

وعلى إني آنا بلحقهم كان هذا اليوم الخميس الغزو صار-

اهم.

إن يوم السبت آنا مسافر لهم في شيسمونه في لندن راح أشوفهم-

مم، مم.

اا لندن ولا هامبورغ اا ماذكر والله ب اا-

وحضرتك كنت تشتغل فيي-؟

كنت أشتغل بالفتوح وعندي السعودية كنت حليب السعودية-

اا نعم.

بالسعودية والهذا كنت أتابعهم-

نعم.

المهم، آنا نايم ولا تص- صوت الطيارة ججج [يقلد الصوت] ها؟ فوق راسي، ت شنو صاير؟ اتصل فيني صديق-

نعم.

شلت التلفون الساعة ثلاث أربع الفير ميشنو، قلت له قال لي ها! العراق دشوا علينا قلت له شنو ش خ تخربط انت عراق قال والله العظيم ما آنا بالشامية هوّا بيتهم بالشامية يقول صعدت السطح ها؟ رموا فوق راسي [يضحك] ها هوا يقول، ك أوب أوب أوب أوب أوب، ركبت السيارة وطرت أول شي رحت للوالدة كانت الله يرحمها في شيسمونه.

كانت في الخالدية؟

بالخالدية إي، رحت لها ها ولا ولا عند نا- ولا عندنا ناس من عيال من اا هذا أهلنا موجودين في في اا شاليه عندهم بالدوحة ورايحين له ها؟

آه.

طرشنالهم هذا ويابوهم، تيمعنا شوي شوي تيمعنا انسباي اا زوجاتهم اا خواتي مذا، شوي شوي الحين ليلحين ما ندري نشوف هلكوبترات تطير نشوف الأرض، المهم، ااه ما يعني كله ك مثل مفاجأة لنا العملية، ف اللي صار اللي صار إن حاولنا نسوي يعني اا آنا بس يمكن لأني ال background مالي عسكري ولا شي قمنا نسوي خياش رمل ونحطها جنب الجام اا إذا صار شي شي هز ام، وقمنا ااااا نحط لزاق على ال ال اا الـ glasses ونسوي جذي-

آه.

ف،-

اا طيب قبل هذا لما طلعت من بيتكم بالأندلس لما سمعت اا-

إيه.

اام اا بالخبر اا شلون كانت الشوارع؟

ناس تمشي عكس الشارع [يضحك] ناس رايحة بس بالبنات رايحة قاضبة جنوب تبي تطلع تسافر تنحاش يعني أكو هيصة ها؟

هذا كان الصبح-؟

بس كانت أول اللي أول الصبح هذا إي-

إي، اا هل مثلا لاحظت تواجد عراقي مثلا اا-؟

ما شفت انا يوم انا بطريجي ما شفت، ما شفت.

نعم، وو وو وصلت الخالدية اا الصبح؟

إي إي وقعدت وخلاص انا هذا صار استقراري بالخالدية-

نعم-

ويا ويا الأهل لمدة السبع شهور كلها.

اا هل قدرت تتصل على أهلك في في لندن في أول يوم؟

إي نعم إي نعم اا كانت الخطوط مفتوحة-

نعم، مم.

ووو خاصةً ما اكتشفوه- مو قصوا الخطوط كلها-

نعم.

بس أكو كان كيبل س كويت سعودي و international ها؟ هذا طوّل ويانا جم يوم نقدر نتصل-

أوه.

فمرات اتصلنا بالسعودية الشركة تحولني على أهلي س-

آه-

يعني إي.

ااا اا طيب وقعدتوا اا قعدت-

إي-

عند الوالدة، اام في أول يوم شنو كان اا يعني شعوركم شنو أكثر شي ركزتوا إن تسوونه في أول يوم؟

شلون شلون نجهز الأكل الأشياء من هالنوع نبي انتأكد وو و واللي واللي بدا يدخل بالمناشير واللي يحاول مدري شنو يعني كله لغط وحجي وو ف اا وبعدين أول الأيام-

إي.

ما ادخلوا العراقيين ااا اا-

بالفرجان وجذي؟

بالفرجان والهذا ما ادخلوا بالبداية-

مم مم.

بعدين ما ندري بيوم وليلة ولا محاوطين منطقتنا كلها يدورون اسلاح ويدورون مايشنو يدورون، هذي كانت مرعبة ها؟

آه أها.

لأن في وقتها كان انا عندي رشاش ها؟ وحاطه تحت الصوفا، وطالع منه جزء-

آه.

وس- والضابط يحاجيني طقيته برج- اا يعني دزيته تحت ال [يضحك] الـ sofa ها؟ بريلي، هاي بز-

اا-

[العيار يضحك]-

هالقصة هذي اا م انت كنت في الخالدية؟

إي.

وو اشلون يعني يوا العراقيين اا طقوا على عليكم اا-

طقوا ال طقوا الجرس ها؟ طقوا الجرس ااا ص طلعنا فتحنا قالوا إن اا نبي نفتش، قلنالهم بس أكو حريم وأكو هذا عطونا جذي عشا، بس والله يعني اا خذونا طول وعرض ودشوا، جيكوا كل شي الحمدالله م- ما كان تفشيش بعد حتى هذاك التفتيش، ولا المناشير تحت ال اا هذا ال ك يعني الله ستر، الله حامينا يعني-

هذا كان في بداية الغزو في شهر اا أغسطس-؟

بداية بداية بداية إي ها-

اا طيب اام، اا-

وهل توقعناهم بيون بيوتنا، يعني مم ما كانت تخطر ببالنا إن يون بيوون بيوتنا-

وو في البداية اا بعد ما وصلت يعني بيت ال الوالدة اا متى أول مرة طلعت فيها مثلا بالسيارة ف-؟

لا والله أول الأيام-

مم.

We were very cautious ها؟

أوكي مم-

بس هم يعني آنا ويا نسيبي رحنا ندور ها؟ رحنا إلى السالمية ورحنا ورحنا، وعددنا الدبابات وعددنا ميشنو، وكلمناا liaison officer كان في في س في السعودية-

نعم-

ها؟ قلنالهم جذي جذي سيطرة جذي جذي-

هذا في البداية بداية أول الأيام نعم-

بداية بداية الغ- إي بداية ال-

اا تصف لي الشوارع في بداية اا-؟

ها اا خالية-

آه.

اا اا عراقيين بالشوارع اا ناس تبطل تواير تسرقها من السيا- يعني منظر كانن أعوذ بالله يخوّف، ف ااه، شلون مشت ما أدري.

ااا في البد- في بداية ال مثلا خنقول الأسبوع الأول أو الأيام الأولى-

مم.

هل كان في اا نق- نقاط سيطرة اا-

إي-

من البداية؟

إي بس ما كانت داخل المناطق-

نعم.

بعدين صارت داخل المناطق.

اا اا تذكر م موقف اا صار لك شخصيا أو أحد تعرفه في نقاط السيطرة اا هذي؟

إي وايد صارت أشياء يعني ها؟ يعني الوالدة صار لها موقف كان عندها جريدة تحتها مدري شنو فيها صورة الشيخ سعد الله يرحمه ها؟ زين ولا لأ؟ قال لها هذا سبيه قال لا هوّا االهذا، شسوت قالت سبيته [يضحك] بعد شسوي ها؟

كان يعني ضغط اا-

إي كان يقول لها هاا أرميج مادري شنو يعني-

حتى مع ال كبار السن نعم-

مع المرا جبيرة بالسن، ال ااا، أكو حادث صار جدام عينا يعني و ويا السيطرات كل الخالدية كانت سيطرات هذاك اليوم-

آه.

يت اسفطت سيارة نزل منها نقيب ويا واحد ثاني يسوق-

عراقي؟

إي عراقي.

آه.

مدري شنو التكريتي اسمه هني محطوط، ف اا قال من سيارته هذي؟ أكو مورسيدس ها؟ مالت نسيبي اا موجودة-

آه.

قال سيارتي، قال عليها بلاغ، قلت له انا عليها بلاغ ولا على السايق؟ قال [يضحك] على السي-

[العلي تضحك]-

ها؟ قال [يضحك] ها؟ زين، جان يقول لي جان، آل ها، عليها با- انتو ك السيارة كانت في في المباركية؟ قال والله لا رحنا مباركية ولا، جان يقول لازم ناخذها ها؟ ننن نفتشها ونسوي وال... زين نلحقكم؟ قال تلحقون مخابرات؟ زين، المهم شوفوا إذا أكو ذهب لكم داخل ولا شي لا تقولون العراقيين حرامية، يعني نحس إن يعني قعد يستهزئ صراحة-

نعم نعم.

آخرتها ه ها طق السيارة سلف وراح فيها.

أخذها من عند البيت؟

عند البيت، الحين احنا انتكلم على قريّب راس السنة.

آه.

قال، طلعنا بالتلفزيون ولا حاطينها وأربعة خمسة أشخا- ولا هذا التكريتي هذا اللي قال شاسمه ويا وياهم قالوا هذا صدناهم حرامية ميشنو وهم عاد العراقيين بالتلفزيون، واللي واللي عنده شي ها؟ يروح المخفر الفلاني، ف هذا ن نسيبي راح المخفر عطوه ورقة حتى ما كاتبين فيها المواطن العراقي الجديد-

آه-

ها؟ [يضحك] ، قالوا له تعال الكلية العسكرية، الكلية العسكرية هذا أول اا اا first of January-

آه.

فراح ويا صاحب لنا راح راحوا هناك ال ال اا شيسمونه، فقال له يقول جا ياني واحد هاللسان [يضحك] الحلو، هلا عمري هلا حياتي-

[العلي تضحك]-

هلا مدري شنو ها؟ يقول قال إيي روحوا شوفوا سيارتكم وحدة من هالسيارات اللي واقفة؟ فرحنا شفنا ما مو سيارتنا مو موجودة، قلنا له لا والله مو موجودة قال صبروا، يقول واللي يايبينه هذا شاسمه التكريتي ميشنو-

نعم.

يقول مواقف السيارات بالعامود اربطوه.

[العلي تشهق].

يقول بعدين يا يوا ناس برشاشاتهم طا طا طا طا طا يقول لي قام يفتر على البايب مال ال ال شاسمه، يقول ها اللي يقول لي حبيب وبنعومة وكل شي يقول يى قضب مسدس ورماه على راسه-

التكريتي؟

إي هذا التكريتي [يضحك]، ها راضين يقول لهم؟ قالوا لا راضين ولا شي، المهم، يعني هاي بداية اا س-

مم موق- موقف غريب-

يانا يانا يونا الأثنينة ويوههم صفر جذي هم؟ اا-

وهل اا حصل على سيارته ولا-؟

لا لا راحت لا لا-

ما ما حصل عليها-

لا عطوه تعويضات شي بسيط-

اام هل اا صارت مواقف أخرى من جنود عراقيين في عندكم في البيت؟

إي دخلوا علينا مرة ثانية-

نعم-

وقت الأجانب، فكانوا أكو أثنينة مدرسين إنجليز عندنا بالبيت-

أوه، أوه.

وهذي جريمتها اا-

إعدام.

إعدام إي، ف نحط حطيناهم بالكنقية ملت ال اللي فوق الحمام تكرمين-

اا شنو كانت علاقتكم في هذي المدرسين كيف ك-

لأ مدرسين اا مدرسين عيال اختي أو شيء من هالنوع-

نعم.

و واستغاثوا فيهم و-

و اا كانوا عندكم؟

كانوا عندنا بالبيت-

هذا في أي شهر تقريبا من الغزو؟

والله ما أذكر أجذب عليج ما أذكر، ما أذكر يعني هي عقب سالفة ال اا السلاح اللي تحت القنفة-

نعم.

ها المرة الثانية اللي يجونا فيها-

يعني قبل را- قبل اا ج- اا يناير نقدر نقول؟

إي ق- يمكن قبل يناير-

نعم، نعم نعم.

المهم، يونا وحتى طمرناهم بالكنقية وال مدري شنو، هذي كانت هممم يعني مم يوا داروا مم-

ما شافوا؟

ما ما انت- لا هم-

بس كيف ك- اا يعني اا اا عرفوا إن في أحد عندكم ولا بس اا ت تفتيش-

لا لا لا لا كانوا يدورون بالمنطقة ككل-

آه بشكل عام-

وبعدين خذوا بعدين بعدين قلت لهم انا خلاص يعني مدام قاموا يوصلون لي البيوت ما البيوت شرايكم تروحون مكان حنّا نييب لكم الأكل ونييب لكم-

نعم-

كل شيء وهذا وراحوا، بس إن كانت اا يعني قلت اا عقابها ال-

إي نعم-

وعندج بالبيت انتي خمسة وثلاثين آدمي مي جم ها؟

ن نعم، الجميع في خطر-

إي إي.

اا و وكانوا الأجانب هذولا ظلوا في أمان ال إلى نهاية-

إي ظلوا بأمان وطلعوا راحوا بأمان إي حمدالله إلى خير-

اا تعرف أحد شخصيا اا اا طلع من الكويت في هذه الفترة اا أو مثلا-

إي وايد وايد وايد وايد-

ساعدتوه على إن-

مغريات الطلعة كل يوم تجيلج-

نعم-

هذا بيروح هذوله يروحون ميشنو بس ه يعني آنا واحد أتكلم عن نفسي-

نعم.

قناعتي كنت إني حاس إنها ما راح تطول وحاس إني مثل ما شفت بدايتها ودي أشوف نهايتها.

نعم، شنو اللي خلاك تقعد؟

هذي، قلت لج ودي أشوف نهايتها.

اا-

وبعدين يعني، اا تعلق بهالأرض هذي الطيبة.

نعم، اا اام من ناحية المقاومة مثلا كانوا يمرون عليكم في البيوت أو-؟

والله حنّا ح يعني بيتنا كان مثل خلية اا خلية نحل ها، كان الشيخ علي السالم ها؟ من من رواد ال اا اللي ساعدوا الكويت في وقت الغزو-

نعم.

كان تقريبا يوم وترك عندنا بالبيت ها؟ ويجون ت يقابلونه، كان عنده وسيلة الاتصال عن طريق الستالايت خلتنا نتصل بعايلاتنا وأهلنا-

آه.

وكل شي، ااا ف فلوس كان يوفر-

ت توزيع حق التوزيع نعم-

الأم- الأموال توزيع والأشياء من هالنوع، كان إييبون ون- وو وتوزع- بس ترا هذي مو بس بيتنا-

نعم-

هذي بيوت الكويت كلها أغلبها ساهمت بهالموضوع هذا-

اا بس مثلا لما كانوا إيون شنو المواضيع اللي كنتوا تتكلمون فيها غير عن-

كان ل والله ضحك مرات [يضحك] مرات اا ها؟ مرات يقول عن صارت الأشياء إيون لنا يعني.

تذكر مثلا سالفة اا صارت اا-

حق علي؟

نعم.

إيي أذكر سالفة رحنا آنا وياه، وتكلمنا بالتلفون كان في في في في ااا شاسمه مو- الروضة-

مم.

بيت كان هوّا حاطه، المهم، وكلت انا خلصت ال شغلي، يينا نطلع ولا سيارة البلدية ملت- يايبينها من البصرة ما تشتغل ياللله ها دزيناها وياهم [يضحك] عشان تشتغل، انزين؟ المهم رحت البيت ولا هو ثاني يوم عندي اا علي السالم جان يقول لي ولا يوريني ريوله ها؟ اا شاسمه، قال تدري يوم طلعت يوم هذا يقول يوهم العراقيين امبين ياله بلاغ عنا ها؟ قام يطمر من بيت لي بيت ليما انحاش، يعني حادث كان-

نعم.

إي، ف ااه، الله يذكره بالخير.

اا شنو كنتوا تسوون مثلا من ناحية اا الأكل هل كانت م اا-

لا الحمدالله حنّا حريصين كنا ها؟

نعم.

كناا حتى بعضهم خيشة عيش وخيشة طحين وخيشة ها، ب بنينا عليهم تحت الدرج-

آه.

ها؟ عشان احتياطا مم زها، وقعدوا ليما الغ- التحرير.

وهل كان مثلا أوضاع الجمعيات كنتوا تروحون اشلون كانت الأوضاع؟

كل مالها تقل تقل تقل ليما هذا تعرفين ويا المعارف ويا الهذا ما الحمدالله، الكويت كان فيها خير نعمة ما صارت.

اا-

يعني ما ما عمرنا حسينا بيوع ولا ولا اشتهينا شي ما أكلناه.

[العلي تضحك].

والوالدة كانت رايحة المطبخ وراجعة هي تطبّخ الله يرحمها إي والله.

ماشالله اا طيب اام من ناحية المقاومة كذلك كانت توصلكم مثلا اام اا من- منشورات اا-

أووه ليه قبل أوخ، منشورات ها، حنا أحسن ما فيها عندنا كنا عندنا ستلايت، وانطالع السي إن إن يعني يعني شفنا-

آه.

إي إي.

اا تسمح لي بس أشرب قهوتي؟

مم تفضلي.

اا طيب من ناحية ال اام ال التلفزيون لأنك ذكرت مثلا الستلايت هل كان اا التلفزيون الكويتي عندكم مثلا-

ماكو كويتي-

اطلاع عليه أو يعني ال ال takeover من ناحية ال العراقيين هل كان في برامج معينة؟

أحداث سريعة كانت، مم، وتعلمينهم راح- راحوا رأسا حق وزارة الإعلام وها يعني سيطروا، كانت أكو إذاعات ما إذاعة متنقلة وما متنقلة.

ت تذكر مثلا مننها برامج معينة أو مثلا تلقين أو أشياء معينة تسمعونها؟

لا لا ب ب مم حنا نسمع الأخبار كنا ها؟

مم.

وتعرفين أول الأيام لاهين بعمرنا يعني ها؟ فيعني ماحد يسمع برامج ما برامج لكن ال اا اااه... أستغفر الله يا رب العالمين-

هل كان مثلا في اا عصيان مدني اا ابشكل عام؟

أووه أووه-

تقدر-

محد محد قام يداوم-

تقدر تكلمني عنه إذا تفضلت؟

لا تقريبا الكويتيين كلهم محد داوم، ما داوموا إلا الناس اللي اا عندهم عندهم اا مسؤوليات بالكهربا بالماي بالها؟ داوموا عشان اا الكويتيين بس الباجي محد داوم، ها كان عصيان عصيان مدني كامل.

اا وحتى المدارس حتى هذه الأشياء-

ماكو شي ماكو شي كلش-

اا اا طيب اا-

حاولوا بس ما-

مم، م اا من ناحية الكهربا هل انقطعت عليكم ال الكهربا في فترة الغزو-؟

أووه آخر، آخر جم أسبوع من الغزو ها؟ خرمسس مولية ظلما، بس حنا عندنا small generator-

نعم.

وو الأهمية له حاطينه على two things، واحد اللي اهوا الستلايت [يضحك]-

نعم.

عشان نشوف شصاير، والثاني على الفريزر حق أكو الج- لحم ولا مدري شنو ها؟ عشان ما يخرب.

اام طيب اا من ناحية أسرتك كانوا في لندن-

مم.

اا شنو كانت اا نشاطاتهم شنو شلون كانوا اا-

اا اا طل- عيالنا طلعوا مظاهرات بش [يضحك] بالشوارع بس يعني على حسب ال اا-

تذكر مثلا شنو م ال اا اا الشعارات اللي يرددونها في ال-؟

ما أذكرها انا هما هناك، بس اللي صار، اطلبوا منا نسجل أشر- أشرطة وحطوهم وحطوني انا بالسي إن إن بس مم مغي- يعني حاط على وجهي اا شاسمه-

نعم.

وأقول إن resistant قوية وإن casualties high وجذي ميشنو، سبحان الله اللي لقطها عندي ولد صغير في ها قال أبوي كاهو-

آه [تضحك].

ها؟ هناك هما أووه وعادوها أكثر من مرة-

مع إن انت اا اا-

لأ يعني مم حاط جذي على ها-

نعم.

ف قال أبوي [يضحك].

و اا يعني قدر يتعرف عليك من هذي-

إي يتعرف فهذي يعني.

اا اا طيب في الكويت مثلا كانت توصلكم أخبار عن المقاومة أو التعذيب؟

إي نسمع تعرفين فيها المبالغة وفيها الصجي وفيها الهذا.

ممكن تذكر لي اا مثلا ش شي سمعته أماكن معينة اا فيها هالأمور من ناحية يعني تعذيب مثلا مشاتل أو-؟

المشاتل سمعنا سمعنا في هيئة الزراعة وهم إن كان لهم سجونهم، في جامعة الكويت عندنا كانت اا منطقة عسكرية كاملة حنا بالخالدية.

ممكن تصف لي ياها؟

يعني تخيلي ويا التحرير ها؟ راحوا العيال وراحوا مدري شنو يمكن يابوا ألف اا كلاشنكوف، يعني من كثر ت- اا مستودعات سلاح لهم وكل شي، ف قصدي فيها اااا كل مكان همّا ها؟ بس لي لي كان احنا كنا قاعدين نسمع rumors إن ياخذون الناس بدوا بدوا ها؟ يانا واحد احنا قاعدين برا العصر انشوف العيال يلعبون جدامنا، جان إيي واحد جارنا جان يقول دخلوا داخل دخلوا داخل دخلوا داخل ترا قاعدين يشيلون الناس.

هذا أي شهر؟

هذي قبل يمكن قبل التحرير بشهر شهر ونص أو شي من هالنوع- يوم يوم خذوا ال هذولا اا-

الأسرى وال اا.

الأسرى، ندخل داخل ونطل من فوق فعلا سيارات تسفط تاخذ الناس وتمشي.

وشفت انت ها- هذا الشي-

إي شفته بعيني إي.

في أحد من جيرانكم اا-

واحد من جيرانا بس منو هو بالضبط ما أدري.

نعم.

بس كان يمشي راد من مسيد ميشنو-

أوه-

خذوه.

وو وين خذوهم؟

هذولي ودوهم ودوهم اا ها وبعدين هدوهم عقب التحرير.

اا تعرف أحد يعني مو شرط من فريجكم اا من العائلة أو من المعارف تم أخذه من ال-

إي إي اا بس من أو- أخو زوجتي اا خذوه، مم، أخو زوجتي كان يشتغل بالخارجية حاطينه عالحدود عشان يسوي الهذا، فأول ما صاروا فيهم خذوهم-

أوه، خذوهم إلى العراق؟

عراق إي.

كيف كانت تجربته في-؟

والله كلهم تجر- ها اللي تسمعينها الحين يعني ها؟ حسرة عليهم، مو سهلة.

مم.

ولا يدرون ولا أكو اتصالات ولا أكو، حنّا عالأقل أكو سي إن إن نطالعها.

وكان عندكم تواصل مع خارج الكويت؟

عندنا تواصل مع خارج الكويت عن طريق اا الشيخ علي السالم وال م.

اا أي اا قصص ثانية تذكرها مع اا الشيخ علي السالم اا سواء انت معاه أو مثلا أهوا مع اا أفراد ثا- اا آخرين في-

هوّا ما بقى أحد ما اشتغل وياه يعني ماشالله عليه كان هوّا بطل يعني في في هذاك الوقت، بس مثل ما- اا مثل ما قلت لج- لأ يعني وبعدين عنده كله يبي يضيف ازيادة على اللي قاع يسويه هوّا كافي بس اللي يسويه فلوس والمدري شنو اللي يب- لأ يقول لي ياني مرة جان يقول لي آنا قاعد أفكر أكو كويتيين موجودين هني عندهم خير وعندهم حلال وعندهم كل شي وعندهم عيالهم يدرسون برا-

مم.

شلون نوصل لهم فلوس؟ [يضحك] انت بالغزو انت حات نفسك قبل لا تحا- [يضحك] تيي الطلبة برا-

[العلي تضحك].

ها؟ أكو عندهم اا، فيعني هذي من شلون طريقة روحه يعني هو.

نعم، اا ذكرت ال اا اا الطلبة مثلا أو ال اا الكويتيين خارج الكويت اام عندك فكرة ش- شلون كانت أوضاعهم أو ال العناية فيهم اا-

الكويت ما قصرت رواتب مشّت سوت أشياء كثيرة يعني-

لل لخارج الكويت؟

لخارج الكويت إي.

اام اا من ناحية الأموال اللي كانت في الكويت اا تعرف أي معلومات عن طريقة توزيعها أو من ك- من وين كانت-

ماكو اا هيا مجهودات شخصية ها؟ كانت اا يسو- يعني صارت دورة اقتصادية داخل الكويت ها؟ التجار يبيعون بضاعتهم-

تجار كويتيين؟

تجار اللي يعني مم اللي موجودين-

مم.

يجي مثل علي السالم يكتب لهم وصل ياخذ فلوسهم- فلوسه منهم-

مم.

ويرد يوزعها على الكويتيين، وهمّا ياخذون credit برا حق يجيبون بضاعة ثانية-

نعم-

إذا أكو بضاعة، يعني فصارت دورة-

كانت أموال عراقية ولا-؟

اللي نستلمها؟

نعم نعم.

عراقية كلها إي كلها عراقية.

ويتم توزيعها على عوائل في الكويت؟

إي.

اا شلون طريقة التوزيع ت اا-؟

والله مادري آنا ايوني اا اا إيوني مثلا مليون ولا مليونين ولا مدري شنو كاش زين؟ وبعدين إييني واحد مثلا من الجهرا ها؟ يقول لي تعطيه هالكثر أعطيه إياه، مثلا م اا مثلا ما من من الخالدية عطيناهم جذي- ناس توزعهم توصلهم بيت بيت.

وو اا-

بس بس يعني آنا فعليا توزيع ما سويته لكن عن طريق ال الوسطاء-

عن طريق الأفراد اللي تكون-

الأفراد إي-

اا كان عندك اا اام أهل في الجهرا في هذي الفترة؟

ب أغلب أهل الجهرا طلعوا-

أووه.

كان الوضع مو زين-

مم، في الجهرا كان الوضع اا سيئ؟
إي إي إي إي يعني ااه.

اا تذكر مثلا مدينة الكويت هل زرت اا في السيارة أو؟

سويناها بس يعني ماكو خالية البلد، مرة- آه اشتغل اا انا قلت لج حنّا السي إن إن عندنا كانت وإيونا دواوين اللي حوالينا ولا شي يبون نسويلهم أشرطة يشوفون شنو اللي صار اا نسجل-

آه [تضحك]-

[العيار يضحك] صار مثل توزيع، فمرة يونا صفطوا قال حنّا وزارة الإعلام العراقية عندنا أوامر نشيل الـ dishes.

كان واضح ال؟

إي شكبره هذاك الوقت الدش مو هالكبره الحين صغير كان على ب بنص ال سطح، المهم، دخل ويانا قال حنّا ناخذ ال يسمونه الـ feed horn هذا اللي بالوسط، وناخذ الـ decoder.

مم.

قلت له ها؟ خ شالوا الفيد هورن هذا اللي فوق، وقال الديكودر نبي نشيله قلت له لا تدخل في نس نساء وكل شي شرايك آنا أييبلك إياه-

آه.

ها؟ وأعطيك إياه-

أوه.

قال لي أوخ- على خير آنا عندنا واحد قديم خربان-

آه [تضحك].

[العيار يضحك] شلته وخليت اليديد وعطيته إياه، المهم، الحين شلون نشغل الشيسمونه، شلون نشغل هذا اا-

من غير ال اام-

الفيد هورن، حمدالله واحد كويتي نسيت والله اسمه ها؟ عنده قطع غيار ماخذ اا ويى ها؟ وو وركب الفيد هورن لنا واشتغل السي إن إن مرة ثانية لو تشوفين جنه عيد عندنا-

آه.

ها؟ اللي أقول له، قال آنا بس ما آخد إلا كويتي، خل اا ها أبي كويتي دي- ما مابي اا فلوس عراقية، قلنا يصير خير إنشالله، ف هذي من القصص يعني الغريبة-

نعم.

يسألني يسألني هذا اللي يقص الها قال شلون انتوو شيسمونه؟

قدرتوا تر [تضحك]-

لا شلون تحطون ستلايت؟ حنّا ما عندنا إلا طارق عزيز مدري منو مادري منو اللي عندهم ستلايت، محد ممنوع بالعراق، قلت له والله حنّا بالكويت كلمن يبيع اا ها؟

آآه.

يعني عندهم- لقوا مرة بالتفتيش هذا لقوا اا الطابعة ها؟

مم.

قدمية ما مم مكسرة، قال شلون عندكم طابعة؟ ش قلت ش شلون عندنا طابعة هذي ملت ملت العيال، جان يقول، حنّا بال ب اا همّا بالعراق كل طابعة تنباع لازم موافقة وزارة الداخلية، وياخذون الأحرف مالتها لأن فيها الطابعة كلها فيها إشوية يصير عيوب مثل بصمات فلو يطلع منشور ما منشور يقدرون يرجعون هذا-

ي يتعرفون-

ويعرفون منو صاحب الطابعة.

فكان عندهم انبهار إن هذي الأشياء متوفرة-

إن موجودة عند الناس إي.

اا نعم اام طب ذكرت إن الشخص هذا ساعدكم في إن عنده قطع غيار و-

وسواها ركبه إي-

نعم، اا هل كان في تعاون بشكل عام بين الكويتيين أو اا جاليات أخرى موجودة في الكويت مع-؟

والله شوفي ويا الكويتية مناطقنا مثل خالدية ما خالدية كله كويتيين تقريبا ها؟ التعاون وايد التعاون، التعاون وايد يعني-

مم.

اللي يحتاجه تشوفينهم عيال المنطقة التنظيف ماشالله يس- ها؟ يشيلون الزبا- الزبالات ها؟

نعم.

اتشوفينهم التوزيع إذا أكو أغذية ولا شي- يعني كانوا أكو-

كويتيين؟

إي ويخبزون ويبيعون ويسوون يع ما الحمدالله.

كنت تعرف أحد يشتغل في مخابز أو في-

إي والله أخوي كان وياهم الله [يضحك] الله يقومه بالعافية بس اا كان ر يروح لهم المخبز ويبيعون يشرّون بضاعة ويبيعون مثل سوق جمعة صار عنده بالمنطقة-

في وين في-؟

يم الجمعية في الخالدية تلقى كل واحد مبطل ب- دبته ها؟ وأغراض اللي يبي يشتري-

شنو يبيعون؟

والله مادري أشكال وأنواع، أشكال وأنواع.

اا طيب اا في مثلا اا غير الكويتيين هل سمعت عن اا تعاون اا منهم مع الك- يساعدون الكويتيين مثلا في السر؟

والله تسمعين أخبار جذي وتسمعين أخبار جذي، بس يعني الأغلبية اللي آنا حنّا تعاملنا وياهم والله ما شفنا إلا الخير منهم وبس.

شنو سمعت مثلا تعاون اا مع الكويتيين مساعدات من من جاليات عربية أو أجنبية اام؟

يعني أعطيج مثلا انا مرة اتصلوا فيني ها؟ بس ااا بس قلت . تورينا كانت اتصلت قالت أكوو عيش يايبينه من الهند ميشنو هل عندكم أحد يعني قصدي كمية ها؟ يعني هذي وحدة من اا يعني الأجانب اللي حاولت-

نعم.

إي إي.

إن إن يساعدون الكويتيين.

إي إي إي.

اام اا في في نفس ال اا الوقت هل سمعت عن تعاون من من كويتيين مثلا مع العراقيين اام؟

والله قليل يا ها؟

قليل.

إي قليل حيل ما أنا ما يعني أكو-

طبعا.

يعني أكو ناس وايد عندهم اا نقطة يمهم ها؟ اا بس يعطونهم ويوكلونهم وها؟ خوفا من ال شرهم ها؟

نعم نعم-

بس مو حبا فيهم-

اا نعم اا يعني مو تعاون كثر ما أهوا اتقاء لشر نعم نعم-

مم إي إي مو تعاون إي إي بس أكو فعلا إي إي.

اا هل اا ال بما إنك ذكرت نقاط السيطرة اا يعني أحس إن هذي اا-

أعوذ بالله-

أمر مهم اا هل كانت في اا نقطة قريبة منكم في البيت-

أوه أوه-

أو مثلا في مسجد متواجدين العراقيين؟

لا لا كانوا بالشارع يمنا تشوفهم على عينك-

وشنو ك- الأشياء اللي تلاحظها أكثر شي ف في هذي النقطة؟

يعني الحركة خفيفة ها؟

مم.

عرفتي شلون الناس يعني من يشوفون النقا- وإييج وقت [يسعل] يصير كثافة نقاط، وقت يقلون ويوم يتكلمون وياج بنعومة وحلاوة ويوم يتكلمون وياج بشراسة، يعني ما أوامر مثل مكينة.

اا شنو م من ال القرارات اللي اا اطلعت اا من من ناحية السلطة العراقية خلال الغزو غير عن ال اا مثلا اام إجبار المواطنين إنهم يروحون الدوامات والعصيان المدني اا شنو من القرارات ال الأخرى ال اللي تذكرها؟

شي من الأشياء-

اام.

محد يستمع يعني بالنهاية-

بس مثلا-

[العيار يسعل]-

اا كان في ت تغيير اا اام ال اا-

الجنسية- ال ال ال ال اا شيسمونه الهويات؟

الهويات مثلا.

إي إي.

أو تغيير اا اام اام الـ licence مال السيارات-

مال السيارات إي إي-

اا شنو-

بس ما سويناها.

آه، ليش؟

هه يعني نوع من التمرد هذا.

اا بس كيف كنتوا ت يعني تمشون أموركم إذا ما عندكم اا مثلا-

يعني مو مو مطبقة حيل-

آه.

ما كانت اا-

أي-

تعرفين لا عندهم إمكانيات ولا عندهم قدرات إن يسوون نص مليون سيارة ولا مليون سيارة ولا.

أي قرارات ثانية تذكرها اام؟

لا قراراتهم هذي، وسالفة مثلا ااه، يعني أعطيج ااا قرارات مثلا منع التجول من الأشياء من هالنوع ال ها هذي كانت ت ت اا، في يوم الضربة الجوية-

02:20:00 - الضربة الجوية

Play segment

Partial Transcript: نعم.

الكويت هادية شابة ببغداد بس بالكويت ما ما محد ام، عمتي الله يرجمها ها؟ مرا جبيرة، قالت لي ولدي ببيتي، أبيك تييبه يا فيصل، أتكلم عن الساعة ثلاث الفير، ثنتين ونص ممنوع التجول الدنيا ظلما، ماقدر أردها انا مرا ها، قلت لها إنشالله، عندنا سيارة صغيرة ركب وياي أخوي وش- وشغلناها لا شبينا ليتات ولا سوينا شي، اا هما بالخالدية يمنا يعني مو بعيدين-

آه آه-

عنا نفس الق- رحنا بالسيارة طقينا الباب هوّا خاف ما فتح الباب زي؟ [يضحك] يحسب أحد ياهم-

نعم.

وأطق الباب المهم ليما طلع إلنا ويبناه ب بس لو صايدينا هذيج الليلة؟

ممنوع.

شنو ممنوع منع التجول، ها؟ ومطفين ليتات يعني باجر يقول لك هذا بيسوي شي ولا-

نعم نعم.

مم، ف [يضحك] هذي وحدة من الأشياء اللي كانت ااه.

اا قبل ال اا ال اا، الضربة الجوية سمعتوا عنها إنها راح تصير؟

شفناها!

اا قبل لا تصير.

لأ شفنا- اا شوفي-

آه.

آنا نايم ها؟ وياني أخوي متردد أخوي الصغير، بو مبارك قلت له شنو؟ قال لي شي غريب قاعد ينتقلون السي إن إن من الدمام ليي واشنطن لي ميشنو أكو شي جنه بيصير، ها ما صار شي ليلحين.

مم، هذا سبعتعش يناير؟

اا م متى الضربة الجوية سبعتعش؟ إي سبعتعش ي- المهم، رحنا بطلنا التلفزيون سي إن إن، حنّا بطلناها وجان تشتعل ببغداد، الحين الكويت هادية محد يدري، وتشتعل وها حنّا كلمنا أهلنا ونسناهم كلهم قاموا يغنون أغاني [يضحك] وطنية-

آه-

بالسرداب و، المهم... قوم ها؟ عقب يمكن ساعة ولا ساعة ونص جان تشتعل الكويت، اا مضادات توهم عرفوا مدري شنو مدري هذا اللي بالكويت قاموا اا يطقون-

نعم.

ف ااا، يعني شفناها ببدايتها، عندنا تصوير-

مم.

قاعدين آنا وأخوي ومادري منو ونلعب لعبة الـ manapoly ها؟ ماكو شغل ها؟ زين ولا لأ؟ ف وا- واحد من اا من أهلنا يدور علينا يسجل متى اتّوقع الضربة الجوية متى اتوقع-

[العلي تضحك].

الضربة الجوية متى ااه أخو واحد من إخواني قال بعد ساعتين مدري ثلاث ساعات وفعلا-

صارت-

صارت [يضحك] يعني جذي صادفت.

اا و اا اا أسرتك في لندن كان اا يعني عارفين في هذا الموضوع إن راح يصير اام شلون كان شعورهم إن انت بالكويت اام-؟

أكيد مرعوبين وكل شي إيه.

مم، و وصارت اا ال اا الضربة الجوية بس اا قبلها بفترة أعتقد كان في أو يمكن في هالفترة اا كان في يوم إن اا انطلب من الكويتيين إن يروحون في السطح ويكبرون-

ها لا ها قبل قبل-

تقدر تذكر-

رمّوا رمّوا فوق راسنا الله أكبر الله أكبر ليل ها؟

ت اا شاركتوا في هذا ال-

إي شلون كلمن-

تذكر- تقول لي عنه-؟

طلع الكويت كل الكويت طلعت على السطح اا يقولون الله أكبر.

وانت كنت اا منهم وو أهلك؟

إي ويانا والوالدة وياهم وكلهم، رموا علينا فوق راسنا من جامعة الكويت مم.

وكنتوا كلكم متواجدين في السطح؟

إي إي اا وحنا وهذا وبعدين نز- اا نزلنا عاد يوم صارت اا-

اا شلون سمعتوا إن لازم تسوون جذي يعني؟

تكلموا والكويتيين تعرفين-

نعم-

يتناقلون الحجي يعني.

اا كان في مثلا اا المقاومة اا ات- اام اتوصل رسائل عن طريق الراديو ولا عن طريق-

لا لا لا.

ما كنتوا ت اا من كلام متناقل بين الناس؟

من كلام إي الناس إي.

اا و وصلت لكم إن هذي هذا-

إن هذي هذي مو مقاومة هذي اا-

بين الناس.

يعني بين الناس إي.

اا اا طيب بعد ال اا ال الضربة الجوية اا خنقول الأسبوع اللي عقبه أو اليوم اللي عقبه اا شلون كانت الأمور؟

وييه الناس اتحسب خلاص التحرير باجر.

مم.

ما دروا إن شهر الضربة الجوية ها؟ أكو واحد بالليل طالع حاط أغاني وطنية بسيارته ويدور، اا ها الحمدالله- إنشالله ما صادوه بس، نسمع، فكلمن كان متوقع إنها بتخلص-

نعم.

شهر كامل، اا وبعدين ااه، وتعرفين هذاك الوقت الناس تنوخذ من الشوارع ها؟ ظلما ها؟ الناس اللي هذا تحاتي أكل ها ولا شي لأن كل-

نعم-

شي مسكّر كل شي، ف.

شلون كانت هالفترة؟ هذي الشهر اللي قلت عنه؟

عندي واحد نسيبي مم حاط جم دياية برا ها؟ [يضحك] شفته، من كثر ما كان اا ال يشيلون الأوادم بالشوارع كان يقل لهم أكلهم من ورا [يضحك] السور-

عشان ما [تضحك]-

من ورا الطوفة ما يطلع برا [يضحك].

وكانوا ياخذون كثير من الشباب أوو اا-

اللي بالشارع، اللي بالشارع ياخذونه كانوا يبون مئات الألو- الآلاف يبون لأن عشان يحطونهم شيسمونه shield لهم.

مم، و وفي هذا الشهر كانوا ياخذون الكثير من ال اا-

إي في إي-

فكان مثلا اا عندكم الشباب أو مم اا-

ها كنا حنّا نركّدهم نقعدهم بالبيوت و-

ما يطلعون وو-

لا ماكو طلعة هذاك الوقت- وقفت العملية خلاص من صارت الضربة الجوية انتهى.

وو اا وشنو كان اا يعني انطباعكم شنو حسيتوا إن هالفترة راح ت تكون طويلة هل كان عندكم توصلكم-

ما ندري احنا نحسب خلاص بيطقون اليوم ولا باجر يدخلون عقب باجر.

وش- اشلون وصلتكم أخبار إن يعني الوقت المعين أو-

ننطر كل ننطر بس ننطر.

وو اا خل نقول ال اا اللحظة اللي سمعتوا فيها إن الكويت تحررت؟ تذ تذكر-

اا قبلها خن أقول لج سالفة أكو ها؟ كان واحد يشتغل معانا إحدى الشركات وو عن وو شركة الأهل ها؟ عندهم أغراض وما أغراض وكل شي على إنه يلقالنا أحد يشتريها قبل لا يبوقونها العراقيين ها؟

مم.

المهم بعدين يوني جان يقول لي ترا أخذ البضاعة كلها وداها بغداد، المهم، اتصل- اتصلت فيه آنا قلت له اا إدمون ليش اا وين الأغراض؟ قال لا وديناها بغداد آمن هناك ها؟ وبيعتها أسهل يقول، قلت له ما يصير وجذي جذي جذي جذي جذي المهم، ه آنا ونسيبي قاعد يمي سكرت منه التلفون قلت له ترا ما ما ما ما راح اا أخليك آنا ها؟ اتصل فيني واحد قال لي انت فلان الفلاني؟ شريكه اللي يابوه محافظ بنك مركزي بالكويت، شريك هذا اللي ال ال شيسمونه-

اللي اتصل-

اللي أخذ اللي أخذ اا الأغراض-

آه.

قال لي انت فلان الفلاني؟ قلت له إي نعم آنا فلان الفلاني، قال شنو انت تحسب نفسك بال بالعهد البائد؟ ها؟ ت ت تهدد الأوادم وتهدد المدري شنو وت، قلت يبا آنا أهدد حقي.

آه.

قال لي حقك؟ حقك آنا آخذك المخفر وتشتكي، يقول لي، قلت له آنا بروح ها؟ حق المحافظ مال الكويت وبروح له أشتكي-

مم مم.

اا آنا جذي يعني صار ردة فعلي قوية عليه-

نعم.

المهم، ها؟ قال إي ها وسكرنا التلفون، وو ونسيبي يطالعني يقول لي شتقعد تسوي انت؟ دق تلفون مرة ثانية جان يقول لي أول ما، أول ما تروح تشتكي قول لهم إنك وكيل الشيخ صباح الأحمد.

أوفف.

قلت أول ما أقول لهم إني آنا وكيل الشيخ صباح الأحمد.

أووه.

جذي واحنا واحنا [يضحك].

نعم.

نسيبي يقول لي عقب ما سكرت شقلت له انت [يضحك]-

نعم آه.

ش ها ح، ما تقعد إلا تطلع من البيت.

مم، مم.

المهم هذا رحت طلعت من البيت رحت حق ناس اا معارفي-

نعم.

بس ما طولت قلبي على عيا- خ اا خ اا على على اليهال واللي هناك وال، المهم ما صار بالليل إلا رديت البيت، شردك ش اا؟ عقب يومين صارت الضربة الجوية.

آها.

إييي هذي سوت relief.

نعم.

ها؟ إي [يضحك]-

اام اا طيب ذكرت السرقات العرا- ال اا عراقيين اا وكان عندك ط اا يعني التزامات مع الشركات تذكر اا؟

يعني لا هذا اللي قلت لج ياه ما يعني كل شي ياخذونه.

اف من اا مثلا مكاتب من ال؟

يعتمد هما لا كانوا يبون كنديشنات يبون [يضحك] مدري شنو ها؟ يبون الأشياء اللي محتاجينها هناك.

وو اا.

والحجي وقتها صار ضغط على الشبكة مالتهم البصرة بسبة الكنديشنات اللي خذوها من الكويت-

[العلي تضحك].

إي إي وصارت عندهم حراي- حريجة اا يعني حرايق وهذا.

اام اا طيب اا سمعت من هذا الشخص مرة ثانية اللي اتصل عليك؟

لا لا لا [يضحك]-

ما ما سمعت عنه؟

لأ بس شفت اللي اللي اللي خذا أغراضي.

آه.

شفته وطلعت آنا مسد- ها بالتحرير-

آه.

طلعت عليه المسدس، ويت حلفت علي أمي الله ها؟ إني ما أسويله شي، وبعدين سفرته السفارة ال الفرنسية.

نعم، اام طيب اا هذا القصة ضرورية-

[العيار يضحك] إي.

02:29:30 - تحرير الكويت

Play segment

Partial Transcript: بس قبل لا نوصل لها لأنك ذكرت التحرير اا وين ك كنت موجود لما سمعت أو لما سمعتوا انتو كأسرة إن الكويت تحررت؟

تحررت؟ في شيسمونه في في الخالدية.

مم، وشنو كنتوا قعد تسوون لما سمعتوا؟ اللحظة اللي سم-

ان انطالع السي إن إن ونطالع الجيش ودشته وكل شي، وبعدين يعني هدوا كلمن راح يطالع ويشوف هالجنود اللي دشت وال.

كان في نقل اا حي لل اا اا-

إي في السي إن إن إي إي إي إي-

وكنتوا تشوفونه مباشرةً-

إي أشوفه لايف إي لا إي إي-

اا شنو كان شعوركم؟

ااا ش اا بل بلدتك اتحرر؟ ياه، وف وو كان أكو ناس عندها الغضب وأكو ناس عندها الهذا وهناك س-

مم-

وبدا يصير كلام كويتيين الداخل ودكويتيين الخارج خرابيط يعني كان اا ها؟

اا هل كان في اا مثلا اا، اا غضب أو حساسية بين اللي ظلوا في الكويت واللي-

أوه أوه أوه أوه إي إي، إي هذول اللي بالكويت الحين يحسون إن خلاص لازم هما ياخذون امتيازات ياخذون كل شي ياخذون، إي بس.

وو اا طلعتوا في اليوم اللي سمعتوا فيه إن الكويت تحررت؟

إيي طلع طلعوا-

و وين رحتوا؟

آنا حاشني مثل إرهاق انسدحت ها؟ يعني-

بعد كل هذي الأحداث-

كل الأحداث وال والوقت وز- وكأن كأني ماشي عشر تالاف كيلو-

نعم.

انسدحت بس أطالع السي إن إن-

راح الكابوس؟

إي لا مو بس راح الكا- هم هم راح مسؤولية جبيرة البيت كله مسؤولية-

نعم، وو اام هذا كان في أي يوم؟

يوم الخ- يوم التحرير.

وو طلعتوا شفتوا الأوضاع بالكويت-؟

طلعوا شافوا إي إي وشافوا ناس ميتة ب بسياراتهاا اللي العراقيين اللي منحاشين اللي طقوهم على طريج الجهراا وراحوا-

آه، اا اا طيب شفتوا مثلا القوات في ال في الشوارع-

إيه، إي-

شنو منو شفتوا أو شنو الأشياء اللي شفتوها؟

الأمريكان كانوا موجودين السعوديين موجودين يعني المصريين بعدين يعني-

اا-

الكويتيين-

اا ك هل كان عندكم مثلا interaction مع أحد ال-؟

و اا يوكلونهم يدخلونهم يغدونهم ويانا وهذا إي يعني-

عندكم في البيت؟

إي إي إي.

اا الجنود من اا-

الجنود أمريكان وهذول-

التحالف؟

مم مم.

ااا تذكر مثلا اا قصة صارت لكم مع أحد أو؟

مم لا هذا آنا مثل ما قلت لج هذاك الوقت ها؟ كأنه هم وانزاح-

نعم-

ها؟ و أبي بس الهدوء مثل ما يقولون-

اا اا طيب اا متى أول مثلا مرة زرت فيها مكتبك بعد اا بعد التحرير؟

إي منظر عجيب غريب رحت له ها؟ كان-

وين كان؟

كان بعقارات الكويت.

مم.

داخل البلد مكتبنا مشاريع ها؟ لما تدخلين وتلقين عالمكتب جرايد عشرين ثمانية، اا عشرين إي عشرين ث مثل اا-

أثنين أغسطس إي-

اا اا إي ها؟ متى ت الغزو أثنين؟

أثنين أثنين ثمانية نعم.

إي أثنين ثمانية ها؟ الجرايد على المكتب، وعندنا شباب الحمدالله كانوا جيدين طلعوا الملفات وطلعوا هذا-

آآه.

إي إي وو قبل يعني ها؟ وبعدين كان عندنا سجاد حنا سجاد عندناااا-

أنتيك-

أنتيك وهذا-

مم.

حطوهم بالـ duct مال اا التكييف ف بعدين طلعناهم وكل شي- بس هذي ذكراي منن المكان إن جريدة ال اا أثنين ثمانية-

موجودة من ذاك الفترة-

على اا-

اا اا شنو لاحظت من ناحية ال اا الدمار ال يعني اللي شفته مثلا بالمكاتب أو بالشارع-؟

اا احرقوا الفنادق هم؟ اا حرقوا حاولوا يحرقون محطات الكهربا، اا اللي كان مؤلم حر- الحرايق النفط يعني-

نعم.

يعني تشوفين ثروتج قاعدين تنحرق من رجل مجنون.

اا اا رحت شفت مثلا اا قريب من ح حرائق النفط أو ش اا-

شوفي ليلتها جاني واحد من العيال عندنا قال لي الشمال مثلل مثل النهار، رأسا رحت فوق السطح ها؟ طليت ولا بدت ال ولا النيران مالت الآبار تبين على ك طول ها، قلت سواها ابن الكلب-

أوه-

كان يهدد أهوا فيها ها؟

نعم نعم-

يهدد فيها سواها، ااا بس شنو عشنا عشنا فترة الدخان والهذا و وقتها مطر ي أسود يصب علينا يعنيي عايشة فيها انتي.

كارثة بيئية-

بيئية أوخ-

اا شلون كان اا يعني وصف ال الجو؟ ال ب اا يعني مثل لما انت تطلع من البيت شنو كان-؟

حزين.

مم.

حزين ويا- يعني خلي الشباب مستانسين ويدورون بشوارعهم وأغاني بس حزين لما تشوفين هالسواد ظلما الدنيا بعز النهار ها؟

نعم.

ظلما و وتحسين إن يعني اا وراج شغل وراج ااا الكويت لازم تعاد بناءها وتسوي-

نعم.

وكنا متفاءلين وايد إن ش كثير من الإصلاحات راح تصير والتطور والهذا مع الأسف الشديد ما.

مم، طيب اا أسرتك متى رجعوا إلى الكويت اا-

رحت لهم-

آه في متى؟

والله آنا هم كنت محظوظ طلعت من اا طلعت بكير من عقب الغزو، رحت لي السعودية، ومن السعودية رحت لمصر كان الوالد موجود اهناك-

في أي شهر هذا طلعت؟

اا بنفس ال ااا شهر الغ- اا التحرير-

بعد التحرير على طول؟

ن ن إي بعده بأسبوع عشر تيام يمكن-

وطلعت بالسيارة؟

لا لا لا بطيارة-

مم.

كانت طيارة كويتية-

نعم.

رحنا السعودية، ومن السعودية رحت الطيارة كويتية لي شيسمونه ليي، لي مصر شفت الوالد وو والوالدة راحت هناك وبعدين طلعت لندن.

شلون كانت الأوضاع في مصر؟ بالنسبة للكويتيين؟

انا ما- رحت عشان الوالد شفته جي يومين ثلاثة-

زيارة مم-

وطلعت ي ما ما ما ما طولت يعني.

وبعدين رحت إلى لندن لأسترك-؟

لندن عاد ما شفت أهلي سبع شهور-

أوه.

ها؟ ف ركضتهم بالمطار بس اللمة هذي اا.

اا شلون كانت أمورهم في لندن كانوا مرتاحين و-؟

حمدالله يا رب العالمين حمدالله يعني شقتهم ها-؟

نعم.

شقتهم-

نعم.

وثاني شي انا أول ما صار الغزو طلب اا التحويل لهم مبالغ في الها-

نعم-

فالحمدالله يعني عاشوا-

أمورهم كانت اا ممتازة، اا وقعدت في لندن اا فترة اا-

إي يمكن قعدنا أسبوعين مدري جم ها؟ إي.

وبعدها؟

بعدين عاد رجعت انا حق شغلي وحق هذا-

الكويت؟

إي الكويت والسعودية-

اا و وأسرتك رجعت معاك كذلك؟

لأ كانوا عيالي بالمدارس-

نعم-

هناك ها؟ اا وو وزوجتي حتى تدرس art ها؟

آه.

ف ااا شيسمونه-

ظلوا في-

ظلوا هناك وبعدين شريت لهم مكان برا لندن بـ Bath لأن قريب يم مدارسهم وجذي-

نعم.

ف-

اا طيب-

قعدوا سنتين قبل لا يرجعون-

حضرتك رجعت اا من لندن إلى الكويت فيي-؟

الكويت والسعودية شغلي والهذا كله-

في خنقول مثلا اا اا بشهر أبريل شهر مايو؟

لاء-

قبل؟

لا لا التحرير متى التحرير؟ اا-

اا فبراير-

ن اا فبراير يعني بشهر ثلاثة-

شهر ثلاثة، لما رجعت اا رجعت بالطيارة؟

اا رجعت بالطيارة-

شنو أول شي شفته وإنت راجع؟

سواد الد الدنيا وال والآبار ال اا يعني، منظر مو.

وو وو وصلت الكويت وقلت إنك رجعت ل للشغل و-

إي إي-

اا اشلون كانت مرحلة اا إعادة الإعمار أو خنقول الحياة ترجع شبه طبيعية في هذا يعني في مارس إبريل-

مم.

اشلون كانت هالمرحلة؟

والله ب اا الناس كانت متفاعلة وتبي ت ترجع الكويت وو عرفتي شلون؟ وو هم زال ها؟ اا ف ااا

02:37:00 - فترة ما بعد التحرير في التسعينات

Play segment

Partial Transcript: والله انا يعني يعني ش شغلنا مثلا اللي بالسعودية ما توقف-

أوكي.

يعني يينا مم ردت آلي- الآلة مرة ثانية تشتغل بقوة ف فقصدي الشغل بالكويت لأ في بعضه يبيله شغل يبيله ترتيب ويبيله هذا، بس يعني ما أذكر في عراقيل يعني كانت الحمدالله الأمور smooth.

وو اا بيتك في الأندلس اا.

بعته آنا وين بز ب إي-

آه.

بعته، وو سكنت شريت بالخالدية ردي- ها؟

ف في الغزو كنت في الغ- ما كنت في الأندلس؟

بالغزو بالأندلس-

آه نعم بس بعد ال اا ال بعد التحرير هل اا رجعت زرت بيتك في الأندلس أو-؟

عشت فيه لا عشت فيه إي إي عشت فيه-

آه، اشلون كان هل كان في أحد مثلا من العراقيين استغل مكان البيت أو-؟

لا والله كان عندنا أكو عائلة يمنية ها؟ هو ويا عياله ومرته سكنوا البيت، فحافظوا عليه.

جميل.

و و و و ورجل ديّن الله يرحمه ها؟ توفى، لو تشوفين ش الآيات اللي كاتبها حوالين البيت كلها أعتقد تخرع أي واحد يدخل ها؟

[العلي تضحك].

زين ولا لأ؟

نعم.

وايد ديّن هو ها؟

اا نعم، هل كان عندك تواصل مع أي- مثلا أحد من الجالية اليمنية أو اا غير عن هذا الشخص-؟

لا كان هوّا ي-

نعم-

يجي وهذا، وو.

اا بما أنك ذكرت يعني من هالموضوع اا هل تذكر كيف تم تم اام مثلا سد الفراغ من ال ال ال الناس اللي ما عادت متواجدة بالكويت من ناحية الأعمال في م- في شتى المجالات؟

حنا عندنا بالكويت دايما زيادة عمالة [يضحك] زين ولا لأ؟ في ها؟ ف ماعتقد اا-

بس مثلا انت شخصيا في في مجال عملك هل-؟

ماكو عمل هذاك الوقت ما نداوم ولا نسوي-

لأ بس هل حسيت إن افتقدت اا اا أشخاص معينين أو اا كفاآت معينة؟

ااا ب، لأ يعني ما- الحمدالله حمدالله.

كان في سد لهذه الثغرة-

إي إي إي.

اا طيب نرجع حق السالفة اللي ذكرتها عن الشخص اللي أخذ البضاعة.

إي.

شنو صار بعد ال التحرير اا هل يعني-؟

ياني وقال لي آنا مو آنا ولا ميشنو ها قام يحاول يبرر وانا طلعت بمسدس.

في البيت؟

بالبيت انا كان عندي مسدس طلعت فيه ها؟ وو وو فيني غلة عليه يعني إن ش شخلي أحد يهددني ويخلي ها اا شاسمه.

آه مم.

اا عرفتي شلون ف بس الله يرحمها الوالدة قضبت فيني وو ها وو حلفت علي قالت لي ما ت اا، خليناه، الم- علمنا عليه المقاومة ها؟

اهم؟

ااا مادري شصار عليه بس إن سمعت انا بعدين إن اا سافر عن طريق السفارة الفرنسية.

فرنسي أهو كان؟

إي وعنده الجنسية الفرنسية.

نعم وو اا طيب من ناحية المقاومة في هذي الفترة هل كان مثلا في اا جهاز شرطة معين أو كانت المقاومة إهيا اللي اللي تحافظ على الأمن خنقول في فترة فبراير مارس عقب التحرير؟

لا لا الشباب الكويتي مستهدين يطلع بسلاحه ويقضبون يجيكون على السيارات اللي مارة يطالعون -

نعم-

أكو عراقي ولا ماكو عراقي اجتهاد شخصي-

وهل كان-

مو مو تنظيم يعني-

هل كان في وجود تواجد عراقي اا يعني بالسر أو في أماكن معينة؟

لا لا لا مو بالسر أكو ناس نايمة وما تدري إن هذا، بس يعني ما انسحبت ويا القوات.

مم.

ف يبي يلحقون ثاني يوم وانصادوا.

نعم، اا اام وكيف كان- تم التعامل معاهم؟

مادري عاد عن هال-

ما عندك-

ما دخلت انا بالموضوع يعني-

نعم، اا اا طيب اا اا-

بس لو لو تشوفين ليلة الانسحاب-

إي-

هم؟ ليلة انسحابهم يعني، شي منظم ما صار كل شوارع الكويت باتجاه-

آه.

باتجاه رايحة صوب الجهرا والهذا كل- تشوفين الليتات ملوتهم كلهم وسيارات دوريات اتدش المناطق اللي مر عليها هذا الفوج تجيك إذا أحد بيسوي حركات ولا يقاوم، يعني it's it's scary يعني.

وو ك- هل كان في اا أمن بشكل عام ب شهر فبراير ولا كنتوا اا يعني ظل معاكم القلق من ناحية اا-

لا لا ماكو، أمان، ردت البيوت تنفتح والبيبان مبطلة وال.

يعني اا أمان حسيتوا-

إي.

اام طيب اا ذكرت مثلا ال الجامعة عندكم كان فيها تواجد عراقي-

جبير إي.

هل زرتوا أماكن بعد التحرير اا كان فيها تواجد عراقي وشنو شفتوا فيها مثلا مدارس أو-؟

والله آنا ما ما اا ما ما تعرفين لهيت ورحت-

نعم-

سافرت لأهلي وسافرت لجذي-

اا مثلا أحد من أفراد عائلتك شاف اا أماكن اا من هالنوع أو سمعت م من ناس؟

مم م إي اا تسمعين ها اا بنادي كاظمة مدري وين أكو أماكن تعذيب وأكو م- يعني تسمعين كلام هذا كله.

شنو من الأشياء اللي سمعتها مثلا؟

مادري اا يعلقونها ميشيسوونلهم اذا ها ب بس آنا لا شفت ولا يعني.

ما م ح ما شفت شخصيا هذه الأماكن؟

لا لا ما شفت لأ.

اا اا طيب اشلون كانت مرحلة إ إعادة الإعمار مثلا الشوارع إذا كانت مدمرة اا هل كانت ال اا هالمرحلة سريعة منو كانوا الأشخاص اللي اا أعادوا الإعمار هل مثلا من الكويت أو شركات خارجية؟

س اا اا اا مم ما بخلت الكويت ابس افتلتت فلتة ها؟ لإعادة الإعمار بس يعني حمدالله الحمدالله.

اا وذكرت إن كان في اا أسلحة اا متروكة اا-

أووه م ملت الكويت سلاح-

مم.

ملت.

مثل كي- شلون كان التعامل مع هذي المشكلة؟

بالأخير الحين اللي هوا ت تسليم وتسجيل والهذا، بس قعدت مدة طويلة خطرة يعني كانت، قلت لج انا هذا اا عيالنا راحوا يابوا من اا من الجامعة إمية كلاشنكوف عندنا بالبيت مدري ها، وزعوا لي قبل-

بعد التحرير؟

إي رز- لأ أول يوم التحرير.

مم، وو اا ه- شلون مثلا اا بما إنك ذكرت هذي النقطة اا مشكلة اا الألغام؟

إي هاي مشكلة جبيرة بس يابوا شركات متخصصة إي ها، بس ليلحين بين فترة وفترة تسمعين لغم هني ولغم هناك، هذي مشكلة الألغام.

هل كان في توعية من ناحية ال الدولة-

الدولة إي-

لل لمثلا الأطفال أو للأفراد؟

خاصة اللي رايحين البر والهذا كانوا يتكلمون أي جسم غريب لا تقرب يمه ها، كان في نن.

اا سمعت حادثة صارت لأحد مثلا-؟

سمعنا حوادث وايد بس ماعرفهم شخصيا بس يعني يا أطفال يا ناس يا راعي غنم يا.

مم، وذكرت إن في اا في الجهرا كانت الأوضاع اا اا غير جيدة-

خبصة، إيهي-

اا شلون-

بس ما ما ما يعني ما مم-

ما شفت-

مو شخصيا انا.

بس مثلا بعد التحرير هل رحت اا إلى الجهرا اا شفت الأوضاع أو-؟

لا والله لأ.

اام طيب من ناحية اا أعمالك ب اا بعد الغزو اا شلون كانت اا العودة للعمل وممارسة ال الحياة اليومية؟

آه متعة، إن أمور ترجع طبيعية والهذا بالعكس كانت هذي من أسعد الأيام.

وو وشنو ال الأشياء اللي ركزت عليها من ناحية العمل، اام-

نفس شغلي اللي كنت انا قبل هذا، بس دخلنا في مرحلة الـ corporate اللي اهيا المشاريع انا دخلت هني اا اا شهر أربعة ألف وتسعمية وتسعين.

ألف وتسعمية وو-

وتسعين.

نعم، اا قبل الغزو العراقي-

قبل الغزو-

نعم-

دخلت-

آه.

بس ما تهنيت شهرين-

[العلي تضحك]-

وصار الغزو مدري ثلاث شهور ها؟ [يضحك]-

نعم، وو وو وبعد ال الغزو-

وقعدت الغزو عقب الغزو مسكتها مرة ااهم-

اا وشنو ال المشاريع اللي اللي ركزت عليها بعد الغزو؟

والله شوفي انا طلعت من الغزو، كانت اا مكاتبنا هني تحولت إلى Boston في أمريكا-

آه.

عشانن الشغل وعلى شان ميشنو وهذا فكان همي الأول اشلون أرجّع الأمور إلى الكويت-

إل- آه نعم.

فالحمدالله يعني بعد فترة- كنت أروح أمريكا كل شهر مرة.

آه، لـ Boston.

لأن كل اا موظفينا هناك كانوا-

نعم، وبعدين رجعتوا إلى الكويت-

وبعدين ش- بالتدريج رجعناهم كلهم.

اا وشنو كانت ال الم- من المشاريع اللي ركزت عليها؟

يوم رجعنا هني الكويت؟

نعم نعم.

اا كانت أكو برنامج حكومي ل التخصيص ها؟

اهم.

فأغلب شركاتنا اللي حنا نملكها دشينا في المزادات وأخذناها ب مم شيسمونه بنك برقان الخليج للتأمين ها؟ ااااه شيسمونه القرين ها؟ أكو أكو أكثر من شركة ها؟ العقارات المتحدة ال اا.

وو اا تقدر تكلمني عن هالفترة اا من ناحية العمل اا اشلون قدرت تبني كل هذا خاصة بعد الدمار وبعد اا-؟

لا حمدالله كان حنا بالوقت المناسب وكانت استراتيجيتنا صحيحة، وكان الأهم من هذا إن عندنا مساهمينا الأ- اا الرئيسيين داعمين الأفكار هذي وهما متفاعلين وياها، فهذي كلها ساعدت، بس حنا أعطيج يعني بس اا ش تعرفين، كان إجمالي الأصول للشركات ميتين وعشرين مليون دولار، اليوم ث- خمسة وثلاثين بليون-

مم.

الأصول مالت ال مجموعة، الشي الثاني كان م موظفينا مادري جم ستين سبعين بن ها؟ وصلوا إلى ستعش ألف خمستعش ألف، يعني ف اا، اتطورت المسائل الحمدالله.

هذا في بعد الغزو اا ذكرت إن اا أسرتك ظلت في لندن؟

سنتين إضافيين اا-

سنتين، بعدين اا-

ارجعوا الكويت-

ارجعوا إلى الكويت وكنتوا ساكنين في الخالدية؟

لأ الخالدية ألفين سنة ألفين.

ألفين آه وقبلها كنتوا ساكنين-

بالأندلس.

بالأندلس كملتوا في ال اا في الأندلس.

إي إي ليما ليما خلص بي- شريت قسيمة وبنيتها بالخالدية وبعدين-

في الخالدية، وو اا ظلت أسرتك في الكويت اا-؟

إي إي طول الوقت إي.

اا اا مدارسهم في الكويت اا اام-

يعني بنتي كانت خالصة Level A وهذا دشت الجامعة هني ها؟ ولدي اا دش هني اااا، private ها؟ مم مردت الحياة [يضحك] الروتين-

اا الروتي- طيب في فترة التسعينات اا مثلا غير عن نطاق العمل شنو كانت اهتماماتك الشخصية؟

أبي شاليه وخذيت شاليه [يضحك] زين ولا لأ؟

مم في وين كان وين شاليهك؟

ببنيدر، في بنيدر وو واهتماماتي شنو بعد، we travel انروح ها؟ ااا، عائلتي كانت- آنا شوفي عندي ما عندي شيين أكثر من شيين، عملي وبيتي.

جميل مم.

يعني ما عندي دواوين ربع ولا مدري شنو ولا سفرات ويا ربع- لا هذي بيتي وها، ف اا، الويكند ها؟ بالشاليه ويا اا نستانس، بال بال بال بص إذا صارت إجازة يمكن ما أقدر أقعد وياهم شهر كامل إجازة بس-

نعم-

أروح لهم أسبوع عشر تيام أقعد وياهم-

نعم-

ف الحمدالله.

وو الأماكن اللي تروحون لها بالصيف اا ظلت اا لندن-؟

تنوع إي-

نعم-

بس لندن جزء رئيسي من الموضوع بس إن أمريكا-

اا-

يستانسون نوديهم دزني نوديهم مم-

[العلي تضحك] اا طيب إذا تسمح لي أسئلك هل بعد هالفترة كلها هل اا اا طرت في طيارة شخصيا اا-؟

إي طرت سيسنا صغيرة موو مو جبيرة طريت إي-

في في وين؟

طرت في أمريكا-

مم.

وين في؟ إي بأمريكا بأمريكا-

ل ال لحد الآن ت تحب تمارس هالشغلة ولا؟

صرت جسمي شكبره اللي ما يدخل بالطيارة [يضحك].

[العلي تضحك] يعطيك الصحة والعافية-

يعافيج شسوي.

اا بس يعني ما تفكر إن ك ت تخوض هالمجال مرة ثانية أو-؟

آه، لا لا خلاص اا آنا عمري الحين جم ستة وستين سنة؟

اا-

حتى حتى التوا- حنا الحين نمشي على ريولنا التوازن مالنا [يضحك].

[العلي تضحك] اا طيب اهتمامات شخصية غير عن ال اا ال الشاليه اا عندك مثلا أنشطة تحب هوايات تحب ت اا-

هذي هذي بال بالألفين تعلمت غولف-

أوه.

ألعب غولف، أقرا قرآن آنا أختم كل شهر مرة.

آه واو.

اا أحب الطبخ [يضحك] ها زين ولا لأ؟ اا شنو بعد اا، ااه، أمشي ها؟ أحب أستانس أمشي.

اا شنو اللي استهواك في الغولف؟

الغولف لعبة لعبة رائعة، لأن ها؟ بإمكانج تلعبينها بروحج.

مم.

انتي عندج مستوى تحاولين تسوين أحسن من مستواج.

مم.

تقدرين تلعبينها واحد ولا أربعة، تقدرين تلعبينها أقدر ألعب انا ويا تايغر وود لأن تاغر وود لاعب جبير ها؟

نعم.

لكن شنو؟ إذا إذا تحطين المعدل ماله ومعدلي انا اللي تحت بالواطي، ويبت انا أحسن منه فرق على معدلي وأهو فرق على معدله أحسن منه آنا أغلبه-

آهاا.

عرفتي شلون؟

نعم نعم.

إي يعني يسوون ااا توازن بالهذا-

نعم.

ف لعبة لعبة عجيبة يعني.

ووين كنت تمارسها هني في الكويت؟

بصحارى.

آه نعم.

إي ال اا المهم.

وخارج الكويت كذلك؟

إي اا لعبت برا الكويت انا.

مم مم اا-

اا أقرب وقت لعبت فيه في ألاسكا.

آه.

ها؟

في ألاسكا؟

إي إي، ل لعبت ولا هذا الـ moose جبير [يضحك].

[العلي تضحك].

بين الشير، يطالعني جذي والله لا يي ها؟ [يضحك].

شنو سوى- شنو كانت ردة فعلك؟

ماكو ردة فعلي بس اا طقيتها جذي ورحت [يضحك].

]العلي تضحك] اام طيب اا في فترة اا قبل ال قبل لا ندخل في الألفين هذي كانت نشاطاتك اا وفي فترة الألفين اا من ناحية اا اا الشغل شنو الأشياء ال اا الجديدة اللي اا استلمتها أو اهتميت فيها من ناحية العمل؟

02:51:15 - العمل في فترة ال 2000

Play segment

Partial Transcript: هه، تعرف شغلنا مم many field و many هذا يعني يعني نهاية الثمانينات أول التسعين- نهاية الثمانين- لأ أو اا الت- بالتسعينات سوينا أو إس إن-

آه نعم مم.

عرفتي شلون يعني كانت ااا شي جديد و، بعدين بعدين مثلا we enter into education, AUK اا ها؟ اا اا مدارس عندنا كثيرة موجودة عندنا جم؟ ي ثلثتعش ألف طالب الحين أربعتعش ألف طالب ها؟ اا اا دخلنا في في البتروكيميكال ااا القرين، دخلنا- يعني أكو دائما أكو شي يصير.

في مجال التعليم اا اشلون دخلتوا في هال في هالمجال أو شنو كان القرار ل للخوض في هذا الموضوع؟

التعليم مم التعليم وحدة من القطاعات اللي فيها نمو جبير تعرفين الديموغرافي-

فعلا-

مال المنطقة كله شباب صغير وجذي-

نعم-

وبعدين الناس is willing to pay for good education-

نعم.

ف ااا هذا كان اا شيسمونه-

مم.

ف الـ AUK بقيادة دانة ال-

نعم-

ناصر ها؟ ماشالله اا became an institution-

كانت أول جامعة خاصة في الكويت؟

لأ، لأ قبلنا GUST أعتقد وقبلنا، بس كانت the most sophisticated one يعني-

على مستوى-

ويا دارموث ويا هذا اا؟ مم-

نعم.

وبعدين وبعدين بدينا ندخل المجالات الثانية ها؟ اللي هوا من kindergarten لي شيسمونه لي لي ل لي الجامعة.

جميل، اا شنو أعز مشروع لك شخصيا؟

الخليج للتأمين.

ليش؟

آنا خذيتها أو أول ما استلمناها كانت الشركة الثالثة بالكويت-

آه-

بالكويت، الحين هي الشركة الألى بالكويت، الشركة الأولى بالبحرين، الشركة الأولى بالأردن، الشركة الأولى في مصر قطاع الخاص-

مم.

يعني ب ب مسافة جبيرة ها؟ توه acquisition سويناه حق شركة آكسا الفرنسية ها؟ insurance عن عملياتها بالشر- اا عملياتها بالخليج خذيناها-

آه جميل-

It's a half a billion dollar uh transaction-

Amazing-

ف it's it's a great story.

نعم، اا شنو إهيا؟ القصة؟

الخليج للتأمين، ها؟

إي، شنو إهيا القصة؟

القصة؟ القصة how you take something so small become regional ha? became very profitable-

مم.

Became number one now الحين حنا الثالث في المنطقة كلها، بس الأول والثاني شركات حكومية يعني أعطينهم كل الشغل الحكومي-

آه [تضحك].

إي فيعني بس كقطاع خاص-

نعم-

حنا الأول-

جميل اام هل ك- هل كان عندك في هالفترة اا أعمال جانبية-؟

لي انا شخصيا؟

إي.

لأ.

م م-

آنا ما أخلط.

نعم اا ت ت-

أوكي كمستثمر عندي فلوس مثلا محطوطة بأسهم ولا شي-

نعم.

بس مو لا أتاجر ولا لا.

اا طيب ب بما إنا نتكلم عن هال هالمرحلة أحب اا أذكر اا أشياء م من من كتابك اام ذكرت اا صفقات اا مختلفة اا شنو اللي خلاك تركز على هذي الصفقات؟

حنا بالكويت كل ما تصير قضية عندنا يصير هيصة وزمبليطة ها؟

اهم.

بس مثل الغبار ها؟ بعدين ششت-

يطخ-

لا نعرف شنو الصح وشنو الغلط وشنو صار ووين صح وين-

فعلا.

فهذي كانت مجرد إن go in depth in the- بالقضايا هذي، بس to see ها؟ انتعلم منها عالأقل-

نعم.

فهذا السبب الرئيسي لكتابتي لها.

اا هذا الشي اللي دفعك إنك انت اا توضح هذي الأمور؟

إني أكتبه إني إن أسوي بحث فيها يعني ترا المعلومات مو عندي آنا، ها م كلها من بحوث ييت اشتغلوا وياي team كامل انا على الموضوع.

نعم، ااا و ومتى قررت إنك تسوي هذا الكتاب في-؟

والله ببالي صار له جم سنة ها؟

نعم، مم.

وسولفت ويا واحد صديق أهوا، ساعدني بالموضوع-

نعم-

ها؟ فقال لي ليش ما نبدي وو فعلا.

وو وركزت على ك- عدة صفقات، اا منها صفقة اا سانتافيه وو اام اا BP اا تقد- تقدر تذكر لي اا ليش هالصفقات بالتحديد ركزت عليهم؟ اام-

لأن سووا- مثل مثل ما قلت لج سووا عملية الشيسمونه إثارة-

إي.

سانتافيه-

نعم-

ها؟ سانتافيه-

نعم-

كانت الفكرة كانت الفكرة يعني اا ببساطة إن والله هاي الشركة جبيرة ها؟ في م قطاع النفطي ها؟

نعم.

زين؟ ووو إن عندها خبرات ها؟

نعم.

إن عندها خبرات وعندها جذي جذي جذي ليش ما نستملكها وتصير لنا إضافة، ما دروا إن الشركة قوية وهذا لأن جنسيتها أمريكية اليوم اللي صارت جنسيتها كويتية things changed.

مم مم.

وبدوا يطلعون قوانين قديمة ويطلعون أشياء من هالنوع اللي أثرت، ف ااا، وصار حجي ولغط جبير على سانتافيه وما سانتافيه والهذا وأكو الناس قالوا استفادت من سعرها السوقي لأن اا، ف ااا انكتب عنها-

نعم، وو وو وو اا صفقة BP؟

صفقة بي بي، الكويت عزمت تشتري حصة في وقت التخصيص كانت مارغرت ثاتشر. في وقت أزمة مالية صارت بالأسواق، هم أصرت مارغرت شاشر تكمل في الـ sale، ويقولون إنها قالت حق الكويت دشوا فيها ودشوا، وصلوا الكويت إلى عشرة بالمية اهدعش بالمية- اا وصلوا إلى عشرين بالمية من اا بي بي... ف اهني شوفي هم reverse ردوا علينا قالوا لأنكم أوبيك ها؟ هذا المفروض ما تقدرون تسيطرون ع، ف قالوا تنزلون إلى عشرة بالمية، على كل الضجة اللي صارت بالكويت العشرة بالمية اللي انزلت هذي ربّحت الكويت سبعمية مليون جنيه-

أوه واو.

باعوها.

نعم.

على إن شروها كانوا يقولون غالي وأكو ناس من اللي تكلموا هني إن هذي صفقة سياسية مضرة للكيوت وال اا، بالأخير اربحوا فيها-

نعم.

كان أكو قرار شجاع.

اا جميل، اا طيب ال الاستثمارات الأسبانية للي لي لليسمع التسجيل شنو اا إهيا إذا تقدر تشرح لنا إياها؟

إي، اا شوفي شوفي إنج تصيرين مستثمر ها؟ إنج تصيرين مستثمر تشترين في شركة غذائية ولا شركة مدري شنو اا بس ما تديرين إس you have no experience- همّا راحوا يسمونها direct investment راحوا شروا أكبر شركة ورق وأكبر شركة ميشنو وأكبر شركة ميشنو ها بس who manage it? حطوا crook هناك to manage it-

أوه.

زين ولا لأ؟ فصارت هذي اختلاسات ولعب وفلوس و-

وكانت خسائر اا-

خسائر جبيرة إي.

في الصفقة ال الأسبانية، اام طيب اا إذا تذكر لي اا عن صفقة كيداو، اام-

صفقة؟

كيداو.

إيي الداو.

مم.

يعني هذي حرام، number one الفكرة ها؟ الفكرة صح، كنا نبي يلعبون دور أكبر بالبتروكيميكال والأشياء من هالنوع لأن حنا انصدّر نفط خام-

فعلا.

You have to do added value، ها؟

نعم.

و added value هذي اا عاد هي صح التكنولوجيا غلط هذي I'm not فني بس هذي تقارير فيها-

نعم-

الناس اللي قالت عنها، بس أحد يوافق على صفقة ويدري فيها penalty two billion dollar إذا ما مشيت بصفقة وبعدين يرفضها؟ يعني كنك تعطي عطية بليونين دولار-

نعم.

حق الشركة ال اا، يعني هذي غلطات اا حتى يمكن البسيط ما يغلطها-

نعم، ااام طيب اا يمكن انا ذكرت قبل لا نبدي المقابلة موضوع المنطقة الحرة، ااا اا-

انبنت غلط.

مم.

يعني منطقة الحرة ها؟ المفروض إنها عشان تساعد إعادة التصدير وتسوي الأشياء والهذا-

نعم-

اتحفز ال الاقتصاد ها؟

مم.

بس هذي كانت real estate business.

شنو ال اا what went wrong [تضحك] نقدر نق-

اا ال الك ب الدولة ما قالت شنو تبي بالضبط-

مم.

فخلت المستثمر يفكر بأحسن شي له.

مم.

فما ما تماشى ويا- عدوا مخالفة عدوه وسحبوه منه و.

و اا وينهم الحين شنو الوضع الحالي؟

أعتقد قانونيا أو شي من هالنوع بينهم.

اا طيب من ناحية المشاريع الحالية في الكويت اا-

أي مشاريع؟ [العيار يضحك]-

[العلي تضحك] قلة المشاريع تقدر تكل-

لا لا لا أكو مشا- إي قولي إي.

شنو المشاريع اللي ان- اا خن نقدر نقول فيها أمل أو متأمل فيها شخصيا؟

والله ما ما ما ما ما ما سمعت شي ليلحين عطاني الأمل- يعني كان في توجه علي ألفين وخمسة وثلاثين هذي ها؟ يعني حتى ال ها اي... يحز بالنفس أكو كانت الكويت pioneer بـ many thing ها؟ قبل خمستعش سنة، ح نزلوا مناقصة ها؟ حق منطقة ستة في ستة كيلوميتر يم العبدلي-

أها.

ها؟ أو ب يم ال ال يم العبدلي إي عشان تخدم السوق العراقي، فكرة جميلة- وكانت تقدر تنفع الكويت ها؟ تنفع الكويت، اا محاميين الكويت يقدرون يشتغلون ال ال ال ال المحاسبين يقدرون يشتغلون البنوك تشتغل التأمين يشتغل كله- وعراقيين كثير ها؟ بإمكانهم يتمركزون هناك لأن الأجواء العامة بالكويت ها؟ اا مريحة يعني-

نعم-

عندنا infrastructure ها؟ مع الأسف الشديد، رست المناقصة ورست علينا حنا واحد من الناس اللي مجموعة- ومجلس الأمة وقفها.

ليش؟

انتو تعطون أراضي مالت الدولة و و ل ل ل المهم خمستعش سنة، الحين يفكرون يسوونها، يعني راحت خمستعش سنة ويس الناس طارت بأرزاقها، ها؟ أردن ما سوريا ومدري منو كلهم سووا اا similar وهذا-

Yeah.

بس حنا كنا أفضل مم مكان.

شنو في رايك السبب اا-

لا كانت الأوضاع السياسية كانت نظرتهم للمستثمر والهذا نظرة نظرة إن حرامية ويبون يبوقون ويسرقون ويسوون.

مم اا هل عندك أمل في المستقبل ال القريب اا تغير الأوضاع؟

يعتمد عالقيادة. أتكلم عن قيادة رئيس مجلس وزرا، لازم يكون firm ويعرفون ويسوون ويمشون ماكو دولة بالعالم تطورت مثل سنغافورة وماليزيا ها؟ وهذوله إلا برئيس وزرا ها؟

نعم نعم.

قادر عنده رؤية ها؟ يطبق نظام يمشي.

جميل اا، اا اا طيب اا قبل لا ننتقل من كتابك اا-

[العيار يضحك[.

شنو أكثر اا اا موضوع اا تناولته في الكتاب أكثر موضوع خن نقدر نقول واجهت فيه صعوبات من ناحية البحث أو من ناحية ال ال اطلاع، اا شنو أكثر الموضوع من هالمواضيع؟

لأ مو أكو أشياء جانبية يبتها آنا مثل الكويتية مثل المدري شنو-

آه نعم-

ضياع الفرص ما، ما عطيتها حقها.

آه، اال اا هل مثلا تتمنى إنك انت تكون اا متفرع فيها أكثر أو-؟

لا لا لا مدام إني جبتها- المفروض إني أكون أكثر depthفيها-

نعم، اا في شي مثلا تحب تضيفه عن هال اا هالموضوع عن موضوع الكويتية-؟

لا لا لا ما وين الحين وين ما عندي الها، بس قصدي فيها إن مدام واحد سوى بحث وحط يعني هذولاك كان فيهم وايد depth-

نعم، ااا اا طيب غير عن اا عن الكتاب ذكرت إن نقدر نرجع لمرحلة الطفولة اللي تكلمنا عنها في ال في الفترة السابقة اا في م- في شي ثاني تحب تضيفه حق مرحلة الطفولة؟

مو الطفولة مو قلت لج عن ما-

أو مرحلة الشباب؟

ما الما المطاعم ها؟

[العلي تضحك] نعم.

كان اللي نروح له الكنافة-

إي.

اسمه جبري.

جبري آه.

إي ها؟ والحين موجود في الأردن هو جبري ها؟ كان حق نروح للكنافة حب بالأعياد وما أعياد، والثاني اللي اللي عرّف الكويتيين على الهمبرغر اسمه هارون الرشيد.

هارون [تضحك].

ها؟ عال ع في فهد السالم أثنيناتهم في فهد السالم-

اا هل كانوا يعني من جنسيات اا معينة-؟

إي هذاك أردني والثاني هارون الرشيد مادري منو مالكه بس إنه يقولون لنا هذاك الوقت يابوا لحمة د [يضحك] مدورة [يضحك]-

[العلي تضحك] ما كانوا يسمونها حتى إن همبرغر-؟

لا لا قالوا لنا علمونا همبرغر إي، همبرغر إي.

هل تذكر اا بما إن قعد نتكلم في هالموضوع أماكن ثانية اتروح لها مطاعم اا يعني حتن فترة عقب هالفترة مثلا؟

لا لا ق قاعدين اا تعرفين الكويتيين اا حنا كنا نروح مثلا عندنا أكو مطعم بو خليل ها؟ هذا يسوي سندويجات ها؟ ااه شاسمه في الديرة هني-

إي.

تشوفين طق مطاقق عليه ينطرون السيارات جذي.

سندويجات شنو؟

أشك- مشكلة شورما مدري شنو اا- ذكرتيني بواحد من الربع م من المسعورين الأكل-

إي [تضحك].

شتبي يا فلان تاكل؟ جان يقول شعندكم؟ قالوا عندنا جذي وجذي وجذي وجذي وجذي جذي وجذي، جان يقول وحدة من كل وحدة [يضحك]-

[العلي تضحك] وأكلهم؟

إي أكل [يضحك]-

اا طيب بعدها افتحت مثلا مطاعم فاخرة في فنادق أو اا-؟

إي لأ شوفي اللي علمنا عالأكل الصيني ها؟ ه هذاك الوقت اا شاسمه؟ أستغفر الله يا- سيزر-

آها.

تعرفينه سيزر؟ سيزر هذا علمنا الأكل ال اا شيسمونه الصيني تعلمنا منه، اا أكو الياباني علمنا ياه اللي بالهيلتون كان ها؟ أكل ياباني تعلمناه، منو بعد ااه... ولبنان لبنان لما نروح كنا انتعلم من اا هناك.

اا طيب اا اتحب تذكر أي- أو تضيف أي شي عن مرحلة الدراسة في أمريكا شي مثلا آنا غفيت ما سألت عنه أو؟

إي إي إي إي لا يم قصدي أمريكا كانت إيه ااه س اا... كنا في اا منطقة اسمها بيغسبرينغ تيكساس، هذي حتى مو بالـ map الخريطة [يضحك] من كثر ماهي صغيرة وكل أبو اللي يشتغلون بالمدينة ها؟ يشتغلون بالقاعدة. حتى يوم سكروا القاعدة بعدين احتجوا أهل المدينة لأن كلهم عزلوا يعني ها؟ ف كنا عشان نروح هذاك الشباب نبي نروح نسهر مرقص مادري شنو نحتاج نسوق خمسين mile، إلى ميدلاند، ها؟ و وعشان الطريج طويل ونر- متأخر بالليل انّام في ميدلاند [يضحك]-

[العلي تضحك]-

ونرجع ثاني يوم الصبح.

نعم، اا شنو مثلا أكثر اا شي تعلمته من فترتك بأمريكا درس سواء م من ناحية اجتماعية من ناحية ال ال الحياة اليومية؟ شي ما تعلمته بالكويت مثلا.

يعني تتعلمين اا النظام تتعلمين عرفتي شلون؟ اا ااه، تعلم على أكلهم [يضحك]، ها؟ لا بس يعني قصدي الشعب الأمريكي ترا بسيط اا وو ثقافته يعني محدودة بديرته-

نعم.

يعني معلومات عامة م- بس اللي عجبوني انا الأمريكان يعجبوني dedication- يعني لما يجينا الـ instructor مالنا ها؟ و خ- عقب د إيي يقول لنا هذا رقمي عقب الدوام إذا عندكم أي مشكلة ولا تبون اتعرفون زيادة ولا شي كلموني ها؟ اا very dedicated بهالمواضيع هذي.

نعم، اا هل اا واجهت صعوبات لما رجعت للكويت مثلا أشياء اا تعلمتها وارتحت لها هناك بالكويت ما لقيتها من مثلا من ناحية الأهل أو من ناحية ال ال العمل؟

لا.

ما ما حسيت في هذا ال ال اا الفرق، اام طيب أي شي تحب تضيفه عن م مرحلة الغزو اا؟

[العيار يضحك] أزيد من اللي قلته؟

ما ما جميل اا جدا طبعا لكن-

عسى إنشالله-

نعم.

اا ذكرتينا انتي بهالأيام هذي أووه.

اا نعم، اا طيب اا اا قبل لا نختم اا اا المقابلة اا في شي ثاني تحب تضيفه اا من ناحية العمل ال ال اا المشاريع الحالية اللي تقوم فيها أو حياتك الشخصية حاليا؟

ماكو يعني إذا انتي عندج شي إضافي انتي سمعيه وكل شي-

نعم-

إذا أكو- يعني تبين هذا نحاول ااا، آنا الحمدالله حمدالله، I was blessed، يعني I bless by family ها؟ حمدالله ز زوجتي انا وياها الحين متزوجين أربعة وأربعين سنة، زين ولا لأ؟ ااا blessed بعيالي وأحفادي اللي أشوفهم، blessed بالـ career مالتي يعني آنا رحت إلى شغلة بالصدفة ق شرحت-

نعم-

لج ياها، طيار و وكنت جيد كطيار يعني ك عندي عندي كانوا آنا أصغر واحد اللي مرشحيني أصير ااا يصير مدرب ها؟

نعم.

I changed my career in very risky time و risky على اا risky على عيالي و risky على career مالتي-

نعم-

لما طلعت من الجيش ورحت للمناخ، وانتكاسة المناخ، والشغل ويا الأهل-

نعم.

يعني هاي تغيير بالـ careers والهذا-

Big shift.

Big shift وبعدين رحت الـ corporates اللي اا موجود آنا فيها وهذا، اا الحمدالله، حمدالله.

حمدالله.

يعني all this ride ها؟ I don't regret anything.

أوه، جميل جدا.

[العيار يضحك].

ااا اا شكرا.